 |
غرام الفهد
الفصل السادس وعشرون
ليث بعصبيه : جيسي يلا نطلع من الزفت المكان ده
جاسمين : ليش
ليث : هقوم اضرب كل اللي بيبصولك وانتي حره
جاسمين : اوف راح قوم
وذهبوا الي السياره وكانت تجلس حزينه
ليث : مالك يا جيسي
جاسمين بعصبيه : كل مكان عم نروحه نتركه انت مو رومانسي نهائي انا عن جد ما عاد بدي اخرج معك ليث
وقف ليث السياره وشدها لحضنه
ليث : بغير عليكي يا قلب ليث انت اتضايقتي اما ضربت واحد فبمشي عشان مضربهمش واضايقك قولي عايز ايه وانا اعمله ليكي بس ياريت بلاش اماكن مزدحمه
جاسمين بتفكير : بدي اركب موتور واصرخ من مكان عالي واسمعك وانت بتقولي بحبك بصوت عالي
ليث مقبلا جبينها : حضري نفسك بكره بليل لكل ده
جاسمين : هييه اكتير متحمسه
ليث : بس انا عايز تمن لكل ده
جاسمين : شو بدك
ليث : بوستين لكل طلب
جاسمين : عنجد انت منحرف ماراح يصير
ليث : ليه بس يا جيسي مش انا حبيبك
جاسمين : حبيبي لكن ماراح بوسك
ليث متصنع الحزن : انتي حره
والتفت يشغل السياره ليذهب فشعرت بحزنه
جاسمين : ليث
ليث : امممم
جاسمين : ماتضايق
ليث : مش مضايق
وضعت يداها علي يده قبل ان يشغل السياره ومسكت وجهه وادارته وقبلته وهو قربها اكتر وبعد وقت بعدوا ووضع ليث جبينه علي جبينها
ليث : بحبك يا جيسي
جاسمين : انا بموت فيك يا ليث انت اول حب واخر حب اذا افترقنا بوعدك ماراح كون لغيرك حتي لو انت لغيري
ليث : مستحيل اكون لغيرك يا مجنونه
************************
في قصر الشافعي
ايسيل وهي تحتضن غيث : وحشتني يا غيثو اوي
غيث : وانت اكتر يا قلب غيثو
رعد الصغير : لو فهد شافها الله يرحمها هي واخوها
عشق الصغيره : هههههه انت هتقولي هيصور قتيل
رعد : ضحكتك حلوه يا عشقي
شغف : اوفر خالص مهي بتضحك علي طول
رعد : هي اصلا حلوه في كل حالتها بس مشرقه النهارده
عشق بخجل : رعد الله
شغف : انا هتشل من الاوفر اما امشي
سلم غيث علي الكل وتعرف علي عمار وعائلته وجاء عند شغف التي عبثت كالأطفال
غيث بأسف : اسف يا شغف كان غباء وتهور واللهي ياريتني سمعت كلامك من الاول
شغف بغيظ : عارف لو سمعت كلامي لا فهد كان فهم غلط ولا ايسيل خسرت ابنها ولا سابوا بعض يخربيت شكلك انت بوظت الدنيا يا غيث وانا اللي مفكره اني غبيه ومتهوره طلع اغبي مني ومتهور عني بس يالا المسامح كريم وانا مش كريم انا شغف
ضحك الكل ومد غيث يده
غيث : خلاص زي ما احنا اصحاب
نظرت شغف ليده علي دخول فهد الذي رأي غيث ومدت يداها
شغف : احنا اصلا اصحاب يا عم اشطاات
فهد بغيظ : اهلا بغيث باشا
رعد الصغير : دا قال كده عشان شافه امال لو شافه وهو بيحضن ايسيل
عشق : هههههههه
غيث بضيق : اهلا بفهد باشا
رعد الصغير : واضح ان القلوب عند بعضها
شغف : غيث وفهد انتوا الاتنين غلطتوا كتير اوي وفي حق نفس الشخص وهي ايسو ولو مفكرين انها مبسوطه بمعاملتكم او عادي لا انت كل مره بتأذوها اكتر بمعاملتكم
نظروا لها وجدوا الحزن بادي علي وجهها فسلموا علي بعض وذهب فهد وقبل جبينها
فهد : اسف
ايسيل بابتسامه : عادي
جلسوا جميعهم
رعد الكبير : فين اسد ونور
