 |
غرام الفهد
الفصل الثلاثون
الجزء الأول
نزلت وهي في غايه العصبيه كيف لهم ان ينزلوها من الطيارة وتقول المضيفه انها متوقفه عن السفر دخلت المكتب بغضب وجدت ليث يقف وبجانبه أسد
جاسمين بقلق : ليث جبينك
ابتسم ليث بحب لها
ليث : متقلقيش يا قلب ليث
ادركت نفسها ثم وبعصبيه شديدة ذهبت للظابط
جاسمين : ازاي توقفوني عن السفر
الظابط : مش انا دا ليث باشا جوزك
جاسمين بغباء : جوز مين
الظابط : جوزك انتي
جاسمين : هو انا اتجوزت وانا معرفش
لم يتمالك رعد ضحكته فكان خلفها ويحمل ورقه واعطاها لليث
ليث بهمس لجاسمين : اسكتي وتعالي معايا بهدوء احسن اوريه الورقه اللي رعد زورها
فتحت اعينها علي اتساع ونظرت له ثم لرعد الذي ابتسم فنزلت دموعها وعلمت انها خطه لكي لا تسافر فحملت شنطتها وخرجت
ليث : جاسمين يا جاسمين حبيبتي استني
وشدها من زراعها
ليث : بتعيطي ليه
رعد : يا جاسمين احنا اسفين عملنا كده عشانك انتي وليث
جاسمين : تقدر تعيش مع عشق وهي نسياك
سكت رعد ولم يجب
جاسمين : رد
رعد بتنهيد : اي ان كانت نست ذكرياتنا الحلوة هعمل معاها ذكريات احلي
جاسمين : بس انا مقدرش
ليث : ومين قالك اني لسه ناسيك
ابتسمت بسخريه والتفتت لتذهب لكنه شد زراعها واقترب من اذنها وهمس
ليث : اول مرة شوفتك كنتي بتتشاكلي مع راجل عشان طفل اول مرة حضنتك كان في عربيتي وبوستك كمان اعترفتلك بحبي واخر مرة بوستك كانت في القصر عند العربية
شهقت بخجل واحمرت وجنتها فابتسم هو وشدها لحضنه
أسد وهو يلكمه : ابعد يالا عن اختي وانتي يلا ع البيت
وشدها وسط ضحكات رعد الرنانة وغيظ ليث وذهبوا للقصر
*************
كانت ايسيل تجلس علي قدم فهد وتدفن وجهها بعنقه
فهد : الولاد لسه مع ماما
ايسيل : ايوة قولتلها هاتيهم قالتلي انتي وفهد تعبانين وعايزين راحة ومرضتش تديهم ليا
فهد : امممم
ايسيل بابتسامه ساحرة : بحبك
فهد : يا غرام الفهد انتي
نظر لها بتقييم فكانت ترتدي بنطلون چينس وبلوزة سوداء بكم ثم وضع يده أسفل ارجلها وحملها
ايسيل بشهقة : فهدي
فهد : موحشكيش بيتنا
ايسيل : مش عايزة اروحه تاني
فهد : ليه معجبكيش
ايسيل : لا بالعكس بس كل مرة اروحه تحصل كارثه ونبعد عن بعض مستحيل اروحه
بعد وقت
كان فهد ينام في الحديقه ورأسه علي ارجل ايسيل التي تسند ظهرها لحائط وتلعب بشعره
فهد : عارفة ان الحركة بتستفذني وانتي خارجه من ولادة فابعدي ايدك
ضحكت بصوت عالي وبعثرت شعره علي جبهته فكان شكلة كالأطفال وهي تضحك علية
رفع حاجبه بتهديد فذاد ضحكها فرفع رأسه واستدار لكنها وقفت بسرعة وجرت وهي تضحك
ايسيل : مضايق نفسك ليه يا طفل
فهد بغيظ : انا طفل
ايسيل بضحك : اي طفل
جري فهد خلفها
فهد : واللهي لاوريكي الطفل يا غرامه
كانت تجري ولكنها وقفت عندما سمعت كلامه فمسكها هو وحملها ودار بها وسط ضحكتها التي عادت كما كانت ثم وقف وكلاهما يلفظ انفاسه ثم وضعت يداها علي وجنته ووضعت جبينها علي جبينه وتنفس كلاهما انفاس الاخر
ايسيل : اتمنيت اكون حبك بس بقيت غرامك
فهد : انتي امنيتي يا ايسيل انا مغرم بيكي
ايسيل : بعشقك يا فهد بموت فيكي بتنفسك انا حبي ليك وصل لدرجة اني بحاجتك اكتر من الهوا
لم يتحدث بل نظر لعيونها التي تلمع بعشقها له واقترب منها وقبلها بحب وحنيه ثم ابتعد ومازال جبينهم ملتصق وجلس علي العشب وهي علي قدمه مستمتعين بأصوات العصافير حولها وبأنفاس بعضهم كأنه كالادمان
******************
في غرفة رعد
كانت تحمل ابن فهد أيان فجاء رعد من ورأها وهو يحمل روز وحضنها من ظهرها وقبل عنقها
رعد : عشقي بتعمل ايه
عشق : بنيم أيان
رعد : امال فين فراس
