 |
الجزء الرابع♥️شكرا علي تفاعلكم السكر♥️بقلم سولييه نصار ♥️
-جمال !
قالتها وهي بتعيط ..بس انا متهزتش ...حاولت تلمسني بس بعدت عنها وانا ببصلها ببرود ...لا أنا مش هتنازل تاني ...مش هتس*تغل حبي ليها تاني ابدا ...
-جمال أنا اسفة والله ... عارفة اني جر*حتك اوووي ...عذ*بتك معايا بس انا محتاجاك...
-وانا مش محتاجك
قولتها ببرود ...دموعها كانت بتو*جع قلبي بس لو أظهرت ض*عفي ليها هتس*تغل الموقف ...عشان كده نظراتي كانت باردة وانا ببصلها وهي بتعيط ...هي اختارت تثق بواحدة صاحبتها فتستاهل ...عمرها ما وثقت فيا ...عذ*بتني وحر*قت اعصابي ...اتمنيت في يوم تثق فيا بس للاسف هي كانت متأكدة اني هخ*ونها يبقي خلاص كل واحد يروح لحاله ....
قبل ما امشي قربت من ميار وابتسمت وقولت:
-انا صحيح وعدتك يا ميار اني احاول اصلحها ...واني مطلقهاش لكن شوفتي صاحبتك عملت معايا ايه ...
بصتلنا غادة بصدمة فقولت بهدوء:.
-احب اقولك يا غادة اني صاحبتك ميار كانت اعقل منك لما عملتلها بلوك اول مرة اتكلمت معايا تاني وقالتلي علي كل حاجة ...كان نفسها تساعدك وطلبت مني اصبر عليكي ...هي اللي كانت بتترجاني اصبر عشان كده اتفقت معاها تف*برك محادثات علي اساس وقتها ممكن تكتشفي أن الحاجات دي مف*بركة وتصدقيني لمرة واحدة في حياتك لكن للاسف انتي
اختارتي تصدقي صاحبتك وانا لا عشان كده اتفقت انها تقول قصة أنها ضعفت...لكن الحقيقة دي كانت لعبة مني انا وميار عشان تعقلي لكن حتي أنا وهي فش*لنا نصلحك كنا عايزين نفهمك أن مش كل اصحابك تثقي فيهم وتطلعي اسرار بيتك لكن للاسف انتي غب*ية ...
وبعدين سيبتها ومشيت ...وبكدة انتهت حياتي مع غادة ....
.......
-اه طلقني يا علي جمال طلق اختك تخيل طلقني !
فضلت غادة تز*عق وتص*رخ ...حط علي أيده علي ودنه لحد ما تخلص الصرا*خ بتاعها وبعدين بعدها وقال:
-الحقيقة اللي أنا مستغربه فعلا ليه أتأخر في القرار ده وليه استحملك ده كله أنا اخوكي اهو مش مستحملك ..
-ده وقت هزارك يا علي ...
- ما هو عنده حق يا غادة انتي كف*رتي سي*ئات الراجل ده بفضلك ممكن يدخل الجنة من غير حساب ...ده انتي لو مراتي اقسم بالله كنت حطيتك في مية مغ*لية ونت*فت شعرك شعرة شعرة ...
-انت عارف اني عندي عق*دة من . .
قرب منها علي ومسك ايديها وقال:
-جمال مش بابا يا غادة...بلاش تشوفي كل الناس وحش*ة اتعالجي يا غادة مش عيب عشان خاطر نفسك علي الاقل ...عشان خاطر ترجعي ثقتك بالكل ...
-انا بحب جمال وعايزاه يرجع
قالتها غادة وهي بتبكي ...
اتنهد علي وقال :
-يبقي خلاص اقنعيه انك بتحبيه ....
........
كنت قاعد في البيت اللي استأجرته جديد لما الباب خبط روحت افتح ولقيت قدامي غادة
-خير
-انا جاية وطالبة السماح ...والصلح خير قوم نتصالح ...
-والله ؟!
دخلت غادة وقالت:
-انت وعدتني انك هتتحمل يا جمال ...قولتلك مخا*وفي وانت قولت مش هتتخلي عني بسهولة ..ليه دلوقتي ..
اتنهدت وقولت:
-لاني تعبت يا غادة أنا عايزة اعيش حياتي مبسوط ومرتاح ...
-رجعني ليك يا جمال وانا اوعدك هسعدك ومش هش*ك فيك تاني ..وموافقة كل شروطك ...
-كل شروطي
-ايوة كل شروطك .
فقولت بسرعة :
-طيب انا عايز اتجوز واحدة تاني تقبلي بضرة؟!
يتبع
#زوجي_المحب
#سولييه_نصار
الجزء الاخير ♥️شكرا علي تفاعلكم السكر♥️ بقلم سولييه نصار♥️
-تتجوز؟!
