 |
#روايه_حنين_الليل7❤
اهربي دلوقتي
_اهرب اي ي سندس انتي اتجننتي دانا ارفض واطلع عينهم ولا اني اهرب وافضح عيلتي وامي تتعب انتي ازاي بتفكري كده
سندس بحزن : ي حبيبتي انا خايفه عليكي ومش عايزاك تتجوزي كده وخلاص وبالاخص وانا طالعه سمعت مرات عمك بتكلم حد بشر وطمع وبتقول انك موافقه ومستنينهم
_ وانا هوافق ويا انا ي العريس ده واما اشوف عمي هيعمل اي وكمان هحاول اضيع في وقت عشان امي صحتها تتحسن
سندس : وانا معاكي في اي قرار بقولك اي متتجوزي اخويا ي بت ده ظابط ملي هدومه
_ ياشيخه ده انا مستحملاك وانتي صحبتي بالعافيه عايزه تبقا اخت جوزي وتكوني عمتو الحربايه غوري ي بت
سندس بضحك : خلاص ملكيش في الطيب نصيب بقولك اي صحيح هو ليل مجاش ليكي تاني
_ انتي عبيطه يعني بعد كل اللي حصل عايزاه ياجي
سندس : مش عارفه ليه عندي احساس ان ممكن هو يطلعك من الانتي فيه ده
_ ازاي بقا ي روح خالتك
سندس : مش عارفه هو جينتل كده ولو طلبتي المساعده هيساعدك
_ وانا مش بطلب من حد مساعده وبعدين ده اخر واحد اطلب منه كده وحتي لو هطلب هطلب اي
سندس بتلقائيه : اطلبي يتجوزك
صدمه ..! تحولت لضحك هستيري _ههههههههههه اروح اطلبو للجواز همووووووت هههههههههههه
سندس : حسيت ان ده الحل
_ بصي انا مش عايزه اسمع اي حل منك خالص وبذات الحل ده
سندس : ليه
_ يالهووووووووي انتي بتسألي طب انا هاخدك علي قد عقلك واقولك لاء ليه عشان مقومش اقتلك
اولا انا مستحيل اتجوز واحد مش متدين ده مش بيصلي وتقريبا بيشرب خمره
ثانيا : انا وهو مش متفاهمين خالص مستحيل يكون بينا تفاهم وجواز ده غير فرق المستوي المادي اللي بينا
ثالثا : ده راجل كان متجوز وعندو عيال مش دي المشكله المشكله انه مستهتر ومعندوش مسؤليه لولادو منتي عارفه هيحافظ عليا ازاي بقا وعلي عيالي
رابعا وده اهم سبب واكبر سبب اتخانق مع عمي والحربايه مراته وبسببه عمي ضربني قدام الناس في المستشفي ومنعني فتره من شغلي في الحضانه ومنعني من الدروس
عايزه حاجه تاني مسمعش صوتك بقااا خاااالص
(بعد كلام كتير سندس مشت وانا قعدت طول الليل دماغي هتتفجر من التفكير في اللي بيحصل قومت صليت وطول الليل بدعي ربنا يطلعني من الانا فيه ده وميخذلنيش )
______#بقلمي_اميره_رمضان
تاني يوم بليل
عمي : جهزتي
بصتلو بحزن وغضب : انت شايف اي
عمي : شايف انك تفردي وشك ده بدل مفرده انااا
رديت بعصبيه : احنا مش هنخلص بقاااا
مرات عمي : بسسسسس خليها تتنيل تطلع كده هي خلقتها ولا خلقتنا
عمي بهمس ليا : ثواني لما انده عليكي تطلعي وعارفه لو عملتي مقلب من مقالبك وطفشتي العريس انا هعمل فيكي انتي وامك اي صدقيني هندمك طول عمرك (وطلعو كلهم برا ماعدا ندي وبسمه وسندس )
