مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

... 1💞💞💙

_قبل ما نكتب الكتاب عندي شرط... سكت شويه وكمل بجمود .. لازم تقلعي البتاع اللي على وشك ده

=صدمه مش قادره أصدقها ولا أستوعبها معقول اللي سمعته ده 

ردت بعدم تصديق :- إيه الكلام  اللي إنت بتقوله ده؟! 

تابع بنفس  اليوم برود :- زي ما سمعتي أنا مش هقدر أظهر

 قدام زمايلي ولا قدام حد أصلا معاكي وانتي بالمنظر ده لازم تفهمي وتفرقي ما بين الطبقة المعدمه اللي انتي فيها والطبقة الراقيه اللي هتبقى فيها..... فكري براحتك وانا مستني ردك وآه ياريت الكلام ده يفضل بيني أنا وإنتي ولو حد عرف انتي اللي هتزعلي ولو رفضتي برده انتي عارفه النتيجه هتكون إيه ... وقف بكل برود يظبط الجاكيت وهو بيقول :- هقعد مع الناس بره.... معاكي عشر دقايق هستني منك ردك  بعد الفرح.. ضحك بسخريه:- ياعروسه 

خرج من الأوضة وهي ما زالت تحت تأثير الصدمه دموعها بلبلت النقاب واترمت على الأرض بتفكر هتتصرف إزاي أو تعمل إيه كل حياتها من وهي طفله متعلقه بنقابها توقعت منه أي فعل دون إلا إنه عديم النخوه والغيره ويكشف مراته بدل ما يخفيها عن العيون شوية ولقت خبط على الباب مسحت دموعها ووقفت بسرعه قبل ما يتفتح الباب وكان أخوها يوسف  ووالدتها  داخلين بابتسامه كلها فرحه 

يوسف بفرحه :- حنون ألف مبروك ياحبيبة قلبي، فتح إيده يضمها لصدره وهو بيتابع كلامه :- أنا مش مصدق إنك خلاص كبرتي وبقيتي عروسه ومش أي عروسه ده إنتي هتبقى حرم أحمد بيه مكاوي حاسس إني بحلم.... بفضلك انتي حياتنا اتغيرت ربنا ما يحرمني منك 

ابتسمت غصب عنها وهي بتضمه لحظات وشدتها أمها لحضنها :- أمورتي الحلوه أحلى عروسه في الدنيا 

دمعت أمها من الفرحه وهنا حنان ما قدرتش تمسك نفسها وانهارت من العياط وهي بتحضن أمها جامد 

مسحت على ضهرها :- ما فيش عروسه بتعيط وبعدين أحمد بيحبك وبكره هتنسي الدنيا كلها معاه 

بعدت حنان عن أخوها ومامتها ومسكت إديهم :- يوسف.. ماما أ أ أنا 

طرقات على الباب قطعت كلامها ووراها صوت :- ياعروسه المأذون وصل 

حست برعشه في كل جسمها وأخوها لاحظ إن فيها حاجه فضغط على إديها بحنو وقال :- إيه ياحنان مالك ياحبيبتي 

ابتسمت أمها :- هيكون مالها ده دلع عرايس يلا علشان ما نتأخرش على الناس.. 

بصت حنان لأمها شويه وبعدين رسمت ابتسامه مزيفه :- أيوه ماما معاها حق مافيش حاجه... أنا بس مش عارفه هعمل إيه من غيرك انت وماما بعد ما تسافروا دبي وتسيبوني 

ابتسم يوسف وهو بيمسح دموعها بحنان :- مش جوزك ياستي هو اللي صمم إني أسافر أمسك فرع شركته اللي هناك وماما ما ينفعش تفضل لوحدها انتي عارفه انها تعبانه.... . وبعدين ياحبيبتي وقت ما هتحتاجيني هتلاقيني معاكي. انتي عارفه إنك أغلى حاجه عندي في الدنيا.. 

مد دراعه ليها وابتسم :- يلا هاتي إيدك الناس مستنيه تحت... تابع بمزاح :- وبسم الله ما شاء الله يعني القصر مالهوش حل أنا مش بحسد ولا حاجه.. 

