 |
#البارت_قبل_الاخير❤ #بقلمي_اميره_رمضان_مسعود
(سمعت صراخ تالين جريت بسرعه اشوف في اي واول مدخلت لقيت شخص ماسكهم)
_ ااااانت مييييي
( لسه هروحلهم في واحد حط منديل علي مناخيري وبعدها محستش باي حاجه)
تالين بصراخ: مامااااااا
الشخص بصرامه: بت اسكتي خااااالص
تالين بخوف حطت ايدها علي وشها: حاضر حاضر
الشخص : شيلوها بسرررعه يلا
ايان بعصبيه: انتو واخدينها علي فيييين
الشخص : خليك هادي بدل متموت
ايان اتعصب وشد القناع من علي وش الراجل وشاف وشه
الشخص التاني : هات الواد ده معاها
#بقلمي_اميره_رمضان_مسعود
الشخص : احنا مطلوب مننا نجيب مراته بس مش اولاده
الشخص التاني : ماهو شاف وشنا وممكن يوصف شكلنا ليهم هاتو بسرررعه
________
قبل قليل عند ليل لما كان بيكلمني
ليل : مش عايزه حاجه اجيبها وانا جاي
_لاء عايزه سلامتك
وفجاء ليل سمع صراخ في التلفون من بعيد
ليل بخوف: الو الو حنييين في ااي
(لا رد)
نزل بسرعه خد العربيه وفضل يرن علي خديجه
خديجه : ايوا ي ليل
ليل بسرعه : انتي في البيت
خديجه بقلق : لاء انا خارجه مع نوح شويه في حاجه ولا اااي
ليل قفل معاها بسرعه ورن علي مدام كريمه كتير بس مكنتش بترد علي التلفون وهو قلق اكتر
ساق العربيه بسرعه اكبر
#بقلمي_اميره_رمضان_مسعود
___اللهم صلي وسلم وبارك على سيدنا محمد ❤____
خديجه لما ليل كلمها قلقت اووي ورجعت البيت هي ونوح وبما انهم كانو قريبين من البيت وصلو اسرع من ليل
دخلت خديجه بسرعه البيت : حنيييييين حنيييييين لولو ي تاليييييين (بصت لنوح)هو مفيش حد بيرد ليه
نوح : هما ممكن يكونو خرجو
خديجه : مش عارفه بس ليل كان باين عليه قلقان اووي خايفه لحنين يكون جرالها حاجه تعالي كده
طلعت بسرعه فوق ولاحظت كام حاجه واقعه علي الارض قالت بهستريااا : حنيييييييييين
(وسمعو صوت بكاء مكتوم جاي من اوضه ايان وتالين جرو بسرعه علي هناك وشافو تالين حاطه اديها علي وشها وبتبكي)
خديجه : تالين قلبي مالك بتبكي ليه فين حنين وايان
(تالين مش بتتكلم بتبكي بهستريا)
ليل وصل البيت
قال بصوت عالي : حنيييييين
ودخل الاوضه وشافنا واحنا بنحاول نهدي تالين
ليل حضنها اوي : لولو اهدي قوليلي اي اللي حصل
(بعد وقت تالين هدت وحكت كل حاجه شافتها)
ليل بصدمه : يعني اي حنين وايان اتخطفوووو
#بقلمي_اميره_رمضان_مسعود
خديجه : يالهووووي يالهووووووووي وكمان حااااامل ربناااا يستر
ليل حس كانه مش سامع ولا شايف اي حاجه قعد علي الكرسي ومازال مصدوم
_________
فتحت عيني بصعوبه واستغربت انا فين كنت راقده علي الارض والاوضه كانها مخزن
_ يالله اي المكان ده (وبتلفت في الاوضه ولقيت ايان نايم بعيد )
اتخضيت : اياااااان ايااان حبيب مامي فوق اصحي (فضلت افوق فيه كتير وفي الاخر صحي)
ايان بخوف : احنا فين
_ مش عارفه هو اي اللي حصل
ايان : انتي وقعتي في الارض والراجل زعق لتالين
قولت بسرعه : طب هي فييين
ايان : في البيت و انا خايف من الضلمه
_ متخفش ي حبيبي انت معايا وبعدين انت الراجل هنا يعني انت اللي تقولي متخافيش
ايان : بس الراجل معاه مسدس وقالي لو اتكلمت هموتك
_ مين ده ولا حد يقدر يعملك حااجه انت بطل زي بابا ولا اي
ايان : ايوا
