 |
البارت الخامس
#دوار-العمده
جاسر.سمعني كده انت مين
حازم بتكبر.ابن عمها وخطيبها وقريب هتبقي مراتي و
لم يكمل كلامه حتي صدمه جاسر بلكمه أسقطت أسنانه
داليدا.اه جاسر بس سيبه علشان خاطري
جاسر.ايه خايفه على حبيب القلب ماقولتيش يعني إنك مخطوبه وفرحنا اللى بكره ده
داليدا ببكاء.انا مش مخطوبه وباباك عارف كده كويس إساله حتي بليز تعال نمشي من هنا الأول بس
مهران.ايه ده في ايه انتوا كويسين
نور.حازم انت بتعمل ايه هنا داليدا انتي كويسه
داليدا.نور قولى لجاسر أنا مش مخطوبه صح قوليله
نور.ايوه يا جاسر دي فسخت خطوبتها من سنه تقريباً وكمان مش بتحبه صدقني
جاسر.مش عايز اسمع حد ثم أمسك حازم من ملابسه وضربه بشده
جاسر.علشان تفكر قبل ما تنطق اسمها تاني
في الدوار
جلال.مالكوا يا ولاد مقموصين كده ليه
داليدا ببكاء.اونكل الحقني حازم عرف مكاني وزمان عمي كمان هيجي ياخدني
جلال.لا ماحدش يقدر يقربلك احنا لازم نكتب الكتاب عالطول علشان المشاكل مهران روح هات المأذون يلا بسرعه
مهران.حاضر يا بوي
نور.تعالى معايا فوق علشان تجهزي
داليدا.جاسر ممكن اتكلم معاك قبل المأذون ما يجي
جاسر بجمود.تعالى
في الجنينه
داليدا.انا أسفه إني ماقلتش الحقيقه بس ده ماضي بالنسبه لي حتي إني عمري ما فكرت فيه انت لو تعرف اللى كان ممكن يحصلى لو اتجوزت حازم أنا ممكن اموت فيها ارجوك ما تتخلاش عني أنا ماليش غيرك
جاسر بحنيه.ما تبكيش واصل انتي عارفه مابحبش أشوف دموعك وكمان انتي ماصرحتنيش بأي حاجه تخصك ليه
داليدا.انتي السبب كنت بتعاملني بتكبر من الأول وما حاولتش تتعرف على البنت اللى هتشاركك حياتك
جاسر.انا آسف يا ستي قوليلى هل في أي حاجه تاني مخبياه عليا
داليدا بتوتر.لا مافيش لو في حاجه انت أول واحد هتعرفها
اسر.جاسر كلم أبوي عايزك
جاسر.جاي يلا روحي جهزي نفسك عايزك اشوفك أحلى واحده الليله
نور.داليدا ليه ما قولتيش على مرضك
داليدا.خفت اقوله يتعاطف معايا وأنا ما بحبش اشوف نظره شفقه من حد ليا
نور.الا جاسر ده هيبقي جوزك لازم تقوليله
داليدا.هحاول يلا علشان نلبس
زهره من بعيد.ويا تري ايه حكايه مرضك دي بس صدقيني عمري ما هخليكي تتهني هنا لحظه واحده حتي لو قتلتك علشان أخلص منك
خديجه.ماشاء الله قمر يا ديده عقبالى يارب
رغد.هههه هتموتى وتتجوزي بس اقولك قريب ادم هيجي يتقدم لأنه كلم بابا في الموضوع ده
خديجه.احلفي كده لا ده أنا لازم اتاكد
داليدا.ههه يا بنتي اهدي هتموتي وتتجوزي
رقيه.يلا يا بنات المأذون وصل
كان المأذون يجلس وحوله جلال وجاسر وعادل وأحمد
نزلت داليدا وكانت ترتدي فستان أبيض طويل ضيق من الخصر وواسع قليلا من أسفل ومرصع بالورود البيضاء وبعض الاكسسوارات الهاديه وكان شعرها على شكل كحكه بسيطه
وكانت نور ترتدي فستان ازرق يصل لركبتها واطلقت لشعرها العنان
