 |
الثالث
كانت دنيا تجلس في انتظار زياد ان يأتي ولكن مضى اكثر من ساعتين ولم يأتي ف شعرت بالقلق كانت تفكر انها أصبحت عاجزه لن تستطيع فعل اي شئ حتى وصلت لها رساله على الهاتف وزياد يقف في أسفل المستشفى ويعانق فتاه شعرت بالندم لأنها صدقت الاعيبه وكذبه حتى وجدته دخل عليها واغلق باب الغرفه بعصبيه كاد ان يحطمه
دنيا بخوف: بتهبد الباب لي كدا
زياد: دنيا انا عايز احكيلك حاجه ضروري بس بالله عليكي صدقيني
دنيا: اتفضل
زياد: فاكره البنت اللي شوفتيني معاها ع السلم
دنيا: اه؟
زياد: والله العظيم وغلاوتك عندي م حصل بينا غير اللي انتي شوفتيه جايه دلوقتي المستشفى تحت وتقولي انا حامل وحاولت تحضني وانا فضلت ازق فيها وقولتلها روحي شوفي انتي حامل من مين صدقيني والله محصلش بيني وبينها حاجه صدقيني
دنيا بفرح لانه أخبرها كل شئ: متقلقش ي زياد انا مصدقاك
زياد: اي رأيك نتجوز ي دنيا ونخلص من القرف دا بجد وابتسم اهو حتى اشوف شعرك
ضحكت دنيا: طب جبت الحاجات اللي وعدتني بيها
زياد: انا اقدر انسى واعطاها كل م أتى به واكمل ها نتجوز
دنيا بحزن: هتتجوز واحده مشلوله ي زياد؟
زياد: في علاج وهنمشي عليه وهترجعي زي الاول
دنيا: طب ممكن نأجلها لحد م ارجع امشي
زياد: طب نكتب الكتاب وبعد لما ترجعي تمشي نعمل فرح
دنيا بقلة حيله: ماشي
زياد بفرحه: هروح افرح ماما
جلست دنيا بإبتسامه لانها اخيرا ستجتمع بحب طفولتها ونامت بهدوء
صباح يوم جديد
سميره: الف مبروك ي عروسه
دنيا بخجل: الله يبارك فيكي ي عمتو
سميره: عمتو دا اي قوليلي ي ماما
دنيا بخجل اكثر: حاضر ي ماما
سميره: احنا هنروح بيتنا ي حبيبتي وهنكتب الكتاب ف البيت
دنيا: ماشي ساعديني البس
ارتدت دنيا ملابسها واجلستها سميره على كرسي متحرك وعادت بها إلى المنزل
سميره: نورتي بيتك ي حبيبتي
دنيا بخجل: بنورك ي عمتو
أتى المأذون وجلس بجانبه زياد وتم كتب كتابهم
زياد:مبروك ي عروسه
دنيا بخجل: الله يبارك فيك
زياد بضحك: حضن كتب الكتاب فين
دنيا بخجل واضح: اتلم ي زياد بقا
وضحك الجميع
زياد: تعالى ي دنيا ندخل البلكونه نقعد مع بعض شويه
وافقت دنيا واخذها زياد ودخل البلكونه
يتبع...
#_حب_مظلم
ل #Naglaa_E_Mohamed
الرابع
دخل زياد ودنيا البلكونه
زياد: ممكن اشوف شعرك بقا ي دنيا
دنيا باستغراب: انت ليه مصمم تشوف شعري اوي كدا
زياد: بحبك وبحب شعرك وعايز اشوف شعرك ي دنيا
دنيا بخجل: هقلع طرحتي في البلكونه؟
زياد: خلاص تعالي الاوضه
وسحبها بكرسيها ودخل بها إلى الغرفه
زياد: ياللا وريني
نزعت دنيا حجابها ف انسدل شعرها إلى اسفل رجليها
زياد بصدمه: كل دا؟؟؟؟؟
دنيا بضحك: ايوا علشان بهتم بيه ف طول كدا
دخلت سميره فجأه
سميره: انتي ازاي تقلعي طرحتك قدام زياد انا ربيتك على كدا؟
زياد: ف اي ي ماما انا بقيت جوزها
سميره: لما تعملوا الفرح تبقا جوزها وياللا اتفضل اطلع برا علشان عايزه اتكلم مع دنيا شويه
خرج زياد وترك والدته مع دنيا
سميره: شعرك طويل وحلو اوي ي دنيا
دنيا بخجل: شكرا ي عمتو
سميره: حافظي عليه بقا واوعي تقصيه
دنيا: لا طبعا مش هقصه
سميره: ياللا ي حبيبتي اساعدك تغيري هدومك علشان لو عوزتي تنامي
اومأت دنيا
ونهضت سميره لتغير لها ملابسها
دنيا بهدوء: انا هنام شويه ي عمتو
سميره: ماشي ي حبيبتي
خرجت سميره وتركت دنيا لتنام
نامت دينا وقلقت ف استيقظت في وقت متأخر من الليل ف وجدت الكرسي بجانب سريرها ف جلست عليه لتخرج الحمام وفي حين خروجها سمعت ما جعلها تنصدم وتقع من على كرسيها
زياد: بس انتي عارفه ي ماما اني مبحبهاش وكمان اجبرتيني اتجوزها كفايه اوي كدا
سميره بحده: اسمع ي ولد انت البنت دي معاها فلوس توزن بلد ابوها سابلها فلوس وشركات وفيلل وعربيات هينقلونا نقله تانيه خالص ف لازم تتجوزها وبالحب تخليها تمضي متنساش انها بتحبك من وهي صغيره
زياد: بس حرام عليكي ي ماما تاخدي فلوسها
سميره: ومش حرام عليك لما تضحك عليها وتبقا عايز تشوف شعرها طويل اد اي علشان مذكرات ابوها مكتوب فيها ان كل م شعرها يطول كل م الفلوس تزيد
زياد: ي ماما انا...
سميره: اسكت بقا انت تعمل اللي اقولك عليه بس وخد البت دي ف دوكه لحد م ترجع تمشي علشان نعمل فرح فاهم ولا لا وبعدين انت نسيت ان انا وابوك السبب ف موت اهلها ولا اي
زياد: لا منستش ي ماما
سميره بشر: كان لازم نقتلهم علشان ناخد ورثهم بس طلع اخويا الكلب كاتب كل حاجه ب اسمها من زمان
نهضت دنيا من على الأرض ووقفت على رجليها
دنيا بشر: كويس اني ضحكت عليكم وفهمتكوا اني مشلوله والله العظيم ل اندمكوا على كل دا والله ل اندمكوا على موت ابويا وامي
سحبت دنيا كرسيها وجلست على سريرها تفكر في خطتها القادمه
يتبع...
#_حب_مظلم
ل #Naglaa_E_Mohamed
تعليقات
إرسال تعليق