 |
6/7
كيان_الأسد
#البارت 6
أسد دخل غرفة الرياضة وشاف
كيان حاضنة شخص
أسد بغضب جحيمي:كياااااااان
كيان بصت عليه ببرود وهي لسة زي ماهي:في إيه يا اسد وطى صوتك شوية ولا انت مش بتعرف تتكلم غير وانت بتزعق
أسد قرب منها وشدها من إيديها وحطها ورا ضهره
كيان بزعيق:قولتلك قبل كدة متلمسنيش يا أسد عشان أنا مش بحب حد يعاملني بالطريقة دي
اياد بعصبية:سيب خطيبتي وإلا مش هيحصل طيب..
أسد بغضب:خطيبة مين يا بابا هي خرابة ولا إيه... دي مرااااتي سامع بقول ايه مرااااااتي يا جدع وراح زقه بإيديه
كيان بتمثيل:اياد انت كويس يا حبيبي
أسد مسكها من شعرها وشده جامد:حبيب مين ده أنا هخليها ليلة سودة على دماغك انتي وهو
اياد وهو يخرج البطاقة بتاعته:المقدم اياد عزمي.. خطيب الأنسة كيان رشدي
أسد وهو ينظر إليه بغضب:إن شالله حتى تكون وزير أن هعرفك ازاي تدخل بيتي وتعمل كدة يا ابن ال....
َكيان شالت ايديه من شعرها وبعدت عنه
كيان بعصبية:انت هتطلقني يا أسد
وأول ما نتطلق هتخطب أنا واياد لحد ما شهور العدة تخلص ونتجوز على طول.. مش كدة يا اياد يا حبيبي
اياد:أيوة طبعاً يا حبيبتي
نادين دخلت وشافت كيان وهي واقفة جمب اياد ف استغلت الفرصة عشان تكيد كيان وقربت من أسد وحضنته
نادين:صباح الخير يا حبيبي
أسد:صباح الخير يا نادين
كيان:يلا يا اياد عشان انا مش بحب اشوف القر"ف ده
وخرجت من الأوضة وهي بتتوعد لأسد بأيام هيشوف فيها العجب
كيان خرجت هي واياد وقعدوا في الجنينة... وطلبوا اكل
اياد بإبتسامة:عجبتك ولا إيه
كيان بضحك:عجبتني اوي بس لسة الجاي تقيل يا اياد... عايزاك تجمد أسد مش سهل وممكن يعمل اي حاجة
اياد:وأنا جاهز يا كوكي
اياد بإبتسامة:أسد جاي يا كوكي
كيان بضحك:ماشي يا يودي
وأخذت قطعة بيتزا ووضعته في فم اياد بإبتسامة مكر
أسد بعصبية:إيه اللي بيحصل هنا ده يا هانم؟
كيان:زي ما انت شايف حبيبي جعان وأنا بأكله
أسد وهو يحمل كيان ويتجه بها إلى الداخل.. وساب اياد اللي ميت على نفسه من الضحك
فوق عند أسد وكيان
أسد بحدة:اللي حصل ده لو اتكرر تاني يا كيان انا هكسرلك إيدك ومش عارف ممكن اعمل ايه كمان
ف اعقلي تصرفاتك عشان متندميش عليها
كيان وهي تجلس وتضع ساق على الأخرى :أنا معملتش حاجة غلط
أسد:وأنا لسة هستني لحد ما حضرتك تعملي حاجة غلط
كيان بزعيق:انت ملكش حق تتكلم معايا بالطريقة دي يا أسد.. واوعي تنسى إحنا اتجوزنا ليه.. ولو انت مفكر أن انت لما تتجوز عليا أنا هزعل.. تبقى غلطان وغلطان أوي كمان.. عشان انت لسة معرفتش كيان رشدي اللي ب مية راجل
أسد وهو يقترب منها وينظر لها بهدوء مخيف
كيان وهي تقف وتتحرك إلى الخلف
أسد:إيه ياروحي مالك وقفتي ليه... القطة كلت لسانك ولا إيه ؟
كيان بتوتر:انت عارف ان اياد موجود تحت ولو صوت هيطلع و
أسد بمقاطعة:وايه؟
كيان:هيعمل مشكلة
أسد وهو يقترب منها لحد ما وصلت للحيطة
