 |
بارك الله لكما وبارك عليكما وجمع بينكما في خير
كان الجميع سعيد بهذه الجمله ماعدا العريس والعروسه
اتكلم بحده : اتفضلى ياعروسه ولا هتعملى فيها مكسوفه
دخلت وهى كاتمه دموعها بحزن شديد
اتكلم زين بعصبيه وقال : اوعى تفتكرى نفسك هتكونى ست البيت أبدا انتي هنا تنفذى طلباتى وبس انا مستحيل أحبك انا محبتش فى حياتى غير ريتاج وبس انتى قبلتى انك تكونى بديل دى حاجه تخصك بقا
كلامه كان جارح بالنسبه ليها قالت بقوه مصطنعه : انا مجبوره على الجوازه دي زيك بالظبط يعنى مسمحش ليك تتكلم معايا بالاسلوب ده تانى
مسك دراعها بغضب وقال : كمان بتعلى صوتك عليا وبعدين ايه مجبوره دي انتي عندك لسان كان ممكن ترفضى ولا ماصدقتى لقيتى حد يتجوزك ويخلص أهلك منك
زقته بعنف وقالت بدموع وقالت بغضب : بقولك انا مش بطيقك أصلا وهما ال أجبرونى عشان أربى بنتك وانت تشوف حياتك وانا مليش أن اعترض وانت عارف ليه كويس انا بكر"هك يازين ومكر"هتش فى حياتى قدك وانا ال بقولك ياريت منقابلش بعض خالص فى المكان ده طول المده ال هنقعدها مع بعض
دخلت الاوضه وسابته واقف مصدوم من كلامها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
دخلت الأوضه واترمت على السرير وعيطت بشده على حظها وافتكرت كلام أبوها ليها
ليان بدموع : يابابا انت ليه عايز تجبرنى اتجوزه
محمد والدها بحزم : ده ابن عمك ياليان وهو فى ظروف ولازم حد يقف جمبه لازم ينسى مراته ال ما"تت ويشوف حياته وتربى بنته
ليان بحزن : وانا مالى شوفه حد غيرى انا
والدها بحده : وانا عطيت لعمك كلمه وقولتله انك انتى ال هطلعى ابنه من ال هو فيه
ليان بغضب : وانا محدش فكررر فيا وفى مستقبلى
والدها بسخريه : مستقبل ايه ياليان انتي خلاص دخلتى فى ال ٣٠ سنه وفاتك القطر ارضى وخلاص عشان تعيشى خلص الكلام
سابها ودخل أوضته وهي أنهارت وعرفت أن خلاص مفيش مفر
رجعت من تفكيرها وقالت بدموع : بس انا كدابه انا بحبك اوى يازين رغم جر"حك ليا
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
زين كان فى اوضته ماسك صوره ودموعه نازله عليها وقال : مستحيل أشوف غيرك ياريتاج انا عملت كده عشان بنتنا بس لكن انتي ال فى قلبى ومهما عمله مستحيل أنساكى مستحيل
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
فى الصباح
صحيت ليان من النوم ودخلت الحمام اخدت شاور واتوضت وخرجت ادت فرضها وبعد كده خرجت حضرت الفطار ودخلت أوضتها قبل زين مايصحى
زين صحى وخرج من أوضته وشاف الفطار على السفره ابتسم بسخرية وقال فى سره : فاكره نفسها كده هتخلينى أحبها
قال كلامه ودخل البلكونه وقف فيها واتنهد بعصبيه وفجأه جاتله رساله على تلفونه فتحها واتصدم من ال شافه
ووو
يتبع
رايكم يابنات أكمل ولا ايه؟؟
متنسوش ذكر الله ❤️
#خداع_الماضى
بقلمى #هاجر_العفيفى
دمتم فى حفظ الرحمن 💚
شكرا على التفاعل يابنات ❤️ البارت الثانى
زين جاتله رساله وهو واقف متعصب وفتحها واتصدم من ال شافه
كانت صوره لريتاچ وهى فى حضن شخص واقف بضهره اتصدم والتلفون وقع من ايده
