 |
#بريئه_اوقعتنى_في_حبها_2 البارت الأربعين والاخير 💔
انتهت جميع المشاكل وانتهت جميع الصعاب وها بدأت الحياه من جديد
حياه ستكون مليئه بالحب والود حياه ليس بيها اي قسوه حياه تتزين بانغام الحب فقط ♥️
بدأت تمر الأيام كما هى ليس بها أي جديد فكان السيف مازال في المزرعه ورامى مازال في المستشفي بين الحياه والمو"ت والباقي في حاله مستقره نوعاً ما
"في المساء"
في قصر كمال النصراوي وتحديداً على مائده الطعام
كمال وهو حاطط وجهه في الطبق اللى قدامه: فرح ياسين وملك هيتاجل لحد ما سيف يرجع بالسلامه
ياسين هز رأسه وقال: من غير ما تقول يا بابا أنا كنت هعمل كده
كمال أبتسم ابتسامه بسيطه ثم قام وقال: حمزه عايزك في موضوع
حمزه هز رأسه وقام وذهب خلف والده الى المكتب الموجود بالقصر
" في المكتب "
كمال قعد على الكرسي وقال: رنيت على اخوك ولا لا
حمزه هز رأسه وقال: رنيت عليا يا بابا وقالى انه بخير بس محتاج شويه وقت عشان يرجع زي الأول وأحسن
كمال هز رأسه وقال: اقعد يا حمزه
حمزه اتوتر جدا من طريقه كلام والده ليقعد بالفعل ويقول: بابا انت بخير
كمال بص لتحت وقال: انت أثبت أنك راجل باللى عملتوا ده يا ابنى والصراحة ده آخر حاجه كنت اتوقعها منك
حمزه: احم هو انا بتهان ولا مش واخد بالى
كمال ابتسم وقال: اسمعنى للآخر يا حمزه
حمزه هز رأسه وكمال قال: عشان كده قررت أكتب الشركه باسمك
حمزه بصدمه وعدم تصديق: أي ؟
كمال قام وقعد على الكرسي المقابل لحمزه وقال: مش كنت وعدتك انك لو أثبت نفسك هكتبلك الشركه باسمك
حمزه هز رأسه وكمال مسك شويه ورق وقال: بتوقيعك على شويه الورق ده هتصبح رئيس الشركه الحقيقي
حمزه: بابا انا خايف !! لاول مره احس بالمسئولية الكبيرة ده بس اتمنى اكون عند حسن ظنك
كمال مسك ايده وقال: وانا واثق انك هتقدر تعمل المستحيل عشان الشركه تنجح وتبقا من اهم الشركات في مصر
حمزه قام وقال: وانا بوعدك هعمل كل ما بوسعى عشان اخلى الشركه من اهم شركات العالم مش في مصر بس
حمزه كان على وشك المغادره ولكن كمال أوقفه
_مش هتوقع طيب ؟
حمزه وضع ايده على رأسه وقال: من الفرحه نسيت
حمزه مسك القلم وكمال شاور على مكان التوقيع وحمزه وقع بالفعل
كمال فرح اوى على فرحه إبنه فهو كان يريد ان يفعل هذا من زمان ولكن تصرفات حمزه كانت تمنعه من فعل ذلك
حمزه أنتهي من التوقيع ليقول: هااا في حاجه تانى ولا كده خلاص
كمال قام وقال: اكيدا في حاجه كمان
حمزه ضم حواجبه وقال: حاجه أي
كمال حضن حمزه وقال: الفرحه شكلها أثرت عليك فعلاً
حمزه وضع ايده على ضهر والده وقال: فعلاً يا احسن اب في الكون
كمال ابتعد عن حمزه وقال: الجاي مش سهل يا حمزه الجاي هيكون صعب أوى
حمزه بابتسامة بسيطه: وانا هكون قد المسئوليه يا كمال بيه
كمال ابتسم وحمزه طلع عالطول وقال: ميرال هتفرح اوى بالخبر ده
" في غرفه حمزه "
حمزه فتح الباب ومسك ايد ميرال ولف بيها في الغرفه وقال: بقيت مدير الشركه يا لولو بقيت مدير الشركه خلاص
ميرال بعدم فهم: حمزه انت بتقول أي ؟ انا مش فاهمه منك حاجه
حمزه خد نفس عميق وقال: بقيت مدير شركه الازياء من النهارده
ميرال قعدت تضحك وتقول: لا حلوه النكته ده بجد حلوه اه مش قادره هههههههه
حمزه بغيظ: انا شايف انك بتتريقي بدل ما تقوليلي الف مبروك يا حبيبي
ميرال مسكت ايد حمزه وقالت: حمزه انت مجنون ؟ اكيدا اتجننت ومخبي عليا
حمزه: وليه بتقولى كده
ميرال: ما الكلام اللى بتقوله ده ميدخلش الدماغ
حمزه: وليه ميدخلش الدماغ يا ميرال خانم
ميرال وهى بتلعب فى زراير قميصه: مش انت يا حبيبي مدير الشركه من الأول ولا انا غلطانه
حمزه مسك أيدها وقال: الشركه كانت بإسم بابا وقتها وانا اللى كنت بديرها ودلوقتي بقيت المدير بتاعها
ميرال: تقصد أنك كنت موظف زينا ؟
حمزه زقها وقال: اوعك العيل ياخد الغباء ده
ميرال رجعت شعرها لورا وقالت: يا ريت يطلع شبهي يا حبيبي هو انا قليله ولا اي
حمزه بغمزه: أبدا
ميرال وهى متجه نحو الحمام: وربنا خايفه يطلع زيك مجنون
حمزه قعد على طرف الاريكه وقال: ماشي يا محترمه
"على الجهه الاخرى"
رنيم بحزن: مش ناوي ترجع بقا ؟ انا شايفه ان كده كتير أوى
سيف نام على الأريكة ووضع ايده خلف رأسه وقال: قريب إن شاء الله
رنيم نامت على السرير وقالت: مكنتش أعرف انك هتقدر تعيش من غيري كل ده
سيف: رنيم اجوكى
رنيم هزت راسها وقالت: ماشي يا سيف براحتك وعلى فكره بابا أجل فرح ياسين وملك بسببك سلام
سيف بتنهيده: رنيم استنى
رنيم كانت على وشك ان تنهى المكالمه ولكن صوت سيف أوقفها لتضع الهاتف على ودنها مره اخري وتقول: خير
سيف: خير ؟ ماشي يا رورو
رنيم بعيون دامعه: ما انت واحشني أوى يا حبيبي تعرف ان اليومين اللى مروا دول كانوا زي السنتين بالنسبالي
سيف: وانا بوعدك هرجع في أقرب وقت
رنيم خدت نفس عميق وقالت: ترجع النهارده ولا بعدين المهم عندي تكون مرتاح
سيف: وشايفه بعدك عنى راحه بالنسبالي ؟
رنيم ابتسمت وقالت: يعنى راجع بكره
سيف هز رأسه وقال: يومين كده
رنيم فرحت أوى وسيف قال: كنت اتمنى انى أكون جنبك عشان اشوف ضحكتك الجميله ده
رنيم ابتسمت وقالت: تعالى انت بس
سيف ابتسم أيضاً وقال: حاضر !!
