 |
#احببت_مجنونة
البارت ال(41)
سيف...يلا
نور ...انت عبيط لا طبعا مينفعش
سيف... يانور فرصه واحده بس
نور بصتله ...انت مش قولت هتوديني مكان انت بتحبه
سيف بصلها ومش فاهم...اها بس الاول نروح المكان
نور... خلاص وديني مكان اللي انت بتحبه
سيف بصلها وستغرب رغم اللي عمله رفضت انه يتاسف قصادهم... انتي مسامحني ولا لا
نور.. يلا عشان منتاخرش اكتر من كده
سيف ...تمام واخدها وراحو المكان نور اول ما دخلت تنحت كان مكان كبير جدا ومعظمه اجهازه رياضيه
نور...ايه دا عرفت المكان دا منين
سيف... دا بتاعي
نور...ماشاء الله تحفه بجد.وبصتله بطفوله هو دا كله كله بتاعك ولا بتاعك.ايجار
سيف ابتسم... لا ملكي لواحدي
نور بطفوله... يبختك.بس دا اكنه نادي بجد وربنا انت بتيجي هنا لواحدك
سيف...اممم
نور.... جي تطلع علي الماشيه كانت هتقع سيف لحقها
سيف بلهفه.... نور انتي كويسه
نور..رجلي فلتت بس وجي تطلع تاني بالغلط شغلتها سيف شدها بسرعه
سيف...نور في ايه مالك وحضنها نور اكنها مصدقت وحضنته وفضلت تعيط
سيف...اهدي متخافيش
نور بعياط ...انا مش قصدي اوصلك اني اخليك تفكر اني اعذبك انا بحس انك مش عايزني وكل شويه تزعق عارفه انها غير ه ما انت كمان قرارت بعد.مع انك.كنت بتقولي انك.مش هتبعد. وانك ليا انا بس
نور بشهقه ونهيار... وشهد.دي وهند.والبنات حتي الممرضه شوفتها وهي عماله تتدلع عليك وانت حتي ما زعقتلها وسكت انا قبل ما انت تقولي اني مستحقش انك تحبني انا قولتلك مش هينفع لان مش زايهم وانت فكرت انك فعلا حبتني بعيوبي انت محبتنيش ولا حاجه انت اتعود.عليا زاي زاي شهد واميرة مش اكتر
سيف...يخربيت شهد اللي انتي مصمم اني في شئ بيني وبنها وكتب الله بحبك انتي مش حد.تاني
نور فضلت تعيط ومش بتتكلم ومع نفسها افتكرت انها زعقتلو وهو سامحه
سيف...ورحمة امي اول واخر حد.انتي محبتش غيرك
نور...
سيف بعدها عنه وبصصلها لقاها حضنه وسكت... ايه وحط ايدو علي خدها
نور اترعشت وفكت شعرها وفضلت تهرش..
سيف بضحك...انتي بتعملي كده ليه
نور...كذه مره اقولك بلاش الحركه دي
سيف..انتي عرفه بيحصل كده ليه
نور بصله بغيظ...ليه
سيف...عشان بتحبيني انا جربي كده ومسك ايديها وجي يحطها علي خدو
نور شدت ايديهاووشها احمر..ياعم.في ايه لا اتلم
سيف ضحك... بحبك
نور مسحت دموعها بطفوله وشعرها كان مكنوش...ماشي
سيف...مش هتقوليها
نور بصتله...اها اقولها عشان المره اللي جي تجري ورايا بالس، كينه
سيف مسك فك بوقها وباسها جامد من خدها.... بموت فيكي
نور ضربه... لا بقولك ايه مش انا بتعت كده وبتقلع الكوتش وجي تضرب سيف فضل يضحك ومسك ايديها وشالها
سيف...قوليها
نور وشها بقا طماطم... سيف بلاش هبل واعقل كده نزلني
سيف...انتي خليتي فيا عقل قولي
نور...بس بقا تعبانه بجد نزلني دخوت
سيف...قولي طيب يا كدبه
نور بصتله وحضنته... خلاص اهو ننام وحطة راسها علي كتفهوبتنام
سيف ضحك...الصبر يارب يابنتي ليه مقتنعه اني امك
نور.. طب وربنا ساعات بحس انك امي فعلا
سيف...امك. انزلي يا نور
نور...لا ومسك في
سيف ضحك...بت بتكلم جد انزلي
نور..بس بجد خلاص هنام شويه بس وهصحا
سيف ضحك...وربنا ما طبعيه وضمها لي
نور ضحكت...بحبك
سيف تنح وبعدها عنه...ايه قولتي ايه
نور بعصبيه...لا مش هقولها تاني هي مره واحد وبس بقا
سيف بحب...عشان خاطري قوليها
