 |
#بريئه_أوقعتنى_في_حبها_2
ملك حين رأت ميرال وقفت مكانها واحلت بيها الصدمه
ميرال بلعت ريقها بصعوبه وملك راحت عند ياسين وعيونها متركزه على ميرال
كمال: اخبارك ايه يا بنتى ؟
ياسين بص لملك اللى كانت بتنظر لميرال بنظرات كادت ان تحر"قها
ياسين مسك أيدها وقال: ملك انتى كويسه
ملك هزت رأسها وقالت: الحمدلله يا عمو انت اخبارك ايه
كمال ابتسم: بخير يا بنتى
ياسين وهو ينظر لملك الشارده تماماً: انا وملك اتفاقنا نعمل الفرح اخر الاسبوع يا بابا
كمال: على بركه الله بس فين معتز ؟
ياسين: عمو معتز قال ان وراء شغل مهم ولما يخلص هيجى
كمال هز رأسه وحمزه راح عند ياسين وحضنه وقال: حمدالله على السلامه يا حبيبي
ياسين ابتسم وقال: الله يسلمك ٠٠٠٠٠امال فين سيف ورنيم
حمزه ابتعد عن ياسين وقال: خرجوا من ربع ساعه كده المهم هتكون عم قريب
ياسين ابتسم وقال: عارف
حمزه ضم حواجبه وقال: مين اللى قالك
ياسين: بابا قالى ان رنيم حامل
حمزه: أنا مش قصدي على رنيم يا ياسين
ياسين بص لميرال وقد فهم كل شي ليقول: الف مبروك يا ميرال
ميرال بابتسامة بسيطة: الله يبارك فيك يا ياسين
حمزه رفع احد حاجبيه وقال: ومفيش مبروك لاخوك ولا أي
ياسين حضن حمزه وقال بابتسامه: الف مبروك يا اخويا
حمزه ابتسم وقال: الله يبارك فيك يا قلب اخوك
ياسين ابتعد عن حمزه وقال: ملك ده ميرال مرات حمزه
ملك بصت لميرال وقالت: الف مبروك يا ميرال
ميرال بابتسامة بسيطة: الله يبارك فيكى
ياسين راح عند ميرال وقال: ملك شكلها مكسوفه أوى من بابا وحمزه اي رايك تاخديها فوق
ميرال ابتسمت وقالت: حاضر !!
ميرال بلعت ريقها بصعوبه وبدأت تمشي اتجاه ملك
ميرال وصلت عندها وقالت: اي رايك نطلع فوق
ملك هزت رأسها وطلعت مع ميرال فعلاً
في غرفه ميرال
ميرال قعدت جنب ملك وقالت بعيون دامعه: والله مظلومه
دمعه فرت من ملك اللى قالت: مظلومه ؟ انتى اكيدا بتهزري
ميرال مسكت أيد ملك وقالت: ملك انتى زي اختى وأنا مستحيل افكر اعمل فيكى كده
ملك سحبت أيدها وميرال بصت لتحت وقالت: سندس اللى قالتلك صح؟ طب لو قولتلك ان سندس السبب في اللى حصل
ملك قامت وقالت: كان ممكن اقول لياسين حقيقتك الو"سخه بس مردتش عارفه ليه ٠٠٠٠عشان مش أنا أللى اذي حد يا ميرال
ميرال قامت وقالت: ملك انتى بتقولى أي أنا والله ما بعت شباب ليكى زي ما قالتلك سندس
ملك رفعت أيدها في وجهه ميرال وقالت: ملك بتاعت زمان ما"تت يا ميرال ملك الضعيفة ما"تت
ميرال بصت لتحت وملك هزت رأسها وقالت: ملك بتاعت زمان ما"تت يا ميرال ملك الضعيفة ما"تت خلاص
ملك طلعت وميرال قالت بانتهاد: ملك استنى !!
