 |
البارت الثلاثون + الواحد والثلاثون من الجزء الثاني
خادمتي ولكن
💗💗💗💗💙💙💙💙💙💚💚💚💚💚
طارق : يارب يا فندم وبعدين انتبه للشاشه تانى .. ولقى كريم طلع من الاوضه وبيقفلها وبيخبى سونكى فى جمبه .. وجهاز التواصل بينهم بدء يرن لطارق
كريم : بصوت هااامس .. لازم يبقى فى تحرك فورى
طارق : فى ايه والا ايه غير خطتنا كدا هى الاوضه دى فيها ايه
كريم : فيها مصيبه .. فى غرفة تحت الارض بتاعت عمليات كبيره جدا .. وعدد من الاطفال والبنات والشباب كبير تحت مربطينهم ومتخدرين
طارق : طيب قفلت الاوضه ليه ها يشكو فيك ..
كريم : لازم اقفلها .. بيتصل على دكاتره عشان يجيو يحولو كل الا الابرياء الا تحت دول قطع غيار .. انا ضربته بالسونكى بس لسا عايش وتليفونه معايا .. ها اتعامل انا واحمد مع الا هنا .. وانتو تهجمو فورا على المكان كله ..
طارق : والدكاتره يا كريم الا متورطين معاهم ..
كريم : فى خلال 10 دقايق ها يكونو قدامى لانى ضربته بعد ما كلمهم ياله يا طارق مفيش وقت وقفل ..
حاتم اتنفض من مكانه : كلم القوه وادى اشاره .. الكل يجمع
طارق : تمام يا فندم .. وقام جهز نفسه واسلحته وجمع القوه وحاصرو المكان كله من برا
حاتم مسك فى طارق : انت ها تعمل ايه احنا مانعرفش الوضع جوا شكله ايه وفقدنا كل الاتصال بيهم .. لازم نحذر يمكن يسلمو نفسهم
طارق : ها ادخل لهم يا فندم لازم ابقى معاهم جوا لايمكن ها اسيب كريم وأحمد ماتقلقش انا ها اتصرف وماتدخلش غير لما اديك اشاره بالتدخل ودخل طارق زى ما دخل قبل كدا .. والتعامل من أحمد وكريم ..زاد بطارق بينهم كميا غريبه وطاقتهم مع بعض بتزيد الضعف طارق طاير فى الهوا بحركات رياضيه رائعه ومرنه جدا ومسك سلاحه .. ووقف فى ضهر احمد
احمد : اتعامل مع الواد النتن دا .. اوعى تسيبه وانا ها اجيب بقيتهم من جوا ..
طارق : سيبه ليا .. انا بحب انضف النتانه .. وهجم على اسفوخس وضربه ضربات متتاليه ورا بعض .. براسه وايده .. وبقوته اداله بالبياده خبطه فى وشه وقعه على الارض ..
اسفوخس : خلاص يا باشا .. انا بسلم نفسى ورافع ايده بتعب ..
طارق : ماسك سلاحه فى ايد فى الايد التانيه ماسك اسفوخوس من قفاه طلعه قدام الباب برا .. و امر بالهجوم على المكان ..
كريم : اترمى انت وهو انتو دكاتره .. والا جذارين بتتعلمو عشان تقتلو البشر والا تساعدوهم يعيشو فى امان وبيبص لهم بقرف
واحد من الدكاتره : بنريحهم منكم ومن البلد .. بدال ما يشوفو القرف الا احنا شايفينه .. لو حد بيبعت لهم كمية الفلوس الا بتجلنا مش ها يترددو لحظه وها يخلصو علينا ..
كريم : انت فاكر الناس كلها و...... زيكم .. وبيبص له من فوق لتحت .. دى قيمة الا زيك .. الا ربنا يديله نعمه يخدم بيها الناس .. فا بدال ما الناس تشيله فوق راسه ويعمل اسم كبير ... لا ها تحط الا زيك تحت رجليهم ومش ها يبقى ليهم تمن ولا سعر عشان عمرك مهما ربنا ادالك ها تشبع وبيزعق فيهم .. كام بيت قلوبهم محروقه على ولادهم .. وكام بيت عينيهم مش بتغفل وبيلفو فى كل مكان عشان قذرتكم انتم ازاى يهون عليكو تعملو فى اطفال وبنات وشباب كدا ازاى عارف الحل الوحيد للى زيكم والا بيساعدكم ايه يجيبو ولادكم ويتعمل فيهم قدام عينكم زى ما بتعملو فى الناس دى
وبينادى على العساكر .. لمو الزباله دى ياله ..
احمد : ضرب سرنجه وشمه .. وبيجرى ورا اوبح . نط على ايده وماسك فى راقبته .. والنبى يا باشا .. سامح المره دى .. انا غلبان .. ههههههه
احمد : وقع اوبح فى الارض .. واداله بالرجل .. انت مجنون يالا .. وبيزعق له ها نشيلك والا نقبض عليك يااوبح .. قوم وبيزقه بسلاحه .. قدامى كلكم على برا .. سيطرو على المكان كله .. وتم تحرير كل البنات والشباب والاطفال الا موجودين تحت .. وصلت القوه كلها القسم
حاتم : نزل دول على تحت كلهم ياله وهاتولى جمال ..
العسكرى : بينزف يا فندم
حاتم : هاته .. ودخل المعلم بتاعهم .. وماسك جمبه بايده ..
طارق : اداله بالرجل وقعه تحت رجل العقيد حاتم .
احمد : ليه كدا يا طارق مفيش رحمه فى قلبك واداله بالرجل تانى ..
حاتم ؛ خلاص يا ولاد .. انتو شايفين حالته صعبه ازاى .. وبيمد ايده .. قوم يا جمال .. قوم .
جمال : بيقوم بتعب .. انا عايز اروح المستشفى ..
كريم : بيحط ايده مكان ما ضربه بالسونكى .. ليه عشان الحته دى دا حتى صغيره انتى ناسى كام عيل وشاب وبنت كنت ها تحولهم لقطع غيار من شويه .. وايه ياجبروتك انسان حى قدامك ها تفتح بطنه وتفضيه
طارق طلع السونكى بتاعه : انا عايز اجرب وبيقرب على جمال وغرز السونكى فى جمبه التانى
جمال : بعلو صوته .. اه ... اه
حاتم : من الاخر .. ها تتكلم ها نريحك وتجيب كل الا عندك .. مش ها تتكلم .. انت شايف اهوو الولاد بيحبو يسلو نفسهم ومفيش تسليه احسن من كدا وبيضحك تستاهل انت يا راجل شوف جرح اقل من عقلة الصوباع عمل فيك ايه مابالك بقى با الا بتعملوه فى الناس
جمال : بعياط ها يقتلونى ..
احمد ضحك جااامد : ما انت ها تموت هنا بردو .. انت فى نظر الناس كلب وراح .. ولو قولنا لأهالى كل الا انت خطفتهم وسبناهم عليك .. مش ها يقتلوك ها يقطعوك بسنناهم حتت .. وياكلو من لحمك وانت حى ..
جمال : عايزين تعرفو ايه .
كريم : مين الا وراك .. وخاطف كل دول وكمان ها تخطف عليهم تانى .. لصالح مين
جمال : لصالح ناس كتير .. الموضوع كبير احنا مانجيش فيه حاجه .. وبيبص لهم وعيونه حمرا من شدة الوجع .. انتو فاكرين اننا لوحدنا
احمد : انجز وقول الا عندك .
جمال بعياط : ها يقتلونى والعيال الا فى الحجز دى كلها مش ها يطلع عليها الصبح
طارق : جمال انت ميت ميت .. فا اعمل اى حاجه ربنا يسامحك بيها ساعد فى كتير وكل يوم بنسمع بلاوى ارحم الناس دى
جمال : الفساد فى كل حته اشمعنا انا الا عايزين تعملو معايا كدا
أحمد : بتدمر بيوت وبتحرق قلوبهم وبتبرر .. الفساد موجود فى كل حاجه مش ها ننكر ومش ها نغمض ونفتح عيونا كل دا ها يتصلح .. الا خد انه ياخد رشوه صعب تتوبه خلاص فاهم ان دا حقه الا خد ان يهمل فى شغله سنين وسنين صعب تفوقه بين يوم ليله .. سواء دكتور او ممرضه او حتى سباك .. حتى احنا وبيشاور على نفسه .. فى كل حاجه يا جمال بس انتو غطتو على الكويس انت والا زيك والا بيساعدك الدكتور الفاشل والفاسد ضيع سمعة دكاتره الكويسين وبيساعدو من قلبهم الظابط او حتى الوزير الفاشل ضيعو سمعه النضيف الا فينا والا بيضحى وبيقدم حياته تمن ليكو كلكو وبحرقه اه لو ضميرنا يصحى ونفوق وبدال ما واحد يستفيد بالسرقه والنهب والقتل والحرام الكل ها يستفيد و الكل ها يعيش مرتاح .. بس غصب عنك وعن اى حد فاسد ان كان .. بيكره البلد دى ومش بيحب لها الخير وعايزها طول الوقت فى النازل سواء لاغراض سياسيه او اجنده خارجيه انتو بغبائكم بطبقوها ونازلين كذب وطعن في البلد ليل ونهار .. ها تقوم وها تتحرر ها ترجع لمجدها من تانى وبيشاور على نفسه وعلى كريم وطارق والعقيد حاتم بينا احنا وبكل الا بيحبها وكل نضيف فيها بكل الا بيطلع صورتها وبيبرز الحلو الا فيها عشان الوحش يختفى وقيمته تقل وسطنا ... خلاص يا جمال الفساد ها يفرفر ويسلم بأمر الله وانت اولهم ... وهجم على جمال وحط ايده فى جمبه مكان الجرح .. اكتب كل الاسامى الا متورطه معاااك وكل الا تعرفه عشان انا مش طايقك وممكن اموتك فى ايدى ومش ها تصعب عليا
كريم : عايزين اسامى وعنواين كل الا تعرفهم اخلص ومين غيرك بيشتغل
جمال بوجع وعياط : أستسلم .. هاتلى ورقه وقلم . وبدء يكتب كل الا كان بيتعامل معاهم .. والا بيشتغلو نفس شغله .. ودا بعد ما التلاته عمللو ضغط نفسى وجسدى رهيب لانه كان لايمكن ها ينطق بولا كلمه
بعد وقت كبير
الشباب خارجه بفرحتهم الا اتعودو عليها دايما .. وخصوصا بعد ما شافووو فرحة اهالى الاولاد الا سجدو لله شكر وهجموو عليهم بالاحضان والبوووس وفى الا كان بيوطى على رجليهم وهما بيحاولو يبعدو .. كمية فرحه لا توصف ومشاعر تشيب الراس زهلووو من الموقف كله الا تم تصويره بالكامل .. وبدء ينتشر وهما قالو يمكن يكون دا حافز لكل انسان انه دايما يإدى واجبه بأمانه وشرف لان كنوز الدنيا ماتساويش دمعه او ابتسامة فرح من ناس كانت ميته بالحيااا واوشكت عقولهم للهروب الى اماكن بعيده عن اجرام وبشاعة بعض الناس عديمى الدين والرحمه والادميه
❤❤❤❤❤❤
يارب انت العالم بكل ضائع ومفقود من اهله .. اللهم ردهم ردا جميلا إلى اهاليهم سالمين غانمين يارب العالمين ... اللهم انى اقسمت بك عليك ان تحفظهم وتفضح أمر كل ما يتورط بخطفهم .. وان تجعل تدبيرهم لنا ولأولادنا ولبلدنا تدميرا عليهم يارب ..
