 |
كيان واقفه قدام المرايا بتبص لنفسها بقهره حطت ايدها علي راسها وحاشت الشاش ونضفت الجرح ورجعت حطت شاش وقطن
خدت شنطتها وخرجت وهي مستعجله
راحت الشغل المدير اول ماشافها
المدير....انتي بتعملي لي هنا انتي ليكي عين تيجي هنا
كيان....بس انا..
قاطعها بصوت عالي....بس انتي اي وزفت اي
اخرجي بره يا زبا"له واوعي تدخلي عند تاني
كيان اتعصبت....انت اللي حيو"ان انت برضو اللي اترجيتني علشان اتجوزك
المدير بسخريه والعاملين واقفين بيتفرجوا....انا برضو هبصلك انتي ده انتي اللي كنتي بترمي نفسك عليا
كيان اتعصبت وبصت حواليها لقيت فازه مسكتها وض"ربته علي راسه
المدير بألم....ااااه
راسه نزفت ووقع علي الارض الامن جاء ومسكوا كيان
كيان بغضب....سيبوا ايدي خليني اوريه ازاي يتكلم معايا كده
المدير بألم....بلغوا البوليس خليه ييجي ياخدها تعفن في الحبس
كيان بحده....هكون مبسوطه لاني مش ندمانه اني ضربتك
كيان سحبت ايديها وفضلت واقفه واتكلمت بغضب....انا اديني واقفه مستنيه البوليس
عدت نص ساعه والبوليس جه
المدير....هي دي يا باشا ضربتني وكانت هتمو"تني لولا ستر ربنا
كيان تفت عليه....انت تعرف ربنا يا راجل يا معفن
المدير....شايف يا باشا
الظابط....هتوها علشان تتعلم تضرب حد تاني
لسه هيقربوا منها دخل ليل
المدير خاف وبص ليه بتوتر
كيان اتوترت ومتكلمتش
الظابط باحترام وابتسامه....اهلا ليل بيه منور المكان
ليل....اهلا يا اكرم في اي
اكرم....حضرتك البنت دي ضربت المدير واتعدت عليه
كيان بعصبيه....اي اتعديت عليه دي ليه حرمه
الظابط ضحك غصب عنه ليل بص ليه
زينب جريت علي كيان....حضرتك هو اللي غلطان قلها كلام مينفعش يتقال وكمان كان بيتعرضلها دايما في الشغل وكان طالب منها الجواز وهي رفضته
ليل اتعصب وحاول يتمالك نفسه
اكرم ابتسم ومردش ليل بص ليه....ياريت تاخد افادتها واذا كان علي التعدي بالضرب فانا هدفع الكفاله
كيان بصت ليه....شكرا مش عايزة حاجه لو سمحت ممكن نمشي
ليل....اتفضل انت يا اكرم وياريت تاخد الباشا عندك يومين يتروق وبعدين رجعه
المدير بص ليه بزعر
اكرم ابتسم وبص ليه وبعدين بص لزينب اللي مهتمتش او حاولت تبين ده
اكرم...هاتوه
اكرم طلع وخد معاه المدير
كيان كانت خارجه لقيت اللي بيمسك ايدها
كيان....انت بتعمل اي سيب ايدي
ولو علي الكفاله انا هدفعهالك
ليل....انتي عارفه الفلوس دي كد اي او هتجيبيها منين
كيان....هجيبها لان انا مش بحب حد يكون ليه حاجه عندي
ليل ابتسم بسخريه....وانا ليا عندك حق ولازم اخده وانا مش عايز الفلوس بس فيه مقابل
كيان اتوترت لانها مش هتقدر تجمع المبلغ فعلا وخلفت من طلبه
كيان....طلب اي ده
ليل....انك تعيشي معايا
كيان رجعت لورا بسرعه....نعم انت بتقول اي
ليل بخبث....اظن انك مراتي ومفيش سبب مقنع انك بعيده عن بيت جوزك اتخيلي كده اطلبك في بيت الطاعه هتجيلي برجليكي بس انا سهلتها عليكي
كيان....موافقه بس عندي طلب
ليل....اممم طلب اول مره اشوف حد بالبجاحه دي
قولي
كيان مهتمتش بكلامه واتكلمت بهدوء....زهره اختي تتطلقها من باسم وتيجي تعيش معانا وكمان انا هشتغل وادفعلك فلوسك
ليل....موافق وحكايه الشغل فهتشتغلي وهتدخلي بيتي بصفتك خدامه
