مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الجزء الرابع♥️شكرا علي تفاعلكم السكر♥️بقلم سولييه نصار♥️

-حبستي امي ...حبستي امي ...

صرخ فيا صلاح وكنت حاسس ان عرق فيه هي*نفجر فقولت ببرود:

-براحة علي نفسك يا عريس لاحسن تمو*ت لا قدر الله انت عريس لسه ومحتاجينك ....

مسكني من دراعي وهو بيزعق فيها ...

-لا لا يا حبيبي بلاش لاحسن تحصل امك الحلوة علي الحب*س وتعملوا الفرح هناك ...احترم نفسك ....

كان بيبصلي بصدمة ...مش مصدق أن دي انا....أن المتمردة دي هي هي البنت اللي كانت بتتمني رضاهم ...بس هما السبب ..أنا كنت بعاملهم وباجي علي نفسي عشان خاطرهم وادي اللي حصدته عشان كده قررت ادوقهم من الم*ر اللي شربته علي أيديهم ...كنت براقب صلاح وانا مبتسمة بخب*ث ...كان باين عليه الذهول ...ولسه يا صلاح أنا هوريك ...

سكت شوية بعدين بدأ يحاول يلين كلامه وقال:

-يا حبيبتي دي ست كبيرة حرام عليكي ارحميها 

-وهي كانت رحمتني...

قولتها وانا بضحك بس جوايا كنت حاسة بالمرارة وانا بفتكر اللي عملته فيا ...قد ايه هي اذ*تني نفسيا وجسديا   ...قد ايه سخ*رت من مشاكلي النفسية لما خس*رت ابني ...كانت مشغلاني خد*امة عندها هي وبنتها ...بنتها كانت بتقولي بنفسها انتي مجرد خدا*مة عندنا  ...بس الحمدلله فوقت ومش هتنازل عن حقي. ...بصلي صلاح وقال بته*ديد:

-لاما تتنازلي عن المحضر أو اطلقك....

ابتسمت وقولت ؛

-طلقني يا حبيبي ..بس اديني حقي ...يعني أنا ليا.قايمة ومؤخر لو هتقدر تدفعهم دلوقتي تطلقني أو ممكن اقولك حاجة احلي. ...ممكن تبيعلي الشقة دي اعيش فيها وانت طلق.براحتك وخلي مراتك تعيش معاك تحت لكن ده بيتي ومش هطلع منه ....

بصلي بذهول ومشي وسابني بيأس

...

صلاح معملش فرح واضطر يخلي نجلاء تعيش معاه تحت....فضل يترجاني كتير اني أتنازل وقبلت بشرط أنه يكتب البيت بإسمي وفعلا كتبه بإسمي وبالتالي اتنازلت....

-نعم يا اخويا كتبت الشقة بإسمها 

اول ما جت حماتي البيت وعرفت صر*خت فيه ...كنت واقفة وانا حاطة ايدي في وسطي وقولت:

-الله يا حماتي ده بدل ما تشكريني اني خرجتك من السج*ن ورحمتك من البهدلة ...صحيح خيرا تعمل ش*را تلقي ....

جريت عليا حماتي وكانت هتضر*بني مسكت ايديها وقولت:

-لا لا يا حماتي انتي محرمتيش أنا عاملة مح*ضر عدم تعرض يعني لو حصلي خد*ش بسببك وقتها ما يجي مين مش هخرجك ...

بصيت لصلاح اللي بيبصلي بغ*ل وقولت:

-عموما أنا هطلع شقتي عشان انام ..وطبعا يا صلوحتي انت هتبات النهاردة مع مامتك ومراتك نجلاء صح يالا مش هزعل مبروك يا غالي 

وبعدين بصيت للعروسة وقولت:

-وشك حلو عليا اوووي يا عروسة ..

بعدين ضحكت وطلعت

-باردة يارب تمو*ت 

سمعت حماتي بتقولها قبل ما اطلع وابتسمت ...متعودتش اكون غد*ارة بس هما اللي جابوه لنفسهم ...

.....

مرت الايام وبدأت ارجع لشغلي اللي سبيته وصلاح متكلمش لانه كان ملهي في مصي*بة اكبر ...اكتشف أن أخته بتكلم واحد وكانت بتبعتله صور ...في الوقت اللي كان فاكرها بتذاكر وبتروح دروسها كانت بتروح وبتقابله ...بس رغم أنها حتي هي اذ*تني زي امها بس مفرحتش فيها وكنت بدعي أن ربنا يخرجها من اللي هي فيه ... صلاح وصل للشاب وقدر يمسح الصور وض*ربها ومخلهاش تكمل تعليمها ....بقت تساعد أمها في شغل البيت بعد ما نجلاء طلعت القديم والجديد علي حماتي ....حسيت أن نجلاء دي اخدت حقي من غير ما تعرف...كانت بتعاملها وح*ش اووي ...تقدملها اكل وح*ش...وتفت*ري عليها وكانت بتس*خن صلاح علي أمه ...كنت بشوف حماتي بتبكي وهي بتبصلي كل يوم بند*م بس انا مكنتش قادرة اسامح ...صحيح صعبت عليا بس السماح كان صعب ...ودلوقتي جه الوقت اللي ارم*ي صلاح من حياتي خصوصا اني بنيت حياة جديدة ...

كان قاعد صلاح معايا في البيت بيبصلي بحب وقال بإشتياق:

-,معرفتش قيمتك غير لما عيشت مع غيرك ...وقتها عرفت اني بحبك يا غزل ...بحبك اووي ارجعيلي وانا موافق علي كل شروطك ...

بصتله ببرود وقولت :

-طلقني!