أسد وهو يحاصرها بيديه:صدقيني
النظرة اللي في عنيكي كفيلة اوي
وبتقول كلام كتير.. وعارفة بتقول إيه كمان؟
كيان:بتقول إيه
أسد وهو يقترب من اذنها ويهمس بها بحب:بتقول بحبك يا أسد♡
في المساء
عند عز وسارة
سارة:أنا هسافر بكرة يا ماما عشان الكلية بتاعتي
الأم:ماشي يا حبيبتي
سارة :ابقى سلميلي على بابا
عشان انا كل ما اجي اجازة عشان اشوفه الاقيه مسافر
الأم:معلش يا حبيبتي ما انتي عارفة ظروف شغله
سارة بحزن:عن اذنك يا ماما.. هدخل انام عشان اصحى بدري
الأم:اتفضلي يا حبيبتي
صعدت سارة إلى غرفتها وهي تشعر بالحزن فهي لم ترى أي اهتمام من والديها
في صباح يوم جديد
استيقظت سارة وجهزت نفسها وحضرت الشنط للسفر
وودعت مامتها وركبت الطيارة
داخل الطيارة
ركبت سارة وغمضت عينيها عشان تنام
ومخدتش بالها من اللي نايم جمبها
سارة كانت بتحلم بحد بيضربها ف قررت تردله الضرب وضربته بالقلم
وحركت ايديها و ضربت عز بالقلم
عز بعصبية:اي قلة الأدب دي؟
وبص جمبه لقى سارة بتبصله بصدمة
سارة بصدمة:انت
عز بصدمة:لأ مستحيل.. يارب أكون بحلم اكيد هتجنن لحد ما الطيارة توصل مصر
سارة:احترم نفسك يا استاذ عشان انا لساني طويل وبشـ تم بجد
عز بضحك:اومال انتي بتشتمي بهزار؟
سارة:ههه.. ظريف اوي... ابو تقل دمك يا أخي
عز:سمعت على فكرة
سارة:ميهمنيش واسكت بقى عشان انا مش بحب الكلام الكتير يا بتاع انت
عز:والله العظيم لولا اننا في طيارة انا كنت علمتك ازاي تتكلمي معايا بالطريقة دي يا عر"سة انتي
سارة برفعة حاجب:انا عر"سة؟؟!!
اومال انت تبقى إيه يا صر"صار
عز:اللهم طولك يا روح.. شكلي كدة هفتح الطيارة وارميكي ف اي داهية
عشان اخلص منك ومن زنك
سارة:ترمي مين يا بابا ده أنا ارميك وارمي عشرة زيك.. ميغركش رفعي ده.. أنا الحمدلله صحتي حلوة اوي
(الست فرحانة انها رفيعة ربنا يستر بقا😂😂)
عز:انا آسف
سارة:مليش فيه أن شالله حتى تفضل تعتذر من هنا لبكرة مش هعبرك برضو
عز:ومين قالك ان انا هعبرك يا خنفــسة انتي
سارة:بقولك ايه أنا مش رايقالك
والله العظيم اصوت والم عليك الطيارة كلها واقول إنك واحد مش محترم وبضايقني.. وشوف بقى هما هيعملوا فيك ايه
عز:مش عارف مين اللي داعي عليا
عشان اشوفك في كل مكان بروح
فيه.. ربنا ياخذك يا بعيدة
سارة:ربنا ياخدك انت.. ولا قوم من هنا عشان أنا مش طايقاك
عز:ليه ياختي هي الطيارة بإسمك وأنا معرفش ولا إيه.؟
سارة:وانت تطول
عز:لأ العفو ياختي مش عايز اعرفك اصلاً
سارة وهي بتحط الهند فري وبتسمع اغاني وبدندن مع الأغنية
(اغنية عمرو دياب)
سارة بغناء:اللي حبونا مثلوا واللي وعدونا كسلوا... يوفوا بوعدهم الله يسعدهم.. واللي له طريق يكمله. اللي ملي إيده مننا.. افتكر نفسه حلمنا فهمه على قده والغرور واخده
لسة معرفش طبعنا...اللي يمشي يمشي زي بعضه.. يبقى قضى سكة للي بعده... في الندالة ناس كتيرة عدوا.. دول ماشاءالله..