_ احنا هنستني شويه وبعدين هنلاقي بابا جاي وهيخدنا من هنا بس انت قول يارب
#بقلمي_اميره_رمضان_مسعود
(كنت بحاول اطمن ايان شويه رغم اني انا اللي هموت من الرعب وخايفه علي ابني اللي في بطني فضلت ادعي ربنا وانا واثقه انه هينجيني زي ما نجاني من كل حاجه قبل كده)
__________
بسمه : انا كده جهزت كل حاجه
ياسين : يابنتي احنا هنسافر لسه بعد يومين بتجهزي من دلوقتي
بسمه : اه عشان منساش حاجه وكمان هطلع اجهز لماما شنطتها هي كمان قبل حنين ما تاجي هي تلمها عشان متتعبش
ياسين : ماشي
بسمه قالت بحزن : المكان هنا هيوحشني اووي انا حياتي كلها كانت في العماره دي اتولدت وعشت واتجوزت هنا ايوا كل مرحله كانت في شقه غير التانيه بس كلها كانت في نفس العماره مش عارفه هعيش برا ازاي حاسه اني عامله زي السمكه لو طلعت ب ا هموت
ياسين : اي ي بت الكلام الكبير ده(قال بضحك) بس متقلقيش هبقا اعملك تنفس صناعي
بسمه : هههههههه والله تعرف امك نفسها تمسكني كده تولع فيا
ياسين : ربنا يستر ونمشي من هنا علي خير قبل متحصل حاجه
بسمه : بس صعبانه عليا والله #بقلمي_اميره_رمضان_مسعود
ياسين : ليه
بسمه : اصعب حاجه علي الوحده انها تشوف جوزها في حضن وحده غيرها ومتقدرش تقول حاجه امك ساكته بس جواها نار بتطلعها في العصبيه والخناق كل شويه معايا او مع مديحه
________
بعد شويه
فارس بلغ الشرطه بالحادثه والخبر اتنشر والكل اتجمع في بيت ليل
ليل عقله بقا مش فيه كل اللي هامه انه يرجع حنين وايان وينتقم من اللي عمل كده
فتح كاميرات المراقبه عشان يشوف اللي حصل بس للاسف الكاميرات كان في حد عطلها
الضابط : اللي عمل كده هو نفسه اللي بعت الاكل المسمم ليها وكان غرضو في الاتنين القتل
ام حنين : انتو بتقولو ااااااي لاء لاء بنتي اكيد هتبقا كويسه رجعلي بنتي ي ليل انت لما اخدتها مني وعدتني ان مش هيحصلها حاجه اوفي بوعدك وهاتلي بنتي
(ليل واقف مش علي بعضه قلقان وغضبان )
بسمه : اهدي ي ماما الله يعينه ماهو ابنه برضو مخطوف بلاش تضغطي عليه
ندي : ايوا يعني هيكون مين اللي خطفها دلوقتي انتو نسيتو ان الحمل مش ثابت ولو حصل اي مجهود هتسقط وكمان هيبقا خطر علي حياتها
#بقلمي_اميره_رمضان_مسعود
ليل بانفعال لظابط : ايوا انا برضو موصلتش لحاجه انا عايزكم تجيبو مراتي وابني من تحت الارض
الظابط : احنا هنعمل اقصي جهدنا واكيد هنوصل للعمل كده بس لازم تساعدنا انت ليك اعداء
ليل : انا واحد معروف في مجالي واكيد ليا منافسين بس كله في اطار الشغل مفيش حاجه شخصيه
فارس : ي حضرت الظابط مفيش اي حد يقدر ينافس ليل ويعمل كده
(وسط الكلام دخلت جاسمن وهي بتنهج وبتبكي)
=وديت ابني فيييين ي ليل
ليل واقف ساكت مش بيتكلم
جاسمن : ابني راح فييين قوووول مين اللي عمل كده وانا اكله بسناني
خديجه : انتي مالك بتلومي ليل ليه ده اهتم بيهم ورباهم الدور والباقي عليكي سبتيهم وهما لسه اطفال صغيرين
فارس : بس اسكتو مش ناقصه
(كلهم دور علي حنين وايان كتير بس مفيش اي دليل يوصلهم ليه)
________
تاني يوم بطني ابتدت توجعني اوووي لان مبقتش باخد العلاج وايان جنبي خايف
دخل واحد من العصابه شكلو ضخم شويه : الاكل اهو اطفحو مش عايزينكم تموتو دلوقتي
