مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

*استعد يا دكتور يوسف جايلنا حاله هتتشرح النهارده

_هتوصل امتي

*خلاص ٥ دقائق وهتكون هنا

"بدأت البس الجوانتي وافتح النور وأجهز لاستقبال الجثه أنا كل يوم بشرح جثه أو يمكن اكتر في اوقات معينه لكن النهارده كانت الجثه مختلفه كانت جثه طفل ما يكملش ٥ سنين نايم قدامي باين علي وشه التعب والاجهاد بس الغريب أن المستشفي باعته اقرار انو ميت بطريقه طبيعيه طب اي اللي جابه هنا"

_دكتور احمد قولي الطفل دا مات ازاي

*المستشفي كاتبه بطريقه طبيعيه

_طب ومن امتي بيجيلنا جثه نشرحها وهي ميته موته طبيعيه

*معرفش يا يوسف احنا هنعمل شغلنا

"وفعلا بدأنا شغل دام ساعتين لحد ما الساعه جت ١٢ احمد تعب وقال كفايه النهارده ونكمل بكرا لكن أنا كان عندي فضول اكتر وكملت شغل لوحدي"

_غريب اوي مفيش حاجه غريبه غير شويه خدوش وفي سن طفل زيك ممكن نقول وقعات وهو بيلعب امال انت جاي هنا لي

"لو هنتكلم عن الخوف فا انت مجربتش جثه ترفع ايديها قدامك بس دا فعلا اللي حصل الطفل رفع ايديه مباشره قدام عيني اكنه بيوريني حاجه او بيشاور علي حد لما بصيت علي اتجاه أيده لقيته بيشاور علي مقص قدامي عليه دم أنا في مكان ممنوع فيه الخوف أنا لازم اتعامل وبس نزلت أيده جنبه وبدأت اقرأ القرآن رجعت بصيت للمقص من تاني بس استغربت المقص دا انا مستخدمتوش ازاي عليه دم كدا كان بقالي ساعات شغال فا تعبت ونمت علي مكتبي"

-هات ايدك

_انت مين

-مش مهم بس تعالي معايا 

_هنروح فين

-مكان مهم جدا

"طفل صغير ماسك ايدي وبيشدني معاه برا المستشفي لا وكمان برا المنطقه اللي احنا فيها بدأت اتوتر واشك"

_يبني قولي انت موديني فين

-هتعرف

"مشيت وراه ساكت لحد ما دخلنا منطقه ضلمه فيها فيلا كبيره وزرع كتير "

-شايف الاسم المكتوب علي باب الفيلا

_اه فيلا الدكتور مصطفي السيد عبد العزيز

-اوعي تنسي الاسم دا 

_انت بتختبرني يبني انت جايبني هنا لي

"شد ايدي ودخل الفيلا قدامي اول ما دخلت الفيلا لقيت صوت عالي اوي حد بيصوت صوته مزعج بطريقه بشعه حطيت ايدي علي وداني بس الطفل شد هدومي علشان ابصله"

-انكل يوسف أنا مش مرتاح هناك

متسبنيش لوحدي 

*يوسف يا يوسف قووم انت اي اللي نيمك هنا يبني حد ينام وسط الميتين

"صحيت مخضوض من الحلم أنا مش فاهم حاجه اي المكان دا ومين دا ركزت في ملامح الطفل اللي قدامي وطلع هو نفس الطفل اللي كان معايا في الحلم بس زاد عندي شغف اني اعرف اي سبب موته اكتر "

_اجهز عشان نكمل شغل

*انت مش هتروح

_لا نكمل شغل وهروح بليل انام

"امي زمان قالتلي الروح بتبقي متعلقه بالمكان اللي ماتت فيه والطفل دا خدني وداني لفيلا بتاعت شخص معين بس انا مش فاكر الاسم مش عارف افتكر"

*كفايه كدا شغل النهارده يلا نروح ننام ونرتاح الطفل ميت موته طبيعيه الصبح هنكتب الإقرار