عشق الكبيرة : هما راحوا للدكتور عشان نور تعبانه شويه
عشق الصغيره : نور مالها يا ماما
عشق : اهدي يا حبيبتي مفيش حاجه وزمانهم جايين
اومأت برأسها والقلق بادي عليها فاحتضنها رعد امامهم
رعد : هتكون كويسه يا عشقي
***********************
في مستشفي الشافعي
دخلت نور للفحص الطبي وبعد وقت خرجت لاسد مع الطبيبه
اسد بقلق : خير يا دكتوره
دكتوره : طبيعي يا استاذ اسد اللي حصل معاها
اسد باستغراب : ليه
نور : اسد اببنا هو اللي بيعمل في كده
اسد : ايه
الدكتورة : مبروك مدام نور حامل
اسد بفرح : شكرا يا دكتوره عن اذنك
واخذ نور من يداها وفور خروجها حضنها امام المستشفي وحملها فضحكت هي وتوجههوا للقصر
وصلوا للقصر في نفس وصول ليث وجاسمين ودخلوا اربعتهم فجرت عشق والدموع تظهر في اعينها
عشق ودموعها تنزل : نور مالك يا حبيبتي
نور وهي تمسح دموعها : انا كويسه يا حبيبتي بتعيطي ليه بس
عشق : خايفه عليكي
اسد وهو يشد ذراعها : يا مجنونه تقومي تعيطي
عشق : توأمي يا عم
اسد بمزاح وهو يضع يده على كتفها : يعني انتي عايزه تفهميني لو فهد اضرب بالنار رعد هيتأثر
رعد بمزاح : لا واللهي يابني دا انا ههدي العيله بس
ضحك الكل علي مزاحهم
عشق : اسد هو انت بتهزر زينا عادي
اسد وهو يشد اذنها : بطلي لماضه يا طفله دا منظر واحده هتبقي خاله
عشق : عااااا قول واللهي
استوعب الكل وفرحوا وباركوا لهم وكانت الجو ملئ بالسعاده
فهد بهمس : عقبالنا يا قلبي
ايسيل بخجل : فهد
ليث : اونكل رعد ممكن اخد جيسي بكره مشوار
رعد الكبير : ماشي بس ممنوع التأخير
ليث : حاضر عن اذنكم
رعد الكبير : وصلي ليث يا جيسي
جاسمين : حاضر
وذهبوا الاثنين للخارج سويا حتي السياره فمسك يداها وقبلها
جاسمين : نحنا بالشارع ليث
ليث بحب : وايه يعني يا روح ليث
جاسمين : واللهي جد
ليث : ايه دا بقينا نتكلم مصري
جاسمين : انا اتعلمت من ايسيل وشغف هون
ليث : خلاص كلميني مصري علي طول
جاسمين : اشطااا
ليث : لا ارجعي كلميني لبناني
جاسمين : ههههههه انا حبيت المصري وبعدين امي مصريه وابي مصري واترك اصدي سيب ايدي بقي
ليث : خلاص ادخلي وانا ادور علي واحده امسك ايديها
نفضت يده ورفعت يداها الاثنين ومسكت لياقته
جاسمين بتوعد : انت عارف لو فكرت في كده يا ليث بقتلك بدم بارد حتي لو بعدنا انت تفضل تستناني لحد ما تبقي عجوز مفهوم
التفت حوله ورأي عدم وجود حراس فشدها من خصرها وقبلها ثم بعد
ليث : بحبك يا قطتي وانتي شرسه
جاسمين : انت قليل الأدب يا ليث وتركته وجرت فضحك بشده علي معشوقته
ليث : بعشقك يا قلب ليث وذهب الي القصر غافلا عن حبه الذي سحبه لطريق حرام
دخل القصر وهو يصفر مما ذهل الجميع
يارا : لارا ابنك شكله اتهبل
لارا : اي واللهي ليث بيضحك ويصفر
جاسر بضحك : ليث باشا مزاجه رايق لا اله الا الله
مالك : ليث يا ابني انت كويس
ماسه : ليث يا حبيبي انت اتهبلت
ضحك الكل وحتي ليث مما زهل الكل واتسعت اعينهم
ليث : يا ابو ليث انا عايز اتجوز
ادهم : ما انت هتخطب يا ليث
ليث : انا مش عايز اخطب انا عايز اتجوز علي طول