رنيم وضعت التليفون على قلبها وغمضت عينها وسيف وضع التليفون على قلبه أيضا وغمض عيونه
رنيم وسيف ذهبوا الى أحلامهم دون غلق هواتفهم ٠٠٠٠٠٠
في احدي الليالى كانت تمطر السماء مع وجود اصوات البرق والرعد
"في المستشفي"
_السلام عليكم ورحمه الله وبركاته السلام عليكم ورحمه الله
دينا بعد ما أدت فرضها رفعت ايديها لله عزوجل طالبه شفاء زوجها عاجلاً وليس آجلا
دموع دينا نزلت لتقول بدعاء: يا رب أشفي جوزي شفاءا لا يغادر سقما
رامى بدأ يحرك أيده أخيرا ودينا وضعت رأسها في الأرض وازدادت في البكاء
رامى بدأ يحرك شفايفه ليقول بتقطيع: د د دي دي دي
دينا رفعت رأسها وادارت وجهها ناحيه رامى وقالت بنبضات قلب عاليه جدآ: رامى
دينا قامت وجرت على رامى وقالت بفرحه: رامى انت انت صحيت
رامى فتح عيونه ببطء شديد وقال بصوت منخفض جدا: دينا
دينا هزت راسها وقالت: انا انا جنبك يا حبيبي
رامى فتح عيونه أخيرا ودينا قالت بعيون دامعه: وحشتنى أوى
رامى ابتسم ابتسامه بسيطه ودينا قالت: هروح هروح انادي على الدكتور مش هتاخر
دينا طلعت تجري زي المجنونه وتقول: دكتور دكتور
الدكتور وقف مكانه وقال بخوف: المريض بخير ؟
دينا هزت راسها وقالت وهى بتاخد نفسها بالعافيه: رامى رامى فاق
الدكتور بعدم تصديق: أي
دينا هزت راسها والدكتور دلف نحو الغرفه عالطول ودينا راحت وراء
الدكتور مسك ايد رامى وبدا يشوف نبضه ليقول بابتسامة: حمدالله على السلامه
رامى وهو ينظر لدينا: الله يسلمك
دينا وضعت أيدها على فمها وكانت فرحانه أوى أن اخيرا فاق الشخص الذي يزين حياتها
الدكتور: نسبه بقاءك على الدنيا كانت ضعيفه أوى
رامى بعيون متركزه على معشوقته: ازاى بتقول كده وفي واحده بتدعى ليا ليل نهار يا دكتور
الدموع اتجمعت في عين دينا والدكتور بص لدينا وقال: بتحبك أوى على فكره
رامى بابتسامة بسيطه: عارف ومتاكد من كده
دينا ابتسمت والدكتور قال: دينا المريض محتاج يرتاح شويه
رامى هز رأسه وقال: لا يا دكتور ٠٠٠٠هكون مرتاح أوى لو دينا بقت جنبي
الدكتور هز رأسه وطلع براااا
رامى بصوت ضعيف جدا: تعالى واقفه كده ليه ؟
دينا مسحت دموعها واقتربت من رامى وقالت: وحشتنى أوى
رامى: بجد ؟
دينا وصلت عنده وقالت بحزن: عندك شك في كده ولا أي
رامى بتفكير: مممممم اكيدا لا
دينا: عارف انا عايزه اعمل اي دلوقتي بس خايفه اذيك باللى هعملوا
رامى: أي
دينا: نفسي احضنك جامد أوى بس خايفه اذيك
رامى رفع أيده وقال: تعالى يا روحى
دينا هزت راسها وقالت: مش هينفع أنت واخد طلقتين في بطنك
رامى: تعالى بس
دينا اقتربت منه وفجاه حضنته جامد أوى وقعدت تعياط
رامى وضع ايده على رأسها وقال: بتعياطى ليه دلوقتي
دينا ازدادت في البكاء وقالت: عشان كنت خايفه تسبني لوحدي
رامى بابتسامة بسيطه: طول ما قلبك بينبض قلبي انا كمان بينبض ويوم ما يتوقف عن النبض صدقيني قلبي كمان هيقف
دينا ابتعدت عنه وقالت وهى بتهز رأسها: اوعك تقول كده تانى
رامى بابتسامة: حاضر !!
دينا قعدت على الكرسي ومسكت ايد رامى وقالت: على فكره بابا رن عليا وسالنى عليك
رامى بتنهيده: اوعك تكونى قولتيلوا
دينا هزت راسها ورامى خد نفس عميق ودينا قالت: كل ما يسالني عليك أقوله رامى مشغول أوى اليومين دول في صفقه مهمه
رامى وضع ايده على بطن دينا وقال: فكك من الموضوع ده دلوقتي وقوليلى ابنى اخباره أي
دينا وضعت أيدها على ايد رامى وقالت: كان مشتاق ليك أوى
رامى ابتسم وقال: وانا كمان اشتقت ليا أوى واشتقت لمراتى حبيبتي كمان
دينا ابتسمت وقالت: لازم ترتاح !!
