 |
الوسيم والقلبوظه 😂😂😂😂.
رنا احمد عماد ✍️✍️✍️✍️✍️.
البارت الاخير ...
في المستشفي في غرفه ياسين .
كان يجلس وهو يضع رأسه أرضا بخزي من جده فهو لا يعلم ماذا حدث ماذا قد وصل به الي ذلك الحاله ليبتسم إليه كابر ابتسامه جعلت الآخر مستغربا .
كابر بابتسامه وحنان/انا واثق فيك ي ياسين وعايزك تنسا الي حصل كله فاهم .
ياسين بتعب وخجل وعصبيه /ازي بس ي جدي صدقني والله العظيم انا معملت كده ولا اعرف ايه الحاله الي بقيت فيها دي هتجنن ي جدي .
كابر بغيظ وهو يحتتضنه /انت دلوقت هتكون احسن ي قلب جدك هعمل ايه منهم الله الي عايزين ياذوني فيكم انسا ي ياسين وصدقني ي حبيبي مش هرتاح غير لما انتقم من الي عمله كده وادفعهم التمن غالي .
في غرفه كادر ...
كان يقف عاصي بارتباك من نظرات أخيه الذي توضح أنه قد علم مايحاول اخفاءه .
عاصي بارتباك شديد/قصدك ايه ي كادر ايه الي خسرته نسمه بسببي .
كادر بحده /خسرت بسببك اهم شي بالنسبه لاي ست اممومتها مش كده ي ابن ابوي .
عاصي بدمع يتلألأ في عيناه والم لذلك الذكري /انت عرفت ازي ي كادر .
كادر بجديه /كان لازما اعرف ي ولد ابوي لأن جوازكم مش مقنع واصل شوف شكلها عامله زي الكوره متشرفش ي عني أنها تكون مرات عاصي عبد الحي .
عاصي بعصبيه وصراخ /مسمحلكش ابدا انك تقول عليها كده فاهم انا بحب نسمه وشايفها احلا واجمل واحده في الدنيا كلها .
كادر بخبث ومكر /واه عاد ي عني بتعشقها مش عايز تتجوزها علشان تكفر عن الي حوصلها بسببك .
عاصي بدموع وانهيار وهو يجلس أرضا /لا والله العظيم انا بحب نسمه بجد ي كادر بحبها اوي بكره نفسي لما بفتكر الي حصل وأنها خسرت رحمها علشان تحميني انا من الموت عرفت واقنعت الدكتور أنه ميقولش ل حد كنت فعلا بقيت بعشقها وعارف اني مستحيل أسيبها وقولت اني هعوضها بعشقي وعمري كله بحبها ي كادر والله بحبها .
نسمه وهي تقتحم الغرفه بدموع وابتسامه ساحره لتتحدث بعشق بعدما تأكدت من مشاعره /وانا بحبك والله العظيم بحبك اوي ي عاصي .
عاصي بفزع وخوف من رحيلها /نسمه انتي سمعتي حاجه.
نسمه بدموع وهي تحتتضن وجه /انا كنت عارفه كل حاجه ي عاصي الدكتور قالي علي كل حاجه وفي الاول والاخر ده نصيب وقدر ربنا وربنا عوضني بيك ي عاصي انت ابني مش بس حبيبي .
عاصي وهو يقبل يدها بدموع وترجي/سمحيني ي نسمه سمحيني اتحرمتي انك تكوني ام بسببي ياريتني كنت بموت .
نسمه بفزع ورعب عليه /بعد الشر عليك اوعا تقول كده تاني فاهم ده انا اموت وراك والله انا بحبك يا عاصي بحبك .
عاصي بابتسامه من بين دموعه /وانا بموت فيكي يروحي .
نسمه بابتسامه وسعاده/شكرا بجد ي كادر ي اخويا انك ساعدتني شكرا اوي .
كادر بمرح وغرور /ابدا اي خدمه خليته اهو يعترف بعشقك الي بيجري في دمه .
عاصي باستغراب /ده معناه ايه أن شاء الله مش فاهم .
نسمه بابتسامه /انا هفهمك .
فلاش باك ....
في غرفه كادر ...
كان يجلس وهو يفكر في ذلك الزيجه الغريبه من وجه نظره فهو لا يرا في نسمه اي ميزه تجعل وسيم كاخيه عاصي إن يتزوجها ويقع في حبها كانت تأتي الاشياء والافكار في رأسه ليقاطعه طرقات الباب لياذن للطارق لتسير نسمه الي الداخل بابتسامه.