"قلبي دق بسرعه وبصيت علي الجثه لقيته لافف رأسه لمكاننا واحنا واقفين مع اني بايدي عادل رأسه صح فا عرفت انو بيكلمني مش عاوزني اكتب التقرير أنا لازم الاقي حل"

يتبع

الجزء الثاني

*يوسف امضي علي التقرير

_تقرير اي

*إن الطفل مات موته طبيعيه

"بما اني المسئول فا أنا اللي المفروض امضي علي التقرير"

_انا لسه مخلصتش شغل 

*فاضل اي تاني شرحنا كل حته في جسمه حرام عليك سيبه يرتاح 

_هو مش مرتاح هو محتاج يرتاح سبني اشوف شغلي

"اديتله ضهري وقربت للجثه بصيت كتير في كل حته في جسمه مفيش سبب مقنع أنا لازم اعرف اي السبب "

_احمد أنا هروح 

*من أمتي بتمشي بدري 

_ورايا مشوار مهم مع ماما رايحين لدكتور عشان ضهرها 

*ربنا يشفيها ويخليهالك يا صاحبي

"الدنيا فيها مشاكل كتير بس كلها تهون وانا شايف امي كويسه قدامي لما بتتعب بحس أن الدنيا كلها بتبوظ حواليا ضحكتها بالنسبالي هي الفرحه وسط كل الوحش اللي في الحياه"

_جهزتي يا ست الكل

؛جاهزه يا حبيبي ومستنياك

"الدكتور بتاع امي في التجمع الخامس مشوار طويل بس يارب يجيب نتيجه وصلنا عند الدكتور ودخلنا كشفنا وقال إنها محتاجه عمليه بس صعبه جدا بسبب سنها الاحسن تمشي علي دواء فا خدتها ومشيت بس واحنا راجعين شوفت زرع كتير عيني ركزت شويه لقيت نفس الفيلا اللي الطفل وداني عندها في الحلم ركنت عربيتي بسرعه وخبطت علي باب الفيلا "

_مساء الخير

=مساء النور مين حضرتك

_لا أنا بس محتاج اسالك سؤال انت ابنك حضرتك عنده كام سنه

=أنا مبخلفش اصلا 

_انا اسف جدا شكرا

=وانت اي يخليك تخبط علي الباب في وقت زي دا اتفضل ومتخبطش علي الباب دا تاني

"اديتله ضهري ومشيت عند العربيه امي سالتني عن سبب نزولي قولتلها كنت بشوف حاجه بس هي الفيلا بنفس التفاصيل ازاي دا مش بيت الطفل امال جابني هنا ازاي "

_احمد الطفل اسمه ايه

*مصطفي

_ووالده

*ابراهيم الزيات

"مش نفس الاسم اللي علي الفيلا قربت للجثه لقيته مبتسم زي ما يكون بيقولي قربت بصيتله بحزن أنا محتاج افهم اكتر ساعدني "

-عارف يا عمو الفيلا دي مخيفه جدا من جوا 

_فيها اي يا حبيبي

-تحب تشوف

_اه وريني

"خدني من ايدي ودخلني الفيلا مكان كبير مليان أساس راقي جدا المكان طبيعي مش مخيف "

-تعرف أن ماما نور طيبه اوي

_اه

-عمو مصطفي دا شرير جدا تعالي اوريك الاوضه اللي كان بيخوفني بيها

"مشيت معاه بحظر كبير وكل ما يقرب من الاوضه بسمع صوت صريخ وناس كتير بتصوت بعدت بسرعه وسيبت أيده وكآني كنت بستسلم اني اصحي "

_احمد أنا لازم ادخل الفيلا دي هتساعدني

*انت مجنون يا يوسف دي فيلا اشهر جراح في مصر 

_انا حافظ المكان متقلقش هعرف ادخل وأخرج

*حافظه ازاي

_ملكش دعوه هتيجي معايا

*وانا من أمتي سيبتك يا صاحبي 

"الساعه ٢ الفجر الفيلا فاضيه والدكتور والعائله مسافرين ايطاليا دخلت الفيلا بسرعه أنا وأحمد ودورت كتير علي الأوضه أحد ما وصلت وقفت قصادها بخوف "