عز بزهق:وبعدين بقى يا ست انتي
أنا قاعد في حفلة هنا.. صوتك وحش وقولنا ماشي لكن تعلى صوتك أنا مستحملش كدة خالص
سارة ببرود:خلوا اللي يغير مننا يجي ويعمل زينا
عز بمقاطعة:غيرة مين يااما أنا اغير منك انتي ليه ان شاء الله!
سارة:ومتغيرش ليه واحدة مُزة ولبس شيك وكل حاجة من التشيك
تحب تسمع تاني ولا كفاية كدة
😂🤣😂
عز:بس بس بس إيه يا ماما هو أنا قاعد هنا في إذاعة الشباب والرياضة ولا إيه... افصلي شوية لو متكلمتيش تغني لو مغنتيش تضايقي ف امي... هو في حد مصلتك عليا
سارة:انا حرة يا عم اغني ارقص أنا حرة اعمل اللي انا عايزاه
عز:طب يا ستي أنا عايز انام
سارة:ما تنام يااخويا هو حد ماسكك ولا انت عليك عفريت اسمه عايز انام
عز:انام ازاي وانتي عاملة الدوشة دي
سارة:زي الناس... ده انا اعرف واحد بينام وسط المهرحانات وبينام احلى نومة كمان
عز بسخرية:ده انتي مش كدة؟
سارة:لأ طبعاً ده شخص اعرفه
عز:بقولك ايه قسماً بالله اضربك قلم يطيرك من الطيارة
سارة:طب جرب كدة وشوف هعمل إيه
عز وهو يمسك بإيد سارة بغضب:بت والله العظيم اضربك اخرسي بقي
سارة:وان مخرستش هتعمل ايه
عز:يارب الصبر من عندك
لأحسن اقتلها دلوقتي وهي شبه المعزة كدة
سارة وهي بتعضه في إيده:أنا شبه المعزة يا نسناس القرود
😂😂
عز بضحك:ودي معناها إيه بقى؟
سارة بضحك:معرفش بقى اهي كلمة وخلاص
عز:بجد مش قادر اقولك انتي بتغيريلي المود بتاعي في ثانية واحدة.. بجد ربنا ياخد اللي هتتجوزيه عشان هو هيمو'ت أو هيتشل اول ما تتجوزوا
سارة بغمزة:وليه متكونش انت يا برنس... مش أنا مُزة واتحب برضو
عز بضحك:لأ مستحيل.. صدقيني أنا لو عرفت ان انا ممكن احبك هروح امو' ت نفسي عشان اكيد هبقي اتجننت ف عقلي لما افكر كدة
سارة:بكرة تندم وتعرف انك خسرت جوهرة أثرية مش هتلاقي زيها في العالم كله
عز بضحك:لأ من جهة مش هلاقي زيك.. ف انتي فعلاً ملكيش مثيل يا سارة
سارة بغناء:وده حب ولا تقل ولا دلع ده ولا ايه.. يا حبيبي اومر تحت امرك قولي اعملك إيه.
