مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

-أسمعي يا بت تعالي هنا

-افندم

-واحنا جوه أنتي مجرد تلميذتي فاهمه

-حاضر يابيبي خدمه تانيه

-احيييه بيبي بيبي ألطم دلوقت بقيت المعيد بتاعك بيبي دي في البيت

-اوف يبني انت مش عاوز حد يعرف اننا اخوات لي

-لانك ذكيه وبتطلعي من الأوائل مش عاوز حد يقول بتنجح عشان اخوها معيد هنا

-يجدع طب حاجه تانيه ولا اخش

-اي ولد يكلمك مترديش عليه وعرفيني

-حاضر

-متتعرفيش علي اي بنت غير ما تقوليلي عليها عشان اتحرا عنها

-حااضر

-وانتي قاعده متقعديش تضحكي للي يسوي والي ميسواش وتقعدي تبصي يمين وشمال زي الهبله منا عارفك

-حاضر

-و

لقيتها قطعتني

-وربنا حاضر امشيج بقا خلاص انا طهقت

-حاضر يختي ماشي ماشي بس عارفه لو لفيتك بس ضحكتي في اي وقت هعلقك يا أسيل

-تصدق انت لو مش اخويا

-ها

-ولا حاجه روح بقا مش وراك محضارات

-طيب ولما تخلصي متروحيش استنيني عشان نروح سوا بدل ما تتبهدلي في الموصلات

-يااه ياخلف كل ده حب

-لا ده بتنجان امشي يابت

ومشيت قدامه لقيته زعقلي

-أسيل أمشي زي العسكري بدل ما اقتلك

-حاضر ربنا علي الظالم

وسبقته علي جوه الكليه قعدت أبص عليها يااه اول يوم ليا هنا طلعت السندوتشات الي امي عملهالي وقعدت أكل فيها وانا ماشيه. وفجأه خبطت في واحد

-مش تحاسبي

-انا بردو الي احاسب

-لا انا 

-بقولك اي متعصبنيش انهارده اول يوم ليا هنا ومش عوزه اتغابا علي حد فايله بقا من هنا خلي ليلتك تعدي علي خير

-ليلتي أنا الي تعدي علي خير أطلعي بلكارنيه بتاعك يابت

-بت لما تبتك خلفتك ستك وزه وبطه يلعبو في بؤقك

- تصدقي انتي مهزقه قدامي علي مكتب العميد

-قدامي علي مكتب العميد خوفتني يمه يمه يمه خاف ياعيد

لقيت الطلاب اتجمعو وطالب قله

-في حاجه يا دكتور وحيد

-دا أي دكتور

بصتله ومديت أيدي ليه بسندوتش

-اممم تاخدلك سندوتش

-لا تخدي انتي رفد من الكليه اي رأيك في اول يوم ليكي

لقيت أدهم أخويا حبيبي جه ولحقني

-دكتور وحيد في اي

-أبدا يا دكتور أدهم بس الطالبه دي قليلة الادب

لقيت ادهم بصلي بعصبيه

-معلش يا دكتوز وحيد أنهارده اول يوم عديها

-ابدا لازم تترفد

-يا دكتور وحيد حرام تضيع مستقبل طالبه كده معلش امسحها فيا انهارده اول يوم اتفضلي ياانسه أعتذري للدكتور وحيد

-بس هو كمان غلط فيا

-شوفت يا دكتور أدهم مش قلتلك دي قليله الادب

-يااستاذه أتفضلي اعتذري للدكتور

وبصلي بعصبيه يالهوي هو هياكلني ولا اي

-سوري

ومشيت وسيبتهم لقيت وحده جت جري وانجتني

-برافو عليكي اصلا الدكتور وحيد ميغركيش انو وسيم وشاب وكده لا ده مطلع عينينا كلنا في المحاضره نسيت اعرفك أنا رقيه في سنه تانيه

