 |
{5}
حور وهى بتلم الهدوم: بقا هو ده الى انا حبيته ده انا عايزه ضرب الجزمه
وفجأه سمعت صوت ضرب ن*ار تحت بتبص من البلكونة لقت زين واقع فى الأرض
حور بصويت: زيييييين زيييييين
فى الشارع:
حور: زيييين اى الى حصل
واحد من الحراسة: فى واحد ضرب على زين باشا ن*ار وجرى والرجاله بتحاول تلحقه
حور بانهيار: اتصل بالأسعاف بسرعه بسرعه
زين بيحاول يتكلم: اا...انا اسف سامحينى يا حور انا ب...بموت مش قااادر
حور بدموع: لا لا تموت اى يا زين قوم قوم يا حبيبى قوم علشان خاطرى متغمضش عنيك علشان خاطرى استحمل شوية معلش
الأسعاف جه واخد زين وحور راحت معاه
حور: كريم(واحد من الحراسة) تعالى معانا
كانت حور بتعيط طول الطريق وماسكه ايد زين
حور: كريم اول ما نوصل كلم عماد بيه وقوله على الى حصل
كريم: حاضر
وصلوا المستشفى وزين دخل العمليات وحور قاعده على الأرض وحاطه راسها مبين اديها وبتدعى
حور بدموع: يارب... يارب يقوم بالسلامه
بعد شوية صغيرين سمعت حور صوت نورا
نورا بعياط: حور...حور ابنى فين حصله اى قوليلى انه كويس قولى
عماد اخدها فى حضنه وبيحاول يهديها
وحور جريت على نورهان
حور: زين....زين يانورهان اضرب بالن*ار
نورهان اخدتها فى حضنها: اهدى اهدى ان شاء الله خير هيقوم بالسلامه ان شاء الله خير
بعد مرور 3 ساعات عدو عليهم كأنهم 3 سنين
حور قاعده على الأرض وبتعيط و احمد حاضن نورهان ويهديها وعماد ونورا بيقرأوا قرأن وبيدعوا ربنا ان ربنا يشفى ابنهم
اول ما الدكتور خرج
حور بقلق: زين... زين جوزى عامل اى طمنى ونبى
الدكتور: الحمد لله احنا قدرنا نشيل الرصاصة والحمد لله الرصاصة مجتش فى القلب جت جمبه ب تلاته سانتى
عماد: الحمد لله الحمد لله اشكرك يا دكتور
الدكتور: ادعوله ربنا يقومه بالسلامة
زين خرج من العمليات واتنقل أوضة عادية بس لسة مفقش
حور للممرضة: ممكن ادخله
الممرضة: حضرتك مين؟
حور: انا مراته
الممرضة: حد واحد بس الى يقدر يدخل هو قدامه نص ساعه ويفوق لما يفوق تقدروا تدخلوا كلكوا
حور: شكرا
دخلت حور أوضة زين وقعدت جمبه ومسكت ايده وفضلت تكلمه
حور بهمس وهى بتعيط: كده يا زين توجع قلبى عليك إلا انت يا زين والله مقدر استغنى عنك بس خلاص يا حبيبى انا هسيبك خلاص افرح بقا ما انت مش عايزنى اصلا بس هفضل اشوفك من بعيد علشان مقدرش مشوفكش والله وهفضل احبك طول عمرى
اتكلم زين من اثر البنج وقال: ح...حور انا اسف سامحيني اا...انا بحاول والله
حور بهمس وعنيها كلها دموع: قلب حور مسمحاك مسمحاك والله
اول ما زين بدأ يقوف خرجت حور علشان تنده الدكتور
حور: شوفوا دكتور يا جماعة زين فاق
الكل فى اوضة زين
الدكتور: حمد الله على السلامة يا زين باشا انت ربنا كتبلك عمر جديد
زين بتعب: الحمد لله
الدكتور: زين لما يخرج ان شاء الله هيحتاج حد يقعد بيه ويخلى باله منه حد ميتشغلش عنه
نورا: انا...انا هقعد بيه
الدكتور: زى ما تحبوا براحتكوا ، وهبقى اكتبلك على ادوية وحجات وتمارين كده ان شاء الله
زين: ان شاء الله
لما الدكتور خرج
نورهان بتحضن زين: كده يا زين تخضنا عليك كده كنا هنموت عليك والله
زين: الحمد لله انا كويس اهو يا حبيبتى متقلقيش
نورا: تقوملنا بالسلامه يا حبيبى
احمد: ما انت زى القرد اهو امال اى الخضة دى كلها
زين بضحك: حب الناس يا بابا
عماد: سلامتك يا حبيبى
زين: الله يسلمك يا بابا امال حور فين؟؟
نورهان بصوت واطى: قاعده هناك اهى عامله نفسها نايمه
زين باستغراب: ليه
نورهان: كان....