عز وهو يمسك إيدها برجاء:عايزك تسكتي والنبي لحد ما الطيارة توصل وتفرقنا عن بعض
سارة:واهون عليك يا زيزو
عز:بقولك ايه انتي شكلك واخدة حاجة قبل ما تركبي الطيارة عشان كدة مش هرد عليكي.. عشان عارفك
مجنونة
سارة:الله يسامحك يا زيزو
ده أنا بريئة خالص
بعد مرور بعض الوقت
تصل الطائرة إلى مطار القاهرة
وتهبط في المطار
وينزل جميع الركاب
سارة وهي بتنده على عز عشان خدت الساعة بتاعته:الساعة بتاعتك يا زيزو نسيتها معايا
عز بضحك:خليها ذكرة جميلة عندك .. يمكن ربنا يريحني منك
ومنتقابلش تاني
سارة:هنتقابل وهتحبني بس انا مش هحبك
عز:احلمي براحتك يا قطة
ذهب كلا من عز وسارة إلى منازلهم
في المساء
في إحدى الحفلات الغنائية
كانت تقف سارة وتنتظر أصدقائها
وكان في ذلك المكان عز وكام صديقة معه
كانت سارة تتحدث مع أصدقائها
وفجأة شخص جه وحضنها من ضهرها
سارة بصدمة:عز
أسر بغضب:عز مين يا بنت ال****
وضر"بها بالقـــ لم
بقلمي_مريم_محمد
#البارت 7
كيان_الأسد
اسر بغضب:عز مين يا بنت ال****...وراح ضر"بها بالقـ لم
سارة بصوت عالي:أزاي تمد إيدك عليا بالطريقة دي... انت اتجننت ولا جرا لعقلك حاجة
اسر:وطى صوتك عشان الناس
وإلا قسماً بالله هعمل حاجة متعجبكيش يا سارة
سارة:انت عايز مني إيه.. مش خلاص الخطوبة اتفركشت.. إيه اللي رجعك تاني
اسر:أنا ارجع وقت ما احب
سارة:ده عند ام ترتر يا حبيبي
مش عندي أنا
اسر وهو بشدها من إيديها خارج المكان:أنا هعرفك ازاي تكلميني كدة يا سارة
سارة بصراخ:الحقونييي... وفضلت تزق فيه بس هو كان أقوى منها
عز سمع صوت سارة وهي بتصرخ
عز وهو يمسك دماغه:أنا سمعت صح ولا أنا اللي بفكر فيها
هدير:مالك يا عز ماسك دماغك كدة ليه؟
عز:هو انتي سمعتي صوت بنت بتصرخ
هدير:متهيقلي كدة
عز:طب أنا خارج اعمل تليفون وراجع تاني
هدير:ماشي
خرج عز بسرعة وهو بيدور علي سارة.. بس مش شايف حاجة
وفجأه سمع صوت عربية بتتقفل جامد وفي بنت بتزعق من جوا
عز:سارة... سارة
سارة:أنا هنا يا عز
اسر شغل العربية ومشى بسرعة
عز جرى بسرعة على عربيته وركبها
وفضل ماشي ورا العربية اللي فيها سارة
عز:ياترى في إيه
بعد شوية
وقف اسر العربية ونزل منها
سارة بعصبية:انت مبتفهمش ولا ايه
بقولك مش هطلع معاك في حتة
عز نزل من العربية وهو مش طايق نفسه
عز وهو بيشد اسر بعيد عن سارة:ما قالتلك لأ... ولا انت مش بتفهم كدة
وراح ضر'به بالبو"كس في وشه عدة مرات
سارة بخوف:خلاص يا عز... كفاية كدة
عز بضيق:اسكتي انتي خالص
سارة سكتت وراحت وقفت بعيد
بعد شوية
سارة:يلا بقى هو انت كان نفسك تضرب حد ولا إيه
عز:أنا مش عارف ايه اللي خلاني الحقك والله.. كان زماني قاعد يتسلى مع هدير
سارة بضيق:طب اتفضل روح.. انت لسة فيها الوقت لسة متأخرش.. يلا مستني إيه
عز:عارفة لولا أن أنا عارفك جبانة كنت علقتك على باب السيدة
سارة:وبعدين أنا مطلبتش منك
المساعدة عشان حضرتك تيجي وتعمل اللي انت عملته ده
عز:تصدقي أنا غلطان
سارة:أيوة غلطان
عز:طب اتفضلي بقى اوصلك على بيتك عشان انا مش هطمن غير لما توصلي
سارة برفعة حاجب:وانت مش هتطمن ليه بقى.. كنت خطيبتك ولا خطيبتك
عز:يا بنتي انتي عقلك ده متركب ازاي.
