مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#بنت_الرعد

#الفصل_الثالث_عشر13_14

رعد اتصدم اول ما شاف العربية هتخبطني جري عليا ومسكني وهو بيقول: 

انتي مجنونه اي اللي انتي بتعمليه دا.... افرضي كان حصلك حاجه كنت انا هعمل اي دلوقتي... بطلي تهور بقي وافهمي قبل ما تحكمي. 

زقيته وانا بقول: 

وانت خايف عليا بتاع اي... متخلي بالك من حبيبت القلب.... ملكش دعوة بيا انت عايز مني اي... بدام بتحبها هي خليك معاها. 

مسكني جامد وقال: 

انا مش بحبها قولتلك مية مره مش بحبها... ومكنتش اعرف انها بتكدب عليا.... بس بدام انتي مش عيزاني انا هبعد يا نور حاضر. 

وقبل ما يبعد مسكت ايده وقولتله: 

انت رايح فين... اي هتسيب العقربة دي تفوز عليا... يلا خلينا نروح واعمل حسابك مفيش شغل معاها غير في وجودي وبس انت فاهم. 

ضحك رعد وقال: 

انتي بتتحولي ازاي فجاه كدا.... مش كنتي من دقيقه بتقوليلي ابعدي.... متجوز عيله مجنونه والله ربنا يستر انا مش ناقص هبل.

ابتسمت وقولتله: 

اذا كان عجبك بقي.... قولتلك طلقني وانت متمسك بيا.... يبقي تستحمل بقي.... ويلا لاني جعانه وهتعزمني علي الاكل. 

رد وقال: 

انتي جايه في طمع بقي.... ماشي يا ستي اللي انتي عايزاه.... يلا اركبي العربية بقي شوية وهنلاقي الناس بتتفرج علينا. 

ضحكت وركبت العربية ولاقيته بيقولي: 

نور هو احنا هنخلي جوازنا رسمي.... انتي ناسية ان جدي قال معاكوا شهر بس وعايز حفيد.... هنعمل اي بقي في المشكلة دي. 

ضحكت زي الهبله وانا بقوله: 

عادي محلولة نروح نجيبله حفيد من السوبر ماركت.... هو جدك مستعجل كدا ليه... لو عايز طفل يروح يتجوز ويجيب هو. 

لاقيته وقف العربية بصدمه وقالي: 

بت انتي هبله ولا بتستعبطي.... بقولك عايز حفيد يشيل اسم العيلة.... وبصراحه انا ناويت اتمم جوازنا.... والنهارده اجهزي بقي با عروسة. 

اتصدمت وبصيتله وانا بقول: 

انت اكيد بتهزار يا رعد مش كدا.... جواز اي اللي نتممه... دا مستحيل انا مش موافقه خالص... انسي الموضوع دا خالص انت فاهم. 

بصلي وقال بحزن مزيف: 

هو انتي لدرجادي مش عيزاني.... يعني انتي مكنتيش بتكدبي لما قولتي اني وحش ومفيش واحده تقبل بيا.... ماشي يا نور اللي انتي عايزاه...

اتنهدت وقولتله: 

مش كدا يا رعد والله انت فاهمني غلط.... الحكاية كلها اني لسه مش مستعدة... وبعدين احنا لسه مخدناش علي بعض. 

ضحك وقال: 

خلاص نتمم جوازنا وبعدين ناخد علي بعض يا حبيبتي.... يلا بقي نروح نتعشاء بره وتروحي تجهزي.... دا انتي هتتعبي معايا اوي. 

اتحرك بالعربية وانا مش عارفه اعمل اي.... في بيت برق دخل ينام وقبل ما ينام قربت منه نور وقالتله: 

خد يا حبيبي اشرب العصير دا.... انت باين عليك التعب.... العصير دا هيديك طاقة... يلا يا حبيبي متكسفنيش بقي. 

مسك برق الكوباية وشرب العصير وبعدين قال: 

تسلم ايدك يا حبيبتي... انا مش عارفه من غيرك كنت هعمل اي... بس تعرفي يا نور.... انتي الوحيده اللي مصبرتي علي حياتي دي ومقوياني. 

ابتسمت نور وهي شايفه بيروح في النوم خالص وبعد ما اتاكدت من نومه قامت وبعتت رسالة للمجهولة وقالتله: 

يلا تعالي انا مستنياك.... العنوان بعتهولك متتاخرش بقي يا حبيبي. 

قفلت نور وقامت لبست وجهزت وبعد نص ساعه وصل المجهول واول ما دخل حضنته نور بحب وهي بتقول: 

وحشتني اوي يا سامر.... انت مش عارف انا كنت هتجنن واقابلك ازاي..... بس اعمل اي في تصميممك اننا نصبر. 

ابتسم سامر وقال: 

اديكي شوفتيني اهو يا حبيبتي.... ممكن اعرف مالك بقي.... حاسه مش كويسه خالص اليومين دوال.... اي الحكاية ملاك تاني مش كدا. 

اتنهدت نور بشر وقالت: 

حاولت ادمرها وخلتها تتجوز مكاني وبرضو مفيش فايدة.... قدرت تكسب رعد لصفها... انا معرفش فيها اي زيادة عني. 

رد سامر وقال: 

انا عايز اعرف ليه بتكرهي ملاك كدا.... رغم انها اختك التؤام يعني.... حته تعليمها اقل منك.... ليه عايزة تدمريها. 

رديت نور بشر وحقد وقالت: 

عشان هي طول عمرها احسن مني.... ماما خدتها هي وحرمتني من احساس حب الام وسابتني مع بابا.... كل حاجه شوفي ملاك بتعمل اي شوفي ملاك متواضعه ازاي.... حته يوم ما حبيت خدت حبيبي مني. 

قرب سامر منها وقال: 

ما انا بقيت معاكي اهو يا نور.... انا طول عمري بحبك انتي مش ملاك... اينعم كنت مخدوع فيها الاول.... بس بعد ما كشفتيلي حقيقتها كرهتهت وبقيت مجنون بعشقك انتي. 

