 |
اوقعتني في غرامها
بتجري بطلتنا في الشارع و تعيط و قفت قدام عربيه و صاحبها فرمل و نزل عليها جري
(يوسف نصار صاحب اكبر شركات السياحه 28 سنه)
يوسف: انتي كويسه يا انسه
فاطمه حضنته: الحقني
يوسف بيبص لقي ناس كتير قدامه
واحد منهم: سيبها و يلا اتكل دي بنت اخويا
يوسف همسلها: هو عمك
فاطمه هزت راسها بنعم و قالت: علشان خاطري متسبنيش
عمها قرب منه و لسه جاي يشدها من حضنه لوي ايده و بقي حاضنها ب ايد و بيضرب ب الايد التانيه و برجله ضرب اتنين و الباقي هرب
بيبص عليها لقاها اغمي عليها شالها و حطها في العربيه
مرضاش يروح الڤله و راح شقته و حطها علي السرير و طلع بره فات شويه وقت و كانت صحت سمع صوت عياطها قام خبط و فتح عليها الاوضه لقاها ضامنه نفسها و بتعيط قعد قدامها و قال: اسمك ايه
فاطمه بشهقه: اسمي فاطمه
يوسف: طيب طيب اهدي متعيطيش
فاطمه بعياط: متسبنيش بالله عليك هو هو عايز يجوزني لابنه و بيضربني
يوسف: اهدي بس و انا هتصرف
فاطمه بخوف و عياط: هما مش هيسكتو ابدا و مش هيسيبوني
يوسف: بصي هطلع اعملك حاجه تاكليها و هفكر في اي حل متقلقيش سابها و طلع راح المطبخ عملها الاكل و دخل الاوضه كانت بتعيط برضو يوسف بيحاول يضحكها: اي الدموع دي انتي ميعطيش من امتا يا بت ي بطه انتي
فاطمه ضحكت و هو ضحك و قالها: يلا كلي و متقلقيش ليها حل
فاطمه مسكت ايده: مش هتسبني صح
يوسف: لا مش هسيبك متقلقيش
اوقعتني في غرامها
البارت 2
الكاتبه فرح
فاطمه مسكت ايده: مش هتسبني صح
يوسف: لا مش هسيبك بصي انا عندي حل مؤقت كده لحد بس ما احلها
فاطمه بلهفه: ايه هوا
يوسف: احم بصي متفهميش غلط بس والله فكرت كتير ملقتش غير الحل ده هتجوزك بس مؤقتا لحد ما يبعدو عنك و يعرفو انك معايا
فاطمه بتفكير: طيب
يوسف: هقوم اكلم صحبي يجيب مأذون لان مينفعش قعدتا ماشي
فاطمه هزت راسها و هو طلع يكلم مراد صاحبه
يوسف: مراد هاتلي مأذون و الواد سيف و ادم و تعالي
مراد بهزار: ليه هتتجوز
يوسف بجديه: اه اخلص ربع ساعه و تكون هنا و قفل في وشه و رن علي اتاليه يجيب ليها فستانين
الفستان وصل و يوسف خبط و فاطمه قالتله يدخل
يوسف: بصي دي هدوم البسي فستان علشان المأذون جاي
فاطمه: حاضر
دخلت لبست و طلعت يوسف خبط عليها عشان المأذون وصل و كتبو الكتاب
مراد: احنا مش فاهمين حاجه فهمنا بقا معلش
يوسف حكالهم كل حاجه
ادم بغمزه: يعني المزه مش عجباك مثلا
يوسف بحده: ادم دي مراتي و يلا قومو روحو و زقهم بره الشقه و قفل في وشهم
راح خبط علي فاطمه
يوسف: بصي يا بطوط انا عارف ان الموضوع جه بسرعه بس انا هسيبك علي راحتك خالص زي ما تحبي
فاطمه مسك ايده: شكرا اوي
يوسف بابتسامه: مفيش شكرا بينا يا بطتي يلا انا هطلب اكل اطلبلك اي
فاطمه: لا هطبخ انا
يوسف: لا يا ستي هنطلب النهارده و بعد كده ابقي اطبخي ها تاكلي ايه
فاطمه: اي حاجه
يوسف: هطلب بيتزا زيي و يلا غيري عبال الاكل ما يوصل
فاطمه: ماشي
يوسف طلع بره و هي خدت بجامه لونها رصاصي و عليها قلوب و دخلت تغير
يوسف خبط: يلا يا فاطمه الاكل جه
فاطمه: حاضر جايه
طلعت و كانت قمر
يوسف في نفسه: يالهوي ايه الحلويات دي
فاطمه: يلا نااكل
و قعدو كلو و هي شالت الاكل دخلت لقت يوسف..
