 |
صعيديه امتلكت قلب الاسد ❤️❤️❤️❤️.
رنا احمد عماد ✍️✍️✍️✍️.
بارت 9....
في فيلا اسد ..
كانوا جميعهم يقفون وهم ينظرون لذلك التي تجلس ببراءه وكأنها لم تفتعل شي ابدا .
نيرمين بغيظ /عجبك الي عملتيه ده ي حور تودي اسد السجن ده كلام ده .
حور بغيظ شديد/قسما بالله مكنت اعرف ي حماتي انا كل الي قصدته اني أخرج اسد من الجوازه الزفت دي وحضرتك كمان كنتي عايزه كده انا كنت هعرف منين بس انها مهمه هو الحمار لو كان قالي كنت عرفت .
نيرمين بشهقه /حمار انتي فعلا عايزه يتقص من لسانك ده 30متر ده جوزك ي بنتي .
سما وهي تكتم ضحكتها بصعوبه وغمزه/خلاص بقا ي حماتها الي حصل حصل دول بقوا زوجين هما يتصرفوا مع بعض وبعدين انتي مش عارفه اسد ي عني بكتير الصبح بدري هيكون هنا ده اسد الجوهري يلا ي امي علشان ترتاحي.
حسان بغيظ شديد/عملتيها ي بومه انا عارف من الاول أن نهايتنا كلنا هتكون علي ايدك اسد الجوهري يتسجن بسببك ده عصابات العالم محدش عرف يوقعه توقعيه انتي ي بنت الفرطوس .
حور وهي تجلس بغرور وثقه/اقسم بالله كلكم مغشوشين فيه اسد الجوهري اسد الجوهري هنروح الاداره هتلاقيه اصغر شاويش هناك له كلمه عنه وبعدين انتوا مصدقتوا تتكاتروا عليا ولا اكمني يتيمه ي عني وماليش حد هي الدنيا ظالمه .
حسان بغيظ وردح كلنساء/يتيمه وحياه امك لا ياختي مكسوره الجناح اوي ده انتي مصيبه ماشيه تولع في خلق الله.
حور بغيظ شديد/ليه أن شاء الله شايفني ماشيه بحزام ناسف بفرقع هنا وهنا ولا ايه.
حسان بغيظ/انيل ي اختي لنيل ويريته حزام ناسف كنا خلصنا منك ومن بولاويكي .
حور بغيظ شديد/بقولك ايه اهدا كده واسمعني المهم عايزني نروح لاداره ل اسد .
حسان بغيظ شديد/هي كلمه رجلك دي الي عايزه اقطعها لو هوبت ناحيه هناك هكسرها سيبي اسد باشا يحلها بمعرفته بدل ماتجبيلي انا وهو اعدام .
حور بغيظ وهي تمسك ذلك الشنطه البلاستيكيه/اسمع بس انا هخدله لقمه ده مكالش من الصبح .
حسان باستغراب شديد /انتي جبتي الأكل ده منين ي بت .
حور بابتسامه واسعه/جبته من الفرح انا اقولك بعد ماقبضوا علي اسد بصراحه كنت هموت من الجوع خدت بقا الشنطه السمره دي وطلعت علي الطربيزه الي عليها الوكل مخلتش حاجه واصل لميتهم في شنططين وجيت .
حسان بصراخ وغيظ شديد /الله يخربيتك ي شيخه بقا وديتي الراجل في داهيه وليكي نفس تلمي الاكل وتاكلي ربنا ينتقملنا منك ي شيخه .
حور بغيظ وتذمر /يوووه ي عني يعني اموت من الجوع ماهم هيطفحوا هناك المهم اخلص هنروحوا ولا ايه..
حسان بصرامه وغيظ /علي جثتي.
من امام الاداره ....
كانوا يقفون وهم ينظرون بصدمه الي ذلك الحرس الذي يقف أمام الاداره .
حسان باستغراب وقلق /ي ابوي ده مستحيل يدخلونا ي بت وبمنظرك ده بالذات عمرهم مهيدخلونا .
حور بغيظ شديد/ليه عاد داخله افجر نفسي جوه انا داخله ل جوزي تعال انت بس وانا هتصرف .
حسان بحسره /اشهد ان لا اله الا الله وان محمدا رسول الله اخرتنا كلنا علي ايديكي ي بنت المحروق .
في غرفه الاجتماعات ..
كان يجلس اسد ومراد واللواء محمد.
محمد بحده /حضرتك أخطأت ي اسد بيه ودي اول مره تحصل .
مراد بجديه/المهم ان احنا أنقذها الموقف ي سياده اللواء وأمجد البحيري بكل عصابته بقم تحت أيدينا .
محمد بغضب شديد/ولو ي مراد غلطه زي دي كانت ممكن تكلف أرواح ناس كتير بس اسد باشا خلاص مبقاش فاضي وفوق كل الي حصل ده الباشا قاعد يتجوز ولا علي باله.
اسد باحراج وغيظ شديد /عندك حق ي سياده اللواء انا معترف اني أهملت بعتزر ومستعد لاي عقاب .
محمد بتنهيده /ي اسد ي ابني انا انت عارف انا بحبك قد ايه انت قدوه لكل الشباب الي هنا كله عايز يبقا زيك بس اسمع كلامي الراجل لما بيقع في حب ست ليفقد السيطره عليه تماما وساعات ممكن يضعف ويغلط والغلط مينفعش في شغلنا انت مضطر تفضل لحد الصبح لاستكمال التحقيق .