-وانا أسيل في سنه تانيه بردو

-غريبه اول مره اشوفك يعني

-كنت بدرس منزلي ومبجيش غير علي الامتحان

-اها فهمت بس جدعه يابت. الدكتور وحيد ده مبيجيش غير كده

-بس دنا كنت متغاظه منه لولا دكتور أدهم كنت جيبته من شعره

-أسيللل

-اسكتي يا رقيه انا لو شوفته هطلع عينه وهعلقه من قفاه

-أسيلللل

-يتو نيله وهو وشه شبه قفاه كده

-اسيييل

-أي أي يا رقيه عوزه أي

لقيتها بتشورلي بعنيها كنت هعيط ولطمت علي وشي شورتلها معنها انو ورايا لقيتها هزتلي راسها بمعني اه

-بس تحسيه كده طيب اه والله ومحترم وابن ناس بصي قمر قمر كده

-ايوه عندك حق طيببب اوي يا اسيل

-الصراحه انا افتريت عليه

لقيته بيقولي وهو واقف ورايا

-مكملتيش لي لستت التهزيق ياانسه اسيل

بصتله وضحكتله

-نيهاهاهاها مين ده الي بيهزقك يا دكتور ما عاش ولا كان الي يهزقك

-يا راجل

-لا انا بنت مش راجل

-خمس دقايق ومشوفش وشك قدامي فاااهمه

-انا اصلا اختفيت من علي وش الكره الارضيه

وسحبت رقيه في ايدي وطلعت اجري

دخلنا المحاضره انا ورقيه واحنا بناخد نفسنا بلعافيه

-فلتنا

-منه لله سيب ركبي الله يسيب ركبه 

-كنتي هتروحي في ابو نكله يااسوله

-بس يابت هو يقدر دنا كنت شلفطه

-طب يله يختي اقعدي علينا محاضره الدكتور ادهم وده الي كان بيدافع عنك موز الكليه كلها

-ياراااجل

-اه والله عليه حتة ضحكه بتدوب قلبي

-اي النظام طاه اعترفي

-نظام اي اتنيلي هو يعرف اني عايشه علي الكوكب اصلا

-لي ابت كده محولتيش تتقربيله لي

-يعني هيسيب كل موزز الكليه والكليات المجاوره وهيبصلي انا

-بت انا حبيتك فا هساعدك

-ازاي افلحوسه

-تعالي معايا كده

وختها من ايدها وقعدنا في المدرج الاول قدامه علي طول

لقيت بنتين جاين

-لو سمحتي

بصتلهم

-بتكلميني انا

-اه انتي وزميلتك

-افندم

-ده مكانا احنا بنقعد هنا ديما ساعت محاضرت دكتور ادهم ودكتور وحيد

-اه وانا اعمل اي

-قومي من مكانا

-قومي من مكانا لا اتفضلو

لقيت رقيه بتقولي

-يله يااسيل مش عوزين مشاكل

-ششش اسكتي انتي دلوقت

-هو اي الي لا قلتلك ده مكانا

-مكانك ومكاني ده يبقا في المدرسه ايام رن جرس الفصحي احنا هنا في الكليه اتفضلي بقا من غير مطرود

-انتي بجحه لي بقولك قومي

-طب عليا الطلاق بتلاته من البت رقيه منا قايمه

لقيت رقيه ضحكت

-اضحكي يختي خليكي تطلقي

هوب لقيت هولاكو دخل اقصد ادهم اخويا حبيبي منه لله

وبيقولنا

-في اي

-ده مكانا يا دكتور والاستاذه قعدين مكانا يرضيك

-طب معلش اتفضلو انتو في حته تانيه وبعد كده مفيش حاجه اسمها مكاني ومكانك اتفضلو

ومشو من هنا طلعتلهم لساني وبصيت قدامي حسيت ان ادهم بيطلع دخان وسيكا وهيجي يجبني من شعري قفوش اوي وبداء يشرح خلص المحاضره

-ياااه الدكتور ادهم طلع شرحه نضيف وعلي ميه بيضه

-هو شاي يااسيل انتي هتجنيني

-لا بن خيو خيو خيو خيو

-قلش رخيص

-رخيص ولا جديد نيهاهاهاها

-قومي يااسيل امشي من هنا قومي الله لا يسئك هي مراره واحده واتفقعت

-طب بقولك اي

-ارغي

-متيجي نروح لادهم اقصد الدكتور ادهم

-هنروحله نعمل اي عنده

-هنراقبه

-لا يااسيل متستهبليش

-بطلي تبقي بومه متخافيش انا في ضهرك

-مده الي مخوفني

-كده وانا الي عوزاكي تتلحلي وتتجوزيه

-خلاص اكتمي هتفضحيني طب طب يله بينا

وقومت انا وهي وطلعنا ورا ادهومي حبيبي لقيناه واقف مع واحده وبيشرحلها بس البت نظرتها معجبتنيش