قالتها غادة وهي حاسة نفسها دايخة ...كانت هتقع فأنا مسكتها وخوت عليها فكملت بسرعة بس فيه شرط تاني ما هو لإما ده او ده ...
بلعت ريقها وقالت:
-ايه الشرط التاني ..
-تتعالجي ...
سكتت فقربت منها وقولت:
-انتي كنتي صريحة معايا وانا قولت هستحمل واستحملت بس جيت في مرة انفج*رت وده مش بإرادتي لاني برضه انسان ليا طاقة تحمل وكتر الشك والضغط اللي كنت معيشاني فيه تعبني فعلا يا غادة ...أنا كنت ناوي فعلا ابعد ...ابعد لاني بدأت أحس إني تعبان ...بدأت افقد الثقة بنفسي ..حسيت اني مش قادرة اكمل بس افتكرت أن اديتك وعد اني هستحمل للنهاية وللاسف دي الطريقة الوحيدة ...عايزة نرجع لاما تتعالجي أو اتجوز عليكي ...
-علي فكرة انت قلبك حجر
-حبيبتي تسلمي يالا قرري بسرعة ...مش هجب*رك تروحي للدكتور ده مش اسلوبي بس تقبلي انك مريضة.
-والله أنا عارفة اني عندي عق*د ومخاوف وقولتلك قبل كده ...بس خايفة يودوني مصح عقلي وانا مش هستحمل بصراحة ...
ضحكت وقولت:
-لو الدكتور حولك علي المصح هاجي معاكي متقلقيش ...
-ايوة طبعا عشان تعاكس في الممرضات !
-حسبي الله ونعم الوكيل فيكي يا شيخة ...حسبي الله ...
....
وبعدين وافقت اخيرا بعد محاولات مني وشوية تهد*يدات انها تروح للدكتور وفعلا هي اللي اقتنعت انها لازم تروح للدكتور ...حجزتلها عند دكتورة شاطرة وروحنا سوا ...طول فترة الانتظار كانت بتترعش وخايفة ...بصتلي بإبتسامة وقالت:
-شكلي مطفتش علي الرز ونسيته هروح الشقة اطفيه بسرعة واجي...
ولسه هتمشي مسكتها من ايديها وقولت:
-انتي هتستهبلي يا بت انتي اتر*زعي جمبي هنا أنا اللي عملت الاكل النهاردة وطف*حتك قبل ما تيجي رز ايه يختي اللي انتي حطيتيه علي النار ده ..
ضحكت وهي بتقول:
-بصراحة اكلك احسن من اكلي بكتير ايه رايك تطبخ بدالي
- تدفعي كام طيب ...اصل مش هطبخ ببلاش ...
-انت عايز كام يعني ...
بصتلها وقولت:
-عايزك لما تدخلي جوا تتكلمي مع الدكتورة عن كل حاجة مضايقاكي ماشي ...متخبيش حاجة عشان تعرف تساعدك ...
حطت غادة رأسها علي كتفي وقالت:
-شكرا لانك معايا ...
اتنهدت وقولت:
-انا وعدتك اني هكون معاكي ...صحيح استسلمت في وقت بس رجعت ومش هسيبك الا لما تخفي ...
....
بدأت غادة جلسات العلاج النفسي ... حاولت كتير تتراجع بس كنت بشجعها ومعاها في كل خطوة وبدأت تستجيب بسرعة للعلاج وانا كنت مبسوط بده كنت بشوف تقدم كبير فيها وكنت مبسوط اووي بيها وطاير من الفرحة لأن حسيت أن شك*ها بدأ يخف ...دي حتي بطلت تفتش في الموبايل ...بقت تهتم بيا وتصحي بنفسها تحضر الفطار ...اتغيرت ١٨٠درجة وانا كنت مبسوط بتغيرها ده ولأول مرة كنت احس بالسعادة وانا مع غادة الإنسانة اللي حبيتها ...
....
بعد شهرين علاج كانت شبه اتعافت كنت في المطبخ معاها بنعمل الاكل سوا وخلصنا بسرعة وقعدنا علي السفرة ...فجأة جالها اتصال من صاحبتها ميار كلمتها ورجعت مبسوطة وقالت:
-ميار هتتجوز يا جمال ...
ابتسمت ليها بسعادة وقولت:
-بجد امتي ...
-قالوا كتب الكتاب الاسبوع اللي جاي ..
-تمام ناخد هدية ونروحلها ...
قعدت جمبي وقالت:
-انا مبسوطة ليها اوووي ...بتمني تكون هتتجوز واحد يصونها ...
مسكت أيدي وكملت:
-واحد زيك يا جمال يفضل معاها في الحلوة والمرة زي ما انت عملت ..أنا بجد بحبك اووي انت اكبر نعمة في حياتي♥️
حضنتها وقولت:
-وانتي اجمل هدية في حياتي♥️
تمت
#زوجي_المحب
#سولييه_نصار
تعليقات
إرسال تعليق