 |
#روايه_حنين_الليل11❤
انفجر في الغضب:بتقووووووووووووولي اااااااااااااااااي
_يا مامااااااا (جريت بسرعه علي تحت وهو جري ورايا بس مسكني )
قولت بضحك_ اهدي اهدي صلي علي النبي
(مسكني من قفايا )
ليل بغضب ؛ اعمل فيكي اااااي دلوقتي بعد اللي عملتيه ده
_ ماهو انت لو سمعت الكلام من الاول مكنش حصل حاجه
ليل ضربني علي كتفي : انتي ليكي عين تتكلمي
ضحكت علي شكله : خلاااااص بقا ايدك تقيله
ليل :انا اكتر حاجه تعصبني شغل العيال ده اروح الشغل ازاي انا عندي اجتماع مهم اووي
_ هتعملي فيها بقا منقذ البشريه والكوكب واقف شغلك
(ليل بصلي بصه كنت عايزه ادفن نفسي مكاني مش هحكيلكم عنها عشان مش بحب اتكلم عن الرومانسيه بتاعتنا لنتحسد 😂)
ليل ببرود: عيدي اللي قولتيه كده تاني
قولت بخوف _ انا عايزه ااااااامي
ليل : ماهو لو لسان امك ده يبطل دبش مكنش حصل حاجه
قولت بردح _ مالو لسان امي يا اخويااا مش عاجبك ولا اااااي دانت حفيت وراياااا #بقلمي_اميره_رمضان
(بصلي نفس البصه صرخت وجريت )
_ ههههههههه يالهووووووووي (وانا بجري قابلت ماما وعيلتي في وشي )
ماما : اي في اي بتجري كده ليه
حضنتها وانا مبسوطه اوووي : لاء متقلقيش الدنيا تمام
بسمه : اوعي تكوني عملتي مقلب من مقالبك
هزيت راسي بضحك : بظبط كده
ليل من ورايا : بقولك ي حماتي انا لما خت بنتكم اول امبارح منستش عقلها عندكم
ندي بضحك : ههههههههه لاء هي مولوده كده كانو عاملين تخفيض علي عقلها
ضربتها : مااااشي ي ندي الكلب
سندس : وحشتيني
حضنتها اووي : وانتي كمان وحشاني اوووي اوووي
لوكااااا : كنت فين ي بن الجذ*مه
مالك ببراءه: بلعب مع تالين
_ احيييييييه شقط البت من اول نظره الحق ي ليل بنتك اتشقطت
ليل : في معلمه زيك تقول الالفاظ دي قدام العيال
_ نينينينييييي
ليل قرب مني وبيمثل الرقه والرمانسيه وقال بهمس : هديكي بوكس في مناخيرك هخنفك لمي الدور ومتعصبنيش انا علي اخري منك
_ حبيب قلبي والله مهتجيبلي شوكولاته تاني كفايه اللي جوا
ليل تمتم بصوت واطي : شوكولاته (اتنهد وقال)صبرني ياااارب اتفضلي ي حماتي واقفه كده ليه اتفضلو
(دخل وقاعدنا وجبت الضيافه ليهم وحبيت اغيظ ليل )
_ تعرفي ي ماما ليل كان عندو شغل ضروري اوي انهارده بس لما عرف انكم جايين حلف طلاق تلاته ماهو طالع من البيت وهيستناكم لما تاجو #بقلمي_اميره_رمضان
ليل بغضب بيداريه بضحكه : اه طبعاا طبعاااا
ماما : ليه بس ي ابني شغلك اهم والايام جايه كتير يبقا نقعد مع بعض خلاص بقا كفايه كده قوم شوف شغلك
ليل بفرحه : بجد (قاطعته وقولت : يمشي يروح فين اقسم بالله ماهيتحرك من البيت هو مصمم يقعد معاكي ومتقوليش بقا كده عشان ميحسش انه تقيل في القعده صح ي حبيبي )
ليل بغضب عايز يقوم ياكلني بس بيداريه بالضحك : طبعاااااااا طبعاااا ي روحي
_ كلي ي مامااا وكلي لب سوري بلاش البتاع ده طعمه معفن عايز ملح انت بخيل لدرجادي مقدرتش تجيب شويه ملح ترشهم عليه
ليل بصدمه : الكاجووو بقا معفن
_ اه سيبك سيبك ماما امال عمي ومرات عمي فين
ماما : مش عارفه هما كانو مشغولين هياجو في يوم ومعاهم عماتك
ليل : ينورو في اي وقت
_ بقولكم اي انهارده هنسهر لصبح مع بعض محدش هيمشي وليل هيظبط لينا القعده
