 |
عريس مكتمل الانوثة
الجزء الثاني عشر
والاخير
للكاتبة..حنان حسن
بعدما سردلي كريم حكاية طويلة
فهمت منها سبب انفصالة عن زوجتة الاولي
لكن...لخبطتلي افكاري اكتر
فسالتة
وقلت..هو انت مش قولتلي
قبل كده...
انك ش...ا...ذ
..ومريض ايدز
فا رد كريم وهو بيعترف
وقالي..
ايوه حصل
قلت...امال ليه
روايتك الي سردتهالي من دقيقة
مش بتدل علي انك كده
فا رد كريم
وقالي...
العدوي مخدتهاش عن طريق العلاقات المحرمة
العدوي انا اخدتها من سمية مراتي
في اللحظة دي
برقت عنيا
وسالتة
قلت..هي سمية كمان
كانت ......؟
فا رد كريم باسف
وقالي..ايوه
سمية مصابة بالايدز
قلت..ولما انت اتنقلتلك العدوي من سمية؟
امال سمية اخدت العدوي ازاي
ولا من مين؟،!
فا رد كريم
وفاجئني باجابتة
وقال...
سمية اتنقلت لها العدوي من (صديقتها)
وكمل كريم في القاء المفاجئة
الي فجرها في وشي
وقالي..
لان سمية وصديقتها كانوا شواذ
فسالتة
وانا في منتهي الدهشة
وقلت...
وانت عرفت ازاي المعلومات دي عن مراتك وصحبتها؟
فا رد بمرارة
وقال...
هشرحلك باختصار
بعدما اخويا سامح اتوفي
ابويا مات بحسرتة عليه
ساعتها حسيت بغضب شديد
وقررت اثار لاخويا وابويا
واستغليت مهارتي وخبرتي
في عالم الهكر
وهكرت حساب شقيق صديقة سمية
ودخلت علي الموبيل بتاعة
وتابعت محادثاتة ومكالماتة
واكتشفت من خلال المحادثات دي
ان الواد واختة الاتنين شواذ
وعرفت ان اختة مريضة ايدز كمان
والافظع من كده
اني اتاكدت ان سمية بتعاشر صديقتها المثلية بقالها فترة كبيرة
ويومها بدات اشك ان سمية مراتي
اتصابت بالعدوي( بالايدز )
وده معناه
اني انا كمان هتتنقلي العدوي
فا فضلت افكر في اي وسيلة اتاكد بيها
ان كانت سمية مريضة ايدز فعلا؟.... ولا لا؟
وانتهزت اول فرصة جتني
اما عرفت من جاري ...وصديقي
الي كان ساكن قدام سمية
ان سمية اتعرضت للاجهاض. .
ونقلوها علي المستشفي
فا اخدت عنوان المستشفي
وروحت للدكتور
الي بيتابع حالتها
وفهمتة الوضع
وطلبت منه بصفتي جوزه
ا انه يعملها تحليل ايدز
وفعلا
الدكتور قام با التحليل لها
وبعدها..
اكدلي ان النتيجة ايجابية
ومن يومها
وانا عارف ...
اني انا كمان
مصاب بالاايدز
في اللخظة دي
وقفتة عن الكلام
وسالتة
وقلت.. يعني انت معملتش تحليل ؟
واعتمدت علي نتيجة زوجتك فقط
فا رد كريم بثقة
وقالي..
وهعمل تحليل لية؟
بقولك...سمية مراتي مصابة بالايدز
وانا كنت عايش معاها وبعاشرها
وطالما سمية طلع عندها ايدز
يبقي منطقيا كده انا كمان مصاب بالايدز
فا بصيتلة وانا مستغربة
وسالتة
وقلتلة..
لكن انت قولتلي في اول جوازنا
انك شخص مريض بالش..ذ..وذ
وبتمارس ده عن اقتناع... ورغبة
فا رد كريم
وقالي...قبل ما اجاوبك
لازم اقولك الاول انا اتجوزتك ليه؟
واازاي؟
قلت..ايوه..