ابتسمت نور وهي بتفتكر اللي حصل من سنين...(فلااااش باااااك). 

سامر كان راجع من شغله ونور قابلته وهي بتقول: 

سامر في حاجه مهمه لازم تشوفها.... انا مش هقدر اخبي اكتر من كدا.... تعالي معايا بسرعه.... يمكن اللي هعمله غلط بس لازم تعرفه. 

استغرب سامر وقال: 

في اي يا نور انا مش فاهم حاجه.... واصلا انتي بتعملي اي هنا.... جاية تزوري ملاك ولا اي.... وعايزة توريني اي. 

زعقت نور وقالت: 

مش وقت اسئلة قولتلك في حاجه مهمه لازم تشوفها.... انا مش هتكلم لما تشوف بي عينيك هتفهم كل حاجه. 

سامر مشي مع نور ووصلوا المطعم بتاع زين اللي في البلد بتاعتي انا وامي واول ما وصل شاف زين وهو بيحضني وبيقول بحبك اوي. 

سامر مستحملش ودخل ضرب زين وبصلي بغضب وقال:

انا معرفش ازاي كنت مخدوع فيكي كدا.... انتي طلعتي ارخص انسانه شوفتها في حياتي.... بقي مقضيها معايا ومعه في نفس الوقت... انا بكرهك ومش عايزة اشوفك تاني. 

خرج سامر بسرعه وقبل ما اجري وراه وقفتني نور وهي بتقول: 

استني يا ملاك.... انا ياما قولتلك سامر مينفكيش يا حبيبتي.... دا معندهوش ثقه فيكي خالص... انسيه يا ملاك هو ميستهلكيش. 

عيط وانا بقولها: 

عندك حق يا نور انا معرفش ازاي مكنتش شايفه دا.... الحب مبني علي الثقه وكان لازم يسمعني الاول قبل ما يحكم عليا. 

رد زين وقال: 

بس برضو يا ملاك لازم تبرري ليه الموقف... هو يمكن من غيرته مقدرش يحكم صح.... روحي اتكلمي معه علي الاقل تفهميه موقفك. 

كنت هسمع كلام زين بس نور قالت: 

انت بتقول اي يا زين.... ما سامر عارف قد اي انتوا صحاب.... هو ميستهلش تتكلمي معه انسيه يا حبيبتي دا احسن ليكي. 

سمعت كلام نور وبعدت عن سامر.... وبعد كام يوم نور راحت لسامر: 

انت كويس يا حبيبي... اسفه يا سامر... بس هي دي الحقيقه انا بحبك.... وملاك لما عرفت مثلت عليك الحب عشان تاخدك مني... اديني فرصة واحده بس وصدقني مش هتندم. 

ومن يومها سامر ونور بقوا سوي وبقي يساعدها عشان تنتقم من ملاك ومن عيلة العاصي...(بااااااك). 

نور اتكلمت وقالت: 

انا مش عارفه من غيرك كنت هعمل اي بجد... انت كل حياتي يا سامر... واحنا سوي هنعرف ناخد حقنا من عيلة العاصي وحقك انت بالذات. 

ابتسم سامر وقال: 

اكيد يا حبيبتي احنا مش هنسيبهم... بس خلينا نقعد سوي شوية... المهم انتي متاكده ان برق مش هيصحي خالص. 

ابتسمت نور وقالت: 

لا متقلقش المنوم اللي اخده قوي اوي... يلا بقي دا انت وحشني... وبعدين نبقي نشوف هنعمل اي سوي. 

عند مايا رجعت امها من بره وقالت: 

اي اللي كسر الترابيزة كدا يا مايا... ومالك فرحانه كدا ليه.... انتي هببتي مصيبه اي تاني يا بنت بطني انطقي. 

رديت مايا وقالت: 

هكون عملت اي يعني... برجع حقي ليا من تاني.... قولتلك قبل كدا مش هسيب رعد للبت دي لو هيكلفني الموضوع حياتي. 

اتنهدت امها وقالت: 

انا زهقت وتعبت منك يا مايا.... انا هسيبلك البيت وهمشي خالص.... وانتي اعملي اللي انتي عايزاه انا مبقتش عارفه اعمل معاكي اي. 

ضحكت مايا وقالت: 

تصدقي فكرة حلوة اوي.... اهو هستفيد منها برضو.... يلا يا مامي مع السلامه.... هروح اوضتي بقي عشان اشوف الخطوة الجاية. 

اتعصبت امها منها وقالت: 

ربنا يهديكي يا بنت بطني انا لازم اعمل اللي فكرت فيه.... هو مفيش حل غيره يا مايا وكله عشان مصلحتك يا بنتي. 

وصلنا انا ورعد البيت واول ما وصلت جريت علي اوضة امي ضحك رعد وجه ورايا امي اول ما شافتني قالت: 

في اي يا بت انتي اتجننتي ولا اي.... اي اللي حصل يا رعد انتوا اتخنقتوا تاني ولا اي حكايتكم يا مجانين انتوا. 

ضحك رعد وقال: 

والله يا حماتي مش عارف بنتك مالها... هي شكلها مكسوفة مني... اصلي بصراحه كدا نويت اجبلك حفيد يسليكي شوية. 

ضحكت امي وقالت: 

طب كويس والله انا كنت ناوية اكلمكم في الموضوع دا.... انا عايزة افرح بعيالكم بقي... يلا يا نور شدي حيلك شوية. 

اتصدمت وقولتلها: 

انتي بتقولي اي يا ماما.... لا انتوا كلكم اتفقتوا عليا ولا اي.... انا مش موافقه علي الهبل دا انا لسه صغيرة.... ووسع كدا يا جدع انت هي ناقصة هبل. 