عشق : مع نور هو وايهم..... انت ليه بتشتال روز علي طول مش يمكن الولاد يتأثروا اما يكبروا
رعد : هوزع اهتمامي بينهم بس روز اول فرحة ليا وبعدين جيه بعدها ولاد وانت عارفه اني بحب البنات اد ايه
عشق : اي عارفه ما شغف هانم كانت واخدة كل وقتك وكنت بتنسي عشقك
رعد : عمري ما انسي عشقي......شغف او غيرها محدش يقدر ينسيني عشقي......عارفه يا عشق انا سمعتها مرة من أحمد واستغربت بس الوقتي هقولهالك لأني حسيتها.......انا عشقي ليكي وصل لدرجة كبيرة اوي لدرجه اني بحب ولادنا عشان منك عشان هما جزء منك
عشق بابتسامة : يا سلام لو كدة كان زمانك فاكر حاجة
ونظرت له بعتاب مصطنع وجاءت لتمشي وتتركه ولكن يده منعتها وهو يضعها امامها ووضع روز التي نامت ع السرير وبجانبها أيان الذي اخذه من يد عشق ووقف امامها وشدها لحضنه
رعد بحب : كل سنه وعشقي جنبي كل سنه وانتي منورة حياتي يا عشق الرعد
حاوطت خصرة وهي تدفن رأسها بصدرة
عشق : فاكر
رعد : وانا اقدر انسي عيد ميلاد عشقي الابدي
رفعت رأسها له تنظر لملامحه التي لم يغيرها الزمن تذكرت اول مرة رأته بها
عشق : اقولك علي سر
رعد : امممم
عشق : انا بغير عليك من شغف
رعد بضحك : اقولك علي سر
عشق : امممم
رعد : بغير عليكي من فهد
ضحك وحضنته
******************
كانت شغف تجلس وتبكي فهي تعترف انه وقعت في حبة كانت فعلا تشعر بشئ إتجاه غيث وتضايقت من فكرة حبه لايسيل لكنها اكتشفت انها لم تحبة بل كان مجرد اعجاب او كانت انانيه وهي الآن تذوق من كأس الحب توقعت انها عندما ستحب سيكون مثل اخواتها هي اول شئ في كل شئ في حياته لكنة اكتشفت انه زير نساء فارسل لها شخص صور كثيرة له مع فتيات فزاد بكائها عندما تذكرت وسمعت خبط علي الباب فظنت انها احدي زوجات اخواتها
شغف وهي تمسح دموعها : ادخل
دخل صقر بهدوء وترك الباب مفتوح ورأه
شغف : ايه اللي جابك
صقر : حبي ليكي يا شغف
نظرت له كالبلهاء ثم رمشت عدة مرات تستوعب وجودة اصلا
شغف : انت بتعمل ايه هنا افرض حد شافك وبعدين غلط نبقي سوا في مكان لوحدنا اطلع برة ومش عايزة اشوف وشك تاني
وضع يده علي فمها
صقر : ايه بالعة راديو اسمعي وبعدين اتكلمي اولا انا استأذنت من رعد قبل ما اطلع وطلبت ايدك منه..... شغف انا جاي اعترفلك اني عرفت بنات كتير وكنت كل يوم مع واحده بسهر وبشرب يعني كل حياتي سيئات ما شاء الله عليا يعني لكن حياتي اتغيرت اما قابلتك حسيتك متمردة حسيت بحاجة غريبة نحيتك قلبي دق قلب الصقر دق ليكي يا شغفي انا....... بحبك
نظرت له ثم رمشت عدة مرات
شغف : انت بتقول ايه
صقر : ب.ح.ب.ك
شغف : عاااااا اعترفت بس لا بردك مش هتجوز واحد كان كل يوم مع واحده
صقر : واللهي اتغيرت وندمان
شغف : وبعدين
صقر : شغف بعدين هتجوزك
شغف : توعدني انك تتغير
صقر : اوعدك
شغف : خلاص غور اطلبني من بابا
صقر بزهول : اغور تصدقي انا غلطان اني مشدتكيش من شعرك واتجوزتك بمأذون بس
شغف ببرود : تصدق كنت هتكون هيرو بالنسبالي
شد شعره للخلف بغيظ ثم خرج
********************
في منزل فهد
كانوا قد ناما سويا وهي مازالت علي قدمة ثم بدأت ترمش وفتحت اعينها لتراه مغمض العينين فبعدت شعرة عن جبينه وابتسمت بحب له وقبلته من وجنته وسارت تلمس لحيته
ايسيل بهدوء : فهدي يا فهدي
فتح اعينه ببطء ثم ابتسم عند رؤية وجهها وضحكتها
فهد : صباحك جنة
ضحكت ايسيل بشدة حتي ادمعت عيناها
فهد بتوهان : في ناس كده يا ناس
ضحكت اكثر ولفت يداها حول عنقه
ايسيل بضحك : صباح ايه يا قلبي الشمس بتغرب.... مساءك جنه وقبلته من وجنته ودفنت رأسها بعنقه
فهد : يلا ناكل
ايسيل : اشطااا يلا
فهد : اشطااا يا ايسيل