بالله عليك فهمني
وقولي... انتي اتجوزتني ليه
فا هز كريم راسة بالموافقة
وقالي..حاضر
هقولك
بس بشرط
قلت...شرط اية
قال..انك تسمحيلي استضيف عشيقي هنا الليلة
ونقضي ليلة حمره ادامك
عشان تعرفي الموضوع ممتع اد ايه؟
فا بصيتلة بتقزز
وقلتلة..
انت مجنون ولا جري لعقلك حاجة؟
لا طبعا انا مش هستني لما اشوف بعيني القرف ده
فا رد كريم
وهو بيلوح ليا بالسكينة الي في ايده
علي رقبة ابني
وقالي..
احسنلك انك توافقي
بدل ما اخد منك عمر
واقضي معاه الليلة
ادام عنيكي
برضوا
في اللحظة دي
صرخت ...وانا بحاول احمي رقبة ابني
من تحت ايده
وقلتلة
ااتزفت وهات عشيقك
بس سيبنا نمشي من هنا
فا مسك كريم الموبيل بتاعة
واتصل بشخص ما
وبعد ما اتكلم معاه كلمتين بصوت واطي
قفل الموبيل
وهو بيقولة..
منتظرك بس خف نفسك
بسرعة
والغريبة
ان كريم فضل ساكت بعدها
لغاية ما سمعنا جرس الباب
فا راح كريم يفتح
وهو فاكر ان عشيقة علي الباب
لكن الي كان علي الباب
هو اشرف اخويا
واول ما شوفت اشرف
استغثت بيه
وقلتلة..
الحقني يا اشرف
الحيوان كريم
طلع شاذ
و عايز يغتصب ابني
ودلوقتي منتظر عشيقة
عشان يقضي معاه
سهرة حمرة
وكنت فاكرة
ان رد فعل اشرف اخويا هيبقي ناري
يعني ..ممكن يولع في كريم جوزي
لكن اتفاجئت
برد فاعل بارد جدا من اشرف
وكل الي عملة
انه ابتسم
وهو بيقرب من عمر ابني
وبيسالة
وبيقولة...
انت كتت فين يا عمر؟
دوختنا عليك يا ابن اختي؟
وقبل ما اثور علي برود اشرف
واعاتبة..
اتفاجئت ب اشرف
بيعطي كريم كيس بلاستك صغير
وبيقولة...
خد حطلنا العصير ده في كوبيات
وهاتة عشان نهدي اعصابنا
علي ما اتكلم مع اختي كلمتين
واعقلهالك
وفعلا اخد كريم علب العصير
ودخل بيهم للمطبخ
وفي اللحظة دي
بقيت ابص لاشرف بدهشة
وقلتلة..
انت جنسك ايه؟
بقولك جوز اختك شاذ وعايز يغتصب ابن اختك
وانت جايب عصير
وبتقولة..انك هتقنعني وتعقلني؟
انت ازاي بقيت مجرد من الرجولة كدة؟
فا رد اشرف
وقالي
اصبري بس يا هدير
وانا هفهمك وجهة نظري
فا صرخت في اشرف
وقلتلة...
مش عايزة افهم حاجة
ولا حتي عايزة اعرفك بعد كده
تاني
وسحبت ايدي من ايده وكنت همشي
لكن كريم كان خرج من المطبخ
ومعاه العصير
وسال اشرف
وقالة..
مزعل اختك ليه؟
فا رد اشرف
وقالة..
اختي بقت دماغها ناشفة اوي
وفي اللحظة دي
مد اشرف ايده ليا بالعصير
ولما مقبلتش اخد حاجة منة
مد ايده لعمر بالعصير
وقالة..
اشرب العصير يا عمر
وقول لماما...
تشرب العصير عشان يهدي اعصابها
ونعرف نتفاهم بهدوء
بدل ما نضطر نلجئ للعنف
فا لاحظت ان عمر خاف منهم
واخد العصير وشربة
وبعدها..
مد كريم ايده ليا بالعصير
فا قلقت منهم
لا يكون العصير فيه منوم
وبعد ما اشربة انام
ويستفردوا بابني
ويعملوا فيه حاجة
فا رفضت اشرب العصير
وفضلت قاعدة مستنية اشوف اخرتها ايه معاهم
واثناء ما كنت ببصلهم ومركزة معاهم
اتفاجئت بابني بيتقيئ
وبيرجع كل الي في بطنة
وبعدها..
