 |
كنت قاعدة لوحدي في البيت ..بابا وماما كانوا في مشوار واخويا كان سهران في الشغل ...انا كدة كدة مش بخاف من القاعدة لوحدي فا دخلت الاوضة وقفلت الباب وقعدت .
قعدت شوية مش كتير في الاوضة وسمعت صوت حاجة وقعت علي الارض ...واضح أن الصوت كان من المطبخ يعني.
دخلت المطبخ كنوع من أنواع الفضول.
دخلت لقيت في طبق وقع واتكسر قولت يمكن كان محطوط غلط.
لميت الازاز ودخلت الاوضة تاني..مكنتش خايفة نهائي يعني.
بعدها بشوية سمعت صوت الباب بيفتح .
قولت ماما وبابا وصلوا ..كسلت اخرج بصراحة .
بعت لبابا مسج علي موبايله قولت له 'جيبت اللي اللبن زي ما قولتلك '
لقيته بعت بيقولي :"ما قولتلك يا سيرين لما اروح هديكي اللبن '
استغربت وقولت له:'يعني انت موصلتش !'
بعتلي وقالي :'بطلي هزار يا سيرين احنا لسة في المواصلات '.
خوفت المرة دي وقولت له:'بابا بطل هزار بقا يعني انت موصلتش '
قالي :'والله يا سيرين مروحتش ويلا بقا انا هقفل النت'
حسيت بخوف شوية بس جرائتي كانت أكبر من خوفي وقررت اني هخرج اشوف مين اللي برا أو ايه اللي برا !
خرجت لقيت بابا وكان لابس نفس اللبس اللي كان لابسه وهو خارج ..قولت له :ما انت وصلت اهو يا حاج امال بتحور عليا ليه ..
دخل المطبخ من غير ما يرد عليا وفجأة اختفي ...مش من المطبخ بس لاا.
اختفي من البيت كله ...اتصلت ببابا وقولت له :انت فين يا بابا .
بابا :يا سيرين قولت لك في المواصلات .
سيرين بخوف:امال ..امال مين اللي كان هنا ده .
وفجأة صر"خت سيرين :الحقني يا بابا .
يتبع .....
عمركوا ما شوفتوني في الرعب صح ؟😈
رايكم بقا وأكمل ولا لا ..😉🔥
#لعنة_سيرين
بقلمي #Malak_mohamed
فجأة صرخت سيرين : الحقني يا بابااا .
ابوها :سيرييين ..مالك يا بنتي سيرييين .
سيرين اول ما شافت شبيه ابوها دخلت جري علي الاوضة وقفلت الباب...
وردت علي ابوها في التلفون وهي بتقوله بهمس وصوتها مرتجف:يا بابا ..في ..في واحد شبهك برا وعينه كانت حمرا ..بصلي بشر يا بابا ..انا خايفة ابوس ايدك الحقني ..انا ..انا دخلت اوضتي وقفلت الباب من جوا بس ...
ملحقتش سيرين اكمل الجملة وفي ترزيع علي الباب من برا ...
بصت سيرين من العين السحرية بس ملقاش حد ..وأبوها كان بيقولها :طب ..طب أهدي يا سيرين كل حاجة هتبقي تمام ..انا خلاص قربت اوصل البيت استنيني .
وقفل معاها المكالمة ...سيرين كانت مي"تة من الخوف وفجأة الصوت وقف برا خالص والهدوء كان العنوان .
فتحت سيرين باب الاوضة ومن غير ما تبص فتحت باب البيت وخرجت تجري علي السلم من غير تفكير .
فضلت تنزل ..تنزل ..تنزل بس السلم مش عايز يخلص رغم أنهم في الدور الأول يعني !
وفجأة بتبص علي الشقة لقيت شقتهم اللي قدامها !
ازاي بس وهي نزلت علي السلم ...حاولت انزل تاني وخرجت من باب العمارة لقيت نفسها دخلت بيتهم تاني ..
خلاص سيرين معدش ليها حل تاني لازم تقعد في الاوضة وتقفل علي نفسها تاني ...
دخلت سيرين الاوضة واتصلت بابوها.
ابوها :الو ..أيوة يا سيرين يا حبيبتي ..انا خلاص قدام بابا العمارة متتحركيش من عندك .
سيرين :خلاص ماشي يا بابا .
طلع ابو سيرين ومعاه امها وفتحوا الباب ودخلوا اوضة سيرين بس المفاجأة أنهم ملقوش سيرين !
يتبع ...
Part2️⃣
#لعنة_سيرين
بقلمي #Malak_mohamed
دخلوا اوضة سيرين بس المفاجأة أنهم ملقوش سيرين!
قعدوا يدوروا علي سيرين في كل مكان في البيت حرفيا .
بس مفيش ..كان سيرين فص ملح وداب .
نزلوا بلغوا الشرطة علشان يدوروا عليها جايز تكون اتخط"فت ..
الظابط قالهم يروحوا علشان ملوش لزوم أنهم يقعدوا .
بس سيرين كانت في البيت !
سيرين لما كانت بتكلمها والدها جاتلها فكرة أنها تدخل جوا الدولاب وتقفل علي نفسها من جوا .
بس دخلت ومخرجتش ! ..امها وأبوها فتحوا الدولاب ودوروا فيه كتير بس هي مكنتش موجودة .
بيتهم ده هما ساكنين فيه جديد ...بس واضح جدا أنه مسكو"ن .
امها وأبوها ناموا بعد معاناة وعياط كتييير .
سيرين كانت بتصرخ وبتقول :بابا ..بابا ..الحقنييي بموووت ابوس ايدك الحقني .
ابوها :انتي فيين يا سيرين ..يا سيرييين .
وفجأة ابوها صحي من الحلم .
ام سيرين :اسم الله عليك يا حبيبي ...أهدي ..أهدي .
خرج علشان يشرب ماية ..لقي سيرين واقفة في المطبخ مش بتتحرك وعينيها حمرا جامد وشعرها منكوش ولابسة ابيض .
ابوها اتخض وقالها :سيرين !
وفجأة سيرين اختفت ..أو اللي كان فاكرها سيرين .
ابوها اتفزع ودخل حكي لمراته اللي حصل ...بس كالمعتاد مراته افتكرته بيخرف علشان خاطر سيرين بنته مش لاقيها !
قالت له:أهدي يا اخويا ووحد الله يمكن بيتهيالك ولا حاجة .
وفجأة سمعوا صوت ضحكات متتالية مرعبة ..وصوت سيرين وهي بتقول :الحقوني ابوس ايديكو الحقوني .
دخلوا مكان الصوت لقوا عروسة في الأرض ومتغطية د"م !
يتبع ....
رايكم فيا في الرعب !
انفع في كتابة الرعب مش كدة 😈🔥
#لعنة_سيرين
بقلمي #Malak_mohamed
تعليقات
إرسال تعليق