ليان كانت داخله المطبخ سمعت صوت حاجه وقعت فى البلكونه دخلت بسرعه تشوف فى ايه واتصدمت لما شافت زين واقف مصدوم ودموعه نازله وبيبص على التلفون بصدمه جريت عليه وقالت بصدمه : زين مالك
زين اترمى فى حضنها بدون وعى منه وفضل يبكى بعنف هى اتصدمت من عملته وفضلت تطبطب عليه بحنان
بعد وقت زين بعد عن حضنها وقال بصوت حزين : اسف بس
قاطعته ليان وقالت بقلق : مالك يازين
زين فاق لنفسه وقال بحده ممزوجه بحزن : وانتى مالك
ليان اتصدمت من رده واتاكدت أن هو مش عايز يظهر ضعفه قدامها اكتر من كده
زين مشى من قدامها وهو قلبه كله غضب وحزن من الخدعه الكبيره ال كان فيها دخل أوضته ورزع الباب بغضب
ليان كانت لسه فى صدمتها فاقت على صوت الباب راحت فتحت وشافت أبوها وعمها ولين بنت زين الصغيره
لين هزت ليان بطفوله
ليان نزلت لمستواها وقالت : انتى لين
لين بطفوله : وانتى مامى الجديده
ليان ضحكت على طفولتها وقالت : أيوه ياروحي انا اسمك قريب من اسمي اووى
لين حضنتها بطفوله
والد ليان : ازيك ياليان
ليان بسخريه : كويسه الحمد لله
عمها : هو فين زين
ليان بعدم اهتمام : فى أوضته يلا ياليلو نلعب انا وانتى فى الاوضه
لين بفرحه طفوليه : يلا ياليلو
والد ليان : احنا هنمشي ولين معانا انتوا لسه عرسان جداد
ليان ضحكت بسخريه : لاء شكرا ليك لين هتقعد هنا معايا على الأقل تسليني يلا ياليلو
دخلوا الاتنين الأوضه وهي قلبها وجعها من أبوها
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
والد زين دخل عنده وقال : ايه يازين عامل ايه
زين وقف بغضب : نعم عايزين ايه تانى مش خلاص عملتوا ال عايزينه جوزتونى واحده مبحبهاش أصلا ومستحيل أحبها عشان تريحوا نفسكم
والد زين : انت عارف يازين احنا عملنا ليه كده عشانك وعشان بنتك
زين بغضب : محدش اشتكى ليكم انا كويس من غيركم ابعدوا عن حياتى بقااااا
خرجوا الاتنين من كلامه وخرجوا من الشقه بأكملها
زين اتنفس بغضب وقعد على السرير وهو بيتوعد ليهم كلهم
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
ليان سمعت كلام زين تانى وهو بيقول أنه مبيحبهاش ومستحيل يحبها دموعها نزلت على حالها
لين الصغيره حطت أيدها على وشها وقالت بطفوله : مامى انتى بتعيتى
ليان ابتسمت وسط دموعها وباست أيدها الصغيره وقالت : لاء ياروحي دي حاجه دخلت فى عيونى تعالي نلعب يلا
لين بفرحه : يلا
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
فى المساء زين كان بيفكر هيعمل ايه وهو مصر يعرف الشخص ال كان مع ريتاچ فى الصوره وكمان مين ال بعت الرساله وليه بعتها فى الوقت ده أسئله كتير كانت فى باله
لين الصغيره جت عنده وحضنته وقالت : بابى وحشتني
زين لسه هيضمها افتكر ريتاچ وشك للحظه أن لين مش بنته زقها بغضب وقال : ابعدددي عنى
لين عيطت وقالت بدموع : بابى
ليان خرجت من الأوضه لما سمعت صوت لين واتصدمت لما شافت زين بيزعقلها وزقها جرين عليها وحضنتها بحنان وقالت بغضب لزين : انت انسان هم"جى ايه ال عملته فى البنت ده مبقتش تميز خلاص
زين وقف وقال بغضب أعمى : اخرر"رسى دي مش بنتى مش بنتتتتتىى
ليان بصدمه
وووو
يتبع
لو ملقتش تفاعل هوقفها يابنات
متنسوش ذكر الله
#خداع_الماضى