ندي : وافقتي وهتمشي ورا ابويا وامي قوووولتلك متوافقيييييش
بسمه : يعني هي هتعمل اي ي ندي منتي عارفه ابوك
سندس : انا مع ندي ياريت كانت رفضت واللي يحصل يحصل
_ لو رفضت عمي مكنش هيسكت وكان هيعمل مشاكل وهيخلي امي تتعب تاني وانا مستحيل اسمح بكدا
ندي : كان هبقا احسن من لما تعرف ان ابويا باعك بالفلوس
لحظه صمت عدت علي المكان من الصدمه
#بقلمي_اميره_رمضان
_ اي يعني اي باعني
ندي : يعني قبضو تمنك الراجل عطاهم فلوس كتيره اوي عشان يوافقو عليه انتي عارفه امي وابويا يموته في الجنيه
بسمه بعدم تصدق : وانا اقول مرات عمي فرحانه ومتحمسه للموضوع ده ليه اتاريها قابضه تمنك
(ثواني كده ازاي يحصل فيا كده طول عمري عايشه عندي كبرياء مستحيل اسمح لحد يكسرو دلوقتي انا بقيت ارخص من الحيوانات بتباع لليدفع فيا فلوس تبا لهذا الشعور لما تحس انك رخيصه بالشكل ده )
سندس : وهو يدفعلهم ليه اكيد ده راجل كبير في السن ودفعلهم عشان يوافقه بيه
ندي : اكيد او بينهم مشاكل والراجل شاف ان الفلوس الحل فعمل كده
قولت بحزن : سواء كده او كده ابوكي في الاخر باعني
ندي حضنتني : انا حاسه بيكي والله ومش عارفه اساعدك ازاي
عمي : حنييييييييين
ندي : متطلعيش اقولك اعملي زي سندس مقالت واهربي
بسمه : لاء طبعااا انا مش عايزه حد يقول عليكي حاجه وحشه بلاش تعملي كده عشان ماما
_ انا طالعه اشوف العريس
#بقلمي_اميره_رمضان
طلعت وانا مش بنطق من الصدمه اني رخيصه اوي كده دخلت وقعدت حتي مبصتش اشوف العريس ماهو الخليجي اللي جاي يشتري عروسه بفلوسه
عمي : تعالي ي ام بسمه وانتي ي مدام نخرج ونسيب العرسان مع بعض شويه
(كلهم طلعو وانا قاعده تايهه في وجع قلبي والمشاكل اللي بتحصلي وسمعت العريس بيقولي )
=اخيرا عرفت اوصلك
بصيت بصدمه علي العريس انا عارفه الصوت ده كويس
اتكلمت بصدمه : ليل 😳
ليل : مالك مصدومه ليه كده انتي مكنتيش عارفه ولا اي
_ انت انت ازاي تعمل كددددده ليييييه
ليل بعدم فهم : في اي هو عمك مقالقيش اني العريس
اتكلمت بخيبه امل : وهي هتفرق
ليل : انا مش فاهم متعرفيش انا عملت اي عشان اقدر اوصلك
قولت بسخريه : طبعا طبعا دفعت دم قلبك وبعدين هما قالولي ان العريس مطلق
ليل : طب ماهو انا مطلق
_ ازاااي انا اعرف انك ارمل
ليل : مين قالك كده
_تالين بنتك
ليل : ايان وتالين ميعرفوش ان مطلق امهم انا معرفهم انها ماتت بما اني طلقتها وهما صغيرين
رديت بضيق وعصبيه : ازاي تاخد اطفال من حضن امهم واكيد مانعهم انها تشوفهم بما انهم ميعرفوش انها عايشه ثم ان القانون بيديها الحق ان الاطفال يكونو في حضانتها لحد 13سنه
