 |
#البارت_الثالث_والثلاثون
#ما_في_قلبي
المأذون دخل وبدأ في إجراءات كتب الكتاب والكل مش مصدق نفسه حتى احمد اللي كانت عنيه هتدمع من كتر الفرحه وجميله كانت مبسوطه اووي وعنيها كلها فرحه ورضا لأنها اتجوزت الشخص اللي فضلت اربع سنين تحبه عن بعد من اول يوم شافته فيه في الجامعه وربنا استجاب لدعواتها ودموعها وصلاتها ودلوقتي وبعد خمس دقايق هتبقى مراته قلبها بيرفرف من الفرحه مش عارفه توصف السعاده دي
نور كانت واقفه وماسكه ايديها بسعاده أن حلم صحبتها هيتحقق
وبعد خمس دقائق من الإجراءات
سمعوا المأذون وهوا بيقول
"بارك الله لكما وبارك عليكما وجمع بينكما في خير أن شاء الله"
احمد قرب من جميله بسعاده وخدها في حضنه
احمد: دلوقتي بقيتي مراتى وملكي انا فرحان اووي انتى دخلتى حياتى خلتيها جميله بجمالك اتغيرت علشانك انا بشكر الظروف اللي خلتني اشوفك واخد بالي منك واحبك كدا
جميله بدموع:انا انا اتمنيتك من ربنا بس كل دا إلى انا عملته كنت يدعى ربنا ليل نهار انك تاخد بالك منى وتحس بيا ولما كنت بشوفك مع اي بنت كنت يتضايق وبعيط وكنت بفرح لما بتبصلي مرة كدا بالغلط وبقول يااه معقول ممكن يحس بيا بقى ويحبني زي مبحبه
احمد خدها في حضنه ولف بيها بفرحه
ونور زغرطت تاني بدموع أن صديقة عمرها هتكون معاها دائما وكمان اتجوزت حب عمرها
وبصت لفارس وابتسمت برضا
فارس قرب منها ومسك ايديها
قرب من ودنها:الواد احمد وجميله طلعوا رومانسيين اووي
نور:يعني انا مش رومانسيه يا سي فارس
فارس:مش شايف ومش حاسس الصراحه
نور يتذمر:والله
الجد قطع كلامهم :بكدا اقدر اقول إن الفرح الاسبوع الجاي ولا اي رايك يا ابو جميله
ابو جميله:مفيش كلام بعد كلامك يا حج وجميله بقت بنتكوا من دلوقتي كفايه الفرحه اللي شايفها في عينيها دي
الجد:وهى داخله في بيت كله بيحبها جوزها وحماتها وحماها وانا وكلنا جميله دخلت قلبنا كلنا
نور قرب من جميله وحضنتها بفرحه:مبروك يا رفيقه دربي اهو كنا عاوزين فرحنا يبقى في يوم واحد ومش كدا وبس كنا عاوزين اخين ولقينا الآخين خلاص
بس شكلى انا اللي هرجع في كلامي
فارس:نعم يختي.
