 |
الجزء التالت♥️شكرا علي تفاعلكم السكر♥️بقلم سولييه نصار♥️
-انتي اكيد اتجننتي صح لاني حاليا بفكر اتصل لأي مصحة وارميكي فيها
زعقت فيها وقومت ...بصتلي بغضب وقالت:
-يعني مش كفاية هسامحك ...كمان بترفض طلبي...انت عايز ايه ...عايز تمسك ايد البنت دي وتقول انها مراتك ...بقا الدكتور الكبير المحترم هيقول ان حتة سكرتيرة ارملة زي دي تبقي مراته ...بالله عليك مش هتتكسف بعد ما كنت متجوزني أنا المهندسة المشهورة اللي بعد اسبوعين هترقي وامسك مركز كويس في الشركة لواحدة زيها ...انت مج*نون يا حسام ...
بصتلها وانا حاسس انها سق*طت من نظري ...مكنتش اعرف انها نرج*سية للدرجة دي ...حرفيا كنت متغاظ منها هي ازاي كده ...ازاي تكون بالجب*روت ده ....وانا اللي كنت بحاول يكون لينا فرصة ....قولت هتتعدل بس أنا غلطان ...قومت ووقفت وقولت:
-فاطمة اللي انتي بتقلي منها دي ضفرها برقبتك انتي...
بعدين قومت ودخلت الاوضة وسيبتها ...لقيت فاطمة فعلا صحت وماسكة سلسلة وعيونها مدمعة ...
-فاطمة
قولتها بهدوء ..
بصتلي ولبست السلسلة بسرعة وهي بتمسح دموعها فاتنهدت وقولت:
-يالا عشان هنفطر ونطلع
-تمام ...
قالتها بهدوء ...
......
كنت قاعد بفطر أنا وهي بهدوء ...رضوي طلعت من غير ما تتكلم بس كان باين عليها انها عصب*ية ومتضايقة بس مهتمتش بيها ....كنت مقه*ور منها ..مش مصدق رغم كل اللي عملته عشانها قبل كده تطلع كده بس خلاص انا قررت أنا هعيش حياتي مع اللي اتجوزتها ومش هظل*مها ....
.....
كنت سايق العربية بصتلي فاطمة بحيرة وقالت؛
-هو احنا مش هنروح العيادة يا دكتور ؟!!
ابتسمت وقولت:
-نروح العيادة واحنا في الصباحية دي حتي عيب في حقي...وبعدين قوليلي حسام يا فاطمة بلاش الرسميات دي ...
هزت راسها بخجل فكملت:
-هنخرج شوية ...نرفه عن نفسنا...حابة تروحي مكان معين .
-لا
-خلاص يبقي اوديكي مكان علي مزاجي ...
....
وفعلا بعد نص ساعة كنا قاعدين علي كافية علي البحر أنا وهي ...كان باين عليها انها مبسوطة اووي ..
-بتحبي البحر
ردت بسرعة :
-ايوة أنا وعلي الله يرحمه اشتركنا في عشق البحر ...كان بيحبه اوووي وخلاني احبه معاه ...دايما لما يكون متضايق كان يجي ويقعد هنا وانا اخدت العادة دي منه ...لون البحر بيريحك اوووي ..
بصيت للبحر وانا ببتسم وبقول:.
-عندك حق .....
كنت حاسس بالسلام اللي محستهوش في جوازي من رضوي بصيتلها وسألتها فجأة :
-كنتي بتحبي جوزك اووي كده ؟!
عيونها دمعت وقالت:
-حب حاجة قليلة علي الله يرحمه كان اهلي ...كل حاجة بالنسبالي ...كان انسان نقي عشان كده بقول دايما أنه انقي من أنه يعيش في العالم ده ...
علي قد ما اتاثرت الا اني حسيت بالغ*يرة تاني ...أنا نفسي في الحب ده ...نفسي حد يحبني بالطريقة دي ومن غير ما احس مسكت ايديها وقولت:
-تقبلي نخلي جوازنا حقيقي واكون أنا اهلك وامانك يا فاطمة مش هك*دب واقول اني بعشقك بس اللي بكنه جوايا ليكي أعظم من الحب أنا بحترمك جدا وبفهمك كمان وهكون دايما واقف جمبك ومعاكي
.....
في الشركة
كانت رضوي واقفة قدام مديرها بص*دمة وقالت:
-يعني ايه المنصب مبقاش ليا ...يعني ايه ابن اخوك الفا*شل هو اللي ياخده
قام المدير وزعق:
-بشمهندسة رضوي احترمي نفسك ...
-لا مش هحترم نفسي ...انتوا اللي احترموا نفسكم وبلاش وسايط ونفا*ق ...انت اكتر واحد من*افق شوفته في حياتي
بصلها بقس*وة وقال:
-بشمهندسة رضوي انتي مرفودة !!!