رامى هز رأسه وقال: ما أنا كده مرتاح
دينا قامت وقالت: الكلام الكتير غلط على صحتك وبعدين اوعك تنسي أنك كنت في غيبوبه
دينا كانت على وشك المغادره ولكن صوت رامى أوقفها: على فكره انا حلمت بيكى
دينا وقفت مكانها واستدارت وقالت: ويا تري حلمت بأي ؟
رامى: مش متذكر أوى بس اعتقد انك كنتى بتعياطى في الحلم
دينا وهى طالعه: ما يمكن الحلم كان حقيقه
رامى ابتسم وقال: يمكن
دينا طلعت وقفلت الباب وراها وجرت على والدتها وحضنتها جامد أوى وقالت: رامى رامى فاق يا ماما مش بس كده اتكلم معايا
سميره بفرحه: بجد
دينا ابتعدت عنها وهزت رأسها وقالت: واتكلم معايا كمان
سميره بصت لفوق وقالت: الف حمد وشكر الف حمد وشكر
دينا مسكت ايد والدتها وقالت: هنرجع زي الأول يا ماما هنرجع زي الأول
سميره خدتها في حضنها وقالت: الحمدلله يا حبيبتي الحمدلله
بدأت تمر الأيام بسرعه البرق ورامى صحته بتتحسن عن الأول وسيف كما هو في مزرعته
في المساء وتحديداً في الصالون بتاع عائله النصراوي
كمال وحمزه كانوا قاعدين وبيتكلموا في أمور الشغل وفجاه شخصاً ما دخل وقال: السلام عليكم ورحمه الله وبركاته
كمال دون النظر لهذا الشخص: وعليكم السلام ورحمه الله وبركاته
حمزه بفرحه: سيف
كمال نظر للشخص الواقف أمامه ووجده سيف بالفعل ليقول بعيون دامعه: ابنى
سيف دخل ومسك ايده وقبله وقال: اخبارك ايه يا حاج
كمال قام ووضع ايده على خده وقال: أخيرا يا ابنى أخيراً
سيف مسك ايده وقال: حقك عليا يا حاج
كمال حضنه عالطول وقال: القصر كان وحش أوى من غيرك
حمزه قام وقال: فعلاً يا سيف
سيف أبتعد عن والده وحضن حمزه اللى قال: كل ده عشان ترجع ده انا فقدت الأمل
سيف ابتعد عنه وقال: مش يمكن كنت محتاج اقعد لوحدي شويه
حمزه: اهم حاجه عندي انك بخير دلوقتي !!
سيف بمزح: والله وكبرت يا صايع
حمزه بغضب: سييييف
سيف وهو بيدور على معشوقته بطرف عينه: امال فين رنيم ؟
كمال وضع ايده على كتف سيف وقال: من يوم ما حضرتك مشيت وهى في الاوضه مش راضيه تنزل
سيف: يعنى ماكلتش خالص ؟
كمال ابتسم وقال: متقلقش ميرال قامت بالواجب
سيف: مش تقول يا حاج أنها زعلانه كنت جبت هدايه وانا جاي
كمال وحمزه قعدوا يضحكوا وسيف قال: هروح اشوفها عن اذنكم
كمال: اذنك معاك يا حبيبي
سيف طلع وحمزه مسك ايده والده وقال: أي رايك نعمل فرح ملك وياسين بكره
كمال: عالطول كده
حمزه: يا بابا حرام ياسين وملك انتظروا كتيرا أوى وبعدين متقلقش من حاجه انا هتكفل بكل حاجه
كمال: على رأي سيف والله وكبرت يا صايع
حمزه بغضب: حتى انت يا بابا على العموم انا ماشي
كمال: رايح فين
حمزه وهو خارج من الصالون: رايح في داهيه يا بابا
كمال قعد يضحك وقال: طب خد بالك من نفسك
حمزه بصوت عالى: وجودي فارق معاك يعنى
كمال قعد على الاريكه وقال: وجودكم كلكم فارق معايا طبعا ده انا عايش عشانكم
كمال خد نفس عميق واخرج صوره ورده (زوجته الاولى) وقال بابتسامة: الأمور كلها بخير يا ورده وابنك رجع النهارده
كمال قبل الصوره وقال: وحشتنى أوى يا حبيبتي وحشتنى أوى
بقلم دعآء حجآج
"في غرفه سيف"
سيف طرق الباب وميرال قامت وقالت: اكيدا ده حمزه
ميرال فتحت الباب وفرحت أوى حين رأت سيف أمامها لتقول: سيف
سيف ابتسم وقال: اخبارك اي يا ميرال
ميرال وضعت أيدها على فمها وقالت بسعاده: أنا مش مصدقه ده رنيم هتفرح أوى
سيف وهو ينظر في كل ركن من الغرفه: آمال هى فين مش باينه يعنى
ميرال شاورت على الحمام وقالت: في الحمام
سيف هز رأسه وميرال طلعت وقالت بحماس: يا تري رد فعلها هيكون اي اكيدا هتفرح أوى
سيف اغلق الباب وقعد على طرف السرير وكان منتظر خروج رنيم
بعد شويه
سيف راي ان رنيم اتاخرت اوى ليقوم وحين رآها خارجه من الحمام وقف مكانه
رنيم حين شافت سيف الدموع اتجمعت في عينها وقالت بفرحه: سيف
سيف هز رأسه ورنيم جرت عليا وحضنته جامد أوى وقعدت تعياط وتقول: اخيرااا افتكرت انك متجوز
سيف وضع ايده على شعرها وقال بحب: وحشتنى أوى يا رورو
رنيم ابتعدت عنه وقالت بعتاب: لو وحشاك فعلا زي ما بتقول مكنتش قعدت المده ده كلها
سيف: حقك عليا
رنيم ربعت أيدها وقالت: لا انا زعلانه
سيف اقترب منها وقال بهمس: طب اعمل اي للجميل عشان يفك
رنيم بارتباك: معرفش
سيف بتمثيل الحزن: الظاهر انك مش فرحانه برجوعى على العموم انا ماشي تانى
سيف كان على وشك المغادره ولكن رنيم مسكت ايده وقالت: ازاى تقول كده ؟ ده انا كنت بتقطع كل يوم عشانك