كيان بصت ليه بصدمه
ليل....مش اهم حاجه اني اطلق اختك وانا هعمل كده وانتي هتنفذي اللي هقولك عليه
كيان...تمام
ليل....يلا
كيان باستغراب....في اي
ليل....هتروحي معايا واذا كان علي اختك فانا هبعت اجيبها
كيان...بس انا هروح اجيب حاجتي
ليل....هبعت اجيبهالك اظن مفيش حجه
ليل مشي وهي مشيت وراه
كيان....احنا هنروك فين
ليل مردش عليها وده عصبها جدا
وصلوا البيت كان عباره عن فيلا جميله وشكلها جذاب
ليل دخل وكيان وراه جت بنت بتجري صغيره في حدود التلات سنين
البنت....بابي
كيان انصدمت وحست انها هتقع لكن اتمالكت نفسها
ليل بص ليها ورجع بص علي البنوته....حبيبه بابي عامله اي يا كنزي
كنزي وهي بتبوس خده....كنزي بخير يا بابي يلا علشان انا جعانه جدا
ليل بص لكيان....تقدري تبدي شغلك جهزيلنا الغداء
ليل بص لكنزي....انا هطلع اغير وهنزل تمام استنيني
كنزي هزت راسها وليل طلع فوق
كنزي قربت من كيان....انتي ماما كيان اللي بابا قلي عليها صح
كيان بصتلها باستغراب يعقبه صدمه من كلامها
كنزي....بابا قلي انك في مشوار وجايه انتي رحتي فين
ليل بحده....كنزي
يتبع....
#جحيم_عشقه#
#الفصل_الثالث#
#ملكه_القلم#
ليل بحده....كنزي
كنزي....بابي مش دي ماما كيان
كيان بتوتر وخوف....دي بنتك
ليل بجمود....ايوة بنتي
كيان حست بخيبه امل وحاولت تتكلم بصوت هادي....لو سمحت ممكن تقولي المطبخ فين
ليل....هخلي رئيسه الخدم تاخدك تغيري هدومك وتقدري تبدأي شغلك
كيان اؤمات بخفوت وبصت لكنزي اللي ابتسمت ليها
كيان ابتسمت بتوتر وخوف....اسمك حلو يا كنزي تعرفي اني بحب الاسم ده جدا
كنزي....شكرا وانتي كمان اسمك حلو اوى
كيان بصت لليل بحزن اللي بص ليها بجمود
جت رئيسه الخدم وخدت كيان اللي اتكلمت بابتسامة....متتعبيش نفسك ممكن تقوليلي فين الاوضه اللي هغير فيها هدومي
رئيسه الخدم بطيبه....ولا تعب ولا حاجه يا حبيبتي
غيري هدومك وتعالي المطبخ ورايا
كيان...حاضر
اول ما خرجت كيان انفجرت في البكاء
كيان....ليه ياربي ليه ااااه متجوز ومخلف ليل دلوقتي عنده عيله انا لازم اطلع من حياته بس بعد ما اطمن علي اختي
قامت من مكانها غيرت هدومها ولمت شعرها وخرجت مكنتش عارفه طريق المطبخ
كيان....ياربي البيت كبير وانا مش عارفه فين المطبخ
اعمل اي دلوقتي
كنزي....انا هقولك
كيان لفت وابتسمت اول ما شافتها....ممكن تقوليلي فين المطبخ
كنزي مسكت ايدها وخدتها ودتها المطبخ
كيان.....شكرا يا قمر
كنزي حطت صباعها في بوقها....اممم
كيان بدات تشتغل وهي بتبص لكنزي.....عايزه اي
كنزي بفرحه....عايزه اكل كيكه
كيان....حاضر من عيوني هعملك احلي كيكه لاحلي كنزي في الدنيا كلها
كنزي وقفت علي الكرسي وباست كيان من خدها
كنزي بضحك مستمر....انتي حلوه اوي
...كنزي انتي بتعملي اي هنا
كنزي....داده طومه انا قاعده مع كيان
فاطمه بضحك....اسمها فطومه مش طومه
كنزي ضحكت....طومه
كيان وفاطمه ضحكوا عليها
كنزي....بصي طومه كيان حلوه اوي
فاطمه بصت لكيان ورجعت بصت لكنزي....سبحان الله نفس العيون
عارفه يا كنزي انتي فيكي شبه كبير من كيان
كيان بصت لكنزي بحزن وبعدين رجعت تشتغل
فاطمه....تعالي بقا يا كيان اقولك ليل بيه بيحب اي وبيكره اي
