 |
قيود العشق7_8
ميرا بلعت ريقها بتوتر و هي شايفه مليكه مش قادره تتنفس و بتفقد الوعي
خافت و بسرعه دخلت القصر في الوقت دا
الضيوف بدوا يوصلوا القصر
عز الدين كان بيحهز نزل يستقبل ضيوفه
لكن جاله اتصال من الشركه
عز الدين:في اي يا سيف حصل حاجه و ازاي متجيش لحد دلوقتي
سيف:عز بيه في مصيبه.... تقريبا عرفنا مين اللي بعت البنت اللي اسمها مليكه...
عز الدين :مين؟
سيف:البنت دي من ست شهور تقريبا كانت شغاله في مصنع هارون الكاشف....
عز ضغط على ايديه عروقه برزت بشكل مرعب...بنت الحر*ام .... هارون مش ناوي يجيبها لبرا بس و ماله هو اللي ابتدا...
تعالي دلوقتي الحفله... عايز كل حاجه تكون طبيعيه يا سيف مش عايز غلط... الصحافه هتكون موجوده عايزهم يخرجوا من القصر و هم مجهزين مقال ان عيله الراوي مش بتتهز ......
سيف:تمام هجهز و اكون عندك
عز الدين قفل معه و بص في المرايه بحده
نزل بسرعه عشان يشوف مليكه
في المطبخ
عز بغضب :فريده فين مليكه؟
فريده بهدوء:خلصت شغلها وانا قالتلها تطلع ترتاح
عز طلع لاوضه مليكه و فتحها بدون ما يخبط لكن مكنتش موجوده
بأن عليه الغضب و نزل بسرعه جدا كلم الحرس يدخلوا
رئيس الحرس:نعم يا عز بيه
عز الدين :مليكه فين.؟ قسما بالله لو هربت لاد"فنكم
رئيس الحرس بلع ريقه بتوتر :بس محدش خرج يا عز بيه احنا وقفين عند البوابه
عز بصوت عالي :تقلبوا الدنيا عليها و تجيبوها الصحافه قربوا يوصلوا لو حصل غلطه انتم مش متخيلين انا ممكن اعمل اي فيكم
رئيس الحرس:هنلقيها
كلهم بقوا يدوروا عليها لكن مفيش إثر ليها كأنها اختفت
ميرا كانت في اوضتها متوتره و هي بتفكر لو مليكه ما"تت اي اللي هيحصل
#قيود_عشقي7
#دعاء_احمد
عز الدين كان واقف في الجنينه الخلفيه بيعمل مكالمه لكنه لمح ايشارب على حمام السباحه
فضل واقف مستغرب وجه كشاف الموبيل على حمام السباحه بسرعه نط فيه لما شاف طيفها على المياه
بيمسك ايديها و بيرفعها لكن كانت مستسلمه للمياه بيحطها علي الارضيه
و بيطلع بسرعه
الحرس كانوا بيتفرجوا عليه
عز بغضب :انتم هتصوروني اطلبوا الاسعاف
كان بيضغط على بطنها لكن مفيش اي استجابه لوقت طويل مكنش في استجابه
الإسعاف وصلت بسرعه البرق
و اخدوا مليكه اللي بين الحيا والمو"ت...
عز للحرس ببرود:تفضلوا معها لو فاقت وهربت اعتبروا نفسكم ميتين.....
انا هخلص الحفله و هخلصكم
لو ما"تت بلغوا الشرطه و هما هيتصرفوا
كان بيتكلم ببرود و هو مش بيفكر غير في انها واحده مالهاش تمن اتفقت مع الد اعداءه.... ....
في المستشفي
الدكاتره كان بيحاولوا يفوقها لكن هي لا حولا ولا قوة.....
كانت في ذكرياتها
ازاي عاشت حياه قا"سيه كل الناس طمعوا فيها.....
ابوها توفوا في هي عندها تمانتشر سنه كان خمو*رجي كل يوم يس*كر و يرجع البيت وش الفجر.....