اسد بغيظ وسخرية/ست قصد حضرتك مين يالست دي حور دي ست شهور ستةابوها لكن مينطبقش عليها المعنا الحقيقي لكلمه ست وبعدين دي مش حور دي بلوه مصيبه نكبه اي حاجه غير حور.
محمد بخبث /لا ي راجل امال اتجوزتها ليه بقا .
اسد بغيظ وتوعد/غلطه سعادتك غلطه .
مراد بجديه وهو يمسك هاتفه باستغراب/ايه ده الأمن بيتصل ليرد سريعا ليقف بفزع /بتقول ايه.
في الاسفل ...
كانت ذلك المجنونه تمسك في خناق عم صابر حارس الأمن .
صابر بغيظ شديد وهو يمسك يدها /ي بت سيبي البدله لولالا انك قد بناتي انا كنت سجنتك .
حور بغيظ شديد /لا ي اخويا اسجني وريني كده هتسجني ازي ده انت لولالا راجل كبير انا كنت فرجتك .
حسان بغيظ وهو يمسكها ويحاول أبعادها /ي بت سيبي الراجل الله يخربيت ابوكي هنروح في داهيه .
حور وهي تتدفعه بغيظ /والنبي اسكت انت كمان عملي خالي وعمال تتفشخر وسايب الراجل ييبهدل فيا انا بقولي ممنوع دخول الحيوانات ليه شيفني داخله بقول مااااا ولا مركبه ديل وبقول هوهوهو .
الظابط سهر بغيظ شديد/ايه الصوت العالي ده فيه ايه.
صابر بجديه /مفيش ي حضره الظابط البنت دي بتقول انها مرات اسد باشا ومصممه تتدخل .
سهر بغيظ وهي تنظر إلي حور باحتقار /انت اتجننت ي صابر ولا ايه دي تبقا مرات اسد انت مش شايف الهلهيل الي هي لابساها دي تلاقيها واحده شحاته جايه ..
لم تستطيع تكمله حديثها لتلك الصفعه المدويه التي نزلت علي وجهها لترتجف من ذلك الأسد الغاضب.
/الي انتي عماله تغلطي فيها دي فعلا مراتي واي حرف يسئ ليها يسئ ليا انا كمان وانتي عارفه الي يغلط في اسد الجوهري بيحصله تعالي ي حور.
لتقترب حور برتباك ليتحدث اسد بنبره حاده.
/اعتزريلها .
سهر بغيظ شديد وتوعد /انا اسفه .
لتسير سريعا الي الداخل بغضب جحيمي وهي تتوعد لهم بالانتقام ..
اسد بحده وهو يمسك يدها /معلش ي سياده اللواء هنتكلم بس في المكتب شويه .
محمد بجديه /مفيش مشكله ي اسد .
حور بقلق وخوف /ي نهار اسود هو هيكهربني ولا ايه.
في مكتب اسد ..
كان يدفعها بحده وغيظ ليغلق الباب بإحكام لترفع هي نقابها سريعا ليسرح سريعا في جمالها البري الذي لم يكن يتوقع أن خلف كل ذلك التمرد ذلك الوجه الملائكي .
حور بقلق وارتباك /ها ي اسد عامل ايه دلوقتي .
اسد بانتباه لم تقوله /انتي ايه الي جابك هنا مش كفايه الي عملتيه خلتيني ولا اول مره اتهزق من مديري واقصر في شغلي وده بسببك.
حور بوجع والم حقيقي /حقيقي مقصدتش انا اسفه بجد ي اسد كل نيتي انك تخرج من الجوازه دي انا مستعده اعمل اي حاجه علشان أكفر عن الي عملته اضربني بهدلني بس انا مكمن استحمل اي حاجه الا أن حد يفضل يلومني والكل بيلومني عن الي حصل وانا مش قادره وكفايه أن نرمين هانم زعلانه مني .
اسد بخبث ومكر وهو يقترب منها لياخذها سريعا داخل أحضانه لتنظر إليه بارتباك /وانا بصراحه مقدرش اخلي امي زعلانه بس انا بقا مش هضربك ولا ابهدلك ولا الكلام ده توتو انا هعمل حاجه احلا من كده بكتير .
لما تعايز بماذا يوحي الاعندما اشتد احتضانه لها يقبلها بشغف واشتياق كأنه يشتاق الي ذلك القبله من سنوات أما هي فكانت مخدره بين يديه لينظر إليها بخبث /اوعي تفتكري أن الي حصل ده هيغير حاجه من الحرب الي هتقوم بينا .
حور وهي تنظر إليه بعند وتحدي لتخفي خجلها وارتباكها/اوعاك تفتكر أن الي حصل ده هيخليك تستقوا عليا ولا يخليني تحت طوعك لا ده انا حور جو المحن ده ميمشيش معايا واصل .
اسد وهو يدفعها بخبث ومكر/ومين قالك اني هعمل كده تاني لاسف مستمتعش .
حور بغيظ شديد وتوعد كده /طيب خود اطفح انا الي غلطانه اني عبرتك اساسا .
لتعدل من هيائتها لتسير الي الخارج تحت نظراته الماكره فالحرب مازالت قائمه ....
من ام عماره مراد ...
كانت رنا تنزل من سياره زين وسليم بعدما طلب منهم مراد أن يوصلوها الي البيت لذهابه هو مع اسد .
رنا بقلق شديد/زين سليم شكله تعبان اوي انت متاكد انه مش محتاج دكتور .