-اتحركي وخشي قطعيهم خليها تبعد عنه

-لا لا يااسيل بلاش هيزعل

-يزعل في عينك دنتي لخمه اقولك تعاليد نقرب اكتر

وقربنا اكتر وسمعناه اكتر والبت بتقوله يديلها دروس خصوصي بنت ال

لقيت حد بيخبط علي ضهري

-لحظه واحده

بردو بيخبط

-ماقولنا لحظه واحده خليني اركز بيرغي في اي يا ررقيه بدل ما الواد ينشقط

-انتي لحقتي تحبيه

-وحيات ام

سكت اي ده الصوت ده مش غريب عليا بدور وشي لقيت دكتور وحيد في وشي ورقيه واقفه بتلطم قي جمب ضحكتله

-منور والله يا دكتور هو مش دي الكفاتريا بردو

-ياشيخه

-احم هو تقريبا انا توهت يله بينا يا رقيه

ولسه جايه امسك رقيه وامشي لقيته عكشني من قفايا

-سيبني يا دكتور ميصحش كده نزلني بقولك البلوزه الي انت ماسكها دي عارف بكام

-انتي جتيلي من انهي داهيه

-من اسكندريه 

-انتي ابتلاء يابنتي ابتلاء ووقع في طريقي

لقيت ادهم جه وشالني من ايد وحيد ده

-في اي يا دكتور وحيد هو انا كل ما اشوفك القيك بتتخانق مع الطالبه دي

-قوله ربنا مديه صحه فا بيفتري عليا

لقيت ادهم داس علي رجلي جامد

-مقصدش مقصدش يله يا رقيه

-يله علي فين الطالبتين دول يااستاذ ادهم كانو بيتنصتو عليك

-لا استوب كده نتنصت عليه ازاي احنا بس كنا معدين من هنا صدفه مش اكتر مش كده يا رقيه

لقيت رقيه بتهز راسها روحت مبرقلها

-اه اه كده احنا كنا هنروح الكفاتريا وجينا غلط

لقيت وحيد ده وجه لرقيه الكلام

-ازاي ياانسه وانتي في سنه تانيه ومتعرفيش مكان الكفاتريا

لقيت رقيه هتعيط وبدأت الدموع تتكون في عنيها فا رديت انا

-توهنا انا جديده وتوهتها

-خلاص يا دكتور وحيد حصل خير

-دكتور ادهم مينفعش تعدي الموقف ده كده

-معلش يا دكتور وحيد حتا لو بيتنصتو انا مسامحهم

-وانا بقا مش هسكت ولازم يتحولو للتحقيق

-تحقيق وماله انت معاك دليل دكتور ادهم اصلا يعني بزات نفسه معهوش دليل انت معاك

-علي محضرتك

-يا دكتور ادهم

-علي محضرتك يااسيل وخدي انسه رقيه معاكي

خت رقيه ومشينا

-اي يابت بتعيطي لي بطلي هبل

-منظرنا وحش قدامهم

-اتنيلي عادي بتحصل بتحصل لولا دكتور وحيد ده اوف منه انا لو عليا عوزه اجيبه من قفاه

-اتنيلي ده هيعملك كفته لو شافك تاني

-سيبك منه بقولك

-اي

-انتي بتحبي الدكتور ادهم بجد

-اه بحبه من السنه الي فاتت متتخيليش ضحته بتنور حياتي لما بلاقيه واقف مع واحده بحس اني بموت بس بحاول ابقا عقله عشان مليش اي صفه عنده غير تلميذته

-خلاص تعالي عندي انهارده بليل بيتي ناكل سندوتشين حلوين كده مع كوبيتين شاي ونخطط لسي ادهم وكمان عملالك مفجأه