بيبرس : مستعجل ليه يا بني
ليث : بحبها يااخي
يئوت : حد يقرصني دا ليث بيعترف انا بحلم
يحيي وهو يقرصها : مش بتحلمي
يئوت : عاااا ايدي
ضحك الكل
عدي : ادهم كلم رعد يسرع الموضوع
ليث : يسلم دودي
ادهم : هكلمه
******************
في قصر الشافعي
بعد ذهاب غيث وتوديعه للكل وذهاب عمار وهمس للنوم تكلم رعد
رعد الكبير : فهد اللوا كلمني وقال خطوبه ابنه بكره
فهد : اممم قالي وعازمنا كلنا
رعد : اكيد مش هنروح كلنا
فهد : رعد ايه رأيك تيجي انت وعشق معايا
رعد الصغير : اشطااا نيجي
رعد الكبير : حد تاني عايز يروح
رفض الكل
فاردف خلاص رعد وعشق وفهد وايسيل يروحوا يلا يا عشقي ننام
اومأت فمسك يداها وذهب لاعلي وكذلك الكل
*************************
في غرفة اسد
كانت نور تستفرغ مره اخري واسد بجانبها وحزين علي حالتها وعندما هدأت اخذها للسرير واجلسها علي قدمه
اسد : انتي كويسه
اومأت برأسها
اسد بعصبيه : لا مش كويسه ان كان الجنين اللي في بطنك هيتعبك كده فمش عايزه فاهمه انت اهم عندي منه ومن عشره زيه
لم تمسك نور نفسها وضحكت بشده
نور : بتحبني اوي كده
اسد بحب : واكتر يا نوري......بعدين اصلا مش بحبه اولا هياخد جزء من حبك ليا وهياخد اهتمامك كمان وفوق كل ده بيتعبك
نور وهي تكور وجهه بيداها : يا حبيبي كأنك بتتكلم عن واحد كبير دا لسه عمره شهرين مش اكتر وبعدين انت غيور اوي وبتقلق كتير اي واحده بيحصلها كده لو كل واحده نزلت ابنها عشان الاعراض دي فمحدش هيخلف اصلا اهدي انت ومتقلقش
اسد بتنهيد : حاضر يا نوري
*********************
في غرفة رعد الصغير
خرجت عشق من الحمام بعدما بدلت ثيابها ولم تنظر له فلاحظ ذلك وذهبت تمشط شعرها
رعد : عشق
عشق : لا رد فهي تريد ان تختبر رده فعله
رعد : عشق
عشق : لا رد
كان رعد سيتعصب ولكنه تذكر خوفها منه فقرر ان يثبت لها أنه تغير
رعد بهدوء : مش هتردي طيب هوريكي
دب الخوف بقلبها ولكنها تماسكت لتري رد فعله وتفاجأت به يشدها ليجلسها علي قدمه فشهقت
رعد : عشق
لم تجب فاقترب منها وقبلها ففتحت اعينها بشده
رعد : عشق
لم تجب فقبلها مره اخري
عشق : انت قليل الأدب علي فكرة
رعد : اتكلمتي يعني ودا من يوم ورايح عقابك لو مردتيش فاهمه يا عشقي
عشق : دا انت بقيت قليل الأدب اوي يا رعد
رعد بغمزه : وسافل كمان....... زعلانه ليه بقي
عشق بتذمر طفولي : عشان وافقت نروح من غير متاخد رأيي هو انا رجل كرسي
رعد : انا اسف لو مش عايزه تروحي هقوله ومنروحش
عشق بحب : انا اروح معاك النار يا رعد ومزعلش
حضنها رعد وقبل عنقها وهمس بحبك
عشق : وانا كمان...... تعالي اما اختار لبسك بتاع بكره وتختار لبسي ايه رأيك
رعد : يلا وحملها وهو يقف
عشق بشهقه : رعد نزلني
رعد : لا يا حبيبتي اخاف رجلك توجعك
ضحكت عشق بشده ونظر لها وابتسم ثم وضعها علي رف وبدأ يريها بدلاته وهي ترفض وترفض وترفض
رعد : عشق انا وريتك حوالي عشره وانت رفضتيهم
عشق : خلاص استني
ونزلت اخرجت بنطلون ابيض ضيق وبليزر ابيض وتيشيرت رصاصي وحذاء ابيض
عشق : ايه رأيك
رعد مقبلا وجنتها : روعه يا عشقي