سارة:متركب زي عقلك يا ظريف
عز:طب يلا بقى ربنا يهديكي
سارة:هركب ورا
عز:ليه بقى ياختي ان شاء الله
هعضك أنا يعني
سارة:لأ بس انت مش محترم
عز:هتركبي قدام وإلا هاخدك من قفاكي واركبك يا معزة
سارة:متقوليش الكلمة دي بتعصبني
أوي يا عز
عز بضحك:طب يلا يا معزة
سارة:والله
عز:خلاص حقك عليا... انتي طفلة اصلاً
سارة:بارد أوي
عز:متشكر على المجاملة
سارة:العفو يا نسناس القرود
عز:لأ بقى ما هو لو انتي هتقولي نسناس القرود أنا كمان هقولك
يا معزة
سارة:خلاص اسكت
رن تليفون عز وكانت المتصلة سوزي
عز بدلع:إيه يا سوسو يا حبيبتي
سوزي:أنا زعلانة منك يا زيزو
ومش هصالحك من غير بوسة دلوقتي
سارة بضيق:انت يا زفت انت بطل قلة أدب
عز :طب بقولك إيه يا سوسو مش هقدر اجي دلوقتي بس طبعاً هتاخدي البوسة
سارة برفعة حاجب:وده ازاي بقى يا روحي
عز بضحك:اسكتي بقى
وراح باعت بوسة على الهوا لسوزي
سوزي:بحبكككك أوي يا زيزو
سارة بضيق:اقفل الزفت ده والله
اصوت واقول انك بتقرب مني غصب عني
عز:طب سلام بقى ياسوسو عشان رايح الشركة
سوزي:ماشي يا حبيبي
أغلق عز التليفون ونظر إلى سارة بضحك شديد
سارة:بتضحك على إيه... انا بجد مشوفتش قلة أدب بالشكل ده
عز:معلش خليها عليكي انتي
سارة:خلص بقى عشان مش طيقاك
وممكن بعد ما انزل أبلغ عنك
عز:ليه بس... ده رد فعلك على اللي عملته عشانك يا سوسو
سارة:لأ بقولك إيه انا مش واحدة من اللي انت بتمشي معاهم عشان تقولي الزفت ده
عز:هو انتي دخلتي مصحة قبل
كدة يا سارة
سارة:لأ... بس إحتمال ادخلها بعد ما انزل من هنا يا نسناس القرود
بعد شوية
وصل عز أمام منزل سارة
عز:انتي قاعدة لوحدك يا سارة
سارة:لأ اطمن معايا دادة وردة وعلى
عز بضيق:ومين على ده كمان
سارة:مالك اضايقت كدة ليه.. ده على اخويا
عز:اممم
سارة بضحك:ياريت منتقابلش تاني وصدفة سعيدة يا نسناس القرود
عز:أنا أكتر يا معزة قلبي
سارة:تتـ شك في قلبك يا بعيد
ودخلت البيت وهي بتضحك
عز مشي وقرر يروح ومش هيروح يسهر زي كل ليلة
عند أسد وكيان
كيان كانت نازلة على السلم وفجأه سمعت صوت زعيق من غرفة فاروق وصفية
كيان:ياترى بيزعقوا ليه في وقت متأخر كدة
ووقفت تسمع بهدوء واتصدمت من اللي سمعته
صفية:استنى بقى يا فاروق واكيد هنقدر ناخد كل حاجة لينا إحنا
وبعدين محدش هيعرف أن نادين مش بنتنا وأنها بنت نصار
كيان بصدمة:اييييه؟؟!!....ده معناه ان نادين اخت أسد ومينفعش تتجوزه.. بس ازاي محدش عرف انها
مش بنت فاروق وصفية
وركزت من جديد في كلام فاروق وصفية
فاروق:إحنا تعبنا أوي لحد ما قدرنا نخبي حكاية نادين.. . فاكرة يا صفية عملنا إيه من 22 سنة
صفية:فاكرة يا فاروق
Flash Back
في المستشفى
يوم ولادة سلمي مرات نصار
قبل ما الدكتورة تدخل وتعمل إجراءات الولادة لسلمي
نده عليها فاروق
ودفعلها مبلغ كبير أوي عشان تعمل اللي هو عايزه
وفعلاً اول ما سلمي ولدت الدكتورة اخدت البنت اللي هي نادين وادتها
لفاروق..وبعدين قالت لسلمي ونصار أن البنت ما"تت. وفاروق اخد البنت وسفرها الغردقة عند صفية... وبعدها ب سنه رجع القاهرة وقالهم أن صفية كانت حامل وخلفت من سنة