فجاه لاقيته مسكني من قفايا وقال: 

استني هنا انتي راحه فين.... انا معرفش حماتي كانت مستحملاكي ازاي.... عن اذنك يا امي بقي اصل مراتي شكلها عايزة تتعلم ازاي تسعد جوزها. 

ضحكت امي وقالت: 

لا براحتك يا ابني... دي مراتك وانت حر فيها طبعا... بس نصيحة يا نور... اسمعي كلامك جوزك يا بنتي.... وربنا يسعدكم سوي. 

كنت مصدومه من كلامها وهي عارفه اللي فيها وبسرعه زقيت ايده وجريت علي اوضتي وفضلوا يضحكوا هما الاتنين وبعدين امي قربت من رعد. 

وقالت: 

انت ناوي تعمل اي.... رعد اوع تنسي اللي فيها انت مينفعش تقرب من ملاك لو اي حصل.... بلاش تغلط غلط زي دا يا ابني. 

ابتسم رعد وقال: 

متقلقيش يا امي.... قولتلك انا بلعب معاها مش اكتر.... لكن مستحيل احطها في موقف زي دا.... هفضل مستحمل لحد ما تكون مراتي حلالي. 

اتنهدت امي براحه وقالت: 

الحمدالله طمنت قلبي يا ابني.... يلا روح شوف هتعمل اي في الهبلة اللي فوق دي... بس خلي بالك لحسن تعورك دي مجنونه. 

ضحك رعد وطلع ورايا ودخل وهو بيقول: 

اي يا قطتي انتي فين.... عريسك وصل اهو مستعده ولا لا.... انا بصراحه خلاص مبقاش عندي صبر اكتر من كدا. 

فجاه طلعت وانا بضحك وقربت منه بدلع وقولت: 

كان نفسي اكون جاهزه والله يا حبيبي... بس المشكلة ان دلوقتي مبقاش ينفع تقرب مني... اصل بقي عندي عذر قهر. 

ضحك رعد وقال: 

تصدقي حلوة التمثلية دي... بس للاسف مش هتدخل عليا يا نور... جوازنا هيتم النهارده ومفيش حاجه هتمنعني. 

صرخت بصدمه ودموع وانا بقول: 

يا رعد والله مش بكدب.... حته خلي ماما تيجي تشوف.... انا مش معترضة بس فعلا مش بي ايدي دي حاجه بتاعت ربنا. 

رعد قرب مني بخوف وقال: 

اهدي يا نور حقك عليا... انا مكنش قصدي اخوفك كدا.... انا بس عايز اخليكي ملكي لاخر العمر... انتي متعرفيش انتي بقيتي عندي اي. 

اتنهدت وقولتله: 

انت ليه ظهرت في حياتي يا رعد.... انا مبقتش عارفه اعمل اي واتصرف ازاي.... انت بقيت بالنسبة ليا حاجه كبيرة اوي... بس مش هينفع صدقني مش هينفع خالص. 

رعد بصلي اوي وقال: 

طول ما احنا سوي كل حاجه هتنفع.... ومش هيبقي في حاجه مستحيلة.... بس انتي خليكي جانبي وفي ضهري... وانا هحارب الكون كله عشانك يا حبيبتي. 

ابتسمت بوجع وحضنته اوي وهو شالني وحطني علي السرير ونام جانبي وانا قولت: 

خليك جانبي يا رعد.... متسبنيش ارجوك انا مش بطمن غير في وجودك... اوع تتخلي عني في يوم. 

اتنهد رعد وباس دماغي وهو بيقول: 

اوعدك اني عمري ما هسيبك.... يلا يا حبيبتي نامي وارتاحي.... وانا جانبك اهو متخفيش. 

نمت وهو في حضني وهو ابتسم ونام جانبي..... تاني يوم صحيت وانا سامعه صوت زعيق تحت نزلت بسرعه انا ورعد واتصدمت لما شوفت ماما بتزعق مع مايا. 

رعد استغرب وقال: 

اي اللي بيحصل هنا.... انتي اي اللي جابك هنا يا مايا.... وبتزعقي مع حماتي ليه ان شاء الله... اخلصي وجيبي اللي عندك. 

قربت مايا وقالت بدلع: 

سوري يا بيبي صحيتك بصوتها العالي.... اصلي جيت اعيش معاك هنا.... وجدك موافق بكدا حته ممكن تساله يا حبيبي. 

استغرب رعد وبسرعه اتصل بجده وقال: 

اي اللي بيحصل دا يا جدي.... ازاي تخلي مايا تيجي تعيش معايا في البيت... اي الهبل دا انت ناسي اني متجوز. 

رد جده وقال: 

سبق وقولتلك المشروع دا مهم اوي.... ومايا لازم تبقي معايا ليل ونهار عشان نكسب المشروع دا... وعشان كدا هتعيش معاك وكدا كدا امها مسافرة ياريت تخالي بالك منها. 

قفل رعد وهو متعصب اوي وقال: 

نور لو سمحتي خالي داده تحضر اوضة الضيوف لمايا.... وتعالي معايا الاوضة عشان عايزاك... معلش يا حماتي انا بتاسفلك علي اللي مايا عملته. 

ابتسمت امي وقالت: 

ولا يهمك يا حبيبي العيب مش عليك.... هي في ناس كدا متعرفش يعني اي رباية.... خد مراتك واطلع انت وسبيهالي انا هوصلها الاوضة. 

ابتسم رعد وشد ايدي وطلعنا الاوضة وانا طول الوقت ساكته دخلت اطلع هدوم عشان الشغل رعد مسك ايدي وقرب مني. 

وقال: 

هتفضلي ساكته كتير.... متقلقيش يا نور مايا بقيت ولا حاجه بالنسبالي.... وانا هحافظ علي كرامتك انتي مراتي وهعرف اصونك. 

ابتسمت وانا بقوله: 

مش دي اللي اغير منها يا حبيبي.... يلا نجهز عشان الشغل.... واه اعمل حسابك مفيش خروج من اوضتنا دي غير علي رجلي. 