يتبع

الجزء الاخير♥️شكرا علي تفاعلكم السكر♥️بقلم سولييه نصار♥️

-ايه طلاق ...عايزاني اطلقك ليه ؟!

قالها وهو مصدوم فبصتله وقولت:

-وحياة ماما ...انت هتستهبل يا حبيبي بعد الب*هدلة دي بتسأل ...ده انا كويس اني مرتكبتش فيكم جر*يمة ....أنا مستحيل أعيش مع شخص بتاع أمه زيك ...

مسك أيدي وقال:

-ابوس ايديكي يا غزل اديني فرصة واحدة بس ...

شيلت أيدي وقولت:

-كان فيه وخلص يا حبيبي لا مستحيل ودلوقتي قدامك حلين لاما تطلقني بهدوء أو اخل*عك  وافض*حك بس انت شاطر ومش عايز فض*ايح وهتديني حقي وتطلقني صح ...فكر فيها ده احسن لكن تتخ*لع وتلف علي المحاكم وسيرتك تبقي علي كل لسان صدقني منظرك مش هيبقي لطيف ...

بلع ريقه وهو بيبصلي وقال:

-بس المؤخر كبير عليا و...

ضحكت بسخرية وقولت:

-اعتبرها جوازة تانية ما انت كلفت علي العروسة الجديدة ...

قومت وانا بقول :

-ودلوقتي أنا رايحة شغلي فكر في الموضوع مش عايزة الموضوع يوصل للمحاكم انت عارف مصلحتك اكيد ...

بعدين قومت وسيبته ...

.....

بعد ساعات رجعت من شغلي لقيت حماتي في وشي ...شكلها تعبان وباين وعليها الند*م ...

-يا بنتي ممكن اتكلم معاكي ..

-بنتك 

قولتها بصدمة مزيفة وقولت :

-من امتي أن شاء الله انا بنتك ...ده انتي دم*رتي حياتي يا شيخة. ..ده انا لو عدوتك مش هتعملي معايا كده 

-حقك عليا سامحيني 

قالتها وعينيها مدمعة ...

دموعي نزلت وقالت:

-اسامحك علي ايه بالضبط...علي  معاملتك الز*فت ليا ...ولا علي انك خلتيني خد*امة عندك لحد ما خس*رت ابني ولا علي انك كنتي بتس*خني جوزي عليا لحد ما خلتيه يتجوزني ولا علي ضر*بك ليا واها*نتك ليا...أنا بصراحة مش عارفة اسامحك علي ايه بالضبط فإنتي قوليلي .

-انا عارفة اني غل*طانة ...

هزيت راسي وقولت:

-كويس انك عارفة ...وانا مش هسامح  مستحيل ...

.....

مرت الايام وفعلا  صلاح طلقني واداني كل حقوقي اما  البيت اللي كتبه بإسمي أجرته لصلاح ومراته وبقي مصدر دخل ليا وبعدت عنهم بس كنت بسمع اخبار عن ازاي أمه ند*مانة أنها ضي*عتني بسبب نجلاء اللي خلت صلاح يقاطع أمه غير بنتها اللي فش*لت دراسيا وجوزوها واحد كبير وحماتها مبه*دلاها زي ما كانت حماتي مبه*دلاني...صلاح اتده*ور حاله ومش سعيد ومش عارف يطلق نجلاء لانه معهوش فلوس يدفعلها المؤخر وهي كل شوية تهد*ده بكده ...حاول صلاح يرجعلي كتير بس انا رفضت مكنتش هتنازل علي الحياة اللي أنا عملتها ...أنا بعد فترة قدرت انجح وابقي احسن ...كنت حاسة اني انسانة مش مجرد خد*امة ليهم ووقتها استغربت ازاي وافقت اعيش كده عشان بحبه بس ...لكن عمر الحب ما كان كفاية ...فيه حاجات بتق*تل الحب واللي عمله صلاح وأمه قت*ل حبي ليه ....

....

بعد سنتين 

كنت قاعدة في مكتبي في شركة الأزياء الصغيرة اللي أسستها بعد ما انفصلت عن صلاح بسنتين بفكر قد ايه انا تعبت ووصلت اخيرا..لما السكرتيرة دخلت وقالت إن فيه واحد اسمه صلاح الرفاعي مستنيني برة ...طلبت منها تدخله ...دخل صلاح وكان باين عليه التعب خس خالص ....وشه تعبان بس اول ما شافني ابتسم ...قعد علي الكرسي وقال:

-مبسوط انك حققتي حلمك وندم*أن  اني في يوم وقفت في وش حلمك ...

سكتت ومتكلمتش فكمل:

-انا مش جاي اطلب انك ترجعيلي عارف اني خ*سرت الحق ده ...انا جاي اطلب تسامحيني علي اللي عملته فيكي ...ربنا اخدلك حقك يا غزل مني ومن امي كويس اووي اتبل*يت في واحدة زي الش*يطان قدرت تد*مر حياتي وتبعدني عن امي  ...مش هضغط عليكي واقولك سامحيني دلوقتي ...خدي وقتك بس المهم تحاولي تسامحيني ...

وبعدين مشي وسابني اللي ميعرفهوش اني سامحت من بدري مكنتش قادرة اخلي ح*قد في قلبي من ناحية حد عشان اعرف اعيش كويس ...أنا رم*يتهم ورا ضهري لأن في حياتي الجديدة هما مش موجودين ولا حتي فيه اي ذكري ليهم ...ولا مشاعر ...لا حب ولا كر*ه ...

ابتسمت وانا بلف في مكتبي اللي بنيته بتعبي قد ايه عوض ربنا حلو ...العوض مش أشخاص بس العوض نجاح ونجاحي في شغلي كان أكبر عوض♥️

تمت

#قلوب_مظلمة

#سولييه_نصار