كيان....انا عارفه هو بيحب اي وبيكره اي
فاطمه باستغراب....عرفتي ازاي
كيان بتوتر....ها هو قلي
فاطمه حست بتوترها....ماشي انا هسيبك تشتغلي ولما تخلصي اندهي عليا
بصت لكنزي....يلا بقا علشان درس الرسم هيبدء
كيان بصت ليهم بابتسامه
مرت ساعه وكيان خلصت الاكل
فاطمه دخلت المطبخ....كيان اعملي قهوه لليل بيه ووديها علي اوضته
كيان اتوترت....حاضر بس انا معرفش فين اوضته
فاطمه....اول اوضه عل ايدك الشمال في الدور التاني
كيان اؤمات بصمت وعملت القهوه وخدتها وطلعت وهي متوتره
خبطت علي باب الاوضه جاء صوت ليل من الداخل يسمح لها بالدخول
كيان دخلت وهي منزله راسها في الارض
كيان....اتفضل حضرتك القهوه
ليل قام واقترب منها مسك فنجان القهوه شرب منه وبعدين بص ليها
كيان اتخضت لما سمعت صوت تكسير
ليل رمي الفنجان....مين اللي عمل القهوه دي
ليل كان متاكد ان هيا اللي عملتها
كيان بخوف....انا اللي عملتها
ليل....بس انا مش بحب القهوه ساده
كيان رفعت عينيها ليه اللي كانت مليانه دموع....اسفه مكنتش اعرف
ليل سحبها من ايدها ولفها وراء ضهرها
كيان بوجع ودموع.....اااااه ايدي يا ليل
ليل بحده....اسمي ليل باشا فاهمه وتاني مره متغلطيش
كيان بألم....حاضر لو سمحت سيب ايدي بتوجعني
ليل بصوت اشبه للهمس....مش كد وجع قلبي صدقيني
زقها بعيد عنه وهي كانت طالعه لقيت اللي بيسحبها
ليل اول مرة ينتبه علي راسها
ليل...اي ده
كيان بتوتر....في اي
ليل بحده....مين اللي عمل فيكي كده
كيان بتوتر واضح.....وقعت واتخبطت في رجل الكرسي
ليل....بصيلي
كيان مبصتش عليه لانه هيكشفها
ليل.....لاخر مره بقولك مين اللي عمل كده
كيان....لو سمحت ممكن تسيبني اروح اكمل شغلي وبعدين دي حاجه تخصني
ليل اتعصب وشد شعره بغضب....اخرجي يا كيان دلوقتي من وشي علشان معملش تصرف مش هيعجبك
كيان خرجت بتوتر ونزلت للمطبخ
ليل نزل وكيان كانت بتحط الاكل علي السفره
سمعت صوت زهره....كيان
كيان لفت بفرحه وزهره جريت حضنتها
زهره بعدت عن كيان....انتي بخير كنتي فين قلقتيني عليكي
كيان بحب....انا كويسه المهم انتي باسم عملك حاجه
زهره بفرحه....لا بس رمي عليا يمين الطلاق ودلوقتي بقيت حره انا فرحانه اوووي
كيان بصت ليها بحب....ربنا يجعل ايامك كلها فرح
زهره باستغراب....بس مين الناس اللي جم اخدوني وانتي بتعملي اي هنا
ليل واقف متابع وزهره مخدتش بالها منه
ليل....اهلا بيكي
زهره رفعت عينيها واتصدمت....ليل
ليل بإبتسامة....ايوة ليل
زهره بصت لكيان اللي بصت ليها بترجي
ليل لكيان....تقدري تروحي تكملي شغلك
زهره....شغل اي انتي راحه فين
كيان بحزن.....المهم انتي بخير دي اهم حاجه عندي
انا هروح اشوف شغلي
كيان مشيت وزهره قربت من ليل اللي اتكلم....عامله اي
زهره....كيان بتعمل اي هنا وانت كنت فين
ليل....دي حاجه متخصكيش انتي هنا ضيفه لحد ما حكم الطلاق يطلع من المحكه
زهره....ضيفه بصفتي اي
ليل بخبث....بصفات كتير انك اخت مراتي مثلا او اني بحميكي من طليقك
زهره بغضب....جوز اختي ازاي انت بتهرج
ليل.... تؤ اصل اختك....
زهره بصت ليه بصدمه
يتبع
#جحيم_عشقه
#ملكه_القلم
#الفصل_الرابع
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
تعليقات
إرسال تعليق