 |
البارت الثالث والثلاثون
خادمتي ولكن
💗💗💗💗💙💙💙💙💚💚💚💚💚💚
محمود بعد كل الامور ما اتصلحت بينه وبين بهاء وفاطمه ... وعز .......
بهاء : قومى يا فاطمه ... اعملى لنا عصير من ايدك ...
محمود : ممكن يا عمى ... بعد اذنك قبل ما فاطمه تقوم .. عايز ارجع لها ..
فاطمه : انا كبرت على الكلام دا ... انا خلاص سامحتك .. وبنتك .. لما تيجى ها أكلمها ... عشان خاطرك ..
محمود : انا عايزك انتى وبنتى ارجوكى خلينا نكمل الا باقى من عمرنا مع بعض ...
بهاء : أسمعى كلامه يا فاطمه ... انا مش ها اعيش ليكى انتى وبنتك ... وانتى محتاجه سند ليكى يا حبيبتى ... خليه يعوضك عن الا شوفتيه منه ومننا ... ومن الدنيا .. وبعد جواز بنتك لازم يبقى فى راجل فى ضهرها تستقوى بيه لو حد فكر يجى عليها ... ومفيش أهم من الاب فى الوقت دا
فاطمه : بس يا بابا ... انا
بهاء : مفيس بس ... ارجعى لطاليقك ... وبنتك فى حضنك ...
فاطمه : حاضر يا بابا الا تشوفه
عز : بيضحك ... الله أكبر
محمود : بفرحه تسلم يا عمى ... وقام باسه ... ورايح على فاطمه يبوسها
بهاء : ولد ... اقعد واحترم نفسك ... سايبه هى والا ايه .. لما تبقى مراتك وفى بيتك
محمود : قعد تانى ... وهما كلهم بيضحكو ... وبيقول يا صبر ايوب ... طيب اروح اجيب المأذون
عز : ياخى اتهد .. انت بقيت عامل زى الشباب المراهقين كدا ليه ...
بهاء : مش لما تيجى بنتك ... وترجعو عيله .. كلكو .. وتوافق هى كمان ...
محمود : هى فين صحيح ..
فاطمه : راحت فيلا مروان السمرى ..
محمود : بتعمل ايه هناك وعرفته منين
فاطمه : روان مراته صاحبتها فى الكليه ... ورايحه لها تقعد معاها هى وروكا ... وتديها المحاضرات وجايه ... واه ... شريف اخووو عز متقدم لها .. وهى موافقه وانا كمان ... بس بابا .. الا قلقان شويه ..
محمود ؛ مقولتليش ياعز يعنى
عز : هى جت فرصه ... وعلى فكره بيحبها .. وهو سبب رجوعهم هنا ... لانه اتقدم لها وهو ما يعرفش هى مين اصلا .
محمود : بس شريف اخوك مش مضمون ... وبتاع بنات ولا فى دماغه ... وخرابها هو ومازن اخو مروان ... انا عارف عنهم كل حاجه ..
عز : ياخى سيب واحد غيرك يقول كلام غير دا ..
فاطمه : احنا عارفين الكلام دا كله ... والولد اتغير .. وبيحب هدى وهدى كمان بتحبه ...
بهاء : سبولى انا شريف ... انا كمان موافق .. بس اربيه شويه ... والبنت نشبع منها ...
محمود : الا تشوفه يا عمى .... ماشى ياعم عز
*****************
شريف : انا مبسوط قوى انى اخيرا شوفتك ... وكمان قاعدين براحتنا ...
هدى بكسوف : وانا كمان .. عامل ايه
شريف : ها اتجنن من غيرك ... خلاص انا عايز اتجوز .. مش قادر أستنى ...
هدى : انا وافقت نقعد مع بعض عشان عايزا اكلمك فى الموضوع دا ... انا ملحقتش أقعد مع جدى ولا وبابا ... فا مش عايزا اتجوز على طول ... نفسى أشبع منهم ... اتحرمت منهم عمرى كله ..
شريف : طيب وانا ... والله انا مش ها احرمك منهم ... وها نزورهم كتيررر ... بس الفرق انك ها تباتى فى حضنى ..
هدى : وشها إحمر .. انا مش ها اقدر اتجوز دلوقتى .. صدقنى .. على الاقل سنه .. وبعدها نتجوز
شريف : سنه .. كتير قوى .. ليه كدا ... انا حبيتك قوى يا هدى .. وبتمنى اليوم الا ها يجمعنا ببعض ... هدى بصيلى وانا بكلمك ... انتى ها تقدرى تبعدى سنه كامله .. عنى .. دا انا ماصدقت انك بدئتى تقربى منى ...
هدى : احنا ها نبقى مخطوبين ..
شريف : مش كفايه ... دا مروان اتجوز روان بعد ماعرفها بيوم واحد ...
هدى : روان ظروفها مختلفه عنى
شريف : ولو ... هى عشان عايزاه ما قالتش لاء على الجواز ولو قالت كان من ورا قلبها ...
هدى : معلش يا شريف ... انا مقدره انك عايزنى مراتك ... بس بجد انا دلوقتى محتاجه أهلى أكتر .. انا عشت سنين .. بحلم بقربهم دا ..
شريف بخبيبة أمل : براحتك ... انتى حره .. اظاهر انى أستعجلت قوى ... او حبيتك وانتى مش قادره تبادلينى الحب دا ...
*******************
اسلام : 😂😂😂😂 انتى دمك خفيف قوى ..
روكا : متشكرين ... يا اسلام كدا حلوو
اسلام : جدا ... بلا القاب ... بلا خنقه .. فوكى كدا
روكا : ماشى .. ماشى المهم ها تقبض على سوكه أمتى ...
اسلام : إدينى العنوان وملكيش دعوه .. سبيه عليا انا الموضوع دا ....
روكا : العنوان .15 ش ... ... ....
اسلام : بيسلم عليها .... كدا بقى احنا اصحاب
مازن : دخل عليهم .... ايه ماتاخدو بعض بالاحضان ... أحسن ايه يا حجه نسيتى نفسك
اسلا : يابنى أنت ايه حشرك ... أنت مالك ..
مازن : يعنى ايه انا مالى ... وبيبص لروكا الا سايبهم وخارجه ... وبتتاجهله ... مسك ايديها تعالى هنا مش بكلمك انا ...
روكا : سيب ايدى ... ومتعلقش على تصرفاتى تانى ....وكمان دى حاجه ما تخصكش ...
مازن : مش عارف يقول ايه ... لا يخصنى ... انتى هنا فى بيتى ... وتخلى بالك انتى على تصرفاتك .. عشان المسخره دى ما تعحبنيش
اسلام : عيب كدا يا مازن انت بتقول ايه انت
مروان : اتدخل ... انت ذوتها قوى بطل جنان بقى ...
مازن : مش عايز يسيب ايد روكا الا واقفه مصدومه ... وشدها جامد ... وبيقول .. لا مش ها ابطل .. ومحدش له دعوه .. وتعالى انتى بقى .. وطلع على برا بيها ...
روان : وقفت قدامه ... سيب ايديها عيب كدا
مازن : مش ها اسيبها ... ماهى كانت ماسكه ايد الباشا من شويه ... والا حلو ليه ووحش ليا ...
روكا : اتعدلت قدامه ... وادته باالقلم .. مره واحده وسط دهشت الجميع ..
روان : حطت ايديها على خدها ... وبتغمض عين وبتقتح عين .. وبتقول كدا ها تتطربق فوق دماغنا
روكا : شدت ايديها جامد من مازن ... وطالعه تجرى على برا ... ومازن واقف مصدوم ... فاق من صدمته وبيجرى وراها ... مروان واسلام منعوه بالقوه ...
مروان : اوعى يا أسلام ما تتعبش نفسك ... دا لا ها يسمعك ولا بيحس هو بيعمل ايه
مازن : مجنون انا ... وربنا لأرد لها القلم 10 ... بنت ال ... .وطالع
مروان : قرب عليها ... وشاله على كتفه وطلع بيه على فووووق ... ودخل بيه الاوضه وقفل عليهم الباب ... .
مازن بعصبيه : سبنى يا مروان عجبك الا عملته ... اخرتها انا اخد قلم من واحده زى دى
مروان : مالها دى ... انت عايز منها ايه والا عملت فيك ايه تخليك تدايقئها بالكلام كدا ... لو هى مدت ايديها ... عشان انت اتطاولت عليها كتير وهى ساكته وبتحاول تتجنك وانت مش عاوز ...