زين بجديه وضيق /قولتلك لا ي رنا هو بس مصدع شويه من الامتحانات وكده انزلي انتي .
رنا بقلق شديد/طيب تصبحوا علي خير .
زين بجديه/وانتي من أهله .
ليسرع زين الي المنزل لتحدث ذاتها في بضيق /انتي مالك فيكي ايه قلقانه علي سليم اوي كده ليه ايه الي حصلك ي رنا قلبك ده ماشي يحب ولا ايه طب وأسد وليه ميكونش احساسك ب سليم مختلف ويمكن اسد مجرد انبهار بشخصيته الي تشبه شخصيه مراد اخوكي الي دايما شيفاه قدوتك بت انتي اطلعي يالا شوفي مذاكرتك يلا .
في فيلا اسد ..
في غرفه سما ...
كانت سما تحدث مراد في الهاتف .
سما بضحك /هههههه اقسم بالله البت حور دي عسل وهتوقع صاحبك في شباكها علي فكره .
مراد بابتسامه /شكلها كده والله بس ايه بت عنيده وقويه وكرامتها عندها بالدنيا شكلها هي واخوكي هيبقوا قصه حب الكل يحكي عنها زينا كده .
سما بابتسامه وعشق /بحبك اوي ي مراد اوي .
مراد بعشق وسعاده/وانا بعشقك ي قلب مراد جهزي نفسك ل بكره ي عروسه هسيبك بقا واروح اشوف اسد سلام يروحي .
سما بقلق بالغ من القادم /ربنا يستر .
في غرفه يوسف ..
كان يحدث هبه بغضب وضيق .
/رحله ايه ي هبه بقولك ظروفنا في البيت مش قد كده تتاجل الرحله .
هبه بخبث ومكر وهي تتصنع الحزن /يوووه بقا ي يوسف مش لدرجه دي ولا انت مبتحبش هبه حبيتك ومش عايز تفسحها .
يوسف بزفر لكنه يعشقها بغباء /خلاص ي هبه ماشي هنروح سلام .
هبه بخبث ومكر/تمام ي حبيبي سلام ايوه كده لازم استفيد منك باي شكل ي يوسف.
في المطبخ ...
كانت تجلس حور وهي تحسس شفتيها بخجل شديد مما حدث لتحدث نفسها بعتاب .
/ايه ي حور ايه الي خلاكي تستسلمي بين ايديه كده كانك انتي الي كنتي مستتيه الي حوصل طب وايه المشكله ماهو جوزك حلالك بس لا ي حور لا اسد ممكن يكون مبحبكش ممكن اتجوزك علشان ينتقم منك ويكسرك لا ي حور جمدي قلبك كده وافضلي حور القويه .
صباحا ...
أمام فيلا اسد ..
كان يجلس اسد في سيارته وهو يشعر بألم شديد في كتفه .
اسد بالم شديد/ي ساتر كتفي مش قادر كل ده من نومه الكنبه في المكتب ربنا يسامحك ي حور .
ليسير الي الداخل ..
كانوا يجلسون جميعا علي مائده الافطار.
ليسرعوان إليه زين وسليم ليحتضنهم بشده وحنان .
حور بغيظ واستفزاز/كفاره ي راجل حمد لله على السلامه.
اسد بغيظ شديد/ايه شيفاني جاي من الحجز .
نيرمين بحنان وهي تحتضنه باشتياق /عامل ايه ي حبيبي .
اسد وهو يربت علي يدها بحنان/اطمني ي امي انا كويس بس محتاج ارتاح حور تعالي معايا علي فوق .
حور بغيظ شديد/فوق فين .
اسد بحده /فوق في اوضتنا يلا اخلصي.
حور بقلق وقلبها يخفق بشده /اهدي ي حور اهدي وخليكي قويه أن اقرب منك بالشبشب علي دماغه .
في غرفه اسد ....
كان يجلس علي السرير بالم شديد لتسير حور الي الداخل بقلق .
اسد بتعب /اقفلي الباب .
حور بغيظ شديد/اه انا فاهمه عاد اقفلي الباب وبعدين انا عارفه الي هيحصل بعد كده .
اسد بغيظ شديد/هو ايه الي هيحصل ي هبله اقفلي الباب علشان تحطيلي مرهم دراعي مش قادر .
حور وهي تحدث ذاتها بغباء /طب كويس ده تعبان مفيش منه خوف.
اسد بحده /اخلصي وتعالي قلعيني القميص علشان مش قادر.
حور بقلق وارتباك/طيب .
لتذهب بارتباك وهي تساعده لترا أن بالفعل كتفه قد احمر كثيرا ويبدوا عليه الالتهاب .
حور بارتباك شديد/ايه الي عمله كده ي اسد.
اسد بغيظ شديد/ربنا ينتقم من الي كان السبب .
حور بغيظ وهي تتضع المراهم/أكده طيب .
اسد بغيظ شديد وهو يعطيها مبلغ من المال/امسكي الفلوس دي وخلي السواق يوديكي المحل ده علشان تجيبي شويه لبس بدل القرف ده كفايه خلتي واحده متسواش تتريق عليكي .
حور بغيظ شديد/دي هي الي متربتش ولا شافت تربيه وبعدين لبسي حلو وعاجبني .
اسد بحده /بس انا جوزك وبقولك مش عاجبني فاهمه ولا لا الي أقوله يتنفذ .
حور بغيظ شديد/بس انا قولت لا .