اللهم أحفظ مصر واهلها وجيشها واجعلهم فى رباط إلى يوم الدين
اللهم أحفظ أولادنا وأنفسنا من شر خلقك وابعد عنا جميعا كل شر وكل سوووء وانتقم من كل الفاسدين
اللهم أمين وصلى اللهم وسلم وبارك على سيدنا محمد وعلى اهله واصحابه أجمعين
❤❤❤❤❤❤
وبعد مرور يوم اخر
حور : نازله من فوق .. وبتغنى بصوت عالى .. يا حالولى يا حالولى .. وانا لابسه ورده بنى .. يالحالولى يا حالولى وانا لابسه ورده بنى ..
شريف : قاعد ماسك راسه .. اه يا دماغى .. اه وبيبص لهدى .. انتى بتلبسيها ورده بنى ليه ..ليه يا هدى حرام عليكى . هى ناقصه جنان ههههه
هدى : اهئ اهئ .. انا تعبت يا شريف .. انت رفضت ان مروان يجى ليه تانى
شريف : مش كفايه الا عملته فيهم امبارح يا هدى .. فى حد عاقل يقوم الناس من مكانها .. والا ترش وتمسح عشان الدبان .. دبان ايه ..قوليلى انتى دبان ايه .. وتقول طروقه بيحب النضافه .. وانا نضيفه يا حماتى وها اشرفك هههه
هدى : هههههههه.. وبتبص على حور .. هى واخده الملايه وراحه فين ..
شريف : انا عارف .. ابنك لو شوفته قدامى انا الا ها اقتله ..
هدى : بتضحك جااامد .. بس والله شكلها بنت غلبانه وانا حبيتها هى الخبطه شكلها اثرت على عقلها ..
شريف : بعياط مصطنع الخبطه ها تأثر علينا كلنا انا ها أفضل محبوس فى البيت كدا ..
*******************
ميرنا : بابى وحشتنى .. وقربت منه وحضنته
مازن : بادلها الحضن ولفف ايده على وسطها .. انتى على طول قافله على نفسك ليه
ميرنا : مش قافله ولا حاجه .. انتو كل واحد مشغول وانا سايبكم براحتكم .. حتى كريم مابقاش يسئل عليا ..
كريم : داخل وفارد ايده ..مين الا بيجيب فى سيرتى .. وقرب على ميرنا حضنها جااامد وباسها .. ومازن كمان
سمسمه : بعلو صوتها .. كرمله .. حبيبى .
كريم : شالها على ايده .. وبيبص لها وبيهز راسه .. دلوقتى بقيت حبيبك .. فين مرله ادب .
سمسمه : بتضحك ولفت ايديها حوالين رقبة كريم ..
احمد : دخل وراه .. وبيضرب كريم . خمستلاف مرف اقولك ملكش دعوه بأختى .
ميرنا : ليه .. مش انا زى اختك .. وسمسمه بردو زى اخته دى حتى صغيره يعنى ما تنفعوش
أحمد : بص لها بصة عتاب .. طبعا اخوات .. وانا بهزر مع كريم وهو عارف كدا ..كويس
مازن : سن سكاكينك على احمد يا ميرنا المره دى هو زعلك
ميرنا : ابدا يا بابى .. انا بتكلم عادى ..
كريم : نزل سمسمه .. وحط ايده على ميرنا .. تعالى وقوليلى مالك كدا زعلانه مننا فى ايه . ومشى من قدامهم بيها لما حس ان ميرنا بتلقح على احمد ومش بتسيطر على نفسها ..
روان : أحمد جه يا مروانى .. وكرمله كمان ..
مازن : هو ماندو مشى .
روان : بقاله ساعه ماشى انت لسا فاكر
مازن : انتو مش ها تأكلونا والا ايه ..
روان : ادام الحلوين وصلو يبقى ها نحط الاكل .. والبنات جهزت الاكل .. وحطته على السفره وكلهم قاعدين مع بعص بعد ما الشباب خدت الشاور بتاعها وغيرت هدومها ..
مروان : ليكو وحشه والله .. الواحد بقى بيشفكو صدفه .. نتكعبل فيكو هنا والا هنا ..
احمد : هههه .. يعنى صاحبك ماكنش بيقولك هو كان بيغيب عن بيته اد ايه
مروان : اسلام اتنقل الصعيد .. وبشوفه كل فتره كبيره لما ينزل يومين تلاته اجازه . بس فرح انكو دخلتو الشرطه ..
كريم : احنا اصلا رافعين راسكو على طول
💗💗💗💙💙💙💚💚💚
خادمتى ولكن ! 31
💗💗💗💗💙💙💙💙💚💚💚💚💚
روكا : بتمسد على ضهر كريم بأيديها .. طبعا يا حبيبى ..
مازن : اه منك انتى وحبيك دا يا حبيبى وياروحى ويا قلبى ..
روان : مش كفايه يا مازن انهم طول الوقت مش معانا .. لازم ندلعهم
مازن : طب وانا مين يدلعنى .. مين
روكا : يا خلاثى ياناس .. انا ادلعك .. هو انا ليا حبيب غيرك ..
كريم : الله أكبر .. هو دا الكلام حبى جوزك ودلعيه ..
احمد : تيجى باليل وتنفضيه 😂😂😂
كريم واحمد : هيلى هوبه هيلى هيلى هوبه
كلهم : 😂😂😂
مروان : ايه الا عملتوه فى شريف وهدى دا ..
احمد : على الست الا طارق سابها فى البيت .. غصب عننا .. كان فى قضيه لايمكن نسيبها ونشوف دى مين
مازن : يعنى هو هبل .. تسيبو واحده لا تعرفو اصلها ولا فصلها على ما تخلصو القضيه
كريم : طارق ها يجيب كل تاريخها وتاريخ عيلتها .. خلاص مش وراه حاجه غيرها دلوقت ..
احمد : كنت عايز افاتحكو فى موضوع كدا كلكو .وبيبص لروان ومروان .. وطبعا موافقتكم انتو مهمه بالنسبالى
روان : خير يا حبيبى .. ها تتجوز والا ايه ..
كريم : رورو دى نبغه .. جابت من الاخر ..
مرنا : شرقت جااامد .. وبتكح .. وروكا ادتها مايه .. وبتبص لاحمد بترجى ..
احمد ؛ تجاهل نظرات مرنا .. وكمل كلامه .. فى بنت عجبتنى وعايز اتقدم لها .. هى دكتوره صيدلانيه اسمها ريم ..
مرنا : اتخنقت وحاسه انها مش قادره تاخد نفسها .. ووقعت مع على كرسى السفره مغمى عليها فى الارض ..
*********************
حور : ماسكه ملايه وربطتها بين شجرتين فى الجنينه والحرس واقفين يضحكو عليها وشريف وهدى قاعدين جوا .. مش راضين يطلعو وراها تعبوو جدا ..
طارق : داخل .. انتو بتعملو ايه هنا ..
الحرس .. مفيش يا فندم بس ال وبيشاورو على حور دى مجنونه
طارق : شوف شغلك انت وهو اتفضلو .. ونزل من عربيته .. وداخل على حور براحه من غير ما تحس .. وبيبص على عبايتها الا هى لابساها .. وكاتم الضحك بالعافيه .. حاطه المشابك ورا بعض فى جمب العبايه من الناحيه دى والناحيه التانيه .. زى زعانف السمك
حور : مندمجه قوى .. وبتنشر هدوم طارق الا غسلتها .. وبعلو صوتها .. فلا طويله عريضه بخوشروميت مليون جنيه مفهاش منشر
طارق بينه وبين نفسه هى فى عمله جديده اسمها خوشروميت مليون جنيه وبعدين بص على هدومه
. وبيشيل بطراطيف صوابعه الهدوم وهى بتنزل ميه كتير .. وبيوطى راسه لتحت .. يخربيتك .. انتى بتعملى ايه ..
حور لفت وبصتله : جووووزى حبيبى .. حمدالله على السلامه وهلا هلا بالغالى ابن الغالين
طارق : هلا .. دا انتى وقعتك مهلهله وبيجرى وراها وهى بتجرى داخله جوا الفيلا ..
حور : مسكت فى شريف .. الحقنى يا حمايا . طروقه عايز يبوسنى فى الجنينه برا .. اقوله فى اوضه تلمنا . يقولى احنا ولا يهمنا 😂😂😂
طارق : يخربيت جنانك .. انا يابت دا لو جنانك دا مع الناس كلها تيجى لحد عندى وتقولى تمام يا فندم .. انا الا ها اعقلك واطلع على جتتك كل الا فات والا جااا ى
حور : وهى بترقص .. وانت تعقلنى ليه .. وانا هبله والا ايه .. ايه ايه 😂😂😂
شريف : اهدى كدا .. واقعد افهم منها اى حاجه اى حاجه يابنىيارب حتى تطلع بأسمها بس
طارق : انا جاى تعبان وعايز اكل وانام .. وبعدين افوق لها ..
حور : يا حبيبى .. دا انا عامله الاكل كله بإيدى عشانك ..