وقع علي الارض وبقي جثة هامدة
فا صرخت وقولت الحق ابني
يا اشرف
وفضل اشرف يبص لكريم
بطريقة غرببة
وكل الي عملة كريم انه اخد كوباية العصير الي شرب منها عمر
وحطها في كيس
وفهمت في اللحظة دي
ان كريم حط سم في العصير
وكنت هكمل في الصراخ عشان
حد يجي ويلحق ابني
لكن...لقيت اشرف بيحط السكينة علي رقبتي
وبيقولي..
لو سمعت صوتك هخليكي تحصلي ابنك
فا بصت لاشرف بزهول
لكن..اشرف مهتمش لنظراتي
وامر كريم انه يتخلص من جثة عمر
وكان مفروض ان كريم يطاوعة وينفذ الاوامر
لكن..
كريم قالة
انا مش مقتنع
بالطريقة الي انت عايز تتخلص بيها من الحثة يا اشرف
ازاي عايزني ارميها في النيل
ما كده الجثة هتظهر بعد كام يوم وهنتكشف
ده غير ان امة الي واقفة جنبك دي
اول واحده هتبلغ عننا قبل حتي ما الجثة تظهر
فا رد اشرف
وقالة...
اخفي جثة الواد بالطريقة
الي تريحك
وبالنسبة لامة
فا انا هطلع ارميها من فوق العمارة
وكانها وقعت من البلكونة بتاعتها
وفعلا
قيدني اشرف من ايدي
بعد ما كتم نفسي بشريط لاسق
وبعدها...
اخدني معاه لغاية الاسانسير وطلع بينا لاخر دور
وعلي السطح
استعد اشرف عشان يرميني من فوق
لكن...
اثناء ما كان بيشرع في قتلي
اتفاجئنا بضؤء قوي جدا
جاي من كل مكان
ع السطح
والضوء كان متسلط عليا انا.. واشرف اخويا فقط
وكان النور شديد جدا لدرجة انه كان حاجب الرؤية عننا
ومع الضؤ سمعنا صوت
بيقول..لاشرف
ارمي السلاح الي في ايدك يا اشرف
وسلم نفسك
لان السطح كلة محاصر
فا بص اشرف للارض شوية
وبعدين رمي سلاحة
وبمجرد ما اتخلي عن السلاح
ظهروا رجال الشرطة علي السطح
واقتادوا اشرف معاهم
ولاحظت ان كريم جوزي
كان ...بيتكلم مع الظابط
واستغربت ان الضابط كان بيشكر كريم
لكن انا مهمنيش ده كله
لان مكنش في دماغي حاجة ساعتها غير عمر ابني
وبمجرد ما اتحررت من القيود
صرخت واستنجدت بالظابط
وقولتلة...
قتلوا ابني يا حضرة الضابط
فا رد الضابط بثقة
وقالي..اطمني
ابنك بخير
ومفروض تشكري كريم لانة اتعاون معانا
لغاية ما قبضنا علي اشرف
والشبكة كلها
فا بصيت لكريم لقيتة بيبتسملي
وبيقولي..
اطمني عمر بخير
وبعدها..اخدني كريم من ايدي
وقالي..تعالي نروحلة
وفعلا نزلنا لشقتي
ولقيت عمر ابني نايم علي السرير
ورجال الاسعاف بيفوقوه
فا بصيت لكريم
وانا مخضوضة
وسالتة
وقلت..
ابني جرالة ايه؟
فا رد كريم
وقالي...
انا حطيت لعمر شوية منوم
في العصير
وضفت عليه مادة تهيج معدتة
وتخلية يرجع عشان اوهم اشرف ان عمر اتسمم
قلت..وليه اشرف يعمل معايا انا وعمر كده؟
ولما انت كنت متفق مع البوليس
لية معرفتنيش
فا رد كريم
وقالي..
هجاوبك الاول علي السؤال الي كان محيرك
و اقولك..
انا اتجوزتك ليه ؟
وازاي؟
وبعدها...
هتفهمي كل حاجة لوحدك
قلت..طيب يلا فهمتي لو سمحت
وفعلا بدء كريم في السرد
وقال..