/ي ترا ممكن اتكلم مع حضرتك شويه.
كادر بجديه /اتفضلي .
نسمه بابتسامه/طبعا حضرتك ليك حق تتفاجأ من جوازي انا وعاصي بس صدقني انا بحب عاصي اوي وحضرتك لسه معرفتنيش هو انا علشان تخينه وشكلي مش حلو مينفعش اني احب مينفعش أن واحد زي عاصي يقع في حبي ي عني الي اعرفه ان حضرتك وفيروز هانم بتحبوا بعض من زمان ي ترا لو كانت تخينه شويه أو لقدر الله أصابها اي مرض كنت ممكن تزهق منها أو تبعد عنها .
كادر بابتسامه واعجاب بها /عندك حق انا اسف لو كنت حاسستك اني مش مرغوب فيكي .
نسمه بابتسامه وسعاده/لا ابدا بس فيه حاجه تانيه مكمن اطلبها من حضرتك ومتاكده أن حضرتك هتساعدني فيها حاجه خايفه ومرعوبه منها حدث حصل خايفه ليكون عاصي بيعطف عليا مش بيحبني علشان كده عايزه اعرف دلوقتي علشان لو ارتباطه بيا عطف انا هنسحب فورا من حياته .
كادر باستغراب وقلق /ايه هو الحدث ده .
نسمه بوجع والم/هقول ل حضرتك .
باك ..
نسمه بابتسامه وسعاده /بس كده ي سيدي واديني سمعت بوداني عشقك ليا الي خلاني طايره في السماء وماسكه النجوم بايديا .
عاصي بمرح /هو صحيح حكايه انك تتطيري دي صعبه شويه بس انا بموت فيكي .
نسمه بغيظ /بقا كده طيب ماشي اتريق اتريق.
عاصي بهمس وعشق /انا برضه اتريق علي قلبوظتي حبيبتي .
كادر باحراج /احممم احنا موجودين هنا ي سي عاصي .
عاصي بابتسامه/اسف ي اخويا بس طلب منك ي كادر موضوع رحم نسمه مش عايزه حد يعرفه هيفضل بينا احنا التلاته لو سمحت مش هسمح أن حد يكسرها أو يبصلها بعطف وشفقه لو سمحت .
كادر بفخر بأخيه /حاضر ي اخويا من عنيا يلا نتعشوا بقا .
نسمه بمرح وحماس /ايوه بقا احلا حاجه الاكل .
عاصي بضحك /هههه يلا ي مفجوعه .
في الغرفه الذي يوجد بها سكينه .
كانت تسمع مهره ذلك الحديث بدموع وصدمه شديده هل بالفعل أن يكونوا اخواتها بكل ذلك الشر .
مهره بدموع والم /معقول اخواتي عملوا كل ده معقول بالشر ده .
سكينه بغيظ وغل /ايوه ي مهره قتلوا ابويا وكانوا عايزين يقضوا علي ياسين واختك عفت كانت عايزه تعمل عمل ل عاصي بيه عم ياسين لأنها عشقاناه من زمان وهو مش حاسس بيها بقا جواها منه على ونار ومفيش غيرك انتي الي هناخد بطارنا وتشفي غليلنا وتخليهم يدفعوا تمن كل الي عملوه .
مهره بانتباه /ازي ي سكينه .
سكينه يجديه /الاول روحي ل حضره العمده كادر احكيله علي كل حاجه هو هيقولك ازي توقعيهم واحكي ل ياسين علي كل حاجه خليه يرفع رأسه الي وطت بسببهم انا عارفه أنه صعب عليكي دول مهما كانوا اخواتك .
مهره بدموع وحسره /اخواتي اخواتي الي قتلوا عم عثمان الراجل الي مربيني ولا الي مكنش فارق معاهم موتي وكانوا عايزين يموتوا حبيبي ويحرقوا قلبي عليه الي زي دول لازما يدفعوا التمن لازما .
في غرفه مراد ...
كان يسير بعصبية شديده من حديثها .
مراد بغضب جحيمي/انت جرالك ايه عاد ي عفت عايزه تفتحي علينا ابواب جهنم ولا ايه ميتجوز ولا يتهبب احنا يهمنا فيه ايه .