وهما صدقوهم عشان ميعرفوش الحقيقة وميعرفوش نيتهم
ومن ساعتها ونادين بقت بنت فاروق وصفية ومحدش يعرف انها بنت سلمي وفاروق
وكمان أخت أسد
back
صفية:السر ده مستخبي بقاله سنين يا فاروق ومستحيل حد يكشفه
لأنه محدش هيحوشنا عن أذية نصار واسد واللي هيعملوه فينا لما يعرفوا
فاروق:لأ طبعاً محدش هيعرف حاجة يا صفية
صفية:رغم أنها مش بنتي يا فاروق بس ربنا يعلم انا بحبها قد إيه
فاروق:مش انتي بس يا صفية أنا كمان والله
مشيت كيان وطلعت اوضتها وحاولت تنام لقيت أسد عمال يبصلها ويضحك
كيان بإستغراب:هو اتجنن ولا إيه
أسد وهو يقترب من كيان ويحضنها قائلاً بحب:حبيبي ماله سرحان في إيه؟
كيان بتوتر:لو سمحت ابعد عشان كدة عيب.. وبعدين إحنا هنطلق
أسد وهو ينظر إلى عينيها التي تقول أشياء كثيرة:وبعدين بقى ما قولتلك
مفيش طلاق.. وعم اياد ده ليه حساب طويل معايا
كيان:طب نام بقى يا أسد
أسد وهو يقبلها بحب:حاضر يا كياني.. . تصبحي على خير يا قلبي
كيان:وانت من اهل الخير
في صباح يوم جديد مليء بالأحداث
استيقظت كيان قبل أسد وقامت بسرعة دخلت الحمام واخدت شاور
ونزلت تحت كانت بتدور على صفية
ونادين
اول ما شافت صفية جريت عليها وحضنتها وشدت شعرة من شعرها
صفية:إيه اللي انتي عملتيه ده؟
كيان بضحك:معلش بقى يا طنط حبيت اخد شعرة من شعرك عشان اصبغ شعري زيك
صفية:انتي فعلاً اتجننتي
كيان مشيت وعملت مع نادين زي ما عملت مع صفية
وذهبت إلى مستشفى
وطلبت تعمل تحليل DNA
الدكتور:بس ده مش هيطلع النهاردة يا فندم
كيان وقد أعطت له بعض الأموال حتى يستخرج التحاليل في نفس اليوم
الدكتور :تمام يا فندم.. التحاليل هتوصل لحضرتك النهاردة
كيان:شكراً يا دكتور
الدكتور:العفو
ورجعت كيان على القصر
وبلغت اياد باللي عرفته
اياد:انتي متأكدة من اللي انتي بتقوليه ده يا كيان
كيان:اه والله زي ما بكلمة كدة
وروحت المستشفى والتحاليل هتظهر النهاردة... كان لازم اعمل كدة عشان مفيش حد هيصدقني من غير دليل يا اياد
اياد:معاكي حق يا كيان
أن هتعرفي الحقيقة وهتكشفي صفية وفاروق قدام الكل
كيان:يارب يا اياد
في المساء
وصلت التحاليل وكيان استلمتها
ودخلت اوضتها هي واسد وبدأت تقرأ فيها بهدوء
وفعلاً التحاليل أكدت أن نادين مش بنت صفية
في اللحظة دي أسد دخل لأوضة وشاف كيان ماسك الورق بتاع التحاليل
أسد:إيه الورق ده يا كيان؟
كيان بتوتر:ده ورق للشغل كنت بدرس قضية مهمة.. وكانت لسة هتحطه في شنطتها أسد شده منها
وبدأ يقرأ فيه
أسد بصدمة:إيه التخاريف اللي مكتوبة دي؟!
كيان:صدقني هي دي الحقيقة. نادين تبقى اختك يا أسد
في اللحظة دي نادين دخلت وسمعت اللي قالوه
نادين بصدمة:متصدقهاش دي اكيد كدابة يا حبيبي
أسد ضر"ب كيان
بالقــ لم.. لأنه كان في حالة صدمة
اياد:كيان بتقول الحقيقة يا أسد
في اللحظة دي سمعوا صوت ضر"ب نا"ر تحت
نزلوا بسرعة علي تحت و اتصدموا من اللي شافوه
كيان_الأسد
بقلمي_مريم_محمد
#يتبع تكملة الروايه من هنااااااا
تعليقات
إرسال تعليق