مازن : هى مدايقانى ... وانا متغاظ منها ... فاكره نفسها ايه دى هبله ومتخلفه ...
مروان : خلاص ملكش دعوه بيها تانى ... والباب خبط ... وكان أسلام ...
مروان : ادخل تعالى ... وقفل الباب تانى عشان ما يزعجش أهل روان ...
اسلام : ايه يا عم الحمقى أنت ... ما تهدى لازم توصل الا مور لكدا يعنى
مازن : اسلام ... مدايقنيش أكتر .. أنت أصلا عمال تضحك وتهزر معاها ليه ...
أسلام : بمكر .... وانت مالك ... مش قولتلك عايز اتجوز تانى واروق نفسى هى تخصك ..
مازن : بعصبيه نعم حضرتك ... اتجننت والا ايه .. ما البنات ماليه البلد حبكت دى ...
اسلام : ايوا حبكت ... جميله .. وشقيه كدا ... وبتاخد الامور بباسطه ... انت ايه الا مدايقك
مازن : بيبص لمروان .... الا واقف ساكت ... وبببص لاسلام ... ياله بقى أطلعو برا انا عايز أفضل لوحدى ..
مروان : ياله يا اسلام ... وخرجو الاتنين ... وبيبصو لبعض ويضحكو ....
اسلام : تقلنا العيار عليه شويه
مروان : سيبه يتربى ... اخويا وعارفه ...
أسلام : بس روكا زودتها الصراحه ... دا ادته حتة قلم
مروان : انا قلبى واجعنى عليه ... هو كدا ها يتعلم ان يبقى فى حدود فى الكلام ...
اسلام : طيب هو بيعند ليه ... واضح انه بيحبها ... وعايزها وبيموت من الغيره عليها ...
مروان : حياته كلها عك وقرف ... وكان كل يوم فى حضن واحده شكل مش سهل ابدا تقوله تعالى حب و أعمل بيت واسره صعب طبعا ...
اسلام : عندك حق ... بس الاتنين دول بالدماغ دى ها يعانو مع بعض ...
مروان : الحب ... هو الا ها يخليه سهل ... ولسا خارجين على الجنينه لروان وشريف وهدى .... مازن نادى على مروان ...
مروان : لفه ليه نعم
مازن : انا عايز اتجوزها ...
مروان واسلام اتصدموووو ....
اسلام : بيضحك عايز تخطفها منى حقود انت يالا ماتحبش الخير لغيرك
مروان : بالسرعه دى
مازن : اه ... وزى ما اتجوزت روان على طول ... انا عايز اتجوز على طول
اسلام : ماتهدى ... فى ايه
مازن : مفيش ... بس انا بحبها وعايز اتجوزها ..
مروان : حط ايده على كتفه ... طيب اهدى وفكر ... وبعدين نتكلم ...
مازن : لاء انا فكرت ودا قرارى ... هاااه ..
مروان : براحتك ... وخرجو كلهم ... لقو روكا قاعده بتعيط ... وروان وهدى بيهدو فيها ... بعد ما مسكوها وقعدوها بالعافيه ... وشريف بيحاول يعرف فى ايه ...
مازن : بيبص عليها ... وبينه وبين نفسه ... اه كالعاده ضربنى وبكى ... والله لادوقك المر ... بس تقعى تحت ايدى .. ها اردلك القلم ألف ... راح عندها ... ومسك ايديها .. كلهم تنحو ... ماعدا مروان واسلام ..
مازن : ممكن تقومى معايا عايزك
روكا بتبصله ... اوعى ايديى ...
مازن : طيب قومى ... ها اتكلم معاكى شويه على انفراد ... ممكن ..
مروان بص لها : قومى واسمعيه ...
روكا قامت ... ومازن خد كرسين وبعد عنهم شويه ... وقعدو قصاد بعض ... هى بتبصله وهو بيبص لها ...
مازن : انا مديون ليكى باعتذار وانتى كمان ... وقبل اى حاجه ... انا أسف .. انى اتعاملت بالاسلوب دا معاكى ...
روكا بطيبه متناهيه : وانا كمان أسفه انا مش عارفه انا مديت ايدى عليك ازاى ... ما تزعلش ... .
مازن : مش زعلان ... بس عايز أقولك على حاجه ... بطلى عياط عشان منظرك بقى بيئه
روكا : الله ... ماكنت ماشى حلووو
مازن : خلاص ... خلاص ... انا بحبك
روكا بصدمه : نعم يا أخويا ... بت ايه
مازن : هو انا بشتمك يا هبله انتى ... والله أسيب دهلز عليكى يأكلك ... ويريحنى منك
روكا : هو انت عندك انفصام فى الشخصيه ...
مازن : اه ... الصبح ببقى مازن ... واخر النهار عبله كامل ...
روكا : 😂😂😂😂 انت عايز منى دلوقتى
مازن : اتجوزك ونتلم انا وانتى ... بدال ماحد يلمنا ...
روكا : انت بتتكلم بجد
مازن : بهزار مش مصدقه نفسك ... أصلك ماتعرفيش انا باجى بالضرب ... اه وربنا ... أضربى القلم التانى ها تلاقينى كاتب الكتاب عليكى ... تحبى تجربى
روكا بصاله وساكته ...
مازن : ايه ... قولتى ايه
روكا : قولت ايه فى كلام كله مش منطقى وجنان فى جنان لا طبعا
مازن : انتى فى حد فى حياتك ...
روكا : ولا حد ولاسبت ...
مازن : بهزار خلاص نخش فى يوم الاتنين على طول ونوفق اتنين فى الحلال ... انا بكلمك بجد ... بصى يا سيتى ... وبدء يركز فى عنيها قوووى .. ودا اربكها جدا ... وخلاها مش فى حالتها الطبيعيه ... انا حبيتك من اول يوم شوفتك فيه ... ومش قادر أشيلك من دماغى ... كل تصرفاتك عاجبنى وبحبها ... ولما شوفت اسلام بيهزر معاكى ... موت من الغيره عليكى ... عشان خاطرى وافقى ودا الا خلانى عملت كدا
روكا : قاعده فى عالم تانى مش مصدقه نفسها ولا اى حاجه ... هو ايه الا بيحصل ... معقول ...
روكا : انا لازم أمشى بعد اذنك ...
مازن : مسكها بسرعه ... استنى ... انا ها أجى اتقدم ... واخش البيت من بابه ... عشان خاطرى ما ترفضيش ...
روكا : سابته ... ومشيت ... وهى مغيبه وتايهه ... وخدت هدى وشريف أصر يوصلهم .... ومشيو التلاته .. واسلام كمان استأذن ومشى ....
روان : أفهم بقى فى ايه ...
مازن : قرب عليها ... ومسك خدها ... فى جواز يا قطه
مروان ضربه على ايده ..... ياخى أحترم نفسك ... هو أنت لازم تتكلم بأيدك وبوئقك ...
مازن : هههههههههه بيغيررر ياقمر .. شوفتى قولتلك جه على بوذه ... خطفك منى وربنا ....
مروان : يخربيت هبلك ... ما تتلم يالا ...
مازن : ايه ياعم محدش اتجوز ... غيرك ... ثم تعالو هنا ... هو ماندو كل شويه ها يقفشكو ... مع بعض 😂😂😂😂😂 يأخى أتلم أنت وشوف حته تلمكم ...
روان : 😂😂😂😂😂😂 عكتها ... وربنا بعد الا ها يحصل ... انا فرحانه فيك ...
مروان : مسك مازن جاااامد ... انت بتقول ايه ... ويقفشنا ازاى يعنى
مازن : بخوف مصطنع ... مش قصدى
مروان : بيضربه على راسه ... انت تعكها وتقول مش قصدى ... وماندو الكلب دا ... لازم يحكيلك على كل حاجه
مازن : 😂😂😂😂 ابنى ضنايا .... كبدى من جوا ... صحيح أد البغل ... ويقطع منى اتنين ... بس انا اتبنيته خلاص ...
مروان : انا عارف انك فى الترواه ... مهما كلمتك البيعد مابيحسش ... وبيقلد روان ... منه له ... منه له ...
مازن : بيبص على ايد مروان ... وبيبص على السقف ... ووجهه نظره لروان .... وبيقول لها وهو مغمض عين ومفتح عين .... تفتكرى أخويا أتلبس ... هو بيكلم مين فى السقف ...
