مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت ♥️بقلم سولييه نصار،♥️

-جبت المأذون يا دعاء عشان نطلق ...

قالها ياسر وهو جمب المأذون ...كنت مصدومة لما طلعت من اوضتي ولقيت جوزي وابو بناتي جايب المأذون البيت !!!مكنتش مستوعبة اللي بيحصل ...حسيت اني في حلم سخ*يف او كابوس مخي*ف ...مستحيل  يكون ده اللي حبيته ...مستحيل يكون ده اللي حسيت معاه بالآمان ...بدأت دموعي تنزل وحاولت اتكلم لكن الكلمات وقفت في حلقي كان نفسي اسأل أنا عملت ايه عشان يتخلي عني بالبساطة دي ...كنت مصدومة منه ...عينيه اللي كانت مليانة حب ليا دلوقتي بتبصلي ببرود وفيهم تصميم ...كان مصمم وناوي. ..طب أنا عملت ايه ...صحيح كان فيه مشاكل بيننا الفترة اللي فاتت بس متوصلش بينا للطلاق 

-ياسر ...انت بتعمل ايه ؟!!...

لقيته قرب منه وقال :

-انتي عارفة مين اللي وصلنا لكده ...عارفة كويس يا دعاء ...واظن مشك*لتنا الكبيرة امبارح كانت دليل اني مش هكمل معاكي ....

رجعت لورا بصدمة فكمل هو :

-انا مقدرش اتحمل واقف معاكي ...أنا راجل ليا سمعة وليا بنات من حقي اخاف عليهم مستحيل اخلي حد يتكلم عليهم نص كلمة ...انا اب افهميني ارجوكي ...عشان كده الاسلم اني اطلقك والبنات يتربوا معايا واللي انتي عايزة تعمليه اعمليه ملناش دعوة بيكي ....

-انت عايز تاخد بناتي مني ؟!!!!!!

قولتها بصدمة ...كنت ببكي ...عيوني احمرت من كتر البكا...كنت مصدومة منه ازاي يعمل كده ...ازاي عايز يبعدني عن بناتي !!

اتنهد ياسر وقال:

-انتي اللي وصلتيني أعمل كده بعد الطلاق هكلم المحامي بتاعي عشان اضم الحضانة ليا وهعمل المستحيل عشان بناتي يبقوا معايا 

كنت بعيط بصدمة مش قادرة حتي ارد عليه ...ده مش ياسر ...مش ده اللي حبيته ...سكت شوية وكمل :

-بس طبعا أنا مش قا*سي كده عشان كده في حل تاني ...ممكن منطلقش وتعيشي مع بناتك ومعايا ونرجع اسعد من الاول وبكتير كمان وانا هفضل معاكي للابد بس بشرط!

بلعت ريقي وانا عارفة شرطه ومكنتش اصلا موافقه عليه ...ومستحيل اوافق ...

كمل كلامه ببرود تام :

-تتخلي عن ابوكي ...متساعدوهوش ولا كأنه ابوكي اصلا وانا جهزت نفسي ونسافر بعيد عن هنا ولو حد سألك قولي ان ابوكي ما*ت 

-انت اكيد مجن*ون ...لا اكيد مش طبيعي ده ابويا عارف يعني ايه الانسان اللي وهب حياته ليا رفض يتجوز بعد مو*ت ماما عشاني وعشان متجيش واحدة تبهدلني وده جزاته في الاخر ...

رفع رأسه وقال:

-ابوكي مجر*م مغت*صب وهو اتس*جن دلوقتي مش هسمح ليه أنه يشو*ه سمعة بناتي ويقولوا بعدين جدهم اغت*صب مريضة عنده ...

-اخر*س ...اخر*س انت عارف أنه برئ ...عارف ان بابا ميعملش كده ..انت عارف بابا يا ياسر ازاي تقول عليه كده ...انت عارف ان الست دي اتبلت عليه وعندنا أدلة علي كده ...