وبدأ يختار فستانها ثم سحب واحد رصاصي طويل حملته تلتف حول رقبتها جميل جدا
عشق بفرحه : كان نفسي تختاره اوي عارف ليه
رعد بحب : ليه يا قلبي
عشق : عشان انا وايسو جبنا نفس الفستان انا رصاصي وهي ابيض انا هكلمها واقولها تلبس بتاعها هييه
وكلمت ايسيل التي سعدت مثلها بعدما قفلت معها نظرت لرعد الذي ينظر لها بعشق
عشق : رعد يا حبيبي مالك مبلم ليه
رعد : بتفرج علي قمري
عشق وهي تعقد يداها : وفين قمرك دي
شدها رعد وذهب للمرآه وجعل ظهرها يواجه صدره ووضع رأسه علي كتفها واشار عليها
رعد : دي قمري وعشقي وحياتي
ابتسمت عشق بحب له وشعر هو انه ازال الخوف منه من اعينها فالتفتت وحضنته وهو بادلها وهو في غايه السعادة
*********************
في غرفه فهد
ايسيل : هيه وهلبس انا وعشق زي بعض
فهد : اهدي يا حبيبتي بطلي لعب العيال ده
جلست ايسيل علي قدمه وحاوطت رقبته وقلبت وجنته
ايسيل : عشان اما تخلف مني تفتكر اني اول طفلة ليك
فهد وهو يحاوط خصرها : انتي اول طفلة واول حب واول دقه واكيد الاخيره بدونك اموت
ايسيل بدلع وهي تقبل شفايفه : انا اصلا مش هسيبك ولا هسمحلك تسيبني زي الاول مفهوم
فهد : ايسيل انتي قد اللي بتعمليه فيا
ايسيل بضحكه : قده ونص يا عشقي الاول والاخير
فهد : انا عشقك......اومأت برأسها.....وانتي غرامي
ايسيل بابتسامه : غرامك يا فهد
فهد : اي يا ايسيل انا الوقتي انتحر لو بعدتي عني انا اغرمت بيكي يا ايسيل
حضنته ايسيل بدموع : انا خايفه يا فهد حاسه قصتنا مش هتكتمل
فهد : هششش ان شاء الله هتكتمل يا ايسو وهنعيش سوا ونخلف بنت
ايسيل : لا انا عايزه ولد
فهد : ولد لا عشان تحبيه اكتر مني
ايسيل : وبنت عشان تحبها اكتر مني
وضحكا الاثنان بشده
ايسيل وفهد : اوعدك في حياتي ما هحب حد قدك ولا حتي ولادنا بحبك يا عشقي /غرامي
وضحكوا الاثنين وحضنته ايسيل ثم حملها هو واتجهه للفراش ونام وهي بحضنه
********************
كده خلص الفصل السادس وعشرون
بقلمي / سماء أحمد
غرام الفهد
الفصل السابع وعشرون
في صباح يوم جديد
استيقظت ايسيل وهي في حضنه ونظرت له وجدته ينام بهدوء
ايسيل : فهدي يا فهدي قوم بطل كسل عشان شغلك
فهد بنوم : يا قلب فهدك سبيني انام شويه
ايسيل : حبيبي يا ناس رومانسي حتي وهو نايم واللهي بحبك........ انت حلو اوي يا فهدي يا عشقي انت عارف ساعات بفكر لو مشفتكاش يوم موت دموع او انت اتجوزت سحاب وسبتني كنت هموت يا فهد انا مقدرش اعيش بدون حبك وحنانك يا فهدي يخربيت كده انا بحبك اوي ليه مش عارفة يا فهد ببقي عايزه اصحيك عشان اقولك بحبك ومستعده اقول لكل الناس بحبك قوم يا كسلان
رفعت ايسيل نفسها ولكنها وقعت فوقه وشعرها ضايقه بشده ففتح عيونه وجدها فوقه وشعرها يغطي وجهها وكانت ستقوم فمسكها بيد وباليد الاخري اعاد شعرها ورأ اذنها وجدها تضحك بشده
ايسيل : ههههههه انت صحيت يا كسلان بس تصدق شكلك حلو اوي وانت صاحي مضايق ههههههه يا خواتي ع الوسامه انا لو مكان ماما عشق كنت خبيتك من الناس ومكنتش هجوزك خالص كأن في حد يبقي عنده الحلو ده ويسيبه انا لو مكانها كنت هبقي ام شريره ههههههه