ليل بغضب من كلام حنين اللي بتتهمه انه ظالم : انا عشان ولادي اعمل اي حاجه في الدنيا
_ طبعا انت هتقولي حتي لو هتشتريني بالفلوس عشانهم
ليل : ايوا حتي لو هشتريك بالفلوس عشانهم وانا كنت هخلي كتب الكتاب والفرح في اخر الشهر بس انا هخليه يوم الخميس الجاي جهزي نفسك بقا ي عروسه
ليل : استاذ سيييييد
عمي دخل يجري : ايوا ي بيه
ليل بجبروت : انا حددت ميعاد كتب الكتاب والفرح الخميس الجاي اي رايك
عمي : اللي تشوفه ي بيه
ليل طلع مبلغ كبير جداا من جيبه ورماه علي التربيزه وقال شوف العروسه محتاجه اي وهاته والباقي ليك مع العلم مش عايزها غير بالهدوم اللي عليها
عمي بجشع : يعني منجبش حاجه ي بيه
ليل : لاء وحلال عليك الفلوس دي (وطلع وعمي طلع وراه )
(انا قعدت في الارض بصدمه اكبر هو فييييه اااااي هفضل كدددده كتيييير يااااربي مش قادره اتحمل صدمات تاني انا تعبببببببببت ليييه اتكسر كده ليييه انا معملتش حاجه وحشه لحد ياااااالله)
________
عند ليل
#بقلمي_اميره_رمضان
نوح : احكيلي عملت اي ي عريس
ليل : الفرح الخميس الجاي
نوح بضحك : لولولووووووي اي مش قادرين تستنو شويه
ليل سابه ودخل البيت
تالين : بااااابي جبت ميس حنين
ليل بابتسامه لتالين: اه ي قلبي هتاجي يوم الخميس ومش هتمشي خااالص
ايان : بتقول الحقيقه ولا بتكدب
ليل : استني ليوم الخميس وشوف اذا كنت بكدب ولا بقول الحقيقه
(طلع اوضته يفتكر اللي حصل الفتره اللي فاتت)
فلاااااااش باااااااك
الو ايوا ي نوح عايزك تجيلي البيت دلوقتي انت وطنط نسمه
بعد شويه نوح جه هو ومامته
نوح : خير ي ليل
ليل : انا قررت اتجوز
نسمه : لولولولوووووووي اخيرا هي مين دي وانا هروح اخطبهالك
ليل : ماهو انتي فعلا اللي هتروحي تخطبيهالي
نوح بحماس : مين العروسه
ليل : ميس حنين اللي بتدي لاولادي درس
نوح : ليل انت بتتكلم جد
ليل : طنط ممكن تشوفي ايان وتالين عشان زعلانين بقالهم فتره ومش عارف اتصرف
نسمه : حاضر
ليل حكي لنوح كل اللي حصل
نوح : ازاي في ناس بتفكر بطريقه دي
ليل : سمعته كمان بيقولها انه هيجوزها لاول عريس هيجلها عشان كده قررت اني اتجوزها وارحمها من جبروت عمها ده
نوح : مش عارف حاسس ان قرارك صعب
ليل : مش صعب هو ده الانسب وكمان عشان ولادي
بااااااااااك
نوح : ياااابني سرحان فيه اي
ليل : انت لسه هنا متمشي بقاااا
نوح بضحك : طب اديني حلاوه فرحك الاول
تليفون ليل رن
ليل : الو مين
=معقوله نسيت صوتي
ليل : اخلصي والا هقفل التلفون
= انا جاسمن
ليل بضيق : خير انا مش قولت مش عايز اسمع صوتك تاني
جاسمن : الخبر اللي سمعته ده صح
ليل : خبر اي
جاسمن بغل : خبر جواززززك
ليل ببرود : ايوا صح كان نفسي اقولك انتي معزومه بس للاسف مش هنعزم اشكال زباله