عفت بوجع وحرقه /يهمني اني ي مراد ده حب الوحيد الي عملت كل ده علشان أوصاله متجيش بت زي بت متسواش تاخده مني وتحرق قلبي مش هيحصل واصل ي مراد .
مراد بغيظ /هتعملي ايه عاد ي عفت .
عفت بشر /البت دي لازما اخطفها واتويها واخلص منيها .
مراد بفزع /ايه عايزه تقتليها .
عفت بسخرية/جرا ايه ي اخويا هي أول مره ولا ايه مالك مهزوز ليه ابعتلي للمطاريد علشان الموضوع يخلص بسرعه كده .
مراد بقلق ورعب /ربنا يستر عاد ي عفت .
في فيلا طاهر ....
في غرفه نومه .
كانت تجلس سماح في احضان حبيبها وهي تنفخ سيجارها بغيظ .
/اظن فهمت الي قولتلك عليه عايزه صورها باوسخ طريقه فاهمني عيزاها يرميها في الشارع فاهم ي ايمن .
ايمن وهو ينفخ سيجاره /انا مش فاهم انت عايزه من البت دي ايه متسبيها تغور خليكي تستفردي بالراجل لحد مايموت وتاخدي من وراءه كل حاجه .
سماح بغيظ وغل /الواد الي هتتجوزه ايه مز وانا كل مابشوف نفسي مع المكحكح ده بابقا عايزه أولع في نفسي وبغير منها .
ايمن بوقاحه /طب وانتي عيزاه في ايه مانا تحت امرك وببسطك انتي هتحتجيله في ايه .
سماح بوقاحة /هو انا لولاك كان زماني عايشه اصلا ده حضنك ده هو الي مصبرني علي الخرفان ده .
طاهر وهو يقتحم الغرفه ويمسك مسدسه بعدما سمع كل شي بغضب جحيمي/والخرفان ده الي هيوديكم جهنم وانتوا في حضن بعض علشان تكون موته وسخه زيكم .
ليطلق طاهر الرصاص بغل وغضب ليرحلون بمخطاتتهم الشيطانيه .....
في الصعيد .
في فيلا نور ...
كانوا الجميع يجلسون علي مائده العشاء .
ياسين بابتسامه بائسه /الف مبروك ي عمي الف مبروك ي عمي حازم .
حازم بابتسامه/الله يبارك فيك ي ياسين عقبالك ي بطل .
عاصي وهو يربت علي يد ياسين بحنان /قريب اوي أن شاء الله .
كابر بابتسامه/اظن خلاص مفضلش غير بكره بس علشان نجهز نفسنا لفرحكم الي هيتحاكا عليه الصعيد كله .
ندا بابتسامه/ربنا يخليك ي عمي شكرا جدا .
نسمه بابتسامه /لو سمحت ي عمي نخرج شويه انا وندا نشم هواء لو سمحت .
ندا برجاء /اه ياريت ي عمي لو سمحت احنا مش جيلنا نوم دلوقتي .
نور بابتسامه /طبعا ي حبيبتي روحوا براحتكم .
عاصي بجديه /احنا هنيجي معاكم .
نور بجديه وأمر /لا محدش هيروح معاهم هما هيروحوا لوحديهم دول بنات اكيد محتاجين يتحددوا مع بعض براحتهم وانتوا شوفوا حاجه اعملوها .
البنات وهم يحتتضون نور بحب /ربنا يخليكي لينا ي ست الكل .
عاصي بغيظ وهمس /ماتتكلم معاها ي بابا .
كابر بابتسامه /لا ي حببيبي انا مش مستغني عن نفسي انا هطلع انام تصبحوا علي خير .
كادر بضحك /ههههه ايه ماتتقل انت وهو مش كده رجاله اخر زمان .
في الخارج ....
كانوا يسيرون نسمه وندا بسعاده .
ندا بسعاده /مش قادره اصدق ي نسمه السعاده الي احنا فيها معقول ربنا رزقنا بالي يحبونا اوي كده زي حازم وعاصي .
نسمه بسعاده /الحمد لله ي ندا الحب ده اجمل شي في الدنيا بيخلي الإنسان يحس أنه مالك الدنيا بحالها ربنا يكرمنا ويسعدنا يارب .
ندا وهي تحتضنها بحب وسعاده /يارب يروحي .
بالقرب منهم كانوا يقفون المطاريد وهم ينظرون إليهم بغدر .
