 |
سكريبت♥️بقلم سولييه نصار♥️
-دي عاملة زي الر*اجل مفيهاش ريحة الانوثة ...ده أنا لو اتجوزت واحد صاحبي كان احسن ...مش عارف يا مريم يا حبيبتي أنا ازاي عيشت ده كله معاها معرفش بس كله من امي الله يسامحها هي اللي دبستني فيها ...
كانت دموعي بتنزل وانا بقرأ الرسايل ...مكنتش اصدق ان عمار اللي اديتله حياتي كلها يبقي بشع للدرجادي ...ده أنا اللي وقفته علي رجله....أنا اللي عالجته من الاد*مان لحد ما رجع يقف علي رجليه ويبقي اب كويس لاولاده...اتحملت الاها*نة والض*رب منه لما كان مد*من ...سامحته علي كد*به عليا لما اكتشفت في تالت يوم جواز انه مد*من مخ*درات وخبي عليا ...رفضت اطلق عشان شكل اهلي وقررت اخا*طر واخليه يتعالج ...اتحملت اها*نه منه ومن اهله...ضر*ب منه ...كملت رسايله وانا مقه*ورة ولقيتهم بيت*ريقوا عليا ...لقيت انه بيجيبلها هدايا كتير وغالية ...ومن الكلام عرفت هي مين ...دي خطيبته القديمة ...اعرف قصتها ...قريبته حكيتلي عليها انه كان خاطبها وانه حبها كتير بس هي خا*نته مع قريبه وامه وقتها فسخت الخطوبة واختارتني عشان يتجوزني ...اتاريها رم*تني للن*ار بإيديها اوقات كتير كانوا بيهن*وني بس كنت بتعامل معاهم ببرود ...قفلت التليفون وحطيت التليفون جمب عمار اللي نايم وروحت الحمام بسرعة ...فضلت ابكي وابكي وانا حاسة قلبي هيقف هو ده رد الجميل ...بدل ما يعوضني عن كل اللي عمله بيخ*ونني وبيقول عليا مفياش انوثة كنت محتارة أعمل ايه ...اروح اواجه ..واتطلق واحرم عيالي من حياة كويسة وابعدهم عن ابوهم واش*تتهم واشوف في عنيهم نظرة الحرمان اللي شوفتها في عيون عيال بنت خالتي لما انفصلت عن جوزها ...ولا اسكت واربي عيالي واستني لما الاستاذ يتجوزها وساعتها هتقلبه عليا اكتر واحتمال ميصرفش علي عياله وشكلها داخلة علي طم*ع ...كنت مشتتة ...مش عارفة أعمل بيه بس كل اللي اعرفه اني مش هتخلي عن حق عيالي ....عمار خلاص س*قط من حياتي هو هيكون بالنسبالي الراجل اللي هيصرف علي عيالي وبس ...اما الحر*باية دي أنا هعرف ابعدها عن طريقي ازاي ....افتكرت اني قريت ان الاستاذ عاملها هدية كبيرة ...سلسلة هو طلب للصايغ يعملها مخصوص ليها هي وانه استلم فلوس من شغله وهيدفعها في الهدية دي وعرفت ان مراته حبيبته اللي هي أنا أولي بالهدية دي ...
.....
تاني يوم ...
صحي عمار علي صوت حد بيعيط ...قام فلقاني بعيط جامد ...
-مالك يا تسنيم قلباها ن*كد من اول الصبح كده ليه ...
بصيتله وقولت:
-سلسلتي يا عماد اتك*سرت ...اعمل ايه دي غالية عليا أووي...
-بس...بس بلاش زن تعالي عند الصايغ نلحمها ...
ابتسمت وانا بشوف خطتي الأولي نجحت ...
....
كنا عند الصايغ ولسه بطلع سلسلتي ...شوفت سلسلة غالية تمنها شئ وشويات ...تقريبا تمنها قد الفلوس اللي اخدها من شغله ... مسكتها وقولت :
-الله يا حبيبي شوف قد ايه السلسلة دي حلوة
بصلي عمار بصدمة وقال بصوت واطي :
-اه حلوة ...بس رجعيها مكانها يا حبيبتي شكلها غالية
عليت صوته عشان اكسفه وقولت:
-وهي تغلي عليا يعني يا حبيبي ...وبعدين عيد جوازنا بعد اسبوعين واعتبرها هديتي ...