ابتسم رعد وحضني وقال: 

وهو انتي بتغيري عليا ولا اي يا حبيبتي.... اعترفي بقي انك بتحبيني وواقعه علي الاخر.... بطلي البرود اللي فيكي دا. 

زقيته وقولت: 

بي عينيك يا حبيبي.... يلا البس بقي هنتاخر... وياريت تقفل زراير قميصك كويس انت مش تامر حسني في نفسك اتنيل واتلم. 

ضحك رعد وقال: 

والنبي انتي ما تعرفي حاجه... دا انا البنات هتموت عليا... انتي بس اللي محتاجه تكشفي نظر... يلا هدخل البس بسرعة واجيلك. 

ضحكت عليه ولبست انا كمان وانا بدعي ربنا ان البت دي متعملش مشاكل في حياتنا... وبقيت افكر ازاي اوصل لنور في اسرع وقت لان كدا مش هينفع خالص. 

في بيت برق صحي بتعب وقال: 

نور انتي فين يا حبيبتي.... هو اي اللي حصل حقك عليا انا معرفش نمت ازاي وسيبتك.... طمنيني يا روحي انتي كويسه. 

نور بخبث قالت: 

عادي يا حبيبي انت كان باين عليك التعب مش مشكلة.... يلا قوم بقي انا عايزة انزل اتمشي شوية.... زهقت من البيت. 

رد وقال: 

ننزل ازاي بس يا حبيبتي... النزول غلط عليكي... بصي استني بليل تكون الدنيا هادية وهاخدك لمكان هيعجبك اوي يا نور.... عايزاك تجهزي وتلبسي الفستان الاحمر اللي بحبه. 

استغربت نور وقالت: 

حاضر يا حبيبي من عيني.... يلا قوم بقي خلينا نفطر سوي... وتلحق تروح لابوك.... اكيد مستنيك من الصبح. 

ابتسم برق وقام ونور قالت: 

ياتري بتجهزلي اي يا برق.... مش مهم انا مستنيه يا خبر بفلوس بليل يكون ببلاش... واديني مستنيه اهو. 

في الشركة وصلت انا ورعد ومايا معانا لانها صممت تيجي في نفس العربية واول ما دخلت الشركة اتصدمت بزين. 

استغربت وقولتله: 

انت بتعمل اي هنا يا زين.... وبعدين معاك مش قولتلك متجيش الشركة تاني.... عايز تودينا في داهيه اعمل فيك اي بس. 

ابتسم زين وقال: 

في اي يا حبيبتي بس اهدي.... انا جاي هنا في شغل.... ومستني رعد بيه متقلقيش.... طول ما انا معاكي مفيش حاجه هتحصلك. 

دخل رعد بعد ما ركن العربية وقال بشر: 

انت بتعمل اي هنا يا جدع انت.... اتفضل اطلع بره شركتي خالص احسن ليك.... وانتي يا نور تعالي جانبي حالا. 

ضحك زين وقال: 

اهدي شوية يا رعد بيه.... موظفة الاستقبال هي اللي اتصلت بيا وطلبتني... بسبب الحفلة اللي عملها للموظفين عشان الاكل هيكون من مطعمي طبعا. 

اتعصب رعد وقال: 

وهو مفيش غيرك يعني.... ماشي يا زين بتمني الاكل يكون كويس... عشان مطعمك ميقفلش خالص... وبتمني تبعد خالص عن مراتي. 

وقبل ما زين يرد رعد مسك ايدي وشدني علي المكتب بتاعه وقفل الباب في وش مايا اللي استغربت وبقيت عايزة تعرف حكاية زين دا. 

قربت منه بخبث وقالت: 

وانت اي حكايتك انت كمان.... دا رعد مش طايقك خالص.... عملتله اي عشان يتعصب منك اوي كدا يا بتاع انت. 

رد زين ببرود وقال: 

خليكي في حالك يا انسة انتي.... وياريت متدخليش في اللي ملكيش فيه.... هي مش ناقصة قرف والله.. 

ومشي وسابها اتعصبت مايا وقالت: 

هو ازاي يكلمني كدا الجدع دا.... والله لاعرفه مين هي مايا كويس اوي.... بس برضو لازم اعرف قصتك الاول. 

في المكتب زقيت ايد رعد وقولتله: 

انت مالك متعصب كدا ليه.... متهدي علي نفسك شوية ما انت عارف ان زين اخويا مش اكتر.... اي لازمتها المعاملة دي. 

قرب ومسك دراعي جامد وقال: 

تعرفي لو سمعت اسم راجل تاني علي لسانك هعمل فيكي اي.... انتي تخرسي خالص والمكتب دا متخرجيش منه مهما حصل... واياك اشوفك قريبة من زين مفهوم. 

عيطت وقولتله: 

رعد سيب ايدي انت بتوجعني...... انت ليه بتعمل فيا كدا ليه.... انت اي مش واثق فيا لدرجادي... كلكم زي بعض. 

رعد اتعصب اوي من الجمله دي وقال: 

انتي قصدك اي يا نور.... هو انتي كنتي تعرفي حد تاني.... انطقي مين اللي بتتكلمي عنه..

رديت وقولتله: 

ولا حاجه يا رعد.... حاضر انا هسمع كلامك... اي اؤامر تاني يا رعد بيه.... انا هروح اشوف شغلي. 

سيبته وقعدت علي مكتبي وهو بقي مركز معايا وقلبه وجعه علي دموعي.... وفجاه جت في باله فكرة وساب المكتب وخرج وبعد شوية رجع. 

واتصدمت من اللي معه...... 

ياتري رعد جايب معه اي.... ومايا ناوية علي اي.... واي هيحصل بوجود زين في الشركة.... وبرق هياخد نور فين بليل.... 🤔🤔🤔

#رحمه_سامي

#بنت_الرعد

#الفصل_الرابع_عشر

رجع رعد وهو ماسك في ايده طاجن نوتيلا وقال: 

مين القمر اللي هياكل النوتيلا دي دلوقتي... انا عارف انك بتحبيها... اي رايك ناكلها سوي ولا اكولها لوحدي بقي. 

