 |
الجزء السابع ♥️شكرا علي تفاعلكم السكر♥️بقلم سولييه نصار♥️
يعني ايه ؟!!
صرخت بعصبية وانا ببص للبيدة ...حسيت لبيدة اتوترت بس سكتت ....وشي احمر وحسيت اني الدنيا بتدور بيا .....لقيت كريمة قالت بحزم:
-يعني خلاص يا عينيا انسي لبيدة وطلعها من دماغك والا والله يا عصام انا اللي هقفلك واديك علي دماغك ...بنتي خط احمر اياك تقرب منها تاني وبما أنك فسخت خطوبتك يبقي خلاص هي ملهاش شغل معاك ...ومتقربش منها ..
وبعدين قفلت السكة في وشه ...حسيت جوايا بركان ووشي سخن اوووي مكنتش مصدق ان ده يحصل معايا أنا اني اترفض !!!أنا ارفض لكن مترفضش ...كنت متغاظ اوووي لدرجة كان نفسي اك*سر الباب واقت*ل كريمة بس نزلت تحت بسرعة وانا بسوق عربيتي بسرعة كبيرة ...وكلمات كريمة بتتردد في مخي عن ان بنتها هتتجوز ...ده بعدهم ...محدش هياخد مني لبيدة ...لبيدة لاما تكون ليا او تم*وت لكن ترتبط بغيري ده مش مقبول ابدا ...وقفت العربية وانا بنهت وقررت خلاص ...الفرح هيتعمل في ميعاده ولبيدة ستكون ليا مش هسمحلها ترتبط بحد هي مينفعش تبص لحد تاني غيري ومفروض تشكر ربنا اني اصلا هرجعلها ...ابتسمت وانا بوصل للي هعمله ...وقررت اروح عند صاحبي عشان افضفض شوية ..
........
كانت سميرة واقفة في المطبخ بتجهز العصير وبتطلع القزازة وهي مبتسمة وفجأة كارم مسك ايديها وقال :
-سح*ر ...بتلجأ للكف*ر
بصتله سميرة بخوف فضر*بها كارم بالقلم وقال :
-دمر*تي حياتي وخلتيني اطلق مراتي اللي بحبها عشان ابقي خاتم في صباعك...
بصتله سميرة بح*قد وقالت:
-انت السبب انت اللي خو*نت واتجوزت غيري ...
مسكها وقعد يهز فيها ويصرخ:
-فوقي يا سميرة فوقي احنا كنا وقتها هنتطلق يعني مفيش خيا*نة أنا قولتلك اني مش عايز اعيش معاكي وده بسببك انتي انسانة خب*يثة كنتي بتوقعي بيني وبين اهلي ..كنت بتهي*ني امي التعبانة حتي لما ما*تت فضلتي تت*هميها بالب*اطل ...اذ*يتي بنتي لبيدة كتير حتي خطيبها اخدتوه منها ...انتي ايه شي*طانة .. بس أنا غلطان اني قعدتك علي ذمتي وسمحت ليكي تتحكمي فيا ...
زقها علي الأرض لحد ما وقعت وقال:
-انتي طالق ..طالق يا سميرة
وبعدين مشي وسابها تبكي ...
......
-لا يا عصام أنت شكلك اتجننت
قالها ماهر بخوف ...وبعدين قرب مني وقال:
- عصام انت بت*أذي نفسك كده انصحك نصيحة اخوية ...روح لدكتور نفسي يساعدك ...
اتعصبت وزعقت فيه وقولت:
-ليه يا اخويا شايفني مجنون ...بس الحق عليا أنا اللي جيت افضفض معاك
وبعدين قومت ومشيت ...
....
-ايه اللي قولتيه ده بس يا ماما ؟!
قالتها لبيدة بلوم فردت كريمة :
-وليد بيحبك...اديله فرصه يا بنتي
هزت لبيدة راسها وقالت:
-مش هظ*لمه معايا واقفلي علي الموضوع لو سمحتي !
وبعدين قامت وسابتها
...
مرت الايام والفرح بيقرب وكنت أنا برسم خطتي ببراعة ...لحد في يوم الفرح اللي هتجوز فيه لبيدة قررت انفذ اللي هعمله ...
......
في اوضه ضلمة مفيهاش منفس كانت قاعدة قدامي علي الأرض مكانها الاصلي ...عينيها عليها شاش ومربوطة ...سامع صوت بكاها وهي بتنادي حد يساعدها وانها مش فاهمة حاجة ...قربت منها وفكيت الشاش...بصتلي بصدمة فابتسمت بش*ر وقولت:
-نورتي بيتك يا عروسة!!
يتبع
#اتحداك
#سولييه_نصار
تعليقات
إرسال تعليق