حمدان بنظره ثاقبه/هي دي البت نفس المواصفات الي قالت عليها ست عفت بالراحه علشان ميحسوش بحاجه واصل يلا .
ليقاربوا منهم ليحاولون الفتيان الصراخ .
حمدان بغضب وهو يشهر سلاحه/ اكتمي عاد ي بت انتي وهي وتعالوا معانا من سكات .
نسمه بخوف ورعب /ايه هتغتصبونا ولا ايه .
حمدان بسخرية/طب هي ماشي لكن انتي كيف ده انتي عايزه البلد كلها علشان تقدر عليكي .
نسمه وهي تمسكه من ملابسه بغيظ /تقصد ايه ي راجل انت .
حمدان بحده /نزلي يدك ي حرمه انتي وامشوا معايا من سكات .
ندا بخوف وهي تمسك بيد نسمه /انا خايفه اوي ي نسمه .
نسمه بمرح /متخافيش ي بت معاكي وحش كاسر يلا بينا .
في فيلا نور ...
في الجنينه .
كان يجلس ياسين وهو شارادا لتنظر إليه مهره بعشق .
/وحشتني اوي ي ياسين .
ياسين بابتسامه وسعاده/مهره وحشتيني اوي ي حبيبتي مهره انا والله
مهره بابتسامه ودموع ندم/انا عرفت كل حاجه ي ياسين واسفه ي حبيبي اسفه علي كل الي حصل واسفه اني شكيت فيك اسفه ي حبيبي .
ياسين بعشق /ولا يهمك ي قلبي المهم انننا هنكون مع بعض انا خلاص مش هبعد عنك واصل .
مهره بجديه ووجع/وعلشان نكون مع بعض لازما نخلصوا من الي عايزين يفرقونا علشان كده عايزه اقابل حضره العمده علشان لازما ناخد حقنا وحق الكل ي ياسين .
في فيلا الدهشان ...
كان يسير حمدان وأمامه نسمه وندا بخوف وقلق .
عفت بغيظ وغل /اهلا اهلا بعروستنا الحلوه نورتي وشرفتي.
نسمه بغيظ /هو انتي .
عفت بضحكه استفزازية /ههههه ايوه اني هو فيه حد له مصلحه أنه يخلص منك غيري .
ندا بخوف /انتي فكراها سايبه ولا ايه البلد فيها قانون .
عفت بحده وغيظ/انا القانون هنه ي حلوه وهدفنكم هنه علشان اخلص منيكم .
نسمه بسخرية واستفزاز /كل ده علشان عصعوصي قره عيني مش كده .
عفت بحده وغيظ /ايوه ي حلوه عاصي الي مش عارفه عاجبه فيكي ايه ي شوال القطن انتي .
نسمه باستفزاز وخبث/ههههه انا حلوه وطعمه وقشطه وموتي بغيظك أنتي .
عفت بحده وهي تمسك سلاحها /اسمعي عاد ي بت انتي هتاخدي التلفون دلوقتي تكلمي عاصي وتقوليله انك هتاخري شويه علشان الدنيا متتقلبش عليكي ي اختي خدي .
نسمه باستفزاز وخبث/ حلو اوي تليفونك ده ستايله شيك الو ايوه ي عصعوصي وحشتني اوي اوي ي حبيبي معلش انا هتاخر شويه يروحي انا وندا متقلقش عليا بحبك امووووه .
عفت بغيظ وغيره /هاتي ي اختي واستعدي علشان هتقبلي وجه كريم .
في فيلا نور ....
في غرفه كادر .
كان يجلس كادر بصدمه وهو يسمع حديث مهره .
كادر بصدمه /معقول الحديد ده ي مهره ي بتي .
مهره بدموع /ايوه ي جناب العمده هو ده كل الي حوصل وانا جيت علشان تساعدني وانا مستعده اعمل اي حاجه علشان ياخدوا جزاهم .
كادر بجديه /اي حاجه ي بتي .
مهره بجديه وثقه/اي حاجه ي جناب العمده.
ياسين بخوف ورعب عليها /بس ميكونش فيه خطر عليها ي ابوي .
كادر بابتسامه /اطمن ي ولدي .
عاصي بفزع وخوف /الحقني ي كادر نسمه وندا اتخطفوا .
حازم بفزع /اعمل حاجه ي جناب العمده.