قاطعهم عماد: انا وماما هنروح بقا وطمنينى على اخوكى يا نورهان
نورا: انا عايزه اقعد مع ابنى
عماد: لا يا حبيبتى يلا نسيبه يرتاح هنجيله بكره
عماد راح ناحية حور
عماد: هتروحى معانا
حور بهمس: لا يعمو انا هفضل هنا
عماد: ماشى يا حبيبتى مع السلامه
عماد مشى وبعديها بشوية حور قامت علشان تخرج من الأوضة
زين: رايحه فين؟؟
حور: ملكش دعوه بيا
زين بعصبية: انا مش قادر اتكلم...رايحه فين؟؟
حور: رايحه الزفت الحمام فى مشكله!!!!
نورهان: اهدى يا زين براحه ، روحى يا حبيبتى وتعالى على طول
زين: فى حمام فى الأوضة متطلعيش بره
حور سكتت وراحت الحمام
احمد: اهدى شوية يا زين مش كده ، نورهان انا هروح اجيب العربية من عند البيت واجى اخدك
نورهان: ماشى يا حبيبى
زين: اى الى حصل يا نورهان انا مش فاكر اى حاجه وانا جيت هنا ازاى اخر حاجه فكرها انى كنت رايح ورا حور على البيت
نورهان: حور بتقول انها كانت فوق وفجأه سمعت صوت ضرب نار وبتبص من البلكونه لقتك واقع فى الأرض نزلت وطلبت الأسعاف وخلت كريم الحارس يكلمنها يا حبيبتى اول ما جينا كان شكلها مخضوض اوى وشها كان اصفر وفضلنا طبعا وقت بره مستنينك والحمد لله الدكتور طمنا عليك ولما اتنقلت أوضة عادية هى دخلتلك وفضلت قادره معاك كانت ماسكه ايدك وبتعيط معرفش كانت بتقولك اى علشان كلنا كنا بره بس ولما بدأت تفوق خرج تجيب الدكتور ومن ساعه ما فوقت وهى بتعيط وعامله نفسها نايمه ومش راضية تقرب منك
زين بحزن: ربنا يسامحنى على كسره قلبها
نورهان: اهدى يا حبيبى ان شاء الله كل حاجه هتتصلح حاول تقرب منها والله هتحبها صدقنى حور طيبة وهتسامحك
زين: والله هحاول هحاول، نورهان شوفى حور كل ده بتعمل اى لتكون تعبانه ولا حاجه
نورهان بتخبط على باب الحمام: حور انتى كويسة اتأخرتى اوى
حور بصوت مكتوم من العياط: ا...انا ك...كويسة يا نورى سبينى شوية لوحدى
نورهان: لا اطل....
قطعهم زين
زين بصوت عالى: اطلعى يا حور بدل ما اقو... ااااه مش قادر
فتحت حور الباب بسرعه وجريت
على زين
زين بضحك: ايوة كده اسمعى الكلام
بعدت عنه حور وقعدت على الكنبه وهى ضامه رجليها على جسمها وحاطه راسها مبين اديها وبتعيط
نورهان بحزن على حور لأنها بتعتبرها زى اختها بالظبط: اهدى يا حبيبتى كل حاجه هتتصلح متقلقيش بابا هيجبلك حقك منه
حور وهى بتعيط: انا مش بعيط على الى حصل انا بعيط على زين يا حبيبى شكله تعبان اوى نفسى احضنه اوى بس مش قادره والله بحاول ابعد عنه علشان مديقهوش وهو تعبان
نورهان: مش عا....
قاطع كلامهم دخول احمد
احمد: تعالى اروحك انتى يا حور شكلك تعبان اوى وخلى نورهان مع زين
حور: لا لا شكرا يا ابيه انا هبات هنا مع ز... معاه
نورهان: طيب يا حبيبتى براحتك خلى بالك من نفسك هنجيلك الصبح، خلى بالك من نفسك يا حبيبي
زين بتعب: حاضر
نورهان: باى
بعد ما مشيوا
زين بهدوء: حور تعالى.....
يتبع....