اسد بحده/هديكي حتته قلم يظبطك فاهمه السواق تحت اتفضلي الي قولتلك عليه يلا .
حور بغيظ شديد/طيب .
لتسيرالي الخارج تحت نظراته الماكره.
/طيب ي حور الجولات كلها الي فاتت انتي الي كسبتي لكن الي جاي كله بتاعي وانا هعرف ازي اغيرك واخليكي ست بجد .
كانت تسير بضيق ليفتح لها السائق لتركب بتزمر وضيق /ماشي ي اسد انا قولت كده واضح أن ضعفي بين ايديك انبارح قواك عليا بس لا مبقاش انا حور لو مخليتك انت الي تتضعف قصادي وجناني ده مش هبطله واصل ...
من خارج المحل ...
بعدما اشترت مجموعه من الملابس قد وصا عليها اسد بنفسه لتنصدم بذلك المراه .
حور بغيظ شديد/ايه ي وليه مش تحسبي.
المراه بغضب وغيظ /انا برضه الي حاسب وانتي ماشيه زي الوبور كده متتعدلي ي بت وانتي عاميه كده .
حور وهي تتدفع الاكياس أرضا بغيظ وغل /هو يوم باين من أوله طب تعالي بقا ي روح امك لوريكي من العاميه دي .
في القسم ....
الظابط بغيظ شديد/اخرسي ي بت انتي انتي مش كفايه المصيبه الي عملتيها ده انتي شرحتي الوليه.
حور بغيظ شديد/اولا هي الي اتعدت عليا الاول ثانيا قسما بالله كل الي انت عمال تقوله ده انا هاحسبك عليه لما جوزي اسد يجي مش بعيد يخليك تسيب المكتب ده وتنزل تتضرب الجرس تحت.
ليدخل اسد بطلته وهيبته ليجلس علي الكرسي وهو يخلع نضارته بثقه ولم يعايرها اي اهتمام .
الظابط بجديه /نورت ي اسد باشا .
اسد بخبث ومكر /شكرا ي حضره الظابط خير فيه ايه بعتلي ليه .
حور بصدمه /انا ي اسد.
الظابط بجديه/المدام بتقول انها مرات حضرتك وهمي عمله خناقه وكنا عايزين حضرتك تتضمنها .
اسد بخبث ومكر واستفزاز /انا معرفهاش ي حضره الظابط .
حور بغيظ وصراخ /نعم هو ايه الي متعرفنيش ي ابن نيرمين اسد مش وقت هزار .
اسد وهو يسير للخارج بغرور وثقه/بعد كده ي حضره الظابط تبقا تتأكد الاول قبل ماتستدعي اي حد سلام .
الظابط بجديه/نزلوها الحجز .
حور بصراخ وغيظ /اسد اسد ماشي ي ابن نيرمين أما كونتش خليتك تقول حقي برقبتي مبقاش انا حور علشان متزعلش بعد كده من الي هعمله .
اسد وهو يسير بابتسامه ساحره/ولسه ي حور.
في الزنزانه ...
كانت تجلس حور بغيظ شديد وهي تمتم بكلمات غير مفهومه .
قمر أحدا المسجونات باستغراب /الحقي ي معلمه فيه ضيفه جديده جات .
اشجان وهي تنفج سيجارتها ليذهبون الي حور وهم يتفحصوها جيدا /انتي جايه في ايه ي بت .
حور بغيظ شديد/خناقه .
اشجان بجديه /اجدع ناس انا احب النسوان الي تاخد حقها اول باول محسوبتك قتل وقمر مخدرات .
حور بانتباه /قتل قتلتي مين .
قمر وهي تأكل بشراهة /قتلت جوزها .
اشجان بغيظ وضيق وهي تنفج سيجارتها /اه الواطي بعد كل الي عملته فيه كان بيستعر مني كانت عينه زايغه والي كان أمر لما ووقعت في ضيقه سابني ولا يعرفني .
حور بغيظ شديد /ايوه زي الواطي الي لسه سيبني ده .
اشجان بغيظ /مقدرتش استحمل كان لازم أبرد ناري روحت مخلصه عليه وشافيه غليلي .
حور بحماس وخبث وهي تمسك ورقه وقلم /قوليلي بقا ي خالتي اشجان قتلتيي جوزك ازي بس بالتفصيل الله يخليكي .....يتتتتتبع .
حبايب قلبي تسلمولي يارب علي كلامكم الحلو ❤️❤️❤️❤️❤️ هستنا تعليقاتكم وتفاعلكم الكبير وتوقعاتكم للي جاي دمتم بخير وعافية ❤️❤️❤️❤️❤️❤️❤️❤️.
صعيديه امتلكت قلب الاسد ❤️❤️❤️❤️.
رنا احمد عماد ✍️✍️✍️✍️✍️.
صعيديه امتلكت قلب الاسد ❤️❤️❤️❤️.
رنا احمد عماد ✍️✍️✍️✍️.
بارت 10....
في فيلا اسد .
كان يجلس مراد بصدمه ممايسمع .
مراد بصدمه /ي نهار اسود ي اسد حبستها معقول .
اسد بضحك /ههههه خليها تتربا شويه ي اخي دي طايحه في الكل محدش قادر عليها .
مراد بحده /بس مش لدرجه دي ي اسد انك ترميها مع المجرمين وتعملها قضيه .
اسد بثقه وثبات/قضيه ايه ي ابني انا معقول اعمل كده في مراتي انا موصي عليها الظباط هناك اصحابي ومفيش قضيه ولا حاجه كله حاجه انتهت اصلا .