زعق في وشي وقال:

-ولو برئ هو خلاص سمعته با*ظت ...حتي لو بانت براءته ده مش هيفيدك يبقي الأفضل تتخلي عنه ...

-مستحيل ...مستحيل اسيب بابا انا هفضل وراه لحد ما براءته تبان لاني واثقة فيه ...

هز كتفه وقال:

-يبقي خلاص انتي اللي اختارتي ...هطلقك وتاخدي حاجاتك وتغو*ري من هنا ومشوفكيش قريبة من اولادي والا اقسم بالله اسج*نك مع ابوكي !!!!

يتبع

#الرجل_المثالي

#سولييه_نصار

الجزء التاني♥️شكرا علي تفاعلكم السكر♥️بقلم سولييه نصار♥️

-يالا عشان تمضي يا استاذة!

قالها ياسر ليا بعد ما الشيخ خلص إجراءات الطلاق ...كنت مصدومة اوووي وحاسة اني لوحدي ...خلاص كده ياسر اتخلي عني ..ده حتي ودا بناتي بعيد النهاردة حرمني أني اشوفهم  يعني اني مضطرة اساعد بابا لوحدي بس مش مهم أنا هعرف اخد بناتي منه ازاي مسحت دموعي وبصتله ببرود وبعدين مسكت القلم ووقعت علي ورقة الطلاق...بصيت في عينيه لقيته اتصدم شوية ...كان فاكر اني في آخر لحظة هوافق علي شروطه ولكن لا بابا اهم عندي من اي حد ...بابا وبناتي هما رقم واحد في حياتي أما ياسر كان معاهم بس بتصرفه ده نزل من نظري اوووي ... مشي المأذون وربعت أيدي وقولت:

-تمام كده اتطلقنا ...يالا اتفضل اطلع من البيت ده ...

ضحك بسخرية عليا ... بعدين مسك أيدي وقال:

-انتِ اكيد بتهزري صح ...لانك انتي اللي هتطلعي من البيت دلوقتي ...

وبعدين جرني وراه بعن*ف وفتح الباب وز*قني برة ...بكيت وصر*خت فيه وقولت:

-هرفع قض*ية عليك ...انت مدتنيش حقوقي !!!

ضحك ...ضحكته عصبتني وقال:

-اعلي ما في خيلك اركبيه !

وبعدين قفل الباب في وشه ...دموعي فضلت تنزل ومشيت ...مفكرتش اخبط عليه تاني واهي*ن نفسي ...أنا عارفة ياسر ...واحد مهم وغني وهيقدر يعمل المستحيل عشان ياخد مني عيالي وكمان ممكن يس*جنني ...بجد ازاي مقدرتش اشوف وشه البش*ع ده ...ازاي الحب عم*اني عن حقيقته دي ...مشيت من قدام البيت ...فضلت امشي في الشوارع لساعات وانا بعيط بس رغم كده كان عندي ثقة بربنا ...عارفة أن ربنا مش هيسيبني ابدا ...هو عارف نيتي السليمة ....عارف ان بابا برئ وانا عارفه وياسر عارف بس للاسف هو قرر يتخلي عني من اول مطب ...حسيت بالبرد وضميت الجاكت بتاعي وبعدين  شوفت الليل بدأ وفكرت اني مينفعش اقعد في الشارع كده ولا حتي ينفع اروح لبيت بابا لاني مش هستحمل اقعد فيه وهو مش موجود ...من غير تفكير ركبت تاكسي وروحت لبنت خالتي وصاحبتي مليش غيرها حاليا ...

......

بعد ساعة...

كنت قاعدة في بيت ميار بنت خالتي وانا متوترة وقولت:

-اسفة اني جيت في وقت زي ده ومن غير ما أبلغك بس ياسر ..

-طلقك صح ؟!

قالتها بحزن وبعدين كملت :

-كنت حاسة أنه انسان وا*طي يا دعاء ...متزعليش بكرة لما تبان براءة دكتور حامد هيجيلك راك*ع اسمعي مني ...