نور...علي فكر انت اساس مفروض تتهزق
ـــــــــــــــــــــــــــــــ
امل...يا فريده متاكده انه سيف معاها
فريده...واللهي مع بعض
هبه...ياختي متخافيش تلاقي سيف هياكلها برا
فريده...لا قال هيتمشو
ادم....متخافوش مادام سيف وهي معا دوله يطفشو بلد
اميرة... احيه نور كانت قيليلي اقول لي سيف انها مش بتروح الشغل
امل...قولتلو يا بنتي
مازن... عمل ايه
امل...ربنا يسترو مزعلش
ياسين... لو انا كان علقني اما نور لا طبعا
فريده... الله اكبر في ايه يا ولاه اتلم
ياسين...يا ماما دا يا اما يزعق فيها يا ام يفوت بالهبل
هبه.... انت عايز يزعقلها يعني
ياسين...لا طبعا
ادم بصوت بناتي....قرش ملحت اختي ليه يا حبيبي اكمنها ملكه امرها
ياسين بنفس طريقه... لا يا حبيبي هقرش ملح اختي ليه اكمنه بيمحلس ليها
محمود كان طلع من مكتب سمعهم... ياض استراجل منك ليه مش مكسوفين من مراتتكم وهي قاعده وانت بالتفاهه دي
ياسين ضحك..في ايه يعمي ما بنتك نفسها وقعت في حبي بسبب تفاهتي
ادم....في ايه يابابا بنهزر
محمود...ربنا يعوض عليا وانا اللي قولت ظابط وهتستراجل
ادم بص لي اميرة...جبتلنا كلام شوفتي اخرات اني الم نفسي حصل ايه
اميرة وشها احمر....ورينا ماشوفتش تربيه نص ساعه علي بعض
ــــــــــــــــــــــــــــــــــــــــــ
سيف... نور انا بقالي ساعه واقف بيكي انزلي بقا
نور...مش انت اللي قولت قوليلي عقاب اهو
سيف...كان انقطع لساني ضهري ياقادره
نور...فضل ساعه يا اما خلاص بقا نزلني ومش مسامحك
سيف جز علي اسنانه...دا لووامي كانت دعي عليا وكشفه شعرها ساعه استجابه مش هيحصل كده
نور ضحكت وحطه راسها علي كتفه ونايمه... بقولك متتمشا بيا شويه
سيف...بس بت
نور...وغالوتي عندك وبعدين انا مش تقيله متظنش
سيف... ساعه ونص واقف ولسه فضل ساعه.كمان اتقي الله
نور...طيب يلا اتمشا عايزه اشوف البتاع اللي هناك دي.يلا
سيف...حاضر
نور رفعت راسها وبصتله...انت بتجز علي اسنانك ليه حسه مش حبب تصالحني
سيف راجع راسها علي كتف...نامي نوم الظلم عباده
نور ضحك وبصتله تاني...انا ظلمه
سيف...لا انا نامي الله يسترك
نور...شكرا وحطت راسها ونامت
سيف... اهي بصي
نور بصت...ايه دا وجي تشد كان في جهاز هيقع علي راسها سيف ضمها لي رجع بسرع وطلعها من حضنه
سيف بلهفه... انتي كويس صح فيكي حاجه
نوربخوف...لا لا وبصت لقت كسرت الجهاز بصتله وتحنت سيف لسه هيبص راحت نور مسكت وشه ب ايديها الاتنين
نور من جوها... ينهار اسود دا لو شافو هينفخني
سيف ضم حواجبه ابتسم ... في ايه مسك وشي كده ليه
نور بلعت رقها...عادي عادي مش انت بتمسك وشي
سيف... من امتا انتي اساس بتضايقي من الحركه دي
نور... عادي شوفت اهو عشان اثبتلك اني كده بقا وايه
سيف ضم حواجبه...ايه انتي بتقولي ايه
نور...هوو انت مؤمن وكده صح
سيف ضحك...هي الخضه بهدلتك اسمي سيف الدين من رايك ايه
نور...لا لا اللي هو يعني كل حاجه وليها عمرها وكده
سيف...اكيد طبعا
نور بتوتر وبتعدل شعرو... عادي مثلا لو حاجه
سيف ضحك علي طريقتها... وبتعملي ايه في شعري
نور...بعدلهولك يابني عادي
سيف....هببتي ايه وبيبص نور لحقتو ومسك وشه ليها
نور...ياعم في ايه بصلي انا مش انا حببتك
سيف رفع حاجبه...اها وبيبص
نور بزعيق...ياحبيبي بصلي بقا اللي خربيت شكلك
سيف...يا ايه
نور...ايه
سيف...قولتي يا ايه
نور...