كان يبتسم وهو يري ضحكتها وغمازاتها ومسك ذقنها وقبل كلتا غمازاتها وشفايفها فابتسمت هي
ايسيل بهمس : بحبك يا فهدي
فهد : وانا بموت فيكي يا قلب فهدك يا اجمل ما رأت عيني
ايسيل : انا بحببببك اكتر ما انت بتحبني وانا متأكده
فهد : انا اكتر وانا متأكد
ايسيل بعند : لا انا وانا متأكده
فهد : انا اكتر
اغتاظت ايسيل وبعدت عنه ووقفت ووضعت يداها بخصرها
ايسيل : قولت انا
ضحك ايسيل علي هيأتها فكان شعرها ينزل علي عينها وهي تنفخه وبرمودتها الصفراء الطفوليه وبلوزتها البيضاء التي عليها سبونج بوب فكانت طفله
فهد : انا بحبك اكتر يا ايسيل
ايسيل : قولت انا
وقف فهد ونظر لها وانحني وحملها ودار بها
فهد بصوت عالي سمعه كل من بالقصر : بحببببببك ياااا ايسسسسيل بحببببببك
ضحكت هي واجتمعت الدموع في اعينها وعندما توقف عن الدوران حضنته
********************
كان رعد يجلس ويقرأ كتاب في مكتبه فسمع صوت ابنه وابتسم وجد عشقه تخبط فسمح لها بالدخول فدخلت وجلست علي قدمه وقبلت وجنته
عشق : سمعت فهد شكله اتهبل
رعد : هههههه الواد عشق زيي
عشق : بس حبيبي عاقل مش مجنون زي فهد
رعد وهو يرفع حاجبه : لا يا شيخه مش انتي كنتي تقولي فهد اعقل واحد في ولادك
عشق : هو الواحد اما يحب كده يا عيني بيتهبل
رعد : هههههه يعني انا اتهبلت اما حبيتك
عشق : لا يا حبيبي انت من قبلها وانت كده من يوم ما عرفتني وانت بتتصرف زي الاطفال
رعد : انا بردك
عشق : اي مش انت اللي لعبت معايا بالميه وكنت بتجري ورايا كمان ولعبت بالالوان اما كنت برسم صح ولا لا
رعد : مش انتي لسه قايله اللي بيحب بيتهبل وانا عشقتك من اول ما شوفتك عايزه اكتر من كده
عشق : هههههه نستني انا جايه ليه يلا عشان الفطار
رعد وهو يقبلها : يلا يا قلبي
************************
كان الكل ينزل تدريجي وهم يضحكوا
رعد الصغير : فهد اخويا اتهبل
عشق الكبيرة : اسكت ليسمعك
نزل فهد وهو ممسك بيد ايسيل وجلس وهي جلست بمكانها وبدأوا يأكلوا
نور بهمس : القصر كله سمع اعتراف الفهد ليكي
خجلت ايسيل بشده ونظرت لفهد الذي غمز لها
عشق بهمس : حتي الخدم وكانوا مزهولين انتي بتعملي المعجزات
ايسيل وهي تقف : الحمد لله عن اذنكم
عشق وهي تمسك يداها : احنا بنهزر يا ايسو
ايسيل بابتسامه : عادي يا بت بس انا مش جعانه
فهد : امممم طيب يلا عن اذنكم
عدي : رايح فين يابني
فهد : هاخد ايسيل مشوار هنيجي قبل الحفله ابقي اجهز يا رعد
رعد الصغير : تمام
ذهب فهد وقبل يد وجبين امه وجبين اخته ويد اباه
فهد : سلام
ومسك يد ايسيل وذهبوا
همس : ربنا يفرحك يا فهد ويغير صقر ابني
شغف : اكيد مش هيكون زي ما فهد كان
عمار : اسوأ من فهد بكتير يا شغف ربنا يهديه
الكل : يارب
*********************
وصل فهد وايسيل لمنزل جميل محاط بسور
ايسيل : وااااو شكله حلو اوي بس حاسه اني جيت هنا قبل كده
فهد بحزن : اي جيتي تعالي ندخل وهتفتكري
ودخلوا سويا فتجمعت دموعها وتذكرت انه نفس المنزل الذي خسرت فيه ابنها
فهد بحزن : انا اسف ان......