نور:اه كنت عوزا اتحضن في كتب الكتاب وتغنيلي كتبو كتابك يا نقاوة عيني ولولولولولولولوي وكدا يعنى
فارس:والله وانتى ساعتها الصراحه كنتي راضيه
نور: ودلوقتي راضيه وريني بقى هتعملها ازاي
فارس:ماشي بس متبقيش تتكسفي لما احضنك قدام الناس كلها
نور:لا مش هتكسف متقلقش
احمد قرب من جميله:اظن انك دلوقتي بقيتي كويسه وكمان بقيتي مراتي تعالى معايا بقى اوريكي حاجه نفسي اوريهالك من زمان
جميله بصت لابوها
وأبوها يصلها برضا وقالها:روحي يبنتي هوا دلوقتي بقى جوزك
احمد خدها من ايديها وخرجوا من المستشفى اللي كانت الممرضات بتحسدهم على جمالهم وعلى حبهم لبعض لدرجه انهم كتبوا الكتاب في المستشفي
خرجوا من المستشفى
جميله:واخدني فين
احمد:تعالي بس
ركبوا العربيه وبعد نص ساعه وقفوا قدام عماره كبيره
احمد:انزلى
جميله:احنا رايحين فين
احمد مسك ايديها:متخافيش يا حبيبتي انتى بقيتي مراتي وبعدين دي الشقه بتاعتى اللي بابا جايبهالى علشان الكليه وكدا متخافيش
جميله بصتله بثقه:انا واثقه فيك وكمان بابا واثق فيك
احمد:وانا قد الثقه دي يلا بقى علشان عاملك مفاجاه
جميله نزلت وأحمد خدها وطلعوا في الاسانسير
وصلوا للدور الخامس
احمد طلع قماشه وحطها على عينيها
فتح الباب ودخلها وهوا ماسك ايديها
جميله:انا خايفه يلا لتفجر الشقه بيا وتطلع شرير
احمد ضحك
وشال القماشه من على عينيها
جميله فتحت عينيها براحه واتفاجئت من اللي شافته
صور ليها متعرفش عنها حاجه اصلا وتغفيلات ليها متعلقه في كل مكان حواليها
جميله بصتله:اي دا انت جبت الصور دي منين وعملتها ازاي
احمد:انتى مفكره انك انتى لوحدك اللي بتحبيني بقالك اربع سنين منا برضو من اول يوم شوفتك فيه وانا بحبك من اول نظره انا اه كنت بعرف بنات علشان كنت حاسس انك مش هتقبلي بيا انت كنتي من دحيحة الدفعه ولما حد كان بيكلمك كنتي بتروقيه علشان كدا مكنتش عارف اقرب منك كنت بحبك من بعيد كدا علشان يوم ما اقولك بحبك اكون قادر انى اتجوزك وتكوني معايا دائما مع انك كنتي عنيده بس انا كنت بحب عندك دا وكنت بحب كل تفاصيلك انا اول مره اقولك الكلام دا ومحدش كان عارفه اصلا علشان كدا كنت باخدلك صور من غير متاخدي بالك لانى كنت مؤمن أن اللحظه دي هتيجي
جميله عينيها دمعت وقربت منه وحضنته جامد
_انت انت بجد كنت بتحبني يعني اللي كنت حساه انت كنت حاسه
_ايوا طبعا انتى للدرجادي كنتي شايفه انى معنديش قلب انا كنت لما حد يبصلك بس كنت بعدمه العافيه وكنت بروح كتير عند العميد ومحدش لحد دلوقتي عارف انا كنت بتخانق ليه
جميله:احمد انا بحبك اووي
احمد:وانا بموت فيكي يا قلب احمد
ها لسه خايفه
جميله:لا طبعا مش خايفه
احمد:طيب مفيش بوسه كدا ولا كدا
جميله:لا طبعا
احمد:يعني مفيش فايده ولا اي
جميله :اه
وهوب قبل متكمل كلامها اثرها في قبله عميقه يبث فيها عن حبه وشوقه لها
احاسيس كتير متلغبطه ودقات قلبهم اخذت تتصارع
جميله حاولت تبعده عنها
لكن بعد دقائق ابتعد عنها وجميله كانت في حال غير طبيعي دقات قلبها المتصارعه واحاسيسها المتلغبطه
احمد خدها في حضنه يهديها:انا اسف بس والله غصب عني كان نفسي ابينلك حبي ليكي
جميله :متتأسفش انا مراتك صح
احمد:اه طبعا
جميله بابتسامه،:طيب انا واثقه فيك ويلا بقى علشان نروح ولو فضلنا هنا مش عارفه الشيطان ممكن يعمل اي تاني
احمد ضحك وهي ضحكت
وخدها ونزلوا ووصلها لبيتها
وقبل ما تنزل
_هتوحشيني
جميله بابتسامه:وانت كمان يلا باي
احمد قرب منها وباسها من خدها
احمد:هكتفي بديه دلوقتي
جميله اتكسفت ونزلت وطلعت البيت