سيف ضحك...قوليها
نور...ومتزعقش.
سيف.. ازعق ليه
نور.. بص انا مش بمحلس ابدا ولا بتسهتن بس انا عارفه بعمل مصيب كتير وعارفة دا غالي اووي بس اسفه
سيف...مش فاهم نور شاورت بعنيها يبص ومسك وشه عشان خايفه يضربها بالراس
سيف...سيبي وشي طيب
نور...اهو ومسك برضو
سيف.. اهو ايه انتي حطه ايدك علي عيني
نور...اهو وبعدت ايدها شويه سيف لقه الجهاز بتاعو مدغدك ستين حتي بص للجهاز وبص لي نور ورجع بص للجهاز تاني وبصلها
نور بلعت ريقها وبتحاول تقول اي كلام....بص انت كذه مره.تسامحني فاكر لما زعقتلك وقولت كلام يزعلك واحنا مسافرين ولما كسرت الجايزه بتاعتك سمحتني وانا سامحتك علي اللي حصل الصبح وانت بقا سامح وانت مره وانا مره ايه رايك
سيف...دا كان انتي اللي نتكوني كده
نور...ايه
سيف بيضمها لي...الحمد الله
نورتنحت...انت مش زعلان ولا متعصب
سيف.. لا
نور طلعت من حضنه...والجهاز
سيف....بالعكس الحمد الله انها جت في مش انتي البتاع دي كانت هتنزل عليكي انتي الجهاز يتجاب منه كذه واحد ويتعوض انتي لا يانور
نور ابتسم... طلعت جدع ياض طب عشان انت جدع نزلني يلا انا اجدع منك
سيف ضحك ونزلها....لا ياختي ساعه عدت الحكم كان ساعتين ونص عده تالت ساعات
نور...هو كده الوقت الحلو بيعدي بسرعه
سيف. علي اللي متشال ياختي يلا زمانهم قلقنين في البيت
نور واقفة قصاده...لا ثانيه انت مفروض كده صلحتني بس مروقتش دمي
سيف...نعم
نور.. اها دمي محروق روق
سيف ضحك...اعملك ايه
نور...عايزه شكولاته وبتاع دي اللي طويله بس مش طويله وتخينه بي رفيعه دي
سيف... الشكولاته تمام اما ايه اللي بتقولي دا
نور ...بص في بتاع كده طويله عارفها
سيف...لا للاسف محصلش الشرف انتي عبيطه ايه اللي طويله دي اسمها ايه
نور.. معرفش هي طويله ومش طويله ورفيعه بس تخينه كده لونه بني
سيف... المفروض اني انا كده افاهم انتي مقتنعه باللي بتقولي ازاي تخينه بس وازاي رفيعه
نور..هفاهمك. بص البتاع رفيعه ووعليها واحده كده وعليها واحده كده
نور كانت عماله توصف ب ايديها
سيف بصصلها ومش فاهم....