هدى : بتبص لطارق ما تبصليش .. انا مش عارفه اعمل اى حاجه منها .
طارق : من امتى باكل من ايد حد غيرك .. ومش لاقيه غير دى تعمل لنا اكل .
حور : اهئ اهئ .. ليه زعلك وحش .. قلبك دا ايه يا قاسى .. ياما كلت من ايدى وتقولى اكلك زى الشهد يا حور . يخونك الفراخ المشويه .. والبطاطه المقليه والكشرى ابو تقليه يا خاين ..
شريف : 😂😂 اه يا خاين .. يا ابو تقليه . وبيزق طارق .. غور اطلع غير خلينى اكل عشان انا جوعت .. ولو فضلت اكتر من كدا من غير اكل . ها اكلك انت وانا متغاظ منك
طارق : بيضرب كف على كف وطلع على فوق .. ونزل بعد شويه لابس شورت وتيشرت قط وعيونه بتلمع بخضارها الواضح جدا .. راح قعد على السفره مع هدى الا قاعده هى وشريف وساكتين تماما .
طارق : بيحط ايده عايز يشيل الغطا الا على الصنيه .
حور : ايدك . انا يا حبيبى الا ها احطلك وبتبصله وتضحك ياختى جماله حلوو .. ياختى خضاره حلووو ..
شريف بيبص لهدى .. وبيضحكو الاتنين .. وطارق دماغه بتودى وتجيب .. وقرر انه لازم يعرف عنها كل حاجه قبل ما ينام وبيبص فى الصنيه الا كشفتها لقى بطاطس على شكل بطريق واقفه وعامله لها رجول
طارق : بصوت عالى اعااااا وبيشاور على البطاطس ... دى بتمشى
هدى : هههههههه .. انت لسا شوفت حاجه
شريف : انا يومين شوفت فيهم العجب .. وقربت اكلم نفسى
طارق : بيكشف الصنيه التانيه .. لقى فرخه رجلها لسا فيها ومرفوعه لفوق .. ومخشبه فى بعض . وماسكها من رجلها .. ايه دا يا ماما . هى عندها تشنوجات . والا مكهرباها فى ام الليله دى 😂😂😂 هى الست دى بتعمل ايه فى الاكل بتطبخه والا بتعذبه
شريف وهدى : ميلو راسهم على بعض وبيضحكو بعلو صوتهم ..
طارق : ضحك هو كمان . وبيبص لحور ..
حور بإنكسار : ما انت بتحبها كدا
طارق : بحبها عندها تشنوجات ومتكهربا .. طيب بما ان مفهاش اكل يبقى اقوم أنام
********************
مازن : قاعد جمب ميرنا الا بتعيط وكلهم حواليها ..
احمد : اتخنق .. وسابهم وطلع على الجنينه برا .. حس انه ضغط عليها جااامد خصوصا انها متمسكه بيه جدا . .. بس هو قلبه وعقله مش معاها ..
مازن : اهدى يا حبيبتى مالك يا ميرنا .. ايه الا مزعلك كدا ..
روكا : بعياط .. مش عارفه مالها بقالها كام يوم قافله على نفسها وكل ما اشوفها بتعيط
مازن : بصوته كله فى روكا .. وانتى سايبها ليه .
مروان : ممكن تهدو شويه هى ناقصه توتر .. وقوم مازن من جمبها .. وحط ايده على وشها .. مرونا حبيبتى مالها .. احنا فينا من كدا
ميرنا : بعياط وبتبصله كانها بشتكيلو من احمد . وبصوت طالع بالعافيه . مخنوقه شويه يا عموو انا عايزا اطلع اوضتى .
روان : مفيش اوضتك .. انتى ها تفضلى فى حضنى .
سمسمه : راحت عند مرنا وبتمسح دموعها بايديها . وبتبوسها من خدودها .. انتى ها تنامى معايا والا زعلك انا ها اضربه انا واحمد ..
ميرنا : زاد عياطها جااامد .. لدرجة ان كلهم بدئو يقلقو عليها قوووى ..
مازن : بيزعق لكريم انت ها تفضل مرمى بعيد كدا . اتصل على الدكتور خليه يجى ..
كريم : ملوش لازمه .. بعد اذنك ياعمى . وقوم ميرنا وخدها وطلع فوق فى اوضتها .. وطلب منهم يقعد مع ميرنا شويه .. وهما وافقو يمكن تهدى مع اخوها ..
مبرنا : سبنى لوحدى يا كريم
كريم : ها تفضلى لحد امته تحبيه .. هو لو شايفك زى ما انتى شايفاه ماكنش اتردد لحظه واحده وفكر يتجوزك انتى ..
ميرنا : بصتله بصدمه .. هو الا قالك ..
كريم : لا مش هو انا عارف من زمان قوى .. سمعتك لما صارحتيه بمشاعرك . وهو رفض .. وقولت ها اكلمك او اقول لماما .. وبعدين اتراجعت عن قرارى دا لانى انا كمان كنت متاكد ان مشاعرك اكيد ها تتغير من ناحيته
ميرنا : ودموعها نازله من عيونها الا دبلت .. مش قادره يا كريم . احمد دا روحى الا عايشه عشانها .. والله غصب عنى
كريم : شدها وخدها فى حضنه ... ما تزعليش نفسك . ملكيش نصيب معاه . بطلى تهتمى بأخباره .. وتستنى تشوفيه . اعتبريه زيى زى ما قالك .. ومع الوقت ها تلاقى الا يحبك ويبادلك نفس الشعور .. وبيهزر معاها . بس ايه يجى ويدخل من الباب على طول . انا جد واحب الجد . غير كدا ها اقطع رقبتك اه احنا مش منضمونين وربنا
مرنا : ضحكت .. انا بحبك يا كريم .. ما تبعدش عنى كدا تانى .
كريم : وانا بحبك يا احلى واغلى اخت فى الدنيااا . لا ودكتوره ايه قمر اكيد كل المرضى الا بيجولك اول ما يبصو فى وشك بيفتحو لوحدهم ..
ميرنا : ههههه على طول بس لما يبقى فى مرضى نشوف ها يفتحو والا يغمضوو .
كريم : غيرى بنت الكأيبه الا عندك .. وها تلاقى العياده مفهاش مكان فاضى
ميرنا : بصتله ربنا ما يحرمنى منك ... انزل عشان انت تعبان .. طمنهم وريح شويه
كريم ؛ مش قبل ما توعدينى انك تطلعى الموضوع دا من دماغك وتباركلى لاحمد كمان
ميرنا : مش ها اقدر اوعدك بس ها احاول . ياله بقى
كريم : خلاص ماتزقيش .. خدتينى لحم وبترمينى عضم .. وماخرجش غير لما ضحكتها ملت الاوضه كلها ..
*******************
طارق : طلع اوضته وماسك حور ومطلعها قدامه ..
شريف : افهم انت ها تعمل ايه
هدى بخوف على حور شخصية طارق جباره وعنيد جدا : طارق البنت شكلها غلبانه
طارق : بنت ايه يا ماما دى اكبر منك هى ها تشتغلنى .. يبقى ابطل شغل واقعد فى البيت اقشر بصل .
هدى : لا يا حبيبى انا كنت فاهمه زيك .. دى صغيره جدا .. وبنوته كمان
حور : ماعاش ولا كان يا ابو إصلاح يشتغلك
طارق : بيشاور عليها . اتفضلى .ممكن بقى لانى فعلا مش قادر اخدها والف بيها .. ها احاول افهم زى ما بابا قالى وياريت ما تتدخلوش انا عارف شغلى .. وخدها وطلع اوضته .. وقفل الباب من جوا وشال المفتاح و قعد على السرير وهى واقفه قدامه .. ممكن افهم ايه حكايتك . ومش عايز شغل الهبل الا انتى بتعمليه دا عشان مش نافع معايا انا .
حور : هبل ايه يا طروقه بس .. انا مراتك حبيبتك .. وانت جوزى مش بقولك زعلك عليا وحش
طارق : بيبص لها بصه رعبتها .. والله يعنى انتى مصممه
حور : انت اكيد جاااى تعبان .. نام يا حبيبى .. وانا ها انزل تحت عشان ما ازعجاكش وافتحلى الباب .
طارق : قام من مكانه وهى الرعب ملى قلبها .. وقلع التيشرت بتاعه . .
حور : انت بتعمل ايه .. افتح الباب عشان حماتى عايزنى .. وانت نام براحتك
طارق : قرب عليها وهى بتبعد لورا .. مسك ايديها . وبيشدها على السرير .. وبجراءه .. انتى مراتى .. وانا جوزك .. وبعلو صوته صح .
حور : موطيه راسها .. وبتهزها بخوف . بمعنى اه
طارق : طب وايه المانع بقى انى أقضى وقت مع مراتى حبيبى وشدها عليه جااامد ولف ايده على وسطها وبيقرص عليها بأيده
حور : بتزقه جااامد .. اوعى سبنى
طارق : ليه .. مش كنت عايز ابوسك . وقولتى لينا اوضه تلمنا .. وادينا فى الاوضه ياله بقى
حور : سبنى يا طارق لو سمحت .
طارق : بيشلها بين ايديه .. مراتى حلالى .. وبيرميها على السرير .. ولسا بيقرب منها .. قامت بسرعه .. مسكها من ايديها وزنقها فى الحيطه وقرب عليها .. وبهمس جمب ودنها .. انتى مين وعايزا ايه عشان كل حاجه تخصك ها اعرفها بكرا .. ولو عرفتها من حد غيرك .. مش ها اسمى عليكى
حور بتبص له برعب وبترد بالعافيه : مراتك
طارق : يبقى حلال عليا وقرب اكتر واكتر وحضنها بين ايديه
💗💗💗💙💙💚💚💚
للمتابعه اترك تعليق
البارت الثاني والثلاثون + الثالث والثلاثون
خادمتي ولكن
💗💗💗💗💗💙💙💙💙💚💚💚💚💚
طارق وهو محاوط حووور ومهدده وهى جوا حضنه وبيقرص عليها والالم بدء يبان على وشها .. وبصوت هااامس : ايه يا مراتى .. هانفضل واقفين كدا كتيررر
حور : ضربات قلبها سريعه جدا .. وصوت نفسها عالى .. وبتبص لطارق ومش بتتكلم وبتحاول تبان متماسكه
طارق : هاااه قولتى ايه .. انا لو سيبتك يومين فا دا كان بمزاجى وبصراحه كدا قولت ممكن يبقى تأثير الخبطه وها تفوق .. انما تعيشى فى الدور .. فا دا الا مش ها اسمح بيه ها تفضلى مصممه انك مراتى .. خلاص ماعنديش اى مانع اصلى انا مش ها ابقى احسن من واحده بتقدم نفسها وتبعيها بالرخيص وعماله تقولى اتفضل .. وقرب من ودنها وانا بشررر وبضعف
حور : دموعها نزلت
طارق بعد عنها : كدا بقى فى امل .. ومسك ايديها . وراح قعد على السرير .. وقعدها قدامه .. قوليلى حكايتك بس مش عايز كدب .