كادر بفزع/بتقول ايه عاد ي عاصي كيف ي عني .
مهره بجديه /اكيد عفت اختي الي عملت كده اكيد .
عاصي بغيظ /ايوه هي نسمه قالتلي كده في الرساله .
كادر بجديه /يبقا كده قضيه جديده وقعوا فيها تعالي ي مهره ي بتي علشان اقولك تعملي ايه عاد .
في فيلا الدهشان ..
كانت تجلس نسمه بقلق وهي تنظر إلي ساعتها فهي تعلم جيدا أن عاصي بلاكيد راح ينقذها .
ندا بقلق وخوف /نسمه انا خايفه اوي .
نسمه وهي تربت على يدها بأمان /متخافيش ي حبيبتي انا جنبك .
مراد بغيظ وخوف /متسيبك من الموضوع ده عاد ي عفت الله يخليكي .
عفت بغيظ شديد وشر/ابعد عني عاد ي مراد .
نسمه بمرح لتتضيع الوقت /جرا ايه ي جماعه هي دي اصول الضيافه الا محد جبلنا سندوتشين ولا حتي كيلو ممبار .
عفت بغيظ /هو انتي جايه تتعشي هنه ولا ايه مفيش في دماغك غير الوكل .
نسمه باستفزاز /لا الله الا الله مش خلاص هنموت يرضيكي نموت علي معده فاضيه ده كلام.
عفت بغيظ وصراخ /ي مررررراي .
مهره بخبث ومكر /العوافي .
عفت بغيظ وحده /كنتي فين عاد كل ده ي بت .
مهره بخبث وغيظ /كنت بتمشا ي خيتي ايه ده ي عني انتوا الي خاطفينهم ده الدنيا مقلوبه عليهم بره .
مراد وهو يمسكها بحده /اطلعي ي بت علي فوق وملكيش صالح بالي بيدور هنه واصل .
مهره وهي تتدفع يده بغيظ/لا مش هطلع في حتي قبل ماعرف انتوا عايزين منيهم ايه ناوين تتقتلوهم زي ماقتلتوا عمي عثمان مش كده .
مراد بحده وغيظ /حديد ايه ده الي بتخرفيه ي بت .
مهره بغضب شديد/انا مبخرفش انتوا قتلتوا عمي عثمان الله يرحمه علشان شافكم وانتوا بتخبوا الآثار في الأرض وكنتوا عايزين تموتوا ياسين وخطفتوا البنتين دول انتوا ايه شيطاطين .
عفت وهي تمسكها بغضب جحيمي/ايوه ي بت احنا الي عملناه كل ده عثمان كان لازما يموت بعد معرف أننا بنتاجر في الآثاروكان عايز يبلغ عنينا أما ياسين فعلشان نقهر ابوه وناخد منه العموديه أما دي فلازما اخلص منها قبل متاخد مني الحلم الي عشت عليه سنين ولو مسكتيش هتحصليهم سامعه ي بت .
كادر بغضب ومعه الظباط /وانتوا كمان هتحصلوهم ي عفت انتي واخوكي .
مراد بغضب جحيمي/عمللنا كمين ي بنت الكلب .
مهره بدموع وصراخ/ايوه انتوا شياطين شياطين مكانكم مش علي الارض دي ابدا .
الظابط بأمر /اقبضوا عليهم .
سكينه بسعاده وتشفي /واخيرا خادت بتار ابويا منيكم .
عاصي بحنان وعشق وقلق /نسمه انتي كويسه ي روحي انتي بخير .
نسمه بعشق وابتسامه/متخافش عليا لان عندي الحمايه انت ي عاصي .
حازم بابتسامه وحنان/الف حمد لله علي السلامه يروحي.
ندا بابتسامه وسعاده/الله يسلمك ي روحي كنت هموت من الخوف بس ربنا ستر .
كادر وهو يحتتضن مهره بحنان /متخافيش ي مرات ابني احنا كلنا جنبك ووجهزي حالك ي عروسه علشان فرحك هيكون بعد بكره .
مهره بخجل وسعاده لا توصف /ربنا يخليك ليا ي عمي .
ياسين بهمس وعشق /مبروك ي مهرتي .
مهره بهمس وعشق/الله يبارك فيك ي روحي ..
في أحدا الطرق ....
كان يقف صالح وهو يوزع المخدرات علي الشباب لينقض عليه الشرطه ليتم القبض عليه .