-مفجأة اي

-لما تيجي هتعرفي المهم ده عنواني متنسيش هستناكي

-ماشي يله بينا عندنا محاضره دلوقت مع دكتور وحيد

-لا مش هحضر

-الي بيغيب من محضرته بينفخه وانتي مش ناقصه

-هو طلعلي في البخت

-هنعمل اي حظك كده يله بس

وسحبتني من ايدي وروحنا المحاضره

ولسه دخلين لقيناه في وشنا لحق يوصل امتي ده

-اتفضلو بره

-نعم

-زي ما سمعتي انا محدش يخش بعديا المحاضره

-يله يااسيل

-استني يا رقيه

-خدي صحبتك واتفضلو بره من غير شوشره

-حضرتك معاد المحاضره بتاعتك الساعه كام

-12

-تمام دلوقت اتناشر الا خمسه يعني احنا حضرين قبل محضرتك بخمس دقايق مش ذنبنا انك جيت بدري

وخت رقيه ودخلنا

-تمام تمام يله نبداء

-لسه خمس دقايق يا دكتور معاكي حاجه ساقعه يا رقيه اصل عطشانه

لقيت الكل بيضحك حتا هو ضحك بس داري ضحكته

-معاكي حق تمام ياانسه

وقعد لحد ما المحاضره معادها جه وبداء شرح وانا عماله ارغي مع رقيه عن ادهم اخويا وعرفت انها بتعشقه لحد ما لقيت وحيد ده بيزعق

-انتي يا استاذه

بصيت لي ومعبرتش

-انتي يلي كنتي دخله متأخر

-انا

-لا خيالك قليلي كنا بنتكلم في اي

-في المحاضره

-ايوه الي هي اي

-التنميه البشريه

-كملي

طبعا ميعرفش اني من يهود الدفعه الدحيحه اصلا وسمعتله الي حفظاه كله ولقيته قلي اقعدي فا قعدت

الجزأ التاني الأخير 

-خلصنا المحاضرات ولقيت ادهم بعتلي رساله

-مستنيكي بره لو اتاخرتي دقيقه هعلقك من شعرك فاهمه

لطمت علي وشي وطلعت اجري وركبت جمبه

-احم احم

مبيردش

-وحدوووووه ما دايم الا وجه الله

;اسكتي يااسيل بدل ما اجيبك من شعرك

-وه لي انا عملت اي

-لما نروح هتعرفي

قلبي وقع في رجلي لحد ما وصلنا وطلعت جري وهو طلع قدامي لقيته قفل باب الشقه وقلع الحزام

-اول يوم في الكليه وتعملي كل ده

-اهدي اهدي يس هفهمك

لقيته جري ورايا

-تفهميني اي دنتي شرشحتي للدكتور وحيد لا ومش بس كده اتعرفتي علي بنت من ورايا لا وبتراقبيني يا بجحه

روحت جري استخبيت تحت السرير

-اطلعي يااسيل

-مش طالعه

-اطلعي يا اسيل بلزوق يا ربي يا ربي عايش مع فار في البيت اخرجي يابت

-طلاق تلاته منك منا طالعه

-ماشي يااسيل متطلعيش خليكي تحت السرير وادي قاعده ياانا ياانتي انهارده وريني هتطلعي ازاي

روحت زغزته في رجله وهو قاعد وفضل يضحك

-اسسسسيل بطلي تخلف

-لا 

-تمام برحتك وادي قاعده

وقعد علي السرير اخوات اخر زمن شويه وجرس الباب رن اكيد رقيه بنت حلال جت في وقتها قام ادهم فتح معرفش مسمعتلوش حس اتسحبت وقعدت اتنصت

-انتي انتي انتي بتعملي اي هنا

-دكتور ادهم انا غلطت في المكان ولا اي

-اسيييييييييل وربنا لأوريكي

طلعت اجري تاني تحت السرير

-اطلعي يااسيل بقولك اطلعي

-وربنا ما طلعه

- انتو عايشين سوا ازاي يظهر ان جيت في وقت مش مناسب

-استني لو مشيتي هتنفخ ادهم يبقي اخويا

-دنا هطلع عينك

-اااااا اخوكي ازاي

-وربنا اخويا الشقيقي تخيل انا اخت كائن السيكوبتتاتي ده

لقيتها صرخت

-يالهوووووي يعني انتي اخته

-اه اخته واهدي ها وخده بالك انتي

-عمتا يااسيل انا هسيبك دلوقت عشان صحبتك بس مش هعديهالك علي المصايب الي بتعمليهادي