روان : 😂😂😂😂😂😂😂😂 وبعلو صوتها ... منه له ... وسابته وطلعت على فوق ... ووراها مروان ...
مازن : واقف ... ورافع صوابعين ... وبيقول الاتنين أتلبسوووو 😂😂😂😂
****************
روكا داخله الفيلا .... هى وهدى وشريف .... واتفاجئو بالتجمع ليهم كلهم ..... سلمو على بعض ...
هدى : راحت عند والدها .... وبتبص له ... ومره واحده عيطت ... وبتقوله ... انا أسفه يا بابا انى كلمتك بأسلوب وحش وكمان انا من زمان نفسى أعرفكم عكس الا كل الكلام الا قولته كله ...
محمود : حضنها جاااامد .... وبيبوس فيها ... انا الا أسف ... انتى كان عندك حق فى كل كلمه ... بطلى عياط عشان عندى ليكى خبر حلوووو
هدى : بتبص له ... ايه
محمود : ماما وافقت ترجعلى ... وخلاص ها نعيش مع بعض ...
هدى : بجد بس انا عندى شرط ...
كلهم انتبهو لها ...
هدى : مفيش جواز ... قبل ما أقعد معاك شهر ... عشان فطوم ماتخطفكش منى ... وبتحضنه جاااامد ...
كلهم ضحكو ... من طلب هدى الطفولى وبتتعامل كأنها طفله ... مش انسه كبيره ....
محمود : بادلها الحضن جاااامد .... وانا موافق ياستى ها تيجى تقعدى معايا ...
هدى : بتبص لجدها ... ممكن ياجدو ...
بهاء : ممكن ياا قلب جدو ... .... وانا بقى ربنا يصبرنى ....
وقعدو كلهم مع بعض بيتكلمو فى كل حاجه ... ومحمود طلع صور ولاده الاتنين .... عز وعلاء .... وبيوريهم لفاطمه ... وهدى وروكا ... الا حبها جدا ...
شريف : انا مبسوط ان ربنا لم شمل العيله كلها ... وقام سلم على محمود ... مبروك عليك رجوعك وسطنا ... بعد اذنك ياعمى انا ماشى عايزين حاجه ...
بهاء : مستعجل ليه انا قولت ها تفضل للصبح
شريف بزعل : ملوش لزوم ... نسيبكم براحتكم .. مع بعض ...
عز : ياله انا جااااى معاك ...
بهاء : ابقى هات ادم وتعالو كلكم .... مش لازم نعزم
عز : حاضر يا عمى ... ومشيو .. وهدى عارفه ان شريف مدايق جدا .... وبدأت تدايق وتعيد النظر فى انها قالتله الجواز بعد سنه ....
روكا : جدو ...
بهاء : عيون جدو عايزا ايه يا أمرتى ...
روكا : وكلهم منتبهين معاها ... فاطمه ومحمود وهدى ...
انا جالى عريس ....
بهاء : مين دا ...
روكا : السمج ياجدو ... عايز يتجوزنى ... فطوم مازن عايز يتجوزنى تفتكرى بيحبنى زى ما قالى ... كلهم ضحكوووو .
. وروكا بتضحك معاهم ...
روكا : ايه طيب ... نوكته صح ... الواد كل ما يشوف وشى ... بيتجنن ... وشويه شويه ... ها يعمل شقلبظات ويجبنى من شعرى .... ودلوقتى عايز يتجوزنى
بهاء : وانتى عايزا ايه ...
روكا : الصراحه ... ياجدو ... انا حاطه عينى عليه من يوم جالنا عند فطوم ... وبتوطى صوتها بس مش عايزا أقولك ... وقعت زى الشوال تحت رجله ... وبرستيجى كله راح ... وبتعلى صوتها ... راح ...
بهاء : عملتى ايه بقى ساعتها ...
روكا : يالهووووى يا جدو ... كنت ها أمسك فى رقبته أخنقه ...
كلهم : 😂😂😂😂😂😂😂
بهاء : طيب هو ماله ...
روكا : ياجدو ... الواد عيونه حلوه ... وانا وربنا ... ماشيه وشايله العصير كأنى طالعه للعريس وهو مركز معايااا شويا شويا ... ها يقوم يقعد على الصنيه ...
كلهم : 😂😂😂😂😂😂
محمود : انتى مشكله ...
فاطمه : روكا دى فاكهة البيت ...
بهاء : يعنى انتى بقى عايزا تسبينى انتى كمان ... اعمل ايه انا من غيركووو كلكو ...
روكا : لا ياجدددو .... انا أقدر ... صحيح الواد حلو وبتبص لفاطمه الا بتضحك ... اه وربنا ... وعسل كدا ... وكمان طلع على رأى هدى ... حيححححح
بهاء : انتو وصلتو لحيحححح ... يابت عيب
روكا : عيب ايه بس يا جدووو .... بقولك الواد عسل ... لا يقاوم وربنا ... بس عشان خاطرك نقاوم واعنس ...
بهاء : لا ياحبببتى ... مش هاتعنسى ها نجوزك ليه ... انا ميرضنيش ابدا ... ها نجوزك الواد العسل بس اتقلى ..
روكا : ليه يا جدوووو ... اتقل ليه ... وانا مفيش حواليا كتيررر ... ارجوك أوعى يطير
بهاء :😂😂😂 يطير ويجى غيره ... احنا ورانا حاجه ...
روكا : ماتقولو حاجه يا جماعه ... انتو قاعدين فى المسرح ... تتفرجو وتضحكو ...
محمود : خلاص ياعمى ... وافق بقى
روكا : ايوا خلاص ياعمى مايبقاااش دماغك ناشفه ... واه وحيات عيالك ياشيخ ... تعالى أقنع حينان وعبدالله .. اصل حينان دى صعبه قوى... وممكن تؤرمنى قرمه تجيب أجلى ...
فاطمه : 😂😂 يا روكا عيب مامتك ... حبيبتك ...
روكا : لا يافطوم انا أكتشفت انها مرات ابوياااا ... اه وربنا ... وابويا يبقى جوز أمى ..
بهاء : ضربها بهزار ...انتى مشكله ...وشكلهم بيعانووو معاكى قومو ياله ... فركش ... وانتى ياستى ها اسافر معاكى ومع فاطمه ... عشان أقنع حينان وعبدالله ... وكمان أقعد معاكو فى شقة بنتى اسبوع الا هدى ها تبقى فيه عند محمود ونهون بعدها عنا شهر بحاله ... وانتى يا أميرتى ... قومى جهزى شنتطك ... عشان تروحى مع بابكى ... ياله
هدى : حاضر يا جدو .... وطالعه .... روكا طالع وراها ... جرى .. وبتقول لها ها انتجوز اتنين اصحاب بعلو صوتها ... وهما بيضحكووو عليها .....
*******************
حكمت : بتكلم مروان ... عشان تتطمن على روان ... وتشوف اذا كان قدر يوصل لأى أخبار عن نجلا ... وبعد ما اطمنت منه انه فعلا مش ساكت وبيحاول يوصل لها ... وكلمت روان ... وقفلت ... دخلت اوضة نجلا ... وهى بتعيط ... نفسها تشوفها ... او تسمع صوتها ... تتطمن عليها ... بنتها عمر ما كان فى قلبها جفا من ناحيتها ... ايه الا حصل
******************
مروان : بعد ما روان طلعت وهو طلع وراها ... حط ايده على بقئها ... وشدها على اوطته ودخل وقفل الباب ...
روان : انت بتعمل ايه أنت
مروان : مش عارف اتلم عليكى ... وكمان ها تسافرى .... ها اعمل ايه انا من غيرك ... اعيش ازاى انا دلوقتى وبيداعبها بمناخيره ... ومحاوطها بايده .. وبهمس ... بحبك .. وقرب من شافيفها ... ولسا بيقرب أكتر وهى مغمضه عيونها وقلبها بيدق ...
مازن : فتح الباب .. مروان ... انا ... اوبس ... انا مش هنا .. .
مروان : اتعدل بعصبيه ... انت حمار انت .... ياغبى فى اختارع أسمه خبط على الباب .. يابنى ادم ...
روان : اتسحبت وخارجه على برا ... وجريت على اوضة ريم ... دخلت وقفلت الباب ...
مازن : راح لمروان ... انا اسف والله ماقصدى
مروان : بنفاذ صبر .... انا مش عارف مين باصصلى فى الجوازه ... عايز ايه ...