ليل جاب اخرو مني : طبعاا اللي انتو عايزينه نونه عايزك بس في فوق شويه
انا خوفت اطلع : انت عايزني اسيب ماما واطلع انت بتهزر
ماما باستغراب : فيها اي ي بنتي اطلعي شوفي جوزك عايز اي هو احنا هنطير
_ لاء ندي هتزعل
ندي : قومي شوفي جوووزك عايز ااااي وبطلي كسل مش هتجبيها فينا
طلعت معاه وانا بشتم في ندي دخلت الاوضه وقولت بضحك : خير ي حبيبي
ليل قفل الباب ولف بصلي بغضب شديد (جالك الموت يا تارك الصلاة )
قولت بخوف_ انت قفلت الباب لييه اهاااا اكيد خايف عليا من البرد #بقلمي_اميره_رمضان
ليل : طبعاااا تعالي بقااا ادفيكي
_ هاااار اسود (جريت وقفت علي السرير )وحيات عيالك متعمل حاجه هتودي نفسك في داهيه عشاني
ليل : اه دانا عشانك اعمل كل حاجه
_ اخرااابي علي الحب
(شد رجليا مره وحده وقعت علي السرير )
_ اهاااا ضهري اتكسر
ليل بعصبيه: هو انتي لسه شفتي حاجه (جه فوقيا وحط ومخده علي وشي وداس عليها وقال :انا هموتك عشان ارتااااح)
اتكلمت بصعوبه من الضحك : ياااااااض همووووت يخربييييييتك هههههههههه والله لشتكيك لرضوي الشربيني
ليل : دانااااا اللي هعمل فيها شيف الشربيني وهعمل منك شاورمااااا
_ الله بحبهاااا
ليل بعصبيه اكتر: انتي مستفزززززززززه
________
نوح : فينك ي عم ليل اتاخرت كده ليييه
واحد من الموجودين : احنا كده اتاخرنا اووي ولازم نبدء الاجتماع لان الموظفين بتاع الشركه التانيه زهقو من الانتظار
نوح : ده اول مره يتاخر كده طب هنجتمع معاهم وهنتكلم في امور الشغل البسيطه هنعرفهم الاساسيات والحاجات المهمه لما ليل ياجي
الشاب : تمام ي فندم يلا نطلع
(وصلو اوضه الاجتماع وكانو موجودين3بنات وشاب )
نوح : السلام عليكم
= وعليكم السلام
قعد واول مشاف البنت قاعده قدامه تنح فيها
البت : في حاجه ي فندم
نوح : هااا لاء مفيش هو انتي اسمك اي
البت : حبيبه
#بقلمي_اميره_رمضان
نوح بتوهان : اسمك حلو اوي ي حبيبه
حبيبه بنفاذ صبر : شكرا ممكن نبدء بقا عشان اتاخرنا
نوح : تمام (واتعرف علي الموجودين واتكلمو في تفاصيل الشغل )
_______
ندي لسندس : باين عليهم مبسوطين ي بت ي سوسو
سندس : يارب فعلا يكونو مبسوطين متكونش بتمثل ماهو انتي عارفاها
ندي : عندك حق بس صراحه ليل مفهوش غلطه ربنا يهدي سرهم مع بعض ويسعدهم
سندس : يمكن اول مره ابوكي يعمل حاجه صح
ندي : متفكرنييييش ده هيولع في البيت من يوم الفرح
سندس : ليه
ندي : عشان كان هياخد فلوس من ليل بس حنين خدتها منهم
سندس : احسن
بسمه : هما اتاخرو ليه كده طب يلا احنا بقا
جيت علي الكلمه دي : يلا ااااااي اترزعي ي بت الاكل جهز يلا ناكل
(طبعا قعدنا ساعه نحلف عليهم ياكلو وهما يرفضو لحد ليل ما اقنعهم ولسه بنقول بسم الله )
دخل شاب : الناس الواطيه اللي اتجوزو من غير ميعرفوناااااا
ليل بابتسامه : حبيبي ي برووووو
قام وحضنو بعض
ليل : جات بسرعه بقا والله وبعدين انت فاضيلنا ماهو انت داير ورا الخوجات
الشاب : بس عيب ياض الناس قاعدين (وبص علينا وقال هاي ي جماعه)
_ وانت عشان تعرفنا انك جاي من بلاد برا لازم تقول هاي
هاي ورحمه الله وبركاته ي اخويا
#بقلمي_اميره_رمضان
الشاب بضحك : ههههههه اي ده هو فيه كده
ليل : اخرس ياض انت هتتسهرا معاها ولا اي
الشاب : يبقا اكيد دي المدام
_ اسم الله علي ذكائك نبيييه