-يا عم روح

وخرج وسابني انا ورقيه

-ها مشي

-اه

-طب اقفلي الباب بلمفتاح وتعالي

قفلت الباب وقعدت وانا خرجت وقعدت جمبها

-متنحيش ليا يا رقيه بصي يا ماما انا وادهم اخوات بس محدش يعرف في الكليه لاني وبلا فخر ذكيه فا هو مش عاوز حد بيقول اني بنجح بلكوسه تمام تمام اما بلنسبه ليه انا مقلتلوش انك متنيله وبتحبيه فا انتي زي الشاطره كده تيجي تزوريني علي طول بحيث يشوفك كتير ويعرفك هوب يحبك هوب يخطبك هوب يتجوزك

-هو مش اخوكي بردو

-اه بس ولا اعرفه

لقيتها ضحكت

-اي القمر ده ياابيض ياعرسي انت يل حلو انت ياحلو

-بس يا مجنونه

-يا شيخه اتنيلي مجنونه بس عسل متنكريش

-اه جدا وانا اقول هو كان بيعديلك حجات كتير انهارده وبيدافع عنك لي

-طبعا يابنتي مش اخويا اومال عوزاه يدافع عن مين الجيران اصلا لو مدافعش عني هعمل منه شورما لحمه عشان مبحبش الفراخ

-اه مصدقاكي بأمارت ما كنتي مستخبيه تحت السرير

-قلبك ابيض بقا يافوزي يله قدامي هتتغدي معانا انهارده

-بس

-لسه هتبسبسي يله قدامي عوزانا نذاكر علي معده فاضيه دحنا كده نهبط

وروحنا جهزنا الغدا وقعدنا كلنا ناكل سوا

-معلش يا رقيه ناولي ادهم طبق المولخيه الي قدامك ده اصل بيحبه وانا بخاف اقرب منه

-ياشيخه

مدت اديها وادته لادهم أبتسملها وقلها شكرا وانا قعده في النص كأني كيس جوافه وخلصنا اكل وروحت انا ورقيه نذاكر

-نركز في الماده لان دكتور وحيد اصلا قارش ملحتك ومش طايقك

-ياشيخه اتنيلي ده اصلا باين عليه مش طايق روحه والله بحس انو بيمشي ورايا عشان يمسكلي اي غلطه 

-ودي حقيقه ياسو فا يله نذاكر

-طب اروح اعمل الشاي بقا خلينا نذاكر بتمزج

-مش عوزه شاي يااسيل متستهبليش

-اوف مليش مزاج للمذاكره

-اسيل هنسقط ياماما هنسقط

-نسقط اي يا رقيه احنا لسه في اول السنه

-خلاص امشي بدال مش هنذاكر

-لا خليكي انا بقول نتسلا شويه

-وده ازاي

-هنغني

-وات

-متبقيش رخمه يله واحد اتنين تلاته

بطل الكوكب وحش الكون

على التيك توك دي اجمل بنت

حوت فى دلعها باحلى عيون

-لقيت ادهم دخل مره واحده بسبب صوتي

-منك لله يااسيل يابنتي انتي هتجلطيني صوتك نشاز نشاااز

رميت المشط علي رقيه وقلتله

-مش انا الي بغني دي رقيه

لقيت رقيه وقعتني من علي السرير

-وربنا ماانا دي اسيل

-بس انتو الاتنين انا هروح اكمل شغلي لو سمعت صوت واحده منكم هسقطها السنادي مفهوم

-ربنا علي الظالم

-هو بيتكلم جد

-لا بيهزر هتشلوني 

-طب انتي اخته انا مالي

-احب ابشرك ده الوجه الاخر من ادهم هتتنفخي ياسوسو 

-حسبي الله يله نذاكر

-يله يختي وامري لله

وقعدنا متنحين انا وهي قدام بعض

-انا مش فاهمه حاجه

-ازاي يختي مش الهانم كانت بتطلع من الاوائل

-اه بس مش فاهمه

-بصراحه ولا انا حاسه اني حماره سيكا

-خلصانه هو واحد الي بلجأله في المواقف دي

-اوعي تقولي

-هو ادهم حبيب اخته بس المرع دي هتروحي تخبطي زي الشاطره علي اوضته وتسأليه انتي عشان مش طايقني