ايسيل : انا مش ايسيل انا قلبك وغرامك ويلا عشان جعانة
فهد : هههههه يلا
ووقف وهو يحملها وذهب للمطبخ ثم وضعها علي رف
فهد : قلب فهد عايزة تاكل ايه
ايسيل : مكرونة بشاميل وبانيه وانا هعملهم
فهد : تؤ تؤ
وبدأت هو يفعل الطعام ثم اكلوا وقضوا وقت ممتع ثم ذهبوا للقصر سويا وجدوا الكل يجتمع بما فيهم عائلة المهدي ويبدو انهم يخططوا لشئ وما صدمهم جاسمين
ايسيل بصراخ : جيسي
جرت جاسمين لها وحضنتها بفرحة وجلسوا مع الكل وكانوا يخططوا لزواج ليث وجاسمين فجلس فهد بجانب عشق وايسيل بجانبه
فهد : ماما الولاد فين وحتي روز وايهم
عشق : نايمين ومعاهم اياد والمربيه جنبهم
اومأ لها وعندما انتهوا من تحديد فرح جاسمين الذي بعد شهر
عشق : رعود هروح اشوف العشا خلص ولا لسه
اومأ لها ورفع يده عن كتفها فوقفت ولكنها شعرت بيد تمسك يداها فنظرت لفهد وابتسمت بود
عشق : نعم يا حبيبي
وقف فهد امامها وحضنها وتفاجأت بأولاده الثلاثه حولها وشغف معهم
فهد : كل سنة وعشقنا طيبه
تركها فهد وشدها عدي لحضنه
عدي : عارفه اتحدي اي حد انك احلي ام في الدنيا ومفيش منك اتنين
تركها عدي وحضنها أسد
أسد وهو يقبل جبينها : عشقي انتي عشقنا بمعني الكلمة عشقنا الاول
تركها أسد وشدها رعد لحضنه
رعد وهو يقبل يداها : ربنا يدومك في حياتنا يا احلي واحن ام في العالم
تركها رعد وحضنتها شغف
شغف بدموع : عارفه انا بحبك اوي يمكن بعاند فيكي ومش بسمع كلامك وعارفه اني بحسسك ساعات اني كلامي بيمشي اكتر منك بس واللهي بحبك اوي انتي احن ام في الدنيا
ماسه : طبيعي اللي تخلف التيران دول وتخلهم كده تكون احن ام
ضحك الكل بينما نظر لها الشباب نظره تحرقها
ماسه بخضه : عااااا
شدها بيبرس لحضنه وضحك الكل عليها وعليهم بينما عشق نظرت لأولادها التي فنت عمرها هي ورعد بتربيتهم حتي ساروا اطول منها وشغف العناديه التي لا تعلم ما ان يوما ستكف عن عنادها وسارت بطولها ثم نزلت دموعها فقبل فهد باطن يداها ومسح دموعها
فهد : عارفه يا عشقي اكتر حاجة بكرهها دموعك واقترب من اذنها وقال بهمس ودموع ايسيل طبعا فضحكت بخفه وجاء ليحضنها مرة اخري وجد من يشدها لحضنه
رعد بضيق وغيره : ع فكره انا سبتلكم كتير اوي فاحترموا نفسكم وكل واحد يروح يقعد جنب مراته
نظروا له بتحدي وكأنهم يقولوا له هذه امنا فبادلها النظرة
رعد : دي عشقي لوحدي فاهمين
وجلس وهي بحضنه فتحدث صقر
صقر : عمي رعد
نظر الكل له بصدمه وضحكت شغف بصوت عالي
صقر بجديه : انا طالب ايد بنتك شغف
شغف بسخريه : ايدي بس يا صقر
صقر : اسكتي انتي كمان قولت ايه يا عمي
رعد : انا عن نفسي مش هلاقي احسن منك بس المهم شغف
صقر : شغف
شغف بجديه : عندي شروط
صقر : نعععم ياختي
شغف : بتكلم جد يا صقر
صقر بنفاذ صبر : قولي
شغف : اولا كده انت باين عليك مبتركعاش ولا حتي تعرف حاجة عن الصلاة
صقر بإحراج : لا اعرف من فهد بس مش بصلي
شغف : يبقي من اليوم تصلي يا صقر اتقرب من ربنا وابعد عن اي حاجة تغضبه يعني مشروب واحم غيره
نظر والدها واخواتها لها بفخر وكذلك الكل اما صقر فابتسم واومأ لها
شغف : لسه شرط تاني وهو انك ترجع مصر نهائي اعرف اني مقدرش اعيش بعيد عن اهلي يا صقر ودا مهم اوي لانه مستحيل اتأقلم برة
صقر : شغف حياتي كلها في امريكا
شغف : غلط يا صقر حياتك هنا انت وعيلتك حياتكم هنا جنب باقي عيلتكم
عمار : لا انا مش هرجع
عشق : ههه صحيح هترجع لمين..... اقولك حاجة يا عمار وان زعلت ازعل لان مفيش حاجة هتحصل اسوأ...... انت في حياتك مكنت اخ كويس انت اخ اناني يا عمار اخويا اللي بجد كان جو انما انت لا
عمار بحزن : عشق انا.......