سيف وضع ايده على خدها وقال بحب: كنت محتاج اقعد لوحدي يا رنيم
رنيم: ممممم واخبارك اي دلوقتى ؟
سيف: يمكن هكون احسن لو شوفت ابتسامتك
رنيم ابتسمت ابتسامه بسيطه وسيف قال: الابتسامه ده كانت واحشنى أوى
رنيم وقد اختفت ابتسامتها لتقول بغضب: لا وأضح انها كانت وحشاك
سيف وضع ايده على خصرها وقال: خلاص بقااا
رنيم: طيب
سيف اقترب منها وباسها من خدها بكل حب وقال: عملتى أي في غيابي؟
رنيم بصت في عيونه وقالت: مطلعتش من الاوضه خالص
سيف وهو بيرجع خصلات شعرها خلف ودنها: ليه ؟
رنيم وهى مازالت تنظر في عيونه: عشان كنت زعلانه أوى
سيف: ودلوقتي ؟
رنيم حضنته جامد أوى وقالت: ودلوقتي فرحانه أوى انا حاسه انى اسعد واحده على الكون يا سيف
سيف باسها على رأسها وقال: يا رب دايما تكونى مبسوطه يا روحى
رنيم ابتعدت عنه وقالت: على فكره انا عندي خبر ليك حلو أوى
سيف خد نفس عميق وقال: مفيش احلى منك
رنيم لفت أيدها حوالين رقبته وقالت: لا فيا
سيف وضع ايده على خصرها وقال: وانا متاكد مفيش احلى منك
رنيم اقتربت من أذن سيف وقالت بهمس: عملت اختبار حمل امبارح وطلعت حامل
سيف: أي؟ قولتى أي
رنيم هزت رأسها وقالت: انا حامل
سيف فرح أوى وقال: انتى بتتكلمى جد
رنيم بغضب: وده فيها هزار يا سيف بيه
سيف هز رأسه وقال: لا طبعا بس انا مش مصدق لحد دلوقتي اقصد من الفرحه مش قادر اصدق اقصد رنيم انا مش عارف ارتبكت كده ليه بس انا فرحان أوى
رنيم ابتسمت وقالت: الف مبروك يا حبيبي
سيف مسك أيدها وقبلها بكل حب وقال: وليه مقولتيش الخبر الحلو ده ما احنا اتكلمنا امبارح
رنيم سحبت أيدها وقالت: عشان كنت زعلانه منك أوى
سيف: ممكن ننسي الماضي بقا وخلينا في ابننا رعد
رنيم ضمت حواجبها وقالت: رعد
سيف حملها وقال: المره ده أن شاء الله هيكون ولد وهنسمى رعد
رنيم هزت راسها وقالت: لا بنت وهنسميها ليان
سيف وضع رنيم على السرير وقال: أن شاء الله يكونوا توأم
رنيم ابتسمت وقالت: أن شاء الله
سيف قعد جنبها ورنيم وضعت رأسها على صدره وقالت: أنا مبسوطه أوى
سيف: اكيدا مش اكتر منى انا لحد دلوقتى مش مصدق
رنيم دفنت وجهها في صدره وقالت: لا صدق يا حبيبي
سيف باسها على رأسها وقال: بصي بقا من بكره أن شاء الله مش هتطلعى من الغرفه وانا هجبلك الاكل لحد عندك
رنيم هزت راسها وقالت: حاضر يا سيف بيه
سيف ابتسم وقال: قلب سيف بيه وعقل سيف بيه
رنيم بصت في عيونه وقالت: انا فرحانه أوى انى هنام النهارده في حضنك
سيف وضع ايده على خدها وقال بحب: حقك عليا يا روحى وبوعدك اللى حصل مش هيتكرر تانى
رنيم ابتسمت وقربت من سيف وباسته من خده وقالت: انا بحبك أوى يا أبو رعد وابو ليان
سيف بادلها البوسه ولكن من مكان آخر وقال: وانا بمو"ت فيكى يا رورو
رنيم حضنته وقالت: كنت مستنياك ترجع عشان اقولك
سيف: يعنى الكل عارف انك حامل ومحدش قالى
رنيم: ميرال بس
سيف ابتسم وقال: بابا هيفرح أوى بالخبر ده
رنيم ابتسمت أيضاً وقالت: فعلاً !!
"في صباح اليوم التالى"
سيف نزل تحت وياسين حين رأي فرح أوى ليقول: سيف
سيف ابتسم وقال: اخويا اللى واحشنى
ياسين حضن سيف وقال: أخيرا رجعت كل ده عشان ترجع
سيف ابتسم وقال: حقكم عليا وصحيح الف مليون مبروك
ياسين ابتعد عن سيف وقال: الله يبارك فيك يا حبيبي
سيف ابتسم وكمال قال: صباح الخير يا ولاد
سيف وياسين بصوت واحد: صباح النور
كمال بص لسيف وقال: الف مبروك يا ابنى !!
سيف ضم حواجبه وقال: على أي
رنيم خرجت من المطبخ وقالت: انت ناسي انى حامل ولا اي يا حبيبي
سيف: رنيم أنا اللى كنت ناوي اقول لبابا وبعدين احنا اتفقنا على اي امبارح ؟
رنيم وقفت جنب كمال ومسكت في دراعه وقالت: بقا عندنا فرح وعايزنى اقعد في الاوضه ده يبقا حرام عليك يا سيفو
سيف: شايف يا بابا
كمال خد رنيم في حضنه وقال: معاها حق طبعا
سيف: انا حاسس ان الكل عامل عليا حمله وحمله كبيره كمان
رنيم بصت لكمال وقعدوا يضحكوا ليقول السيف بحده: رنيم اطلعى فوق
كمال بنفس الحده: رنيم مش هتطلع فوق
رنيم بصت لسيف بكل ثقه وقالت: طالما بابا مش عايزنى اطلع يبقا مش هطلع
سيف وهو بيكز على سنانه: والله
رنيم وهى متجه نحو المطبخ: اه والله
رنيم دلفت نحو المطبخ وسيف قال وهو بيشاور عليها: شايف يا بابا
كمال راح عند سيف وقال: سيبها على ربنا يا ابنى
سيف ابتسم وقال: ونعمه بالله
كمال: المهم خلينا في فرح اخوك
سيف هز رأسه وقال: طبعا !!