بعدما ما ابويا واخويا ماتوا..
وبعدما سمعت المحادثات... وعرفت كل الاسرار
والفضايح
الخاصة ب سمية ...وصديقتها
كنت عايز انتقم من الجميع
فا قلت استغل اي معلومة من الي عرفتهم
عشان انتقم بيها من سمية.. وصديقتها ..واخوها
وفعلا
عرفت معلومة خطيرة
وهي...
انهم كلهم تابعين لشبكة دعارة
جميع اعضائها من الشواذ
ودول شوية عيال منحرفين
من الي بيرفعوا شعار
(قوس قزح)
المهم..
بعد مراقبتي ليهم
عرفت انهم بيعملوا حفلات لشخصيات مهمة ...وثرية
وبيمارسوا فيها كل انواع الشذ...و...ذ
ولفت نظري
ان الواد واختة ساعتها
كانوا شايلين هم الحفلة الي هيعملوها قريب لشخصية مهمة
اصل الشخص المهم ده
كان راجل ثري عربي ..
وكان له ميول جنسية ناحية الاطفال
وصديقة سمية ...واتباعها كانوا محتاجين
يجهزوا مجموعة من الاطفال
عشان ينظموا بيهم الحفلة للرجل الثري
فا اتصلوا بشخص كانوا مسمينة (الزعيم)
والي فهمتة ان الزعيم ده
كان واحد منهم
وشاذ زيهم
واثناء ما كنت براقب تليفوناتهم سمعت الزعيم
وهو بياكدلهم
انه هيتصرف وهيجيبلهم الاطفال
الي هيقدموهم للراجل الثري
فا بدات اتابع موبيل الزعيم
كمان
بعدما هكرت حسابة وتليفونة
ومن خلال الرسايل بتاعة الزعيم
عرفت انه عامل اميل باسم طفل
اسمة( مهند)
وبيتكلم مع عمر ابنك
وبيحاول يلفت نظرة ...
ويفتح مداركة
للعلاقات الشاذة
ولاحظت كمان ...
انه بيستفسر من عمر
عن اصدقائة
وكان عايز يعرف اسمائهم...
وتفاصيل حياتهم الشخصية
فا فهمت ان (الزعيم)
هيجيب الاطفال المطلوبين للحفلة
عن طريق عمر
فا كان لازم اتابع عمر
عشان احمي الاطفال من الي هيحصلهم
ولكن...
لما هكرت حساب عمر
اكتشفت انه مجرد طفل الزعيم بينتهك برائته..
وساعتها افتكرت اخويا سامح
فا قررت اني
اعمل حاجتين
اولهم...
اني امنع الجريمة الي هما عايزين يرتكبوها في حق الاطفال
و ثاني حاجة
اني ااوقع صديقة مراتي
وشقيقها في شر اعمالهم
لكن ...
عشان ده كان يحصل
كان لازم اقرب من عمر ابنك
وفعلا اتعرفت عليه علي اني طفل من سنة
وعرفت عنوانه وظروفة كلها
ولما عرفت انه عايش مع امة الارملة
قلت..احاول اتقرب منك
عشان ابقي قريب من الولد
لكن....
لما اتعرفت عليكي
اكتشفت انك انسانة مسالمة وطيبة
ومختلفة عن سمية خالص
فا اتعلقت بيكي..وحبيتك
يا هدير
ومن يومها ...
وانا قررت اني اتحمل مسؤلية عمر
واكون يالنسبالة ابوه الي بيحمية
وفعلا
بدات اتابع موبيل عمر ليل نهار
وكمان كنت بتابع موبيل الزعيم
لغاية ما انشغلت يومين بسبب
شغلي
وبعدما ما رجعت اتابعهم تاني
اكتشفت ان الزعيم استدرج عمر واصحابة للحفلة
وده عرفتة
لما قرات محادثة بين عمر ومهند
الي هو (الزعيم)
و فهمت من المحادثة
ان عمر راح يقابل مهند صاحبة هو واصحابة
عشان يحضروا الحفلة
الي مهند كان عازمهم عليها
وفي اللحظة دي
انا اتاكدت...