وأحمد ابتسم بسعاده ومشي روح البيت
عند فارس ونور
نور كانت قاعده في البراندا وبصه السما
فارس دخل عليها
_القمر قاعد لوحده لى
نور بصتله بابتسامه،: عادي
فارس قرب منها وقعد جنبها وخدها في حضنه
فارس:مالك
نور بدموع:كنت خايفه لياخدني يبيعني ومشوفكش تاني
فارس:وانتى كنتي متخيله انى هسيبك تضيعي منى
نور :لا دي الحاجه اللي كانت مخلياني صامده وساكته مع أن دموعى كانت في عنيا
فارس:بس دا عهد واخده بيني وبين ربنا انى عمري مسيبك تضيعي مني يا نور
وبعدين يا ستي مين اللي عاوز يتكتب كتابه دا وعاوز حضن كتب الكتاب
نور:انا طبعا
فارس:واهو انا موجود علشان احققلك احلامك
نور:ازاي
فارس:ملكيش دعوة بقى دي مفاجاه
*جميل جدا انك تلاقي حد يحبك ويهتم بيك ويخليك رقم واحد في حياته تفاصيلك يهتم بيها وحياتك كلها تكون عباره عنه هوا وبس فسح وخروجات وكلام وحياة تانيه تعيشها مع الشخص دا يكون العوض والاب والاخ والصديق كمان شخص يعرفك من عنيك ويعرف أنت عاوز اي من غير متقول يقدرك ويحترمك تتجننوا سوا وتبقوا هبل سوا
ميهمكوش الناس اهم حاجه أن ايدك في أيديه❤️
#يارا_عبد_السلام
#البارت_الرابع_والثلاثون
#ما_قبل_الاخير
#ما_في_قلبي
مر يومين على كلامهم من غير احداث الا انهم كانو عايشين من غير ما اي حاجه تقلقهم أو تعطل عليهم
في الصباح
نور كانت نايمه وفارس حاول يصحيها وهى مش راضيه تصحى
فارس جاب ميه ورش عليها
نور قامت يخضه:يا بابا عاااااااا اي دا
فارس فضل يضحك عليها
نور بصتله بغيظ:يا رخم يا رخم انا بكرهك
فارس قرب منها:قولتي اي سمعيني
نور بتوتر وخوف :انا قولت بحبك يا واد يا فروستي
فارس:جبانه
نور:طيب غور من وشي
فارس:هوا انتى مش ملاحظه ان النهارده في حاجه
نور:في اي يعني
فارس:هوا انتى فتحتى جروب الدفعه
نور :لا وافتحه لى
فارس:طيب افتحيه يا هبله النهارده حفلة التخرج يا مجنونه
نور يهبل:انت بتهزر صح ازاي انا هكلم جميله اتاكد
فارس:كلميها يا اختى
فارس خرج من الاوضه وهوا بيضحك على هبلها
اتصلت بجميله وجميله اكدتلها أن فعلا النهارده الحفله
نور قامت من على السرير وصوتت
*اعاااااااا ازاي النهارده الحفله انا مجهزتش نفسي
وفضلت تلف وتدور حوالين نفسها
ولبست ونزلت
وفارس بيضحك والكل بيبصلها
نور:في اي يا جماعه بتبصولى كدا لى
الكل :لا مفيش حاجه
الجد:يلا يا فارس خد. نور واحنا هنحصلكوا
وانت يا احمد روح هات جميله وحصلنا
فارس خد نور اللي كان باين عليها التوتر والخوف انها متطلعش من الاوائل وتحقق حلمها وفارس كان حاسس بيها وعارف هي بتفكر في اي وكان طول الطريق ماسك ايديها يطمنها
وصلوا الجامعه وكان كل الطلبه بتوع دفعتها هناك اترهبت من شكلهم وفارس خدها من ايديها وقعدها في مكان جنبه
بعد لحظات جميله جت وحضنتها وقعدت جنبها
الكل اتجمع وقعدوا لما شافوا العميد جاي
العميد قعد وكبار الدكاتره حواليه
وبداوا يوزعوا الشهادات لحد ما جه الاوائل
_دلوقتي هننادي على الاوائل اللي مكانهم محفوظ من اول سنه دخلوها هنا وهيبقى شرف لينا أنهم يكونوا زملا لينا
ونادي عليهم وجاب اسم جميله كانت التانيه وطبعا احمد من الطلاب اللي على الله حكايتهم👀🌚
بعدها فارس قام من مكانه
العميد بصله بضحكه
فارس طلع وقال:الف مبروك ليكوا كلكوا هتوحشونا طبعا برغم أن السنين كانت متعبه وعدت وان كان في ناس فيكوا كان في أملهم كليات تانيه بس طبعا ربنا بيختار الاحسن والافضل ليكوا وطبعا كلنا كنا اخوات ليكوا قبل ما نكون دكاتره واي حاجه عملناها معاكوا كانت لمصلحتكوا واتمنى ليكم كلكم كل التوفيق ...