دايما كان بيقسي على مليكه... خلها تسيب المدرسه في سته ابتدائي
اشتغلت من وهي عندها خمستاشر سنه كانت بتشتغل في مشغل ملابس كانت شاطره جدا في تفصيل الهدوم لكن لما كان عندها 22سنه المشغل اتقفل و كل البنات سابوه
اشتغلت في مصنع رجل أعمال كبير هارون الكاشف بعد سنه و ست شهور سابت المصنع لان كان المشرف بيضايقها
ابوها ما"ت وهي عندها ١٨سنه و سابها لوحدها مع اخوها محمد اللي اكبر منها بست سنين
محمد باع البيت اللي كان اويها من دون ما تعرف فجأه لقيت نفسها في الشارع و اخوها هج و سابها لوحدها
بنت عندها ١٨سنه في الشارع عدت باسوء حاجات ممكن تعدي بيها
لحد ما بقيت تشتغل في مصنع الكاشف و قدرت تاجر اوضه
ومرت بيها الايام لحد ما وصلت لبيت الراوي
و لفي بقلبي يا دنيا.......
بعد تلات ساعات
وصل عز الدين المستشفى سأل على اوضتها عرف انها في العنايه المركزه
راح اوضه الدكتور
الدكتور باحترام:اتفضل يا عز بيه
عز قعد وحط رجل على رجل :أخبارها اي
الدكتور :للأسف البنت واضح ان كان عندها مشكله في التنفس قبل ما تقع في حمام السباحه وفضلت فيه مده طويله القلب استجاب لكن مفقتش
عز :يعني ما"تت
الدكتور:للأسف منقدرش تحدد اي حاجه الا إنما نقول انها دخلت في غيبوبه بس في الحالات دي بتكون مؤقته
عز:تمام يا دكتور.... عايز انقلها القصر
الدكتور:للأسف مينفعش في اجهزه
عز بمقاطعه:ننقل الاجهزه دي.... البت دي مهمه عندي اوي....
الدكتور:تمام يا عز بيه بس حاليا منقدرش ممكن الصبح
عز:تمام عايز سرير تاني في الاوضه
الدكتور:سرير تاني؟؟
عز بجمود:مالكش فيه اللي قلته يتنفذ
الدكتور:تمام يا عز بيه
في العنايه
دخل عز الدين وهو بيقل"ع جاكيت بدلته و بيقعد على كرسي أدام سريرها
عز الدين لنفسه :انتي جيتي على أغلى من في حياتي امي و اتفقتي مع ابن الكاشف استحملي بقى اللى هعمله
(لا تلوموا المحب حين يقسو.... فقط لوموا هؤلاء الذين قاسوا على قلوبنا و اذقوها مر الحياه)
محدش يحكم على الروايه لسه في اولها 🙃🙃ممكن انزل بارت بليل
كومنتاتكم فرحتني اوي تسلمولي...
🌺🌺🌺💘💘💘💘
#قيود_عشقي7
#دعاء_احمد
#قيود_العشق8.....#دعاء_احمد
في المستشفي الصبح
عز كان بيشرب قهوته جانب سريرها وهو بيبصلها بهدوء و احساس غريب حاسس ان في حاجه غلط وان مليكه مجرد كارت حد بيلعب بيها
مليكه بدأت تفوق وهي حاسه بوجع في دماغها و بتحاول تتنفس
عزالدين استغرب لان الدكتور قال ان دي حاله غيبوبه موقته لكن هي بتفوق
عز ببرود:فوقتي تمام يبقى لازم نصفي حسابنا
قام وقف جانب السرير بتاعها و بيشيل جهاز التنفس عنها
عز بابتسامه :اي رايك تمو"تي دلوقتي
مليكه كانت بتعيط وهي بتحاول تتنفس و بتبصله بقهر وبتعب
:انا عايزه امشي خرجني من حياتك انا تعبت
عز بيرود وضحكه خبيثه:اخرجك من حياتي
الدخول كان بمزاجك لكن الخروج بمزاجي انا
مليكه حطت ايديها على عنيها بتحاول تداري دموعها لكن كانت بتعيط بهستريه و تعب
:انا معملتش حاجه اقسم بالله ما عملت حاجه انت سايب المجر"مين الحقيقين و مركز معايا انا.... اكيد دي خطتهم انهم يبعدوك عنهم
عز بغضب :كنتي شغاله في مصنع هارون الكاشف.؟
مليكه بتعب:ايوه بس انا عمري ما قبلته ولا اعرف مين هرون الكاشف...
عز سابها و بيفكر هل ممكن تكون صادقه ولا لاء
عز ببرود:هنرجع القصر...... و لحد ما افهم كل حاجه هتفضل عنيا عليكي
مليكه بصوت عالي :مش عايزه ارجع معاك انت اي مش بتفهم حرام عليك سيبني في حالي....
عز الدين بغضب مماثل:كلمه زياده هقرا عليكي الفاتحه قريب
مليكه غمضت عنيها و سكتت و بتفكر ازاي تهرب منه لكن مردتش تحكيله عن اللي ميرا عملته........