-الله وانا مالي انتي اخته وبعدين اتكسف

-تتكسفي من اي يله يارقيه وحيات عيالك

-انا اتجوزت وخلفت وانا ما اعرفش

-يله بلاش عرق الغباء ده

وزقتها علي بره بلكتب واتسحبت لي ادهم وخبطت ودخلت اوضته لقيتها خارجه وادهم بيرزع الباب وراها

-هاا

-حل سؤال لينا يله نكمل مذاكره

وقعدنا تاني مفهمناش حاجه قلتلها

-يله روحي

-لا

-يابت اخلصي

-هيكسفني

-خليكي اسد يله عاجش رقيه

وراختله شويه ولقيت صوت ادهم ورقيه خرجت جري وجه وراها ادهم

-انتو الاتنين هقعد دلوقت اشرحلكم بس الي هلاقيها مش مركزه هولع فيها فاهمين

-ايوه

-تمام

وقعد يشرحلنا لحد ما فهمنا

-ها فهمتو

-اه طبعا شايفنا اغبيه

-ميرسي جدا يا مستر ادهم بجد مش عارفه اقولك اي

-ولا يهمك انتي تلمزتي زي اسيل مهي تلميذتي كده وي واجبي اشرحلكم

-طب استأذن انا الوقت اتأخر

-استني يا رقيه الوقت اتأخر ادهم هيوصلك ولا اي ياادهومي

بصلي وهو بيطق شرار وقال

-اه طبعا دقيقه واحده

-لالا متتعبش نفسك

-ولا تعب ولا حاجه يابنتي ده واجبه اصلا مش احسن ما تتخطفي ويخدو اعضاءك يطبخوها

-منك لله انا رايح اجيب مفاتيح العرابيه قبل ما اتشل

-وراح جاب المفاتيح وخد رقيه ومشي وانا قعدت شويه ولقيت فون ادهم بيرن اي ده هو نساه معاه ولا اي روحت رديت

-الووو

-الو مش ده رقم الدكتور ادهم

-ايوه هو مين

-انا دكتور وحيد زميله في الكليه ممكن تدهوني

-دكتور وحيد احيه هو انا اهرب منك في الكليه القيك هنا

--اي انتي مين

-لالا انا الهواااا انت مسمعتش حاجه ماشي

وقفلت في وشه وروحت نمت كأن محصلش حاجه ايوه اومال اتعلق

تاني يوم صحيت وروحت الكليه انا وادهم وطبعا خطتي نجحت ومبطلش اسأله عن رقيه اخويا وانا عرفاه ودخلت علي جوه وهو دخل ورايا لقيت رقيه سلمت علينا وخدتني من ايدي وجه الدكتور وحيد خد ادهم من ايده عند ادهم وي وحيد

-اخص يا دكتور ادهم اخص وانا اقول بتدافع عن الطالبه دي لي انا شوفتك وانت جاي معاها وهي الي طبعا الي ردت علي فونك امبارح مكنش العشم دي تلميذه عندك فين اخلاقك

-اهدي بس فون اي واي الحوار

-امبارح اتصلت عليك واحده الي ردت عليا وي وقعت بلسانها عرفت انها تلميذه عندك وانهارده شوفتها وهي نزله من عربيتك بجد نظرتي فيك خابت اما بلنسبه للبت دي انا هوريها ازاي تعمل كده وتلعب عليك

-اهدييييي البت دي تبقي اختي

-نعممم

-زي ما سمعت كده اختي يا دكتور وحيد

-ومخبي لي انها اختك

-لانها زي ما شوفت جالبه المصايب لا ومش بس كده ذكيه يعني عفريته وذكيه وده من حظي النحس لو حد عرف انها اختي لما تنجح مش هيقلو اجتهدت هيقولو بسبب اخوها عشان كده مقلتش انها اختي وبيني وبينك انا ناوي اتبرا منها منه له مطلعه عيني

