 |
#البارت_الثامن_والعشرون_الجزء_الثاني
#ما_في_قلبي
نور بدأت تقول لتحيه على الخطه بتاعتها وتحيه بتبصلها باستغراب من الكلام اللي بتقوله
تحيه:هوا انتى كنتي زعيمه عصابه قبل كدا يبت اي الكلام دا
نور:لا بس بشوف في الافلام وكدا
تحيه:طيب فهميني دلوقتي هنعمل اي
نور:انا هدخل اظبط جميله وانتي اعملى القهوة لما يجي وحطي فيها ملح مش سكر تمام
تحيه:ماشي لما نشوف
نور باستها من خدها :عاش يا عظمه
خرجت من المطبخ ودخلت لجميله لقيتها بتلبس الدريس اللي كانت مطلعاه
نور:انا عوزاكي تطلعي سنبل كدا وجميله
جميله:ازاي
نور:بس عوزاكي تعملى حاجه صغننه
جميله:اي هى
نور:اضحكي
جميله:اي مش فاهمه
نور:قصدي اخرجي اضحكي على اي حاجه باني هبله يعني علشان يطفش
جميله:مش فاهمه
نور:بصي يا أخرة صبري
دلوقتي انا خليت امك تعمل القهوة وتحط ملح بدل السكر وامك طلعت بتحبك وعوزاكي تتجوزي الواد احمد
وانتى دلوقتي عليكي بقيت الخطه
جميله:يعني أخرج عادي طبيعي وقدام العريس لما نقعد لوحدنا اقعد اضحك واهبل قدامه واخليه يفتكر انى مجنونه ويطفش
نور:الله ينور عليكي وزودي في رتم الهبل شويه علشان يطفش قبل ما احمد يجي
جميله:حاضر حاضر
تحيه دخلت
_يلا يا جميله العريس جه
جميله:حاضر ربنا يستر
خدت صينية القهوة وخرجت
جميله خرجت ولقت واحده ست قاعده وجنبها شاب
والد جميله:تعالى يا جميله
دي جميله بنتي في رابعه اداب وبتطلع من الاوائل كل سنه
الست:ما شاء الله ما شاء الله زي القمر
جميله :ضحكت بس ومتكلمتش
الست:طيب نسيب العرسان يتكلمو سوا
والد جميله ووالدتها:اتفضلي حضرتك في البراندا
خرجوا كلهم
وجميله بدأت في الخطه
جميله يهبل:اتفضل القهوة دانا عملهالك بايدي وبدأت تضحك وبس
هوا استغرب الطريقه دي وبصلها بقرف
وشال فنجان قهوة وبدأ يشرب
اول ما خد شفطه تفها
جميله بصتله وهى بتضحك برضو:اي دا هى معجبتكش دانا بحبها من ايدي
_هوا اي دا انتى ازاي كدا
جميله قربت منه وضحكت برضو😂😂😂
_ازاي اي مش عجباك دانا زي القمر
الست خرجت
_يا امي يلا نمشي من هنا انا مش عاوز اتجوز انا مش بتاع جواز انا
وسابهم وخرج
ونور كانت فطسانه على نفسها من الضحك
وخرجت وهى بتضحك
نور بضحك:يخربيتك يا جميله كنتي مسخره
والد جميله:هوا اي اللي حصل
نور وجميله سكتوا
والد جميله:اي اللي انتى عملتيه دا
جميله بمواجهه ودموع:انا مش عوزا اتجوزه انا بحب احمد
والدها:مين احمد دا ويطلع اي
احمد من وراه:انا احمد
والدها:انت بقى اللي واكل بعقلها حلاوة
