مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

البارت... 17... 

   من رواية ( صغيرتي المجنونة😜😜) 

في المساء....... 

بتكون العيله كلها قاعده مع بعض بيهزروا و يضحكوا في جوا يملاه السعاده و الحب فا طوال الوقت رودي بتكيلهم عن المواقف المضحكه اللي حصلت معاها...

و عيون هولاء العشاق لا تنزل من علي معشوقاتهم ❤

فا وليد ينظر ل ريحانه بحب و رامي ينظر ل لين بحب و رعد....

يال هذا الرعد العاشق فعيونه لا تنزل من عليها أبداً يراقب كل حركه كل نفس كل أبتسامه بتقوم بها.....

ليلاحظه الحسن... 

الحسن: بخبث.. جوليلي يا رودي يا بتي كيف قابلتي رعد أول مره.... 

رودي: بمرح...اسكت يا حسونه دا كأن يوم ما يعلم بيه إلا ربنا يا خويا..

الحسن: بتساؤل.. ليه يا بتي ؟ 

رودي: أنا كنت نايمه في أمان الله و عينك متشوف الا الخير أشم ريحة حريق أبص الاقي الفيلا بتولع باللي فيها و يختاي.............. 

.........................................................................................................

وبتقص عليهم كل حاجه حصلت من ساعة.. أجري يا مجدي وهات الشاحن  و الشبشب 

😂😂 😂 

لحد فين ماما يا حلوه 😂

(فاكرين)   

رامي: بضحك 😂.. مش قادر خلاص......

 يعني كان فاكرك بنت الدكتوره رودينا اللي هي انتي أصلا...

رودي: بمرح... تصور.. برستيجي راح يومها 😂

رعد: بهيام وعشق واضحين... بس كان احلي يوم في حياتي كلها...

رودي:بكسوف...هو الجو حرر كده ليه.. 

وليد: بسماجه...جرا أيه يا عمده أهدا شويه حس اننا قاعدين... 

رعد: ببرود.. انا بقول بلاش الخطوبه اللي بعد بكره دي اصل انا مقدرش علي فراق أختي حبيبتي...وبيشد ريحانه يقعدها جنبه.... 

وليد: لا يا رعد وحيات عيالك... احنا أسفين يا صلاح.. 

بيضحك الكل علي رد وليد 😂😂😂... 

رامي: بمقاطعه... مكنش بودي اقطع اللحظه الكوميديه دي يا جماعه بس انا عندي طلب... 

الكل بانتباه... خير يا رامي.. 

رامي: بجديه مضحكه....يا أستاذ وليد انا يسعدني و يشرفني اني أطلب من حضرتك أيد أخت حضرتك بعد أذن والد حضرتي... 

وليد: بضحك 😂 😂 أنت متاكد من اللي أنت قولته ده...

رودي: متاكد ايه بعد اللي قاله ده .. بس بالله شكلك مسخره وأنت بتتكلم 😂😂

رامي: بغيظ.. بس يا بت منك ليه... 

رودي: بعند... أنت بتكلمني انا و بتبصله و بتبص  ل لين... بمعني اثبت علشان الجوازه تتم... 

رامي: بتحدي.. اه بقولك و اذا كان مش عاجبك أقول.. وبيبص ل رعد بمعني... هقوله علي اللي بتعمليه وبيبتسم أبتسامه شريره 😈.. 

رودي: ولا تفرق معايا وبتطلع له لسانها 😜..

 رامي: أبوي.. أنت ساكت ليه ما تقولك حاجه وتمم الجوازه ابوس يدك..

الحسن: بضحك 😂 ومالك مخلوع علي الجواز  أكده مش لما تخلص جامعتك الأول....

رامي: بسرعه.. لا ياحاج ما اني في أخر سنه و كمان بامتياز يعني كلها كام شهر و هتعين معيد... 

الحسن: ربنا يوفقك وعلي خيرت الله يا ولدي ... ايه رايك يا وليد... 

وليد: والله يا عمي إذا كان عليا مش هلاقي أحسن من رامي زوج ل أختي... بس القرار ليها هيا... 

الكل بيبص ل لين بمعني إيه رأيك... 

لين: بتوتر و خجل... احم هو المفروض اني ارد... 

رودي: انتي غبيه يا بت اكيد مفروض تردي لا اه لا لا... 

بس اقولك علي حاجه قولي لا اه والله أصل هما اللي اتجوزوا خدوا ايه استفادوا ايه؟ 

ها ولا حاجه... أصل الجواز ده مشروع فاشل خصوصاً لو كان مع رامي اصله فاشل و صايع و بتاع بنات و حفلات و رقص من الاخر كده الواد ده باد بوي و ينفعكيش..... 

رامي: بصدمه.. وبيشاور علي نفسه دا انا اللي بتتكلمي عليه ده..؟؟ 

رودي: ايون...وبتطلع تجري لما بتلاقي رامي

هيقوم ليها.... 

رامي: وهو بيجري وراها نهارك اسوح الليله دي انا بتاع بنات... دا انا اكبر معرفتي بالبنات كانت أمي يا بت... 