رديت وقولتله: 

اشبع بيها يا رعد... انا مش عايزة منك حاجه... ومش هتضحك عليا بطاجن نوتيلا.... ماما بتعمل احسن منه اكيد. 

قرب مني وقال بحنيه: 

انا اسف مكنش قصدي اتعصب عليكي بالشكل دا.... بس انا اوقات مبعرفش مبعرفش اسيطر علي اعصابي... حقك عليا يا حبيبتي اوعدك همسك نفسي بعد كدا. 

عيط وقولتله: 

بس انت شكيت فيا يا رعد... انت المفروض تبقي واثق فيا اكتر من كدا.... انت عمري ما كان في طبعي الخيانه ابدا... وطول ما انا شايله اسمك مستحيل اعمل حاجه غلط. 

ابتسم رعد وقال: 

انا عارف يا حبيبتي... بس اعمل اي بغير بقي... المهم مش هتاكلي الطاجن دا معايا يعني ولا اي نظامك انا مش قادر اقاوم اكتر من كدا. 

ضحكت وقولتله: 

لا طبعا هاكله.... امال هسبهولك لوحدك انت عبيط ولا اي.... هات يا عم الطاجن دا كدا... وروح شوف شغلك بقي متعطلنيش عن حبيبي. 

ضحك رعد عليا وبعدين قال: 

نور هو انتي مش عايزة تحكي ليا اي حاجه... ولا عايزة تقوليلي مين الشخص اللي كنتي بتتكلمي عنه دا... كل دا في الماضي متقلقيش هنسي. 

اتنهدت قولتله: 

دا حب قديم يا رعد... بس دلوقتي اكتشفت انه عمره ما كان حب.... كان مجرد انجذاب بسيط.. لاني دلوقتي اكتشفت.... 

سكت ومقدرتش اكمل ورعد قال: 

اكتشفتي اي يا نور كملي ومتخفيش.... انا عمري ما هاذيكي ابدا يا حبيبتي... قوليلي كل اللي في نفسك واعتبري نفسك بتتكلمي مع خيالك. 

ابتسمت وقولتله: 

لكل حاجه وقتها يا رعد.... اوعدك اول ما يجي الوقت المناسب هتلاقيني بقولك علي كل حاجه من نفسي... وكل اللي جوايا هقوله من غير خوف. 

ابتسم رعد وقال: 

ماشي يا نور وانا مش هضغط عليكي.... يلا كولي النوتيلا بتاعتك.... وبعدين كملي الشغل... وزي ما قولتلك بلاش تقربي من زين يا نور. 

اتنهدت وقولتله: 

حاضر بس موعدكش يا رعد... لان في شغل بيني انا وزين... بس حاول اقلل كلام معه اوعدك... يلا بقي شوف شغلك وبطل رغي. 

مشي رعد وانا اتنهدت وقولت: 

نفسي اقولك علي اللي في قلبي كله... بس لسه مجاش الوقت المناسب... انا لازم اقوم اشوف زين... لازم نوصل لنور كفايه كدا. 

قومت واستغليت ان رعد في الحمام ونزلت الكافتريا كان زين بيجهز الوجبات قربت وقولتله: 

انت شكلك نسيت موضوع نور خالص... انا تعبت يا زين وعايزة اخلص من الموضوع دا... مبقتش مستحمله الوضع دا خالص. 

رد زين وقال: 

اهدي بس يا ملاك وان شاء الله نلاقيها قريب اوي.... بس عصبيتك دي مش هتحل حاجه خالص... لازم تطولي بالك شوية يا بنتي. 

زعقت وقولته: 

مبقتش قادرة يا زين انت ليه مش حاسس بيا.... انا بحبه وبحبه اوي كمان.... انا خايفه اغلط... وجودي معه بقي خطر ومش هقدر اسكت اكتر. 

فجاه ظهرت مايا وقالت: 

ايوة بقي هي الحكاية كدا بقي... وانا بقول رعد مش حابب وجود الجدع دا ليه... عشان طلع الحب بتاعك يا قطة. 

اتعصبت وقولتلها: 

بقولك اي هي مش طلباكي خالص اقسم بالله يا مايا.... ابعدي عني وخليكي في حالك احسن ليكي.... دي حياتي وخصوصياتي ياريت متدخليش فيها وتخليكي في حواراتك انتي. 

ضحكت مايا وقالت بصوت عالي خلي الكل يركز معانا: 

اي يا مدام.... مش عايزة الكل يعرف حقيقتك ويعرف انك علي علاقة بواحد غير جوزك.... ما انتي متعرفيش ربنا... مقضيها في الحرام ما الباشا. 

عيط من كسفتي قصاد الناس وزين زعق وقال: 

اخرسي يا ست انتي.... انتي اتجننتي ولا اي... اي اللي بتقوليه دا... نور اشرف منك ومن عشرة زايك.... ولو مسكتيش دلوقتي رد فعلي مش هيعجبك خالص. 

رديت مايا وقالت: 

وانا مش هسكت ووريني هتعمل اي.... لازم رعد يجي يشوف الموظفة المحترمه اللي شغلها عندها.... وهي مقضيها حب وعشق في الشركة. 

جه رعد وانا جريت عليه وقولتله: 

انا معملتش حاجه يا رعد والله هي بتكدب وفاهمه غلط.... انا مش زي ما هي قالت صدقني يا رعد.... زين صديقي مش اكتر والله صدقوني. 

كنت مستنيه رد رعد وانا خايفه يصدقها وفجاه لاقيته قال: 

مايا حالا تاخدي بعضك وتمشي من الشركة.... اللي ميحترمش الموظفيين بتوعي يبقي ملهمش مكان وسطنا... وانا عارف كويس بعيين مين عندي... وبالاخاص مدام نور. 

