 |
_اتجوزني بسرعه ما فيش وقت للتفسير
=في بنت محترمه توقف شاب في الشارع تقوله كده؟
_طبعاً لو حلفتلك اني محترمه مش هتصدقني بس الظروف بقا يرضيك اتجوز ابن عمي فادي كلاحه ويطفي السجاير في صباع رجلي الصغنن وي
=شششش وانا مالي بكل ده ابعدي عني انتي مجنونه ولا اي
لسه هيمشي طلعت بخاخه من شنطتي وابتسمت بشر : دي بخاخه فيها شطه على ليمون على بصل علي ملح على ليمون بمجرد ما أرشها في عينك مش هتشوف تاني ومش كده وبس انا معايا شوكه هقت. لك بيها ده انا خطيره اوي ها هتتجوزني ولا لأ اعترف قول الإنكار مش هيفيدك
اتوتر : انا اصلا شما.م
=هش.م معاك
_لو اتجوزتك هضر.بك وانا عصبي اساساً
=عادي هضر.بك وانت تتضربني ونم.وت بعض
الله اما قصه عبره بصحيح ايوه كده سرسجي قلبي ده
_انا بخط.ف البني ادمين وببيع أعضا.ئهم
=هخليك تتوب ايزي يا بيبي وعادي
الاء فرج
_انتي لازقه كده ليه ابعدي عني عايز اروح شغلي
=بقولك اي اسمع الكلام وانت ساكت وابقى طلقني بعدها مش مشكله والا
= والا اي ها ها
والا هعيط والله هعيط وما حدش هيعرف يسكتني مش اخلاق ولاد بلد خالص
_ يا بنت الحلال اوعي من وشي عايز اروح شغلي متأخر هترفد بسببك
طلعت سكينه من شنطتي وقربتها من بطنه : هتيجي معايا بالذوق تتجوزني ولا اخليها عافيه عشان انا اللي قادره على التحدي والمواجهه
After 30 mintes
في العربيه
اصلا اصلا وافقت اجي واتجوزك عشان صعبتي عليا
اصلا ما هو واضح
الاء فرج
ايش تقصدي ايش تقصدي بكلامك ده ايششش تقصدي
ضحكت: ما اقصدش حاجة احنا وصلنا المهم المهم المهم تلاته المهم
هتطلع معايا وتقولهم انك حبيبي وهتتجوزني وتزعق جامد كده وتقول من الاخر اللي يقربلها او يجي يوم عندها هخط. فه في وقته ده انا دمي حامي
رفع راسه لفوق وزعق جامد : دي بتاعتي وانا اللي هتجوزها...... حلو كده
يوغتي يوغتي ايوه كده يلا بقا يا قره عيني
نزلوا من العربيه ودخلوا العماره واتجهوا ناحيه الشقه
في الشقه
دخلت البنت الشقه ومعاها الشاب في ايدها وكانت عمتها وابن عمتها وامها وابوها وكل العيله موجوده وكمان مأذون
فادي : الاء كويس انك جيتي يلا عشان نتجوز
و. اي ده مين الراجل ده
الاء بأبتسامه غبيه : ده حبيبي السري وهيتجوزني حالاً بالا واقوم امشي انت وعمتو الحربايه مش هخليك تتجوزني ابدااااااا ده في أحلامك
اتكلم الشاب : ايوه انا حبيبها ويلا ياض من هنا العو جه العو حضر اللي هو انا يعني وا
سكتوا كلهم لما قامت ندى صاحبه الاء وقالت بصدمه :
اي ده أدهم؟ انتي تعرفيه منين يا خطافه الرجاله ده خطيبي أنا
لو لقيت تفاعل كبير هنزل اللي بعده بسرعه اكمل ولا لأ؟
#يتبع
#الاء_فرج
#اتجوزته_من_الشارع
2 #اتجوزته_من_الشارع
اي ده أدهم؟ انتي تعرفيه منين يا خطافه الرجاله ده خطيبي أنا
لأ ده حبيبي أنا ولا اي يا أدهم؟
اتكام أدهم بتوتر : انا ولا اعرفك ولا اعرفها سبوني اروح الشغل اصلاً انا مريض نفسي مش بتاع جواز!