الكل كان طلع والجد وفارس ومحمد ومديحه
الجد:لا مكالش بعقلها حلاوة الاتنين بيحبوا بعض وانا النهارده جاي اطلب ايد جميله لاحمد حفيدي ودا يزيدني شرف
والد جميله اتلجم لما شافهم وشاف هيبة جدهم
_اتفضلوا بس ارتاحوا ونتكلم
الجد:يزيد فضلك يا ابني انا احفادى بيختاروا صح
وجميله انا معجب بيها وباخلاقها من ساعت ما شوفتها في فرح فارس ونور ويزيدني شرف انها تكون مرات حفيدي الصغير
والد جميله:وانا يزيدني شرف طالما الاتنين بيحبوا بعض انا مقدرش اقف قدام سعادتهم
الجد:طيب يلا نقرأ الفاتحه
الكل بداوا يقراوا الفاتحه وفارس طول القاعده بيبص لنور وهى متجاهلاه تماما أو عامله نفسها متجاهلاه
فارس في نفسه:ماشي يا نور
نور قامت وزغرطت
وحضنت جميله
نور:الف مبروك يا حبيبتي عقبال الفرح يا رب
ومديحه حضنتها:الف مبروك يا مرات ابني الحمد لله ربنا رزقني ببنتين مفيش زيهم
فارس قرب من نور
فارس:عاوزك
نور بقمصه:عاوزني في اي مش عاوزه اكلمك
فارس:قولتلك تعالي
نور بعند:لا
فارس شدها من ايديها
وقال للجد:أنا هاخد نور ورايحين مشوار وهنحصلكوا عالبيت
الجد:ماشي يا حبيبي خلي بالكوا من نفسكوا
فارس شدها من ايديها وهى كانت بتحاول تفك ايديها
نور:يا فارس سيبني
فارس وقف :ممكن تهدى انا عاوزك تهدى علشان عاوز اتكلم معاكي شويه ممكن تيجي معايا
نور اتأثرت من كلامه ومن عينيه
انا خلاص دبت في عينيه وبقتش قادره عالتحدي والمواجهة
نور :حاضر
فارس ابتسم وخدها من ايديها
وركبوا العربيه وخدها مكان جميل عالنيل
نور:الله المكان دا تحفه
فارس:عجبك
نور بفرحه:جدا
فارس:لسه زعلانه
نور:اه شويه علشان انت زعقتلي قدام البت ام صورم دي
فارس ضحك:ام صورم
نور:اه مهى صحيح كانت عجباك وداخله مزاجك ام صورم اللي حارقه شعرها دي
فارس:يبنتي اهدي وبطلي كلامك كدا وأسلوبك دا
نور بدموع:هوا انا لما احبك واغير عليك ابقى وحشه
فارس قرب منها ومسك ايديها:يا روحي انتى تعملي اللي انتى عوزاه وانا مبسوط من كدا بس كنت خايف عليكي لاتشتكيكي ودي اخر سنه ليكي
نور بأسف:انا اسفه
فارس:متتأسفيش وانا محضرلك مفاجاه
نور:اي هى
فارس:مش انتى كنتي عوزاني اتقدملك من اول وجديد
نور:اه
فارس قام من مكانه وقعد قدامها على ركبته وطبع من جيبه علبه اطيفه وفتحها وكان فيها خاتم جميل
ودا لفت نظر الناس كلها وبصولهم
فارس:انا دلوقتي بتقدملك قدام الناس كلها
توافقي تتجوزيني..
#يارا_عبد_السلام
#البارت_التاسع_والعشرون
فارس:انا دلوقتي بتقدملك قدام الناس كلها
توافقي تتجوزيني..