نور بترفع راسها لقتتو بصصلها هي مش علي ايدها...انت غبي بصصلي ليه بص علي ايدي
سيف..انا شايف واحده بتعجن مش بتوصف بقولك ايه عشان انتي بتقولي حاجات غريب تعالي اجيبها بنفسك يلا
نور بصتله ورفعت شفاتها...غبي يلا
سيف...هديكي واحده بالقفا تعدلك وربنا
نور بصتله وترجع شعرها لي وراه سيف فكره هتضربه في بطنه بعد عنها راحت بصتله من فوق لي تحت...جبان ومشيت
سيف بصله وعنيه ضحكت وجز علي اسنانه واخدها ومشي وراحو يشتروالحاجات
سيف...فين بقا
نور...اهي
سيف...جيلي كولا بقا طويل وتخين ورفيع وقصير حسبي الله ونعم الوكيل
نور... قل في ادبك براحتك كل ما تقل كل ما هشتري اكتر تعال بقا هات من دا
سيف ضحك...حاضر يا اخرت صبري
نور.... بقول شبك ايدك كده
سيف... ليه
نور... عايزه اجيب البتاع دا
سيف.... اوعي اجهولك انا
نور... لا لا مش هتعرف وهمست انا هنقي السليم عشان بيبقا في مكسر شبك بس عشان اطوله ولا اقولك.شلني
سيف... هنا
نور...بقولك ايه انجز سيف شالها
سيف.. انجزي
نور بتجيب لقت ساره وهند في قسم اللي جمبهم نور بصت لي سيف...ساره وهند هنا
سيف...مين دوله
نور...اللي قبلناهم في المصيف
سيف....اهاا طب وفيها ايه عادي طنشيهم ولو حد اتكلم ردي تمام ويلا نقي اللي عايزه
ست كبيره معديه(1)...بصي المفتريه مخليا يشلها انا مرات ابني كده مبهدله يعني حسبي الله ونعم الوكيل
ست كبيره معاها(2)... ياختي دوله بيس"حرو لي بعض تلاقي دي س"حر لي ومرات ابنك ولي ابني انا كمان اخر مره زعقت فيا بنلت اخر زمن
ست كبيره(1).... اتقي الله ونزلي بمهدل راجل واختشي علي دمك
نور بصتلهم... واللهي ياحجه انا مش هرد عشان انتي ست كبيره ورجلك والقبر
ست كبية(2)....قبر لما يلمك ياقليله الادب وانت الطشها بالقلم ربيها
نور... تصدقي انتي والحجه تاني دي حلال فيكم مراتات عيالكم دا اذاكان فعلا زاي ما بتقوله وبعدين اش حشرك هو شيلني علي كتفك
سيف مكانش عارف يتكلم وعمال يضحك..
الست (1)... صحيح اللي اختشو ماتو
نور... فعلا عشان كده.حضرتك لسه عايش يلا يابني عشان ثانيه وهقول كلام للحزيبونات دوله يزعلهم
سيف بضحك اخد نور ومشي بيها وهو شيلها....الله يخربيت شكلك لسانك دا ايه
نور ضحكت... هما اللي حشرو نفسهم رغم سنهم محترمهوش احترمهم انا فكك تعال نجيب شكولاته بس نزلني
سيف ونور راحو نور لقت ساره في وشه...نورلا بجد صدفه غريبه تاني
سيف حط ايدو علي وسط نور وقربها ليه...
ساره بصتله....هاي سيف فاكرني
هند... ايه دا سيف هاي تصدق من يوم كنا بنتكلم عنكم وبصت لي نور هاي نور وجي تسلم سيف بعدها عنها
سيف... متاخرين يلا ومشو سيف مشي بسرعه مكانش عايز يخليهاتسمع اي كلمه تزعلها تاني
نور بصتله وضحكت....شكرا
سيف ابتسم ومسك من خدها.. بس ياهبله محدش يشكر حبيبو المهم عايزه ايه تاني
نور بطفوله....خلاص كده بس البتاع دا كده كنت عايزه طعمو حلو
سبف ضحك...لا هتوصفي لسه روحي جيبي
تسريع الاحداث راو يجيبو كل الحاجات وروحو القصر اول ما دخلو لقو امل قاعده وهبه وشمس بيهدو فيا
نور...في ايه
امل قامت وبزعيق...انا مش هتبطلي تقليقيني عليكي كنتم فين يا جزم
سيف... عادي انا قولت لي خالتو اننا هتمشا
فريده...وعلي الغدا هتيجو مش كل تاخير دا