_هي دي الاوضه

*طب افتح يلا

"عارفين اوحش ريحه ممكن تكون شميتها في حياتك صدقني متجيش واحد في الميه من الريحه دي لو بصيت برا الاوضه تشوف فيلا تحفه فنيه تدخل الاوضه تلاقي حيطان مليانه دم وحتي الأرض جماجم كتير وشمع في الأرض رسومات غريبه وورق متهالك ريحه محدش يستحملها بدء احمد يكح فا قولتله يخرج برا بدأت اصور كل حاجه في الاوضه وخرجنا برا الفيلا بسرعه "

*ازاي دا 

_معرفش 

*دا دكتور كبير

_دا من عبده الشيطان

*لا اكيد

_انت شوفت بعينك

*هنعمل اي 

_هنبلغ

"فعلا روحت بلغت القسم واستنو لحد ما رجع من السفر وجالهم اخباريه انو رجع في الوقت دا كنت قفلت جثه مصطفي وعرفت انو مات بسبب سكته قلبيه طفل عنده ٥ سنين مات بسقطه قلبيه ازاي دفناه واستنينا القسم يتحرك "

؛بعد اذنك يا مدام معايا إذن بتفتيش الفيلا

°لازم انده دكتور مصطفي الاول

؛للاسف مينفعش 

"دخل الظابط والعساكر الفيلا بسرعه ودخلو علي  الاوضه اللي شاورتلهم عليها وكسروا الباب وزي ما توقعت كان قاعد بيعمل طقوس لعبده الشياطين نفس الريحه والدم نفس كل حاجه قذره بس المختلف كان موجود جثه طفل جديد مدبوح قصادنا خدوه وراحو القسم"

؛انا بشكرك يا دكتور يوسف 

_علي اي دا واجبي 

أنا بس محتاج اعرف اي علاقه الدكتور بالطفل ومات ازاي ولي الطفل دا موجود معاه ومقتول كدا

؛هنحقق معاه ونعرف

قولي يا دكتور مصطفي انت بتعمل اي في الاوضه دي

=انتو ازاي تاخدوني من بيتي أنا معملتش حاجه 

؛واللي انت كنت بتعمله لما قبضنا عليك

=كل واحد حر يعبد اللي مقتنع بيه انت ملقش حق تمنعني

؛والطفل اللي مات بسببك 

=طفل اي أنا معرفش اطفال

؛الكاميرا جيباك وانت بتخطفه من الشارع وانت مركب كاميرات في بيتك كلهم جايبينك انت وهو وانت بتدخله الأوضه دي كتير في اوقات مختلفه

"بعد مناقشات كتير اعترف أنه خطف الطفل دا عشان الشيطان كان عاوز طفل كا قربان فا خطف مصطفي بس المشكله انو كان لما بيدخل الاوضه بيخاف ويغم عليه بس الشيطان كان طالب انو يكون صاحي خلال الطقوس لحد ما جيه اخر مره والولد من الخوف مات بسكته قلبيه ولما سآبوه عن جثه الطفل التاني قال انو برضو خطفه من الشارع وكان ضحيه واتقدم قربان للشيطان  وساعتها اتحول للمحكمه واتحكم عليه بالاعدام بسبب التهم الكتير اللي مسئول عنها"

_انا بحكي القصه دي عشان اعرفك أن فعلا الجثث بتتكلم معاك بتعرفك الحقيقه اسمع وافهم متيآسش الجثه بتبقي حابه تعرفك الحقيقه ومصطفي مكنش عاوز يكون ضحيه ويموت وخلاص مصطفي كان عاوز ياخد حقه 

"من وسط الطلاب وقف طالب واتكلم"

°طب والطفل 

_جالي في الحلم بعدها بيوم 

-شكرا ياعمو أنا بحبك اوي

_وانا كمان بحبك يا حبيبي

-انت بتحس بينا 

_بحاول

-اوعي تيأس احساسك دايما صح

تمت

#منار_رضا