حور بعياط : ارجوك سبنى خلاص ها انزل اقول لهم انى مش مراتك ومش هاتشوف وشى تانى بس اوعى تأذينى
طارق شدها بغل واضح عليه وقرص على ايدها : ماتعصبنيش عليكى .. محدش مصدق الفلم بتاعك اصلا .. حكايتك ايه وليه عملتى كدا انطقى
حور بعياط أكتر وبتتوسل له : طيب ها اقولك كل الا انت عايزه بس ماتغدرش بيا انا عارفه انى غلطانه فى حقكم كلكم وحقك انت بالذات .. سامحنى ارجوك قبل اى كلمه احلف انك مش ها تأذينى وتغدر بيا
طارق : اسمع الاول وبعدين اتاكد وساعتها اقولك اذا كان ها اسيبك والا لاء ... واه عشان تبقى عارفه احنا مش فى طبعنا الغدر والا عايزه وبقوله بعمله وبيبص لها اسمك ايه وعندك كام سنه
حور : اسمى حور سمير .. وعندى 25 سنه
طارق : رفع حاجبه . 25 سنه بس
حور : ايوا
طارق : متجوزه
حور : كنت بس كان كتب كتاب .. مش جواز فعلى
طارق قام جاب كرسى المكتب وحاطه قدامها ولبس التيشرت وعكس الكرسى وقعد وشه لها وساند بايده على ضهر الكرسى : طيب انا قاعد اهو وسامعك واهم حاجه عايز اسمعها منك .. ليه عملتى كدا ..
حور : بتفرك فى ايديها جااامد .. ومتوتره . وبتعيط .. من سنتين .. كانت حياتى طبيعيه زى كل البنات . عايشه مع أمى .. ووالدى متوفى من وانا صغيره امى الا ربتنى خلصت الكليه واشتغلت مدرسه دراسات كنت فرحانه ومبسوطه قووى .. وعندى كريزما الكل بيحبها ..مفيش مشاكل من اى نوع بتواجهنى ولا ماديه ولا غيرها الحمد لله .... مدرس معايا فى نفس المدرسه .. اكبر منى ب5 سنين .. صارحنى انه بيحبنى .. واتقدم على طول قعدنا 10شهور مخطوبين .. وبعدين كتبنا الكتاب كنت اتعلقت بيه وحبيته جدا .. وعشان انا ماعنديش اى تجارب كنت بصدق كل كلمه بيقولها ليا بس دايما كنت حاطه حواجز بينى وبينه زى ما امى علمتنى مرت الايام . وماما تعبت جدا مره واحده بقيت بعانى من تعبها الشديد وعيطت بحرقه هى الا فاضله ليا طول الوقت شايفها قدامى نايمه بتئن بتعب ومش قادره اعمل لها حاجه بروح لدكتور ومن دكتور لدكتور بس مفيش تحسن .. البيه بدال ما يقف جمبى لقيته بيعمل تصرفات غريبه وعايز يقرب منى بطريقه مقززه .. خوفت منه بس مش عارفه اعمل ايه بررت وقولت اكيد بيعمل كدا عشان بيحبنى .. بس انا كنت رافضه تصرفاته كلها وماقدرش يتملك منى زى ما كان عايز بأى شكل .. وعياطها زاد .. ماما تعبها زاد قوووى .. بقيت اشتغل واصرف على الكشوفات والعلاج مع الوقت بعت كل الا جهزته عشان جوازى .. عشان اقدر اعلاجها ... وحطت ايديها على وشها وبتعيط بصوت عالى .. بس ماتت من 7 شهور وسابتى بقيت لا اب ولا أم .. من حبى فيها لبست عبايتها . ومسكتها بايديها الا زى ما انت شايف كدا .. وانا مش محجبه بقيت البس الطرحه بتاعتها اوقات واوقات ابقى بشعرى .. عايزا احس انها معايا وجمبى واشم ريحتها طول الوقت ... اهملت فى نفسى .. ومحمد طلقنى .. قالى انتى ما تنفعنيش .. بقاله 5 شهور مطلقنى كانت الحته كلها عرفت انى اطلقت وبصت له بإنكسار تفتكر الناس ها ترحمنى من كلامها كل الرجاله قالت اكيد عمل معاها حاجه وسابها وبدء الكلام ينتشر وعيونهم بتبصلى بنظرات قذره وحقيره كلها طمع فيا وفى جسمى حتى بعض الستات ما سلمتش منهم وكلهم خايفين على اجوازهم منى خلاص كل الابواب اتقفلت فى وشى دى مطلقه وملهاش حد ولو دخلت بيتنا اكيد ها تحط عينها على جوزى ابتسمت بوجع ودموع بقيت منبوذه من الكل ولا إلا عملت عمله وفى حالى .. صاحب البيت راجل كبير .. ابتزنى كتير ... وحاول كذا مره انه يتهجم عليا بس ربنا ستارها معايا .. اليوم الا انت خبطتنى فيه ... قالى ها اطلع ليكى بعد المغرب وها نكتب ورقه عرفى يا تتجوزينى يا ارميكى فى الشارع وملكيش مكان عندى
كنت فى الجيم ونها الا بتدربنا عارفه عنى كل حاجه وسمحت ليا انى اساعدها فى الجيم بعد ما أخلص شغل المدرسه .. كانت بتتكلم معايا وفتحت موضوع محمد فكرتنى بيه وافتكرت امى وصاحب البيت الا عنده 60 سنه وعايز يتجوزنى يا إما ها يرمينى فى الشارع .. مشيت وانا بعيط ومش شايفه قدامى لا فى مكان اروح فيه ولا اهل اتسند عليهم .. ولا فلوس حتى ممكن اعيش بيها لسا لحد وقتنا دا بسدد ديون عليا لما تعبت .. لقيتك انت فى وشى طيرت فى الهوا ونزلت على الارض تخيل وانا بقع فى الارض ابتسمت وقولت اكيد دى النهايه وها ارتاح واروح لهم احضنهم .. او التراب يحضنى ويخلصنى من كل اوجاعى عشان ربنا ارحم من كل البشر نسيت كل دا وغمضت ما فوقتش غير على كلامك مع الدكتور .. طبعا ما كنتش اعرف انك ظابط .. اتظاهرت ان الخبطه اثرت عليا وعملت الا عملته لحد ما الاقى مكان اروح فيه وعيطت أكتر والله ماكنت ها اقدر اتحمل راجل زى دا يعمل فيا حاجه حبيت اعاقبك انك لحقتنى او ما خلصتنيش من حياتى ماهو انت السبب انى ها ارجع لكل دا تانى ..وبصت له هى دى كل حكايتى
طارق : طيب افردى انا متجوز .. تهدى حياتى بغبائك .. وكمان انتى لو طلبتى المساعده .. كنت ساعدتك انما تعملى هبله ومجنونه
حور : عيطت اكتر .. انا عارفه انك مش متجوز .. وبتهاجمه فى الكلام وبتشاور على نفسها .. اه لازم ابقى مجنونه وبتلف ايدها فى الهوا هما الناس الوحيده الا فى الكون كله ماحدش بيحاسبهم قررت ابقى منهم عشان اعرف اعيش وسطكم من غير ما حد يبص ليا او لجسمى
طارق : يا سلام ...تعرفى انا بكره الناس الضعيفه الا زيك كدا وبتستسلم لظروفها وكمان بترمى الحمل على غيرها
حور : كنت عايزنى اعمل ايه عافرت يوم بعد يوم وساعه ورا ساعه .. انت راجل عشان كدا مش حاسس بولا كلمه من الا انا قولتها .. وكمان انت مش محتاج سلطه وفلوس معاك ايه ممكن يدايقك
طارق : كتيررر يا حووور .. كتيررر وفى الا ممكن يكسر الا زيى واهووو زى ما انتى شايفه بعافر وبكمل .. انا طول الوقت عايش فى اكتر بكتير من الا انتى عايشه فيه مسئوليه وحيات ناس ومؤامرات عليكى ممكن يبقو من زمايلك الا فى نفس الشغل والخبطه عندنا قطع رقبه وبتحذير اوعى تبررى فاهمه ابويا واعمامى دايما يقول ليا ربنا اسمه العدل وما بيظلمش حد ثم كمان كام واحده بتهتم بنفسها ومحدش يقدر يلمس شعره من شعرها ... بنات يتقال عليهم ب100 راجل ... وعرفتى منين انى مش متجوز
حور ؛ مفيش دبله فى ايدك ..
طارق : عااادى كتير متجوزين ومش لابسين دبل ..
حور : والبنات الا بتتكلم عليهم دول ليهم عيله واهل وسند يلبسو يقلعو مش مهم
طارق : الاهل والسند مش كل حاجه عندك ربنا احسن من دا كله ما علينا .. انا ها اتاكد من كلامك كله بس لو طلعتى بتكدبى .. مش ها تشوفى الشمس تانى
حور : ماشى .. انا موافقه
طارق : اه حاجه كمان انتى عرفتى ابويا وامى ازاى
حور بتبصله بإحراج : اصلك طالع حلوو قوى ليهم الاتنين ماشاء الله عليهم .. فا جت معايا كدا
طارق ابتسم : يا شيخه واتكلم بجديه عنوانك
حور : 5 ش ال... . .. فى ال...
طارق قام : تمام كدا .. رمى مخده على الارض .. وغطا خفيف .. نامى هنا
حور : منا قولتلك الا فيها .. سبنى انزل
طارق : بتحلمى .. لحد ما اتاكد ... انتى بالنسبه ليا مقبوض عليكى عندى هنا ...اتفضلى نامى وما اسمعش صوتك ..