الاء :نتعالج مع بعض ايزي يا بيبي وعادي يلا ابصم عشان نتجوز حالاً بالاً
زعق محمود : اسكتي بدل ما اجيبك من شعرك عشان مش طايقك
= وايدك اللي هق. طعهالك دي مش هتصعب عليك
والد الاء : مش هتتجوزي غير ابن عمتك
الاء : اي شغل روايات بير السلم ده ونتجوز بقا بالغص. ب
ويطفي السجاير في صباع رجلي الصغنن وانا اعيط ويضر. بني وانا اعيط ويشتمن. ي وانا اعيط واصالحه بعدها عشان ما عنديش كرامه عادي
وبعدها احاول اغيظه وانزل الحفله بفستان قصير خالص وصاحبه يعاكسني يروح ماسكني من ايدي جامد ويزعق ويقولي انتي بتاعتي وا
ندى بغضب : ششش اسكتي وانت يا أدهم مش وعدتني نتجوز
أدهم : انا كنت بتسلي بيكي هو انا هتجوز واحده مشيت معاها ووافقت ترتبط بيا من ورا أهلها؟!! وبعدين اي خطيبي دي انا عمري ما ابقى خطيبك
الاء : الاه ده انت بجح وبتاع بنات وباد بوي هذا هو ذوقي كتك القرف في شكلك بحبك
عيطت ندى وطلعت تجري برا الشقه واتكلم
المأذون: استغفر الله صلوا على النبي يا جماعه
= عليه افضل الصلاة والسلام
عمه الاء : شوف بنتك يا صابر قليله تربيه وقليله ذوق وقليله كل حاجة اقول ما انتي تربيه امك
ام الاء: ومالها تربيتي يا صفاء يا حقوده
فادي (كلاحه) : ما تكلميش امي بالطريقه دي
والد الاء: ما تزعقش لمراتي كده ياض
الاء فرج
أدهم : انا عرفت دلوقتي انتي هبله لمين بسم الله ماشاء الله العيله كلها مجنونه انا ماشي
لسه أدهم هيمشي جريت الاء ناحيه الباب وقفلته بالمفتاح واتكلمت بصوت عالي : بسسسسسس انا هتجوز أدهم يعني هتجوز
أدهم : وانا مش هتجوزك على جثتي
بارك الله لكما وبارك عليكما وجمع بينكما في خير
الاء : اهم حاجة الثبات على الرأي انا مبهوره بيك الصراحه
أدهم : على فكره كله بمزاجي انا راجل ومش بتغصب على حاجة
فادي بغضب : افتحي باب الشقه ده عايزين نمشي ياكش يقت. لك ونخلص منك
قامت الاء من على الكرسي ومسكت أدهم في ايدها : انا اللي ماشيه ودوني على بيت حبيبي نعيش مع بيت فيه يلا يا قره عيني ياااه اخيراً هيكون عندي بيت لوحدي يااااه
أدهم : دي أقصى طموحك!
الاء : ومش كده وبس ده العرض ساري لفتره محدوده ده انت هتشوف ايام فله وعايزه اشتري الفستان الأحمر اللي نفسي اجيبه اصل انت ما تعرفش انا عايزه اجيب الفستان عشان اغيظ البت سميره البايره ا
فك أدهم ايده من ايدها وزقها بغضب: بطلي رغي بقا قدامي هنروح على شقتي ده انتي ايامك معايا سودا
الاء :ولااااااا ما تزعقش
انا ولا حكومه تهزني ولا بوكس يلمني وان كنت ما.فيا فأنا وحش الكون ومتعلمه كام حركه كراتيه هتجيبك الأرض...
After 30 Mintes
في شقه أدهم
أدهم : ادخلي برجلك اليمين يا عروسه
دخلت الاء الشقه وهي بتتنطط ووقفت فجأه لما لقيت بنت قاعده
الاء: اي ده مين دي؟
ابتسم أدهم بخبث : دي مراتي اووه نسيت اقولك اني متجوز عرفي
بخ😂 خلصت الحلقه اللي عايزه اعملها منشن تسيب كومنت وتفاعل كبير عشان اللي بعده ينزل بسرعه
اللي جاي دمار مع طنط ام عمار 😎😂
اعمل متابعه هنا👈 اضغط هناااااااا👉عشان يوصلكم كل الاجزاء الباقيه هتوصل للمتابعين فقط
#الاء_فرج
#اتجوزته_من_الشارع
#دار_الروايات
تعليقات
إرسال تعليق