جاسمن بانفعال: انا مش هسكت وهخلي بابي يجبلي اولادي منك
ليل : ملكيش عندي حاجه
جاسمن : من حقي اولادي يكونو معايا
ليل : وانتي ضيعتي حقك ده لما اتجوزتي
جاسمن : طب والله لاحرق قلبك عليها ي ليل عشان اعرفها ازاي تبص لحاجه كانت ملكي اناااااا
#يتبع8
#روايه_حنين_الليل
#بقلمي_اميره_رمضان
#روايه_حنين_الليل8❤
طب والله لاحرق قلبك عليها ي ليل عشان اعرفها ازاي تبص لحاجه كانت ملكي اناااااا
ليل بغضب: فكري بس انك تلمسي شعره منها وهتشوفي هعمل فيكي انتي وابوكي ااااي
(جاسمن خافت من صوت ليل قفلت التليفون بسرعه)
نوح : هي عايزه منك اي بعد خمس سنين
ليل بسخريه : جايه تسال على اولادها دلوقتي
نوح : انا مشفتش في برودها وبجاحتها
________
جاسمن بعصبيه :باااااابي شفت اي اللي حصلللللل
عزت : خير
جاسمن : مش خير خااالص ليل هيتجوز
عزت : واي المشكله
جاسمن : مشكله اي ي بابا انت عارف اني لسه بحبه
عزت : بس انتي اتجوزتيه عشان فلوسه وهو عرف كده وطلقك من خمس سنين وانتي اتجوزتي بعديه ملوش لازمه كلامك ده
جاسمن : لاء ليييه لاااااازمه انا مش هخليه يتجوزها يعني لا اكسب فلوسه ولا قلبه
عزت :جاااااسي انا مش فايق لشغل العيال بتاعك ده انا دلوقتي مهتم بالشغل الجديد ومش عايز مشاكل مع ليل عشان احنا مش قده
جاسمن بتذمر : بقا كده ي بابي ماااشي
_______#بقلمي_اميره_رمضان
يوم الفرح الصبح
ندي : اي ي سندس اخيرا جيتي
(*ملحوظه ندي بنت عم حنين وسندس وحنين كلهم نفس السن واصحاب لكن سندس وحنين اصحاب اكتر لانهم كملو تعليم واشتغلو مع بعض )
سندس : معلش بقا اتاخرت المهم هندخل نشغل اغاني ونهيص ليها شويه ونحاول نطلعها من الكأبه دي
ندي : انت عبيطه ي بت يعني هي متجوزه غصب عنها وعايزه نهيص
سندس : ماهو العريس مش وحش وكمان كان فيه حبة كلام بينهم يعني الدنيا ماشيه مش عايزاها تبقا زعلانه في يوم زي ده
ندي : تعالي وامري لله
(لسه هيخبطو علي الباب بس حنين فتحت الباب وكانت لابسه اسدال اسود )
سندس : راااايحه فين ي عروووسه
بصتلها بحزن وخت نفس عميق : رايحه ازور بابا
ندي بحزن : طب هو لازم انهارده يعني انتي عروسه وكده
(بصيت لندي كنت هاكلها )
ندي : مقصدش حاجه والله خلاص هاجي معاك
سندس : ايوا هناجي معاك
_ لاء انا عايزه اروح لوحدي
#بقلمي_اميره_رمضان
__________
في الشركه
نوح باستغراب : ليل انت جاي ليه انهارده الشركه
ليل : اي السؤال الغريب ده
نوح : انت انهارده فرحك جاي الشركه لييييه
ليل ببرود: بس اسكت شايفني يعني اول مره ابقي عريس
نوح : بس بقيت عريس والليله ليلتك لازم ترتاح
ليل : نوح شوف شغلك وانت ساكت
(تليفون ليل رن )
ليل : كل حاجه جهزت ؟
المتصل ......