بقلمى #هاجر_العفيفى
دمتم فى حفظ الرحمن 💚
شكرا على التفاعل يابنات❤️ البارت الثالث
زين بعصبيه : دى مش بنتتتتى مش بنتى
ليان بصدمه : انت بتقول ايه ايه الكلام الفارغ ده
لين بعياط فى حضن ليان : مامى بابى بيزعقلى ليه معملتش حاده
ليان ضمتها بحنان وخدتها الأوضه وقعدتها على السرير وقالت : متخافيش ياحبيبتى بابى تعبان بس شويه أهدى يلا ونامى
لين فضلت تعيط بشحتفه وطفوله لحد لما نامت فى حضن ليان
ليان باستها بحب وخرجت من الأوضه وشافت زين قاعد مكان وحاطط راسه بين ايديه وحزين راحت وقعدت جمبه
ليان بحده : ممكن اعرف ايه الكلام ال قولته للبنت ده فز"عتها
زين بعدم وعى ودموع : ريتاچ كانت بتخو"ني ياليان بتخو"ونى
ليان اتصدمت وحطت ايدها على فمها بصدمه وقالت : عرفت منين ؟؟؟
زين بعيون حمره من العياط والعصبيه : مش مهم المهم أن كنت مغفل طول الفتره ال فاتت دى كلها
ليان حطت أيدها على كتفه بتردد وقالت بتوتر : ز زين لازم تتأكد بلاش تسرع
زين بص على ايدها وقال بصوت مخنوق : اتأكدت ياليان وكمان انا خايف أن لين تكون مش بنتى
ليان بحزن : اعمل تحليل DNA عشان تتأكد بلاش تتسرع فى الحكم يازين وتخسر بنتك
زين هز رأسه وقال : فعلا لازم اعمل تحليل فى اسرع وقت هاخد عينه من شعرها دلوقتي
ليان : طيب انا هجيبلك بلاش انت تدخلها دلوقتي البنت خايفه منك اووى
زين : تمام
ليان دخلت اخدت جزء بسيط من شعر لين وخرجت أعطته لزين وهو نزل جرى ركب عربيته وطلع على المعمل
🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
زين دخل المعمل وعمل التحليل وعرف ان النتيجه هتطلع تاني يوم خرج ركب عربيته وفضل ماشى فى الشوارع وهو سرحان قاطعه من تفكيره صوت تلفونه وكان المتصل محمود أخوه ال مسافر
زين بتعب : السلام عليكم
محمود : وعليكم السلام ورحمة الله وبركاته عامل ايه يازين وحشتني
زين غمض عيونه وقال بحزن : محتاجك يامحمود اووى
محمود بقلق : مالك يازين انت كويس
زين : هتنزل امتى مصر
محمود : الاسبوع ال جاى بالكتير طب قولى مالك
زين : لما تنزل هتفهم كل حاجه
محمود بخوف : هنزل فى أقرب طياره متخافش
زين : ياريت
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
ليان كانت بتكتب فى مذاكرتها وهي دموعها نازله
(نفسى اعرف سبب انك بعدت عنى زمان يازين واتجوزت أقرب صديقه ليا وانا فى الأخر ال تعبت وفى الاخر جاي بكل برود بتجرح فيا وتشيلنى ذنب انا مليش فيه يارب يشيل حبك من قلبى)
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
تانى يوم
زين صحى من النوم وادى فرضه ولبس كان هينزل أوقفه صوت ليان
ليان : زين
زين وقف على صوتها ولف ليها وقال : نعم يا ليان
ليان بتوتر : ك كنت عايزه أقولك حاجه
زين : بعدين بعدين انا نازل دلوقتي اجيب نتيجة التحاليل
وفتح الباب ولسه هيخرج شاف أخوه محمود
محمود بلهفه : زين وحشتنى
زين حضن أخوه بحب واشتياق
ليان شافت محمود واتصدمت : مش معقول انت !!!!!
ووو
يتبع
تفاعل يابنات ❤️ توقعاتكم
متنسوش ذكر الله❤️
#خداع_الماضى
بقلمى #هاجر_العفيفى
دمتم فى حفظ الرحمن 💚
تكملة الروايه من هنااااااا
تعليقات
إرسال تعليق