مراد بضحك وهو يتخيل رد فعل حور/ههههه وانت فاكر بقا أن حور هتسكت ده انت تتشاهد علي روحك ي معلم .
اسد بضحك /هههههه انا عارف انها مش هتسكت ومين قالك اني بزعل من عمايلها بالعكس لعبه القطه والفار الي مبينا بسطاني .
مراد بابتسامه /انت حبيتها ي اسد.
اسد بحيره وقلق /مش عارف ي مراد بجد مش عارف بس متمني مكونش حبيتها .
مراد بحده /ليه ي اسد فيه حد بكره الحب .
اسد بتنهيده وخوف /لا طبعا محدش يكرهه ي مراد بس انت عارف انا قبضت علي كام واحد وقتلت كام واحد فيه كام واحد علي وجه الارض عايز ينتقم مني ومستني موتي الموضوع مش سهل ولا وردي كده زي مانت شايف مش هستحمل في الاخر لما الاقيهم بعتلي جثتها .
مراد وهو يربت علي يده بحنان /انسا ي اسد انسا وعيش الحياه الحياه حلوه ي اخي .
اسد بابتسامه /أن شاء الله طبعا متنساش اجتماع النهارده علشان سفريه العريش .
مراد بجديه/لا طبعا مش هنسا هي دي حاجه تتناسب وبعدين انا جاي أخطب النهارده ولا نسيت سبني بقا بمزاج .
اسد بابتسامه /ماشي ي سيدي .
حسان بابتسامه /حضرتك طلبتني ي اسد بيه .
اسد بابتسامه /بلاش اسد بيه دي ي حسان ده انت خال مراتي .
حسان بغيظ /قطعت وقطعت سيرتها ده احنا عايشين الكام ساعه الي مش موجوده فيهم في جنه قسما بالله.
مراد بضحك شديد /هههههههه ايه ده ي حسان هي بتعلم عليك انت كمان ولا ايه.
حسان بغيظ/دي تعلم علي بلد بزيها دي بلوه متحركه ده الشيطان ياخد عندها دروس خصوصيه بعيد عنك ي مراد بيه.
اسد بابتسامه /طب اتلموا دي مهما كان مراتي خود ي حسان البطاقه بتاعتك واطلع علي القسم خرج حور .
حسان بتوسل ورجاء /متسيبها كمان ي اسد بيه ابوي ايدك خلينا مرتحين منها ومن قرفها.
مراد بسخرية /معلش ي حسان انت صحيح مخنوق منها بس فيه غيرك مش طايق بعدها وعاوزها.
اسد بابتسامه/ها ها ظريف اوي روح ي حسان اعمل الي قولتلك عليه.
حسان بجديه /حاضر ي اسد بيه جايلك ي وش المصايب .
في القسم .
في الزنزانه ..
كانت تجلس حور وهي تمسك الورقه والقلم لوضع الخطه ....🤭🤭🤭🤭🤭🤭.
حور وهي تمسك القلم وتتدون جميع الخطوط بخبث ومكر .
/كده تمام جوي بس اسد معندوش دهن كتير خالي حسان ايوه اخلص من زنه التاني مالوش لازمه .
اشجان بجديه /ها ي بت ي حور كده كله تمام .
حور بمرح وخبث/تمام ي معلمه كله تمام .
قمر بجديه /المهم متسبيش وراكي دليل اتخلصي من كله اول باول زي معرفناكي .
اشجان بجديه/انتي بس ادبحي والي بعد كده سهل.
حور باستغراب /بس ماهو ممكن يقاومني اعمل ايه عاد ساعتها .
قمر بجديه/وهو نايم ي بت اسحبي السكينه وخلصي .
حور بغيظ شديد/بس كده فيه مشكله كبيره.
اشجان بانتباه /مشكله ايه دي.
حور بغيظ شديد/كده هدبحه علي السرير يبقا الدم هيغرق السرير ويبهدل الدنيا .
قمر باستغراب /طب وايه المشكله مانتي هتتخلصي من كل ده .
حور بغيظ شديد/انا بصراحه مستحرمه اعمل كده .
اشجان بغيظ شديد/ايه ي بت هتحني ولا ايه بشوفك خليه يبهدل فيكي عمرك كله .
حور بغيظ شديد/انا مش زعلانه علي اسد انا زعلانه علي الملايه وفرش السرير الدم مش بيطلع بسهوله وبصراحه الفرش بتاعهم حلو جوي وغالي ده الملايه تيجي ب 75جنيه .
قمر بجنون وصراخ وقد تصاب بجلطه /ي نهار اسود ي نهار اسود دي هتقتل جوزها عادي وبتفكر في الملايه الي هتبوظ ايه البت دي .
اشجان بضحك /ههههه اقعدي ي بت هتودينا في داهيه .
حور بغيظ شديد/الله مش افكر في الخساير .
اشجان بغيظ /ي حول الله يارب واضح أنه خنقك في عيشتك متخافيش احنا هنجبلك حقك .
قمر بغيظ شديد/وتلاقيه بعد عنك ي معلمه زي الاشكال الزباله الي بنشوفها الي يستاهلوا يتولع فيهم اكتر ماهم والعين قوليلي ي بت ي حور معاكي صوره ليه .
حور وهي تخرج هاتفها /ايوه معايا علي الموبايل اهي .
قمر وهي تصعق من وسامه اسد لتتحدث بغيظ /حسبي الله ونعم الوكيل حسبي الله ونعم الوكيل.