رقية حمدى
{6}
بعد ما نورهان واحمد مشيوا
زين بهدوء: حور تعالى
قامت حور وراحت عند زين
اتاخر زين شوية من على السرير وشاور ليها بمعنا تعالى فى حضنى
حور مفكرتش واترمت فى حضنه وهى بتعيط
زين: هو انتى مش هتبطلى عياط بقا هتمو"تى كده والله
حور بدموع: انت كويس، قلقتنى عليك اوى يا حبي... يا زين
زين: انا الحمد لله كويس ، اى الى خلاكى تقعدى معايا انتى تعبانه كنتى روحى
حور: انت جوزى مينفعش اسيبك لوحدك وانا مش تعبانه..... بطل كلام شوية بقا واهدى علشان انت الى تعبان
حور وهى بتقوم
زين: رايحه فين
حور: هقوم انام على الكنبه
زين: لا نامى هنا
حور: هنا فين يا حبيبى مينفعش لازم ترتاح
زين: لا هرتاح لو نمتي جمبى
حور اتكسفت: الى تشوفه
اول ما حور نامت فى حضن زين راحت فى سابع نومه
ضحك زين: كنت عارف انك مش هتنامى غير كده
ونام زين هو كمان
تانى يوم الصبح
صحيت حور لقت نفسها نايمه فى حضن زين ابتسمت وقامت غسلت وشها وصلت الصبح وبعديها لقت نورهان بتخبط على الباب
حور: اى يا حبيبتى الى جابك بدرى كده كنتى تعالى اخر النهار
نورهان: مقدرش والله كان شكلك مش طبيعى امبارح وكنت عايزه اطمن على زين
حور: انا كويسة والله وهو نايم والحمد لله متعبش امبارح
نورهان: الحمد لله، تعالى نقعد برا علشان منصحهوش
حور: ازيك يا ابيه
احمد: الحمد لله انتى عامله اى
حور: الحمد لله، اى ده بردو جيتى يا طنط
نورا : قلبى واكلنى على زين عاوزه اطمن عليه
حور: الحمد لله والله كويس خالص هو لسة نايم اصلا ، تعالى يا عمو اقعد ارتاح
سمعوا صوت زين
زين بتعب: ح...حور انتى ف...فين
حور: ثوانى هروح لزين
حور بقلق: انا اهو يا حبيبى... انا اهو فى حاجه شكلك تعبان
زين بوجع: اه انا فعلا تعبان اوى
حورعنيها اتملت دموع: اى مالك فى حاجه بتوجعك
زين بوجع: كتفى حاسه بيتقطع مش قادر
حور بخوف: ثوانى ثوانى اشوف الدكتور
حور: حد ينده الدكتور ونبى زين تعبان اوى
احمد نده الدكتور
الدكتور: اى يا جماعه متقلقوش خير ان شاء الله ، معلش يا جماعه ممكن تستنوا برا
كله طبعا قاعد قلقان على زين الدكتور اتأخر عنده
حور قاعده بتعيط ونورهان بتعيط واحمد بيهديها وعماد قلقان اوى على زين ونورا قاعده بتدعى لأبنها
الباب خبط
عماد: ادخل
ادهم: اى يا جماعه الى حصل انا كنت بخلص شغل برا مصر تبع الشركه وتفاجأت بالى حصل
عماد: متقلقش يبنى زين اخد رصاصة امبارح بس الحمد لله جت سليمه بس تعب انهرده جامد
الدكتور خرج
حور: زين... زين ماله
الدكتور: مفيش داعى للقلق يا جماعه ده طبيعى بسبب ان البنج راح بس
حور: ممكن ادخله
الدكتور: اتفضلى
عند زين فى الأوضة
حور قاعده ماسكه ايده السليمه وبتعيط
زين: بتعيطى ليه بس
حور: قلقت عليك اوى كنت تعبان اوى صح الجرح كان بيوجعك ، ياريت كنت انا
زين: بعد الشر متقولش كده انا كويس دلوقتى الحمد لله
الباب بيخبط
ادهم: ممكن ادخل
زين: اتفضل
ادهم: خضتنى عليك يا زين الف سلامه
زين: الحمد لله، الله يسلمك
ادهم: هى دى حور
حور: اه انا
ادهم بأستغراب: انتى شبه اختى اوى حتى بصى
زين: اى يا عم ما تظبط كده
ادهم بجدية: والله ما قصدى حاجه بس فعلا هى شبه اختى اوى دى صورتها شوفى شبهك ازاى
حور بتبص على الصوره: اختك مين دى دى صورتى وانا صغيره
ادهم: نعم!!!