"في قصر جلال الوزيري"
دينا: شويه شويه
رامى قعد على السرير بمساعده دينا اللى قالت: حاسس بأي دلوقتي
رامى ابتسم وقال: طالما انتى موجوده جنبي هكون احسن
دينا ابتسمت والممرضه قالت: الدكتور قالى أول ما توصل بالسلامه لازم اغيرلك على الجرح
دينا غارت أوى ورامى هز رأسه والممرضه اقتربت منه وبدأت تغير ليا على الجرح بالفعل
دينا ربعت أيدها وكانت غيرانه أوى
بقلم دعآء حجآج
بعد شويه
الممرضه انتهت وخدت بعضها وطلعت ودينا قالت: قوم بقا يا حبيبي
رامى: ليه ؟
دينا: عشان الممرضه ده متقربش منك تانى
رامى قعد يضحك ودينا قعدت جنبه وقالت: تعرف ان القصر منور
رامى خدها على صدره وقال: بجد ؟
دينا هزت راسها ورامى باسها على رأسها وقال: هنرجع زي الأول وأحسن يا روحى
دينا ابتسمت وقالت: امتى ابننا يجى على الدنيا بقا
رامى ابتسم أيضاً وقال: كلها شهور يا روحى ويكون معانا
دينا حضنته جامد أوى ورامى قال بتمثيل الوجع: عااااااااااا
دينا ابتعدت عنه عالطول وقالت: أنا انا اسفه ٠٠٠٠استنى هنادي على الممرضه استحمل يا حبيبي
رامى مسك أيدها وقال: اهدي يا مجنونه وبعدين بهزر معاكى
دينا ضر"بت رامى على صدره وقالت: بلاش الهزار ده عشان بخاف
رامى باسها من خدها وقال: حاضر يا نور عينى
دينا حضنته مره اخري وقالت بابتسامة: شاطر
رامى قعد يضحك ويقول: والله مجنونه
دينا بصت في عيونه وقالت: اوعك تقول مجنونه تانى
رامى وضع ايده على فمه وقال: حاضر
دينا وضعت رأسها على صدره وقالت: شاطر يا رومى !!
بدأ يمر الوقت والأمور جيده الى حدا ما واتت اللحظه الذي ينتظرها الجميع بفارغ الصبر
"في القاعه "
الجميع بارك لياسين وملك ما عدا ميرال اللى كانت خائفه جدآ من رد فعل ملك
ملك بهمس: ياسين ثانيه
ياسين ضم حواجبه وقال: على فين ؟
ملك قامت وذهبت الى ميرال اللى اتوترت أوى حين رأت ملك جايه عليها
ميرال بلعت ريقها بصعوبه وملك وقفت قدامها وقالت: مكنتش أعرف انك كده
ميرال بدأت تفرك في أيدها من التوتر لتقول: ملك أنا
ملك حضنتها وقالت: أنا اسفه أوى كان معاكى حق لما قولتى سندس السبب في اللى حصل
ميرال بعدم فهم: قصدك أي
ملك ابتعدت عن ميرال وقالت: هيدي لو فاكرها قالتلى على كل حاجه وقالتلى انك مظلومه واللى حصل ده كان من تخطيط سندس
ميرال ابتسمت وملك مسكت أيدها وقالت: ميرال أنا بجد اسفه اتمنى تسامحني على سوء التفاهم اللى حصل
ميرال هزت راسها وقالت: انسي اللى حصل يا ملوكتى وبعدين النهارده فرحك عايزه اشوف ابتسامتك
ملك ابتسمت وقالت: لينا كلام كتير مع بعض بما اننا سلايف
ميرال بابتسامة بسيطه: طبعا
ملك مشت وحمزه وقف جنب ميرال وقال: في حاجه ولا أي
ميرال هزت راسها وقالت: لأ
حمزه وضع ايده على خصر ميرال وقال: تعرفي انى بحبك أوى يا لولو
ميرال: عارفه !!
حمزه: أي الغرور اللى فيكى ده وبعدين المفروض تقولى وانا كمان بحبك يا ميزو
ميرال: حمزه ده اخر يوم لينا يا ريت يكون يوم لطيف كده
حمزه رفع أحد حاجبيه وقال: اخر يوم لينا ازاى ؟
ميرال وضعت رأسها على كتفه وقالت بحزن: اقصد اخر حلقه النهارده
حمزه وضع ايده على كتفها وقال بحزن مماثل: فعلاً ٠٠٠٠مش عارف هتخانق مع مين بعد كده
ميرال زقته وقالت: خناق حناق مفيش كلام رومانسي خالص يا عديم الرومانسيه
حمزه حضنها من ضهرها وقال: مفيش اي كلام يقدر يوصف حبى ليكى يا روحى
ميرال ابتسمت وقالت: حمزه انا عايزه اعرف انت بتحبنى قد أي
حمزه ابتعد عنها وقال بمزح: ماليش في الرياضيات
ميرال ضر"بته على كتفه وقالت: بارد أوى
حمزه بكل برود: عارف
ميرال: عااااااااااا يا رب صبرنى
حمزه قعد يضحك وميرال خدت بعضها ومشت
رنيم وهى واضعه رأسها على كتف سيف: كان نفسي يكون فرحنا كده
سيف بابتسامة بسيطه: طب تعرفي بقا ان فرحنا كان مختلف
رنيم بصت في عيونه وقالت: ازاى ؟
سيف: يعنى اتجوزنا فجاه حد كان يصدق انك هتبقي مراتى في يوم من الايام ؟
رنيم هزت راسها وقالت: لا
سيف ابتسم وقال: بس انا كنت مصدق لان كنت واثق انى هتجوزك في يوم من الأيام
رنيم ابتسمت أيضاً وقالت: للدرجه ده كنت بتحبنى يا سيفو
سيف ضيق عيونه وقال: يااااا كنت بحبك ده كلمه قليله أوى على كميه الحب اللى جوايا يا ام رعد
رنيم حضنته وقالت: ماشي يا ابو ليان
سيف باسها على رأسها وقال: رعد وليان لايقين على بعض اوي هيبقوا توأم يجنن
رنيم حضنته جامد اوى وقالت: فعلاً !!