صالح بدموع وندم /ده ذنبك ي ياسين ذنبك سمحني ي صاحبي سمحني .
في فيلا نور ...
ليلا ...
كانت تنيرالدباح باكلمها لذلك الحدث السعيد الذي يملأ قريه للدباح بأكملها كانت تتزين بالانوار الزاهيه والافراح والخيول الذي تترقص بحرافيه .
كانوا يقفون الرجال بجانب بعضهم وهم يستقبلون المعازيم .
في الاعلي ..
في غرفه الفتيات ...
كانت كلا منهما تجلس كالملكه في انتظار فارس أحلامها كانت تنظر إليهم نور بسعاده وهي تحتضنهم كابناتها .
فيروز وهي تحتضن مهره /الف مبروك ي مرات ابني زي القمر .
نور بابتسامه وسعاده/ربنا يحميكم ي بناتي يارب وتشوفوا السعاده الي تساتهلوها .
نسمه بمرح وضحك /هههههه الله يكون في عونك ي عاصي ده انا عامله زي البلونه .
في الاسفل ...
كانت تنظر نسمه وندا الي والديهم بسعاده كبيره فقد علمت ندا ما حدث مع والدها فقد تغير تماما وأصبحت ندا هي أهم ما في حياته .
نسمه بمرح /جرا ايه بقا ي عاطف كفايه عياط ي راجل ده انت تلاقي السعاده ماليه قلبك كفايه هيفضلك اكل في البيت .
عاطف وهو يحتتضن نسمه بحنان وسعاده /ربنا يسعدك ي روحي خالي بالك منها ي عاصي دي روحي .
عاصي وهو يحتضنها بعشق /وروحي انا كمان ي عمي .
عند المأذون ..
كانت تجلس نسمه بفستان زفافها وهي تنظر للجميع بغرور فجميع الفتيات كانوا ينظرون إليها بغيظ شديد لذلك الوسيم الساحر الذي يجلس بجانبها .
المأذون بملل /جرا ايه عاد ي عاصي بيه هي فين العروسه .
عاصي بصدمه /جرا ايه ي شيخ رفعت سلمت النظر ماهي قدامك اهي .
الماذون بصدمه /هي دي العروسه ده انا فاكرها البلونه الي بتبقا قدام الفرح ومكتوب عليها ألف مبروك للعروسين .
نسمه بغيظ وتوعد/الله يبارك فيك ي اخويا طب قسما بالله مانت كاتب الكتاب ده واخفا بقا لفرقع في وشك .
عاصي بضحك عاليه /ههههه بالراحه ي مفتريه علي الراجل وبعدين انتي احلي بلونه في الدنيا .
نسمه بمرح /عصعوصي .....
في المنزل بعد انتهاء الفرح ..
كان يقف كلا منها وهو يمسك بيد عروسته بعدما اثر كابر علي أن تكون اول ليله لهم في ذلك البيت ..
كادر بجديه /واد ي ياسين عايزك ترفع راس ابوك بدل مدفنك حي فاهم يلا .
ياسين بغمزه وهو يحمل مهره /ده انت هترفعها جوي جوي ي ابوي فوتكم بعافيه يلا ي مزتي .
حازم وهو يحمل ندا الذي تنظر إليه بخجل /وانا كمان هرفع راسكم استمنني ي ياسين انا جاي معاك .
كادر بضحك /ههههه وانت ي سي عاصي ايه النظام .
عاصي بمرح /متتعدمدش عليا اوي ي كادر في الموضوع ده اديك شايف اخوك داخل علي ايه .
نسمه بغيظ /تقصد ايه ي سي عاصي .
كابر بابتسامه/مفيش حاجه ي حبيبتي يلا ي عاصي شيل مراتك وعلي فوق ..
عاصي بصدمه وفزع/نعم اشيل مين ده انا عايز البلد كلها اشيل معايا .
نسمه بخبث ومكر /شوفتي ابنك ي نور مش ناوي يجبها ل بر معايا .
كابر بغيظ /جرا ايه يالا فيه ايه متشيل عروستك ماياسين وحازم اهم واله هما ارجل منك .
عاصي بغيظ /ايوه دول شالوا عصافير أما أنا عايز الونش يشيل معايا .
نسمه بغيظ /طب كده ماشي ي عاصي ماشي انا هطلع لوحدي .