ان الزعيم بدء في تنفيذ خطتة
وعرفت ان عمر واصحابة اصبحوا في قبضتة
وفي اللحظة دي
شوفت المشهد بتاع سامح بيتكرر ادام عنيا
وشعرت اني بفقد سامح من جديد
وعشان كدة
كان لازم اعمل المستحيل..
والحق عمر قبل ما يروح هو كمان
بس هلحقة ازاي ؟
و انا ممكنتش اعرف المكان الي كان فيه الحفلة بالظبط
وبدون تفكير
اتصلت بعمر من موبيلي الشخصي
واول ما رد عليا
سالتة
قلت..انت فين يا عمر؟
فا رد عمر وهو مفزوع
وقالي..
الحقني يا انكل كريم
انا في الشارع ...ومش معايا فلوس
وعايزك تيجي تاخدني
فا سالتة عن العنوان
وبمجرد ما قالي علي مكانة روحتلة
وفعلا لقيتة قاعد في الشارع
وهدومة مبهدلة...وريحتة قذرة
وكان واضح انه مرعوب
فسالتة..
ايه الي عمل فيك كده؟
رد عمر وهو بيبكي
وقال..
اصلي كنت تعبان وعندي اسهال
عشان كده هدومي كلها اتوسخت
فسالتة
سؤال مباشر
وقلت...اية الي حصل في الحفلة يا عمر؟
فا بصلي عمر بخوف
وقالي..هو انت عارف اني كنت في حفلة؟
فا قلتلة..
انا عارف كل حاجة
فا فضل عمر يعيط
وقالي..
والله انا ما كنت اعرف الي هيحصل في الحفلة
ولو كنت اعرف ما كنت هروح
فسالتة بهدوء
وقلتلة..
طيب اهدي ...
واحكيلي الي حصل بالظبط ؟
وفعلا..
بدء عمر يصارحني بالي حصل
وقال...
اول ما روحت الحفلة انا واصحابي..
لقيتهم بيطلبوا مننا اننا ندخل الحمام ونستحمي
ووبعد ما اخدنا الحمام
دخل علينا واحد راجل
وبقي يكشف جسم كل واحد فينا
ويتفحصة بايدة
والي يعجبة
كان بياخده معاه الاوضة
فا اخدني الفضول
وروحت فتحت باب الاوضة
الي اصحابي كانوا
بيدخلوها مع الراجل
وفي اللخظة دي
شوفت منظر مقزز.. رعبني
فا شغلت كاميرة الموبيل
وصورت الي بيحصل صوت وصورة
وطبعا الراجل مخدش بالة
اني بصورة
لانه كان مشغول في الي بيعملة
المهم...
لما الدور جه عليا
انا خوفت ...
واتوترت ...وحسيت اني بطني بتوجعني
فا قلتلهم ..مش هعمل كده
فا اخدوني بالقوة
ومن شدة الرعب عملت علي نفسي (اسهال)
وده الي خلاهم يسيبوني
ولما الزعيم (منظم الحفلة )
عرف بالي حصلي
جه بنفسة عشان يدخلني الحمام
ويخليني اخد شاور
واجهز تاني
عشان ادخل في دوري للراجل
وسكت عمر شوية
وبعدها
بصلي عمر
وسالني
وقالي..
عارف مين كان الزعيم يا انكل كريم؟
قلت...مين؟
قال..خالي اشرف
وبالرغم من صدمتي
من المعلومة الي قالها عمر
لكن ..
قلتلة..كمل يا عمر
فا كمل عمر في سردة
وقالي..
انا اتكلمت مع خالي اشرف وعرفتة
الراجل بيعمل مع اصحابي حاجات قذرة
وقلتلة ..
اني لما هخرج من الحفلة ...هقول لماما
واخليها تبلغ عن الراجل ده
فا سكت خالي شوية
وبعدها..
قعد يقنعني بان الموضوع مثير... وممتع
واني لازم اجرب كل حاجة
وطلب مني اني ادخل اخد الشاور
وبعدها ادخل في دوري
واجرب
ووعدني خالي
اني لو الراجل الثري اتبسط مني
هياخدني انا واصحابي
لرحلة علي المركب في النيل
وهناخد هدايا وفلوس كمان
بس انا مقتنعتش بكلامة
وانتهزت ان الجميع مشغولين في الحفلة وهربت
لكن لما خرجت الشارع
ملقتش معايا فلوس عشان اركب وارجع للبيت
لاني سيبت شنطتي جوه
فاحاولت اتصل بماما من الموبيل
عشان تيجي تاخدني
لكن...