رنيم ابتعدت عن سيف وقالت: أي رايك نرقص؟
سيف هز رأسه وقال: تؤ تؤ ممنوع
رنيم مسكت في جاكيت سيف زي الطفله الصغيره وقالت: عشان خاطري يا سيفو
سيف خد نفس عميق وقال باستسلام: طيب
رنيم فرحت أوى ومسكت أيد سيف وبالفعل بدأوا رقصوا
الجميع بدأ يرقص على أغنيه اجنبيه هادئه جدآ
بعد مرور ثلاث ساعات وتحديداً في قصر كمال النصراوي
"في غرفه ياسين"
ياسين وملك دخلوا الغرفه وملك بغضب: فين اللى اتفقنا عليا في القاعه ؟
ياسين قعد على طرف الاريكه وكان مرهق جدا من الرقص ليقول: هو اي اللى اتفقنا عليا أصلا الصراحه مش فاكر
ملك بغيظ: يعنى متفقناش انك تشلنى وتلف بيا في القاعه زي ما بيعملوا العرسان
ياسين بصلها بطرف عينه وقال: احنا اتفقنا على كده ؟
ملك فتحت فمها وقالت: وكمان مش فاكر ٠٠٠٠ايوه يا استاذ اتفاقنا علي كده
ياسين قلع الجزمه وقال: حاضر المره الجايه
ملك قبضت أيدها وقالت: ليه هى فيها مره تانيه اه قول كده بقا انك ناوي تطلقنى
ياسين بعصبية: هو انا دخلت عليكى عشان اطلقك
ملك اتكسفت أوى لتقول بارتباك: ده مش مبرر لكلامى وبعدين انت بتوعد بكلام وبتعمل عكسه خالص
ياسين قام وقلع الجاكيت ووضع ايده على خد ملك وقال: هو في حد قالك تطلعى عينى النهارده ؟ ولا ده جرعه نكد من عندك
ملك: لا بس انا اضايقت مش اكتر
ياسين قرب باسها من خدها بحنيه وقال: حقك عليا متزعليش
ملك بتفكير: اعمل أي تانى معنديش حاجه اقولها عشان مخلهوش يقرب منى
ياسين: ملك انتى كويسه ؟
ملك بارتباك: اه لا
ياسين ضم حواجبه وقال: متاكده انك كويسه
ملك مقدرتش ترد على ياسين اللى فهم انها خايفه أوى
ياسين وضع ايده على كتفها واخدها وقعدوا على الأريكة
ملك وهى حاطه وجهها في الأرض: هو في حاجه يا ياسين
ياسين وهو ينظر اليها بحب: كنت عايز اقولك كلمتين كده
ملك وأخيرا نظرت اليه لتقول: كلمتين أي
ياسين مسك أيدها وقال: مش عايزك تخافي من حاجه وبعدين انا مش هجبرك على حاجه خدي راحتك خالص
ملك بصت لتحت وقالت: يعنى أي ؟
ياسين وضع رأسه على كتفها وقال: يعنى انا معاكى لحد ما تكونى مستعده يا لوكا
ملك بدون خجل: بس انا مستعده يا ياسين٠٠٠انا بس متوتره
ياسين بصلها بطرف عينه وقال: لا خايفه وبعدين تعالى نسمع مسلسل تركي بتحبيه
ياسين قام وملك قامت أيضا وقالت: وانت شايف ان ده وقته
ياسين مسك أيدها وقال: ملك انا مش مستعجل ولا حاجه وصدقيني مش زعلان انا عايز راحتك مش اكتر
ملك ابتسمت وقالت: هروح اغير هدومى
ياسين هز رأسه وملك استدارت وقالت: ممكن تفتحلى السوسته
ياسين وضع ايده على ضهرها وقال: ما بلاش ممكن ده مش حلوه بصراحه
ملك هزت رأسها وقالت: حاضر
ياسين فتح ليها السوسته بالفعل وملك دلفت نحو الحمام عالطول
بعد مهله من الوقت
ملك وقفت عند باب الحمام وكانت مكسوفه من نفسها أوى
ملك بصت على القميص اللى لابسه وقالت: بلاش يا ملك وبعدين ياسين قالك انه مش زعلان بالعكس عايز راحتك
ملك خدت نفس عميق وقالت: لازم تكونى جريئه عن كده يا ملك وبعدين اتجوزتى الشخص اللى بتحبي أوى
ياسين وضع الأكل على الطاوله مع ضوء الشموع التي تنير الغرفه بطريقه هادئه
ملك اقتربت من ياسين اكتر ثم وقفت خلفه وقالت وهى بتفرك في ايدها من الخجل: ياسين
ياسين استدار وتعمد ان لا ينظر إلى جسدها حتى لا يخيفها بنظراته
ياسين وهو ينظر في عيونها: تعرفي انك حلوه أوى من غير الميك اب
ملك ابتسمت وياسين شد الكرسي لورا وقال: اتفضلى يا روحى
ملك قعدت وياسين قعد على الكرسي المقابل ليها وقال: مالك
ملك هزت راسها وقالت: مفيش
ياسين وضع وجهه في الطبق اللى قدامه فهو لا يريد ان ينظر الى جسدها حتى لا يوترها اكتر
ملك بقت مستغربه حركات ياسين أوى لتقول: ياسين انت لسه بتحب نور ؟
ياسين بصلها وقال: نور
ملك حاولت تتحكم في دموعها لتقول: اه نور
ياسين: ليه السوال ده وبعدين انا لو لسه بحبها فعلاً زي ما بتقولى مكنتش اتجوزتك ولا كنت ظلمتك معايا
دمعه فرت من عين ملك اللى قالت: أصلا حاسه انك مش عايز *****
ملك مقدرتش تكمل كلامها لانها مكنتش عارفه تقولها ازاى ؟
ياسين قرب الكرسي ناحيتها ومسك أيدها وقال: هو عشان مش عايزك تخافي منى تروحى تقولى أي كلام وبعدين مش احنا اتفقنا ننسي الماضي
ملك هزت راسها وياسين مسح دموعها وقال: ملك انا عايز اكون مصدر الأمان ليكى مش مصدر الخوف انتى فاهمنى صح