وضعت يداها علي فمه وقالت انسي يا فهد انا نسيت ومش فاكرة غير حبي ليك وحبك ليا وبس
قبل يداها واخذها للطابق الاعلي
فهد : هنا اربع اوض انا عملت واحده لينا وواحد بناتي وواحده صبياني وواحده اضافي
ايسيل : الله جميل اوي
فهد : طيب تعالي نغير هدومنا عشان ننزل الجنينه الفطار جاهز تحت
ايسيل : بس انا فطرت
فهد : قولي واللهي
ضحكت ايسيل وغيرت ملابسها لاخري منزليه وكانت مصدومه بأنه كان هناك الكثير من الملابس منزليه وخروج وذهبت وجدته بدل ملابسه هو ايضا ويقف ينتظرها فحضنته من ظهره فالتفت وحضنها وقبل جبينها
فهد : يلا ناكل
اومأت برأسها
وذهبوا اكلوا ثم امر الخادمه بأخذ الطعام وامرها بالذهاب لمنزلها وجلس هو وايسيل تنام ورأسها علي احدي ارجله المنحنيه قليلا ويلعب بشعرها ويقبل جبينها
ايسيل : فهدي
فهد : قلبه
ايسيل : احنا هنفضل قاعدين كده قوم نتسلي ايه رأيك نسقي الزرع
فهد : يلا يا قلبي
وذهبوا ومسكت الخرطوم وبدأت في سقي الزرع وهو ينظر لها ويبتسم علي طفولتها فرأت نحله تقترب منها صرخت وتركت الخرطوم فذع فهد وجري لها
فهد : مالك يا قلبي
ايسيل : شوفت نحله
فهد رافعا حاجبه : نحله
ايسيل : هههههههه اي نحله ههههههه
فهد : بتضحكي وانا قلبي كان هيوقف من الخوف عليكي ماشي
وجري وهي جرت فمسكها
ايسيل : هههههههه اسفه يا فهدي
رجعت للوراء قليلا خوفا منه فخبطت الخرطوم فاستند علي جدار الازهار وغرق الماء ايسيل وفهد فضحكت ايسيل ولكنها رأت عيونه تسود كثيرا جدا فخافت وجائت لتمشي مسك كتفها وجذبها ليصطدم ظهرها بصدره وحملها وهي كذلك فضحكت وضحك وهو يدور بها ثم توقف ونزلها فالتفتت له وحاوطت رقبته وهو حضنها ورفعها عن الارض وقبل عنقها
وبعد وقت كانوا بالمطبخ بعدما بدلوا ملابسهم وهي تفعل فشار لهم وهو ينظر لها
ايسيل : يا عم بطل تبصلي كده
ووضعت يداها علي اعينه فرفعها لتجلس علي المطبخ وهو امامها
فهد : بحب ابص للملاك ده عندك اعتراض
ايسيل : وانا اطول الحلو ده يبصلي
ضحك فهد بكل صوته فمسكت ايسيل وجهه وقبلته فابتسم فهد
فهد : حبيبتي بقت جريئة اوي
ايسيل : يا روح حبيبتك ضحكتك تجنن اضحك علي طول
فهد : انا بضحك لحبيبتي وبس
ايسيل : طيب يلا نروح نسمع الفيلم
فهد وهو يحملها : يلا
ايسيل : الفشار
فهد : خديه
فأخذته وفهد يحملها وذهبوا وجلسوا يشاهدوا الفيلم سويا ومر اليوم سعيدا ثم عادوا للقصر وذهبوا لغرفتهم وتجهزوا للحفله
كان فهد يرتدي بنطلون اسود ضيق وتيشرت ابيض عليه رسومات سوداء وبليزر اسود وحذاء ابيض عليه نقوش سوداء وصفف شعره الاسود ووضع برفانه الذي يأثر القلوب وخرج لايسيل وجدها تقف امام المرآة وترتدي فستان ابيض رائع وتحاول ان تلم شعرها واخيرا فعلته لكن تمرد خصلات
ايسيل : يووه انا لسه هفكه تاني
فهد : سيبيه شكله حلو
ايسيل : بجد
فهد : اي
ايسيل : الله شكلك حلو اوي البنات هتعاكسك يا فهدي روح غير
فهد : هههههه وانا خايف تتخطفي مني
ايسيل : محدش يقدر يخطفني منك الا الموت
فهد : بعيد الشر عنك يا قلبي ربنا يجعل ساعتي قبل ساعتك