أما نادين فكانت ترتدي فستان موف طويل وحجاب ابيض وخديجه فستان اسود لامع وحجاب فضي
ورقيه فستان زهري وحجاب ابيض
أما رغد فكانت ترتدي فستان احمر وحجاب من نفس اللون
وكانوا يشبهوا الاميرات
جاسر.انتي كنتي فين من زمان انتي جميله جدا يا داليدا
داليدا بخجل.شكرا انت كمان شيك أوي
جاسر.ليه الكسوف بس انتي لسه شفتي حاجه أنا هحطك في عيوني ومش هخليكي تحزني ابدا
مهران.احم هو انهارده في قمرين ولا ايه
نور.ليه يعني
مهران.اصل أنا على بابي واقف قمرين
نور.انت واحد
مهران.انا بحبك يا نور ولو تقبلى إنك نتجوز دلوقتى أنا ما عنديش أي مانع
نور بفرحه.انا موافقه بس الأفضل لما بابا يجي علشان تتقدم بشكل رسمي
مهران.وانا موافق يا جميلتي
عمر.ايه الجمال ده كله بس ياربي تعرفي يا نودي أنا من أكتر الناس المحظوظه انهارده علشان انتي ليا
نادين.حبييبي يا عمر وأنا كمان بحبك وعقبال فرحنا
عمر.قريب بعد جاسر عالطول خلاص احنا كاتبين الكتاب وابقي الليله الكبيره
اسر .لا أنا كده اتغر بقي ايه الفلانتين اللى انتي عملاه ده احمر يا مفتريه
رغد.ايه ده مش عاجبك ولا ايه
اسر.مش عاجبني ده أنا لو ماحدش كان موجود كنت رنيتك علقه معتبره
رغد بدموع.ليه بقي إن شاء الله
اسر.علشان جميله جدا ونفسي اخبيكي من كتر العيون دي
رغد.بجد يا اسورتي
اسر.اسورتك ايوه يا رغدي انتي أجمل بنت شافتها عيوني
ادم.الو ايوه خلاص اقفل دلوقتى علشان شايف صاروخ ارض جو واقف قدامي سلام
ادم.ايه يا ديجه حرام عليك قلبي يا بت
خديجه.انت بتكلمني أنا عايز ايه مش هتخطب يا ندل
ادم بضحك.وانتي مين اللى عرفك أكيد رغد بس عالعموم هي مش قالت هخطب مين
خديجه.لا ماعرفش
ادم.هخطب القمر اللى واقف قدامي
خديجه بفرحه.لا مش مصدقه بتقول الحقيقه صح
ادم.يا بت اتقلى حتي ايه ده
معتز.ازيك يا رقيه
رقيه.الحمد لله اخبارك ايه
معتز.انا تمام المهم انتي تعرفي إنك جميله أوي
رقيه بكسوف.شكرا لذوقك
معتز بتردد.رقيه أنا بحبك واللى يحصل يحصل
رقيه.طب اهدي بس طب ما أنا كمان بحبك ومن زمان كمان
المأذون.بارك الله لكما وبارك عليكما وجمع بينكما في خير
جلال.مبروك يا ولاد مبروك يا بتي
داليدا.الله يبارك فيك يا بابا
زينب.مبروك يا ولدي مبروك يا داليدا
جاسر.الله يبارك فيكي يا أما
داليدا.متشكره يا طنط
زينب.لا قوليلى ماما يا بنتي وسامحني على معاملتي ليكي قبل كده
داليدا.مسمحاكي انتي امي دلوقتى وام حبيبي كمان
زهره.مبروك ولو كنت حابه مقولهاش ليكي بالذات
داليدا.تعرفي يا بت انتي الغل اللى جواكي ده هيهريكي موتي بغلك كده واهو جاسر بقي ليا
جاسر جذبها اليه ورقصوا سلو
جاسر.تعرفي إنك كياده اوي
داليدا.انا دي هي اللى بنت بس مش عارفه كنت بتحبها على ايه
جاسر.ولا عمري حبيتها مافيش غيرك في القلب يا جميل
زهره.اما وريتك ما بقاش اسمي زهره
في الصباح.