نور بدموع وفرحه في قلبها مش قادره توصفها:طبعا موافقه يا فارس يا أجمل حاجه في حياتى
وفجاه حضنته وسط الناس كلها اللي بداو يصوروهم ويسقفوا من النادر جدا أنهم يلاقوا مشهد زي دا الا في الافلام بس
فارس خرجها من حضنه
فارس:انتى عندى اغلى من عمري لو احتاجتى عمري هديهولك وعندي اشوف ضحتك بالدنيا وما فيها قلبي فرحان انك فرحانه ربنا يديمك في حياتى يا عمري
نور بفرحه:حقيقي لو هتكلم عن كلمة عوض هتتلخص فيك انت عوضتني عن ابويا اللى راح وامى اللي عملته فيا ياريتك كنت في حياتى من زمان يا فارس
فارس:انا اوعدك أن دموعك دي مش هتنزل على خدك طول مانا عايش على وش الدنيا دي
نور وقفت ومسكت ايده
نور بفرحه:تعالى ناكل ايس كريم ونتمشي عالكورنيش
فارس :تعالى
نور مسكت ايديه بفرحه كأنها طفله ابوها واخدها يفسحها ويأكلها ايس كريم
فارس وقف عند بتاع الايس كريم
فارس:بتحبي اي
نور:حليب وشيكولاته
فارس:وانا كمان
نور:الله انت بتحبهم زيي
وقالو في صوت واحد
_مبحبش المنجه
وضحكوا
وخدوا من الراجل الايس كريم وبدأوا يتمشوو
ونور كانت مبسوطه جدا حاسه ان أحلامها كلاها بدأت تتحقق مع فارس
نور:انا مبسوطه اووي
فارس:وانا جدا مكنتش اتخيل انى اوصل معاكي للمرحله دي كان اقصى حلمى انى احبك من بعيد بس
نور:وانا مكنتش اتخيل أن حد يكون بيحبنى اصلا
فارس:علشان قلبي كان مربوط بيكي وكنت دائما بصلي وبدعى ان ربنا يربط قلبك بقلبي زي منا مربوط بيكي
نور:حقيقي ربنا بيبقى شالينا نصنا التاني وتوام روحنا بس احنا دائما نبقى مؤمنين ان ربنا هيعوض صبرنا خير
فارس وهوا باصص السما:تعرفي يا نور انى كنت مشبهك بنجمه كنت كل لما ابص في السما الاقيها بتلمع وساعتها كنت ببتسم واقول اكيد حياتى هتنور وتلمع كدا اول ما الاقيكي
يأست كتير وقالولي انسى بقى بس برضو مقدرتش انسي اليوم اللي شوفتك فيه كان احلى يوم في حياتي انا اه كنت رخم بس كنت ساعتها مش عارف بعاقبك ولا بعاقب نفسي وطلعت انى بعاقب نفسي
نور:انا مبسوطه اووي بوجودك في حياتى انت فعلا هتبقى زوجي واخويا وابويا وكل حاجه ليا انت عوضتني عن كل اللي فات بحنيتك وخوفك عليا وكمان لما دموعى بتنزل بحس انك بتأنب نفسك والاقيك بتعتذر مع أن انا اللي ببقى غلطانه
فارس حضن ايديها في ايده واتمشو
نور شافت بتاع غزل البنات
نور:تعرف اني بقالي حوالى عشر سنين مكلتهوش
فارس:ومعايا هترجعى طفلله تاني
تعالى
خدها وراحوا ناحية الراجل
فارس:عاوز واحده
الراجل عملها وادهاله ونور خدتها وكانت فرحانه اووي كأنها فعلا طفله وبدأت تاكل منه
فارس:مبسوطه
نور:جدا
فارس :تعالى بقى هوديكي مكان يبصتك اكتر واكتر
نور:فين
فارس:تعالى بس
خدها من ايديها وركبوا العربيه
ووصلوا عند الملاهى
نور بسعاده:الله الملاهى
وباسته من خده بسعاده
نور:شكرا
فارس خدها من ايديها وودخلو
وبدأت نور تختار اللعب اللي هتلعبها
فارس:طيب استنيني هنا عقبال ما اجيلك
نور:حاضر
فارس راح يدفع التذاكر
ونور كانت واقفه عنيها عليه وبتضحك
في اتنين كانو ماشيين
واحد منهم:هيسيبك على فكره بيلعب بيكى تعالى معانا واحنا هنبسطك
