مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#رواية_مجنونةة ✨

#البارت-التاني ✨ 

اتفاجئ بى ترتيب الشقه وطبعا ريحة البخور كانت تلخم لمن بقى مغمض وبشم فى الريحه قولته ليهو ادخل المطبخ شوف المقبلات العملتها لو ما عجبتك جيب من المطعم قال ليا جسمك حلوو قولته ليهو شنو؟قال ليا جسمك قولته ليهو مالو جسمى قال لي حلو جانى توتر وفجأة قولته ادخل ضوق الكيك عشان لو ما بناسب ضيوفك جيب ليهم كيك جاهز من بره قال ليا شنو اللبس ده؟قولته ليهو طالعه اغير جو على بال ما ضيوفك يمشو قال ممكن تقعدي معاهم عادي اصلا جايبين معاهم زوجاتهم  قولته ليهو ما عايزه احرجك معاي ضيوفك عشان انا ما بعرف ناس قبل كده قال ليا قصدك شنو؟ قولته ليهو طالعه اشم هوا قال ليا؟ما بتعرفى مكان تمشى ليهو انتى لسه جديده فى البلد دي بتضيعي وبتعملي  مشاكل انا ما نقصني غير اشغل نفسى بى حاجات تافهه زى دي ،  قولته ليهو انا طالعه ولو ما جيت ما تفتشني ما مجبور  تضيع وقتك فيني انت ما ابوي ، قال ليا مافى طلعه اقعدي جوه غرفتك لمن ضيوفي يمشو انا بطلعك قولته ليهو ما مجبوره اقعد خلاص على صوت ونستكم وضحكم وانا ما جيت من بيت ابوي عشان اتحبس فى غرفه مشيت اشيل تلفوني من غرفة النوم جا داخل وراي لوى ليا يدى وقال ليا ما تعلى صوتك على تانى عشان ما اكسر ليكى راسك ده قولته ليهو والله ماعاش بالكسر راسى و جريت يدي منو وشلته تلفونى وطلعته حصلنى فى الهول قال لى ارجعى غرفتك قولته ليهو ما مجبوره اقعد مع راجل ما عايزنى اقصد مع زول ما عايزنى قال لى قصدك شنو يعنى ليهو زى ما تفهم افهم قال لى انا ما راجل يعنى قولته ليهو ده كلام خشمك والله انته ادرى بروحك جرانى من شعرى قال انتى زيك زي اى كلبه عندي وانا ما غالبنى اقضى بيك زمني وارجعك اهلك لكن انتى ارخص من انى اقرب ليكى او المسك كلامو كان بالنسبه لى زى السكين فى قلبي ما قدرته امسك دموعى اول مره اتجرح بالطريقه دي جريت يدو من شعرى لمن جزء من شعرى طلع فى يدو وجدعته ليهو فى الكنبه وطلعته ما عارفه امشي وين كنته منهارة من البكى قلبى وجعني شديد وصلة في حالة اتمنيت المووت عديل .