ابتسمت ليها ومسكت ايديها وقولت :

-شكرا يا ميار انتي الوحيدة دلوقتي اللي واقفة معايا ...

ابتسمت ليا وقالت:

-يا عبيطة انتي اختي ...وانا يا ستي هجهزلك اوضة ليكي واقعدي هنا زي ما انتي عايزة ...

ارتحت بسبب كلامها ...ميار طول عمرها انسانة جدعة عشان كده مترددتش اني اروح لها واللي ريحني أن جوزها مسافر ...يارب مشكلتي تتحل قبل ما جوزها يرجع ...

.......

بعد تلات ساعات كلام مع ميار اتعشينا سوا ودخلت انام في اوضتي ...

كنت نايمة علي السرير وشغالة اعيط ...بناتي وحشوني اووي ...ده حتي مدانيش فرصة اشوفهم بس بكرة بإذن الله هشوف المحامي عشان يرفع عليه قضية مش هتنازل ولا أض*عف ...فجأة تليفوني رن ...مسكته ولقيت منة اخت جوزي بترن عليا ...ابتسمت بسخرية وانا عارفة بترن ليه ...رديت ببرود وقولت:

-اهلا ..

-ازيك يا دودو يا حبيبتي سمعت أن اخويا طلقك وطر*دك زي الك*لاب صح الكلام ده ...

حاولت اني متعصبش منها وقولت :

-نعمل ايه يا قلبي ما هو انا اكتشفت اني مكنتش متجوزة راجل لا مؤاخذة طلع خر*ونج ...

حسيتها اتعصبت وقالت:

-الخر*ونج ده يا حبيبتي من بكرة هدورله علي عروسة وهيوافق عليها كمان 

-وماله يا قلبي ما هي اللي سابته الهانم تاخده مساحة السلالم !

وبعدين قفلت في وشها السكة وكملت عياط...

.....

تاني يوم 

روحت زيارة لبابا وحكيتله كل حاجة  ....

بابا اتصدم وسكت ...بعدين بصلي وقال بنبرة غريبة:

-سيبتي بناتك ؟!!

هزيت راسي وقولت:

-لا طبعا أنا هرفع قض*ية عليه و...

-ياسر مش سهل يا بنتي اكيد مش هتقدري عليه وهيح*اربك لحد ما ممكن يس*جنك ...ممكن يد*مر حياتك ...

اتنهد وكمل وقال:

-ارجعي لجوزك واسمعي كلامه ...قولي لكل الناس اني م"ت ...

دموعه نزلت وقالت:

-حرام تد*مري حياتك عشان خاطري !

هزيت راسي وقولت:

-مستحيل يا بابا انت برئ وانا مش هتخلي عنك ابدا ...

قام بعصب*ية وقال:

-بس أنا مش عايزك تساعديني ...ارجعي لجوزك واقولك حاجة كمان أنا مش برئ أنا فعلا عملت كده ..ارجعي لجوزك ..هو عنده حق !!!

يتبع

#الرجل_المثالي

#سولييه_نصار

الجزء التالت♥️شكرا علي تفاعلكم السكر♥️بقلم سولييه نصار♥️

-مستحيل أصدق اللي بتقوله يا بابا ...انت مش كده ولا عمرك هتكون !!!

قولتها وانا ببكي لقيت بابا قعد علي الأرض وفضل يبكي جامد ...قعدت جمبه وحضنته وانا بعيط ...

-اسف يا بنتي أنا خر*بت بيتك ...

-متقولش كده يا بابا هو اللي طلع انسان مش كويس والحمدلله ان ربنا كشفه لينا ...وانا هقدر اخد بناتي منه كويس متقلقش المهم اطلعك انت من المش*كلة دي هكلم محامي تاني عشان للأسف اللي معايا كل*ب فلوس اكتر وانا مقدرتش ادفعها ودلوقتي أنا بفكر في واحد ...

-مين يا دعاء ...