مكنش معايا رصيد
لغاية ما انت اتصلت بيا
وجيتلي
بعدما سمعت لعمر
عرفت ان اشرف خالة
مش هيسيبة
وخصوصا ان عمر
شاف ...وعرف كل حاجة
عن اشرف
وعن الناس دي
وصورلهم فيديوا كمان
فا قررت اني اخفي عمر بعيد
عن عين اشرف
لغاية ما ابلغ عنهم
وفعلا
اخدت عمر...
وروحت لصديقي الوحيد الي بثق فيه
وصديقي ده كان ساكن فوق الشقة
الي كنت ساكن فيها مع سمية
مراتي
المهم
بعدما تركت عمر مع صديقي
الاعزب
الي كان عايش مع امة
خرجت من عندهم وكان في نيتي
اني اروح ابلغ البوليس
عشان ينقذوا الولاد الباقيين
لكن..الي حصل
اني وانا نازل
اتقابلت في سمية مراتي
الي استدرجتني لشقتها
ومسكت في خناقي لما عرفت اني اتجوزت عليها
وللاسف لما الخناقة اشتدت بيني وبينها
اتصلت بالبوليس
وقالتلهم...
اني طلقتها وجاي دلوقتي اتحرش بيها
ويومها اخدوني علي القسم
وقضيت اليوم كله هناك في الحبس
وطبعا وانا في القسم كنت متهم بقضية منيلة
وانشغلت با اثبات برائتي
وستر ربنا اني مكنتش لسة طلقتها
ولولا اثبتلهم بانها مازالت علي زمتي مكنتش خرجت
المهم...
بعدما خرجت
عرفت بغرق الولاد الي كانوا علي المركب
وساعتها فهمت
انهم غرقوا الاطفال
عشان محدش من الولاد يتكلم
وتنكشف هوية الراجل الاجنبي
والعصابة الي وراه
فا قررت اني ابلغ بكل الي اعرفة
واخدت معايا عمر ...
والفيديوا الي صورة
وروحت لمديرية الامن وبلغت عنهم
وعمر شهد بكل الي شافة
لكن ...علي ما البوليس اتحركوا
كان الراجل الثري سافر لبلدة
وعشان يمسكوا باقي العصابة
كان لازم البوليس يوضع خطة
والخطة كانت...
اني اوهم اشرف باني انسان شاذ
عشان يثق فيا..
ويقربني منه
وفعلا
اتعمدت اني افهمك اني شاذ
عشان تنقلي له المعلومة
واتعمدت كمان
اني اجيب طفلين وادخلهم الشقة
ادام اشرف
اكتر من مرة
وبعدها جيبت شباب وشافهم
برضوا
لغاية ما اشرف اتاكد
اني (مثلي) زية
لغاية...ما بدء اشرف يقرب مني فعلا
وبقينا اصحاب
وفي يوم طلبوا مني رجال البوليس
اني افهم اشرف
اني عرفت مكان عمر
واني شوفت معاه فيديوا يدينة
وبعتلة الفيديوا فعلا
فا اتفق معايا اشرف
علي اني اخلصة من عمر...
واجيبلة الفيديوا الي معاه
مقابل مبلغ كبير من المال
ووافقت طبعا
وواتفقت مع اشرف
اني هسمم عمر...
وامة واخلصة منهم
مقابل المال
وفعلا عملت نفسي شرعت في تنفيذ الخطة
واتصلت ب اشرف
وقلتلة ...
عمر تحت ايدي
هات السم وتعالي
والباقي..انتي شوفتية
بنفسك الليلة
بعدما سمعت لكريم
وعرفت اد ايه هو كان انسان شهم ...ونبيل
وهو الي انقذ ابني
فا نزلت علي ايدة ابوسها
وقلتلة..