اتكلم واحد من الموظفين وقال: 

واشمعنا حضرتك مهتم بالموظفة دي اوي كدا... مع انها لسه جديده وشكلها فاشله ومبتعرفش تعمل اي حاجه في اي حاجه... حضرتك لازم تطردها عشان سمعت الشركة. 

وواحده تانية قالت: 

اكيد الهانم قدرت تسيطر علي استاذ رعد... هي شكلها مش سهله وبتبدل في الرجالة براحتها.... امشي اطلعي من شركتنا احنا ميشرفناش واحده زايك تشتغل معانا. 

مكنتش قادرة استحمل اكتر ولسه هجري بس رعد مسك ايدي وقال بصوت عالي: 

عايزين تعرفوا ليه بدافع عنها... واشمعنا هي بالذات واي اللي بيربطني بيها.... حاضر انا هجاوب علي الكل... المدام نور تبقي مراتي. 

الكل اتصدم وسكت وانا بصيت لرعد بصدمه وهو قال: 

شايف انكم سكتوا يعني.... اي متكملوا اتهامات وكلام ملهوش لازمه.... المدام نور تبقي مراتي... وعشان كانت حابه تقرب منهم رفضت ان حد يعرف... بس لو الموضوع هيوصل لسمعتها انا مش هسكت اكتر من كدا. 

الكل اتأسف لينا وزين قرب وقال: 

رغم اني كنت خايف عليها.... بس دلوقتي اطمنت... خلي بالك منها يا رعد... لانك مش هتقدر تعوضها لو اي حصل... دي ملاك نازل من السماء. 

رعد بصلي وهو ساكت وبعدين بص لمايا وقال: 

اظن المسرحية خلصت يا انسة مايا.... احب اعرف هتمشي وتسيبي الشركة... ولا هتعتذري لمراتي قصاد كل الموظفيين حالا. 

قربت مايا بغل وحقد وقالت: 

انا اسفه يا مدام نور... انا فهمت غلط ومكنتش اعرف انك مرات رعد.... بتمني تقبلي اسفي... وبعد كدا تبعدي عن اي شوبهات. 

رد رعد وقال:

وانا واثق في مراتي كويس اوي يا مايا.... واقدر اسيبها وسط مية راجل وانا عارف انها هتبقي المية وواحد.... ياريت تهتمي بشؤؤنك وبس زي ما هي سبق وقالتلك. 

اتعصبت مايا وخرجت من الشركة خالص وقبل ما اتكلم رعد قال: 

يلا الكل علي شغله... وانت يا زين ياريت تخلص شغلك بسرعه وكفايه فضايح لحد كدا.... وانتي يا حبيبتي تعالي معايا علي مكتبنا يلا. 

طلعت معه وانا خايفه قربت منه وقولت: 

رعد انا اسفه علي اللي حصل تحت... بس والله مش بي ايدي.... الست مايا مش وراها غير المسرحيات وبس... انا كنت بطمن علي الشغل وبس والله. 

رعد رد وقال: 

انا مسالتش يا نور... وانتي مش محتاجه تبرري حاجه.... يلا اتفضلي شوفي الشغل اللي وراءكي... وبتمني متفتحيش الموضوع دا تاني. 

سابني وقعد علي مكتبه يشتغل وانا كنت مضايقه من نفسي اوي علي اللي عملته وقررت اني لازم اصلح اللي خربته. 

في بيت ابو رعد وصل برق وهو مضايق واول ما ابوه شافه قال: 

اهلا بالباشا عاش من شافك.... هي ست نور هتفضل لحد امتا واخده عقلك منك كدا يا برق...... انت بقيت فظيع بجد.... فين برق ابني. 

رد برق بحزن وقال: 

بحبها يا بابا مش بي ايدي.... نور هي الوحيده اللي وقفت جانبي لما جدي طردني... وقبل ما اعمل حاجه غلط هي منعتني وفضلت في ضهري. 

اتعصب ابوه وقال: 

فكك من الهبل دا وخلينا في المهم... جدك كان عايز مني اي بالظبط.... معني انه يدور عليا بعظ السنين دي كلها يبقي الموضوع كبير اوي... اي الحكاية فهمني. 

رد برق وقال: 

اكيد حاجه بخصوص الشركة ما انت عارف جدي كويس.... عمره ما هيتغير لو اي حصل... المهم انت ناوي علي اي هتظهر ولا هتفضل مدوخه. 

ضحك وقال: 

لا سيبه يتعب شوية.... وهفكر في الموضوع وهشوف العين بتاعتي في الشركة.... هي اللي هتفهمني اللعبة فيها اي. 

رد برق وقال: 

طيب انا لازم امشي دلوقتي عشان عندي مشوار مهم اوي.... ياريت تخالي بالك ولو هتعمل اي حاجه عرفني الاول دا لو سمحت يعني. 

مردش عليه وخرج برق وهو في الطريق بالصدفه قابل منه وهي بتجيب ورق من المكتبه للشركة وكانت متاخره علي الشغل. 

استغرب وقالها: 

انتي عامله في نفسك كدا ليه يا منه.... شكلك مبهدل وتعبان خالص... انتي مش بترتاحي خالص يا منه حرام عليكي نفسك. 

اتنهدت منه وقالت بتريقة: 

علي اساس انه يهمك اوي... انا كويسه يا مستر برق شكرا لحضرتك... وعن اذنك لاني متاخره جدا علي شغلي ومش عايزة اترفض. 

رد وقال: 

طب اركبي خليني اوصلك معايا انا رايح الشركو اصلا.... بدل ما تتبهدلي في المواصلات وتتاخري اكتر... احنا كونا صحاب برضو. 

ضحكت منه وقالت: 

شكرا انا مستغنيه عن خدماتك جدا.... انا عارفه طريقي كويس اوي.... اتفضل حضرتك متشغلش بالك بيا.... عن اذنك. 