زين باستغراب: صورتك ازاى يعنى؟؟
حور: صورتى والله وانا تقريبا 15 سنه
ادهم بصدمه: فعلا انا اختى كانت 15 سنه فى الصوره
زين: انا مش فاهم حاجه انت تقصد.... لا لا مستحيل
قاطعهم دخول عماد ونورا ونورهان واحمد
عماد: عامل اى يا حبيبى
زين: الحمد لله...بابا سؤال هو عمو سعيد ابو حور كان مخلف غير حور
عماد: لا المفروض بس هو اتجوز مامت حور وقعدوا بتاع 11 سنه مخلفوش بس مكنوش هنا فى مصر اصلا وبعد 11 سنه دول نزلوا مصر وخلفوا حور غير كده معرفش
ادهم: زين...زين انت عارف ان انا كنت عايش مع بابا وماما الله يرحمهم برا مصر وانا عندى 10 سنين تقريبا حصل مشاكل وانفصلوا ونزلنا وانا عشت مع جدتى ام ماما واختفوا من حياتى ومعرفتش عنهم حاجه غير لما ماتوا فى حادثة بس جدتى كانت على طول تقولى ان انا ليا اخت وادتنى صورتها علشان ادور عليها قبل ما تموت
حور: حادثة!!! انا كمان بابا وماما ماتوا فى حادثه
ادهم: هما ماتوا امتى؟
حور: من 6 شهور كده
ادهم بصدمه: انتى اسمك حور اى
حور: حور سعيد رأفت الجندى
زين بصدمه: انت اسمك ادهم سعيد الجندى....ازاى انا مأختش بالى
نورا: اى يا ولاد فهمونى انا مش فاهمه حاجه
نورهان بصدمه: ما..ماما هما شاكين ان ادهم وحور اخوات!!
حور: اخواااات!!!
احمد: احنا نعمل DNA علشان نتأكد
ادهم بفرحه: ونبى يا زين وافق انت عارف انا بدور على اختى بقالى كام سنه
زين: حور روحى مع نورهان واحمد واعملى التحاليل علشان نتأكد
بعد ما خلصوا التحليل
الدكتور: تمام كده اسبوع والنتيجه تظهر
ادهم بسرعه: لا لا اسبوع اى بالكتير بكره النتيجه تظهر
الدكتور: صعب اوى مش هينفع
نورهان بجدية: انا دكتوره وعارفة التحاليل ممكن تاخد قد اى بليل بالكتير وتبقى عندنا
الدكتور بغيظ: تمام يا دكتوره
ادهم: يارب يارب
حور بتساؤل: انت فرحان اوى كده ليه؟
ادهم وعنيه بتدمع: انتى مش عارفة انا بقالى قد اى بدور على اى حاجه بس توصلنى بيها ومش عارف وفجأه الاقى كل الدلائل دى ومبقاش مبسوط طب ازاى بس
حور بحنية: طيب متعيطش ان شاء الله خير
رجعوا عند زين
زين: عملتوا اى يا جماعه
حور: النتيجه بليل ان شاء الله
عماد: طيب احنا هنروح ونيجى بليل ان شاء الله
احمد: يلا احنا كمان يا نورهان
نورهان: خلى بالكوا من نفسكوا ، سلام
ادهم: انا همشى انا كمان يلا باى
زين: حور ممكن نتكلم
حور: انا مسمحاك من غير ما تقول
زين: عرفتى منين انى هقول كده
حور بأبتسامه: وانت بتفوق امبارح كنت بتقول كده
***فى مكان اخر
ياسر: ازاى مماتش ازاى وكمان الواد اتمسك انا هوريكوا يا شوية متخلفين مش عارفين تخلصوا على واحد
طارق: ده بسبع ترواح
ياسر: زين العربى ده نهايته على ايدى
**عند ادهم فالشركه
على(رئيس الحرس): ايوة يا باشا الواد اعترف وقال إن ياسر المغربى هو الى قاله يضرب نار على زين بيه بس كان المفروض يموته بس الحمد لله مجتش فى قلبه
ادهم: كنت متأكد انه هو ،طيب اتفضل انت يا على وحط حراسة على المستشفى الى زين بيه فيها وعلى الأوضة بتاعته كمان وميدخلش عنده غير الدكتور المشرف عن الحاله بس
على: تمام
مسك ادهم الموبيل علشان يكلم زين
ادهم: الو يا زين انا عرفت مين الى ضرب نار عليك
زين: مين
ادهم: مفيش غيرهم ياسر وطارق