قرب مني وهو بيقول بخوف:
-تسنيم دي غالية خالص أنا معييش حقها دلوقتي ...
-بس قريبي اللي شغال معاك في الشركة قال إنك اخدت مكافأة بس شكلك نسيت تقولي ...حبيبي متبقاش بخ*يل ده انا مراتك حبيبتك ...
ابتسمت وانا بشوفه هيم*وت من الخوف والتوتر ...كان مح*بط أن الفلوس اللي كان شايلها لحبيبة القلب أنا اخدتها منه ...
....
طلعنا من الصايغ وانا بلمس السلسلة بعد ما اح*رجته راح سحب الفلوس علطول من الفيزا واشتري السلسلة ...كان ماشي معايا وحاساه هيعيط ...مسكت أيده وانا بضحك بدلع وقولت:
-تعيش وتجيبلي يا ابو العيال ...
.....
مرت الايام وقدرت اهك*ر واتس عمار وبقيت بشوف رسايلهم اول بأول ...طبعا ست الحسن اتخ*انقت معاه عشان السلسلة وهو كان بيحاول يراضيها ...فضلت مخاصماه كتير لحد ما في يوم رضيت تكلمه ...فتحت الرسايل وانا علي اعصابي بشوف هيقولوا ايه ...
-يا حبيبتي والله هي اللي حطتني قدام الأمر الواقع لو كنا في البيت كنت ك*سرت رأسها لكن احنا كنا عند الصايغ ...مريم أنا بحب انتي متسبنيش ..
بعتلها الرسالة ولما قريتها حسيت بو*جع غريب في قلبي ...لقيتها ردت عليه وقالت:
-مستعدة اسامحك بس بشرط !
-ايه هو؟!
قلبي دق لما قالت:
-تيجي تتقدم لأهلي وتتجوزني!!!
يتبع
#الانتقام_البارد
#سولييه_نصار
تنويه القصة حقيقية♥️♥️ رجاءا محدش يغلط في شخصية البطلة♥️
الجزء التاني♥️شكرا علي تفاعلكم السكر♥️بقلم سولييه نصار♥️
-رايحة فين يا تسنيم ؟!
قالها عمار وهو شايفني واخدة الولاد وماشية ...بصتله بإبتسامة وقولت:
-هو انت نسيت يا حبيبي النهاردة رايحيين النادي ...الولاد وراهم تمارين سباحة ...
ابتسم بحب للولاد وقرب منهم وحضنهم وقال بأسف :
-اسف اني نسيت ...وللاسف مش هقدر اجي معاكم ...
ربعت أيدي وانا ببصلهم ...رغم كل الصفات الو*حشة اللي في عمار إلا أنه بيعشق ولاده عشق ...بينفذلهم كل طلباتهم ...أنا وعمار مشتركين في نفس حبنا للولاد ... ولادي هما اللي خلوني استحمل لولاهم كنت سبته من زمان ...لكن مكنتش عايزة اعيش ولادي ايتام وابوهم موجود خصوصا أنه بيحبهم لو كان بيأذ*يهم كنت هبعد فورا لكن لا عمار ممكن يم*وت نفسه بس ولاده يعيشوا ...ودي النقطة اللي قررت العب عليها ...مش بيقولوا في الحب والح*رب كل شئ متاح ...وانا هستخدم اي حاجة متاحة عشان احافظ علي بيتي من التشتت ....ابتسمت وانا بقرر اعمل ايه ...
-عمار حبيبي صحيح عايزة فلوس عشان اشتراك النادي للولاد وكمان عشان هنتغدي برة ..
-اه اكيد
قالها وهو بيبتسم ليهم وبيطلع فلوس
-يالا يا ولاد احضنوا بابا قبل ما تمشوا....