اضايق برق من طريقة منه ومسك ايدها وقال بغضب: 

هو انا مش بكلمك... ازاي تسبيني وتمشي كدا.... انتي متعرفيش اني ممكن ارفضك فعلا من الشركة.... متنسيش انه شركة عيلتي. 

وقبل ما منه ترد جه مراد وقال: 

في اي يا مستر برق.... بعد اذنك سيب ايد منه مينفعش تلمسها.... وبعدين عيب كدا انتوا في الشارع.... لو سمحت سيبها. 

برق سابها باستغراب وقال: 

وانت بقي المحامي بتاعها ولا اي الحكاية.... انت نسيت نفسك ولا اي يا مراد.... فوق وبلاش تخلينا نخسر بعض... وانت فاهمني كويس. 

رد مراد وهو ماسك ايد منه وقال: 

والله انا لو هخسرك عشان خاطر بدافع عن خطيبتي.... فانا معنديش مشكلة اخسرك... وعن اذنك عشان عندنا شغل. 

منه اتصدمت ومشيت مع مراد وبرق بقي هيتجنن ازاي مراد يتكلم معه كدا وبقي ناويلة علي نية سودا. 

اول ما منه ركبت مع مراد زعقت وقالت: 

انت اي اللي عملته دا... وازاي تقولي عليا خطيبتك يعني.... هو اي كلام وخلاص... مين سمحلك تدخل اصلا. 

رد مراد وقال: 

انا مش عايز اسمع صوتك خالص.... انتي ازاي تقفي معه بعد اللي عمله فيكي... وازاي تسمحيله يلمسك اصلا يا منه.... انتي اتهبلتي يا بت ولا اي بالظبط. 

اتصدمت منه وقالت بتوتر: 

وانت عرفت منين الكلام دا.... وبعدين اصلا انت اي دخلك في حياتي يا مراد... اقصد يا مستر مراد... لو سمحت نزلني هنا وتاني مره ملكش دعوة بيا. 

زعق مراد وقال: 

تعرفي تخرسي ولا لا.... انتي مش هتكوني لحد تاني غيري.... انا دخلت نفسي في مصايب مش هتخلص عشان خاكرك.... ومش بعد كل دا هفرط فيكي يا منه.... انتي ليا بمزاجك او غصب عنك خلصنا. 

منه سكتت من خوفها وبعدين عيطت وقالت: 

انت بتعمل فيا كدا ليه.... هو عشان مليش حد واهلي اتوفي ومليش ضهر هتتحكم فيا.... انا مش بحب اتغصب علي حاجه.... ابعد عني يا مراد. 

مراد اضايق اوي من كلامها وقال: 

بكره تفهمي انا بعمل كدا ليه... ومن هنا ورايح انتي خطيبتي.... وقريب اوي هيكون فراحنا... عايزاك تبقي جاهزه يا عروسة. 

منه سكت ومكنتش عارفه تعمل اي وبتفكر في حل تخرج بيه من المشكلة دي... لانها مستحيل تقبل بمراد زوج ليها. 

في البيت عند نور كانت قاعده زهقانه ومتوترة اتصلت بسامر وقالتله: 

انا معرفش خايفه ليه.... هو برق ممكن ياذيني يا سامر... حاسه من اسلوبه ونبرة صورته بحاجه غريبة اوي.... مش دا برق اللي اعرفه. 

ضحك سامر وقال: 

متخفيش يا نور انا معاكي وفي ضهرك... ومتنسيش انا طول الوقت بكون مراقبك ومش بتغيبي عن عيني... لو حسيتي بي اي قلق شغلي جهاز التتبع. 

رديت وقالت: 

حاضر يا سامر ربنا يستر.... بس خالي بالك لو حصل اي حاجه متنساش الامانة اللي معاك.... انا مش بثق في حد غيرك وانت الوحيد اللي هتحافظ عليها. 

رد وقالها: 

اهدي يا نور انتي مش هيحصلك حاجه طول ما انا موجود..... مش عايزاك تخافي من اي حاجه خالص.... وخليكي قوية زي ما علمتك. 

ضحكت نور وقالت: 

حاضر هقوم اجهز عشان برق زمانه جاي.... وخليك فاكر كلامي كويس.... واعرف اني بحبك اوي يا سامر... واي حاجه عملتها كانت عشانك. 

قفل سامر وهو مش فاهم حاجه وبيقول في نفسه: 

ياتري مخبيه عليا اي يا نور.... انا من بدري مش مطمن ليكي.... ربنا يستر ومتكونيش خدعتيني انتي كمان... ساعتها هدمرك مع اختك صدقيني. 

في الشركة جه وقت الحفلة والكل اتجمع تحت في الكافتريا وزين قعد مع رعد علي الترابيزة مكنتش عارفه اعمل اي. 

لاقيت رعد مسك ايدي وقال: 

اهدي يا نور متخافيش انا اللي بقولك.... قولي بقي يا زين انت تعرف نور من امتا.... احكيلي عنها شوية انا حابب اعرفها اكتر منك. 

ابتسم زين وقال: 

نور دي مفيش منها صدقني.... دي جوهره هي اه طفلة في نفسها.... بس في وقت الشدة تلاقيها بمية راجل.... يا بختك بيها والله. 

رعد مسك ايدي بتملك وقال: 

ايوة طبعا نور دي احلي حاجه حصلت في حياتي.... هي اللي طلعت بيها من الدنيا.... ومستحيل اخلي حد ياخدها مني... واللي يفكر يبصلها ممكن ادمره نهائي. 

ابتسم زين بتحدي وقال: 

يا عالم اوقات بتكون في ايدك وبتقسم لغيرك يا رعد.... فحاول تحافظ علي اللي معاك علي قد نا تقدر... عشان متندمش بعدين. 

رعد قام وقف وقال: 

معلش يا جماعه المدام تعبانه ولازم نروح... بتمني الكل يتبسط بالاكل وبالف هنا ليكم... ودايما عامر بوجودكم عن اذنكم. 