جاسر.ابوي لو كنت يعني نعمل الفرح بكره علشان نخلص مره واحده ونلحق نروح شهر العسل قبل ما الشغل يتراكم علينا
جلال.اللى تشوفه نسأل داليدا الأول
داليدا.موافقه واهو علشان نفضي بقي لفرح الكتاكيت الباقيين
جلال.داليدا خالك هيجي ميتا علشان نور تزود العيله وناخدها للواد المدلوق ده
داليدا.انهارده بإذن الله ومبروك يا ميرو
جاسر.نعم مين ميرو ده
داليدا.دلع مهران
جاسر.قولتيلى تعرفي نفسي تدلعي حد غيري
نادين.اهم حاجه فيك انك بتفتح ونحسب في وعيد في الأمر بعد كده بتقلب قطه
جاسر.مين ده اللى قطه يا بت
داليدا.بيبي سيبها لسه صغيره
جاسر.علشانك انتي بس
نادين.طب والله لاتجوز الواد عمر ومش هتشوفوا وشي تاني بس ها
جلال.ده انتي نواره البيت يا حبيبتي اليوم اللى تخرجي فيه هتاخدي حته من قلبي معاك
نادين.حبيبي يا بابا عمري ما هسيبك ابدا تعرف هقعد معاك اكتر من الاول كمان
زينب.دي سنه الحياه لازم كل واحده فيكوا تسيب بيت أبوها علشان تروح تنور بيت جوزها ويارب ربنا يهنيكوا كلكوا
زهره.الو جبت المطلوب تمام أنا طالعه اهو
في المساء
داليدا.خالو وحشتني جدا جدا
عز .انتي اكتر يا حبيبه خالو وكمان نور حياتي كأنكوا نسيتوني
جلال.واحنا نقدر يا سياده المستشار ده انت الغالى بتاعتنا
يا هنيه هاتي العصير
زهره.بصي يا هنيه ده علاج هتحطي لداليدا منه في العصير بتاعها بس من غير ما حد يعرف وكمان جاسر اللى طلب مني كده علشان ما بترداش تشرب دوائها
هنيه. حاضر يا ست زهره اوامرك
قدمت هنيه العصير للجميع
داليدا.شكرا
هنيه.لا دي كوبايتك
داليدا.اشمعنا
هنيه بتوتر.علشان علشان حاطه السكر بتاعك فيه اللى انتي عطيهولى
داليدا. اوك شكراً ليكي
خرج الجميع للجنينه
داليدا.طب البس ايه دلوقت أنا اه مش قادره بدماغي
جاسر.داليدا ادخل
داليدا.ادخل يا حبيبي
جاسر.ما نزلتيش ليه الكل مستنيكي تحت
داليدا.مش قادره وحاسه إني دايخه اوي
جاسر.مالك اجبلك دكتور
داليدا.لا أنا هبقي كويسه بس أنا يمكن من السهر
جاسر.تعرفي إني مش مصدق إني خلاص هتبقي ليا أنا بحبك اوي يا ديده
داليدا.وانا كمان بحبك اوي يا حازم
جاسر.حازم انتي بتكدبي عليا
زهره.ههه اللعب بدأ يشتغل وشكل حبوب الهلوسه هتجيب نتيجه
فلاش باك
زهره.بص يا دكتور أنا عايزه حاجه تخلى الواحده مش في وعيها يعني تقول كلام يوقع بينها وبين أي حد
الدكتور.بصي ده نوع مخدر بيخلى الواحد يقول كل حاجه هو خايف منها يعني مثلاً هي بتحب شخص ممكن تذكر الحب للشخص اللى خايفه منه وده نوع لسه نازل جديد وكمان ممنوع فأنتي هتخديه وما تعرفنيش
باك
رأيكو #دوار -العمده
#بقلمي إنچي محمود
البارت السادس
#دوار-العمده
جاسر.انطقي لسه بتحبيه قولى يا داليدا أنا اللى تخليت عن كل حاجه علشانك تعملى كده أنا اللى غلطان علشان حبيت واحده زيك