ملك هزت راسها مره اخري وياسين مسك المعلقه وبدأ يأكلها
ملك وقد نست خوفها لتقترب من ياسين وتبوسه من خده
ياسين ابتسم وملك بصت لتحت عالطول وقالت بارتباك: أنا أنا مكنش مكنش قصدي اوعك تفهم غلط
ياسين قام وقال: متقلقيش فهمت صح
ملك وجهها اتحول الى اللون الأحمر من الخجل وياسين مد ايده وقال: هاتى ايدك يا لوكا
ملك بصتله وقد اطمن قلبها لتضع أيدها في ايد ياسين
ملك قامت وياسين قال: مستعده تبقي مدام ياسين كمال النصراوي
ملك سكتت شويه وياسين هز رأسه وقال: خلاص مفيش مشكله
ملك: أي اللى بتقوله ده ؟ احم اقصد مستعده
ملك بلعت ريقها بصعوبه وياسين قال: مش كان نفسي اشيلك
ملك ابتسمت ثم هزت راسها ومره واحده ياسين حملها بين أيديه ووضعها على السرير وذهبوا بعدها إلى عالمهم الخاص♥️
بعد مرور عشر سنوات
رنيم أنجبت رعد وليان بالفعل (توأم) وميرال أنجبت عاصم وملك أنجبت بنوته جميله أوى تدعى رقيه اما دينا أنجبت قاسم
اصبحت الحياه لدي جميع ابطالنا مختلفه فأصبحت لديها مذاق خاص جدآ
كمال: خدوا بالكم من نفسكم يا ولاد
سيف: متقلقش يا بابا كله هيبقا تمام
حمزه مسك ايد كمال وقبلها وقال: تروح وترجع بالسلامه يا حاج
حمزه حضن كمال ومد ايده لسيف وياسين اللى حضنوا أيضا
رنيم: واحنا مالناش مكان ولا أي يا بابا ؟
كمال ابتعد عنهم وراح عند رنيم وقال: انتوا مكانكم في قلبي يا بنتى
رنيم حضنت كمال وملك وميرال أيضاً
سيف بص في الساعه وقال: بابا كده هنتاخر استعجل شويه
رنيم : أهدأ يا استاذ ولا غيران
سيف بغمزه: بحبك وانت فاهمنى يا قمر
رنيم ارتبكت أوى وليان جرت على كمال وحضنته وقالت: جدو
كمال حملها بين أيديه وقال: قلب وعقل جدو
ليان وهى بتلعب في دقنه: انت رايح فين يا جدو
كمال باسها من خدها وقال: رايح اعمل عمرة يا قلب جدو
ليان بحزن: وهتيجى امتى ؟
كمال: مش هتاخر عليكى صدقيني
ليان هزت راسها وقالت: ماشي
كمال نزلها على الأرض وقال: امال فين رعد وعاصم ورقيه
رنيم: رعد وعاصم بيلعبوا زي كل يوم يا بابا
كمال ابتسم وقال: واكيدا رقيه في الحمام
ملك وضعت أيدها على رأسها وقالت: ينهار أسو"د انا سايبه باب الحمام مفتوح
ملك جرت على فوق وكمال طلع برا وقال: عاصم رعد
عاصم ورعد جروا على كمال وقالوا بصوت واحد: نعم يا جدو
كمال نزل لمستواهم وقال: جدو عايز حضن جامد أوى
عاصم ورعد حضنوا جامد أوى ورعد قال بهمس: انا عايز شوكولاته
عاصم: وأنا كمان عايز شوكولاته
كمال ابتعد عنهم وقال: مش قولنا الكلام ده للبنات
عاصم ورعد بصوا لبعض وقالو بصوت واحد: خلاص يا جدو
رعد: انت أصلا بتحب رقيه وليان اكتر مننا
عاصم هز رأسه وكمال قال: انا يا ولاد ؟
رقيه جرت على كمال وحضنته من وراء وقالت: جدو حبيبي
رعد وعاصم خدوا بعضهم ومشوا وكمال حمل رقيه وقال: شبه أمهاتهم بالظبط
رقيه بهمس: احنا مش هنلعب زي امبارح
سيف خرج وقال: بابا كفايه أوى كده
كمال ابتسم وقال: هروح مشوار كده وبوعدك لما ارجع هنلعب كتير أوى
رقيه هزت راسها وقالت: ماشي
كمال نزلها على الأرض وسيف وضع الشنطه في العربيه وقال: يلا يا بابا
كمال: استنى اصالح عاصي ورعد
سيف مسك ايد كمال وقال: بخصوص الشوكولاته بوعدك هجيب ليهم كلهم بس يلا قبل ما نتأخر
كمال ابتسم وسيف فتح باب العربيه وكمال ركب وسيف ركب أيضاً وشغل العربيه وقادها باقصي سرعه
عاصم: رعد
رعد: أي
عاصم: أنا بحب ليان اختك
رعد ابتسم وقال بهمس: وأنا كمان بحب
عاصم: ليان
رعد هز رأسه وقال: لا يا حمار ٠٠٠٠انا بحب رقيه
عاصم وضع ايده على خده وقال: وهنعمل أي
رعد قام وقال: ماما قالتلى مينفعش تتجوز دلوقتي لازم تكبر وتشتغل الأول وبعدين تتجوز
عاصم قام أيضاً وقال: خلاص ماشي
"في قصر جلال الوزيري"
في العشر سنين اللى مروا دول كيان اتجوزت طارق وجلال ما"ت وما"تت والده دينا أيضاً بعده بسنه كان الأمر حقا صعباً على دينا ورامى ولكن بوجود قاسم استطاعوا ان يواجهه هذه المحنه الصعبه
دينا وهى بتجري وراء قاسم: قاسم استنى قاسم
قاسم طلع على السرير ونام على بطن رامى ومسك فيا جامد أوى وقال: انا عايز أنام
دينا مسكت ايد قاسم وقالت: متخلنيش اضر"بك
قاسم: بابا بابا
رامى فتح عيونه وقاسم ابتسم وقال: صباح الخير
رامى باس قاسم من خده وقام وحمله بين أيديه وقال: صباح العسل
دينا: رامى اتكلم مع إبنك مش راضي غير هدومه
رامى بص لقاسم وقال: احنا اتفقنا على اي
قاسم: اننا نجنن ماما