بعد ساعه
الدكتوره كانت ساعدت مليكه تجهز بعد ما عز الدين طلب ليها هدوم جديده
نزلت وراه ركبوا سوا عربيته في الوقت دا في واحد من الصحافه كان بيصورهم
كانت قاعده جانبه في الكرسي اللي وراء و في ستار بيعزل بين السواق وبينهم
مليكه كانت حاسه بالارهاق و بدون ما تحس نامت و سندت راسها على كتفه
عز الدين فضل يبصلها لأول مره يركز في ملامحها اد ايه جميله كانت قريبه منه جدا
نفض كل دا من راسه وهو بياخد نفس عميق و بيطلع موبيله بيكلم سيف مدير اعماله
سيف:عز باشا اومرني ...
عز الدين بهدوء:عايز مراقبه اربع وعشرين ساعه على هارون الكاشف... و اخو مليكه دا تعرفي عنه كل حاجه سيف عايزه كل المعلومات تكون عندي في أقرب وقت
سيف:تمام يا باشا
عز الدين:ميرا الراوي اي اخر تحركتها
سيف:اخر حاجة كانت في مكان مشبو"ه
و قابلت د"يلر..... الشله اللي اتعرفت عليهم بيخلوها تعمل حاجات غريبه
وللأسف عرفنا ان في حد من الصحافه صورها في النيت كلاب وهي شاربه لكن قدرنا نوقف الجرنال عن نشر الصور أو أي اخبار تخصها
عز الدين بغضب :اقفل يا سيف..... والمعلومات تكون علي مكتبي في أقرب وقت.... و عايزك تبعت حد جينيف يجيب يزن من هناك البيه سايب كل المصايب و بيتصر"مح هناك.....
سيف:تمام يا عز بيه......
عز الدين:ميرا.... ميرا الظاهر لازم نحدد معاد للخطوبه شكلها عايزه تتربى من اول وجديد بس وماله انا موجود و مش هسمح لحد يهز شعره من كرامه العيله ولو فيها مو"تي
عز رجع يبص لمليكه اللي باين علي وشها الاطمئنان نايمه بارتياح و كأنها في عالم تاني
عز رفع ايديه و حطها على وشها الأبيض كان ناعم كان بيحفظ ملامحها
مليكه حسيت و فتحت عنيها كانت بتبصله و هي لسه في حاله شبه فاقده الوعي لكن نظراتها كانت عتاب
الاتنين كانوا ساكتين لحد ما مليكه بعدت عنه وبصت من شباك العربيه
عز اتنحنح بحرج لان دي اول مره يقرب من بنت بارادته بالشكل دا
#دعاء_احمد.. #قيود_العشق8
بعد مده
في قصر الراوي
بتدخل مليكه وراء عز و هي ساكته قابلت فريده (مديره المنزل) اخدتها في حضنها بحنان
فريده:حمد لله على سلامتك يا بنتي
مليكه بابتسامه هاديه:الله يسلمك
عز بهدوء:مليكه مفيش شغل النهارده والخدمين انا رجعتهم تقدري ترتاحي النهارده
مليكه بسخريه:كتر خيرك يا عز بيه
و لنفسها
:ابو شكلك يا بعيد دا انت حتى مش هتديني مرتب لا وبيتانعر عليا جاتك الارف
عز بصلها بشر كأنه فاهم اللي بيدور في دماغه مليكه بلعت ريقها بتوتر و هي بتمشي من ادامه بسرعه جدا
عز ظهر على وشه ابتسامة و فجأه عيونه اتحولت للاسود و هو بيطلع لاوضه ميرا
اللي كانت متوتره وخايفه ياترى عرف انها اللي زقت مليكه في المياه و لا لاء
بدون استأذن رزع الباب و دخل وقفله وراه بالمفتاح
ميرا بتوتر:في اي؟
قل"م نزل على وشها بقوه و غضب
و زقها بقوه على السرير وهو بيثبت ايديها و بيضغط على رقبتها.....
ميرا بخوف:انا معملتش حاجه
عز بقى يضغط بقوه و هي بتعيط
:اسمك ميرا زين الرواي يعني واحده من العيله دي.... وانتي مش عارفه تتصرفي بطريقه تليق بيها..... كنت في الز"فت النيت بتعملي اي.... حذرتك قبل كدا يا ميرا لكن انتي مش بتتعلمي يبقى لازم اتصرف معاكي بطريقتي
ميرا برعب من منظره:عز انا بحبك و اي حاجه بعملها صدقني عشان بحبك
عز بغضب اعمي: قابلتي الد"يلر ليه؟
سهر متأخر و شرب و زفت
الشله اللي حضرتك اتعرفت عليها كانوا بيصوروكي عشان ينزلوا الصور في الجرايد و تبقى فض"يحه
ميرا بخوف:انا اسفه اوعدك مش هقابلهم تاني
عز بعد عنها و بسخريه:دي لو خرجتي من القصر اصلا....