حور بخبث ومكر/شوفتي بقا الي اختك فيه ميتعشرش .
قمر بصراخ وغيظ /ده انا بتحسبن عليكي انتي ي اختي ده يتقتل ده ي بت ده فضله فولتين وينور ده أيده تتباس ليل ونهار ي بت .
اشجان بغيظ/اكتمي ي بت مهما كانت أشكالهم كلهم صنف واحد ي اختي صنف عايز الحرق اسمعي ي بت ي حور خليكي علي موقفك والا هتفضلي طول عمرك بتاخدي بالجزمه .
حور بخبث ومكر ونبره منتقمه /متقلقيش ي خالتي اشجان كلنا أن شاء الله بكره هنصلوا الجمعه علي اسد وحسان باذن الله.
العكسري/حور ابراهيم محمد.
حور بجديه /جايه.
اشجان بجديه /بت ي حور امسكي ده رقمي الموبايل معايا علطول كلميني في أي وقت .
قمر بحزن /والله خدنا عليكي ي بت ي حور .
حور بابتسامه وغمزه /جايلكم قريب متقلقوش.
العسكري بجديه /انتوا كمان جاين معاها الباشا عايزكم تمضوا علي ورقه المراقبه .
حور بخبث ومكر وهمس /بقولكم ايه لو طلبت منكم حاجه تساعدوني .
اشجان بحب لتلك الفتاه /قولي ي حور وسيبي الباقي علينا .
حور بهمس /اسمعوا ....
في مكتب الظابط ...
كان يجلس حسان وهو ينتظر حور لتدخل حور وهي تبتسم بخبث ومكر ..
حسان باستفزاز وشماته /كفاره ي حور بقيتي رد سجون رسمي .
حور بغيظ شديد وتوعد /البركه فيك انت والتاني بس علي مين الشاطر الي يضحك في الاخر.
الظابط /تعالي ي حور امضي .
حور بخبث ومكر/انا كده خلاص ي باشا هخرج بره شويه عقبال خالي مايكمل بقيه الاجراءت.
لتسير الي الخارج وهي تغمز لهم بخبث ليسرون الي الداخل .
اشجان بخبث /حضرتك طلبتنا ي باشا .
الظابط بجديه/ايوه ي اشجان اقعدوا هنا شويه .
قمر بخبث ومكر/ايه ده ي معلمه مش ده حسان تاجر المخدرات الي كنا بنتعامل معاه .
حسان بفزع /نعم انتوا بتقولوا ايه انا معرفكوش اصلا .
اشجان بخبث ومكر/يخربيتك ي حسان نضفت كده امتا بس بصراحه عندك حق مخدرات ودعاره لازم طبعا البليه تلعب في ايدك .
حسان بفزع وغيظ/انا معرفهومش ي حضره الظابط.
قمر بخبث /شوف الراجل الناقص اجبلك نجاه الي اغتصبتها السنه الي فاتت ي مفتري .
الظابط بغضب /اغتصاب كمان لا ده مولاك طويل اقبضوا عليه لما نشوف ايه حكايته .
حسان بغيظ وصراخ /انا معرفهومش ي باشا معرفهومش .
في الخارج ....
كانت تقف حور وهي تتضحك ضحك هيستري .
حسان بغيظ شديد/عملتيها ي حور.
حور بغيظ واستفزاز/تستاهل علشان تبقا تتفق مع اسد بيه عليا ولا فاكر اني الست الي عملت معاها المشكله هي بتاعه الطماطم الي علي أول الشارع الي انت مصحابها ي دنجوان طبعا اتفقت معاها انت وسي اسد علشان تحبسوني سعادتك وهتشرف في الحجز أما اسد باشا أن شاء الله بكره هنقراء عليه كلنا الفاتحه باذن الله هههه تعيش وتاخد غيرها ي خالي خلي سي اسد ينفعك وأبقا قابلني لو رئيس الجمهوريه نفسه عرف يطلعك .
حسان بغيظ شديد/ي مرارري امشي ي ابني امشي .
اشجان وقمروهم يلوحون ل حور بمعنا قد تمت المهمه بنجاح..
حور بضحك /ههههه كله تمام ي حبايبي علي تليفونات بقا هههه انتقمت من خالي وجيالك ي اسد .
في الخارج ...
كان يقف اسد وهو ينتظرها بسيارته لينظر إليه بابتسامه استفزازية لتركب بجانبه بغيظ شديد.
اسد بغمزه ومرح/كفاره ي سوبر مان.
حور بغيظ شديد/بقولك ايه عاد انا مش عايزه اسمع صوت ودماغي دي فيها الي مش في دماغ حد .
اسد بضحك شديد /هههههه لا في دي عندك حق الجنان الي عندك مش عند حد ابدا هو خالك حسان اتاخر كده ليه .
حور بنظره خبيثه /بيكفر عن ذنوبه المهم وديني مطعم علشان جعانه جوي .
اسد وهو يرفع ازاز السياره الاسود لكي لا يراها أحدا ويرفع نقابها باشتياق ليها ليتحدث بابتسامه ساحره/طول مانتي معايا وشك ميتخباش عني وعنيكي الحلوه دي تفضل قدام عنيا علطول علشان اشبع منهم دول بتوعي انا مش من حق حد غيري يشوفهم .
حور بتوهان وضعف وهمس /ومين قالك أنه فيه غيرك شافهم دول متكشفوش غيرك ليك انت وبس كأنهم متخلقوش غير ليك.