ميرال قعدت على طرف السرير وقالت بعيون دامعه: ملك انتى زي اختى ومستحيل افكر اعمل كده صدقينى
حمزه وقتها دخل وقال: لولو
ميرال: ____________
حمزه بصلها وقال: ميرال انتى بتعياطى ؟
ميرال مسحت دموعها وقالت: انت هنا من امتى
حمزه قعد جنبها وقال: مالك
ميرال عكس ما بداخلها: مفيش ليه
حمزه وضع ايده على خدها وقال: أصلا شايف دموع على خدك
ميرال بارتباك: مش عارفه مالى حسيت انى عايزه اعيط
حمزه ضم حواجبه وقال: تعياطى
ميرال قامت وقالت وهى بتفرك في ايدها: أصلا انا فرحانه أوى انا لحد دلوقتى مش مصدقه انى هكون ام
حمزه ابتسم وميرال استدارت وقالت: مش عارفه هستنى الشهور ده ازاى عشان أشوف ابنى
حمزه قام ووضع ايده على خدها وقال: الايام بتمر عالطول وبعدين عايزك تسبيها على ربنا
ميرال حضنته وقالت بابتسامة: ونعمه بالله
حمزه وضع ايده على شعرها وقال: ميرال انتى تعرفي ملك
ميرال ابتعدت عن حمزه وقالت بارتباك: م م ملك
حمزه بص على أيدها وجدها بترتجف ليقول: ميرال انتى كويسه
ميرال هزت رأسها وقالت: لا معرفهاش وده اول مره اشوفها فيا
حمزه مسك أيدها وقال: ومالك خايفه كده ليه ده مجرد سوال
ميرال بصت في عيونه وقالت: وليه سألت السوال ده
حمزه رجع خصلات شعرها خلف ودنها وقال: لان أول ما شوفتى ملك انصدمتى وملك كذلك
ميرال بتهرب: هدخل هدخل الحمام
حمزه هز رأسه وميرال دلفت نحو الحمام وأغلقت الباب وقالت: ميرال انتى معملتيش حاجه عشان تخافي كده
_وملك مش عارفه الحقيقه لأن الحقيقه انى مبعتش حد ليها عشان يتهج"م عليها زي ما بتقول
في المزرعه
رنيم اخدت شهيق وقالت: اتاخر كده ليه؟
رنيم التقطت هاتفها وكانت على وشك ان تتصل بسيف ولكن قاطعها صوت طرق الباب
رنيم وضعت الهاتف على السفره وقامت وفتحت الباب وقالت دون النظر للواقف أمامها: أخيرا يا استاذ كل ده تأخير
اول مره اشوف قمر بالنهار (قالها وهو دايخ من شرب الخم"ر)
رنيم بصت على الواقف امامها وقالت وهى بترجع لوراء: انت انت مين
دخل وقال: طالب المساعده يا قمر
رنيم بلعت ريقها بصعوبه وقالت: اتفضل
الشاب نظر اليها بنظرات مقز"زه جدآ وقال: المساعده خاصه شويه
رنيم وقتها فهمت ما يقصده هذا الشاب السكر"ان لتقول: لو سمحت أطلع برااا
مسك ايد رنيم وقال: أطلع ازاى ده أنا ما صدقت لقيت القمر ده
رنيم حاولت تفلت أيدها لكن معرفتش فكان هذا الشاب مسكها جامد أوى
_هو هو الشاب اللى كان معاكى ده جوزك ؟
رنيم بتحاول تمسك التليفون بايديها التانيه
الشاب وضع ايده على خدها وقال: تعرفي انك حلوه أوى يا قمر
_اكيدا أسمك قمر أصلا مش معقول الجمال ده كله ويكون اسمه غير قمر
رنيم مسكت التليفون بالفعل والشاب بدا يشرب من ازازه الخم"ره اللى في ايديه وقال: اي رايك نعمل إتفاق بلاش تعذ"بنى وانا مش هعذ"بك