ميرا:حاضر والله مش هخرج بس متزعلش مني لو سمحت
عزالدين:اوعي تكوني فاكره اني اهبل.... كل تحركاتك عندي و اللي عملتيه في مليكه مش صعب اني اعرفه.....
ميرا بتوتر:مليكه
عز بجمود وتهديد:اوعي يا ميرا اوعي تقربي منها لان مليكه تخصني و انتي عارفه بعمل اي في اي حاجه تخصني
ميرا بغيره قا"تله:تخصك ازاي يعني... انت في بينك وبينها حاجه
عز بلامباله:وانتي مالك
ميرا:انا هكون مراتك....
عز:ياريت دماغك تفهم انك هتكوني مرات عز الدين الرواي وتتصرفي على الأساس دا
قالها وهو بيخرج من اوضه ميرا و كلم الحرس يمنعوها من الخروج
ميرا لنفسها:لالا مش هسيبها تاخدك مني
لازم ابعدها عنك لازم تمشي مش هسمحلك تبقى لوحده غيري والبت دي شكلها مش سهله
في مكان اخر
سهر:عايز اي يا هارون (البوص)
هارون وهو بيبص لصور مليكه:كل حاجه و اولهم مليكه و فلوس ابن الرواي
سهر هانم:مليكه؟؟ ليه و بعدين فلوس عز الدين لينا مش ليك.... انا ممكن اعتمد على ميرا وأنها هتكون مراته و ساعتها الفلوس دي هتكون لبنتي بس انا عارفه عز الدين ممكن في لحظه يسحب منها كل فلوسه عشان كدا مشتركه معاك في الخطه
هارون ببرود: مليكه بالنسبه لينا فرصه ذهبيه و خصوصا لو عز الدين حبها
سهر هانم:تقصد اي؟
هارون:لو حبها هيكون تحت سيطرتنا لان وقتها ممكن نضغط على مليكه و نخليها في صفنا بسبب الصور دي (صور مليكه لما فقدت الوعي و هما صوروها)
سهر: مش عارفه يا هارون انا اصلا مش فاهمه ليه دي اللي انت اختارتها
هارون بابتسامه صفرا
:من سنه و نص مليكه كانت شغاله في المصنع بتاعي و قتها شفتها حسيت انها مكسب لأى حد
عرفت كل المعلومات عنها و عن اخوها
و اتفقت مع اخوها انه يسر"ق القصر و في نفس الوقت صاحب اخوها يكلمها
عشان تروح تلحقه
لكن انا كنت مخطط لكل حاجه
ان في الوقت دا اخوها يهرب و الحرس يمسكوها و لاني فاهم عز الدين كنت متأكد انه لايمكن يسيبها تمشي او تبعد عنه لحد ما يعرف مين اللي بعتها تسر"قه
و طول ما مليكه حواله وقتها بس ممكن تسيطر على أفكاره ومشاعره لأن مفيش زيها في طيبتها و ساذجتها و لسانها الطويل
و هي دي اللي ممكن توقع ابن الراوي
سهر:دماغك سم
هارون بسخريه :من بعض ما عندكم
بعد يومين
في قصر الراوي
مليكه كانت بتنضف اوضه عز الدين
:هو الجدع دا اهبل يعني حتى لو مقتنع اني فعلا اللي عملت كدا هيسبني امرح في الاوض براحتي كدا
عز الدين من وراها:عشان متقدريش تعملي حاجه يا قطه
مليكه بفزع:ابو شكلك في حد يفزع حد كدا
عز قفل بابا الاوضه و دخل بقى يتحرك ناحيتها و هي واقفه بتبصله بشك....
عز بهمس:متقدريش تعملي حاجه طول ما انتي هنا......
مليكه بتوتر من قربه:طب خالص خالص يا عم بعد اذنك سيبني بقى انزل عش
قبل ما تكمل جملتها كان حضنها بيد"فن راسه في رقبتها
مليكه
(والله لاتعمل عليك حفله بس استهدي بالله)
#قيود_العشق8
#دعاء_احمد
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
تعليقات
إرسال تعليق