يتبع
اوقعتني في غرامها
البارت التالت
الكاتبه فرح ♥♥🫂
قعدو كلو و هي شالت الاكل دخلت لقت يوسف نايم علي السرير
فاطمه: احم
يوسف فتح عنيه و بصلها: مالك
فاطمه بتردد: هو انت هتنام هنا
يوسف قام قعد: مش عايزاني انام هنا ممكن انام في الاوضه التانيه
فاطمه بسرعه: لا انا بخاف خليك هنا
يوسف بإبتسامة:ماشي يا بطوط يلا تعالي
فاطمه راحت جنبه و نامت علي طول و هو كان صاحي هي فضلت تتقلب لحد ما بقت في حضنه
يوسف بصلها: ملامحك بريئه و جميله اوي يا فاطمه فضل يبصلها لحد ما غلبه النوم
فاطمه قامت الصبح لقت نفسها في حضنه راحت زقاه و هو قام مخضوض
يوسف بخضه: في ايه
فاطمه: انت ازاي تحضني يا قلي*ل الاد*ب
يوسف مسح علي وشه: والله انتي اتقلبتي لحد ما جيتي عندي
فاطمه بتحراج: امم طيب
يوسف: انا هقوم البس و اروح الشغل
فاطمه مسكت ايده: انت هتسيبني انا هخاف اقعد هنا
يوسف: بصي هو محدش يعرف اني اتجوزك هحاول ابعتلك اختي و اعرفها ماشي متقلقيش يعني و فيه حراسه قدام الباب
فاطمه: طيب
يوسف دخل الحمام خلص و لبس كانت هي واقفه في المطبخ سرحانه
يوسف: بطوطه
فاطمه: هاا بتكلمني
يوسف هيتكلم تليفونه رن: تمام انا جاي سلام
يوسف: انا هنزل و الحراسه بره يلا سلام و نزل و هي فتحت التليفزيون و قعدت
جه الليل و هو مجاش و هي نامت مكانها و عدي يومين و هو مرجعش و كان بيكلمها من التليفون الارضي
تاني يوم راح عندها فتح باب الشقه و جريت عليه: انت كنت فين و بقالك كام يوم مجتش ليه
يوسف: كان عندي شغل يا حبيبتي والله و بعدين منا كنت بكلمك كل ساعه ي بت
فاطمه: اه
تليفون يوسف رن كان ابوه: هات البت اللي معاك و تعالي القصر حالا
يوسف: بابا انا
ابوه بحده: سمعت يلا نص ساعه و تكون قدامي
يوسف: حاضر
فاطمه: في ايه
يوسف بتنهيده: بابا عرف اني اتجوزت و عايزنا نروح
فاطمه بخوف: طيب طيب هيعمل ايه هتسبني صح
يوسف بحنان: والله مش هسيبك البسي بس و تعالي نروح فاطمه دخلت لبست
يوسف في نفسه: ياربي علي الجمال انا مكنتش عايزهم يعرفو علشان مش عايز حد يشوف الجمال ده فاق علي صوتها
يوسف مسك ايديها: يلا و نزلو وصلو القصر
فاطمه: انا خايفه
يوسف متخفيش والله انا معاكي يلا
دخلو القصر لقو..
يتبع
الكاتبه فرح ♥♥🫂
تكملة الروايه من هنااااااا
 …){kind=link}
تعليقات
إرسال تعليق