جودي : انت ايه يا عمار انت اتخليت عننا بعد موت بابا ومتقولش عشان نورهان لان نورهان طلبت منك ترجع وانت رفضت
چيلان : سيبوه براحته يعني اللي مسمعش لينا اكتر من خمسه وعشرين سنه هيسمع الوقتي
صقر : عمار انا مش هسافر
همس : ولا انا يا عمار انا بعدت عنهم كتير واحنا مش هنعيش اد ما عيشنا
عمار بتنهيد : بشرط
الكل : ايه
عمار : اخواتي يسامحوني
اومأ الفتيات بفرحة شديدة وابتسم هو
شغف : كده اقدر اقول احم الرأي رأيك يا بابا
صقر : ثانيه واحده مبدأين انا عندي طلب منك يا شغف
شغف بحاجب مرفوع : شرط
صقر : لا طلب لان ليكي كامل الحريه انك ترفضي
شغف : ايه
صقر : تلبسي حجاب
شغف : اديني فرصه افكر
صقر : فكري وانا هحترم قرارك..... قولي رأيك يا عمي في الجواز
رعد : موافق بس الجواز بعد اربع سنين
صقر : ليه ان شاء الله هكون نفسي
رعد : لا بس شغف لسه صغيره اوي دا عندها تمنتاشر وكم شهر
صقر : ما هي هتكمل عندي يا عمي وانا اوعدك هساعدها وافق بقي
نظر رعد لاولاده فأومأ عدي وأسد وفهد اما رعد رفض
رعد الصغير بغيظ من صقر : لا يا بابا شغف لسه صغيرة اوي
صقر : رععععد انا وانت عارفين انت قصدك ايه..... هو مش عايز شغف تتجوز اصلا
رعد : اي في اعتراض
رعد الكبير : بس انا موافق
وحددوا فرحهم في الاجازة
*******************
بعد مرور شهر
كان الكل يعمل بجد فاليوم جمع العاشقان جاسمين وليث وأحمد وحور
ايسيل : كلبتي هتتجوز يا ولاد
جاسمين بتوتر : اسكتي يا ام لسان طويل
ايسيل : مالك يا قمر
جاسمين : خايفه اوي
ايسيل مطمأنه : خايفه من ايه بس ع فكره ليث باين عليه بيحبك اوي
جاسمين : وانا كمان بحبة اوي
وجاء الشباب اخذوا الفتيات لمكان الحفلة التي كانت رائعة تليق ب ليث الاسيوطي وأحمد المهدي
كانت شغف تقف مع صقر ويحملوا اولاد فهد ورعد الكبير يحمل رزان وعشق تحمل ايهم وعدي الكبير يحمل اياد ويحاوط جودي بيده
في مكان بالحفلة
علم غيث بخطوبة شغف لصقر يعترف انه من ارسل الصور لها حتي تبعد عنه لكنها لم تبعد فعلم بعشقها له وحزن كثيراً وجاء في فكرة فتاة دعت عليه
فلاش بااااك
كان غيث في لبنان لاجل احد فروعة
خرج من شركته وركب سيارته ثم ذهب على البحر ونزل من سيارته وهو يتنفس الصعداء وجد فتاة يالله ما هذا الجمال مهلا تشبه شغف كثيرا نفس الطول والشعر والبشرة والانف لكن العيون رمادي تضحك بقوة وتجري ثم تنفست بقوة
هدير وهي تحدث الشمس : انا احلي منك بكتييير بتحداااكي
ابتسم غيث بل ضحك بقوة عليها نظرت بجانبها وجدت غيث يقف وينظر لها ويضحك فذهبت له
هدير : بعرف اني مجنونه بس ما بحب حدا يضحك عليا
والتفتت لتذهب فمسك يداها
غيث : آسف انا غيث
استدارت وابتسمت
هدير : وانا هدير
غيث : عشان كده كنتي بتكلمي الشمس
هدير : انت مصري
غيث : ايوه
هدير : اي وانا مصريه امي مصريه وابي هيك
غيث : طيب تيجي نتمشي
هدير : موافقه
وذهبوا يتمشوا علي البحر وتحدثوا كثيرا ثم ذهبت وهو ذهب والتقوا كثيرا وكثيرا وساروا اصدقاء لكنه لم يتحدث عن شغف ولم يعرف لماذا وجاء اليوم الذي سيعود فيه لمصر فالتقت به
هدير : راح تسافر
غيث : ايوة
اقتربت منه وحضنته وبكت فلف يده حولها
غيث : هششش اهدي
هدير بعدت عنه : غيث بدي قولك انا بحبك اوي
غيث بصدمه : ايه
هدير : بحبك يا غيث
غيث بعدما ادرك ما قالت : انا آسف بس انا مش بحبك انا بحب واحده تانيه
نظرت له بوجع ودموع تتجدد وتنزل واغمضت عيناها بقوه المته عند رؤيتها
هدير : آسفه وتركته وجرت شعر بغصه ولم يستطيع نسي شكلها
بااااك
غيث بتنهيد لنفسه : وحشتيني اوي انا ندمت لاني بعت الصور لشغف ثم اكمل بصوت عالي هدير
وجد من تخبط فيه
الفتاه بحزن : آسفه
رفعت نظرها له وهو انزل نظره لها
غيث : هدير
امتلأت عيناها الحزينه بالدموع ثم تخطته وجاءت لتمشي فمسك يدها
غيث : بحبك
اغمضت عيونها لتنزل دموعها ثم بعدت يده وذهبت فتنهد بحزن لانه من اوصلهم لذلك
عند رعد الكبير
كان رعد يقف ويحمل روز بيد والاخري يحاوط عشق
رعد : شوفي فهد بيفكرني بنفسي
عشق : هههههه انا كل اما افتكر اسأل نفسي ازاي ابقي في حضنك قدام الناس كلها ومش بتكسف