كانت تنظر داليدا إليه بتوهان ثم اغمي عليها
جاسر .فوقي يا هانم مش هيهمني هتعملى ايه حتي لو موتي قدامي انتي عارفه أنا مش هطلقك بالسهوله دي لازم اخد حق قلب اللى انجرح قومي يلا
لم ترد عليه
جاسر بخوف.داليدا قومي داليدا يلا فوقي داليدا
جاسر اخرج هاتفه.الو يا دكتور تعال عالدوار بسرعه لا الوضع مش هيستني
ثم حملها ووضعها عالسرير
في الأسفل
نور.هما اتاخروا فوق كده ليه أنا هطلع اشوفهم
اسر.خليكي أنا هرن على جاسر
الو يا جاسر ايه بتقول ايه طب أنا هروح اجيب الدكتور
جلال.في إيه يا ولدي
اسر.داليدا مغمي عليها فوق وما بتردش أنا هروح اجيب الدكتور
نور.داليدا لا دي ممكن تروح فيها
بعد قليل
الدكتور.طب ممكن يا جماعه تطلعوا بره
جاسر.انا مش هسيبها اللى عايز تقوله قوله
نور.وانا هفضل معاها
جلال.خلاص تعالوا يا ولاد بره
الدكتور.للاسف يا أستاذ جاسر مضطر إني اعمل محضر
جاسر.محضر ليه هي مالها
الدكتور.المدام واخده نسبه مخدر وده ممنوع في مصر بإلاضافه إن عندها مرض القلب
جاسر بصدمه.انت بتقول ايه مخدرات ايه اللى هي شارباها انت عارف انت بتتكلم عن مين دي مراتي
نور.داليدا عمرها ما شربت أي حاجه من دي والله هي ما ينفعش أصلا علشان مرضها
جاسر.يعني انتوا عارفين بالمرض وما قولتوش ليه بنت خالك حسابها تقل معايا أوي
ثم تركهم وغادر
نور.دكتور أرجوك ما تعملش حاجه ولا تقول لحد هي مالهاش حد وكمان مريضه ممكن تروح فيها
الدكتور.خلاص ممكن ابعد فكره المحضر بس ياريت تحظريها أو تعرفوا السبب حتي
نور.حاضر شكراً ليك
جلال.مالها يا بنتي الدكتور قال ايه
نور.قال شويه توتر وإرهاق واداها حقنه وهتفوق كمان ساعه
جلال.خير إن شاء الله وجاسر راح فين وساب مرته كده
اسر.اخد العربيه ومشي
جاسر.انا هعرفك أنا مين يا داليدا شفتي وشي الحلو استعدي بقي للى جاي مش حرمك وهخليكي تتمني الموت
داليدا.اه أنا فين ايه اللى حصلى
نور بفرحه.داليدا الحمد لله إنك بخير
نادين.ايه اللى حصل انتي ما اخدتيش علاجك يا داليدا
داليدا.مش فاكره حاسه إني رأسي هتنفجر وفين جاسر مش موجود ليه
نور.اصل ثم حكت لها ما حدث
داليدا بفزع.مخدرات ايه أنا عمري ما شربت حاجه زي دي لا مش ممكن وجاسر صدق أنا لازم انزله
نور.اهدي هو خرج من بدري ولسه مارجعش
نادين.اهدي واعرفي إزاي نسبه المخدر انتي اخدتيها شربتي ايه او أكلتي حاجه
داليدا ممسكه برأسها.مش فاكره أي حاجه مش قادره أنا عايزه أنام اطلعوا وسبوني يلا
نادين.يلا يا نور سيبيها ترتاح
عاد جاسر من الخارج
زهره.جاسر الحمد لله إنك رجعت أنا قاعده مستنيك من بدري
جاسر.عايزه حاجه
زهره بخبث.اصل بصراحه أنا شفت حاجه وكان لازم اقولهالك
جاسر.حاجه ايه قولى
زهره.اصل يعني يعني
جاسر.اخلصي