مازن : ها نروح أمتى نتقدم لروكا
مروان : اتجوز وابقى روح اتقدم
مازن : لا منا عايز اتجوز معاك
مروان : يا سلام ...
مازن : والنبى ما تكسر بخاطرى ... روح يا شيخ الهى تتجوز وماحدش يدايقك ...
مروان : كلمها هات نمرة والدها ... حاجه تانى ...
مازن : حضن اخوه وباسه ... وفرحان ان خطته ماشيه زى الفل ....
💗💗💗💗💙💙💙💙💚💚💚💚
للمتابعه اترك تعليق
البارت الرابع والثلاثون
خادمتي ولكن
💗💗💗💙💙💙💙💚💚💚💚💚💚
منى : معقول يا عز .... يعنى خلاص فاطمه ها ترجع لمحمود وعمى كمان مش معارض ... .
عز : الحمد لله كله تمام .... وتخيلى عمى كتبلى أكبر تانى فرع لينا بأسمى ....
منى : مبررروك يا حبيبى ... شوفت بقى ... الصبر حلو ...
عز : ومش بس كدا .... وبيبص لشريف الا قاعد معاهم وباين عليه مخنوق ... كتب لشريف وادم فرع الشركه الا فى .... فى بأسمهم
شريف : انا مش عايز حاجه .... ولا فلوس ولا شريكات
عز : دا بدل ما تروح تشكره
شريف : ها اروح اشكره لما يوافقو على ارطباتى بهدى وتبقى مراتى ..... كلكم ... كنتو عايزنى اهدى وابعد عن سكة البنات والسكر وأشتغل واحافظ على قرشى .... عملت الا انتو عايزينه لا بقى فى شورب ولا بنات ... وبشتغل مع مروان ومنضبط فى شغلى ... ايه بقى .....
منى : كل دا يا شريف ... اهدى يابنى ها تتجوزها ....
عز : هما عايزين يتاكدو انت بقيت تمام خايفين على البنت ... تتجوز من هنا وبعد كدا تاخد لقب مطلقه ... عشان عارفين ان نزاواتك كتيررر وهى ممكن ما تستحملش ..
شريف : اه هما خايفين .... وهى تقولى سنه على ما اشبع من اهلى ... والله شكرا ليكم كلكم ... الصراحه الواحد لو عايز يتوب من حاجه ... بيلاقى الناس كلها فى ضهره مش ضده ... هى دى احلى حاجه فى شعبنا ..
عز بعصبيه : ماحدش قالك تعيش حياتك كلها فى عك وقرف ... وبعدين تيجى تلوم الناس انها مش واثقه فيك .... او تلوم البنت انها عايزا تشبع من اهلها ...
شريف : يعنى ايه الواحد مش ماشى عدل مش عاجبكم ... ماشى عدل مش مصدقينه .... وهو انا ها أمنعها عن اهلها ... دا بدال ما تقولى انا ها اروح اتكلم معاهم واقنعهم .... كتر خيرك يا اخويا الكبير
منى : شريف عنده حق يا عز انت لازم تقف جمبه وتبقى فى ضهره ...
عز : ما الباشا شايلنا من حياته .... من يوم ما رجع وهو فى حضن مروان ومازن زى عادته ...ما بيتحركش من غيرهم ....
شريف بعصبيه : انت بتقول ايه ... ياخى دا انا خليت مروان يكلمك عشان مش ها اتجوز من غير موافقتك ....فين بقى حياتى الا شيلتكم منها .... هاااه قولى ... وكمان انت مركز معايا ... والا مع اخوك ادم حتى ... انت ملهى فى حياتك واحنا ولا فى دماغك .... زعلان ان لقيت راحتى مع اصحاب عمرى كله ... جاااى دلوقتى تعاقبنى على اهمالك أنت فيا ...
عز : ليه ... عايزنى اعملك ايه يعنى ... ها اجرى وراك فى كل حته ...
شريف : لا ولا تجرى ولا أجرى .... وسابه وقام مشى وهو مخنوق جدا ... وحاسس انه مش قادر يتنفس ... ركب عربيته وفضل يلف بيها كتير قوى فى الشارع .... مروان ومازن ... قلقانين عليه جدا وزهقو اتصالات عليه وهو ما بيردش
.............
منى : حرام عليك تكسر بخاطره كدا .... ليه كدا يا عز ايه الا جرالك ... انت غيران من مروان ومازن ...
عز : انتى جرالك ايه على طول واخده صفهم كلهم وانا لا
منى : لا ياعز ... انا مش عايزاك مكروه .... وكمان من اخوك ... كله الا اخواتك هو انتو ليكو غير بعض ... لقدر الله فى أى ظروف مش هو الا هايقف فى ضهرك ... انت اهملته ... واهملت ادم ... ودى حقيقه ... المفروض انت ... تبقى ابوهم .... تعوضهم عن دا ... مش تبعدهم عنك وتحسسهم انهم هما الا غلطانين فى حقك هو انت فاضى ليهم والا لولادك حتى
عز : اه انا وحش فى كل حاجه ... انا بقيت شيطان العيله ...
منى : ما تفهمنى يا عز ... انت ليه بقيت بتعقد الامور كدا ....
عز : خلاص يا منى .... خلاص ....
منى : طيب .... صالح شريف ... واقنع عمك ومحمود ... وكمان الهبله ... هدى ... دا الواد ها يموت عليها ... وهى عايزا تاجل الجواز سنه
عز : حاضر .........
*****************
مروان نزل وقاعد فى الجنينه مع مازن .... ومستنين رجوع شريف .... لحد ما رجع وداخل عليهم بالعربيه ... نزل ... وراح عندهم .....
مروان : اول ما بص فى وشه .... فهم انه مدايق ...
مازن : ياخى انت ماعندكش دم ... ما ترد على جابونا ...
شريف : قعد ... معلش ... كنت زهقان شويه ومش عايز ارد على حد ....
مروان : ولا يهمك .... مالك ... فيك ايه ...
شريف : بيتكلم بخنقه .... انا مش عارف الدنيا مقفله فى وشى كدا ليه ...
روان : نزلت وداخله عليهم وسمعت شريف وهو بيقول الدنيا مقفله فى شى ..... ليه يا شرشر ... كدا ... مين زعلك ... .
مروان مد ايده لها ... وقعدها جمبه على الكرسى .... ولفف ايده حواليها ...
شريف : مفيش يا روان انا مخنوق شويه ...
مازن : ما تنطق يالا مالك ...
مروان : لف راسه لروان ... وحط ايده على خدها .... وقرب منها وباس خدودها .... وبيقولها ... حبيبى ممكن تاخدى الواد دا وتعملى لينا عصير ... وتيجى بسرعه
روان : بأبتسامه .... حاضر .... وشريف ومازن مركزين معاهم قوووى ..
مازن : يخربيت كدا ياخى .... راعى شعورنا ... وبطل انت وهى ... قولها قومى انصرفى .... اعملى عصير ...
روان : يا حقود أنت ...قدامى ياله ... وخدت مازن ودخلو المطبخ مع بعض ....
مازن : اخويا دا عليه عمايل يا رورو .... بيوزعنا ياختى 😂😂😂 اهبل دا والا ايه
روان : احترم نفسك ... مروان يوزعنا براحته .... سيبه عشان شريف يتكلم براحته ويسمعه ...
مازن : بعياط مصطنع .... وانا مين يسمعنى ... هاااه ..
روان : انا يا مازن روحت فين ... يابنى ملكش غيرى ... وراحت على التلاجه طلعت طبق فرواله كبير ... حطته فى الحوض ... وجابت طبق فاضى حطته على الرخامه الا جمب الحوض .... ومازن واقف جمبه ..... روان بتغسل فراوليه فراوليه ... وبتحطها فى الطبق ومندمجه قوووى فى غسيل الفراوله .....
مازن : واقف كل ما روان تحط فرواليه يشلها يأكلها ... 😂😂😂😂😂 وبيتكلم ... تفتكرى يا رورو ... البت الهبله دى ها توافق تتجوزنى ...
روان : انت عايز تتجوزها ليه ... وقولى الصراحه ... أصل مش طبيعى ابدا كل الا بيحصل بينكم وكمان عايز تتجوزها ...
مازن : بمكر بصراحه .... حسيت بالغيره ... لما اسلام فضل معاها وبتضحك وبتهزر معاااه ... وما مبطلتش تفكير فيها ... مش عارف ليه ....