رنيم زقته ليقع على الأرض
رنيم اتصلت على سيف والشاب قام ومسك أيدها وصفعها صفعه قويه
سيف وضع السماعه في ودنه وقال: انا داخل عليكى يا رورو
رنيم صرخت بأعلى صوت وسيف حين سمع صوت صراخها انصدم
سيف: رنييييييم
الشاب مسك التليفون ورمى على الأرض وقال: قولتلك متعذ"بنيش عشان معذ"بكيش بس الظاهر انك عنيده أوى
_الوووو رنيم
سيف زود السرعه وقاد العربيه باقصي سرعه ممكنه
الشاب رمى ازازه الخم"ره على الأرض وقال وهو بيمسح أنفه: مش معنى انى شارب مش هقدر اعمل حاجه تبقي غلطانه
رنيم بدأت ترجع لوراء والشاب ابتسم ابتسامه شيطا"نية وقال: الا صحيح انتى بنت ولا مدام
نبضات قلب رنيم ازدادت أوى والشاب قال وهو بيفك ازرار القميص: هنعرف دلوقتى
رمى القميص على الأرض وبدأ يقرب من رنيم اللى كانت خايفه أوى
الشاب نزل لمستوي رنيم وبدأ يقرب منها فكانت رائحه فمه كريهه جدا
رنيم أدارت وجهها الناحيه التانيه فكانت قرفانه من رائحه فمه
الشاب مسك وجهها بايديه الاتنين وقال: بلاش تعذ"بنى عشان مش ناوي اعذ"بك أصلا حرام القمر ده يتعذ"ب
دموع رنيم نزلت والشاب بدأ يقرب فمه من فمها وكان على وشك ان يقبلها ولكن سيف مسكوا من ياقته وضر"بوا بالبوكس في وشه
رنيم أول ما شافت سيف جرت عليا وحضنته جامد أوى وقعدت تعياط
سيف وضع ايده على شعرها وقال بحب: اشش انا جنبك
الشاب قام بصعوبه وقال بصوت مقطع: محدش محدش
سيف ضر"به في معدته مما جعل فمه ينز"ف د"م
_عاااااااااااا
الشاب وقع على الأرض وحاول أن يقوم لكن مقدرش
سيف وقد تحولت عيونه الى اللون الأحمر القاتم
سيف مسكوا من رقبته جامد أوى والشاب مكنش قادر
وجهه الشاب تحول الى اللون الأحمر ومكنش قادر يتنفس
رنيم مسكت في دراع سيف وقالت: كفايه الشاب هيمو"ت في ايدك
سيف وقد فقد كل ذره عقل لديه
رنيم بعيون داميه: سيف عشان خاطري لا عشان خاطري
سيف وقد استفاق لنفسه ليترك الشاب اللى وقع على الأرض ومسك رقبته وبدا يتنفس بصوت عالى جدآ
رنيم وضعت أيدها على خد سيف وقالت: سيف حبيبي انت كويس
لا تخلو نظرات السيف من ذلك الساقط على الأرض
سيف مسك تليفونه ورن على الشرطه واخبرهم بما حصل
الشاب مسك في رجل سيف وقال: أنا اسف يا بيه
سيف زقه وقال: أحمد ربنا انى رنيت على الشرطه لانك متعرفش كنت هعمل فيك أي
بلع ريقه بصعوبه وقال: أنا مسئول عن والدتى واختى يا بيه ولو دخلت السجن هيتمر"مطوا
سيف نزل لمستواه وقال بحده: وطالما عندك اخت وخايف عليها أوى كده بتعمل كده ليه في بنات الناس
بص لتحت والشرطه وقتها وصلت وخدوا
رنيم بصت لتحت وسيف وضع ايده على خدها وقال: آسف
رنيم حضنته جامد أوى وقعدت تعياط
سيف: خلاص بقا متخلنيش احس بالذ"نب اكتر من كده
رنيم ابتعدت عنه ومسحت دموعها وقالت: عايزه أمشي !!