الكل سقف
فارس: دلوقتي انا حابب اقول اسم اللي طلع الاول هى ممكن تكون بالنسبه ليكم كلكوا شخص عادي لكن بالنسبه ليا انا كل حياتي
هي نور تبقى بنت عمى قبل ما تكون مراتى وانا حابب اقدملها الشهاده بنفسي علشان محضرلها مفاجاه كمان
تعالى يا نور
نور ابتسمت بفرحه ودموع وطلعت واستلمت الشهاده بتاعتها والوسام وعيطت من الفرحه
فارس:انتى مش كنتى عوزاني اتجوزك تاني وبماذون كمان
نور بصتله باستغراب ايوا
فارس:طيب تعالي
خدها من ايديها وراحوا لنهاية الطرقه وكان مستنيهم الجد ومحمد ومديحه واسراء ومعاه المأذون
نور بفرحه:الله انت مجنون والله
فارس:مجنون بحبك يا ستي
وبداوا في إجراءات الجواز من اول وجديد ونور الفرحه مش سايعاها وهوا ماسك ايديها احسن تضيع منه
"بارك الله لكما وبارك عليكما وجمع بينكما في خير
اول مره في حياتي اجوز اتنين مرتين ربنا يديم حبكوا لبعض الف مبروك
فارس قام من مكانه وخدها في حضنه ولف بيها قدام كل اللي واقفين مش مكسوف وهوا بيبين حبه ليها
فارس نزلها وغمزلها:علشان اثبتلك انى قد اي تحدي
نور ضحكت جامد واترمت في حضنه
_شكرا بجد انك مخلى عينيا دائما تلمع من الفرحه شكرا يا اغلى حاجه في حياتى
وبعدها عينيها دمعت
فارس مالك يا بنتي في اي
_كان نفسي بابا يكون معايا في يوم زي دا ويكون فرحان بيا انى حققت حلمه
فارس:طيب اي رايك نروحله
نور:بجد
فارس:طبعا
فارس خدها والكل راح معاهم وجميله وأحمد وكلهم كانت السعاده ماليه قلوبهم وكانو فرحانين
وصلوا للمكان اللي مدفون فيه عبدالله
والجد عينيه دمعت وهوا شايف اسم ابنه سابق اسمه وهوا جاي يقرأ عليه الفاتحه بدل ما هوا اللي كان يكون مكانه نور قربت منه
_بابا انا النهارده اتخرجت وطلعت الاولى شوف يا بابا انا جبت جدو معايا وعمو محمد وماما مديحه وفارس بقى جوزي خلاص انا خلاص بقيت مبسوطه بوجودهم في حياتى متخافش عليا شوف جدو جدو بيحبك اووي يا بابا واي حد اذاك خد جزاءه نام وارتاح يا حبيبي
الجد قرب منها وخدها في حضنه
الجد:مكنتش في يوم اتخيل انى اقف الوقفه دي كان المفروض العكس بس الحمد لله ربنا يرحمك يا ابني ويريحك ويغفرلك
عدي عليهم نص ساعه وقراوا عليه الفاتحه
ومشيو
عدي يومين كمان وكان الكل بيشتغل في البيت راسا على عقب بيحضروا لفرح احفاد المغربي
فارس ونور
وأحمد وجميله
وكان الكل فرحان والستات بتغني وبتزغرط
وكانت نور وجميله فوق في الاوضه بيجهزوا ومعاهم البنات اللي بتساعدهم
مر عده ساعات والليل جه
كان فارس وأحمد واقفين جنب بعض قدام المرايا بيحطوا اللمسات الاخيره
احمد:شكلى حلو