ليل : ماشي تعالي قدام الشركه ورن عليا
________
_ السلام عليكم ورحمة الله وبركاته انتم السابقون ونحن اللاحقون
(قعدت قدام المقبره بتاع بابا)
_ وحشتني اووي ي بابا شفت حصل فيا اي من بعدك الدنيا اسيا عليه اوووي كان نفسي تبقا معايا عشان تساعدني
لو كنت عايش مكنش حصلي اي حاجه انا تعبت اووي 😭
بعد ساعتين
بسمه : مجتش لدلوقتي يالهوووي لو هربت
ندي : ياريت خليها ترتاح من الهم اللي هي فيه
سندس : اهدو شويه انتو الاتنين ان شاء الله زمانها جايه
بسمه : العريس مستنيها برا بقالو ساعه انا خايفه ليعمل مشاكل معاها
#بقلمي_اميره_رمضان
ندي : مش هيقدر يعملها حاجه هي لسه في بيت ابوها تعمل اللي هي عايزاه
(سمر دخلت )
سمر : اختك راحت فين ي بسمه هتهرب وهتفضحنا
بسمه : سمر مش وقت كلامك اللي زي السم ده
سمر : امال راحت فيييين
ندي : وانتي شاغله بالك ليه انتي مااااالك
سندس : بسمه مامتك بتنادي عليكي
(بسمه خرجت عند امها وليل )
اي ي ماما
ماما : اختك اتاخرت اوووي
بسمه بتوتر : زمانها جايه
ليل : هي راحت فين
بسمه ؛ قالت رايحه المقابر تزور بابا وجايه
سمر بحقد: وخلتيها تروح لوحدها ليه انتي مش عارفه انها ممكن تهرب
بسمه : سمرررر قولتلك بلاش كلامك ده
سمر : وهي لو كانت اختك مشيها كويس كان ده هيبقا حالهاا
ليل بغضب : لو جبتي سيرتها علي لسانك بالعاطل تاني مش هيحصلك كويييييس
سمر بلعت ريقها بخوف
(الباب اتفتح ودخلت لقيتهم كلهم واقفين وباين عليهم القلق وليل واقف عينه حمرا من الغضب وجنبيه فستان فرح وفيه بنتين معرفهمش واقفين )
_ في اي واقفين كده ليه
#بقلمي_اميره_رمضان
ندي : اخيرا جيتي اتاخرتي كده ليه
_ عادي متاخرتش
ماما : سلمي علي عريسك ي نونه
(بصيت لليل وانا عايزه اضربه مش اسلم عليه بس اتظاهرت بالضحك )
_ اهلا معلش اتاخرت عليك
(ليل بصلي باستغراب مكنش متوقع كده )
قولت بابتسامه اكبر : مش معقول هو الفستان ده ليه
ليل مزال مستغرب : اه والبنات دي عشان تعملك الميك اب
_ ميرسي مش عارفه اقولك اي زوقك تحفهههههه
ماما : ربنا يسعدك ويهدي سرك ي بنتي تعالو ي بنات نسيبهم لوحدهم شويه
(كلهم طلعو وانا قفلت وشي تاني )
ليل : تصدقي انا صدقتك وانتي بتضحكي
#بقلمي_اميره_رمضان
بصتلو بضيق : معلش بتحصل
ليل ببرود : علعموم هتجهزي عشان هاجي اخدك المغرب
رديت ببرود اكتر : بعد المغرب عشان الحق اصلي المغرب ليفوتني
ليل : ماشي مع اني مش عارف ليه رفضتي اني اعمل فرح زيك زي اي بنت
رديت بوجع : عشان انا مش زي اي بنت انا وحده عمي باعها وانت الثري الغني اللي اشتريتها مستناش مني فرحه ولا معامله حلوه واتفضل بقا عشان الحق اتحرق اجهز
ليل : ماشي لينا حساب في بيتنا
عدي الوقت وجهزت وماما كانت قاعده جنبي طول الوقت عشان كده كنت مجبروه طول الوقت اني اضحك لحد ليل موصل وقرايبي كلهم والجيران كانو فرحانين وبيزغرطو
بسمه : قمرررر ي نااااس قمرررررر
مرت عمي : لولولوووووووووي مبروك ي عروسه طول عمرك حظك في رجليكي