ليل بضحك : اعرفكم فارس ابن عمي شريك معايا في الشركه بس مقضيها سفر
فارس وهو باصص علي البنات : مش يمكن تبقا اخر مره واستقر بقا في بلدي واكون اسره
ليل : انت شارب حاجه ياض المهم دول بقا قرايب مراتي واقعد كل وانت ساكت
(خلصنا وقعدنا شويه مع بعض وبعدين ليل قعد شويه مع ابن عمه وماما قعدت مع تالين وايان ومالك وانا وندي وبسمه وسندس طلعنا قعدنا في اوضتي وبعد كلام كتير )
بسمه : علفكره ده حقه وحرام عليكي تمنعيه منه
_ بس انا متجوزاه غصب عني
ندي : لاء ي حنين انتي وافقتي بكامل ارادتك قدام المؤذون ليل مغصبش عليكي بحاجه اللي غصب كان ابويا ليل ملوش ذنب
_ اقعدي انتي بس كده دافعي عنه
سندس : بصي ي حنين احنا تعبنا معاكي في الكلام قولنالك ارفضي قولتي لاء قولنا اهربي قولتي لاء واتجوزتي يبقا سيبك من كل الكلام ده مينفعش اللي بتعمليه ده لازم تديلو حقه الشرعي وتعيشي معاه زي اي اتنين متجوزين لان بعدك عنه ده فيه حرمانيه وانتي عارفه ان لو وحده نامت وجوزها زعلان منها الملايكه بتلعنها طول الليل اعملي حساب لربنا وسيبك من الافكار اللي في دماغك اللي ملهاش اي معني دي
(بعد شويه كلهم مشو وتالين وايان قعدو يكتبو الواجب وليل كان بيشتغل علي اللاب توب في الاوضه
فكرت كتير في كلامهم وخدت نفس عميق وقعدت جنبيه)
_ ليل
=نعم
_ انت فاضي شويه
ليل لف وشه :خير في حاجه ولا اي (وشافني واقفه من غير الطرحه) غريبه الطرحه وقعت ولا اي
_ ك كن كنت عايزه اتكلم معاك في موضوع
= قولي
اتكملت بصعوبه : انا انا كنت يعني عايزه اقولك انك
(سمعنا صوت حد داخل يزعق جامد نزلنا بسرعه نشوف في اي )
لقينا ..؟!😳
#يتبع12 (ان شاء الله هنزل حلقه كمان الساعه 2يعني بعد ساعتين كده عشان بس تفاعلكم العسلل ده❤❤)
#روايه_حنين_الليل
#بقلمي_اميره_رمضان
#روايه_حنين_الليل12❤
سمعنا صوت حد داخل يزعق جامد نزلنا بسرعه نشوف في اي
لقينا نوح داخل متعصب اووي
نوح : ااااانت مش قولت انك جاااي الاجتماع وخليتنا نستناك وفي الاخر متجيييش وحتي مترنش تعرفني
ليل ببرود: وطي صوتك واحترم نفسك
نوح : هو كل ده اللي فارق معاك انت خليتني في نص هدومي قدام الموظفين ومش عارف اتصرف ازاي خليتني مليييش لازمه
ليل : حصل اي يعني لشكلك انت هتكبر الموضوع
نوح : انا مش مكبر الموضوع انا لما بتاخر شويه علي اي اجتماع بتقلب الدنيا لكن حضرتك مجتش اصلا
_ ماهو انا اللي خليته مجاش
نوح بانفعال : انا قولت اكيد انتي السبب طول عمره ملتزم بالمواعيد اول مجيتي هتبوظي الشغل
ليل بعصبيه : نوووووووح اتكلم معاها باحترام واياك تكلمها بالطريقه دي تاني
نوح : انا ماشي وغلطان اني شايل هم الشغل يتحرق الشغل علي اللي فيه
(نوح مشي متعصب وليل طلع فوق وخبط الباب جامد )
_ ياربي واضح ان الشغل كان مهم وانا بغبائي بوظت الدنيا (جيت اطلع ورا ليل لقيت تالين وايان واقفين خايفين )
_ اي مالكم واقفين كده ليه
ايان : هو بابا بيزعق ليه
_ لاء ي حبيبي مش بيزعق ده بيهزر مع عمو
تالين : هو زعل عثان بابا مث راح الثغل
_ يعني زعلان شويه صغنانين
تعالو وروني عملتو اي في الواجب
(وبعد شويه )
شطار اي الجمال ده طب يلا نامو عشان الحضانه
(طلعت رحت عند ليل )
_ انا اسفه
بصلي ومردش عليا