خرج رعد وهو بيشدني وراه وركبني العربية بالعافية وقال: 

بتمني مسمعش صوتك طول الطريق.... عشان متسمعيش مني حاجه مش هتعجبك خالص.... انا خلاص جبت اخري ومش عايزاها تطلع فيكي. 

سكت خالص لحد ما نمت غصب عني وفوقت لاقيت رعد وقف قدام النيل استغربت وقولتله: 

انت وقفت هنا ليه يا رعد... مش المفروض مونا مروحين اي اللي حصل.... انت كويس يا رعد. 

رعد رد وقال: 

انزلي يا نور خلينا نتكلم... انا بحب المكان دا جدا ومش اي حد بجيبه هنا.... لما بحب اهرب من الدنيا باجي هنا. 

رديت وقولت: 

طب وانت جايبني هنا ليه يا رعد.... انت فيك اي انا مش فاهمه.... هو انت زعلان مني في حاجه... قولي بصراحه لو غلط في حاجه. 

نفخ رعد وقال: 

نور انا غيرتي وحشه ومش معني اني واثق فيكي انك تستغلي ثقتي دي... انا عارف انك مغلطيش وبتتعملي بطبيعتك... بس الناس مش بترحم وانا سمعتي دايما مهددة. 

اتنهدت وقولته: 

عندك حق يا رعد انا بجد اسفه... يمكن اتصرفت من غير تفكير حقك عليا... بس صدقني عمري ما فكرت استغل ثقتك فيا ابدا. 

مسك ايدي وقال: 

تعرفي اللي نفسي فيه اي... انك تثقي فيا زي نا انا بثق فيكي يا نور.... تعرفي انا الوحيد اللي عمري ما هضرك مهما حصل... لانك بالنسبة ليا حاجه كبيرة اوي. 

عيوني دمعت وقولتله: 

انا مش عارفه اقولك اي يا رعد.... بس اوعدك مش هفضل ساكته كتير... هي خطوة واحده وبعدها اللي يحصل يحصل مش هعمل حساب لحاجه بس استحملني. 

اتنهد رعد وقال: 

ماشي يا نور انا معاكي لاخر.... بس بتمني تنجزي لاني مش هصبر كتير.... رغم ثقتي فيكي بس حابب يكون كل دا متبادل ارجوكي بلاش تكسري قلبي. 

حضنته وقولتله: 

عمري ما هعمل كدا يا رعد حته لو هدفع التمن حياتي.... بس استحملني يا حبيبي... وانا قريب هحل كل حاجه صدقني. 

رعد فرح اوي بكلمه حبيبي وشالني ولف بيا وهو بيقول: 

اخيرا سمعت منك كلمه حلو يا نور.... انتي متعرفيش مستني اسمع حرف منك من امتا.... ربنا ما يحرمني منك ابدا ويقرب البعيد بقي. 

ضحكت وقولتله: 

طب ممكن نروح بقي احنا سايبين ماما طول اليوم لوحدها.... مينفعش كدا زمانها زهقانه علي الاخر.... يلا نروح نقضي الليله معاها. 

ضحك رعد ومشينا سوي وانا مبسوطة اننا اتكلمنا شوية والدنيا هديت بينا. 

مراد وصل منه البيت وقال:

ياريت متنسيش كلامي يا منه.... انا مش هكرره تاني.... واعملي حسابك ان كل خطوة ليكي دلوقتي محسوبة تمام.

زعقت وقالت:

انت يعني مصمم علي الجنان دا.... قولتلك منفعكش يا مراد.... سبني في حالي بقي وبكره هقدم استقالتي.

مراد مسك ايديها جامد وقال:

صوتك ميعلاش تاني انتي فاهمه ولا لا.... ولو عاندتي اكتر هاخدك احبسك في البيت بتاعي لحد ما اتجوزك.... بلاش تتحديني يا منه.

منه بوجع قالت:

مراد خلاص سبني انا اسفه هسمع كلامك والله.... بس سبني الناس هتقول اي واحنا تحت بيتي.... لو سمحت خاف علي سمعتي شوية.

مراد سابها وقال:

اتفضلي اطلعي واعملي حسابك هاجي بكره اوصلك الشركة معايا.... واياك تنزلي من غيري عشان ساعتها مش هيحصل طيب.

منه نزلت وجريت علي فوق وهي بتقول:

ربنا ياخدك يا مراد.... يخربيت الساعه اللي قابلتك فيها.... كان يوم ابيض مطلعش ليه شمس.

رجع برق البيت وقال: 

يلا يا نور جاهزه..... معلش يا حبيبتي اتاخرت عليكي.... دا اي القمر دا كويس انك جاهزة... يلا عشان منتاخرش. 

رديت نور وقالت: 

هو احنا هنروح فين يا برق.... متقولي قبل نا ننزل عشان بس يكون عندي علم احنا رايحين فين... هينفع امشي كدا وانا مش فاهمه حاجه. 

ضحك برق وقال: 

وانتي هتخافي مني ولا اي يا نور.... يلا يا حبيبتي دي مفاجاه.... واظن هتعجبك اوي امشي بقي وبلاش عناد معايا. 

نزلت نور معه وهو خبي عينيها بشريط وبعد شوية وصل مكان واول ما شال الرابطه من علي عين نور اتصدمت..... 

ياتري برق خدها فين وهي اتصدمت من اي.... واي هيحصل مع ملاك ورعد.... ومايا هتعمل اي بعد الاهانة اللي حصلت.... وزين ناوي علي اي... واي حكاية سامر والامانه.... وابو برق ورعد اي في دماغه.... ومراد عايز اي من منه وهتتصرف معه ازاي.... 🤔🤔🤔

#رحمه_سامي

تكملة الروايه بعد عمل متابعه من هناااااااااا

تكملة الروايه اضغط هناااااااا