روان : يارب تكون صادق يا مازن عشان البنت دى شكلها طيبه والا فى قلبها على لسانها مش خبيثه ولا بتتعامل بخبث ... واضحه جدا ...
مازن : ها نشوف ... بس توافق ...
روان : بس كفايه كدا ها يكفى العصير ... وبتلف تاخد الطبق ... الا غسلته ... لقته فاااضى ومازن بياكل أخر واحده ... اعااااا ... الهى تتشك هو انا كنت بغسل الفراوله واحدفها فى بوئك ...
مازن : 😂😂😂😂 اصلها حلوه والكلام خدنى ... وايدى ما شاء الله عارفه طريقها ...
روان : طيب تعالى ... أغسل انت وهات فى الطبق هنا ..
مازن : قويه ومفتريه زى جوزك ... فيها ايه لما أكل طبق فروله خساره فيا ....
روان : لاء خساره لياااا ... خلص ياله ...
مازن : بيدايقها ... وبيغسل الفراوله وياكلها ... 😂😂😋
روان : مسكته ... اطلع يا مازن ... يخربيت الا يطلب منك حاجه ..
مازن : 😂😂😂 خلاص ... خلاص ... وعملت الفرواله ... وطلعت موز ومانجه وعملتهم ....
روان : كدا حلوووو قوووى ... شايف التدريجه دى ... جااامده
مازن : ايوا جااامده ... أحمرانى برتقااالى أبيضانى ... هاتى بقى أطلعه ...
روان : اه عشان تشفطه كله وتطلع بالكوبيات فاضيه ... انا ها أطلعها انا ...
مازن : 😂😂😂 بنت عيب ... انا بتاااع الكلام دا بردو ... اطلعى ... الواحد تساهل معاكو ... قوى
روان : طب شيل بقى واطلع قدامى ... وطلعوو مع بعض
********************
ريم : انا كدا ها أخلص ليك رصيدك بقالك كتير معايا على الخط ...
محمد : وحشتينى ... كدا تسافرى ... اول مره تختفى من قدام عينى ... نفسى أطير واجيلك ...
ريم : ان شاء الله اخر الاسبوع ها ابقى عندك .. ياله سلام بقى عشان نعرف نتكلم بكرا ....
****************
منيره : نايمه جمب فتحى ... ماشاء الله يافتحى الفيلا حلوه قوووى ... ربنا يبارك لهم .... انا فرحانه لبنتك قوووى ... البت دى تستاهل كل خيررر ... بتدى وبتعمل بدون مقاابل ... ما بتفكرش فى نفسها ابدا ... ربنا عوضها الحمد لله
فتحى : الحمد لله .... انا كمان مبسوط لها قوووى .... كنت متخيل ان الا زى مروان دا متكبر وبيعامل الناس من فوووق ... بس طلع عكس كدا ..
منيره : المثل بيقولك تعرف فلان ... قالك اه ... عاشرته ... قالك لاء ... يبقى ما تعرفوووش ... مش ها نحكم على الناس من غير ما نعرفهم عن قرب ابدا ....
****************
شريف : بس دا كل الا حصل ....
مروان : يابنى ... ها تتجوزها ... بس اصبرو اشويه ... وبينى بينك أحسن انك اتكلمت مع اخوك ... وهو طلع الا جووواه وانت كمان .... وانت سيب هدى براحتها شويه بس تاخد فرحة رجوعها وسط اهلها ... وعيش انت كمان معاها الفرحه دى ... عشان تحب وجودك ... وتبقى عايزاك انت فاهم ...
مازن : دخل عليهم هو وروان ... اه فاهم ... احنا جينا ... وحط الصنيه ... وقعد ... وخد الكوبيه ... وبيدى لشريف .. وبيقوله ... أضرب ياعم ... انا طلع عينى على ما عملته ...
روان وهى قاعده ....ياراجل قول كلام غير دا ...
مازن : مفتريه ... اه ياربى ... طلعت زيه ..
مروان وشريف بيضحكو عليهم الاتنين ....
*****************
مر الاسبوع بسرعه جدا ... والامور هاديه لكل الاطراف ... وهدى انتقلت مع والدها محمود ... واتعرفت على عز اخوها الكبير ... و علاء .... هما حبوها قوووى وهى كمان .. واتأقلمت معاهم بسرعه ......
............
وفاطمه خدت والدها الا صمم يشوف كانت عايشه ازاى ... وروكا ... وسافرت ... عشان يقنع والد روكا بجوازها من مازن ... وراح لقائها منطقه شعبيه ... وشقة بنته بسيطه جدا ... واتعرف على حنان وعبدالله وحماده ... وحبهم جدا .... وهما كمان .....
******************
فتحى خد روان وريم ومنيره ... وسافر ... بعد ما رتبو كل حاجه ... عشان فرحها ... وبلغو ... معارفهم ان روان اتخطبت .... ويعرفوو محمد بعض الامور مش كلها ...
محمد : بعد ماعرف وهو قاعد معاهم .... مبروك يا روان ... انا افرحلك والله ...
روان : قربت عليه ... الله يبارك فيك يامحمد معلش الموضوع كله جه فجأه ...
محمد : ولا يهمك يا حبيبتى .... انا اخوكى وفى ضهرك
فتحى : تسلم وتعيش يابنى ...
منيره : عارفه ان انت شهم وأصيل ...
محمد : ممكن أخد ريم نتمشى شويه
فتحى : ممكن يا حبيبى ... قومى يا ريم ... مع خطيبك ياله ... وخرجو الاتنين ... .
محمد : قبل أى حاجه ... انا مبسوط قوى عشان روان والله ... بس كان فى حاجه لازم اسألك عليها ...
ريم : قول يا حبيبى
محمد : مش ها تيجى فى يوم تدايقى ان اختك عايشه فى مستوى أحسن وأغنى منك .... وتزهقى منى ومن عيشتى ...
ريم : إخص عليك يا محمد ... بعد كل الا عملته عشانى ... عايزنى ابص لأختى وعيشتها ... والله ابدا ... انت عندى أغلى من الدنيا بحالها .... مش عايزاك تفكر كدا تااانى ...
محمد : بأرتياح ... وبيضغط على ايديها ... امتى تعدى الايام واخدك فى حضنى بقى ...
ريم : هانت يا حبيبى ... روان ها تتجوز الاسبوع دا واحنا الاسبوع الا بعدها على طول ...
محمد : 😂😂😂😂 البت ها تتجوز قبلنا ... ياله نصيبها بقى ....
**********
روكا : فى ايه يا حينان ... من ساعة ما جينا من عند جدو بهاء وفطوم ... وانتى ماسكه ودنى .... اهدى ..
حنان : يابت جاوبى على سؤال واحد من الا سألته
روكا : انتى مديانى فرصه .... ويرررررك ... ويرررك ...
حنان : ويرررك .... انا وريررك يا بنت المجنونه ...
روكا : اهوووو بتعترفى انك مجنونه كمان ... بتشتمينى والا بتشتمى نفسك ...
حنان : انا مجنونه ... طيب تعالى بقى ... ونامت فوقيها ... وبتعض فيها ... وبتقرصها .... 😂😂😂😂
روكا : اعااااااااااا ... وربنا حرام عليكى ... انا اتشوهت بسببك ... اتجوز انا ازاى دلوقت .... اقوله أمى كانت بتسن سننها فيااااا
حنان : دا انا الا ها اقوله دى لازم تعضها باليل قبل ما تنام ... واول ما تقوم من النوم ....
روكا : ليه يا حنان يا شريره .... ها تغيرى المعتاد عليه .... ها يقولى صباح الخير بأرمه ..... ومساء الخير بأرمه ... ايه جبروت امرأه الا انا شايفه دا ... انا مش عارفه اهرب منك اروح فين تاااانى .... وقايمه ماشيه
حنان : خدى يا بت ..... انتى يا به .. مش عايزا ادعى عليكى ......
روكا : لما أخف ها اجيلك ... عشان تعضى براحتك يا جبروت امرأه... وراحت لفاطمه وبهاء فى الشقه ....... واول ما فاطمه فتحت لها ...
روكا : اعااااااا .... اهئ اهئ اهئ ... اه .... .
فاطمه : 😂😂😂😂😂 نفسى تدخلى مره من غير ماتعيطى ...
بهاء : مالك يا روكا .... تعالى يا حبيبتى ... الواد جاااى يتقدملك بكرا ... ها يجى يلاقيكى كدا ...