يتبع
#ليس_ملكي
#سولييه_نصار
الجزء الرابع♥️شكرا علي تفاعلكم السكر♥️ بقلم سولييه نصار♥️
-دكتور حسام
قالتها فاطمة بتوتر
-حسام بس ...متقوليش دكتور
صححتلها بلطف ...بلعت ريقها وهي بتقول :
-انا بحترمك جدا. ..بس
ابتسمت وقولت:
-وانا عايز منك الاحترام ده يا فاطمة الحب ممكن يجي بعدين ...عايز الاحترام والتفاهم ممكن اكون في الاول كنت عايز اربي بيكي رضوي بس دلوقتي لا أنا عايز اعيش معاكي كأنسان عادي ...مش هكدب واقول بطلت احب رضوي ...بس الايام اللي فاتت شوفت رضوي مختلفة ...أنا عارفها مهو*وسة بشغلها بس مكنتش اعرف ان الهو*س ده هيبقي بالشكل ده ...هي ق*هرتني فعليا ...أنا كنت بحبها اووي وهي رمت الحب ده في وشي واختارت الشغل ...
أحيانا بفكر أنها عمرها ما حبتني ...في العلاقة دي كنت انا اللي بدي دايما ...بدي حب واهتمام وتفهم ...لما أتأخر الحمل عملت كل التحاليل وكنت بصر عليها تعمل تحاليل بس هي رفضت كنت مصرة بشكل غريب أنها متعملش تحاليل وانا عشان مجر*حهاش مكنتش بصر كنت بهادوها ...لاني كنت حاسس المشكلة عندها وكنت خايف اجر*حها...فكل فترة كنت بطلب منها تحلل وهي ترفض واسكت لحد في يوم لقيت برشام منع الحمل علي السرير ...ساعتها حسيت برا*كين بتن*فجر جوايا ...مكنتش شايف حاجة الا تلات سنين وانا همو*ت علي طفل وهي شايفاني ورغم كده بتخد*عني ...كنت حاسس اني عبيط اوووي وانا شايف أن ببساطة اتضحك عليا ...ولما جيت واجهتها تخيلي أنها مخافتش ولا حاجة بالعكس بج*حت فيا ...وقفت وفضلت تتهمني اني عايز اك*سرها واد*مر نجاحها ...متتخيليش أنا قد ايه بقيت حاسس اني م*غفل وقتها قررت اتجوزك يمكن تتعدل بس للاسف بيتضح أنها أسوأ عشان كده انا عايز اعيش حياتي كفاية كده عايز احس بالاستقرار ...ممكن تقولي اني انا*ني بس فعلا من اول ما اتجوزت وانا اللي بعافر ومستنيها تعافر معايا ...اتكلمت معاها كتير بس شخصيتها صعبة وانا عشان بحبها كنت بتنازل لكن من حقي ابقي مبسوط ...من حقي يبقالي عيلة وهي لو عايزة تكون علي ذمتي أنا موافق ...وانتي ليكي حرية الاختيار مش هجب*رك علي حاجة ...
-اديني فرصة افكر
قالتها فاطمة بهدوء فهزيت راسي وانا ببتسم ..حسيت اني ارتحت ..مكنتش حاسس بتأنيب الضمير بسبب رضوي ...لأن زي ما حقها يكون ليها كيانها يحقلي يكون ليا ابن أنا خيرتها من الاول وهي اللي اختارت ...بس كمان مش هظ*لم فاطمة ...هعمل المستحيل واخليها سعيدة....
......
روحت البيت أنا وفاطمة كنت مبسوط باليوم اللي قضيته معاها....حسيت معاها وكأنه كل همومي راحت ...كانت إنسانة مسلية ولطيفة ...بس فجأة اتجمدت في مكاني وانا بشوف وكأنه في إعص*ار ضر*ب البيت ...كانت كل حاجة متشقلب حالها ...لقيت رضوي بتك*سر في البيت وهي من*هارة ...جريت عليها ومسكت ايديها وانا بقول :
-فيه ايه ...فيه ايه ..
-انا اتط*ردت يا حسام المدير الزفت ده طر*دني أنا ..تخيل ...طر*دني أنا ...
.....
كانت رضوي في اوضتها بتبكي ...جيبتلها عصير يهديها وفاطمة راحت اوضتها
-اهدي يا رضوي انت مهندسة شاطرة وهتلاقي شركة احسن
-انا اديت للشركة دي سنين من عمري يا حسام ...خ*سرت حاجات كتير عشانها وفي الاخر بكلمة يض*يع مجهودي ...
اتنهدت وبصتلي وقالت:
-بس خلاص هدور علي شركة تاني احسن ...اصلا هما الخس*رانين واشتغل وفي الوقت ده ممكن أوافق أننا نجيب بيبي وأمري لله بس بشرط ...تطلق فاطمة وتمشيها من الشغل !!!