وضعت ايسيل يداها علي فمه وتجمعت دموعها ونزلت تدريجي
ايسيل : متقولش كده تاني مفهوم يارب تجعل ساعتي قبل ساعتك لاني مقدرش اكمل من غيرك
فهد مقبلا جبينها : يلا
وخرجوا سويا رأوا رعد وعشق
عشق وايسيل : واااااو شكلكم حلو اوي فضحكوا سويا
فهد : يلا يا مجنونه منك ليها
ونزلوا الاربعه سويا
*********************
في الاسفل
كان عمار يتحدث مع صقر هو والكل
عمار : يابني افتح الكاميرا نشوفك
صقر ببرود : مانت هتيجي كمان كم يوم يا عمار مش ضروري تشوفني
ضحكت همس
عمار : بتضحكي علي قلة ادبه وبروده
رماح : يعني هتتعرف عليه يا بابا وبعدين احمد ربنا انه هيتكلم معاك
عشق : صقر انزل يومين نشوفك
صقر : المفروض تخافي مني يا عشق
عشق : ليه بقي
صقر : هي امي مقلتلكيش بالعربي كده عيني زايغه وانت حلوه وبنتك اكيد شبهك وكمان عندك مراتات ولادك
اطلقت شغف صفيرا مفاجئ
شغف : الله عليكم وجرت تحضن فهد ثم رعد
فهد : بتكلموا مين مضايقكم
شغف : ابن خالك البارد
سمعها صقر واشتعل فمن تجرأ علي شتيمته ومسك فهد الفون
فهد : سمعني قولتلهم ايه
صقر ببرود : قولتلهم يخافوا مني علي نفسهم
فهد : افندم
صقر : عشق عايزاني اجي وقولتلها انها حلوه وبنتها اكيد زيها ومراتات ولادها
فهد : الله يحرقك الف مره يا صقر الشرقاوي
صقر : ويحرقك معايا يا فهد الشافعي..... عارف انت الوحيد اللي بسمحله يقولي كده لانك اغلي عندي من رماح وريان وحتي عمار اللي عندك
فهد : بس في حد خاد مكانك وبقي القمه يا صقر
صقر : مين يجرأ
فهد : ايسيل يا صقر
صقر : عارف يا فهد لولا ما هي اللي غيرتك اقسم بالله كنت قتلتها عشان بقت اغلي واحده في حياتك
شهقت ايسيل بخوف
فهد وهو ينظر لها : انا احميها يالا بحياتي كلها
صقر : وانا احميك واحميها يا صاحبي
شغف : يا هموسه ايه الولا اللي مخلفاه ده
صقر : ولا مين البت دي
شغف : ليه هتقتلني يعني عشان قولت عليك ولا.... ع العموم مبخفش وانا شغف الشافعي
صقر : امممم الطفله طيب روحي العبي بعيد يا شاطره
شغف : طفله في عينك انا كبيره
صقر بجرأة : لو كبيره وحلوه زي عشق اوعدك هتجوزك يا طفله
فتح الكل اعينهم علي وسع
شغف : واوعدك لو اخر واحد في الكون مش هتجوزك يا......كبير قالتها بسخريه شعر بها صقر وضحك بأعلي صوت بينما ابتسم فهد واعطي الفون لعمار واخذ ايسيل من يداها
فهد : يلا يا رعد اي يا عمار قول لابنك شغف الشافعي هي اللي قذفت جبهتك وفي يوم هتكسر غرورك
ضحك الكل وقفل صقر الخط ونظر امامه
صقر بسخرية : شغف شغفي
********************
في مكان اخر
الرجل : هو رايح حفله ل اللوا النهارده
ممدوح : اتصرفتلي في المسدس
الرجل : اي اهو
واعطاه مسدس
ممدوح : خد الفلوس اهي ومش عايز اشوف وشك
الرجل : امرك يا باشا
وذهب وترك ممدوح يتحدث بفحيح كالافاعي
ممدوح : هنتقم منك يا فهد وهنتقم لبنتي اللي انتحرت عشانك عشان بتحبك ومن اغلي حد علي قلبك..... مراتك
وذهب متوجها لمكان فهد الشافعي
*****************
كده الفصل السابع وعشرون خلص
بقلمي / سماء أحمد
تكملة الروايه من هنااااااا
تعليقات
إرسال تعليق