 |
5🌵🍃
انا سمعتها بتصوت في الحمام وروحت اشوف اي اللي حصل لاقيت الباب مفتوح ودخلت اشوف في اي لاقيت حد زقني وبعدها محستش بنفسي
الظابط : وانت شوفت مين اللي زقك ؟
حيدر بيمثل انه مصدوم وزعلان : انا شوفت ميليسا اختي لكن مستحيل تعمل فيا كدا ممكن يكون في حد تاني
الظابط : حد تاني زي مين كاميرا المراقبة اللي في الشارع مرصدتش حد دخل بعد ميليسا العمارة
حيدر : انا معرفش هي عملت كدا ليه
الظابط : يعني انت متأكد انها هي اللي عملت كدا لكنك بتدافع عنها
حيدر بتمثيل انه راسه واجعاه : المسكن راح مفعوله انا محتاج الدكتور بسرعه
°•°•°•°•°•°•°•°•°•°•°•°•°•°•°•°•°•°•°•°•°•°•°
الدكتور بعصبية من حالة اخت ركان اللي اتدهورت:
انا مشوفتش اهمال كدا ، يعني البيت مفهوش حد رحيم بالبنت دي ، لازم ننقلها المستشفي حالا
الست جليلة : انا روحت مشوار لركان باشا وجيت بسرعه ، الغلط من الممرضة اللي معرفتش تتصرف او الدكتور اللي رشحلنا ممرضة فاشلة لو ركان بيه عرف باللي حصل هتبقي روحت في داهية
الدكتور خاف من تهديدها المباشر ليه : انا بس يهمني مصلحة المريضة
الست جليلة بصرامه : محدش يعرف مصلحتها قدنا
الدكتور : حاضر ، بس لازم تروح المستشفي حالتها هنا بتسوء
اجليلة : مستحيل هات اي اجهزة طبية هنا لو عايز ، ان شاء الله تقلب الفيلا دي مستشفي واحنا قد التكاليف
الدكتور بإستسلام : هو هيبقي صعب بس هنعمل اقصي ما في ايدينا
°•°•°•°•°•°•°•°•°•°•°•°•°•°•°•°•°•°•°•°•°•°•°
ميليسا واقفة قدام مخفر الشرطه تقدم رجل وتأخر رجل..
قعدت قدام المخفر ع الرصيف وهي تفكر هتقول للظابط ايه ، هي معندهاش الجرأة تتكلم عن التحرش اللي بيحصلها ، شعرت بالخجل الشديد من نفسها ، حضنت نفسها وبصت في السما بعياط : يارب ساعدني انا مش قادرة تعبت يارب من اللي بيحصلي
هديت شوية وغلبها احساس تأنيب الضمير اتجاه حيدر ولو مات مش هتسامح نفسها ابدا قامت ودخلت
●جوا المخفر●
الظابط بعد ما سمعها : هو لسه عايش واقواله عكس اقوالك للاسف ي آنسه
ميليسا بتهز رجليها بتوتر ومشبكه ايديها في بعض وباصة في الارض : والله انا قولت اللي حصل هو بيكدب
الظابط : مين قال اني بكذبك انا بقولك اللي حصل بس احنا كشرطة بناخد بالادلة هنحقق في الموضوع ، هاتي بطاقتك
ميليسا : انا مش معايا بطاقتي دلوقتي
الظابط : يعني انتي جاية قسم الشرطه من غير بطاقة ! انتي فين عقلك ؟
ميليسا بخوف من نبرة صوت الظابط : انا قولت لحضرتك اللي حصل وانا مكنتش......
الظابط جالتله مكالمه فبعدها بص للعسكري : خدها دلوقتي
ميليسا بصدمه من طريقة الظابط اللي تغيرت: لو سمحت والله انا مبكدبش انا بقول الحقيقة
°•°•°•°•°•°•°•°•°•°•°•°•°•°•°•°•°•°•°•°•°•°•°
●في مكان تاني ●
صبري : انا لازم اهرب اخوها مش هيسبني في حالي ابدا يا باشا
الباشا هو بيولع سيجارته بسخرية : دا اكيد هسفرك بس مش دلوقتي ، ركان مش غبي عشان ميراقبش المطارات
صبري : طب الحل
الباشا : احنا مش هنقدر نقتله عشان كدا هنعمل عداوة مع كبير عصابة مارا سالفاتروشا واحنا مش قده وانت عارف هو قد ايه بيعز ركان
صبري : امال هعنعمل اي اموت يعني
الباشا مسك رقبته جامد : انت جبان اوي وانا مبحبش الناس دي وممكن اقتلك انا حالا
صبري : يا باشا انا اسف والله وبعدين انا حياتي كلها فداك
الباشا سابه : تعرف انا اللي بيفكر بس انه يخون يعمل فيه اي
صبري : لسه متخلقش اللي يعمل فيك كدا يا باشا
الباشا : لا عجبتني وعشان كدا هقولك هنعمل اي.........................................