يتبع
#ليس_ملكي
#سولييه_نصار
الجزء الخامس♥️شكرا علي تفاعلكم السكر♥️ بقلم سولييه نصار ♥️
-زي ما قولتلك قبل كده يا رضوي انتي فعلا محتاجة تتعالجي...مش بقولها عشان اهي*نك والله لكن اكتشفت انك مش طبيعية ...متوقعة اني اسيب مراتي لأن خلاص حضرتك اتنازلتي وهتجيبيلي عيل ...انتي اكيد مجن*ونة صح ؟!!
قولتها ببرود وانا ببعد عنها فوقفت وقالت:
-ايه مشكلتك ...انت بجد ايه مشكلتك ...أنا هو بقولك موافقة نجيب بيبي بس طلقها خلاص ...أنا اللي هجيبلك الطفل يعني وجودها ملوش داعي ...
-مقدرش أطلقها ...
قولتها بإصرار ..حطت ايديها في وسطها وقالت:
-ليه إن شاء الله
-لاني بحبها فهمتي ليه...أنا بحب فاطمة ...
رجعت لورا والدموع في عينيها ...اتصدمت ..بعدين قربت مني وقعدت تضر*بني علي صدري وتقول:
-مستحيل ...انت بتحبني أنا ...أنا وبس ...دي واحدة جا*هلة متستحقش الحب ..دكتور زيك مينفعش يحب واحدة زيها ...واحد بمستواك مينفعش يبقي مع واحد زيها ...مشيها يا حسام والا أنا اللي همشي وساعتها مش هتشوف وشي تاني ولو جيتلي را*كع مش هرجعلك ...
-امشي
قولتها ببساطة رغم أن قلبي كان بيت*حرق بس خلاص مكنتش قادر اتحمل تصرفاتها ...هي مش هتذ*لني بحبي ليها...حسيتها اتصدمت ...بصتلي وقالت :
-ياااه للدرجادي أثرت فيك من يوم واحد بس اكيد سح*رتلك ...أنا عارفة حيل الستات الر*خيصة دي ...
مسكت ايديها جامد وقولت وانا متعصب :
-اسمعيني بقا عشان انا زهقت منك ...الست دي تبقي مراتي..مش هسمحلك ابدا تهي*نيها ...انتي فاهمة ...عايزة تمشي امشي لكن انا مش هطلقها...اخرك أني هشتريلها بيت جديد ويبقي يومها زي يومك وليها نفس حقوقك ..هو ده اللي عندي
ربعت ايديها وقالت:
-وانا مش هسمح بكده ...انت لا هتطلقني ولا هتفضل متجوزها ...انت ملكي أنا وبس يا حسام وهتفضل ملكي محدش هياخدك مني ...
ابتسمت بسخرية وقولت:
-مش قولتلك انك نر*جسية ...فاكرة الدنيا كلها تحت امرك ...لما خس*رتي شغلك جاية دلوقتي تدوري عليا ...بس للاسف ...اتأخرتي كتير ...
سيبتها وقومت ...
....
بعد ما مشي ...قعدت رضوي وهي حاسة أن دماغها هتتفر*تك ...لا هي خس*رت شغلها ...مش هتخ*سر جوزها كمان ....حسام بتاعها هي بس ومش هتخلي واحدة زي فاطمة تشاركها فيه ...حتي لو اض*طرت تتبع اي اسلوب ...
....
دخلت عند فاطمة لقيتها بتقري قران ...ابتسمت وقعدت جمبها ...بصتلي بقلق وقالت:
-هي كويسة ..
هزيت راسي وقولت:
-هتبقي كويسة...ده شغلها اللي خس*رته ورضوي بتحب شغلها جدا ..
-ربنا يعوضها
قالتها فاطمة بحزن ...ابتسمت بحزن جوايا علي اللي وصلتله رضوي...معقول شدة حبي ليها توصلها للنرج*سية دي ....أنا اللي غلطان فعلا لاني اديتها ومستنتش حاجة ...غلطان اني فضلت أتنازل واتنازل لحد ما خلاص اعتبرتني حق حصري ...فاكرة دلوقتي لما تقولي طلق هطلق ...
اتنهدت فقالت فاطمة :
-مالك يا حسام ...
بصيت لها وقولت بإبتسامة....:
-اول مرة تقوليلي يا حسام ..
اتكسفت فضحكت عليها وانا بفكر أن قرار سليم اني اخليها في حياتي ...
.....
بعد ساعة طلعت من الاوضة عشان اشوف رضوي ...بس اتصدمت لما لقيت رضوي واقعة علي الأرض مقط*عة شراينها وبتنز*ف د*م كتير
-رضوي!!!!
يتبع اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
#ليس_ملكي
#سولييه_نصار
تعليقات
إرسال تعليق