_ انتو عايزين مننا اي بظبط واحنا هنا ليييييه
#بقلمي_اميره_رمضان_مسعود
الشخص : مش مطلوب مني اقول ولا كلمه اسكتي بقا وبطلي صداع عشان مهما صرختي مفيش حد هيسمعك (ومشي)
ايان : انا جعان
_ كل ي حبيبي متخفش سمي الله بس الاول
وقعدت كلعاده ادعي ربنا ينجينا
________
الظابط : انا حبيت اتكلم معاك لوحدينا عشان الكلام اللي هقوله ممكن يزعل حد
ليل باستغراب: كلام اي
الظابط : ان اللي عمل كده حد قريب منك وعارف كل خطواتك معاك جوا البيت وبرا البيت وفي الشركه كمان
ليل : لاء لاء اكيد بس حضرتك متلغبط شويه مستحيل يعني حد من قرايبي يعمل كده
الظابط : طب فكر فيها كده مين يعرف ان عم صالح اللي حكيتلي عنه جاب اكل لمراتك قبل كده
ليل في باله : دي انا متاكد انها جاسمن
الظابط : ولو فكرت شويه اللي خطف المدام وابنك بيفكر بنفس الطريقه انه دخوله البيت سهل اوي اول حاجه حط منوم لكل الخدم الموجودين وحتي الكلاب خضرها مفيش ولا باب في البيت مكسور ده معناه انه معاه نسخه من المفاتيح عارف موعيد شغلك وعارف انك هتتاخر انهارده بذات حاجات كتيره اووي تثبت ان ميعملش كده الا حد قريب منك مثلا الانسه خديجه حسب المعلومات اللي عرفتها انها مش بتخرج كتير اشمعني في الوقت ده وكمان انت لما جيت لقيتها موجوده مع نوح صاحبك اللي هو خطيبها ومن ناحيه تانيه ابن عمك فارس ده علطول معاك في الشركه اشمعنا المرادي اعتذر ومحضرش الاجتماع ده غير ان مفيش اي حد اتصل حتي يطلب فديا ده معناه انه خطف عن قصد مش مجرد ناس خاطفهم عشان الفلوس انا هسيبك تفكر وتحاول توصل لحاجه واحنا برضو هنبذل اقصي جهدنا عشان نرجع ابنك والمدام
#بقلمي_اميره_رمضان_مسعود
(خرج الظابط وليل دماغه هتتفجر من التفكير)
ليل : مين هيكون عمل كده اكيد جاسمن بس هي متعرفش عني كل حاجه كده لا معاها نسخه من المفاتيح ولا تعرف اني هتاخر ولا حتي لها علاقه بالخدم بس مين اللي عمل كده مستحيل يكون حد من اللي قال عليهم مستحييييل
________
قاعده ولقيت الباب اتفتح جامد اتخضيت انا وايان وحضنتو دخل شخصين مع بعض وقال قومو اقفو عشان الباشا وصل
دخل الباشا بتاعهم : اممممم بيقولو انك مش بتاكلي
_ وانت مالك انا عايزه اعرف احنا هنا لييييه
الشخص : نعمل اي في جوزك عايز كل حاجه شغل ومال واولاد كل حاجه عندو واحنا تعبنا منه لازم نحرمه من كل حاجه حلوه في حياته عشان يتعلم الادب
قولت باستحقار : انت مييين
الشخص : انا اللي جوزك واخد منه كل حاجه حلوه في حياته وانا اللي هاخد حياتك انتي وجوزك (وخنقني اووي وايان اتصرع)
دخل حد كان مخبي وشه وبعدو عني بصعوبه
اخدت نفسي بصعوبه وقولت : انت ولا انتي مين انتو كمان
شاور ليهم ياخدو ايان براا
ايان : ماماااااا متخلهمش يخدوني
_قومت من مكاني بصعوبه عشان اخدو منهم بس واحد من الموجودين زاحني قوي ووقعت علي الارض جامد
_ اااااااااااه ضهري
الشخص بدء يشيل الشال من علي وشه
انا بصدمه : مش معقول 😳
#يتبع_البارت_الاخير
#روايه_حنين_الليل
#بقلمي_اميره_رمضان_مسعود
تكملة الروايه من هنااااااا
 _ ااااانت مييييي ( لسه هر…){kind=link}
رووووووووووووووعه
ردحذفالتكمل
ردحذفاحسنتى
ردحذفجميله جدااااااااا
ردحذفالرجاء التكمله
ردحذف