سيف هز رأسه وقال: دقيقه هروح اجيب الهدوم من العربيه
رنيم مسكت في دراعه وقالت بخوف: هاجى معاك
سيف هز رأسه بالموافقة
بعد شويه
رنيم غيرت ملابسها وسيف كان في انتظارها وكان غاضب جدا من نفسه
سيف: اللى عملتوا غلط يا سيف مكنش ينفع تسيب رنيم لوحدها اللى عملتوا غلط
رنيم طلعت أخيرا وسيف كان مكسوف من نفسه أوى
رنيم بصت لتحت وقالت: يلااا
سيف قام ومسك ايدها وقال: رنيم انا بجد اسف
رنيم بصت في عيونه وقالت: الحمدلله أنها جات على كده
سيف ابتسم ابتسامه بسيطه وقال بتغزل: بس اي الحلاوه دي مكنتش أعرف ان اللون البني هيبقا حلو عليكى أوى كده
رنيم بصت لتحت وقالت بخجل: ده عينك اللى حلوه
سيف: عينى بردو ولا القمر اللى قدامى ؟
رنيم اتكسفت أوى وقالت: خلاص بقااا
سيف ضحك ووضع ايده على كتفها وقال: لسه بتتكسفي منى يا لولو
رنيم وضعت أيدها على ضهره وقالت: اه لسه
سيف وهما خارجين: طب يلا يا اخرة صبري
رنيم كبحت ضحكاتها بصعوبه وسيف قال: لازم اعمل سور للمزرعه ده عشان اللى حصل مش يتكرر تانى
رنيم: فعلاً يا سيف لازم تعمل كده لأن كان ممكن ٠٠٠٠٠٠٠
سيف وضع صوبعه على فمها وقال وهو بيهز رأسه: مش عايزك تخافي من حاجه طول ما انا جنبك يا رورو
رنيم حضنته وقالت: تعرف انك عوض ربنا ليا بعد أهلى انت متعرفش أنا شوفت أي في حياتى يا سيف
سيف ابتعد عنها ومسك أيدها وقال: ولا مره سألتك على الماضي يا رنيم وبصراحه حابب اعرف كل حاجه عن ماضيكى
رنيم هزت رأسها وقالت بعيون دامعه: مش عايزه افتكروا يا سيف لأن كل ما افتكروا بحس بخنقه وبحس بوجع كبير
سيف شاور علي اريكه موضوعه على جنب وقال: أي رايك نقعد على الاريكه ده شويه
رنيم هزت رأسها وراحوا بالفعل وقعدوا على الاريكه وسيف قال: احكى يا رنيم انا حابب أعرف كل حاجه عن اللى حصلك
رنيم خدت نفس عميق وقالت: كان عندي عشر سنين وميرال كان عندها سبع سنين كنا عايشين احسن حياه لأن كان عندنا احن اب في العالم
_وماما كمان كانت بتخاف علينا أوى تعرف كانت دايما بتكدب علينا
سيف ضم حواجبه وقال: ازاى
رنيم بصت لتحت وقالت: لما بتبقي جعانه مش بتقول عارف ليه عشانى وعشان ميرال دايما كانت تقول طالما انتوا كلتوا يبقا انا أكلت ولا مره قالت لينا انها تعبانه رغم ان عندها القلب كانت بتهمل في نفسها أوى عشانا
سيف: هى ده الام يا رنيم يمكن ولا مره جربت الاحساس ده بس متاكد انه احساس جميل أوى
_ليه مدام ناهد بتعاملك وحش؟
سيف خد نفس عميق وقال: نوعاً ما رغم كده بحبها أوى ودايما بقف في صفها
رنيم وضعت أيدها على ايد سيف وقالت: أنا امك وابوك واختك ومراتك يا حبيبي
سيف ابتسم وقال: يلا كملى
رنيم: ما كفايه كده لانى مش بحب افتكر الحادثه ده
_ولو قولتلك انى حابب أعرف كل حاجه
رنيم بصت لتحت وقالت: في ١١/٨ يوم الاربعاء بابا كان راجع من الشغل واليوم ده كان في رعد وبرق جامد أوى وطبعا القياده كانت صعبه أوى في وجود المطر والرعد
دموع رنيم نزلت وقالت: بسبب المطر ده بابا مشافش العربيه اللى جايه و٠٠٠٠٠٠
سيف خدها في حضنه ورنيم ازدادت في البكاء وقالت: ما"ت يا سيف وقتها عمل حادثه خطيره أوى وما"ت مش بس كده ماما لما عرفت أن بابا ما"ت وقعت على الأرض ومقامتش تانى يعنى بابا وماما ما"توا في ليله واحده الجنازه بقت جنازتين يا سيف