حضنوه جامد وهما بيقولوا بصوت واحد:
-شكرا يا بابا ...
وبعدين مشينا ...
روحنا النادي وانشغل الولاد بالسباحة وانا كنت فاتحة واتس عمار وبتنصت علي رسايله واكتشفت أنه ناوي يتجوزها بعد اسبوعين ...وأنه ناوي يفاتحني بعد يومين في الموضوع ...واللي توقعته حصل ...مريم طلبت منه يطلقني عشان هي متقبلش ضرة ...بس هو رفض عشان الاولاد ...عرفت انها هتحاول تاني وتالت لحد ما يرضي ...عشان كده كان لازم اتصرف بسرعة ...
انا وراجعة من النادي روحت المكان المطلوب واشتريت حاجة معينة ....
....
روحت البيت خليت الاولاد يأخدوا شاور وفضلنا نذاكر شوية وبعدين نومتهم...
روحت المطبخ وبعدين بدأت اجهز العشا ليه وخليته علي التقديم وبعدين روحت الحمام واخدت شاور واتشيكت ليه ...
جه من الشغل فاستقبلته بإبتسامة وحضنته وانا بقول :
-نورت بيتك يا حبيبي ...عاملالك حتة اكل تجنن ..روح خد شاور عقبال ما اغرف الاكل ...
دخل بهدوء وانا جريت علي المطبخ .. غرفت الاكل وطلعت من الدرج زيت الخروع وحطيته بكمية مناسبة علي الطبق بتاعه وابتسمت وقولت:
-وريني يا حبيبي هتتجوز ازاي ...
. ....
كنا بناكل فقال فجأة:
-طعم الاكل غريب النهاردة ...
اتوترت وقولت:
-ايه وح*ش ؟!
-لا يا حبيبتي حلو اووي تسلم ايديكي بس حلو زيادة ...
-بالهنا والشفا يا عيوني
.....
مرت الايام وانا بحطله زيت الخروع وده اثر عليه جامد ...كنت بشوفه هيت*جنن وهو لاقي حالته بتس*وء...مر الاسبوعين وكان بيحجج عشان يأجل جوازه من مريم ...لانه طبعا لو اتجوزها هيتف*ضح...
في يوم
.كنت فاتحة الواتس بتاعه وانا شايفاه بيحاول يهدي فيها لكن هي كانت عصبية وقالت:
-بقولك ايه يا عمار ...شكل مراتك قدرت تسيطر عليك ...ده انت كنت هت*موت علي نظرة مني جاي دلوقتي عايز تخ*لع لا يا حبيبي ده انا اطر*بق الدنيا فوق دماغك ...
ابتسمت بفرحة ...خطتي نجحت اهي ...بعت هو رسالة وقال فيها:
-يا حبيبتي والله عندي ظروف دلوقتي أنا...
-ظروف ايه يا حبيبي ..انطق ولا بتتهرب
-انا مبعرفش
بعتلها الرسالة. دي بسرعة فردت عليه :
-يعني ايه مبتعرفش ؟!
-يعني عاجز يا مريم ...عاجز ايه الغ*باء ده!!!
يتبع
#الانتقام_البارد
#سولييه_نصار
الجزء التالت♥️شكرا علي تفاعلكم السكر♥️بقلم سولييه نصار ♥️
-نعم يا اخويا !!
بعتتله الرسالة وانا كنت هفطس من الضحك ...
وبعدين بدأت تبعت في رسايل تهين فيه وتتريق عليه واخر حاجة عملتها قالت:
-معلش يا حبيبي انا مش هتجوز اختي اعمل ايه بيك أنا ..الحمدلله رجالة كتيرة بتجري ورايا وجوزي القديم عايز يرجعلي ودوول اغني منك ...قولي هستفاد ايه لما اتجوزك انت وانت زي اختي
وبعدين عملت بلوك ....