كابر بحده /استنا ي نسمه شيل يالا مراتك .
في الاعلي ....
في غرفه عاصي ونسمه.
كان يصرخ عاصي الما من ظهره كانت تجلس نسمه بجانبه وهي تكتم ضحكتها بصعوبه .
نسمه بخبث /سلامتك ي روحي مش عارفه ايه الي حصلك ده .
عاصي بغيظ /لا يشخيه الجبل بعيد عنك داس عليا .
نسمه بغيظ /طيب نام لوحدك بقا لا الجبل يدوس تاني .
عاصي وهو يمسكها بتملك /رايحه فين والله مهسيبك ده انا مصدقت تكوني في حضني .
نسمه بخجل وارتباك/لا ابعد كده انا مخصماك ..
عاصي وهو يقترب منها بوسامه أربكت قلبها /وانا مقدرش علي زعلك هصالحك حالا ..
في غرفه ياسين ....
كانت تقف مهره بارتباك شديد ليقترب منها ياسين بابتسامه حانيه .
/ايه يروحي ليه القلق ده انا مستحيل اذيكي ابدا ده انتي روحي.
مهره بابتسامه عاشقه /وانا عارفه اني بين ايديك هكون في امان بحبك ي ياسين بحبك .
في غرفه حازم ...
كانت تغفا ندا في احضان حازم ليقبلها في رأسها بسعاده وعشق .
/انا عارف ي ندا انك اتعذبتي كتير بس خلاص ي روحي العذاب ده انتهاء ومش هتشوفي غير السعاده وبس بس السعاده .
في غرفه عاصي ونسمه ...
كانت تخفي نسمه رأسها في احضان عاصي بخجل شديد وهو يقبل رأسها بعشق .
/الف مبروك ي روحي بقيتي مراتي رسمي .
نسمه بخجل /الله يبارك فيك ي روحي .
عاصي بابتسامه زادت من وسامته الطاغيه /روحي قوليلي بقا عايزه نقضي شهر العسل فين .
نسمه بابتسامه/في احسن مكان في الدنيا ايه رايك نطلع كلنا عمره اظن ده احسن مكان نبداء فيه حياتنا ايه رايك .
عاصي وهو يقبل يدها بعشق/عندك حق يروحي احسن مكان ..
بعد مرور سنه ...
كانت تقف نسمه وهي تحمل ابنه ندا سلمي .
نسمه بزهق /ي ساتر ده انتي بت رحمه زي امك بالظبط .
ندا بمرح /تشكر ي ذوق .
عاصي بابتسامه /نور عيني عايزك شويه فوق في اوضتنا .
نسمه بابتسامه/حاضر ي حببيبي .
في غرفه عاصي ونسمه ..
كان يجلس عاصي أمامها وهو يمسك يدها بحنان .
/حبيبتي انا خلاص موافق علي طلبك .
نسمه بسعاده كبيره تكفي العالم /بجد ي عاصي موافق انننا نتبنا طفل .
عاصي وهو يقبل يدها بحنان/ايوه ي روحي انا اصلا اسف اني كنت برفض وزعلتك بس خلاص انا موافق طفل يتيم ندخل بيه انا وانتي الجنه ويكون سند لينا لما يكبر .
نسمه وهي تحتتضن عاصي بدموع الفرح/ربنا يخليك ليا ي حببيبي بحبك ي عاصي بحبك اوي .
عاصي وهو يحتتضنها ليتحدث بغيره /بس اه مش هقبل أنه ياخدك مني انتي ملكي انا وبس .
نسمه بسعاده وعشق /طبعا ملكك ي مالك قلبي وحياتي كلها .
عاصي بعشق وسعاده /بعشقك ي قلبوظه قلبي .
نسمه بعشق وسعاده /وانا بعشقك ي أجمل واوسم راجل علي وجه الارض ......
تمت بحمد الله ....
الوسيم والقلبوظه 💓💓💓💓💓💓.
طبعا بعتزر جدا جدا عن التاخير ي غالين هستنا رايكم وتعليقاتكم مش عايزه تم ولا ملصقات عايزه اعرف رايكم في النوفيلا دمتم في حفظ الله ورعايته ❤️❤️❤️❤️❤️❤️❤️❤️.
الوسيم والقلبوظه 😂😂😂😂😂.
رنا احمد عماد ✍️✍️✍️✍️✍️✍️.
تعليقات
إرسال تعليق