ضحك وقبل جبينها وجاء اسلام وايمان ومعهم هدير
رعد : دودو
شمس : حبيب قلبي انت يا اونكل
عند فهد
كان يقف ويحضن ايسيل من ظهرها وهي تبتسم كلما نظرت لجاسمين
ايسيل : فاكر فرحنا
فهد : ودا يتنسي كان هاين عليا احط ايدي في عين كل اللي يبصلك
ايسيل : حبيبي يا ناس
فهد : بس بقي لا الا اقسم بالله ابوسك قدامهم كلهم
ضحكت بشدة ووجدت غيث يأتي عندها
ايسيل : مالك يا حبيبي
غيث بحزن : ايسيل تعالي في حضني انا تعبان ومليش حد غيرك
نظرت له ونزلت دموعها ثم نظرت لفهد فابتسم واومأ وتركها فحضنت غيث الذي لف يدة حولها وتنهد بقوة ولفت بحث بعينه عليها وجدها تقف مع عشق ومعهم ناس ونظرها عليه مهلا دموع ماذا ظنت
غيث : ايسيل فهد
ايسيل وفهد : نعم
غيث : تعالوا وقولوا انكم متجوزين وانك اختي
فهد : نيجي فين
غيث : بصي البنت اللي واقفه مع طنط عشق عندها
وشد ايسيل من يداها وفهد وذهب لهم
غيث : ازيك يا طنط ازيك يا اونكل
عشق ورعد : ازيك يا غيث
رعد : دا غيث اخو ايسيل مرات فهد
ايمان واسلام : اهلا وسهلا
رعد : دا اسلام ومراته ايمان وبنتهم هدير
غيث : اتشرفت بحضرتكم
عند صقر
صقر : شغف
شغف : نعم
صقر : بحبك
شغف ببرود : وبعدين
صقر بغيظ : ولا قبلين يا باردة
شغف بتوعد : عارف يا صقر اقسم بالله لدفعك تمن قلة ادبك قبل ما تعرفني
صقر بتوعد : وانا اوعدك هكسر غرورك ده يا شغف الصقر
ابتسمت علي الأسم ثم حولت الابتسامة لنظرة تحدي وهو أيضاً
ذهبت كارمن هي وأكرم الحفلة وذهبت لتبارك لأحمد وحور
كارمن بابتسامة : مبروك يا دكتور مبروك يا حور
حور : الله يبارك فيكي
أحمد : الله يبارك فيكي عقبالك يا كارو
كارمن : شكرا اعرفك اكرم خطيبي
أحمد : اهلا وسهلا اتشرفت
اكرم : الشرف ليا
ثم تركوهم وذهبوا
أحمد لنفسه : مش كل نهاية سعيدة لو نهايتي سعيدة كنت اتجوزت عشق طفلتي اللي فضلت احبها من يوم ما اتولدت او كنت اتجوزت كارمن اللي قلبي دقلها اكتر من حور بس اللي اقوي من كل ده حب العشرة اللي اجددنا اتجوزوا بيه يمكن حب حور ليا يكفينا بس اوعدك يا حور هحترمك لأخر نفس فينا هحبك ع الاقل حب العشرة
ثم تنهد بقوة ونظر لحور التي بعينها حب صافي
أحمد : حور
حور : نعم
أحمد : بحبك
حور بابتسامة : وانا كمان
مسك يداها بين يده وقبلها
أحمد لنفسه : انتي اللي ليا انتي اللي مني انتي سعادتي يا حور
كانت ايسيل تقف مع فهد والعائلة وهو يحاوط خصرها بتملك
غيث : بقولك ايه يا اونكل اسلام
اسلام بإستغراب : ايه
غيث : انا طالب ايد هدير بنت حضرتك
جاءت فتاة بمرح اخت هدير تكبر هدير بسنه وحضنه رعد وهي تقاطعهم
علا : اونكل
رعد بضحك : يا مجنونه
علا : لك انا طيبه وكيوت عنجد
ضحكوا عليها
كان رماح يمشي ويتأفف بضيق ثم ذهب لرعد الكبير بعصبيه
رماح بغيظ : بص يا اونكل انت المفروض تجوزني لانك روحت جوزت بنتك الموزه لاخويا وكده مينفعش دورلي علي عروسه
ضحك الكل عليه وكان صوت هدير وعلا واضح فالتفت لهم
رماح : يالهوي في جمال كده
غيث وهو يمسكه من لياقته : احترم نفسك دي تبعي
رماح : اي واحده
اشار غيث علي هدير
رماح : الحمد لله جوزوني بقا اللي جنبها
علا بغيظ : عنجد مجنون
رماح : لا واللهي عاقل
علا : ههههههههههه
غيث : بسسس اونكل لو سمحت انا طالب ايد هدير قولت ايه
إسلام : انا عن نفسي عارف ان كل اللي تبع رعد الشافعي كويسين فما بالك اخو مرات ابنه لذلك موافق بس الرأي الاهم لهدير
نظرت هدير لوالدها ثم لغيث الذي نظر لها ولاول مرة بتوسل
هدير وعيونها لا تترك عيونه : متل ما بدك بابا
اسلام : خلاص موافق
غيث : ممكن لو سمحت يا اونكل الجواز يكون اقرب وقت لاني بسافر كتير وعايزها معايا دايما
رعد : يالا وافق يا اسلام
اسلام : عشان خاطر رعد بس موافق
رماح : وانا
رعد : رماح بتتكلم جد
رماح : اي واللهي بجد
علا : مجنون
ناد رماح علي عمار واخبرة بشئ بهمس فأومأ وطلب يد علا ووافق اسلام
رماح : وهتجوز هتجوز افرحيلي يا همس
همس بضحك : الف مبروك يا حبيبي
ومرت الليله بسعادة وفرح
******************
كده الجزء الأول من الفصل الثلاثون خلص لسه الجزء الثاني
بقلمي / سماء أحمد
غرام الفهد