فارس وهوا بيعدله البيبيونه :قمر
وانا
احمد وهوا بيعدله الجرافات:جامد
والاتنين ضحكوا
وكان كل واحد معاه بوكيه ورد من اللي حبيبته بتحبه
احمد معاه بوكيه من الورد الجوري الاحمر لأن جميله بتحبه جدا
وفارس معاه ورد ابيض مع بنفسجي علشان نور بتحب الالوان دي
وخرجوا من الأوضه ونزلوا تحت
وبعد انتظار عشر دقايق
الجد نزل وفي ايديه نور ووراه ابو جميله وفي ايديه جميله اللمعه بانت في عين فارس وأحمد وهم شايفين الحوريات اللي هيتجوزوهم
الجد قرب من فارس وفي ايديه نور :خد بالك منها يا فارس نور امانه في رقبتك
فارس:نور دي حياتي يا جدي مش مراتى بس
ابو جميله قرب من. احمد اللي كان مبتسم اووي
_خلى بالك من البت يلا احسن والله انفخك
احمد:يلا مقبوله منك يا عمى وبعدين انت المفروض توصيها هى عليا من انا عليها
جميله بغيظ:قصدك اي
احمد مسك ايديها وباسها:مش قصدي حاجه انتى في عيوني يا عيوني
كل عروسين خرجوا
والستات بدأت تزغرط(معلش اصلي بحب الزغاريط اووي😂😂😂😂😂)
وبداو يرقصوا سلو على الاغنيه اللي اختاروها
(اول دقيقه)
وخلصوا الاغنيه وكل واحد شال حبيبته ولف بيها
نروح عند المتدهوله اللي اسمها اسراء
كانت لابسه فستان شيك جدا وماشيه بكعب هتتكفى على وشها
واخر مره واحد سندها
_حاسبي
اسراء بخجل :انا اسفه جدا انا بس اول مره البس كعب
مازن بابتسامه:اها عادي ولا يهمك انتي تقربي للعرسان اي
اسراء:انا اخت فارس وأحمد
مازن:دا بجد انا بقى صاحب احمد بس عمره مقالي انو عنده اخت حلوة كدا
اسراء:شكرا
عن اذنك
وبعدت عنه بتوتر وكانت هتتكفي على وشها تاني وبصتله ولقته مبتسم
ابتسمت هى كمان باحراج وراحت تقف جنب امها احسن ما هى ماشيه تخبط في الناس كدا
مازن واقف باصلها وبس
واحد صاحبه جه وقف جنبه
_انت فين يا عم مازن اختفيت فجاه
لا دانت مش معايا
حسن وهوا باصص على البنت اللي باصصلها مازن
_انت مجنون يا مازن دي مش للشقط دي اخت احمد وكمان دي لسه في ثانويه عامه متلعبش في عداد عمرك لو مش خايف من احمد خاف من فارس دا ممكن يقتلك
مازن:ملكش دعوة انت انا عارف سكتها
حسن:ازاي يا فالح
مازن:هتجوزها
#يارا_عبد_السلام
البارت الجاي اخر بارت وبجد شكرا جدا لكل اللي دعمنى ووقف جنبي وقالي كملى حقيقي من غير كلامكوا وتشجيعكوا مكنتش هعرف اكمل ولا اطلع حاجه بالعظمه دي انا بقول عليها عظمه لانى حقيقي واثقه فيكوا وفي رايكوا واكيد انا مش توقف وهقفضل اكتب حتى يجف قلمي🥰🌺🌺
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
تكملة الروايه من هنااااااا
تعليقات
إرسال تعليق