اتنهدت وقولت:

-مصطفي ابن ابن عم ماما  يا بابا ...قريبنا ...أنا قدرت اخد رقمه وهتصل بيه وهو أكيد هيساعدني ...

-يارب يا بنتي. 

........

خرجت من زيارة بابا وانا منه*كة وبعيط ...حاله في الس*جن صعب عليا اوووي أول مرة اشوف بابا ضعيف كده كان هو مصدر قوتي ...دايما كان قوي ومتفائل بس دلوقتي الوقعة دي دمر*ته خالص ...بس جه وقتي أنا اقف معاه ...جه وقتي اكون أنا مصدر قوته ...روحت عند ميار وانا فعلا تعبانة كنت مقررة اخد شاور واكلم مصطفي ...هو محامي كويس ممكن يساعدني وكمان هطلب منه يشوف قصة بناتي ويرفع قض*ية علي ياسر ...فتحت الباب بالمفتاح اللي ادتهولي ميار ولسه هدخل بس اتجمدت في مكاني وانا سامعة حد بيز*عق معاها...ده كان مراد جوزها ...بس اللي سمعته صدمني:

-الله الله يا هانم أنا اسافر واشتغل واجي فجأة عشان الاقي مدام دعاء في بيتي ...أنا مش منبه عليكي ان ملناش دعوة بيها ...ده واحدة ابوها مج*رم واهي اتطلقت احنا بقا نت*بلي  بيها ليه؟!!!!!!

-عيب كده يا مراد وبعدين دكتور حامد برئ وبكرة تشوف ....

-انا مليش دعوة ..

زعق فيها وبعدين قال بعصبية :

-مليش دعوة برئ ولا زف*ت ...اسمعيني لو ممشتيش الست دي من هنا يبقي تطلقي وتغو*ري معاها مش ناقص قر*ف أنا ....

مقدرتش استحمل اكتر من كده ومشيت بسرعة ... 

..    

فضلت ابكي وانا ماشية في الشارع كنت فعلا مخ*نوقة ...مش عارفة اروح فين ...ودلوقتي فعلا مفيش حد بقا معايا بصيت للسما وقولت:

-محدش بقا معايا بس واثقة أنك معايا ومش هتسيبني لاني صاحبة حق ...بحاول متخلاش عن الانسان اللي رباني واداني كل حاجة ...

فجأة عرفت هروح فين ...ليه اتبه*دل وبيت بابا موجود.....

......

دخلت البيت وانا قلبي بينبض جامد كنت عارفة اني هحتاج المفتاح عشان كده احتفظت بيه واهو جاب نتيجة ...اتنهدت ودخلت البيت كانت حالته سيئة جدا ...دخلت علي اوضتي وانا ببصلها بفرحة طفلة وبعدين خرجت من الدولاب هدومي اللي بابا شايلهم كويس وكانوا نضاف غيرت هدومي وبعدين بدأت ارتب البيت كله ....فضلت ساعات وانا برتب لحد ما العشا اذنت ... استحميت وصليت العشا واكلت من الاكل اللي جيبته معايا وبدأت اكل ....بعدين طلعت موبايلي واتصلت بمصطفي اللي عبر عن اسفة للي حصل لبابا وكان عنده استعداد كبير انه يساعدني واداني عنوان المكتب بتاعه عشان يساعدني ...ارتحت بعد ما كلمته ...كده اقدر انام وانا مرتاحة ...كنت متفائلة اووي لما عرفت مصطفي هيساعدني ..روحت علي السرير انام وفتحت النت شوية فجأة جاتلي رسالة علي الواتس لياسر لابس بدلة وجمبه واحدة لابسة فستان ابيض وماسكة ايد بنتي الكبير وهو شايل الصغيرة ...كانت اخته بعتالي الرسالة وقايلة:

-رحبي بأم بناتك الجديدة يا دودو!! 

يتبع

#الرجل_المثالي

#سولييه_نصار

تكملة الروايه من هنااااااا