الفصل الثلاثون
الجزء الثاني
مرت الأيام واليوم جمع المغرورة والمتكبر ومعهم غيث وهدير
كانت حفلة اقل ما يقال عنها رائعة
عشق بتنهيد حزين : هتبعد عننا يا رعود
رعد وهو يخفف عنها : اولا هي هتكون جنبنا لان قصر صقر قريب مننا اوي ثانيا كدة معتش هيبقي في لا عيال ولا مشاكلهم هيبقي في عشق ورعد وبس ونعيد الأمجاد بقا
عشق بتذمر طفولي : بطل بقي يا رعد الله
ضحك بصوته كله وهو يشدها لحضنه وينظر لابنته التي تتألق بفستانها الابيض واغمض عيونه يتذكر عشق عندما رأها بفستان الفرح ههه يتذكر يومها لم ينظر حتي للفستان كل تركيزة علي تلك الملاك عشق الرعد فتح عينه وقبل رأسها فرفعت رأسها له وابتسمت بحب يكفي عالم لكنه تعطيه لرعد الشافعي فقط
رعد : انتي حلم بعيد واتحقق
عشق : وانت أمنيه مستحيلة اتحققت
عند فهد
كان يرقص معها يحاوط خصرها وشفتيه علي جبينها اما هي تستمتع بحضنه الذي لن تكل او تمل منه ابدا وعندما كانت ترقص معه لمحت رعد وعشق فرفعت نفسها ليسمع ما ستقول
ايسيل : فهدي هو احنا حبنا وصل لمرحلة بابا وماما
فهد : انت غرامي يعني تجاوزنا
ايسيل وهي تنظر لهم : دا عشق صافي افضل من الغرام والهوس دا اللي مفيش حاجة قدرت تأثر فيه ولا هما سمحوا بكدة ربنا يخليهم لبعض ويخليهم لينا
فهد : امين يارب ويخليكي ليا
ايسيل بحب : بعشقك
فهد : وانا بموت فيكي يا غرام الفهد
ابتسمت بحب له وحضنته اكثر وعادوا يتمايلوا بخفه وهمست بأذنه
ايسيل : قلب واحد مش كفاية فحبي ليك دا انت محتاج الف قلب يحس بيك قلب يعشق بس صوتك قلب يتأمل سكوتك قلب تاني عشان عنيك شوف بقا كم قلب لما يجي يوم والمس ايديك
رفعها عن الارض ودار بها فعل ذلك قبل العرسان اما هي اكتفت بالابتسامة والدموع التي تملأ زمردتيها
فهد بهمس في اذنها : انا مغرم بيكي يا ايسيل بموت فيكي
عند جاسمين
كانت تجلس وهي تحمل فراس وچيلان تحمل أيان وتنظر لايسيل بفرحة
جاسمين : يارب فرحها دايما
ليث من ورأها : ويفرحك يا قلبي
وحمل فراس عنها واعطاه ليارا ثم حاوط خصرها واخذها ليرقصوا
ليث : جيسي
جاسمين : اممم
ليث : بغير عليكي
ضحكت جاسمين : كل العشاق بيقولوا بحبك الا انت بتقول بغير عليكي بجد انت صفر في الرومانسية
وضعت رأسها علي صدره وتذكرت يوم زواجهم
فلاش بااااك
دخلت جاسمين الغرفة وابدلت الفستان ونادت ليث ليخرج هو ببنطلون فقط وعاري الصدر والشر يتتطاير من عينه فنظرت له بإستغراب
ليث ببرود : تعالى ورايا
فمشت بإستغراب ورأه حتي دخل غرفه اخري بجناحهم وكان بها آلات للرياضه وحمل شئ يبدو انه ثقيل
ليث ببرود : اشتالي ده وارفعيه لفوق ربع ساعة متواصله
جاسمين بإستغراب : نعم ليه ان شاء الله
ليث بحده : اخرسي ونفذي
خافت جاسمين منه كثيرا وحملتها فوقعت من يداها ساعدها هو لكي ترفعها لاعلي
ليث : لو وقعت يا جاسمين هتبقي نص ساعة
نظرت له بصدمه
ليث : الوقت ابتدي
لم تقدر ووقعت منها
ليث بحدة : مش تحاسبي بقوا نص ساعه
وساعدها لرفعها وهي خائفة منه
ليث بعصبية : اولا انتي حضنتي ولاد طنط عشق كلهم وانتي بتسافري وحضنتي اونكل رعد وكمان بابا في المستشفي لو كنتي مفكرة اني هنسي تبقي غلطانه دا عقاب بسيط للي هيحصلك بعد كده لو ده اتكرر
فنزلت دموعها حتي يحن عليها ولكنه لم يفعل مرت عشر دقائق ودموعها تزداد ولكنه ينظر لها ببرود وهي تأن بوجع وتتصبب عرقا ووجهها يحمر أكثر وصدرها يعلو ويهبط بتعب ومرت عشر دقائق اخرين ولكنه لم يعطف عليها
جاسمين ببكاء : بابا يوسف انا بحاجتك
رفع نظره لها هي بحاجة والدها ولا تذكر الفتاة والدها الا اذا افتقدت الامان هذا يعني انها لم تجد بجانبه الامان بل الوجع مجرد التفكير المه ووقف نزل تلك الشئ فانفجرت باكيه اكثر وهي تنظر ليداها الحمراء
جاسمين ببكاء مرير : انا بكرهك يا ليث ياريتني ما اتجوزتك انت وجعتني عشان غيرتك المريضه
اغمض عينه بألم ثم شدها لحضنه ومسد علي شعرها حتي تهدأ وقبل رأسها
ليث : انا بغير عليكي من هدومك بعشقك سامحيني
باااك
ابتسمت فكيف لها ان تتوقف عن حبه فهي تعشقه وسامحته علي ما فعل تنهدت واحتضنته أكثر
