 |
البارت ال٥٣
مراد بيخبط علي الباب
وفتحتله
العاملة :حضرتك استاذ مراد
مراد :ايوه فين نور
العاملة :الاستاذة نور سابت لحضرتك الرسالة دي
مراد :خد الورقة وبدأ يقرأ فيها
كنت عارفه انك هتوصلي علشان كده سيبتلك الرسالة دي هنصحك نصيحة ياريت توفر جهدك ده وتعمل حاجه مفيدة لانك مهما تدور عليا مش هتلاقيني ابدا وفرضًا انك لاقتني استحالة تعرف ترجعني
بكرهك يامراد بكرهك وعمري ما هسامحك علي اهانتك ليا
مراد :هوصلك يا نور والله ما هسيبك غير لما تسامحيني
عند نور
نزلت عند فندق سكني للطالبات وصاحبة الفندق سورية
دخلت الفندق وطلبت غرفه لمدة شهر
موظفة الاستقبال :الغرفة لو هتكوني لوحدك هتكون ب٢٠٠دولار في الشهر لو هيكون معاكي بنت هتكون ب١٥٠دولار
نور :لا من فضلك عايزه الغرفة لوحدي
موظفة الاستقبال :ممكن اعرف اسم الجامعة اللي بتدرسي فيها
نور :جامعة اي
موظفة الاستقبال :احنا هنا مش بنسكن غير الطالبات فانتي لو مش طالبه للاسف مش هقدر اسكنك
نور :فكرت هتروح فين وكمان المكان شكله امان فا مش عايزه تسيبه
نور :انا لسه هقدم لسه مستقرتش والصراحة محتارة بين كذا حاجه
موظفة الاستقبال :تمام يا فندم
نور خدت مفتاح الغرفة وطلعت واول ما دخلت الاوضة رمت نفسها علي السرير وفضلت تعيط
عيطت شوية وبعدين نامت من كتر التعب
صحيت وهي مش عارفه هتعمل اي مش مقرره اي حاجه لسه
دخلت اتوضت وصلت وقرأت شوية في المصحف
نور متحدثة الي نفسها :هتعملي اي يانور هترجعي مصر لاهلك وانتي مطلقة وعمتك اللي مش بتسيب فرصة علشان تق*تلك ولا مراد اللي مش هيسيبني وهيفضل ورايا ومش هعرف اركز في حياتي بسببه
نور :انا مش هرجع مصر غير لما اكون واحدة تانيه خالص
بس اول حاجه لازم اعملها هي اني انقل دراستي هنا واشتغل علشان اعرف أصرف علي نفسي
اثناء ما نور قاعده بترتب هتمشي حياتها ازاي خبط الباب
فتحت نور وكانت بنت ساكنه معاها اسمها لمياء
لمياء :ميعاد الغدا يا انسة يلا علشان ناكل
نور :هو مش كل واحد بياكل لوحده
لمياء :لا كلنا بناكل مع بعض
نور :تمام يلا بينا
نزلوا ونور اتعرفت علي البنات وكانوا طيبين جدا معاها بس عرفت خبر بالنسبالها وحش وهو ان الدراسة هنا كلها بالانجلش واصعب من الدراسة في مصر بمراحل
طلعت الاوضة وهي مقررة انها لازم تاخد كورس انجلش وتتقنه كمان وكمان عايزه تاخد كورس الماني لانها عرفت ان سوق العمل متوفر لمتحدثي اللغة الالمانية زي الانجليزية
قررت انها تكلم اهلها وتعرفهم باللي حصل معاها كله
بقلم الكاتبة هدير احمد ♥️
البارت ال٥٤
نزلت نور اشتريت تابلت علشان تكلم اهلها
طلعت وكتبت الرقم وبدأ التليفون يرن
اهل نور اول ما شافوا انها مكالمه دولية ردوا بسرعة
والدة نور ردت يلهفه :الو يا نور يابنتي هتيجي امتي يا حبيبتي
نور مقدرتش تمسك نفسها اكتر من كده بدأت تعيط بشده
لانها دلوقتي في اضعف حالاتها هي دلوقتي محتاجه اهلها جمبها محتاجه تترمي في حضن امها وتحكيلها همومها
والدة نور بلهفة :نور انتي بتعيطي ليه يا حبيبتي متقلقنيش عليكي حد زعلك يا حبيبتي
نور بترد بصعبوبة:مفيش حد زعلني بس انتي وبابا وحشتوني اوي
والدة نور ببكاء:وانتي كمان يا نور عيني وحشتيني مراد قالي انكم جايين النهاردة كلها كام ساعة وتكوني في حضني
نور :ماما بابا جمبك
والدة نور :اه ياحبيبتي جمبي
نور :طيب افتحي الاسبيكر يا ماما
والدة نور فتحت الاسبيكر
نور :انا مش عايزاكم تزعلوا من اللي هقوله ده وعايزاكم تدعموني زي ما كنتوا بتعملوا دايما
والدة نور:في اي يا نور اتكلمي قلقتينا
نور بدأت تحكي كل اللي حصل معاها بالتفصيل حتي وصولها للفندق وحكتلهم كمان اللي هي بتفكر تعمله وانها عايزه تقيم في لندن وتكمل دراستها هناك
والدة نور كانت لسه هترد بالاعتراض بس والد نور رد علي بسرعة
والد نور :احنا موافقين اعملي اللي انتي شايفاه صح يابنتي واحنا هنفضل ندعمك انا واثق في بنتي لو تكون فين عارف هي اي وبتعمل اي ومن بكرا هروح جامعتك ونبدأ في اجراءات النقل بإذن الله
نور :ربنا يخليكم ليا يارب وميحرمنيش منكم ابدا
نور :مبترديش ليه يا ماما
والدة نور هرد اقول اي هقولك اني عايزه بنتي تكون في حضني مثلا
نور :والله يا ماما غصب عني وبعدين ان شاء الله كلها كام شهر واجبكم هنا تعيشوا معايا انا ماليش غيركم
والدة نور :اهم حاجه تخلي بالك من نفسك وكلي كويس يا نور وركزي في دراستك يا حبيبتي
نور :حاضر يا ماما خلوا بالكم علي نفسكوا انا هقفل لان في حد بينده عليا
والدة نور :في رعاية الله يا حبيبتي
قفلت نور بسبب انها سمعت اصوات دوشة ومش عايزه حد من اهلها يسمع ويتخضوا عليها
سمعت نور صوت طلق نا*ري
فتحت الباب علشان تشوف في اي لاقيت البنات بتجري وبتصوت
نور وقفت بنت وسألتها في اي
البنت :فراس ورجالته هنا وشكله المرادي مش هيمشي غير لما ياخد عهد
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
بقلم الكاتبة هدير احمد ♥️
تعليقات
إرسال تعليق