رامى وضع ايده على فمه وقال بضحكه: هههههه مش ده
دينا ربعت أيدها وقالت: يعنى كده ؟
رامى هز رأسه وقال: ده عيل صغير يا حبيبتي وبعدين مش عارف حاجه
دينا بصت لقاسم وقالت: ابوك قالك أي تانى يا قاسم
قاسم بص لرامى اللى هز رأسه لتقول دينا بحده: قاسم رد عليا
قاسم: مقالش حاجه يا ماما ده غلبان حتى
رامى هز رأسه ودينا قالت: ولو قولتلك انى هاخدك عند رعد وعاصم
قاسم فرح أوى ليقول: بابا قالى انك نكديه أوى ومش بس كده قالى لازم تجنن ماما كل يوم
رامى نزل قاسم على الأرض وقال: انا قولت كده يا إبن الجزمه
قاسم وهو بيجري: وبيقول عليكى جزمه كمان يا ماما
رامى: اه يا ابن ال *****
دينا ربعت أيدها ورامى باسها من خدها وقال بابتسامة: صباح الورد
دينا: وقولت أي تانى للواد يا استاذ
رامى وضع ايده على شعره وقال: يا حبيبتي ده عيل صغير متاخديش على كلامه أوى
دينا خدت نفس عميق وقالت: طب ايدك على ألفين جنيه
رامى ضم حواجبه وقال: ليه ؟
دينا: مصاريف قاسم انت ناسي ولا أي
رامى فتح الدولاب وقال: عندك في الدرج خدي اللى انتى عايزاه
دينا راحت عنده وقالت: هنروح لسيف بليل ماشي
رامى هز رأسه ودينا حضنته من ضهره وقالت: مالك النهارده
رامى ضم حواجبه وقال: مالى ازاى
دينا: يعنى كل ما أقول حاجه بتقول عليها ماشي
رامى: اما صنف غريب صحيح لو قولنا لا بتزعلوا وتقولوا كلام غريب ولو قولنا اه تقولوا مالك فيك حاجه هو انت تعبان ولا أي
دينا ابتعدت عنه وقالت: خلاص أهدأ انا غلطانه
رامى وضع ايده على خصرها وقال: انتى قفوشه أوى
دينا: أدخل غير هدومك عشان نفطر
رامى باسها من خدها بحنيه وقال: حاضر
بدأ يمر الوقت لياتى الليل بنور قمره
"في الجنينه "
رعد وقاسم وعاصم بيلعبوا مع بعض وليان ورقيه بيلعبوا مع بعض
ميرال وضعت ازازه على الأرض وقالت: وبكده مفيش غش ولا حاجه
رنيم وضعت رأسها على كتف سيف وميرال لفت الازازه لتاتى على رامى ودينا
ميرال شاروت عليهم وقالت: انتوا الأول عايزين جمله تلخص قصه حبكم
رامى بص لدينا وقال بابتسامه: الحب المستحيل اعتقد مفيش انسب من الجمله ده عشان توصف قصه حبنا ٠٠٠قصه واجهت جميع الصعوبات والتحديات قصه الكل اتوقعها تنتهى قبل حدوثها ولكن قدرنا بحبنا نتخطى الصعاب ده كله
دينا حضنت رامى وقالت: فعلاً !!
ميرال لفت الازازه مره اخري لتاتى هذه المره على ياسين وملك
ميرال: يلا مين اللى هيتكلم
ياسين خد نفس عميق وقال: الحب من غير انذار٠٠٠٠٠ أنا لحد دلوقتي مش عارف ازاى حبيت ملك ازاى دخلت قلبي كده
ملك ابتسمت وياسين بصلها وقال: بس اللى متاكد منه انها احتلت كيانى
ملك وضعت رأسها على كتف ياسين وقالت: قصه حبنا كانت سريعه أوى زي ما ياسين قال حب من غير انذار فعلاً٠٠٠٠٠ حب دخل القلب من غير استأذن
ياسين باسها على رأسها وميرال لفت الازازه مره اخري لتاتى عليها وعلى حمزه
ميرال قبل ما حمزه ينطق بحرف: القط والفار
الجميع قعد يضحك وحمزه بغيظ: يعنى انتى شايفه الجمله اللى ممكن تلخص حبنا القط والفار
ميرال بصت لحمزه وقالت: خناق خناق خناق حتى اللحظات الرومانسيه خناق اعتقد مفيش انسب من الجمله ده عشان تلخص حبنا
حمزه خد نفس عميق وقال بغيظ: القط والفار القط والفار
ميرال كبحت ضحكاتها بصعوبه ومسكت في دراع حمزه وقالت: "وقعت في حب نسوانجي" اعتقد ده الجمله الأنسب
حمزه زقها والجميع قعد يضحك وميرال شاورت على سيف ورنيم وقالت: مالوش لازوم نلف الازازه لأنكم اخر ثنائي
رنيم بصت لسيف وقالت: تتكلم انت ولا اتكلمنا أنا ؟
سيف: هى جمله واحده بس أقدر أقولها أنك اوقعتنى في حبك يا أيتها البريئه
الجميع ابتسم وقالوا بصوت واحد: يعنى" بريئه أوقعت السيف في حبها "
سيف ابتسم وقال: بالظبط كده
رنيم ابتسمت أيضا وملك قامت وقالت: طالما وصلنا للنهايه اي رايكم ناخد صوره تذكاريه
ميرال هزت رأسها وقالت: فكره حلوه
رنيم: رعد عاصم قاسم ليان رقيه تعالوا يا ولاد
كل واحد احتوي مراته وابنه وملك قالت: ابتسموا يا جماعه
الجميع ابتسم واخدوا الصوره بالفعل وبكده تكون انتهت روايتنا ونقول الوداع للأبطال
تمت الحمدلله
صحيح ناهد خدت إعد"ام وسيف جعل المرام تندم على ما فعلته مع رنيم وشاكر جالو كا"نسر وما"ت
مش عارفه لينا لقاء تانى ولا لا بس اعتقد لا وبعتذر على التاخير اللى حصل لأن موضوع صفحتى اللى انقفلت مآثر عليا جدآ
تمت الحمد لله
تعليقات
إرسال تعليق