انا مهما شكرتك مش هوفيك حقك يا كريم
فا رجع كريم ايده لورا
وقالي...مفيش داعي للشكر
انا يوم ما انقذت عمر
كنت حاسس اني
بنقذ سامح اخويا
فسالتة
وقلتلة...
لكن..
ليه مقولتليش ان عمر معاك؟
ولية سيبتني اموت من الرعب علي ابني؟
فا بصلي كريم بحزن
وقالي..
انا اتعمدت اني مقولكيش علي مكان عمر
عشان تكتشفي حجم الخطر الي بقي حواليكي انتي وابنك
كان لازم تتعلمي الدرس
عشان..
تاخدي بالك من ابنك
وتهتمي بيه اكتر
وقرب مني كريم
وشد علي ايدي
وقالي..
انا خلاص هموت اسيبكم لوحدكم
واديكي شوفتي...
وعرفتي
اد ايه الدنيا دلوقتي
بقت بشعة
وفيها ناس ابشع
حذار تهملي تاني
وتقولي..
انا ابني راجل هيحصلة ايه؟
الولد دلوقتي يتخاف عليه اكتر من البنت
ولازم رقابة علي الجميع
ولمس كريم شعري
وقالي..
انا همشي دلوقتي
لكن...
هفضل متابعكم لغاية ما ينقضي امري
خلي بالك من نفسك
وخلي بالك من عمر
فا بكيت
وقلتلة
انا بحبك يا كريم
فا رد كريم
وقالي..كان نفسي اسمعها من زمان
لكن دلوقتي....
فا قربت منه وانا بتوسلة
وقلت..
تعالي نحلل يا كريم
فا رد كريم
وقالي..
سمية ماتت اول امبارح
يعني مفيش فايدة من التحليل
فقلت..
خلي عندك ثقة في الله
تعالي نمشي ورا الامل
ولو في امل واحد في المية
لازم نفضل وراه
لان مفيش حاجة بعيدة عن ربنا
فا سكت كريم شوية
وبعدها
قالي...
انا هوافق بس
عشان اثبتلك ان مفيش امل
وفعلا اخدت كريم وراح عمل التحليل
وطلبت منه انه يرجع يعيش معانا
لغاية ما نتيجة التحليل تظهر
وفعلا
رجع كريم يعيش معانا
وبالنسبة لعمر..
فا بدات اصاحبة...
واعلمة دينة...
وافهمة ايه الحلال ...
واية الحرام
وبدات اشاركة
كل حاجة بيعملها
واشاركة حتي افكاره ..
واحلامة
اما الانترنت
فا اصبح عليه رقابة مشددة مني انا وكريم
اه ...محنا خلاص
اتعلمنا الدرس
المهم...
فضلنا علي الحال ده
لغاية ما جه يوم النتيجة
وعشان كنت عارفة
ان النتيجة ممكن جدا تبقي مخيبة للامال
فا فكرت اروح لوحدي للمعمل
وااتصدم بالنتيجة لوحدي
وكده كده كريم مش مهتم بالنتيجة اصلا
فا لبست بسرعة...
وخرجت بدري
بدون ما اقول لكريم
لكن..
اول ما وصلت لمعمل التحاليل
اتفاجئت
بان كريم وصل للعيادة قبل مني
فا عرفت ان كريم يا قلبي
مازال متعلق بالامل
المهم...
دخلت المعمل وقعدت جنب كريم
علي كراسي الانتظار
ومسكت ايده..
وقلتلة..
قول...يارب
فا بصلي كريم والدموع في عنية
وقال...يارب
و فضلنا مثبتين عننينا علي الاوضة
الي هيخرج منها الدكتور بالنتيجة
وفعلا..ظهر ادامنا الدكتور
الي بص لكريم
وقالة
(مبروك)
النتيجة سلبية
فسالتة بلهفة
وقلت..
يعني كريم مش مصاب بالاايدز؟
فا رد الطبيب بابتسامة
وقال..لا
التحليل اثبت ان (مفييش ايدز)
فا انتفض كريم من مكانة ..
وفضل يهلل ...ويكبر
وفي الاخر ..
قالي...ربنا نجاني يا هدير
فا دمعت
وقلتلة...
امال يعني كنت عايز تسيبني لوحدي يا جبان؟
وفي اللخظة دي
شدني كريم لحضنة
وفضل يلف بيا
وده كان اول حضن من جوزي
جوزي...