انتهت الحفلة علي خير وذهب كل واحد لقصرة
في قصر صقر
صقر : شغف اسمعها منك مرة
شغف بعند : لا يا صقر
صقر : شغف انتي مش بتحبيني لو بتحبيني كنتي ع الاقل دورتي علي اللي بيسعدني
وتركها وذهب فتنهدت وابدلت الفستان لبيجامه بينك كرتونيه ونزلت وجدته بالمسبح يفرغ غضبه في السباحة وعندما رأها خرج واعاد شعرة للخلف حاول اخفاء ابتسامته من منظارها الطفولي وفجأته بأنها حاوطت رقبته فنظر لها بحدة
شغف : يا ماما عينك عامله كده ليه...... يا صقر انا عايزة اوصلك ان مش كل البنات ذي بعض مش كله يقولك بحبك بسهولة
صقر : شغف انتي مش بتحبيني انت اتجوزت اي واحد والسلام
شغف : لو كان كده كان زماني الوقتي متجوزه غيث وعلي الاقل انا وهو كنا اصحاب
احمرت عيون صقر بشده كيف لها ان تقول هذا فلاحظت ذلك
شغف بسرعه : اهدي بس غيث اخو ايسيل وانا وهو كنا اصحاب وكنت بكلمه اما كان بيدور علي ايسيل ودا بعد اذن بابا ع فكره وانا الاول حسيت اني حبيته بس اما عرفتك عرفت الحب وبدأت تهدأ وتنهدت ثم قالت صقر انا بحبك
ابتسم ثم اخفي الابتسامه ونظر بعدم تصديق
صقر : قولتي ايه
اقتربت منه وقبلته من شفتيه فهذه هي شغف الشافعي المغرورة الجريئه
شغف : انا بحبك يا صقري
لف يده حولها ورفعها عن الارض
صقر : بحبك يا شغفي..... واللهي من وقت ما سمعت صوتك في المكالمه وانا ملمستش ولا واحدة من وقت ما قولتلك شغفي اتغيرت عشانك انتي وبس
شغف : هششش مصدقاك يا صقري
ابتسم بخفه ثم فكرت هي بخبث وصرخت بقوة ففزع وانزلها
صقر : مالك يا قلبي فيكي ايه
شغف : عاااا بليت هدومي ميه من جسمك
نظر لها بزهول وتوعد وجاء يمسكها فجرت ولكنه لحقها وحملها وضحكتهم تملأ القصر
صقر : ماشي يا شغفي واللهي لوريكي
شغف : ههههههههه قلبك ابيض بقا
صقر : لا
وذهب بها الي غرفتهم
عند غيث
كانت تجلس علي طرف السرير ودموعها تنساب فحبيبها يحب غيرها وافقت لكي لا تخسرة ودخل هو جلس علي ركبته امامها ومسح دموعها
غيث : هششش بتعيطي ليه يا حبيبتي
هدير : انا مش حبيبتك يا غيث
غيث : لا انتي حبيبتي وحياتي كلها انا بحبك يا هدير واللهي العظيم بحبك
هدير : بجد
اومأ برأسه بتأكيد جلست علي ركبتها امامه وحضنته وبكت اكثر
*******************
بعد مرور ثلاث سنوات
تجمع الكل في قصر الشافعي بناءا علي طلب رعد وكانت عائله المهدي وعائله الاسيوطي وعائلة الشرقاوي ايضا
في غرفة فهد
كلما تجمع ايسيل شعرها امام المرآة يفكه فهد وهو خلفها
ايسيل : يووة يا فهد سيبني بقا اعمله
فهد بعند : لا اما تديني بوسة النهارده
ايسيل : لا افرض حد من الولاد جيه
فهد : ماليش دعوة بوسيني
التفتت ايسيل له وابتسمت فهي تعشق ملامحه لا تقدر علي التذمر عندها ينظر لها فكورت وجهه بيداها
ايسيل : بعشقك يا فهدي
واقتربت قبلته من شفتيه
فراس من ورأهم : انتوا بتعملوا ايه
انتفض فهد وايسيل عند سماع صوته
أيان : ماما بتبوث بابا هلوح اقول لتيته وددو
مسكه فهد من ثيابه واحمرت ايسيل بشدة
فهد : هتقول لمين يالا
أيان : لتيته وددو وعمو لعد تمان
ايسيل بحدة خفيفه : كده عيب يا يويو
فهد بحاجب مرفوع : يا ايه ياختي
أيان : يويو يا بابا نزلني بقي عثان اقولهم والوح لچيثي بنت چيثي
ضحكت ايسيل بشدة على ابنها الذي لا يترك بنت ليث
فراس : مامي انتي حلوة اوي
احمرت اعين فهد وحمل ابنه الثاني من ثيابه
فهد بحده : انت يالا انت وهو دي مراتي انا يعني ليا لوحدي فاهم وانت يا زفت مش هتقول لحد فاهم وانت لو شوفتك بتقول كده تاني علي مراتي هولع فيك فاهم
أيان : مش هقول بث خليها تبوثني زيك
تعصب فهد بشدة فهو يغير من اولاده عليها وعندما رأته ايسيل شدت منه ايان وفراس وانزلتهم
ايسيل : بس بقي يا يويو انزلوا يلا لتيته
فذهب الاولاد ونظرت لفهد وحضنته حتي يهدأ
ايسيل : اهدي يا قلبي دا طفل
فهد : وان يكن بغير عليكي منه
ضحكت ايسيل بشدة حتي ادمعت عيناها وبعدت كورت وجهه وقبلت كلتا وجنتاه كالطفل
ايسيل : حبيبي انا الغيور
رفع فهد حاجبه بتهديد فبعدت يداها وجرت لاسفل وهي تضحك فذهب ورأها وهو يبتسم
في الأسفل
نور بعصبيه ودموع : بس بقي يا أيهم