سيف باسها على رأسها وقال: خلاص أهدي حقك عليا مكنش لازم افكرك بالماضي
رنيم ابتعدت عن سيف وقالت: عمتى سعاد اللى ربتنا مش عايزه اقولك أنا شوفت عذ"اب قد اي من جوزها وبنتها
_تعرف ان عمتو سعاد هى اللى ربتنى وخلتنى اكمل تعليمي وهى السبب في انى اكون ممرضه دلوقتى
سيف باس ايدها وقال: واحسنت التربيه يا روحى
رنيم: كنت دايما بتهان يا سيف كنت بتشتم كتير من جوز عمتى وبنته
_تعرف ان جوز عمتى حاول يتحر"ش بيا ولما قولت انى هقول لعمتى عمل معايا حاجه وحشه اوى
رنيم بصت لتحت وقالت: صحيت من النوم لقيت نفسي شبه عريا"نه والسرير مليان د"م مش عايزه اقولك وقتها حسيت بأي
سيف: قصدك على اليوم اللى قالت عليا ماما
رنيم هزت رأسها وقالت: وقتها مرام قالت انها هتعمل اكتر من كده لو مطلعتش من البيت
سيف وقد أحلت بيا الصدمه ليقول: مرام اي يا رنيم
رنيم: مرام شاكر القادري
وهنا قد توعد السيف لمرام
رنيم بصت لسيف وقالت: السكرتيره بتاعتك
سيف بصدمه: انتى عارفه
رنيم هزت رأسها وسيف قال: وليه مقولتيش ؟
رنيم: انا مش زيها يا سيف أنا مش بحب اذي حد اذانى انا مش كده يا سيف لو شايف ان ده طيبه يبقا انا فعلاً طيبه واوى كمان
سيف قبض أيده وقال: وانا كده يا رنيم بحب اذي اللى اذانى ومرام ده هتشوف اسو"د ايام حياتها
رنيم مسكت ايد سيف وقالت وهى بتهز رأسها: عشان خاطري بلاش انا مش بحكيلك عشان تعمل كده
سيف قام وقال: لا يا رنيم في الموضوع ده بالذات مش هقدر اقولك ماشي مش هقدر
رنيم قامت ووقفت قدام سيف وقالت: ولو قولتلك عشان خاطري
سيف فهو يعلم جيداً ان رنيم مش هتسكت ليقول عكس ما بداخله: خلاص رنيم
رنيم مسكت ايده وقالت: مش هتعمل حاجه صح
سيف ابتسم ابتسامه بسيطه وقال: لا يا رنيم
رنيم حضنته وسيف وضع ايده على شعرها وقال: وربنا لخليكى تتمنى المو"ت يا مرام
رنيم ابتعدت عن سيف وقالت: مش يلا
سيف مسك أيدها وقال: يلا
سيف ورنيم ركبوا العربية ومشوااا
على الجهه الأخري
معتز: قدامى ربع ساعه كده٠٠٠٠ هخلص وان شاء الله هاجى اخدك وبعدين عمك كمال طيب أوى وهتحبي
ملك ابتسمت وقالت: كلهم يا بابا
معتز: طب يا حبيبتي انا مضطر اقفل خدي بالك من نفسك
ملك هزت رأسها وقالت: سلام
_سلام
ملك اغلقت الهاتف وقامت ووجدت ياسين في وجهها
ياسين: مستعجله كده ليه ؟
ملك بصت لتحت وسكتت وياسين قال: حد قالك حاجه
ملك هزت رأسها وقالت: بالعكس أهلك ناس لطيفه اوى خصوصا عمو كمال
ياسين ابتسم وقال: بابا احن اب في العالم كله ولما نتجوز مش هتحسي بغياب ابوكى أبدا
ملك ابتسمت وياسين قال: أنا مش عارف سيف ورنيم اتاخروا كده ليه
ملك: رنيم البنت اللى كنت بتحبها؟
ياسين: إعجاب يا ملك كنت معجب بشخصيتها أوى اكتر من كده صدقيني مفيش
ملك فرحت أوى وياسين قال: أي رايك نقعد في الجنينه ولا حابه ترتاحى
ملك مسكت في دراع ياسين وقالت: نقعد في الجنينه طبعاً
ياسين ابتسم ونزلوا بالفعل وطلعوا برا
في غرفه حمزه
حمزه قعد جنب ميرال وقال: انتى عايزه تفهمنى انك بخير ؟ وانتى شارده طول الوقت
ميرال قامت وقالت بارتباك: صدقنى يا حمزه انا بخير