روكا : بتمسح دموعها ... بجد يا جدو هو كلمك ....
بهاء : اه مروان كلمنى وخد رقم ابوكى عشان ياخد منه المعاد
روكا : لفت ايديها على دراع بهاء ... تفتكر يا جدو ... ها ابقى مبسوطه مع مازن ...
بهاء : انتى مرتاحه له يا حبيبتى والا لاء ..
روكا : اه يا جدو .... بس خايفه ... منه ...
بهاء : انا جمبك ماتخفيش .... يوم ما يعملك حاجه ... ها اعلمه الادب ... مالك بقى جايه تعيطى ليه ...
روكا : اهئ ... اهئ ... اهئ
بهاء : هو انا فكرتك ...
روكا : اه ياجدو ... نفسى اروح لحينان ... وتاخدنى فى حضنها وتبوسنى مش تاخدنى فى حضنها وتؤرمنى .... وتقرص فياااا
بهاء : 😂😂😂😂😂 شكلها بتحبك .... هو الحب كدا
روكا : دا حب كلابى عنيف ...
فاطمه وبهاء 😂😂😂😂😂
فاطمه : يابت عيب .... كدا ... خلى بالك على كلامك وأفعالك
روكا : مش قصدى والله يا فطومه ... عليهاااا بس هارتنى عض هارتنى
فاطمه : ياله قومى ... خدى شاااور ... وتعالى اعملك شعرك بعد ما تخرجى عشان يبقى كيرلى ... وتبقى قمر ....
روكا : قااامت تجرى على الحمام ... احبك انا كدا يا فطوووم ...
وبهاء مش مبطل ضحك .... وحاسس ان صحته ردت تااانى ... حتى مش محتاج للعكاز عشان يمشى ... حياته وصحته رجعلو من تانى واحسن من الاول ... كان عنده بنت واحده ... والا ملحقش يعيشه معاها .... بيعيشوه مع بناتها .... هدى ... وروكا ... هى بنتها زيها زى هدى مفيش فرق .... ......
💗💗💗💙💙💙💚💚💚💚
للمتابعه اترك تعليق
البارت الخامس والثلاثون
خادمتي ولكن
💗💗💗💙💙💙💚💚💚💚💚
مر يوم اخر فى حيات ... ابطالنا .... واشرقت شمسهم من جديد .....
***************
مروان : اول مافتح عنيه ... وبيتمطع ... مسك التليفون وبيتصل على روان ... كدا يا قلبى ... تسبنى وتمشى ... وتسيب حبيبك ...
روان : با بتسامه ... ومازلت على السرير ... وحشتنى ... انا ازاى سيبتك كدا ... مش عارف تمسك فياااا
مروان : ما تخلنيش أسيب مازن يخبط راسه فى الحيط ... واجيلك دلوقتى ....
روان : لا يا حبيبى كله الا مازن ... انت عايزه يجى يولع فيااا
مروان : يقدر ... حبيبى الا يخصنى ... ماحدش يقدر يرمش له ... بجد وحشتينى ... ربنا يهووون الاسبوع دا ...
روان : يارب ... قوووم بقى ياله ... عشان تلحق تروح الشركه ... وترجع تغيرر .. وتسافرو لروكا ... بس انت دماااغك دى ايه فله والنبى ...
مروان : 😂😂😂 ليه
روان : لو مازن عرف انك اتفقت مع اسلام عليه ... و معايا عشان نجر رجل البنيه ... للفيلا ... واسلام يستحوذ عليها قدامه ... ها يقاطعنا ...
مروان : يستاهل ... بيستهبل قوووى ... عايشلى فى دور المنتقم ... وشريف بيقولى حاطت البنت فى دماغه وعايز ينتقم منها ... قولت اشوف ... ها ينتقم منها ... والا يقرب منها ...
روان : 😂😂😂 بس والله ما مرتاحاله ... حاسه ان ها يعمل فيها حاجه وعايز يستفرد بيها ...
مروان : نفس احساسى ... بس يوم ما يفكر ... محدش ها يقف له غيرى ... وها اجننه عشان بس يلمحها تانى فى حياته ..
روان : حبيبى الشرير ... وانا مين بقى الا ها يقفلى ... هاااه
مروان : 😂😂😂 ها أستفرد بيكى ... وأخلص منك ... بس اتلايم على سعتك ... وتبقى تحت ايدى على طول ...
روان : شكلك ها تشوفى ايام فحولقى ياروان ... وها تعيشى مع زوج مصرى أصيل ... بيحب بلده ...
مروان : 😂😂😂😂 وايه الا جاب سيرة البلد دلوقتى
روان : مش بيقولك مصر هى أمى ...
مروان : ايوا... وبعدين ...
روان : يعنى انت ابن مصر ... حبيبها ....
مروان : انتى مش لاقيه اى كلام تقوليه ... فا دخلتينى فى حب مصر .... طيب يا ستى ... انا ابن مصر ... وبحبها ... وهى أمى ...
روان : انا بقى ها أشتكيك لأمك مصر .... يعنى أمة لا إله إلا الله 😂😂😂😂
مروان : 😂😂😂 انا ها أشتكياكى لربنا ... جننتى أمى
روان : لا كله الا مصر .... .. ياله بقى ... مروانى عشان خاطرى ... بلغنى اول بأول ... اقولك .. اتصل عليا اول ماتدخلووو ... وافتح الاسبيكر ... لحد ما تخرجو .. من هناااك ولو فى كاميرا يا سلام ...
مروان : 😂😂😂😂😂 طيب ما اخليهم يتفقو معاكى أحسن ... وتوفرى عليا الكلام
روان : ياريت ... دا الواحد بيحب يحضر الحاجات دى قوووى ..... يلا سلام بقى ..
مروان : لا إله إلا الله
روان : محمد : رسول الله
.........................
مازن : ولا .... ما تقوم ياخى انت نايم والا غرقااان
شريف : عايز ايه سبنى فى حالى
مازن : قوم عشان نروح الشركه ... واحلق دقنك الجميله دى ... الا قربت توصل عند ركبك 😂😂😂
شريف : مش رايح ومش حالق ...
مازن : هو انت ها تفضل مكتئب كدا .... ها تتجوزها ... والله لتتجوزها ...
شريف : مش عايز ولا اتجوز ولا اتنيل ..
مازن : يعنى لو اتجوزت غيرك ها توافق
شريف : اتعدل .... دا انا اخنقها واخنقه بأيدى ... ال تتجوز غيرى
مازن : جاتك نيله ... وجعت بطنى ... انا قولت الواد ها يعنس .. 😂😂😂😂😂
شريف : 😂😂😂 والله انت عيل رخم ...
مازن : قوم بس وانا ها أفكر لك فى فكره ايه تطلع من نفخهم كلهم ... وها اخليها تجرى عليك تقولك السماح ... السماح ... وانسى كل الا عدى وراح ...
شريف : والنبى .... دا انا اعملك حتت حفله توديع عزوبيه انما ايه
مازن : ايه ... ايه .... ها نجيب بنات ...
شريف : لا ها نجيب اخوك مروان ...
مازن : اعوذ بالله ... عدو المززز ... 😂😂😂 دى حفله والا نكبه ....
شريف : اتنيل قوم ... بدال ما نلاقيه داخل علينا دلوقتى ونتهزء ...
مروان : مصايب عمرى
مازن : قسما بالله ابن حلال مصفى .... 😂😂😂😂 لا وبيهزء ... تقولش ظابطينه على الكلام ....
شريف : اخوك افعال لا أقول ... قوم يا خويه
مروان : 10 دقايق تكونو جهزتووو ها اطلع لطنط حكمت ... وانزل على طول ... وسابهم وطلع ......
*******************
حكمت : تعالى يا مروان اتفضل ...
مروان : عامله ايه يا طنط ... وحشتينى
حكمت : وانتو كمان ... كدا ... تروحو الفيلا وتنسونى ..
مروان : معلش حقك عليااا ... ايه دا مش تقولى ان سامح هنا ....
سامح : قام سلم على مروان .... وقعدو مع بعض التلاته ...
حكمت : كان جاااى يشونى .... حبيبى كل يوم يجيلى قبل الشغل وبعده ... دلوقتى ....
مروان : سامح ... راجل وجدع ...
سامح : ربنا يعزك .... روان عامله ايه ... وناوى على أمتى
مروان : الحمد لله تمام .... واخر الاسبوع ان شاء الله الفرح ...