انا بتاع حفلات و رقص دا انا بنام من الساعه 9 و اخر حفله روحتها كانت حفلة هشام الشعريه... 

بتقف رودي مره واحده وهي بتمثل الصدمه.... ايه ده دا  انت طلعت مش باد بوي  خالص يا رامي.. أنت كده جود بوي.. 

رامي: بكوميديا.. شوفتي إنك ظلماني ازاي وأنا غلبان دا مفيش وحده ولا مره عبرتني في الجزمه و قالتلي بحبك كلهم يقولوا ل رعد وأنا لا... دول كانوا مسمينه أيام الكليه توم كروز الجامعه وكل البنات معجبه بيه وأنا لا...جيتي انتي و بتبوظي الجوازه تب اعيط طيب علشان ترتاحوا...

رودي: بمواساه... يا عيني عليك يا ابني دا انت طلعت مسكين...بس متزعلش أصل البنات في الجامعه كانو عميي علشان شيفين رعد حلو وانت لا تب دا انت أحلي منه... 

بيبصلهم رعد بنظره قاتله كفيله بأسكاتهم فهو يقسم أن قام سيقتلهم بسبب نيران الغيره التي تشتعل في صدره... 

بيبلع الاتنين ريقهم بخوف و توتر من نظرات ذلك الرعد العاشق....

رامي: بخفوت.. أبوس راسك يا شيخه قوليلها توافق.. 

رودي: خلاص.. انت صعبت عليا و هقولها توافق... 

رودي: يا لين و النبي توافقي علي الواد رامي أصله غلبان و أبن ناس وبيحبك... 

لين: بكسوف.. بس انا لسه معرفوش كويس.. 

رودي: يا بنتي ما هيكون فيه فترة خطوبه ابقوا أتعرفوا علي بعض فيها... 

رامي: بسرعه... وليه ده كله ما خير البر عاجله وتكون خطوبتنا بعد بكره مع وليد و ريحانه  و دلوقتي قوليلي انتي عاوزه تعرفي ايه عني وانا جاهز... دا بعد اذن وليد طبعاً... 

وليد: ببرود.. لا 

رامي: باعتراض.. ليه بقا إن شاءلله دي المفروض تكون رؤية شرعيه لينا... 

وليد: خلاص وان هقعد معاكوا ولا أقولك انا مش موافق أصلا... 

واكمل بخبث... اممم مش انت عملت فيا كده و كنت عاوز تقعد معانا في الرؤية الشرعيه.. 

رامي: بس انا مقعدتش... بالله توافق يا وليد..

وليد: بغيظ في رامي... مش انا قولتلك ليك يوم و اهو جه براحتي بقا... 

رامي: يا بوي ما تقوله حاجه انت مش شايفه بقول ايه.... 

الحسن: بضحك 😂 انت اللي عملت في نفسك أكده لما كنت بتاعند فيه.... 

فريده:بضحك 😂 من حفر حفره لاخيه وقع فيها...

رامي:حتي أنتي يا أمي... 

 رعد  حبيبي يا اخوي انت اللي هتقف جنبي قوله حاجه الله يرضي عنيك... 

رعد: بابتسامة بارده... أممم بس اني توم كروز الجامعه ولا نسيت... 

رامي: بخوف.. خلاص بلاش أنت.... ما تساعديني أنتي يا رودي... 

رودي: وأنا مالي يا لمبي..

 أقولك خلي القلب تساعدك.. 

رامي:مش فاهم تقصدي مين؟ 

رودي: يا غبي خلي ريحانه تقوله وهو ما هيصدق انها طلبت منه حاجه هينفذها بسرعه... 

رامي: بفرحه... تصدقي معاكي حق تب وربنا أنتي احلي رودي.... بس هقولها أزاي قوليلها إنتي... 

رودي: وأنا مالي يا أبا... 

رامي: لو قولتيلها ها اجيبلك أندومي من كل الانواع و شيبسي من كل الانواع و بيبسي و شوكالاته كتير....

رودي: بكره... 

رامي: ماشي.. 

رودي: أشطي.. هقولها دلوقتي علي الواتس..

ريحانه: علي الفون بعد ما رودي قالتلها... تب وافرضي رفض.. 

رودي: جربي يا رورو مش تخسري حاجه... 

ريحانه: ماشي...... أحم وليد 

وليد: قلبه وعيونه من جوا... 

ريحانه: بأحراج.. هو أنت ممكن توافق علي طلب رامي... 

وليد: بهيام... حاضر يا قلبي...

الحسن: أتحشم يا ولد..

وليد: أعزر قلبي المسكين يا عمي...

رعد: أنا بقول نفضها سيره أحسن ولا ايه يا وليد؟ 

وليد: بسرعه... لا وعلي ايه الطيب أحسن مش هتكلم و امري لله موافق يا رامي روحي معاه يا لين... 

بتقوم لين تقعد هي و رامي في الجنينه

يتبع 

البارت 18من هناااااااا