اسد وهو يقترب منها باشتياق لتفيق سريعا وهي تتدفعه بحده وغيظ وعصبيه
/مش هيحصل عاد ي اسد وبطل كل شويه تحسسني اني رخيصه .
اسد بصدمه من احساسها/رخيصه انا.
حور بانفعال ودموع يراها اسد ولا اول مره /ايوه رخيصه بتقرب مني في الوقت الي انت عايزه وتنتقم مني برضه وقت ماتحب وكفايه اوي الي عملته انت حبستني ي اسد مع مجرمين وقتالين قتله من غير ماتفكر فيا كل ده علشان تكسرني علشان تتحسني أن حور الخدامه الي كتير عليها اوي أنها تبقا مرات اسد الجوهري حتي خالي خليته يشترك معاك في المهمه الحقيره دي ليه ي اسد ليه.
اسد بوجع والم لذلك الاحساس الذي تشعر به/انا مقصدتش اي حاجه مني الي بتقويله انتي عملتي فيا اكتر من كده بكتير ومع ذلك دايما بسكت وبعديها. المهم عايزه تاكلي ايه .
حور وهي تمسح دموعها سريعا/اي حاجه مش هتفرق وخليك عارف أن مؤمراتي ضدك لسه منتهتش واستحمل بقا لاني مجنونه فوق ماتتخيل وممكن اعمل اي حاجه.
اسد بابتسامه ساحره/ماشي وانا مستني ليسرع الي المطعم ..
في فيلا اسد ....
في غرفه زين وسليم...
كان يجلس زين بجانب سليم الذي يشعر بصداع قاتل لا ينتهي طالما ذلك السم يسير في جسده مجرا الدم .
زين بحزن علي أخيه /عامل ايه دلوقتي ي حبيبي .
سليم بتعب /زي مانا ي زين خلاص مش قادر .
زين بالم شديد/معلش ي حبيبي أن شاء الله نخلص الامتحانات ولازم تروح المصحه .
سليم بفزع وصراخ /مش عايز اروح في حته ي زين مش عايز اسد يعرف ولا حد خالص مش عايز ي زين .
زين بحزن /خلاص ي حبيبي خلاص اهدا بس شوف مين ده الي عمال يرن .
سليم بتعب /دي رنا من امبارح مبطلتش رن مش عارف عايزه ايه.
زين بابتسامه/هتكون عايزه ايه شكلها كده بدايه مشاعر ي سليم دي كانت خايفه عليك اوي انبارح .
سليم بحزن /لو كنت في ظروف احسن من كده كنت فرحت اوي بالكلام ده انت عارف أن طول عمري هموت عليها بس مفيش نصيب.
زين بابتسامه /ليه ي حبيبي أن شاء الله كله هيكون خير .
سليم بضيق /والزفته دي الي اسمها سالي هتعمل معاها ايه.
زين بضيق ووجع/هعمل ايه ي سليم هتجوزها طبعا انا غلطت معاها مقدرش اتخلا عنها انا مش قد ذنب زي ده سليم بس مستني كده لما نخلص الامتحانات وبعدين نشوف هنعمل ايه.
سليم بصراخ وغيظ/نفسي بس اقف علي رجليا وساعتها هنتقم من الكلب ده الي عمل فينا كده قريب اوي ي سمير ..
في أحدا المطاعم الفاخمه ..
علي طربيزه بعيده شويه عن مرما الجميع كانوا يجلسون حور وأسد.
اسد بابتسامه ساحره/تاكلي ايه.
حور وهي تتصنع الحزن /نص فرخه وكيلو ممبار وخمسه بيتزا بي اصل نفسي مسدوده .
اسد وقد انفجر ضاحكا/هههههه كل ده ومسدوده بالهنا والشفاء ي ستي المهم مش هتقوليلي عملتي ايه في خالك .
حور بغيظ شديدوتوعد/قولتلك بيكفر عن ذنوبه وانت أن شاء الله بليل هتكفر زيه .
كان اسد ينظر بغيظ واحتقار الفتاه الي تجلس خلفهم وتعازله بكل وقاحه لتنظر حور إليها بفيظ وتوعد بعدما رات زوجها قد ذهب الي الحمام لتمتم بغيظ وغيره /طب احترمي حتي المقطف الي معاكي .
الفتاه بوقاحة/اصل بصراحه المقطف الي معايا ده ملوش لازمه مش لايقين علي بعض خالص زيك كده انتي والقمر ده بصراحه مش قادره متغزلش فيه بالذات لو متجوز غفير زيك .
حور بغيظ شديد/دخلت عش الدبابير برجليها هو من أوله يوم اسود ماشي ي حلوه انا هوريكي الغفير ده هيعمل ايه.
اسد بضحك ويأس من ذلك المجنونه /مابلاش ي حور.
حور بغيظ شديد/انا اهو قدامك قاعده لبيا ولا عليا هي المصائب بتتحدف لوحدها وانا بصراحه عاشقه المصايب.
لتذهب سريعا بغيظ الي زوجها .
الزوج باستغراب /فيه حاجه حضرتك .
حور بغيظ شديد/اسمع بقا انا مش كل شويه هروح ل اريل شكل وتقوله لم مرائتك انا مش ذنبي ي عني انتي متجوزه واحد قمور مش هفضل ادفع التمن علطول انا .
الرجل بغيظ /انتي مجنونه ولا ايه ي ست انتي .