سامح وحكمت : الف مبررروك ... ربنا يتمم على خير
مروان : بأبتسامه ... يارب ...وطلع ورقه ....اتفضلى يا طنط ...
حكمت : ايه دى يا حبيبى
مروان : للاسف الاخبار الا عندى عن نجلا مش حلوه ... انا رتبت أمورى ان بعد الجواز ... ها اسافر واجبهالك ان شاء الله .... الرقم ... دا بتاع المستشفى الا هى محجوزه فيها برا ...
سامح وحكمت بخضه : ليه يابنى ... مالها نحلا وبدئت حكمت تعيط ...
سامح : فيها ايه اختى
مروان : انا بعتب عليك يا سامح .... اختك كانت محتجالك قوووى ... تبقى جمبها ...اكيد عارف البلاوى الا ورا عيلة جوزها ... وهى فى غربه ... محدش شايفها ولا حاسس بيها بيتعمل فيها ايه ..... والا جرالها ايه
سامح بزعل من نفسه : انا عارف يامروان ... انى قصرت معاهم ... وكنت اوحش انسان فى الدنياااا ... بس خلاص والله ما ها اتخلى عنهم تانى ... قولى اختى فيها ايه وهى فين وانا ها اروح اجبها ...
مروان : اختك اتعرضت لصدمه عصبيه شديده .... ودخلت فى دور اكتئاب وما بتتكلمش بقالها سنتين ومحجوزه فى مستشفى برا ... جوزها خد العيال وكان بيعتدى عليها بالضرب كتيررر ... والا بتدفع فلوس المستشفى حاليااا ... صديقه لها اسمها مريانا لان نجلا كانت شايله معاها مبلغ ولما بدئت تخاف من جوزها وحست انه ها يعمل فيها حاجه طلبت من صاحبتها تخلى معاها الفلوس لأى ظروف ...
حكمت : بدموع وصدمه .... سافرنى لبنتى ... اتاريها كانت بتكلمنى وهى يا حبيبتى موجوعه وماحستش بيها ... خافت تقولى على الا حصلها ... عشان ما ازعلش ...
مروان : لا يا طنط ثانيه ... انا كلمت مريانا دى بنفسى ... وبتاكد ليا ... ان نجلا ... اتصلت على تليفون سامح بعد ما حصل معاها كدا .... ومراته ردت عليها وقالت لها ... انه مش عايز يعرفها تانى ....
حكمت : هى مراتك ... دى ايه شيطان ... حرام والا حلال كدا ...
سامح : انا مش عارف ... هى ليه عملت كدا ... بس خلاص ... بقى انا مش ها استحمل تااانى ... انى ابص فى وشها ... بصى يا أمى ... انتى تشوفى الفلوس الا معاكى اد ايه ونبيع الشقه ... دى ... على الفلوس الا قدرت اجبها من تعبى وشغلى فى شركه ابوها ... وها نجهز نفسنا واخد عيالى ... ونسافرر لنجلا هناك .... نعالجها ونعيش برا ....
مروان : انت شايف ان دا قرار صح ... تهرب بولادك
سامح : انت فاكر يا مروان ... انها ها تزعل ... والا حتى ها يفرق معاها الولاد ... دا انا عمرى ما شوفتها بتحضنهم زيها زى أى أم ... منها لله ... قولتى ايه يا أمى
حكمت : اى حاجه ها تجمعنا .... ببعض انا موافقه عليها ... جهز يابنى كل حاجه بسرعه ... اروح لأختك الغلابنه ... اكيد محتاجنى جمبها .... حاول مع مراتك محاوله اخيره ... يابنى يمكن تعقل
مروان : دا رأى بردو ...
سامح : ربنا يسهل ... ومروان قام مشى ... على اساس انهم هما الا هايروحو لنجلا ... وهو بردو لو سافر قبلهم .. ها يروح لها ....
سامح : بس ليه ما نزلتش مصر
مروان : دا نفس السؤال الا قولته لمريانا ... وقالتلى ان جوزها كان واخد العيال ومخبيهم منها لما عرف انها كلمتكو وكانت بتحاول تهرب بالعيال على مصر وحبسها واعتدى عليها بالضرب ودخلت فى حاله نفسيه صعبه .. وسابها وهرب من المنطقه كلها
حكمت : بعياط لا حول ولا قوة إلا بالله ... كل دا بيحصل فى بنتى ياريتك قولتيلى يابنتى
سامح : بأسف ... انا الا غبى عشان صدقت واحد زى عادل ... واديته أختى ... وقولت بيحها وها يحافظ عليها ...
مروان : انا لازم أقوم ... وشوف ها تعمل ايه وبلغنى
وراح شغله ... هو وشريف ومازن وهيثم وماندو .....
**********************
عدى الوقت بسرعه ... وروكا ... فاطمه بتجهز فيها .... وهدى عملت لها مفاجأه وخدت بابها محمود ... الا طاير بيها فى السما وهى كمان ... وراحو لبهاء وفاطمه ... وروكا ....
فاطمه : حبيبتى .... وبتحضن هدى جااامد ....
محمود : وانا .... وانا ...
فاطمه وهدى : 😂😂😂😂😂
بهاء : أميرتى الجميله ... تعالى فى حضنى ... الواد دا على طول يخطف أميراتى منى ...
محمود : اه .... شكلنا كدا ها نتظبط ... يا هدهود ...
هدى : 😂😂😂 جدو وحشتنى ... انا محدش يخطفنى منك .... ابدا ..
محمود : بهزار ... بعتى ابوكى يا هدى من اول كلمه ...
بهاء : يا واد .... دا احنا الاصل وبيبص لفاطمه ... والا ايه
فاطمه : طبعا ... يا حبيبى ...
محمود : احبابك ... باعوك يا محمود مفيش خنجر ادبه فى قلبى ....
روكا : مسكت سكينه صغيره ... خد ياعمووو خد خلص يا راجل ...
بهاء وكلهم : 😂😂😂😂😂😂😂
محمود : حتى انتى كمان
روكا : عمالين تبوس وتحضنووو فى بعض ... ولا كأنى موجوده .... دا انا العروسه يا أخونا عيب كدا ...
كلهم : حضنوها
هدى : بس ايه دا .... دى فطوم مظبطاكى خالص يا روكا ...
روكا : حبيبتى ... واخده بالها منى .... اه والنبى ... .
فاطمه : ياله يا محمود امسك بابا عشان ننزل كلنا نروح عند روكا .... زمان مروان جاااى ...
محمود : ياله ياعمى ....
بهاء : ياله يا حبيبى ..... ونزلو كلهم راحو على هناك ...
*******************
نور : يعنى خلاص ... ها تحن عليا وتيجى بكرا
مؤمن : ايوا يا حبيبتى .... عشان اقابل مروان السمرى ... والا خلاص المقابله اتغلت ... عشان اتاخرت عليكو
نور : لا يا حبيبى ... دا روان كلمتنى كذا مره ... عشان نروح نقعد معاهم .... ها اكلمها اتفق معاها
مؤمن : ماشى ... وبلغينى بقى ها نعمل ايه ...
نور : حاضر ... ها ابلغك ... من عنيه ...
مؤمن : تسلم عنيكى يا نونه .... سلام بقى عشان ورايا شغل
نور : سلام ....
******************
شريف : قاعد فى المكتب مازن دخل عليه ....
مازن : ايه بقى ... هو انت بتستسلم بسرعه ليه كدا ...
شريف : عايزنى اعمل ايه وكلهم ضدى ... حتى هيااا
مازن : بقولك ... بعد الخطه دى ها يبان كل حاجه ... هى ها تبقى موجوده ... انهارده عند روكا ...
شريف : اكيد لاء ... هى مع ابوها ...
مازن : طيب عمتا لو حضرت تعمل زى ما ها اقولك ... بس الله يخليك بعد ما اتمم جوازتى انا الاول ...
شريف : تعرف انا مش مصدقك لحد دلوقتى ... انت بتحبها بجد
مازن : بمكر ...بحبها قووووى فوق ما تتخيل ... اسمع بقى عشان تعرف ها تعمل ايه لو لقتها موجوده ... هدد ان أنت ها تموت نفسك لو موافقوش على الجواز منها واتقمص ... وسيب الباقى علياااا ...
شريف : انا مش مرتاحلك ... انت الا هتبوظلى الدنيا ... وايه الشنطه دى ...