-يعني اختك بجد

-اه والله اومال بدافع عنها كده لي قدامك لانها قدري الاسود للاسف

-كب انا اسف علي سؤ الظن فيك وفيها بعتذر

-ولا يهمك اي حد مكانك كان عمل زيك

-هروح اعتذرلها

-لالا دكتور وحيد بص عاملها انها مش اختي اديها بلجزمه عادي ومش عاوز حد يعرف انها اختي حتا هي مش عوزها تعرف انك عارف انها اختي تمام

-تحت امرك

نروح عند اسيل ورقية

-اسكتي يا اسيل اخوكي بعد ما ركبنا امبارح شغل اغنيه رومنسيه قلبي قعد يضرب طول منا قاعده جمبه وفتحلي باب العرابية اول ما نزلت

-ياااه فتحلك باب العرابيه هذا ما لم. نسمع به من قبل يله يا رقيه عندنا محاضره ربنا يهديكي يارب

ختها من ايديها ورحنا المحاضرة واتأخرنا طبعا لسه دخلين لقيت المعيد الي علينا وحيد

-اتفضلو بره

-يادكتور احنا اتأخرنا خمس دقايق بس

-سمعتي الي قلته

-يله يا رقيه انا اصلا مش عوزه احضر المحاضره دي المحاضره دي بلزات دمها تقيل علي قلبي

-قلت اي

-انا حره يا دكتور في ابدأ الرأي بدل مش بغلط في حضرتك

-طب اتفصلي اقعدي في المحاضره الي دمها تقيل اتفضلي

وروحت قعدت انا ورقيه لقيتها كتبالي علي الورقه

-يخربيتك ده دخلنا

-عيب ياماما انا عارفه بعمل اي بيفكرني بأدهم اخويا لما اعوذ حاجه وهو رافض فا ببينله اني مش مهتميه بيها فا بيجبهالي زي العيال الصغيره

-لا ذكيه فعلا

-ركزي احسن تلاقي ابو فجله ده نطتطلنا

-ابو فجله سمتيه ابو فجله

-يس

وقعدنا انا وهي واخدنا المحاضره طبعا استاذ وحيد مبطلش احتقاره ليا في نظارته بس انا تجاهلت الموضوع ومن بعديها عزمت رقيه علي الغدا وكل يوم علي الحال ده لحد معاد التخرج يمكن مفيش مشاعر من ادهم ليها بس اديني بحاول كنت قاعده في اوضتي بجهز الطقم بتاع التخرج اخيراً خلصت الكليه لقيت ادهم دخل

-فاضيه

-يس لي

-انا عوزك في حوار

-ارغي بس مش فضيالك

-هي رقيه في حد في حياتها

-لا لي

-كنت بفكر اخطبها هي مناسبه وطيبه وبنت حلال بس حبيت اخد رأيك

-طبعا يبني دي محتاجه رأي اتقدملها وبكل قلب جامد وبعدين دي البيست مانجو بتاعي

-طيب علي خيرة الله اتخمدي بقا بكره يومنا طويل

وسبني وخرج قررت مقولش لي رقيه خليها مفجأه احسن

وتاني يوم في حفلة التخرج اخدت شوية صور انما اي لوز العنب لقيت الدكتور وحيد جيلي

-اتفضلي

-اي ده ورد اوصله لمين

- ده ليكي

روحت رميته في الزباله

-انتي مجنونه

-انا مجنونه لو خته منك اكيد حطتلي فيه اي سم او اي حاجه تأذيني منا عرفاك مش بطيقني من زمان

-واي كمان انتي عقلك مفوت يا اسيل

-افندم بقولك اي انا دلوقت مش تليمذتك فا اتفصل بقي خلي الحفله دي تعدي علي خير احسن

-تتجوزيني

-وااات

-اي اطرشيتي

-تصدق انك مستفز انا ماشيه

ومشيت وسيبته لقيته جه ورايا و وقفني

- بقولك تتجوزيني

- يادكتور انا اسييل

-منا عارف وعارف انك. كمان اخت الدكتور ادهم بس اعمل اي حبيتك وانا مش طايقك

-انت بتهزر صح

-وربنا بتكلم جد بحبك للاسف

-بس اي

-تتجوزيني

-اسأل ادهم اخويا لو وافق يبقي انا موافقه سلام

ومشيت وسيبته

بعد شهرين اتكتب كتابي علي وحيد وادهم ورقيه اتكتب كتابهم معنا

#النهايه

#دنيا_محمد