_ انا مكنتش اعرف ان الشغل مهم اوي كده انا بس مكنتش عايزاك تطلع مكنتش اقصد حاجه
= خلصنا اتفضلي نامي عشان مشغول #بقلمي_اميره_رمضان
_ طب انت هتكلمه تصالحو
= اصالح ميين انتي بتهزري انا مابصالحش حد (وقفل اللاب ونام )
(رحت قعدت جنبيه ) هو مغلطش معاه حق شكل الشغل كان مهم عش(قاطعني بعصبيه )
= ايوا الشغل كان مهم وانا طول عمري ملتزم بالمواعيد شفتي انتي افعالك وصلتنا لفين اتفضلي بقا نامي
(ليل كان متعصب اووي انه زعل صاحبه اوي )
(نمت وانا زعلانه من اللي حصل مكنتش متخيله ان ده هيحصل )
________
تاني يوم
شفت ليل جاهز ونزل عشان يروح الشغل
_ انت رايح فين تعالي افطر الاول
بصلي وكمل مشي
نوح وهو قاعد علي السفره : تعالي كل الشغل مش هيطير
ليل فرح ان نوح موجود : انت اي اللي جابك
نوح : شفتي ده بدل ماهو اللي يصالحني بيقولي اي اللي جابك
_ معلش انت عارفه دمه تقيل متركزش معاه
ليل : مين ده اللي ده تقيل
_ مين ؟
ليل : والله هتستعبطي
_ شفت انا اللي عملت الفطار وكلمت نوح وخليته ياجي يصالحك
ليل : كلمتيه منين وانتي تلفونك بايظ ومش عارفه الباسورد بتاع تلفوني
_ دانت مركز اوووي كلمته من تليفون ايان
نوح : كل بقا خلينا نروح ده في شويه بنات اااي جامدين
فارس دخل : شامم سيرت بنات
ليل : اهو ده بياجي علي الريحه
نوح : بقولك اي في وحده اسمها حبيبه اياك المحك جنبيها
فارس : طب فيه بنات تانيه
نوح : اه فيه كتيير
_ هو انتو بتشتغلو في اي بظبط
ليل : بعد الكلام بتاعهم ده احب اقولك شاغلين في كباريه
#بقلمي_اميره_رمضان
________
ندي : انا رايحه السوبر ماركت هتحتاجي حاجه تانيه
بسمه : لاء كده تمام
ندي نزلت وراحت السوبر ماركت
ندي : لو سمحت عايزه الطلبات دي
زياد : اخيرا نزلتي بقالي يومين مشفتكيش
ندي : منتا عارف ان كان عندنا فرح
زياد بحب : عقبال فرحنا
ندي : شد حيلك بقا عشان انا حاسه ان ابويا هيبيعني لاول واحد غني هيجيلو
زياد : يبيعك اي بس الكلام ده
ندي : ده علي اساس انك متعرفش عمل اي في حنين
زياد : علي الاقل حنين مش بنته لكن انتي بنته ومن دمه
ندي : معرفش بس انا عايشه علي كف عفريت انا فركشت مرتين الخطوبه عشانك لكن لو اتخطبت تاني مستحيل يخلوني افركشها #بقلمي_اميره_رمضان
زياد : انا لو عليا عايز اجيلك دلوقتي لكن انتي عارفه ابوكي هيطلب كتير فعايز اجهز نفسي لاي طلب
ندي : زياد انا مش هستني اكتر من كده انا الناس بقت بتقولي ي عانس ونظرتهم ليا بقت وحشه ده غير كلام اهلي انت لو مجتليش اليومين دول انا هوافق باي حد ياجي وانت حر ولو عامل علي طلبات اهلي تعالي ومتخفش انا هكون معاك ومش هسمحلهم يطلبو كتير غير كده انت من طريق وانا من طريق
__________
في الشركه
خلصو الاجتماع
نوح طب بعد اذنك هروح اعمل حاجه وطنيه
ليل باستغراب : وطنيه
نوح : اه (وقام بسرعه راح عند حبيبه )
نوح : انسه حبيبه
حبيبه : نعم
نوح : ممكن تاجي نشرب حاجه في الكافيه مع بعض
حبيبه : بصفتك اي
نوح بثقه : مساعد مدير الشركه
حبيبه بثقه اكبر : يبقا اشربها مع مدير الشركه سلام
نوح : لاء واثقه من نفسها اوووي
فارس : شكلك ووووحش #بقلمي_اميره_رمضان
نوح : وانت مالك ي بارد وبعدين بكرا اشوفك واقع انت كمان
فارس : بقولك اي انت بتسمع عن الحب اللي من اول نظره ده