مازن : شربات عشان الخطه ... والعروسه 😂😂😂😂
شريف : استرها يارب ....
.........
مروان ومازن وشريف .... خلصووو الشغل بدرى ... وراحو البيت ... غيرو هدومهم ... وشريف رفض يحلق دقنه ... وسافرو ... وبعد وقت ... وصلو عند بيت روكا ... وبلغوهم انهم وصلو ... وطلعوو عندهم .... سلمو كلهم على بعض وقعدو .... واتفجائو بهدى ومحمود .....
هدى : قاعده ومصدومه من منظر شريف ... هو عامل كدا ليه ... وشكله حزين ومكتئب ...
وشريف قاعد .... ها ياكلها بعنيه .... وحشته قوووى وحبها قوووى ... لدرجة انه مش قادر يتخيل حياته من غيرها ...
عبدالله ؛ نورتونا والله يا جماعه ...
كلهم بنورك ....
مازن : ممكن يا هدى ... تاخدى الشربات دا تدخليه المطبخ ...
حنان : 😂😂😂😂 انت جايب الشربات معااااك ... والله شكلك عسل
مازن : 😂😂😂😂 منا مش خارج من هنا ... من غير ما تشربونى منه .... نفسى ادوقه ...
عبدالله : ربنا يقدم الا فيه الخيررر
مروان : طبعا مش ها نتكلم فى وجود بهاء بيه ... هو كبيرنا فى القعده دى .... ومازن ابنه ... وروكا بنته ...
بهاء : ربنا يكرم أصلك ... وبيبص لعبدالله ...احنا جاين انهارده عشان نطلب ايد ايات لمازن .... وعايزن نفرح الولاد بالموافقه ... يا عبدالله ونقرا الفاتحه ... ونتفق على الفرح ...
عبدالله : والله الشرف ليااا انى اناسيبكم وكفايه انكو تبع الست فاطمه .... اختنا وعشرة عمر ...
فاطمه : ربنا يخليك يا عبدالله ...
مازن : يعنى موافق ... نقرى الفاتحه ... نادو العروسه بقى
كلهم : 😂😂😂😂😂😂😂
مروان بصوت واطى وخبطه فى رجله ... اتلم يخربيتك
عبدالله : مش ناخد رايها الاول ...
بهاء : قبل ما تاخد رأى روكا ... مازن عاوز فرحه مع فرح اخوه ... يعنى الاسبوع الجاااى ...
حنان : اسبوع ... ازاى ... هو فى حد بيتجوز فى اسبوع ... مش ها نجهزها ... ولا نجيب الا ناقصها ... ماهى زيها زى البنات ...
بهاء : يا ست حنان ... هما الحمد لله جاهزين من كله ... وبنتك ها تدخل على احلى حاجه ... وهو ملزوم انه يجيب لها كل الا هى محتاجه ..
عبدالله : وجامعتها .... دى فى كلية هندسه ... ولسا لها سنتين ... الجواز ها يعطلها
مازن : لا لا ... ابدا ... انا مش ها أمنعها وها اساعدها ..
مروان : كل الا ممكن تحتاجه فى مذاكرتها ها نوفره لها ما تقلقش من حاجه زى دى ... مراتى بتتدرس بردو وكمان فى اخر سنه ... يعنى عايزا تركيز كبير ... والجواز مش ها يعطلها عن دا ..... ابدا لانى ها اساعدها
عبدالله : طيب بعد اذنكم ها ادخل لها انا وحنان ناخد رأيها ....... وقااموووو
محمود : انت مالك يا شريف ...
شريف : مالى
بهاء : انت مش شايف منظرك ...
مازن : ما انتو اتفقتو على الواد ... جوازه البنيه حرام عليكم ...
بهاء : دا الا عامل فيك كدا
شريف : ايوا هو وبيبص لهدى ... الا قاعده زعلانه عليه قوووى ... مش كلكم اتفقتو علياااا ...
محمود : يعنى الا انت عامله فى نفسك دا ... هو الا ها يخلينا نغير رأينا ...
مروان : على فكره شريف اتغيررر قوووى وما يستهلش تعملو فيه كدا ..... وبيحب هدى بجد ... وملوش لازمه تعقدو الامور
محمود : لا دا وقته ولا هنا مكانه ...
شريف : لا وقته ومكانه ... والله لو ماجوزتونى معاهم ... لاموت نفسى ... وذنبى يبقى فى رقبتكم ...
بهاء : بطل كلام فااارغ ... واسكت ...
فاطمه : خلاص يا شريف ... نخلص بس مازن وروكا ...
وكلهم سكتووو ... لما لقو حنان خارجه وفى ايديها روكا ... وشكلها ... جميل جداااا ... وملفت قوووى ... ومازن مبتسم وبيبص لها ... وعيونه بتلمع برؤيتها .....
قعدو ... وبلغوهم موافقتهم ... على الجواز ... لانهم مطمنين .. انها ها تبقى جمب فاطمه ... تعتبر هى امها الا مرابيها ... وطول الوقت مش بتفارقها ... وقرو الفاتحه ... واتفقو على كل حاجه .... وتعالت الزغاريط ......
مازن : بيغمز لروكا .... الا قاعده مكسوفه على غير عادتها ...وساكته تماما .... وبتخطف نظرات سريعه لمازن ... الا شكله ... يجنن ... ويطير العقل وهو لابس بدله ... حيحححح
فاطمه : مش ها تشربى مازن الشربات يا حنان ...
حنان : طبعا وروكا ... هى الا ها تعمله بأيديها تعالى ياروكا .....
روكا : حاضر يا ماما ....
حنان : ماشيه تبرطم .... اول مره اسمعها منها .... ياريته يجى كل يوم ونشوف الادب والاخلاق العاليه دى على طول ...
روكا : قربت منها بعد ما دخلووو المطبخ .... انتى بتقولى ايه ... اوعى تكونى بتشتمى يا حينان ...
حنان : حينان فى عينك ... ما كان الادب حاطت عليكى دلوقتى
روكا : يالهوووى يا حينان ... بدال ما تباركيلى وتاخدينى فى حضنك زى الامهاااات ... وتبوسينى زيهم ... اه ... ها تعملى كدا ازاى وانتى مش أمهات ....
حنان : امال ايه يا أم لسان طويل ...
روكا : انتى فرخه أمهات كبيره ... أخرك تنقرى فياااا تؤرمى فياااا .....
حنان : الهى تتشكى فى لسانك .... طب تعالى بقى ومسكت دراعها وبتعضها بغل ......
روكا : بصوت واطى نوعا ما اعااااا ...... لا يا حينان ... اه ... اوعى ياحينان ها تطلعى لحم دراعى بؤك وها تبقى من أكلى لحوم البشررر
حنان : اتعدلت وسابتها هو انتى بشررر ... انتى بقر .... أعملى الشربات واطلعى يا داهية عمرى كله ..... وطلعت وسابتها ...
روكا : ماسكه دراعها .... اعاااا ... اه .... اعاااا.... اه ... هى دى هدية خطوبتى يا حينان .... سنانك غرزت فى لحمى ... زى العربيات الا بتغرز وهى ماشيه و مش عايزا تطلع .... وعملت الشربات ... وطلعت وهى بتتوجع ومتوتره عدت عليهم كلهم ... وخلت مازن أخر واحد .... وكالعاده ... محاوطها ومركز معاها بعنيه .... قربت وبتيديلو الشربات .... من شدتة التوتر وايديها بتترعش ... كبته عليه 😂😂😂😂😂
مازن : اتعدل بسرعه ... وبينفض نفسه ... وكلهم بيضحكو عليهم الاتنين .....
بهاء : شربت الشربات يا مازن . .. طعمه حلوو
مازن : هو فى أحلى من الا انا فيه .... انا شكلى كل ما ها أجى بلدكم .... لازم أجيب معايا جلبيه احتياطى ....
محمود : أشمعنا جلبيه .... يعنى ...
مازن : بحبها .....
عبدالله : تعالى يا حبيبى ... عشان تنضف البدله ...
روكا : ادايقت .... ودخلت اوضتها .... وهدى دخلت وراها ...عشان تطمنها .... هى عارفها لما بتتوتر .... وخلصوووو ... ونزلو كلهم .... راحو شقة فاطمه ... الا أصرت عليهم .... وهما وافقوو
💗💗💙💙💙💚💚💚💚💚
للمتابعه اترك تعليق
تكملة الروايه من هناااااااااااا
تعليقات
إرسال تعليق