ضحكت بسعادة ...كنت فرحانة اوووي اهي خلصت من الحر*باية فاضل بس عمار ...هديله عقاب بسيط وأعرفه اني زوجة صالحة ...قفلت التليفون. وانا بنام علي السرير وببتسم بسعادة....ياااه شعور جميل انك تحس انك انتصرت ...الغ*بية افتكرت انها هتاخد جوزي مني ...افتكرت انها هتح*رم عياله منه لكن لا ...أنا مستحيل اتخلي عن عمار ...مش حبا فيه طبعا لكن عشان خاطر اولادي...أنا أم ...ام مستعدة تعمل اي حاجة عشان حق عيالها وهي مش هتحط عيالها في وضع تجيلهم مرات اب زي دي ممكن تق*سي عمار علي عياله مستحيل ...غمضت عيني وانا بفكر في الخطوة التانية ...
......
مرت الايام وبدأت اقلل في زيت الكافور في الاكل ...كنت مستحملة وصابرة ...كنت بحط الفطار علي السفرة وعلي وشي ابتسامة وقولت:
-عملتلك البيض بالطريقة اللي انت بتحبها يا حبيبي .
بصلي وهو حاسس بالذ*نب ومسك أيدي وقال:
-حقك عليا يا تسنيم
-ليه يا حبيبي فيه ايه؟!
قولتها بلطف مصطنع فرد:.
-اني اهم*لتك بالطريقة دي ...اني كنت احيانا بعاملك وح*ش رغم انك دلوقتي مستحملاني في وضعي ده ...
ابتسمت جوايا بسخرية وانا بقول في سري:
-ومش فاكر لما وقفت جمبك في ادما*نك ...صحيح الرجالة زي القطط تاكل وتن*كر...
بس ابتسمت وقولت:
-يا حبيبي انت ابو عيالي وجوزي ولو أنا موقفتش جمبك مين هيقف جمبك ...انت كل حياتي ...
مسك أيدي وقال :
-انتي احسن زوجة في العالم
وبدأ يأكل وهو مبسوط ......
....
وطبعا اعترافه بغل*طه خلاه يحاول يعوضني بقدر الإمكان ...كتبلي الشقة اللي أنا فيها ...بدأ يديني فلوس كتير زي ما اطلب وكان أغلبها للولاد ...محرمتش اولادي من حاجة ابدا ...لبس وخروج ونادي ودروس ومدارس خاصة ...كنت مدلعاهم وكنت مخلياهم يقربوا من ابوهم ...اما انا طبعا منستش نفسي كنت بجيب كل فترة قطعة دهب واخبيها...رغم أن عمار ند*م بس انا مش واثقة فيه ...وعشان كده لسه براقبه علي الواتس بتاعه عشان لو رجع يع*ك تاني الحق الدنيا ...أنا مش ند*مانة علي اللي عملته ...مش ند*مانة اني حافظت علي بيتي من الض*ياع ...حافظت علي نفسية اولادي ...اللي خلاني أرفض اني أطلق هما..محبتش اشوف في عنيهم اي حزن حبيت يتربوا وسط ابوهم وأمهم ...خفت علي نفسية الاولاد وضحيت بسعادتي بس مش مهم هما اغلي مني. ..هما كل حياتي وسعادتي ....
وقفت جمب عمار وبدأت اجيب اعشاب واعالجة...طبعا ما انا زوجة صالحة مقدرش اشوف جوزي حبيبي في وضع زي ده ...اعمل ايه قلبي الطيب موديني في داه*ية ..لحد ما بدأ يتعافي بس في يوم كنا قاعدين في البيت أنا وهو والعيال بنتفرج علي فيلم عائلي لما الباب خبط ...لسه كنت هقوم
-انا هفتح ..ارتاحي انتي يا حبيبتي . ..
قالها عمار وقام بسرعة يفتح ...سمعت دوشة وبعدين لقيت مريم داخلة عليا البيت...اتصدمت بس قررت اتعامل بذكاء :
-انتي مين يا ست انتي ؟!!!
-انا يا حبيبتي اللي هكون مرات جوزك ..يعني ضرتك يا عينيا حتي أسأليه!!
يتبع
#الانتقام_البارد
#سولييه_نصار
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
تعليقات
إرسال تعليق