حمزه قام أيضا وقال: اثبتي كلامك ده
ميرال شردت مره اخري وحمزه قال: ميرال
ميرال وقد استفاقت من شرودها لتقول: نعم ؟
حمزه خد نفس عميق وقال: شردتى تانى اهو ٠٠٠٠٠ممكن اعرف مالك وأي اللى مزعلك
ميرال ابتسمت وقالت: صدقنى مفيش حاجه
حمزه هز رأسه وقال: مش مصدق يا ميرال وبصراحه مش عارف اصدق
ميرال بتهرب: اكيدا رنيم رجعت هروح اشوفها
ميرال كانت على وشك المغادره ولكن حمزه مسك أيدها وقال: وانا مش هسيبك الا لما اعرف مالك ويا ريت متقوليش مفيش
ميرال: حمزه صدقنى مفيش
حمزه وهو ينظر في عيونها: يلا يا ميرال قوليلى اي اللى مزعلك
ميرال: انت ليه مش عايز تصدق
حمزه: اخلصي يا ميرال
ميرال: يا حمزه صدقنى مفيش حاجه انا مش عارفه ليه مصر ان في حاجه
حمزه: قولى والله وانا هصدقك
ميرال ارتبكت أوى وقالت: يعنى هتصدق لما احلف
حمزه هز رأسه وميرال مكنتش عارفه تعمل أي فهى لا تحب ان تحلف كاذب
_يلا يا ميرال احلفي ان مفيش حاجه
ميرال كانت على وشك ان تحكى كل حاجه لحمزه ولكن صوت سوسن قاطعها
سوسن: حمزه بيه
حمزه وهو بيشاور لميرال: اوعك تتحركى لان مش هسيبك الا لما أعرف مالك
حمزه فتح الباب وقال: في أي يا سوسن
سوسن: في واحد تحت اسمه عاصي بيقول انه صديقك
حمزه وهو طالع: اوعك تتحركي مش هتاخر
حمزه طلع وميرال جرت على الباب وقفلتوا وخدت نفس عميق وقالت: شكرا يا سوسن انك انقذتينى
ميرال نامت على السرير وسحبت البطانيه عليها وقالت من تحت البطانيه: وبكده مش هحلف كدب
في الطريق
كانت تسير عربيه الشرطه في الطريق وكان بداخلها زياد
زياد بتفكير: لازم اهرب بأي بطريقه
العسكري: اوعك تحلم يا خفيف
زياد بارتباك: قصدك قصدك اي ؟
العسكري: اوعك تحلم انك تهرب
زياد قبض أيده وقال وهو بيكز على سنانه: وان قولتلك انى ههرب
العسكري قعد يضحك وفجاه العربيه وقفت
_في اي يا ابنى
السائق: الظاهر العربيه خلصت بنزين يا بيه
زياد بص حواليا وفجاه زق العسكري وخد منه المسدس ونزل من العربيه وركب موتوسيكل كان موجود على جنب
زياد قاد الموتوسيكل باقصي سرعه والشاب قفل السوسته وقال وهو بيجري خلف زياد: حرامى حرامى
الظابط نزل من العربيه وقال: ازاى قدر يهرب
الشاب بتاع الموتوسيكل جري على الظابط وقال: اخد الموتوسيكل بتاعى يا بيه اخد الموتوسيكل بتاعى
الظابط: هنعمل ايه دلوقتي العربيه مفيهاش بنزين وكده هيقدر يهرب
السائق وقف عربيه واخد منها بنزين
الظابط ركب العربية وقال بصوت جهوري: اطلع فورا
السائق ركب وزود السرعه وقاد العربيه باقصي سرعه ممكنه
بعد مهله من الوقت وتحديداً في قصر جلال الوزيري
رامى بفرحه: يعنى انتى حامل
دينا هزت رأسها وقالت: لما اغمى عليا عند المقابر ماما أصرت عليا وخدتنى عند الدكتوره وبصراحه مكنتش متوقعه انى هبقا حامل كنت مفكره الإغماء ده من الخوف
رامى مكنش مصدق وقال: دينا انتى مش عارفه انا فرحان قد اي دينا انا مش قادر استوعب لحد دلوقتى
رامى قال كده من هنا وحمل دينا ولف بيها وقال: ده أحلى خبر في حياتى
دينا: رامى اهداااااا
رامى نزلها وقال بعيون دامعه: فرحان أوي يا دينا أنا هكون اب
دينا وضعت أيدها على خده وقالت: وهتكون احسن أب كمان