حور : نامت بخجل على الارض .. واول ما طارق راح فى النوم .. قامت بشويش طلعت على السرير .. ووطت بجسمها على طارق براحه وبتمد ايديها تحت المخده تجيب المفتاح ...
طارق فتح نص عين ورافع حاجب و مسك ايديها وشدها وقعها قدامه وعدل وشه فى وشها : انتى بتعملى ايه .
حور تنحت : هاااه .. وبتتواب .. ايه دا انا ايه الا جابنى هنا .
طارق : اسألى نفسك ومسك ايديها التانيه الا تحت المخده .. وايه الا جاب دى تحت المخده
حور : بتضحك ضحكه مصطنعه انا كدا لما ببقى نايمه .. بعمل حاجات مش مفهومه انت ممكن تلاقينى نايمه تحت المخده
طارق : طيب كويس انك نبهتينى وبيهز راسه اصلى ما بتحملش حد ينملى تحت المخده .. وقام .. تعالى بقى عشان انا لازم انام .. وشال المخده والغطا وفتح الحمام .. ودخلها جواه .. وادها الحاجه . وقفل الحمام عليها من برا .
حور : خدت المخده وراحت نامت جوا البانيووو وقفلت على نفسها من جوا .. وقعلت العبايه .
*******************
ريم : بتبوس ايد فتحى .. تسلم ايدك يابابا .. محمد ها يفرح بالصندوق دا قوووى .. معلش سيبتك امبارح وبيت عند حماتى
فتحى : ولا يهمك يا حبيبى .. تعالى يا منه
منه : بأبتسامه .. نعم يا جدو
فتحى : خد العلبه الا فيها دهب منه .. ولبسها الدهب بتاعها ولبس ريم كمان ..
منه : الله يا جدو جميل قوى .. وقربت باسته من خده .
فتحى : مبروك عليكى يا قلب جدك .. وبيحط ايده على ريم وعليكى انتى كمان يا قلب ابوكى .. سامحينى ياريم على الا عملته فيكى زمان
ريم : اسامحك على ايه بس يا حبيبى . انت لسا فاكر . وانا روان ماحبناش فى الدنيا قدك .. انت وأمى ..
فتحى : ربنا يبارك فيكو ..
منيره : ها تسافرى امتى يا ريم
ريم : كمان اسبوع ياماما
فتحى : على طول كدا يا بنتى
ريم : انا نزلت عشانكم والله .. وعشان منه .. ومحمد هناك لوحده .. وماينفعش اقعد اكتر من كدا وان شاء الله ها ننزل فى الاجازه الكبيره ومحمد معانا ..
منيره : تروحى وترجعى بالسلامه يا حبيبتى .. وحضنت منه .. واشوفك انا وجدك عروسه جمب عريسك ..
فتحى : اوعى تتجوزى من بلاد الخواجات
ريم : ههههههههه .. تتجوز الا يحبها خواجتى مصرواى .. متفرقش
منه : انا ها اتجوز جمب جدو هنا .. وحاطه الاكل قدامها وبتاكل فتحى فى بوقه
فتحى : اصيله يا حبيبتى .. وبياكل من ايديها بفرحه
ريم : بتخبط على رجل منه اه يا واكله الجو مننا انتى
منيره : خلاص يا ريم انتى ها تاخدى زمنك وزمن غيرك .. دول بقى حبايبنا .. الا نهنيهم وندلعهم
ريم : ماشى يا ست ماما .. شاهد يا فتحى
فتحى : ضم منه بايده . انا مع الحكومه
*******************
انتهى اليوم سريعا واشرقت شمسهم من جديد ..
ميرنا : بتفتح عنيها لقت عيلتها كلها حواليها .. حتى احمد الا نظرها جه عليه اول واحد واقف على الباب .. ومربع ايده .. وبيبص لبرا
مازن : بيعدل ميرنا .. قومى يا حبيبتى .. عامله ايه دلوقت
ميرنا : الحمد لله يابابا .. وابتسمت .. انتو ما رحتوش الشغل ليه
مروان : مش نطمن على بنتنا الاول ..
سمسمه طلعت على السرير وراحت نامت جمب ميرنا .. اطلعو برا وطفو النور ياله
كلهم : ههههههههههه
مرنا : بتضحك .. تعالى يا شقيه .. ما نمتيش فى حضنى امبارح ليه ..
سمسمه : احمد قالى ماتزعجيش مرنا عشان هى تعبانه ..
ميرنا : هو قالك كدا .. بس انتى لايمكن تزعجينى
احمد : اطلع منها يعنى ..
ميرنا : بتبصله .. ايوا اطلع منها .. انا وسمسمه احرار ..
احمد : راح عندها .. وبيشدها من ايديها .. قومى ياله قدامى على تحت .. وقعتى قلبنا من امبارح يادكتوره
ميرنا : بتضحك مره من نفسى والا ايه يا رورو ..
روان : لا ما تتكررش تانى .. انا وابوكى مكلناش حاجه من امبارح ودى معجزه ..
كلهم : 😂😂😂
مروان : اخويا دا لازم اقفلو بوقه .. المفروض يعلم بنته ومراته الاكل .. مش يعلم العيله كلها ..
مازن : سيبك انت .. انا نفسى اعلمك انت لوحدك .. واقولك يا ابو كرش زى ما بتقولى
كريم : ماسك بطن مازن بايده وبيهزه بقى دا كرش .. دا حتى صغنتوت ..
مروان : ايه عايزه يسنده بعصايه وهو نايم ههههههه
يبقى كرشه فى ناحيه وجسمه فى ناحيه
مازن : بيهز نفسه .. بيقلش عليا .. بيقلش عليااا .. اخويا الا من دمى .. بيحرق فى دمى ..
مروان : بيخبطه على راسه .. مش لما يبقى فى دم ابقى احرقه
احمد : مسك مازن من دراع وكريم من الدراع التانى .. بقى عمى اللذيذ .. معندوش دم ..
كريم : بيبوسه دا حبايبنا
احمد : بيبوسه هو كمان .. ومعانا على الخط والا ايه يا عمنا
مازن : بيضحك .. مش خساره فيكووو الا ها اعمله .. شيل ياد منك له
احمد رفع ايده بيتواب : مش عارف ليه دماغى تقلت فجأه
كريم : سابه وطالع من الاوضه جرى . وبيقول لاحمد اجرى يا مجدى .. ونزلو تحت ورا بعض .. ومازن وراهم . والباقين بيضحكو عليهم .
روكا : قومى يا مرونا ياله ..
مرنا : هو ايه الصوت دا يا ماما
روكا : اخوكى جايب مجانص انتى مش شوفتيهوش
روان : مش بيهوهو .. بيجعر وبعد شويه ها يلطم على وشه بالبلدى وبتخن صوتها وها يقول جعااان جعااان ههههه
مرنا : هههههههههه
سمسمه : وعنده عضلات كبيره قوى
روكا : دى مش عضلات .. دا نفخ اكيد بياخد هرمونات
مرنا : انا فاتنى كتير جه امتى دا
روكا : دا بقاله اسبوع يا بنتى .. قومى ياله وخدوها ونزلو على تحت
*********************
شريف : نايم على السرير وواخد هدى فى حضنه .. وبيقرب راسها منه وبيبوسها .. مش ها تقومى
هدى : مش قادره .. تعبانه يا شريف
شريف : مالك يا هدى .. حاسه بإيه
هدى : كسلانه وحاسه بتقل فى دماغى
شريف : صدعتنا الله يسامحها طيب خليكى مريحه يا قلبى .. وانا ها اروح الشغل
هدى : ماشى يا حبيبى
شريف : ها اعملك ساندوتش تاكليه وكوباية لبن وكملى نوم ..
هدى : تسلم يا شرشر هو طارق لسا ما صحيش ولا حور نزلت من فوق
شريف : شكله خلص عليها ونايم .. يا إما هى الا خلصت عليه ونايمه .
هدى : ههههههههه اطلع شوف البنت .. ابنك متهور وممكن تحصل فتنه
شريف : هههههه فتنه مره واحده .. ابنك مش دى الا تفتنه .. دا عايز جرمئ يفتنه مع بعض .. عيل يتفاتلو بلاد
هدى : هههههه حرام يا شرشر .. دا طارق طيب
شريف : شويه كمان وتقوليلى مؤدب
هدى : ليه هو مش مؤدب
شريف : انا اكتشفت انى انا الا كنت مؤدب وعلى نياتى ها اقوم انا عشان ما اتاخرش ..
💗💗💗💙💙💚💚💚
خادمتى ولكن ! 33
💗💗💗💗💗💙💙💙💙💙💚💚💚💚
حور : بتحاول تقلب نفسها جوا البانيو مش عارفه ما نمتش نص ساعه على بعض تلف يمين تتخبط تلف شمال تتخبط .. ودماغها تقيله جدا اه يووواه هو السرير اديق عليا والا انا تخنت وبتروح فى النوم .. ومش قادره تفتح عنيها
طارق : قايم من على السرير .. وماسك وشه بايده بيدعك فيه .. راح على الحمام وبيخبط عليه الاول عشان هى تقوم
حور : قايمه بنوم .. وشعرها مفرود الا واصل لأخر لبعد اخر ضهرها .. ومغطيها ومفرود على وشها .. راحه تفتح الباب شافت عبايتها لبستها وهى عيونها بتقفل وشعرها جوا العبايه فتحت الباب وراجعه
طارق : مسكها و وبيبص لها من فوق لتحت .. احممم اطلعى برا ..
حور : فتحت عنيها .. وبتبص فى وشه ومش مجمعه لسه .. هاااه .
طارق : قرب عليها .. وبصوت هااامس اطلعى برا .
حور : نعم
طارق : انتى لسا نايمه شكلك .. وبيشدها برا الحمام
حور : بعصبيه اوعى سبنى ايه الا بتعمله دا
طارق : بطلعك برا الحمام وشدها جااامد ووقعت على الارض بدون قصده
حور : مسكت جمبها .. اه ..يا متوحش .. ضهرى
طارق : نزل لمستوها على الارض .. تعيشى وتاخدى غيرها وبيضحك
حور : انت انسان رخم
طارق : قومى وافصلى
حور : بتريقه .. شد الفيشه عشان افصل
طارق : لا انا مش ها اشد الفيشه انا ها اشدك انتى ارميكى برا .. وسابها قام دخل الحمام . شال حاجتها الا جوا . ورامهم برا قدامها ..