سيف...معلش اصل روحنا كذه مشوار
مازن... نور كنت عايزك
نور....حاضر وبصت لي سيف طلع دوله في اوضي ايدك متتمدش فيهم
سيف... اش حال انا اللي جيبه حاضر
ـــــــــــــــــــــــــ
في الجنينه
مازن... جدو سالني بتحبي مين
نور بصدمه... اوع تكون قولتلو حاجه
مازن...امتا قولت انتي عبيطه بس كا مازن متاكد انه عارف لان كان بيلمح بيكي انتي وسيف بس انا مردتش
نور.. ياجدو يا سوسه
مازن ضربه بالقفا بخفه...اتلمي وبعدين مش عايزه يعرف ليه
نور.... عشان هو لو عرف هيقول نكتب الكتاب والفرح ومش هيرضا بالخطوبه عشان هو اساس عارف لو سيف هيقولي مافيش احسن منه ويحسسني ان خلاص كده انا في الامان
مازن بستغراب...وانتي مش بتحسي بالامان معا
نور...اكيد طبعا وبعدين بصراحه بحس بابا اووي صحيح عايزه اسالك.سوال
مازن... قولي
نور... هو لو حد بتحبه وقالك كلام اها انت بتعملو بس مش عشان تذلو كان خوف.مش اكتر وانت عارف انه بيحبك وانه عصبي وبيقول كلام بس من جوها مش كده وبيعديلك تكمل معا ولا لا
مازن... الدنيا بين اي اتنين بيحبو بعض مش شد يعني انا افوت وانتي تفوتي محدش فينا ملك ومحدش فينا وحش بس بنغلط وربك يسامح. واحنا ولا حاجه قصاد.ربنا عز وجل ومادام الشخص اعترف بغلطو خلاص اهم حاجه انك.تكوني بتسامحي مش بتمشي الدنيا لان هيجي وقت وهتكرهي الشخص دا لو لقيتي لا مش قبل تسامح يبقا ابعدي احسن
نور..لا مسامحه بالعكس مكسوف اني وصلتو لي كده
مازن...خلاص يبقا تنسي وتصلحي من نفسك
نور راحت حضنته... شكرا
مازن باس راسها وطبطب عليها... بتحبي
نور وشها احمر...اووي بصراحه عمري ما حبيت حد.كده متهئلي بحب قد حب بابا بالظبط
مازن ضحك... وشك بقا طماطم وحط ايدو علي وشها بحنيه ربنا يساعدكم
نور ضحكت بطفوله...يارب صحيح هو هسالك سوال ليه لما سيف بيعمل كده بتقشعر
مازن ضحك...عشان بتحبي بتبقي فرحانه بس متعصبه عشان مستغربه شعور
نور...اها طيب هو سوال بس مش هزعل هو انا مستهلش سيف يعني هو يستهل حد.احسن
مازن بضيق....ليه. ايه الهبل دا انتي مش قليله وانتي تستهلي احسن حاجه مين اللي وصلك الفكره دي
نور... عادي بسالك
مازن... عموما انتي الف شخص يتمناكي بس انتي شاوري وبعدين سيف يوم الفرح مكانش عارف يداريكي منهم ازاي انتي زاي القمر شكل واخلاق واسلوب وكل شي يانور يابت دا انتي اختي دي تكفي
نور.ضحكت... انت بتتفشخر بنفسك
مازن...او بيكي بجد.يانور انتي متتعوضيش
نور بفرحه...لا لا تعال وحضنته ربنا ميحرمنيش منك
مازن ضحك...ولا منك.يارب
مازن لقه سيف جي ضحك... هتنفخ النهارده
نور... ايه
سيف بعصبيه...واللهي
نور ضحكت...ايه
سيف شدها...ايه الهبل دا.
مازن بضحك...امي بتنادي وجري
سيف بغيظ...نور اياكي تخلي حد.يقربلك
نور... انت عبيط دا اخويا
سيف...ياشيخه وشهد
نور... ايه
سيف...ايه
سلمي... سيف سيف
سيف...ايه
سلمي...في واحده اسمها هند عايزك بس تحسي بقوها معوج او مش مصريه
نور بصت لي سيف...هند جيالك طو ورينا ماشي ورايحه ليها
سيف ضحك ورايح يمسكها.. ربنا يستر
بقلم الاء
يتبع
 سيف...يلا نور ...انت عبيط لا طبعا مينفعش سيف... يانور فرصه واحده بس نور بصتله ...انت مش قولت هتوديني مكان ان…){kind=link}
تعليقات
إرسال تعليق