رديت بسخريه: طب متاخديه انتي
#بقلمي_اميره_رمضان
عمي : يلا ي بت بلاش كلام العريس مستعجل
اتكلمت وانا جازه علي اسناني : بقولك ااااي اطلع من دماغي انا مش عايزه اسمع صوتك
(طلعت وانا قالبه وشي وقعدت جنب ليل بضيق)
ليل : مكنتش اعرف انك هتطلعي حلوه كده
_ منا طول عمري حلوه بس انت اللي مش بتشوف
ليل : لمي لسانك بدل ملمهولك
(تالين جات بسرعه حضنتني )
تالين : الله ي ميس انتي عروسه حلوه اووي
ضحكت علي كلامها البرئ : وانتي ي قلبي طالعه عروسه قمرررى وفستانك حلو اوووي
ايان : انت هتاجي عندنا البيت بجد
بصيت لليل وقلت : ايوا ي حبيبي هاجي
ايان : يعني مش هتسبينا تاني خالص (ليل ركز اووي يسمع ردي )
_ مين اللي جابلك البدله العسل دي
ايان : بابا ماهي البدله دي زي بتاعته بظبط
_ بجد بس باينه عليك انت حلوه اوووي
ليل بصلي بضيق : يلا ي عم الشيخ ابدء
(كتبنا الكتاب وودعت اهلي بالدموع وهما ودعوني بالدموع والزغاريط بصيت جنبي ملقتش ليل دورت عليه بعيني ملقتهوش)
ندي : مع امي وابويا في الاوضه دي
#بقلمي_اميره_رمضان
_______
سيد : مبروك ي بيه جوزتها ليك اهو فين الحلاوه بقا اللي اتفقنا عليها
ليل : لسه مشبعتش حلاوه
سوسن بطمع: يابيه حلاوتك مش بيتشبع منها
سيد : وانت عارف دي بنت اخويا الله يرحمه وغاليه عليا اووي
ليل بعد تصديق: ايوا طبعا انت هتقولي
سوسن : يبقا زود لينا الفلوس المرادي ي بيه انت شايف صرفنا كتير
ليل : ماهو كلو بفلوسي
سيد : ماهي بنت الك** خدت مني الفلوس كلها لما انت سبتها المره اللي فاتت
ليل بيمثل الدهشه : يراجل
سوسن : ايوا ي بيه حصل
ليل : عشان اخلص بس من الصداع بتاعكم (طلع شيك وكتب فيه مبلغ كبير اووي )
سيد وسوسن كانو مش مصدقين من الفرحه ولسه هياخدو الشيك شديته انا منهم وسط زهولهم
بصيت في الشيك وقولت
_كل ده مبلغ هتقبضو تاني غير اللي خدته انت مش بتشبع خااالص
مرات عمي : وانتي مالك ي بت هاتي البيه هو اللي عطانا الفلوس دي
قربت من ليل وحطيت ايدي في ايدو وقولت باستفزاز : والبيه ده بقا جوزي وفلوسه هي فلوسي وانا مش هديكم جنيه تاني
ليل بص علي ايدي اللي ماسكه ايدو وابتسم
شديت ايدي منه وبصيت لعمي
_ شفت ياعمي انا مطيعه واتجوزته من غير مشاكل ازاي مش عايزه اشوفك بقا قريب منه
عمي : طب هاتي الشيك وانا هغور من وشك
_ طبعا ياعمو طبعا (مسكت الشيك وقطعته قدام عنيهم كانو هيتشلو رميت عليهم الورق وقولت)
_ يبقا بليه واشربي مايته ي مرات عمي واسقي عمي شويه يلا ي ليل ومسكت ايدو وطلعنا
(كل ده وليل مستغرب قوتي دي وبيضحك علي اللي عملته )
سلمت عليهم كلهم وركبنا العربيه انا وليل وايان وتالين وانا جوايا بقسم اني هندم كل اللي نزل دمعه من عيني وكل اللي هيقف في طريقي تاني
وانت ي عم ليل حسابك معايا لسه هيبدء
#يتبع_البارت9_10متابعه من هنااااااااااااا❤
#روايه_حنين_الليل
تكملة الروايه من هنااااااا
#بقلمي_اميره_رمضان
تعليقات
إرسال تعليق