حور : ضمت رجلها على صدرها ولفت ايديها عليهم .. ونزلت راسها على روكابها وعيطت .. قامت خدت المفتاح ونزلت على تحت .. لقت شريف قدامها .. بصوت واطى ومنزله راسها لتحت صباح الخير ..
شريف : بتعجب .. صباح النور ايه الهدوء الا انتى فيه دا .. لحق عقلك .. الواد دا جبااار وربنا
حور : ابتسمت وبصتله فين مرات حضرتك
شريف : مرات حضرتى .. الا هى حماتك
حور : بتهز راسها بمعنى لاء .. مراتك وبس ..
شريف : بركاتك يا طاهره .. انا لازم اتعلم من الواد دا طول عمرى بقول عليه مصيبه .. ماعرفش انه بلوه مسيحه كمان انا كان لازم ادخل شرطه 😂😂😂 .. تعالى هنا انتى
حور : نعم
شريف : قوليلى ايه حكايتك .. بس وانا بجهز ساندوتش لهدى عشان اروح شغلى .. ودخلو المطبخ
حور : ممكن انا اعمل الفطار ليكم كلكم
شريف : لا انتى مش مضمونه
حور : لا خلاص والله ها اعمل اكل عدل .. وبدئت تعمل الفطار وشريف بيتكلم معاها .. وحور ماقدرتش تقوله كل حاجه تخصها ..واكتفت بالخبطه وان صاحب البيت عايز يتجوزها بالعافيه فاعملت كدا هروب منه
شريف : وانتى ناويه تعملى ايه
حور : بتنهيده .. العمل عمل ربنا .. ها اروح القسم واعمله محضر بعدم التعرض
شريف : ممكن طارق يساعدك فى الموضوع دا وخلى بالك على نفسك
حور : ابتسمت من طيبته هو وهدى لا كفايه الا عملته .. كان كتير عليكم وعليه ..بس ارجوك ما تخليهوش يأذينى
شريف : مش فى طبعنا يا بنتى .. الحاجه الا دايما اقولها له ولاخواته احمد وكريم انا وعمو مروان ومازن .. الا شوفتيهم اول امبارح .. اوعو تظلمو او تيجو على حق مظلوم .. وابعدو عن اذية الناس بأسم السلطه .. واتقو ربنا دايما وهما طلعو تمام الحمد لله ورجاله بجد
حور : هو عنده اخوات
شريف : هما ولاد اصحابى بس اكتر من اخوات
حور : ماشاء الله للدرجه دى
شريف : ايوا لو عرفتيهم ها تحبيهم
طارق : دخل عليهم المطبخ ومد ايده خد زتونه من الطبق بياكلها .. صباح الخير يا باشا
شريف : صباح النور يا حبيبى
طارق : هدهود فين .. جهزت الفطار وبتلبس
شريف : لا هى مش ها تروح الشغل .. تعبانه شويه وحور هى الا جهزت الفطار
طارق : بيلف يروح يشوف هدى لاقها وراه .. مسك ايديها باسها وضمها ليه بحب .. مالك يا هدهود
حور : واقفه بتبصله .. بيتحول قدام اهله وطيب وحنين عليهم قوووى
هدى : مفيش يا حبيبى شكلى كدا عجبتنى قعدة البيت .
طارق : مش عارف انا ستات تشتغل ليه انتو ما تطلعوش من البيت اصلا .. عاملين مشاكل كتير انتو ياهدهود .. وبيبص لحور
هدى : انا ياطقطق .. دا الستات دى انجاز يابنى
طارق : ها تقوليلى ياقمرايه انتى .. لو الستات كلها زيك .. مفيش راجل ها يعانى .. وبيحضن فيها ويبوسها ونازل بوس فيها
شريف : ضربه برجله وعلى ضهره .. ما تهوينا بقى .. انت جبله يالا
طارق : ههههههه .. خلاص ما تتعصبش طيب وبيشد الكرسى وبيقعد هدى وشد التانى وقعد شريف .. وبيفطرو جوا المطبخ ..
هدى : اقعدى ياحور عشان تاكلى
حور : لا اصلى مش جعانه . بعد اذنكم ..
طارق : مسك ايديها وهى ماشيه ... وبيبص لها بصه مش مفهومه .. وبيأمرها .. اقعدى ومش عايز ولا كلمه
حور : قعدت وما اتكلمتش وهدى بتبص لشريف وبتزق رجله من تحت الترابيزه ..
شريف : غمز لها وبيكلم طارق ... ناوى تعمل ايه مع حور ..
طارق : بجديه .. ها اتاكد من كلامها .. وبعدين تروح لحالها لو طلعت تمام ماعنديش اى مشاكل من ناحيتها
شريف : يعنى مش ها توقف الراجل صاحب البيت دا عند حده .. انت ها تعرف تتصرف عنها ..
طارق : ساب الرغيف الا فى ايده .. وبيبص لحور .. هى اتصرفت من دماغها .. وانا مش بساعد حد بيتصرف من دماغه ..وكمان غلط فى حقى وحقكم
حور : وانا مش عايزا مساعدتك ولا مساعدة غيرك ..
طارق : اه ما انتى فرقوكه وبتعرفى تمثلى .. وبيبص لشريف ما تقلقش عليها ..
هدى : طارق .. ايه الا بتقوله دا
طارق : مسك ايد هدى . ارجوكى يا ماما انتى عارفه انا مابحبش حد يفرض عليا حاجه
شريف : بقولك ساعد البنت تقولى بنفرض عليك .. ولما انت جبتها هنا قولنالك انت بتفرضها علينا .. ومن امتى حد بيحتاج لنا واحنا نرد بقلة الذوق دى .
حور : انا مش عايزا اعمل مشاكل بينكم .. انا اسفه على الا عملته .. انا فعلا مش محتاجه مساعده من حد
طارق : انتى تخرسى خالص .. نزلتى ضحكتى على والدى بكلمتين .. وبيكلم شريف . هو احنا نعرف اصلها ايه .. مش لما اعرف عنها كل حاجه .. وسابهم وقام ..
شريف : بيبص لهدى بزعل .. وهدى قاعده محرجه من رد فعل طارق ..
حور : ابتسمت .. ما تديقوش .. هو عنده حق وبلاش تاخدو على الناس بسرعه كدا .. ممكن فعلا اكون مش كويسه
هدى : ابتسمتلها .. ما تقوليش على نفسك كدا يا حبيبتى .. انا لو كنت خلفت تانى كان زمان عندى بنوته زيك ... انا حبيتك برغم انك جننتينى اصلك فيكى من جنان روان كتيررر
حور ابتسمت : طنط روان انهى فيهم
هدى : الا مروان طول قاعدته حاضنها
حور : انتو كلكو شكلكم ناس كويسه وطيبه .. وفعلا لازم تخلو بالكم لان الوحشين كترو وممكن اكون منهم
شريف : انتى فاكره السنين الا بتمر علينا دى ماعلمتناش اننا نفرق بين الكويس والوحش .. انا مش ها اسيبك ما تقلقيش ..
حور : عشان تغير الموضوع .. بس ازاى انت تبقى ابوه وهى مامته .. ماشاء الله عليكم .. شكلكم صغير جدا يعنى اخركم اخواته
شريف : بيفرد ايده .. اصلهم جوزونى وانا صغير .. ابن 15 سنه .
هدى : اه وانا اتجوزت وانا فى كجى 2
حور : هههههه
طارق : واقف فى البلكونه فوق .. وجاله اتصال .. ايوا يابنى .. عملت ايه
المتصل : كله تمام يا باشا .. البت نضيفه ومدرسه وعايشه لوحدها .. بعد وافاة والدتها وصاحب البيت الا هى عايشه فيه رمى حاجتها فى الشارع والجيران واخدين حاجتها وبيدورو عليها
طارق : لحقت .. انا مكلمك من ساعتين
المتصل : اتحركت على طول على العنوان .. ومعروفه فى الشارع كله .. والناس شكلها بتحبها
طارق : طيب تمام ...
المتصل : تأمرنى بحاجه تانيه يا باشا
طارق : تسلم .. ياله سلام وقفل ... وواقف يفكر ها يتصرف معاها ازاى ماعندوش اى استعداد يساعدها بعد الا عملته
***************
نور : قاعده وسط عيلتها لاول مره كلهم متجمعين على ترابيزه واحده وبتبص بعنيها خايفه يكون دا وهم مش مصدقه نفسها ..
مؤمن : قومها وخدها فى البلكونه .. انتى ها تفضلى قاعده متنحه كدا
نور : دموعها بتنزل .. مش مصدقه يا مؤمن .. دا كان كابوووس .. مشاكل وخناقات كابوس .. الحمد ليك والشكر ليك يارب
مؤمن : ضمها بحب حقيقى .. نور بالنسبه له حاجه كبيره .. حته من قلبه .. حب حياته الا كمل بكرم ربنا ورزقهم بحب من نوع تانى وخاااص اولادهم هيدى وهانى .. وبيهمس لها .. الواد هانى دا مجرم بس بيجيب نتيجه ايه ابن اللذينه
نور : ضحكت .. كان فين من زمان .. هو قال الا حاسه يا مؤمن .. فعلا احنا بنعقد ولادنا واحفدنا وبنملاهم كره وحقد .. هو قال الا مقدرناش احنا نقوله ..
مؤمن : بيضحك جااامد .. لا وابوكى وابويا .. كل شويه يرشوه .. ودا يقوله انت بتحبنى .. ودا يقوله انت بتحبنى ..