نوح : دانا حافظه
فارس : اهو انا شكلي وقعت فيه
نوح : مين
فارس : مش عارف اسمها بس هي قريبت مرات ليل شفتها عندهم امبارح
نوح : بنت عمها ولا صاحبتها
فارس : مش عارف بس هبقا اتكلم مع حنين في الموضوع ده
نوح : موت ي حمار
فارس : ليه بقا
نوح : ليل مش هيخليك اصلا تفتح بوقك مع حنين بيغر عليها
فارس :ههههههه ليل بيغير
= جايبين سيرتي ليه ي لطخ انت وهو
فارس : ده نوح مش انا سلام عليكم
نوح : بعتني ي واااطي طب انا رايح اكمل المهمه الوطنيه سلااام
___________
_ معلش ي طنط اطفي البوتوجاز كفايه عليها كده
كريمه : نفسك في الاكل حلو اووي
_ بجد يجبر بخاطرك ربنا
عم صبري : ي مدام حنين
_ ايوا ، قطعي انتي ي طنط الطماطم دي لما اشوفه عايز اي
(طلعت من المطبخ )
خير ي عم صبري
عم صبري : اتفضلي العلبه دي ليل باشا باعتها ليك
_ ليا انا (خدت العلبه ودخلت افتحها )
اوعي يكون جايبلي قنبله طب والله لافتحها في الاوضه جنب الحاجات بتاعته عشان لو مت ادمرله حاجاته
(فتحتها وكان فيها تليفون )
_ وااااو ايفون مش معقوله ده ليا دانت طلعت عندك ذوق ي عم ليل وانا معرفش
= طول عمرك لسانك ده مش بيبطل دبش
اتخضيت : يامامااااا انت فين
ليل =قولت اسمعك وانتي بتشكريني لما تشوفي التلفون معرفش ان لسانك اطول منك (كان بيتكلم في التلفون )
_ انت لحقت تجيبه دانت لسه طالع
ليل= انا مفيش حاجه بتقف قدامي
_ ياشيخ تبا لتواضعك
ليل : جهزتي الغدا
_ قول كده بقاا انت جايبه عشان مصلحتككككك
ليل : متغيريش الموضوع
_ لاء مش بغير وانت جاي هات نوح وفارس معاك
ليل بغيره : ليه بقا ان شاء الله
_ انت مسألتش نوح اتصالح ازاي
ليل : ازاي بقا
_ بحله محشي
ليل : واطي عشان المحشي غير رايه
_ مين مابيحبش المحشي ده العشق
ليل : طب نوح وبيتصالح فارس بقا ليه
_ الراجل جاي من سفر كان المفروض عملنالو عزومه كبيره اوي
ليل : ههههههه عشان جاي من السفر تعزميه طب متعرفهوش ليتقهر علي زمان #بقلمي_اميره_رمضان
_ هههههههه ليه يعني علفكرا احنا عندنا علطول لو حد سافر من محافظه لمحافظه تانيه لازم عزومه كبير
ليل اندمج معايا في الكلام: عندنا مش زي عندكم زي منتي شايفه اتجوزت محدش جه قالي مبروك مفيش الا خالتي هتاجي هي واولادها بعد يومين لكن اعمامي وعماتي وكده دول ديما مسافرين مش بنشوف بعض الا صدفه
_ ياساتر الحمد لله احنا مش كده وبعدين بكرا املالك البيت عيال ويكونو عزوتك مع وايان وتالين
ليل بمشاكسه : انتي اد الكلام ده
خدت بالي انا بقول اي : لاء لاءءء مش اد حاجه انا عيله صغيره متاخدش علي كلاااااامي
________
جاسمن : عملتي اي
البنت: عملت كل اللي طلبيته مني بالحرف بس لسه موصلتش لاي ورق تبع ليل باشا بس متقلقيش هجيب الورقه دي لو تحت الارض
جاسمن: هو ده الكلام المظبوط ركزي في الشغل ي حبيبه مش عايزه غلطه لو وقعتي انا معرفكيش
حبيبه: متقلقيش ي مدام
جاسمن : كل ما كنتي سريعه وجبتي الورق اسرع كل مكانت الفلوس اكتر
حبيبه : تمام
قفلت معاها ولفت وشها شافت نوح
حبيبه بصدمه : نوح😳
نوح : كنتي بتكلمييي ميييين
#يتبع13بعد عمل متابعه من هنا ااااااا❤
#روايه_حنين_الليل
#بقلمي_اميره_رمضان
تكملة الروايه من هنااااااا
 قول…){kind=link}
تعليقات
إرسال تعليق