زهره.شفت داليدا بالصدفة وهي بتاخد برشام غريب كده وكانت مخبياه من حد كأن مش عايزه حد يشوفه وكمان كانت بتكلم نور إن هي لسه بتحب ابن عمها ولا عمرها نسيته بس سابته علشان خاطر أبوه وكمان عرفت إن هي هتقابله بعد فرحكوا عالطول ده كله من غير قصدي صدقني
جاسر بغضب .متأكده ومخبيه البرشام ده فين
زهره. شفته في دولابها أنا خايفه على مصلحتك لتجبلك أي مصيبه و
لم تكمل وطرقها جاسر ودخل
زهره.ههههه عمرك يا جاسر ما هتتعلم وتثق فيها وأنا مش هقف منتظره واسيبها تاخدك مني
فلاش باك
داليدا كانت في الحمام دخلت زهره وفتحت الدولاب ووضعت المخدر ثم اخذت هاتفها واخدت رقم حازم
باك
زهره.الو يا حازم على اتفاقنا تاخدها ليك وأنا جاسر يبقي ليا تمام
كان جاسر طالع على السلم
داليدا.كنت فين
جاسر.مالكيش صالح
داليدا بعصبيه.لا ليه تسيبني في وضعي ده وتمشي وتسيبني ليه عملت إيه
جاسر.عملتي ايه لا دي انتي مخبوله كان ناقص تفضحيني في البلد كلها وخلاص وحياه الحب اللى حبتهولك لهتشوفي كره مني عمرك ما شفتيه
داليدا جذبته ودخلت غرفتها
داليدا.انا مش مذلوله ليك علشان تعمل فيا كده وكمان لو عايز تطلقني طلقني مش هكون أول ولا اخر واحده تطلق لو راجل اعملها يا جاسر
جاسر بعصبية ضربها بالقلم
جاسر.لا أنا راجل وانتي عارفه كده كويس ومش هخليكي تتهني بحياتك معايا ولو عندك القلب فعلاً وهتموتي هخلى حياتك تخلص عالسريع بدل ما هي ماشيه بالمرض دي ثم اتجه للدولاب واخرج علبه الدواء ورماها في وشها
جاسر.خدي كملى التعاطي بتاعك يا.......
داليدا.بكرهك يا جاسر وهندمك على ضربك ليا
جاسر.هنشوف ثم تركها وغادر
في الصباح
جاسر .أبوي مافيش حاجه هتتأجل كل حاجه في ميعادها
جلال.ومرتك التعبانه دي
جاسر.لا هي بقت كويسه
نور.لا لو نأجل الفرح أسبوع علشان تستريح
جاسر بجمود.ماحدش وجهلك كلام وده شئ ما يخصكيش
الجميع بصدمه.ايه طريقه كلامك دي
مهران.اهدي يا جاسر ومش من حقك تكلمها كده هي ما غلطتيش
نور.لا داليدا تخصني واكتر منك كمان وأنا علشان محترمه مش هرد عليك
جاسر.خلاص كده أنا الوحش دلوقتى وأنا اتكلمت ومش هعيد كلامي تاني
جلال.ايه اللى حصل للبيت اهديه يارب احنا ما كناش كده
نور.داليدا انتي مافيش حد جابرك على كده جاسر ده مش مناسب ده شك فيكي من غير ما يتأكد حتي
داليدا.ما تقلقيش عليا أنا واحده الحياه ممرمطاها ماجتش على كده وانا لازم اعرف مين السبب في كل ده
عدي يوم بكل تفاصيله وجاء يوم الفرح
كانت داليدا في غرفتها تتجهز
هنيه.ست داليدا عايزينك تحت
داليدا.ليه مين اللى عايزني
هنيه.هتسلمي على قرايب العمده
داليدا.حاضر يلا جايه
ثم خرجت ودخلت زهره بعدها وامسكت بهاتفها
زهره.كده تمام أوي استعدي يا بنت البندر
ادم.مالك يا جاسر ايه اللى حصلك بين يوم وليله
جاسر بضيق.مافيش مخنوق
معتز.حد يتخنق يوم فرحه ده الليله ليلتك
جاسر بقله حيله.عندك حق أنا هطلع البس ويلا علشان تجهزوا