نور : ضحكت جااامد .. مصائب قوم .. شويه شويه ها يكتبو الميراث الا كانو بيتخانقو عليه بأسمه عشان يرضى عنهم .. وهيدى هايصه فى النص وشكلها بتفكر تبقى قويه زيه
مؤمن : يا نونه احنا فى عصر مفيهوش طفوله انا لحد 20 سنه وانا كنت بخاف اقول رأى قدام ابويا او اقف قدامه واقوله لاء على حاجه .. وتليفونه رن .. وضحك .. مازن بيتصل .. الووو
مازن : الووو يا بارد .. كدا بتخلع
مؤمن : هههههه بس عشان انت بصتلى فى السفريه وبدال ما انزل البحر .. نزلت لابويه وعمى وكنت ها اغرق
مازن : هههههه تستاهل عشان قولتلك خليك معانا .. قولتلى لا مش عايز اتقل عليكووو .. ارجع ياله وخليك معانا
مؤمن : لو عرفت اسيبهم وانزل ها اجيلك هوووا .. بس ما صدقنا اتصالحو .. نتمم الصلح وبعدين انزل
مازن : الله اكبر .. اخيرا .. لا لو ها تمم الصلح معاك شهر اجازه
مؤمن : ايه الواجب الجامد دا .. وهزر شويه معاه وقفل
***************
أحمد قاعد على جمب هو ومروان ومازن وكريم
أحمد : انا بلغت والدها وعايز اكلمه انهارده عشان أكد المعاد
مروان : مفيش مشكله شويه بس عشان تاخد رأى ماما والعيله ونشوف ها نروح أمتى
كريم ابتسم وضرب على رجل أحمد : مبررروك يا وحش
أحمد بنفس الابتسامه : الله يبارك فيك عقبالك يا حبيبى
مازن : وعقباله ليه خليه قاعد مستنى العدل
كريم : 😂😂😂 لا بقولك ايه انا عليا أمم
مازن : انت ها تقولى
أحمد : ثاتيه وراجع .. واول ما شاف ميرنا خدها وطلع على برا
💗💗💙💙💚💚💚
للمتابعه اترك تعليق
البارت الرابع والثلاثون من الجزء الثاني
خادمتي ولكن
💗💗💗💗💗💙💙💙💙💙💚💚💚💚
أحمد خرج برا وطلب من ميرنا تقعد معاه فى الجنينه لوحدهم
ميرنا : ايه يا احمد بقالنا ربع ساعه وانت مافتحتش بوئك بولا كلمه
أحمد : ميرنا انا مدايق ومخنوووق وانتى محسسانى بالذنب من ناحيتك
ميرنا خدت نفس وبصت ناحية الحرس
أحمد : وبعدين يا ميرنا كان نفسى تفهمينى وتقدرى موقفى وما تعمليش فى نفسك كدا .. ولا فيا .. انا مش عايز اجرحك اكتر او ادايقك بس انا فعلا قلبى وتفكيرى وحياتى مش شايفها ولا حاسس بيها معاكى
ميرنا كل كلمه بتخنق فيها هى ليه مش قادره تتخلص من حبه وليه بتبقى ضعيفه قوووى كدا قدامه هو بالذات . وبصت له وعيونها بتنطر دموعها
أحمد اتنهد بصوت مسموع : ارجوكى يا ميرنا دموعك دى بتقتلنى قلبى بيوحعنى عليكى
ميرنا بهجوم : ولما قلبك بيوجعك عليا ليه بتتخلى عنى وروحت جريت ورا واحده غريبه .. وبتحط ايديها على صدرها . ساعات ببقى عايزا اطلع قلبى اقطعه واقوله كفايه غباء بطل تنبض بأسمه .. ليه يا أحمد اتسرعت وما ادتش نفسك فرصه واحده معايا يمكن كنت تبادلنى الحب دا او اعجبك وبتقوله اه بوجع كبيررر .. اه يا أحمد لو تعرف النار الا قايده فيا طول ما انت قدامى او بتجيب سيرة الجواز من واحده غيرى .. للدرجه دى انا بشعه وما استهلش سعتك ولا استاهل فرصه واحده معاك
أحمد من قلبه : اوعى تقولى كدا .. انتى ملكه جمال البنات كلها وشايفك حاجه كبيره قوووى يا ميرنا بس مش أكتر من أخت اعمل ايه فى مشاعرى انا كمان لو بإيدى عمرى ماكنت فكرت فى واحده غيرك ولا ها اشوف زوجه وام لأولادى غيرك بردو .. بس حسى بالحاجز الا بينك وبين كريم .. تخيلتيه فى يوم يبقى زوج اكيد لاء وماينفعش بس لو خيروكى بالحب الا موجود فى الدنيا كلها وحب اخوكى ها تختارى اخوكى ... هو دا نفس وضعى معاكى واحساسى بيكى والله ومش قادر اتخطاه .. ممكن اتراجع عن الجواز من ريم ومش ها اتجوز ابدا لو دا الا يرضيكى ويرحم أجمل عيون من انها تدبل وتبقى زى ما شايفها كدا بس بردو مش ها ابقى اكتر من اخ ليكى
ميرنا عيطت بقهر كل كلمه منه مش بتبعده عن قلبها لا بتقربه أكتر .. وبتقول بصوت مقطع : لا يا احمد بتمنالك السعاده زى ما انت بتتمنهالى كفايه اشوفك مبسوط
أحمد طلع منديل وبيمسح دموعها : مش من قلبك بطلى عياط بقى
ميرنا بتحاول توقف دموعها وابتسمت : خلاص يا احمد مبررروك وخدت المنديل منه
أحمد : عشان خاطرى حاولى تتقبلى الموضوع والله ربنا ها يرزقك با الا أحسن منى ومعاه ها تعرفى يعنى ايه حب
ميرنا قامت بعد اذنك اصلى مش قادره اقعد ودخلت على جوا بتهرب من اى وعد
أحمد قاعد يفكر وكان قراره النهائى انه فعلا لازم ياخد خطوه جديه تجاه ريم عشان ميرنا تفقد الامل وتلتفت لنفسها وتبطل تفكر فيه
********
عزت : ريم .. يا ريم
ريم : نعم يا بابا
عزت : تعالى يا حبيبتى .. فى موضوع عايز افاتحك فيه .
ريم : خير فى حاجه حصلت
عزت : لا متقلقيش مفيش حاجه .. وابتسم بس فى عريس .. وعايز معاد يجى يتقدم فيه ومسك دقنها لعروستنا الحلوه
ريم : بخجل .. ومين دا
عزت : أل يعنى مش عارفاه .. هو قالى انه راحالك الصيدليه
ريم : عيونها لمعت وابتسمت
عزت : لا دا طلع واثق من نفسه وعنده حق .. ايه الابتسامه دى كلها يا دكتوره .. اول مره اشوفها
ريم : احممم .. لا يابابا أصلى أفتكرت حاجه كدا .. اه بتقول مين العريس
عزت : احمد ابن مروان السمرى .. عايز يتقدملك واكيد عارفاه
ريم : انا معروفوش يا بابا .. هو جالى 3 مرات الصيدليه .. واول مره كان عايز حاجه للصداع ونسى يدفع تمنها ورجع تانى .. وبعدين تالت مره عشان يقولى انه عايز يتقدملى
عزت : يا حبيبتى انا واثق فيكى ومش بحاسبك .. واحمد حكالى كل حاجه .. وانه دايقك صح
ريم : لا مدايقنيش ..وبعدين لفت ايديها .. يعنى نص نص .. وقامت .. انا لازم انزل يا بابا عشان الصيدليه وحضرتك الا تشوفه بقى حدد المعاد الا انت عايزه ونزلت جرى وعزت مبسوط بنته كبرت وبقت عروسه
****************
ميرنا اول ما احمد ومروان وعيلتها اتكلمو على ريم انسحبت بهدوء .. وكريم انسحب وراها من غير ما حد يشعر
كريم : حط ايده على كتف مرنا .. وقرب باسها من راسها .. راحه فين يا قمر
ميرنا : ابتسمت ابتسامه ما بتتخطاش اكتر من شافيفها خلاص اى حاجه لها مبقاش لها معنى .. وحشنى الاصطبل وراهون .. عايزا اعمل مغامره كدا على قدى
كريم : اه من مغامراتك .. وانا اركب موهجه .. دى متخلفه عقليا .. كل ما مزاميزو يركبها توقعه المفتاح بتاعها مع طارق بس
ميرنا : هههههه بصراحه موهجه دى ما بتحبش بنى ادمين ومش فاهمه طارق عامل لها ايه وبابا مصمم انها بتحبه بس بتكابر .. يقولى انا مفيش حاجه ما بتحبنيش كله بيقع فى غرامى
كريم طلع تليفونه الا بيرن وبيرد على تليفونه : ايوا يا وحش مش كنت جبت سيرة مليون جنيه .. ايه مش ناوى تعالى انا رايح الاصطبل انا وميرنا ..
طارق : ايوا كدا .. بس بقولك .. انا اتاكدت ان البت تمام بعد ما كلمتك الصبح وحكاتلك على كل حاجه قالتهلى .. كلمت واحد من رجالتنا . واكد الكلام .. وضاف بقى ان صاحب البيت رمى عفشها وحاجتها فى الشارع ..
كريم : وها تعمل ايه معاها
طارق : بقول انى اسيبها هنا شويه لانى رفضت انى اساعدها .. واعمل نفسى لسا بتحرى عنها
كريم : ورفضت تساعدها ليه
طارق : بصراحه غظتنى ومستفزه .. ومش انا الا ينضحك عليا .. انت ما شوفتش عملت ايه ونفسى اظبطها
كريم : طيب تعالى انجز ونتكلم واحنا فى الاصطبل .. وقفل معاه ..
ميرنا : فى ايه
كريم : اكيد عارفه با الاحصل مع طارق والست الا خبطها
ميرنا : ايوا عرفت من ماما وحكتلى على كل الا عملته معاهم فى الفيلا .. وبتضحك
كريم : يا ستى طلعت بنت وعندها 25 سنه وحكايتها كا التالى .. وقص عليها كل شئ
ميرنا : طيب مش حرام طارق يرفض يساعدها .. اقنعه يا كريم ... هو الا ملوش حد بيتبهدل ليه يابنى ادمين
كريم : اهدى يا قطه .. ها يساعدها انا عارفه ها يكابر شويه بس ها يساعدها
ميرنا : انتو التلاته ارخم من بعض اعوذ بالله منكم .. وضربته وبتجرى .
كريم : احنا فينا من الغدر .. وبيجرى ورا ميرنا اخته وحبيبته .. جابو العجل بتاعهم وركبوووه .. وبيتسابقو على الطريق لحد ما وصلو الاصطبل .. وطارق داخل عليهم بالعربيه .. وضرب فرامل على اخر لحظه ..
طارق بيضحك وبصوت عالى : اوعى الوحش ..