زين: كنت متأكد ما اكيد مش هيسكتوا بعد ما اخت ارض العين السخنه منهم وقبلها الأرض إلى فى التجمع
ادهم: يلا يعيشوا وياخدوا غيرها المهم انا حطيت حراسة عندك على الأوضة وعلى المستشفي
زين: تمام وهعرفهم فى البيت مفيش حد يمشى من غير حراسة
بعد ما زين قفل
زين: الو يا بابا...محدش يتحرك او يروح فى اى حته غير وهو معاه عربية حراسة وبودى جارد معاه فى العربية بتاعته
عماد: ليه يبنى فى اى
زين: ياسر واخوه هما السبب فى الى حصل وانا خايف عليكوا المهم تنفذوا الكلام
عماد: انا هوريهم ازاى يقدروا يضر"بوا ابن عماد العربى بالنا"ر
زين: لا يا بابا متعملش حاجه انا الى هعمل
عماد: نتكلم بعدين يلا سلام
الباب خبط عند زين وحور
حور: ادخل
الممرضة: انا جايه اغير على الجرح
حور بغيره: مفيش ممرض
الممرضة بخبث: للأسف لا ده شيفت البنات
زين: خلاص يا حور مش مهم
حور بغيره: اووووف
زين بهمس لحور: طيب ده رد فعلك علشان واحده هتشوفتى من غير تيشيرت وهتلمسنى امال لو اتجوزت هتعملى اى
حور والدموع فى عنيها: هقت... هحبها علشان انت الى اخترتها وحبتها
زين: لا لا متعيطيش انا بهزر على فكره انتى بتحبينى للدرجادى...اااه براحه شوية
حور: ما تخلصى بقا بقالك ساعه
الممرضة : خلاص انا خلصت
حور: مع السلامه
حور: واكتر من كده والله انا محبتش غيرك والله كنت أتمنى أن حياتى معاك تبقى غير كده بس انا راضية الحمد لله
زين: انا مكنتش اعرف انك بالجمال ده والله بجد اسف
حور اتكسفت: مش عايز تنام
زين وهو سرحان فى عنيها الزرقه الى زى البحر: تعالى فحضنى زى امبارح
حور: لو هيريحك ماشى
زين بسرحان فى جمالها: ايوة هيريحنى جدا
حور: مش فاهمه يعنى كل لما تيجى تنام لازم تنيمنى فى حضنك ليه؟
زين: مش عارف مش بعرف انام غير وانتى فى حضنى
حور كانت هتطير من الفرح وكانت حاسه ان زين ممكن يحبها
زين قرب من حور جامد كان فرق سم متر واحد بس مابينهم
حور ارتبكت من كتر ما زين قريب منها كانت حاسه بأنفاسه على وشها
حور: او...اوعى يا زين بتعمل اى
زين: هشششش
وبدأ زين يبوس حور فى كل هته فى وشها برقة وجهه عند شفايفها وفضل ينقل عينه من عنيها لشفايفها
حور: مينفعش كده يازين احن...
وخطف انفسها فى قبله طويله وهى استسلمت ليه وبادلته القبله وكانت دى قبلتهم الأولى
بعد عنها زين علشان تاخد نفسها
حور بكسوف: زي...زين معنتش تعمل كده
زين: ليه انتى مراتى حلالى يعنى
قاطع كلامهم خبط على الباب
حور: ياخرابى اوعى حد يشوفنا كده
زين: بقولك انتى مراااااتى
حور: طب اوعى بس اشوف فى اى
زين: ادخل
الممرضة: معاد المسكن بتاع زين بيه
حور: هى حقنه! لا اتصرفيلى فى ممرض بقا
الممرضة: بس...
حور: مش بس بقولك شوفيلى ممرض وبعد كده مشوفش ممرضه هنا تانى فاهمه
الممرضة بغيظ: حاضر
حور بتريقة: يحضرلك الخير يختى
زين بضحك: اوبا اول مره تغيرى عليا كده
حور: متنرفزنيش انت مش شايف بتبصلك ازاى
زين بمعاكسه: لا مش شايف غيرك
حور اتكسفت وخدودها احمرت بقت شبه الفراوله
زين: يالهوى على الفراوله دى عايز اكلها
كانت حور مكسوفه جدااا
بعد اكتر من 4 ساعات حور كانت فى الحمام وباب الأوضة خبط
زين: ادخل
ادهم: ......
يتبع......
بقلم/رقية حمدى
تعليقات
إرسال تعليق