ابتسمت حنان بمجامله وهي جوه دوامة من الأفكار بتطاردها مش عارفه تتصرف إزاي تقول لأخوها وتحطه في حرب هيبقوا هما اللي أكيد خسرانين فيها ... مشيت مع أخوها وهي كل ذره في جسمها بترتعش  وصلت لمكان الضيوف واستقبلتها والدة أحمد بترحاب وفرحه :- عروسة ابني القمر الف مبروك ياحبيبتي 

باستها شمال ويمين وبصت لأحمد اللي بيتأملها زي الفريسه بالظبط بصت حنان له للحظات مش عارفه تفسر نظرته دي كره ولا وعيد لكنها أخدت قرارها 

قعدت حنان جنب يوسف بصفته وكيلها وهي مش حاسه بأي حاجه بتحصل حوليها لحد ما انتبهت على صوت يوسف :- امضي هنا ياحنان.... 

#جعلته-ملتحي

#هاجر-كامل-محمد

2_ 

=حنان إمضي هنا ...حنااااااان

انتبهت حنان على صوت أخوها مسكت القلم وعيونها تلقائي بصت ناحية أحمد نظرته خلت الرعب دب في قلبها مررت نظرتها ما بينه وبين أخوها وأمها، لحظات غمضت عيونها جامد وبعدين مضت وبين تهليل وفرح من قله قليله وغيره وحقد وكره من أغلب الحاضرين اللي كلهم طبقه مختلفه تماما عنها

اتنقلت حنان مع أحمد علي المكان المخصص ليهم  وبدأ فرح من الطراز المناسب لطبقتهم المخملية الراقيه من وجهة نظرهم ولكنها أفقر الفقراء دينا

-قومي علشان نرقص

بصت له بدهشة وخوف وشهقت بصوت :  انت أكيد تفكيرك مش طبيعي فيك حاجه غلط..سكتت شويه:- انت بتعمل فيا كده ليه

وشه اتقلب وافتكر أول مقابلة بينهم وتلقائي رفع ايده علي وشه وافتكر القلم اللي ضربته له تملك الغضب منه ومسك إيديها بكل قوه وشدها بدون مناقشه علي مكان الرقص وهمس في ودنها بفحيح زي الأفعي:- قولت لك هتدفعي نتيجة عمالتك لأخر عمر مش أحمد الشامي اللي يتقلل منه ويسكت وخصوصا من واحده زيك ولسه ياحلوه إنتي شوفتي حاجه.

مسك خصىرها وبدأ يضغط عليه بقوه غير مهتم بدموعها ولا بأنينها وتوجعها من ضوافره اللي اتغرست في جلدها وتكاد تجزم ان حست بانشقاق جلدها تحت ضوافره.....

رحمها صوت بنت من وراه :- أحمد ...سابها أخيراً واتلفت علي الصوت :- رويدا

كملت البنت بدموع وهي بتبص لحنان باستحقار:- سبتني أنا علشان تتجوز المتخلفه دي تسيب رويدا الحسيني علشان واحده من أيام الجاهليه زي دي 

اتحرك ناحيتها بخطوات هاديه :- رويدا.... ياريت تخلي الكلام ده بعدين اعتقد لا وقته ولا مكانه 

رويدا :- آه نسيت إنك عريس.. بس أحب اقول كلمتين للعروسه بصت لحنان بوعيد :-  أوعدك مش هتلحقي تفرحي

انتهي الفرح وأخيرا  علي قد ما كانت بتتمني إنه يخلص علي قد ما هي خايفه من الوقت اللي هيتقفل عليهم باب واحد ولكن لا مفر  جت اللحظه إللي لا بد منها 

_نورتي الجناح يا عروسه 

فضلت تدور بعيونها في المكان فعلا عمرها ما شافت جمال بالشكل ده الزخرفه حتي الانتيكات أقل حاجه فيهم بس يمكن تمنها يكون مصروفهم لسنه

فاقت علي صوته من وراها لفت برعشه بصت له وحاولت تخرج الكلام بصعوبه:- لو سمحت سيبني في حالي أنا ما عملتش فيك حاجه تخليك تعمل فيا ده كله 

قرب منها بخطوات سريعه:-  أنا لسه ما عملتش حاجته اللي هعمله لسه كتييير 

وبحركه سريعه شد النقاب من علي وشها:- وأولها إن البتاع ده مش عايز أشوفه تاني علي وشك

تكملة الروايه بعد عمل متابعه من هنااااااااا

تكملة الروايه من من هناااااااا

$$$$$$$$$$$$$$$$$$$$$$$$$$$$$$$$$$$$$

جعلته-ملتحي

هاجر-كامل-محمد