 |
#احببت_خاطفي
البارت3❤️
ادهم ساب زياد وخرج بسرعه راح اوضتها ولما فتح الباب اتصدم لما لقاها واقعه علي الارض في جنب الكاميرا مش ظهراه
ادهم : ندااااا
جري عليها شالها ونيمها علي السرير الي في الاوضه
ادهم :زياااد اتصل بالدكتوره بسرعه
زياد : تمام
بعد فتره طويله
خرجت الدكتوره من اوضة ندي : السكر عندها منخفض (كان في ايديها ورقه) ومحتاجه العلاج دا
زياد : هي مريضة سكر
الدكتوره بستغراب : ايوا ازاي متعرفوش مش انتوا اهلها؟؟
ادهم : لا
الدكتوره بستغراب اكتر : اييي؟
ادهم : اقصد انها جارتي ومعرفش عنها حاجه
زياد خد نفس عميق وطلعه تاني
الدكتوره : تمام
بعد ساعه ندي صحيت لقت نفسها نايمه علي سرير ف اوضه شكلها حلو اوي
ندي بتعب : انا فين
ادهم : اخيرا فوقتي
ندي بتعب : هو انت... انا فين واي حصل
ادهم : مفيش تعبتي شويه واغمي عليكي والدكتوره جت وكشفت عليكي
ندي : انتوا متأكدين انكو حراميين بني ادمين دا انتو احن من اهل ابويا التعابيين دول
ادهم ضحك غصب عنه : احنا عايزينك سليمه عشان كدا بنعالجك
ندي بخوف ممزوج بتعب : هتبعوني قطع غيار
ادهم ضحك اكتر : لا متخافيش
ندي بسرحان في ضحكتو : بعد الضحكه دي خلاص اطمنت
كانت بتحاول تقوم تقعد علي السرير بس مش عارفه ادهم قرب منها وحط مخده ورا ضهرها وعدلها
كان قريب منها اوي وبص في عيونها وسرحوا وفجأه ندي زقته
ندي : استغفر الله العظيم لا انا عارفه الحركه دي
ادهم بستغراب : حركه اي
ندي : بشوفها في الافلام الهندي البطل يسرح في عيون البطله وبعدين يبو"سها ويقعو في دباديب بعض
ادهم ضحك جامد : الله يخربيتك بجد
ندي : بقولك اي انا جعانه
ادهم : عايزه تاكلي اي
ندي بتفكير : امممم بيتزا
ادهم : في واحده مخطوفه تاكل بيتزا
ندي : بدلع لنفسي في اخر انفاسي يجدع مدلعش يعني
ادهم : لا ازاي
ندي : وعايزه ايس كريم بالشكولاته
ادهم : تمام
ندي : يلا بسرعه
ادهم : هو مين الي خاطف التاني
ندي ضحكت جامد : انا وانتوا واحد
ادهم سرح في ضحكتها وفاق : لا لا استغفر الله العظيم
ندي بستغراب : في اي ؟
ادهم : اصل انا بشوف الحركه دي في الافلام الهندي برضو البطله بتضحك والبطل يقع في دباديب ضحكتها
ندي ضحكت جامد
ادهم ببتسامه : هروح اجيب الي طلبتي
وسبها وخرج من الاوضه
واول ما طلع شاف..........
#يتبع
#احببت_خاطفي
البارت 4❤️
شكرا علي تفاعلكم القمر ❤️❤️❤️
ادهم بعد ما ساب ندي وخرج من الاوضه
واول ما طلع شاف زياد هيجري مسكوا من هدومو عند كتفو كدا
ادهم : كنت بتعمل اي ياض
زياد : هااا... انا.. ولا حاجه
ولسه هيجري ادهم شدو تاني
زياد : ادهم انا مسمحلكش تمسكني كدا الا كرامتي
ادهم ضحك : لا ي راجل
زياد حضنو جامد : فرحانك ي صحبي
ادهم ببتسامه : وفرحان لي بقا
زياد : اول مره بعد السنين دي كلها اشوفك بتضحك من قلبك كدا
ادهم سرح شويه وافتكر الي حصل زمان
زياد : انسي ي صحبي مكنتش تستاهل
ادهم خد نفس عميق : بحاول انسي بس مش عارف هي....
وقاطع كلامهم صوت ندي
ندي : ي عااااالم ي ناااااس يالي برا عطشانه يخااااالق
ادهم ضحك : مجنونه
زياد ضحك : هروح اجبلها تشرب وانت رايح فين
ادهم : اجبلها تاكل
زياد ضحك : دي مش مخطوفه دي قعده في فندق خمس نجوم
ادهم : عملت الي قولتلك عليه
زياد : بمجرد ما شاف الفلوس وافق
ادهم : مش عايزها تعرف حاجه
وقاطع كلامهم تاني صوت ندي
ندي : هموووووت من العطش يالي معندكوش احساسسس ي خطافين مفتريين
زياد بضحك : هروح اجبلها تشرب بسرعه لتقوم تضربنا
ومشي زياد
ادهم بص لباب الاوضه الي فيها ندي وابتسم وبعدين مشي
زياد : انت لسه واقف اجري هات الي طلبتو بسرعه
ادهم ضحك ومشي
زياد : خدي ي ستي
ندي : ستك مين دي يخويا هات الميه جتكم داهيه
زياد : احنا جتنا داهيه
ندي : اسكت خليني اشرب
زياد بضحك : حاضر ي فندم
ندي : هيييييح كدا يبقا فاضل اكل بقا
زياد : يارب تكوني مبسوطه معانا
ندي بغرور : يعنى مش اوي
زياد ضحك : شكرا لكرم وتواضع حضرتك والله
ادهم كان مبسوط اوي وهو سايق العربيه ومشغل اغنيه
ادهم : مكنتش متخيل اني فيوم هنسي الماضي واحب تاني عدا 3 سنين علي الي حصل ومن اول ما شفتك وانا نسيت كل الي حصل معايا معرفش حبيتك ازاي وامتي وعارف الي انتي عشتي وبوعدك هعوضك عن كل حاجه
وفجأه ظهرت بنت قدامه كان هيخبطها بس اتحكم في العربيه بسرعه
نزل بسرعه : انتي كويسه
: ايوا
ادهم بصدمه : انتي
ندي : انتي بتفكري في اي ي ندي يخربيت سنينك
زياد : هو وصل جنانك انك تكلمي نفسك
ندي : اسكت شكلي وقعت
زياد بستغراب : وقعتي ازاي وانتي قعده علي السرير
ندي : لا لا مش وقعت بجد وحقيقي انا وقعت في الغرام
زياد ضحك : غرام مين بقا
ندي : انت
زياد بصدمه : ايييي؟!
............
#يتبع تكملة الروايه من هناااااا
#بقلمي_رحمه_محمد
تعليقات
إرسال تعليق