داليدا انتهت من ملابسها هي والبنات
زينب.ما شاء الله عليكي يا بنتي بدر منور
داليدا ببكاء.شكرا يا طنط
زينب.لا يا حبيبتي قوليلى يا ماما أنا من دلوقت امك وانتي بنتي
داليدا.كان نفسي امي تبقي معايا في يوم زي ده مفتقداها اوي
زينب.انا موجوده واللى يزعلك هأكله بسناني يا حبيبتي
داليدا.ربنا يخليكي ليا يارب
نادين.خلاص بقي إيه الجو الحزين ده قلبناها نكد ليه زغرطوا يا بنات
نزلت داليدا من على السلم في يد خالها عز وهي ترتدي فستان أبيض بذيل طويل وطرحه طويله وكان مرصع بفصوص بيضاء واطلقت لشعرها العنان مع مكياج بسيط وكانت غايه الجمال
كان الجميع ينظر لها بفرح ومنهم بكره
اعطي عز داليدا لجاسر
عز.خلى بالك منها تشلها في عنيك
جاسر بحب.ماتخفش في قلبي قبل عيني
داليدا قربت منه.مش لازم تبين دور الحنيه بلاش تبقي بوشين
جاسر.ماتخافيش يا زوجتي العزيزه انتي لسه ما شفتيش الوش التاني بس أحب اقولك اني هحاسبك على كل غلطه في حياتك
رقصوا سلو وكان الجميع سعداء
بعد انتهاء الفرح صعد كل واحد إلى غرفته
جاسر.برجلك اليمين يا عروسه
داليدا.يا باي عليك واحد بارد
جاسر.انا جوزك دلوقتى وأي كلمه مش هكون حاببها هتتحاسبي عليها انتي سامعه
داليدا.سيب ايدي انت اتجننت
جاسر جذبها من شعرها.هتغلطي يبقي حابه تشوفي أول عقاب ليكي ثم أمسك المقص
داليدا.انت هتعمل ايه سيب شعري
جاسر.لا حظرتك قبل كده وانتي اللى مش خايفه
داليدا.خلاص أسفه هلمه بس ما تقصهوش علشان خاطري
جاسر.هسيبه بس علشان أنا عايز كده إنما خاطرك ده مش عندي اصلا
خلصي غيري يلا وعالحمام هتنامي
داليدا.انت بتقول ايه
جاسر.هتخليني ارجع في كلامي انتي ما بتحرميش هعد لتلاته وتكوني اختفيتي من قدامي
داليدا.استني اهو ثم دخلت الحمام واغلقت عليها من الداخل
جاسر.يومين تتربي فيهم وترجعي زي الاول
بدل جاسر ملابسه وجاء لينام
جاسر.حرام اسيبها كده لتتلبس وتطلع عفارتها عليا
داليدا داليدا اطلعي يلا
داليدا.لا مش هطلع
جاسر.مابحبش اعيد كلامي كتير يلا انتي سامعه
داليدا.اوف حاضر
امسك جاسر بهاتفه ولكن سمع صوت اشعار برساله من موبايل داليدا
فتح الرسائل
حازم.ديده حبيبتي على اتفاقنا على يا قلبي ويكون المغفل جوزك خرج بره وتيجي عالعنوان ده
داليدا.ماسك موبايلى ليه يا تري بتشك فيا كمان
جاسر اغلق الهاتف وتركه
جاسر.داليدا انتي بتحبي حازم
داليدا بهزار.بموت فيه مش ممكن اتخيل حياتي من غيره
وكادت أن تكمل إلا أن انقض عليها جاسر وجذبها من رقبتها
داليدا.ج ج جاسر هموت ابعد عني جاسر وأخذت تحرك في جسدها لعلها تستنشق بعض الهواء
مرا ثواني واغمي عليها
جاسر.داليدا داليدا
رأيكو لو لاقيت تفاعل هنزل كمان بارت تشجيع يا سكاكر
#دوار-العمده
#بقلمي إنچي محمود
تكملة الروايه من هنااااااا
تعليقات
إرسال تعليق