كنته منهاره وببكى بحرقه ماشه وخاته يدينى فى وشى فجئه زحيت يدى لقيت فى حديقه قدامى قعدته فيها بكيت قدرتى وسندتا ضهرى فى شجره وبفكر كلامو معى لمن شالتنى نومه صحيت لقيت الحديقه فاضيه والشارع فاضى قومته قولته احسن ارجع البيت والصباح اقول ليهو رجعنى السودان لاهلى ورسل لى ورقتى ما عرفته البيت بى وين لانى كنته ببكي  وما ركزته فى الشارع كويس المكان شبه فاضى وما عارفه امشى وين تانى قعدته ابكى ماشه فى الشارع وبتلفت الدنيا برد وانا لابسه فستان عريان وضيق قولته خلاص اشوف لى مكان انوم فيهو والصباح اتصرف طلعته الظلط بره قولته امشي الجهة التانيه من الشارع مستنيه العربات يخفو شويه عشان اقطع الظلط جات عربيه وقفت قدامى طلعو منها ولدين وبت البت وقفت فى نهاية الشارع والولدين بقو بضايقو فينى ويتحرشو بيا كانو بجرو فينى للعربيه وانا بقاوم فيهم وبصرخ بس فجئه اشوف محمد ومعاهو تلاته من رجال الشرطه جايين علينا محمد مستعجل وبنادى فينى يازينب يازينب زحو يا كلاب ويا شنو ويا شنو بقى يسب فيهم لزونى وجرو ركبو عربيتهم انا وقعته وضربته راسى ما وعيت على نفسى الا تانى يوم فى المستشفى فتحته عيونى لقيت محمد واقف ومربع يدينو وبعاين فينى قومته غمضته تانى قال لى قومى ارح البيت ما رديت قال لى زينب خلينا نمشى البيت نتفاهم وكان باين من صوتو انو معصب شديد بقيت خايفه قولته اكيد ه يضربنى لانو اصلا ما بريدنى مشى نادى الممرضه قالت لى ممكن تمشي البيت بس لازم تاخدى راحه كم يوم شلنا الادوية وطلعنا طول الطريق وهو ساكت كان سايق بسرعه جنونيه وصلنا البيت اول ما دخلنا البيت قولته ليهو عايزه اقول ليك حاجه يا محمد قال لى ولا كلمه امشى غرفة النوم وانا بلحقك دخل المطبخ وانا دخلته غرفة النوم لمن جاء انا طوالي وقفته على حيلي قال لى اقعدي قولته ليهو  لالا ما مشكله مرتاحه كده نهرني قال لى اقعدي قعدته وانا جسمي برجف من الخوف بقى خاش ومارق كانو بفتش فى شى قولته امشي المطبخ اجيب مويه قال ليا بى نهره ماشه وين تانى دموعي نزلو عشره عشره 😭 انا اصلا خايفه جا وقف قدامى قال لى يا بت الناس انتى مالك راسك قوى كده وعنيده وراسك ناشف  بقيت ابكي زياده قال بطلي بكى واسكتي  انا والله ما عندي معاكى مشكله بس ابوي ما شاورنى على العرس ده فاجئنى يوم الجمعه بس وقال ليا مبروك يا عريس عقدته ليك انتي لو مكاني ح تتصرفى كيف انا اعمل شنو بعد ما ابوى عقد اكسر عينو قدام صحبو واقول انا ما داير عرس ولا اعمل شنو انا ما حصل رفصته طلب لى ابوى ولا حصل ناقشتو فى شى انا ما عندى راى فى حياتى ليه ما من حقى اعيش زى باقى الناس ديل وفجئه بقى ببكى وبتكلم ويتنهد وانا قلبى اتقطع عليهو والله كلامو كلو صح قربته منو مسحتا ليهو دموعو وحضنتو شديد وبقينا نبكى سوا بعد شويه بقى ماسكنى شديد قال لى سامحينى انا غلطته فى حقك قولته ليهو ما زعلانه منك كدى روق واقعد قعد فى طرف السرير وانا قعدته جنبو ختين راسى فى كتفو ومسكته يدو بقا يحكى لى عن تعامل ابوهو معاهو وعن حياتو  ومشاكلو قولته ليهو خلاص ما مشكله انا بقعد معاك فتره وبرجع السودان وطلقنى على اساس اننا ما اتفاهمنا كده مافى زول ح يشك فى حاجه قال لى انتى عارفه قولته ليهو شنو قال لى دى اول مره ابوى يورطنى فى حاجه حلوه خجلته قولته ليهو خلاص انا بطلع بره بقعد فى الهول وانته اخد راحتك قال لى خليكى هنا انا طالع انا دخلته الحمام سمعته صوت قفل الباب استحميت وغيرتا وجيت طالعه لقيتو قاعد قولته ليهو عايز حاجه قال ليا اى قولته عايز شنو قال ليا عايز انوم جنبك اليوم ده قولته ليهو لالا انته بتهظر اكيد جا جرانى من نصى قال لى ممكن تلبسي لبس  اليوم داك قولته شنو قال الروب الكبدى قولته ليهو انا حاسه بي وجع راس هسه قام باسنى فى رأسي قالي عندك حتة تانية وجعاك عشان ابوسك فيهو يتبع ✨

تكملة الروايه بعد قليل