جاء أسد وعلم ان ورأ هذا ابنه فلفها له ومسح دموعها
أسد : لاي سبب كده هتفضلي تعيطي
نور : بس أيهم بتعبني اوي يا أسد مش رادي ياكل
أسد : تقومي تعيطي
اومأت برأسها فضحك وشدها لحضنه وهو يمسد علي شعرها بحب
كان رعد الصغير ينزل وهو يحمل فهد ابنه الصغير فهو سمي ابنه علي اسم اخوة فهد ويمسك يد عشقه
رعد : الله ينور احضان علني
التفت له اسد وضحك بينما وجد رعد من يشد بنطلونه
رعد : عايز ايه يالا
أيهم : عايز فهد ثاحبي نزله
رعد : لا
فهد : نزلني يا بابا لثاحبي الله
نزله رعد بغيظ
رعد : غور تك الارف في حلاوتك وانت شبه امك كده
عشق : هههههههه
رعد بحب : يا خراشي ع العسل بتاعي يا ولاد
احمرت وجنتها فضحك بكل صوته وحضنها
عدي من ورأهم : ايه الرومانسية دي كنا متعودين علي رعد الشافعي الكبير بس الوقتي ولاده
كانت رزان تحمل ابنها يائيل حديث الولاده
رزان : سيبهم يعني يبقي انت وهما كويس انهم طلعوا لبابا
عدي : يعني انا مش رومانسي
رزان : اي
عدي : امال من اللي باسك عشر مرات قبل ماننزل وروز هي اللي قطعتنا
نظرت له بأعين كالقطط من جرأته
رزان بتوتر : ا.انت قليل الأدب و.و.و
ضحك الكل عليها بينما شدها عدي لحضنه فدفنت رأسها بصدرة وهي تبتسم بخفوت
قاطعهم نزول ايسيل وهي تجري
رعد : ايه فهد باشا بيجري وراكي ولا ايه
ايسيل : بس يا بارد
نزل فهد بطالته الجذابه ووضع يده علي كتف ايسيل
فهد : مدايق قلبي ليه
رعد : لا واللهي في حاجة غلط مالكم يا ولاد الشافعي انهارده عندكم جفاف عاطفي
ضحك الكل وجاء رعد وعشق سويا
فهد : حبيبتي يا ناس
وقبل يد عشق وفعل اخواته مثلة ثم قبلوا يد والدهم
ونزلوا لاسفل استقبلوا الكل وجاءت شغف وصقر وكان معهم طفله صغيرة تدعي عشق واسماها صقر بالرغم من رفض شغف حتي لا تحزن همس الا انه اصر علي ذلك وكان متعلق بها بطريقه جعلت شغف تغير منها وكان هو يفرح عندما يثير غيرتها
سلمت شغف علي اخواتها تحت نظرات صقر المشتعلة وجاء غيث ومعه هدير وابنهم كرم وكان رماح مع علا وهي الان حامل وجلس الكل في جو اسري رائع
عدي الكبير لرعد : شوف اللي زرعناه يا رعد
رعد الكبير : الحمد لله على كل شيء
ليث بعصبيه : فهههد ابعد ابنك عن بنتي
ضحك الكل عليه وعلي غيرته ليس فقط على زوجته بل ابنته ايضا
جاسمين بضحك : بس يا ليث انا حتي عايزة اجوز جيسيكا لأيان
ليث : نعم لا طبعا انا مش هجوزها لحد
أيان : اونكل دوزني چيسي دي وچيسي دي
اشار علي جاسمين وجيسيكا
ليث : انت يا بن فهد عايز تتجوز مراتي وبنتي
ايان : اي
ضحك الكل بينما جري ليث وراء ايان
شغف بغيره : نزلها بقي شويه
صقر : لا دي حبيبة بابا
شغف بعصبيه : اولعوا في بعض
والتفتت لتذهب والدموع تتجمع في عيناها فشدها اليه حتي اصطدمت بصدره
صقر : يا هبلة انا بحبك اكتر من بنتنا ان كان معنديش خير فيكي مش هيبقي عندي في بنتنا انتي روحي كلها يا شغفي انا بهتم بيها وبحبها عشان جزء منك قبل ما تكون مني
رفعت عيناها له وابتسمت بينما هو قبل جبينها ونزل عشق الصغيرة لهمس وحضن شغف ولم يبعدها
ايسيل : الحمد لله ان انا جبت ولدين
فهد : ليه ان شاء الله
ايسيل : عشان مغيرش عليك
فهد بغيظ : وانا اغير عادي
ايسيل بضحك : اي
مسكها من يداها ولفها بعنف حتي اصطدمت بصدرة وهي تنظر له بصدمه وضحك في وقت واحد حتي لاحظ الكل
فهد بهمس : خلاص هنجيب بنت
ايسيل بنفس الهمس : وافرض طلع ولد
فهد : هنفضل نجيب لحد اما نجيب بنت
ايسيل : عاااا لا هو حد قالك اني ارنبه مش هنجيب تاني بس ودمعت عيناها
ضحك فهد بكل صوته وحضنها
فهد بهمس : بكرة اشوف دموعك لامته هفضل اقولها يا قلب فهد
ايسيل بهمس : وانا بعشق حنيتك
كانوا بعالمهم الخاص غير واعين للذين يبتسموا بخفوت وقاطعهم صوت جاسر
جاسر : يعني ابوك زمان ولحد الوقتي يحضن عشق ومش مكثوف والوقتي انت
شد رعد عشق لحضنه : دي عشق الرعد
فهد وايسيل مازالت بحضنه : ودي غرام الفهد
وهقولكم دي مش نهايه عشق عشق ورعد ولا غرام فهد وايسيل
*******************************
دي اول رواية ليا بتمني تنال اعجابكم
بقلمي / سماء أحمد
وشكرا
********************************
تعليقات
إرسال تعليق