رامى ابتسم وقال: احنا لازم نعمل حفله ايوه لازم نعمل حفله ثم هز رأسه وقال: اقولك نروح دار الايتام احسن
دينا ابتسمت وقالت: يا حبيبي اهدا
رامى: يا بت انتى مش عارفه انا فرحان قد أي
دينا حضنته وقالت: مكنتش متوقعه انك هتفرح اوى كده
رامى ابتعد عنها وقال: قصدك اي
دينا هزت رأسها وقالت: ولا حاجه
رامى بأوامر: بصي من النهارده ممنوع اشوفك بتعملى حاجه
دينا: رامى انت بتقول
رامى رفع ايده وفي وجهها وقال: مش عايز مقاطعه
دينا ابتسمت ورامى قال: مش عايزك تطلعى من الاوضه خالص واللى انتى عايزاه هيجى فورا فاهمه ولا لا
دينا هزت رأسها وقالت: فاهمه
رامى وضع ايده على رأسه وقال: انا حاسس انى ناسي حاجه اي هى مش عارف
ثم كمل وهو يضر"ب كف تلو الآخر: سرير البيبي لازم اجيب سرير ليا
دينا: رامى الموضوع ده بعدين
رامى مسك أيدها وقال: مش مهم يا روحى النهارده ولا بعدين هيجى
دينا وهى طالعه: الظاهر الفرحه أثرت على عقلك خالص
رامى بحده: دينا أنا قولت أي٠٠٠٠٠دينا استنى
بعد شويه
كانوا قاعدين على الكراسي يتناولون الغداء
رامى: افتحى بوقك يا روحى
دينا هزت رأسها وقالت: رامى انت عارف انى مش بحب السبانخ
رامى: السبانخ مفيد ليكى مش كده ولا أي يا ماما
سميره: ايوه طبعاً
دينا فتحت فمها ورامى وضع المعلقه في فمها وقال: بالهنا والشفا على قلبك يا روحى
دينا ابتسمت وفجاه صدر صوت عالى جدآ فكان صوت الزياد
زياد: ديناااااا
الكوبايه وقعت من ايد دينا وقالت وهى بترتعش: زيا زي زياد
رامي زق الكرسي برجله وقال: شكلك هربت من السجن
زياد اخرج مسدسه وقال: وعدتك انى هاجى ومخلفتش
رامى ابتسم وقال: لا راجل
دينا جرت على رامى ومسكت في هدومه وقالت: رامى
زياد وقد اشتعلت نيران الغيره بداخله ليقول: تعالى يا دينا
رامى مسك أيد دينا وقال: اطلع برااااا
زياد: قطعت وعد على نفسي أنك لو مبقتيش ليا مش هتكونى لغيري يا دينا
دينا جسمها كله ارتجف ورامى ابتسم وقال: لا خوفت يا روح امك
دينا خافت اوى على رامى فهى تعلم الزياد جيداً
رامى: اطلعى فوق يا دينا
زياد وقد صوب المسدس نحو دينا وقال: دينا لازم تمو"ت النهارده وهنفذ الوعد اللى قطعتوا على نفسي
دينا وقد احلت بيها الصدمه ليقول الرامى بصوت جهوري: اطلع برا والا هخليك تندم على اليوم اللى جيت فيا على وش الدنيا
زياد قعد يضحك ثم قال: تصدق خوفت منك انت متعرفش الزياد ولا أي مش تقوليلوا يا دودو
سميره مسكت في دراع دينا ليقول الزياد بابتسامة: اخبارك ايه يا حماتى
سميره بقرف: بتعمل اي هنا يا زياد
زياد وهو بيمشي المسدس على دقنه: جيت اقت"ل بنتك يا حماتى
سميره بصدمه: انت بتقول اي؟
زياد صوب المسدس على قلب دينا وقال: اللى سمعتى يا حماتى
رامى: اوعك يا زياد اوعك
زياد وقد افتكر كل كلمه قالها رامى حين أتى ليا ليقول بجنون: دينا ليا انا وبس وان مبقتش ليا تبقا تمو"ت
زياد ضغط على الزناد ورامى زق دينا لتاتى الرصاصه في بطنه
رامى وقع على الأرض ودينا بصريخ: رااااااااامى
زياد قعد يضحك وقال: متخافيش يا روحى انتى كمان هتلحقي
دينا جرت على رامى وقالت بعياط: رامى حبيبي رد عليا
رامى حاول يقوم لكن مقدرش
دينا بصوت جهوري: الاسعاااف
زياد صوب المسدس على دينا وقال بغيره: بتحبي أوي كده !!