حور بغيظ شديد/اسمع ي راجل انت ولم لسانك ده اتفضل لم مرائتك البجحه الي عماله تتغزل في جوزي وهو مطنشها ولا هو علشان محترم ي عني ومتربي وانا ماليه عينه كل واحده هتتطمع فيه تعال ي اخويا شوف بنفسك .
ليذهبوا إليهم لتنصدم حور من ذلك المشهد .
اسد وهو يشهر مسدسه في وجهه الفتاه وزوجها بخبث /ياااه جميله الديب وجوزها ياهلا وسهلا فكراني مش هعرفك انا عرفتك من اول لحظه الاشكال الوسخه الي زيكم مهما بيعدوا عليهم سنين الظباط الي زي بيفضلوا فاكرنهم وكنت شاكك بس الدولارات الي حطيتيها علي طربيزتي علشان تشتيريني ي واطيه هي الي اكتتدلي شكوكي اكبر تجار عمله وغسيل اموال اهلا بيكم اقبضوا عليهم .
ليتم القبض عليهم بعد مارسل اسد ل مراد رساله بها كل شي لتاتي القوه سريعا للقبض عليهم .
حور بضحك شديد /هههههه المره دي بجد غريبه النهايه مش في حساباتي.
اسد بضحك /هههه اول مره مصايبك تيجي بفايده ي مجنونه .
حور بضحك /هههه طب خلاص خليهم يلفولي الاكل اروح اكله في البيت معرفتش اكل من ولا المحروق دول الي باصيلي في اللقمه.
اسد وهو يحتضنها بابتسامه /من عنيا .
في فيلا اسد ....
كانت تجلس وهي تنظر إليه نظرات غامضه فهي تشعر بشيء غريب .
اسد بقلق شديد/حور انتي مش هتنامي .
حور بغيظ شديد/واه عاد دي عاشر مره تسالني السوال ده مالك عايز تجيب واحده ولا ايه.
اسد بارتباك فهو ميعاد سفره هو مراد العريش فذلك الموضوع مؤكد أنه يكون في سريه تامه .
/واحده ايه انتي كمان هو الي يتجوزك يفكر في واحده تانيه انا داخل اخد دوش .
حور بغيظ شديد/روح ي بعيد الهي تقع تكسر رقبتك كل مابصفا من ناحيته بيطلع الجنان الي جوايا استغفر الله العظيم يارب اقطع دراعي أما كان وراك مصيبه ايه ده خالتي اشجان بترن ايوه ي خالتي .
اشجان بهمس /ها ي بت ي حور نفذتي ولا لسه .
حور بغيظ شديد/ها لا لسه بس هنفذ .
اشجان بغيظ /طب راجعي معايا الخطه تاني .
حور وهي تجلس أرضا تعطي ضهرها ل اسد الذي خرج ليقف خلفها ليستمع لما يحدث وهي تمسك بالورقه /اسمعي ي ستي اول حاجه هديله المنوم الي يخليه قاطع النفس وبعدين هفرشه في الأرض وأمسك ماكينه الحلاقه اجيب شعره زيروا وانا مجهزه الموس وكل حاجه وبعدين افتحه انضفه بقا اجيب الكرشه علي جنب والكبده علي جنب والممبار علي جنب وبعدين اقطعه حتت صح كده .
اسد بصدمه وهمس /طب معلش لو فيها اساءه ادب اساليها كده تقليني في الزيت ولا في السمنه .
حور بغيظ/ايوه صح فكرتني نسيت اقلي ليقف الكلام في حلقها لتمتم بفزع /اسد .
اسد بغيظ شديد/لا وانتي الصادقه علي ايديكي بقيت الخروف اسد .
بعد مرور الوقت....
كانت حور تصرخ بغيظ فهو قد كلبش يد من يده في السرير .
حور بغيظ شديد /حرام عليك ي اسد هنام ازي كده بس .
اسد بغيظ شديد وهو يقترب منها لياخدها داخل أحضانه ليضع رأسه علي صدرها /تنام عليكي الحيطه مش كفايه موته البقر الي كنت مجهزهالي وبعدين اهمدي بقا عايز أنام .
حور بارتباك من قربه لها /وانت لازم تنام مكلبش فيا كده .
اسد بخبث ومكر/ايوه انا مرتاح كده في حضن مراتي .
لتشعر حور بعد وقت قليل بانتظام أنفاسه لتعلم بأنه قد ذهب في ثبات عميق .
حور وهي تلمس علي خصلات شعره بحنان وتتحدث بهمس /شعرك حلو جوي ي اسد اكيد بتحطله جاز هههههه الصراحه الصراحه كل حاجه فيك حلوه وشكلك كده مش ناوي تجيبها معايا ل بر اه وبعدهالك ي حور اخرتها ايه حكايتكم دي .
لتتحتضنه هي بيدها الأخري ليغفوا داخل أحضان بعضهم في ثبات عميق❤️❤️❤️❤️❤️❤️.
❤️❤️❤️❤️❤️حبيت اخلي نهايه البارت رومانسيه شويه بس اوعوا تفتكروا أن جنان حور هينتهي ده لسه الي جاي صادم هستنا تعليقاتكم وتفاعلكم الكبير وتوقعاتكم للي جاي دمتم بخير وعافية يارب ❤️❤️❤️❤️❤️بحبكم قد الدنيا كلها.
صعيديه امتلكت قلب الاسد ❤️❤️❤️❤️
رنا احمد عماد ✍️✍️✍️✍️.
تعليقات
إرسال تعليق