الي بقيت متاكدة تماما
انه...
( زوج مكتمل الرجولة).
كده الرواية خلصت
بس قبل ما اسيبكم
عايزة اقول حاجة
انا كنت زي هدير
وكنت فاكرة
ان تربية الاولاد
ما هي الا ...
اكل... وشرب... وتنضيف
وان الولد ميتخفش عليه
لكن ...
فوقت من فترة علي جريمة حصلت حقيقي
والجريمة...
كانت..
راجل اجنبي اتعرف علي طفل من اطفال الشوارع
والراجل طلب من الولد يجيبله اطفال مشردين
عشان يمارس معاهم الفاحشة
وبالفعل الطفل جابلة الاطفال
وبعدما الراجل مارس مع كل واحد فيهم الرزيلة
سافر علي بلدة
واكتشفوا بعدها
ان الاطفال كلهم مصابين بالايدز
الجريمة دي..
اخدت منها فكرة الرواية بتاعتي
لما لقيت ان الشذ..و...ذ
انتشر
وعلم المثليين بيرفرف في كل مكان تقريبا
يعني الجريمة
بتحصل كل يوم وكل ساعة دلوقتي
والشذوذ بقي سرطان بيزحف علي ولادنا
وللاسف ...
في دول.. ومؤسسات وفرق موسيقية ..وناس كتير
بتدعمة
تحت مسمي (المثلية)
انا بالرواية دي
جاية احذر..
واوصل رسالة
اقول فيها..
ان احنا داخلين علي
حرب شرسة
السلاح فيها بقي عبارة
(افكار مسمومة)
بتتوجه لاولادنا
عشان كده
لازم من التوعية
وانا حاولت من خلال روايتي دي
اني اوصل صوتي لكل هدير نايمة علي ودانها
واقولها..
فوقي لولادك
كفاية اني اقولك
ان قوس قزح (شعار المثلية)
بقي في قنوات الاطفال
يعني ولادنا في خطر
وشعارهم في قوة بتحمية
وممنوع حد يعترض
او يلقي الضوء علي بشاعتهم
لكن..لازم كلنا ناخد بالنا
و نواجه الخطر
و انا شخصيا هعمل الي عليا...
وهفضل اناهض فكرهم بكل ما اوتيت من قوة
حتي لو كان الثمن
اني حسابي يتعطل
او مدونتي تتقفل
او حتي انتهي كا كاتبة
لكن هبقي ريحت ضميري
ولما اموت واتحاسب
هقول لربنا اني عملت الي عليا
انتوا كمان لازم تنشروا التوعية
وياريت ...
تخلوا بالكم من ولادكم
فا اهل لوط يدعون اطفالكم للفاحشة
اللهم بلغت... اللهم فاشهد
ياريت تكون الرسالة وصلت
حفظ الله ابنائنا جميعا.
كده الرواية خلصت
لو عجبتك الرواية
ضع تعليقا يشجعني علي سرد المزيد من القصص
واخيرا
بحبكم جميعا في الله
والي اللقاء في رواية جديدة
برافو عليكى انتى بجد رائعه وانا بحييكى على المقالك الجميله دى اناوالروايه عجبتنى جدا جدا جدا والنهايه اكتر من رائعه
ردحذفانا بشكرك لكى جزيل الشكر والتقدير
وانا بشجعك وبقلك استمرى فى الكتابه و وبالتوفيق 🫡
بصراحه انا بكيت لان الروايه جميله جدا وفيها عظه يارب احفظ اولادنا
ردحذفيارب استودعتك أولادي
استمري وفقك الله
روايه رائعه جزاكم الله خير وجعلها في ميزان حسناتكم
ردحذفصراحه روايه جميله وروعه ربنا يحفظ اولادنا استمري جزاك الله خير
ردحذفبارك الله فيكى ونفع بيكى وجعله فى ميزان حسناتك
ردحذفروعه والله قصه جميله ياريت تقدمي كتير توعيه
ردحذفاروع روايه قرائتها في حياتي
ردحذفالله يجزيكي الخير للاسف واقع مؤلم الله يجيرنا
ردحذف