صبري : بس كدا ممكن نتعرض كلنا للخطر
الباشا : ركان مشغول دلوقتي بكذا قضية منهم اخته وشوقت اللي لبس فيها والمفتاح وقضية القتل اللي لازم ينفذها لانه دا امر من اكبر السلطات اللي موجودة في مارا سالفاتروشا ، فهيكون خلاص جاب اخره
● في قسم الشرطة ●
الظابط : ركان باشا عندنا يا اهلا وسهلا
ميليسا بصتله وجسمها كله بيترعش مكنتش متخيلة ابدا انه يلاقيها
الظابط : خدها ي بني بسرعه عشان الباشا ميتضايقش
ركان مسك ايد العسكري جامد لدرجة انه ايد العسكري كانت هتتكسر : اطلع برا انت وبعدين وجه كلامه للظابط : انا جاي بخصوص الانسه ميليسا
الظابط بص للعسكري وفعلا العسكري فهمه وطلع وقفل الباب وراه
الظابط : اتفضل ي ركان بيه اقعد وانا هسمعك
ركان قعد برقي وسند دراعه علي المكتب ودا بيديله ثقة في الكلام اللي هيقوله قدام الظابط وعشان يعرف ميليسا حكت اي للظابط فقال بذكاء : اكيد الانسه حكتلك موضوعها
الظابط : ايوا بس مفيش دليل عشان نقدر نصدقها لسه بنبعت فريق يشوف البصمات اللي في الحمام و زي ما انت شايف الدم مغرق بلوزة البنت وهي اعترفت انها اللي زقته
ركان : دا مش معناه انك تحبسها وانه كلام الواد دا صح
الظابط : حضرتك هي مش معاها بطاقة انا مقولتش اني مش مصدقها
ركان طلع بطاقتها وبطاقته من محفظته وبيدهاله : اتفضل
الظابط : تمام ، بس حضرتك تعرفها منين
ركان : هي شغالة عندي الفيلا
الظابط : تمام حضرتك عارف غلاوتك عندي وجمايلك فوق راسي وطالما حضرتك واثق من البنت دي فتقدر تخادها معاك دلوقتي وتعتبر انه الموضوع انتهي
ميليسا بسرعه : بس انا كنت عايزة اقول لحضرتك حاجه
الظابط : اتفضل سامعك
ركان بصلها بتهديد وهي فهمته فإتراجعت عن اللي كانت هتقوله
°•°•°•°•°•°•°•°•°•°•°•°•°•°•°•°•°•°•°•°•°•°•°•
● في الفيلا ●
ركان بيسأل واحده من الشغالات : فين جليلة
الشغالة : مش موجوده ي بيه
ركان استغرب عدم وجودها لانه طبيعي لما بتخرج بتستأذنه ودا اصلا وضع ميسمحش بالخروج ولو في حاجه ضرورية كانت اتصلت بيه : طيب لما تيجي بلغيها ضروري اني عايزها
الشغالة طلعت وهو بص لميليسا اللي واقفة علي جنب وحاطه وشها في الارض ومشبكه ايديها الاتنين في بعض بخوف
ركان : انتي بقي ليلتك طين معايا ، غيري الزفت الهدوم اللي مليانه نيلة د*م ، هبعتلك لبس مع الخدم وتستني هنا
ميليسا هزت راسها فوق وتحت بمعني ماشي ، هي مش حابة ضعفها دا ولكن مش في ايديها حاجه هي عبد وكلهم اسياد لا تعارض ولا نقاش
°•°•°•°•°•°•°•°•°•°•°•°•°•°•°•°•°•°•°•°•°•°•°•
ركان دخل اوضته خد دوش ورجع لميليسا اللي كانت غيرت هدومها ولبست بنطلون اسود وتيشيرت ابيض من لبس اخته ولمت شعرها في توكه
ركان بتضيق : تعرفي عقاب اللي انتي عملتيه دا ايه
ميليسا : الموت
ركان بإستهزاء : this is good ، فاكرة كلامي
طلع المسدس من جيبه وحطه علي دماغها بس لاحظ حاجه غريبة في رقبتها.......
°•°•°•°•°•°•°•°•°•°•°•°•°•°•°•°•°•°•°•°•°•°•°•
الست جليلة بتمسك المسدس وبتصوبه ناحية شخص وبتهديد : ركان مينفعش يعرف انك عايش............ يتبع
#رواية_بريشيا🌵🍃
الرواية روعة بريشيا لكنواين باقي الحلقات
ردحذفباقي أجزاء رواية بريشيا
حذفالرواية روعة لكن الجزء السابع والأجواء الاخرين
ردحذف