دينا كانت في عالم آخر ورامى قام بصعوبه وبدا يمشي اتجاه زياد
زياد وهو بيرجع لوراء: انت بتقرب كده ليه
زياد اطلق رصاصه تانيه لتاتى في بطن رامى مره اخري
زياد: مو"ت بقااااا
رامى مسك زياد من رقبته جامد أوى وقال: مستحيل اسمحلك تاذي حب عمري
زياد مكنش قادر يتنفس
رامى وقد تجمعت كل قوته ليضغط على رقبه زياد
زياد وجهه احمر تماما وروحه بدات تخرج
بعد شويه
زياد غمض عيونه ورامى لما اتاكد انه ما"ت تركه يقع على الأرض
رامى بص لدينا اللى كانت في حاله صدمه وعدم استيعاب
رامى وقتها وقع على الأرض ودينا قامت وجرت عليا
رامى: دينا خدي بالك من نفسك وخدي بالك من ابننا
دينا هزت رأسها وقالت: لا مقدرش أعيش من غيرك
رامى ابتسم وقال: فاكره أول يوم شوفتك فيا
دينا بصت جهوري: ماما رنى على الإسعاف
رامى مكملاً على كلامه: عربيتي اتعطلت وقتها وانتى ساعدتنى في اليوم ده تعرفي انى حبيتك في اليوم ده دخلتى قلبي من غير استأذن
دينا وضعت أيدها على خده وقالت: استحمل يا حبيبي عربيه الإسعاف هتوصل في اي وقت استحمل
رامى: ولا فاكره اليوم اللى السماء مطرت فيا وكنتى معايا
دموع دينا نزلت ورامى قال: ولا أول قبله بينا كانت في الشركه لما جيتي تقدمى استقالتك
دينا وضعت رأسها على صدر رامى اللى وضع ايده على شعرها وقال: أنا بحبك أوى يا دينا
دينا ابتعدت عنه ومسكت ايده وقالت: وعشان حبنا استحمل يا حبيبي
رامى: انا متاكد انك هتربي ابننا احسن تربيه
دينا هزت رأسها وقالت: مش هقدر يا رامى مش هقدر لوحدي
رامى ابتسم وقال: هتقدري يا روحى
دينا: ماما رنتى على الإسعاف
سميره هزت راسها ومكنتش قادره تتكلم لان اعصابها سابت خالص
رامى وضع ايده على خد دينا وقال باخر نفس: بحبك يا اجمل حاجه حصلتلى في حياتى
وقتها ايد رامى سقطت على الأرض ودينا بصت عليا وقالت: رامى رامى
دينا وهى بتهز فيا: رامى حبيبي رد عليا
سميره وقعت على الأرض والدموع نزلت من عينها
دينا وضعت أيدها على خد رامى وقالت: انت نمت ولا أي ؟ قوم يلاااا انت عارف انى بقلق عليك
دينا مسكت ايده وقالت بصريخ: رااااااااامى
أسفه بجد على التأخير 🥰♥️
#يتبع
#روايه_بريئه_أوقعتنى_في_حبها_2
#البارت_السادس_والثلاثون
#بقلمى_دعآء_حجآج
تكملة الروايه من هنااااااا
تعليقات
إرسال تعليق