نور اترعشت وعنيها دمعت وحاولت انها تمشي الا ان ايد واحد فيهم كانت أقرب ليها ومسكها من ايديها
_رايحه فين يا مزه
وفجأه لقى اللي ضربه ضربة اسقتطهه ارضا
وكان دا فارس اللي كان واقف والشرار بينط من عينيه وبدأ يضربهم الاتنين بكل غله ونور كانت واقفه بتعيط وبس. وفارس ضربهم لحد ما عدمهم العافيه والناس كلها اتجمعت والأمن جه وخدوهم على قسم الشرطه
نور كانت ماسكه ايد فارس جامد وخايفه
وفارس كان بيطمنها بنظراته وايديه اللي ماسكه ايديها
الظابط دخل عليهم
الظابط:اي حواركوا بقى
فارس بعصبية:اظن انك تسال البهائم دي
الظابط بص لنور :انتى بقى اللي كانو بيتخانقوا عليكي
فارس:انت اي اللي بتقوله دا دي مراتي هوا حرام واحد يخرج مع مراته ولا اي
الظابط:بطايقكوا
فارس ونور والاتنين التانين اللي كانو متشلفطيش
طلعو البطايق
الظابط خدها وبص لفارس:دكتور في الجامعه
بس هى مش مكتوب انها متجوزاك يعنى
فارس:انت مش ملاحظ انها بنت عمى قبل ما تكون مراتى ولو عاوز قسيمة الجواز اجيبهالك وبعدين انا مش هنزل مستوايا ليهم واضربهم كدا
الظابط:حضرتك أهدى مفيش مشكله ولا اي حاجه بس احنا لازم نعمل كدا انت مش شايف شكلهم انت مبهدلهم خالص
فارس:انت لو كنت مكانى كنت عملت اكتر من كدا اي اروح ادفع التذاكر اجى الاقي مراتي ممسوكه من ايديها بالمنظر دا انا لو كنت اطول اقتلهم كنت قتلتهم عادي
الظابط:طيب اتفضل حضرتك خد مراتك وامشى واحنا هنتصرف معاهم لأن دي مش اول مره
فارس:تمام شكرا
فارس خد نور وخرجوا ومشيو
نور:بس انت كنت جامد وانت بتضربهم انا حسيت انك جون سينا هههههههه للدرجادي بتغير عليا يا فوزي
فارس :انا لو كنت اطول اخلع دراعتهم دي كنت خلعتها انتى مش متخيله انا كنت ممكن اعمل اي
نور:وكنت زعلان منى اني مسكت نانسي من شعرها
فارس:انتى مش ملاحظه ان احنا الاتنين بلطجيه
الاتنين في صوت واحد
_دفاعا عن من نحب
وضحكوا ومشيو
نور:يخسارة اليوم والملاهى يلا مفيش نصيب
يلا نروح بقى علشان شكل جدك هيتفخنا
فارس:يلا يختى احنا نحس اصلا
نور:اتفق
ركبوا العربيه وشغلو اغاني وبداو يغنوا معاها
"دا من اول دقيقه في حبك قلبي مال عرفت بميت طريقه تغير حال بحال بتوه بين الحقيقه يا عمري والخيال"
وبداوا يغنوا بسعاده ولا كأنهم كانوا في القسم دلوقتي ومعمولهم محضر!
نور:انا حاسه ان هيجي في يوم هيتقبض علينا بتهمة اتنين عشاق قطاعين طرق
فارس:هههههههههههه احنا نمشي انتى تغمي عيون البنات وانا اغمى عيون الرجاله علشان نعيش سعداء
انا حاسس أننا هنروح القسم كتير بعد كدا
نور: هههههههه وانا كمان
نور وفارس وصلو البيت وكانت العيله كلها قاعده مستنياهم عالعشا
سلموا عليهم
ولسه الاتنين جايبن يطلعوا
الجد:نور فارس تعالوا كلو الاول علشان عاوزكوا في حاجه
بصوا لبعض باستغراب
وقعدوا واتعشوا
الجد:من النهارده طالما هتتجوزوا من اول وجديد نور هتنام في اوضة اسراء لحد الفرح
فارس:لا طبعا مستحيل...
الجد:استنى يا فارس انت متعرفش أن رجب هرب من السجن
فارس:اي!!
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
#يارا_عبد_السلام
تعليقات
إرسال تعليق