ميرنا : بتكشر وشها بهزار .. رخم . ودمك تقيل ومش طايقك على فكره
طارق : بيضحك ماشى ماشى بس انتى دمك اتقل . وبثقه .. انا الكل بيحبنى من ورا قلبك أمرونا ونزل من عربيته ودخلو التلاته
*****************
شريف : انا جاى من الشغل تعبان يا هدى مش قادر اروح
هدى : ميلت على شريف بجسمها .. وبتبوسه من خدوده وشافيفه .. وبدلع عشان خاطرى يا شرشر .. نفسى اركب خيل بقالنا كتير ما ركبناش
شريف : حاوطها بأيده .. يا حبيبتى اروح اتفرج عليكو .. مش لازم اركب معاكى انتى لايمكن تركبى لوحدك
هدى : خلى طارق .. يركب معايا
شريف : بتسرع وصوت عالى طقطق لاء متهور يا هدى ولازم يعيشنا الاكشن معاه .. وانا مش مستغنى عنك يا روحى
هدى : ابتسمت .. وبتمشى ايديها على وش شريف .. بحبك يا شريف .. مفيش يوم نيمتنى زعلانه منك .. ولا انا اقدر ازعلك يا حبيبى .. خليتنى اعيش فى حضنك وبيك اكتر ما بعيش مع الا حواليا .. يارب طارق يبقى زيك ..
شريف : خد نفس وطلعه براحه .. ازاى ما احبش واحده عشت معاها وبيها حياه نضيفه .. وهى نفسها جميله من جواها .. انتى غيرتينى كتير يا هدى وصبرتى عليا كتير .. اليوم الا كنت أكسل فيه عن الصلاه .. تقومينى بكل حب وتقوليلى عايزاك تصلى بيا وتكسب ثوابى .. وبيضحك . وانتى الا بتاخدى الثواب كله .. عندك ذوق فى التعامل ونضيفه صحيح اتحجبتى متأخر بس عمرى ما شوفت منك تجاوز من اى نوووع ولا لبس بيبرز مفاتنك طول الوقت بتحافظى على نفسك وبتسمعى كلامى
هدى : يااااه بعد الكلام دا عايزنى اقولك ايه والله ما خساره فيك خروجه ونركب الخيل .. انت راجل سكره والله اسمع منى وبتشده تقومه ..
شريف : ههههههههه نصابه بس بحبك . ها تعملى ايه مع حور
هدى : ناخدها معانا دى صعبانه عليا قووى
شريف : وانا كمان والله .. انا مش ها اسيبها عشان خاطر الباشا
هدى : انت عارف طارق طيب وها يرجع عن قراره ..
شريف : براحته .. بس انا زعلان منه ومن طريقته معايا اول مره يكلمنى بالاسلوب دا
هدى ؛ ما تزعلش يا حبيبى .. وبتنادى على حور وتنادى مفيش رد .. طلعت اوضة طارق لقتها نايمه .. شريف قال لها سبيها نايمه وتعالى نروح احنا شويه ونرجع نقعد معاها وهدى سمعت كلامه .. وغيرو هدومهم ومشيو ...
حور : قامت بعد ما مشيو من الفيلا .. وقعدت على السرير .. وفضلت تعيط كتيرر .. حاسه بالوحده وان الايام بتدوس عليها بقوتها .. لما افتكرت مكالمه طارق مع كريم الا قاله فيها ان صاحب البيت رمى عفشها فى الشارع .. واتجرحت اكتر من طريقة طارق معاها وكلامه عليها .. قررت انها تقوم تمشى مفيش شئ فى الدنيا يستاهل انها تيجى على كرامتها وبعد وقت .. وصلت حور للمكان الا هى عايشه فيه ..
ام بسمله : تعالى يا بنتى كنتى فين
حور : كنت فى المستشفى .. اصل واحد خبطنى
ام بسمله : وانتى بخير يا حبيبتى
حور : بخير الحمد لله .
ام بسمله : عينى عليكى وعلى حظك يا بنتى ماتزعليش يا حور الراجل الناقص رمى حاجتك فى الشارع وانا يا حبيبتى شيلتهم عندى
حور : اتظاهرت انها مصدومه .. وساكته مش بترد
ام بسلمه : تعالى يا حبيتى ريحى عندى لحد ما تشوفى مكان .. انا لو عندى اوضه فاضيه ماكنتش عزتها عليكى يا بنتى ..
حور : بعياط حقيقى من قلبها .. هو عفشى دا يجيب فلوس اد ايه لو بعته
ام بسلمى : ياقلب امك .. ها تبعيى العفش .. طيب اجرى اوضه وافرشيها بيه
حور : لا اصلى محتاجه للفلوس
ام سلمى : يا بنتى انتى عندك الاجهزه كلها ها تجبلك قرش حلو وخلى العفش
حور : بقلة حيله ها اعمل بيه ايه .. انا ها اكلم عم كرم يجى يفصلهم وياخدهم
ام سلمى : راجل ضالالى .. ها ياخدهم بالبخس يا بنتى دا تاجر وعايز يكسب
حور : اعمل ايه يا ام سلمى .
ام سلمى : والله يابنتى .. لولا انك ها تبعيهم انا ما كنت خدتهم ولا عرضت عليكى اخدهم انا وشوفى انتى عايزا فيهم كلهم كام
حور : الا تجبيه يا ام سلمى بس بستأذنك اوضة اومى خليها عندك امانه مش ها ابيعها
ام سلمى : ماشى يا حبيبتى .. احنا نجيب حد يفصل الحاجه كلها عشان ما اظلمكيش يا بنتى
حور : هاتى اى حاجه دلوقتى .. وابقى اعدى عليكى بعدين اخد باقية الفلوس
ام سلمى بزعل : ها تروحى فين يا حور
حور : بلاد الله واسعه .. وخدت مبلغ من ام سلمى ومشيت ...
***************
جميع عائله السمرى وصلت الاصطبل
طارق : اوباااا .. دا وصلو ما بيصدقو وربنا واكيد شريف الا فتن
كريم : بيبصله احنا فينا من الفتنه .. دا الفتنه اشد من القتل .. هى العيله دى ورانا ورانا
مازن : مش عاجبك يا كرمله .. احنا على قلبك يالا .. وبيقرب يضربه بهزار ..
روكا : واقفه فى النص خلاص يا حبيبى مش ها يعمل كدا تانى
كريم : هههههههههه احنا اسفين يا ريس ..
مازن : بعد ايه .. ياريتنى مسكت البلد دى كنت عدلت الا زيك .. وبينفخ صدره وبيشفط كرشه
مروان : هههههه تشفطه ما تشفطوش ها تفضل ابو كرش بردو ..
مازن : انت عايز منى ايه وبيبص لروان .. انتى منشكحه كدا ليه ابعدى الراجل دا عنى بقى بيعصبنى
روان : بتضحك .. وبتبص لمروان الا لابس نضارة الشمس بتاعته .. وبيضحك هو كمان . ما تدايقش مزاميزو لو سمحت يا مروانى
مروان : عشان خاطرك انتى بس .. وبيكلم مازن .. ها تركب موهجه يا ابو كرش بردو ما اشوفش وشك عليها
هههههههههههه
شريف : هههه كدا ها ينتحر هو وموهجه مع بعض .. ياخى انت ايه لما بتحط حد فى دماغك بتكرهو فى كرشه .. عيب كدا يا مروان ..
مازن : بيكشر وشه .. ابووو تقل دمكو انتو الاتنين اصلا انا احلى واحد فيكو بردو
أحمد : بيضرب كريم وطارق بتطلعو من غيرى يا اندال
طارق : بيجرى .. وبيضحك .. خلاص خلاص .. مش انا وربنا .. هو الا قالى اصلا
كريم : انا بص .. انا بص .. انا كنت رايح كدا لقتنى هنا
احمد : وحياة طنط .. من امتى يالا بتطلعو من غيرى .. انتو مش ها تركبو غير حمير انهارده ..
طارق وكريم : ههههههههه
طارق : يرضيك ابقى راكب الحمار ورجلى بتسحف على الارض
كريم : يرضيك .. يرضيك يعنى نسحف كلنا وقرب عليه ونط فوقه .. اتفقتى يا بيضه مع العيله وراحه تشبكى .. ها تبقى كلبووش قريب خلاص
طارق : ونضحك من قلبنا وهو جاى ناكش شعره ومزرار من القيص زورارين بس
احمد : هو انا اهبل زيكو .. انا ها ادلع وادلعها يابنى .. دلعها واكسب ودها واوعى كدا جاتكم القرف ..
مازن : ماسك روان وروكا .. ومرنا وسمسمه وماندو .. عارفين لو الكرش دا ما خسش بكرا مفيش واحده فيكو ها تسافر ..
روان : هو كرشك وانت مسئول عنه .. انا مالى هاااه
مازن بيرفع ايده وبعصبيه : وربنا
روكا : مسكت بوقه .. وربنا ما انت حالف .. ابوس ايدك انا بستنى السفريه من السنه للسنه ..
ماندو : ماله كرشك ماهو حلووو اهوو ها تنزله ليه
مازن : انت بالذات لو ماخسستنيش ها اقتلك .. فضلت تلففنى من مطعم لمطعم لحد ما ضيعتنى بيعايرونى يا أماندو
هدى : انت تعمل تمارين يامازن .. والا ها يساعدك الولاد دول محترفين ..
مازن : انتى صح يا هدى ..انا ها اعمل تمارين . وكلكو تساعدونى ..
سمسمه : وانا ها اعمل معاك يا عمو عشان اساعدك
مازن : بيبعت لها بوسه فى الهوا .. انتى حبيبتى مش ابوكى الرذل ..
روان : مازن عيب
مازن : بيبص لروان عيب صح .. ابوكى وبيشاور على رقبته .. خنيق مش رذل هههه
طارق قرب على هدى : ماما .. انتى سيبتى حور لوحدها ليه
هدى : كانت نايمه .. وشريف قالى سبيها شكلها تعبانه .. وروح صالح ابوك عشان انا كمان زعلت منك
طارق : مسك ايديها باسها وباس راسها حقك عليا يا ست الكل ما تزعليش منى
هدى بأبتسامه مش بعرف ازعل منك ياله عشان ابوك زعلان قوووى
.. وراح لشريف وباس ايده وراسه واتاسف له .. ووعد ابوه انه ها يساعدها .. هو مش بيعرف يتخلى عن حد
روكا : اعااااااا .. الحقوونى
💗💗💙💙💚💚💚
للمتابعه اترك تعليق
تعليقات
إرسال تعليق