 |
#حنين_الليل #الجزء_الثاني ❤
#باقي_البارت_الاول
_اتفضلي اطلعي برا المكان هنا لرجاله مفيش حريم بتدخل هنا
البنت : ده اي العنصريه دي انا بقا مش طالعه
شريف : انتي ما بتفهميييش انا بقول........(قاطعو خروج ايان ورعد )
ايان : في اي
شريف : عايزه تدخل وبقولها ده جيم رجالي بس قالتلي مش هطلع
رعد : انتي سمعتي قالك اي
البنت بتوتر : ماهو عادي يعني انا بسال ينفع اجي اتدرب وكده زي الكابتن ياسمين اللي قالبه السوشيال ميديا
رعد : انتي جايه تهزري
البنت بصت برا بخوف ورجعت قالت : طب الاشتراك بكام عشان لو حد عايز ياجي
رعد : انتي مجنونه اطلعي برا يلا وخلي عندك احترام شويه
ايان لاحظ توتر البنت وعيونها بدءت تدمع قال: رعد خلاص ادخل انت شوف بتعمل اي وانا هتصرف
(رعد وشريف رجعو مكانهم تاني )
ايان : انتي خايفه من حد
البنت ببعض الخوف والتوتر : لاء لاء
ايان : انا مش بحب اعيد كلامي كتير في حد بيضايقك برا
البنت بقوه : محدش يقدر يضايقني
#بقلمي_اميره_رمضان
ايان : انتي اسمك اي
البنت : زهره
ايان : امال دخلتي هنا ليه ي انسه زهره وكل شويه تبصي برا بخوف ليه
زهره : بصراحه انا اول مره اجي هنا انا كنت راجعه من الشغل واتخانقت مع السواق
ايان : يعني انتي هربانه من السواق
زهره : لاء طبعا انا اتخانقت معاه علي الاجره عايز خمسه وعشرين جنيه وانا بركب علطول ب عشه جنى
ايان باستغراب : ب اي
زهره : اي ي بن عمي ب عشه جنى يعني عشره جنيه
ايان : انتي اسكندرنيه
زهره : لاء بس امي من اسكندريه
ايان : اه بس برضو مقولتيش السبب
زهره : وانت مالك اصلا
ايان بغضب : انتي ازاي تتكلمي معايا كده
زهره بخوف : مقصدش والله هقولك انا بعد منزلت من التاكسي لان السواق عديم الد*م مرديش يوصلني سالت ناس عشان اعرف اركب الميكروباص منين واروح بيتنا وفي واحد سالته وباين عليه شارب حاجه سبته ومشيت ومشي ورايا
ايان : اه فهمت دخلتي هنا عشان خوفتي منه
زهره : انا مش بخاف من حد (وقالت بخوف) بس هو معاه كلب وانا بخاف من الكلاب
ايان بضحك : يعني مش خايفه من الواد اللي شارب وخايفه من الكلب
زهره : طب خلي الواد يقرب مني كده وانا والله هلبس امه عليه اسود لكن الكلب ده ليه هيبه كده
ايان : مش مستغرب امي واختي بيترعبو من الكلاب برضو طب تحبي اوصلك
#بقلمي_اميره_رمضان
زهره بغضب : لاء طبعا انا بس هقف هنا دقيقتين لحد مطمن ان الكلب مشي وهطلع امشي
ايان بعدم اهتمام : براحتك (وسابها ومشي )
زهره : طب انا مش عارفه اركب منين عشان اروح المجمع
ايان طلع وقف تاكسي وقالها تركب
زهره بعصبيه : هو انا لو عايزه تاكسي كنت هنزل ليه من التاكسي اللي كنت فيه
ايان بنفاذ صبر: بقولك اي مفيش ميكروباصات هنا خالص هتضطري انك تمشي مسافه كبير عشان تلاقي فاحسن ليكي اركبي التاكسي ( وطلع فلوس عشان يديها لسواق )
زهره : اااااانت بتعمل ااااااي والله العظيم لو دفعت جنيه ماهركب
ايان : هتعملي اي يعني
زهره بصت لسواق : هتوصلني المجمع وتاخد عشره جنيه موافق ولا لاء
الراجل ضحك وقال : مش هتفرق ي بنتي اركبي يلا
زهره : شكرا ي استاذ وخلي فلوسك في جيبك سلام عليكم (ركبت التاكسي ومشي)
ايان : اي ال*هبل ده
____استغفرو❤_____
ماريا : مامااااااااا
خديجه : عايزه اي ي بت
جنه : بصراحه ي مامي مش هي بس اللي عايزه كلنا اللي عايزين
خديجه : خير عملتو مصيبه اي
يوسف : اموت فيكي ي عمتووو وانتي فهمانا بصي اخويا الله يكحمو مطرح ماراح
خديجه بعصبيه : الف سلامه علي رعد حبيب قلب عمتو ان شاالله انت
يوسف : يعني هو قلب عمتو وانا عدو عمتو يعني
خديجه : خلاص متقولش كده عليه تاني
كارما : ما علينا دلوقتي ي ماما احنا لما خرجنا امبارح رعد عرف وطبعا انتي عرفتي هو عمل فينا اي
خديجه : عارفه وفرحانه فيكم
يوسف : الله يخليكي المهم احنا عايزين نصالحو عشان ميقولش لايان انا مش حمل ضرب تاني انا جسمي اتكسر
#بقلمي_اميره_رمضان
خديجه : برضو مش فاهمه المطلوب مني اي
ميرا : هو هيدخل وانتي اعمليلو فنجان القهوه كلعاده وبعدها هناجي نصالحو وانتي خليكي في صفنا ودافعي عننا ي عمتو ي قلبي انتي
خديجه : امممم رغم اني فرحانه فيكم بس هصالحكم لله بس
#بقلمي_اميره_رمضان
__لا حوله ولا قوه الا بالله العلى العظيم ❤_____
زهره وصلت البيت
ابوها : اهلا ي اختي كل ده تاخير وجايه في تاكسي ليه الميكروباص قال اي ولا هو تبذير وخلاص
زهره : واقفه في الموقف بقالي ساعه مفيش مكروباص ركبت تاكسي عشان متاخرش
ابوها : متتاخري ولا تتنيلي الفلوس لو قلت جنيه هدفنك مكانك
طلعت امها من جوا : ي اخي حرام عليك بقا سيب البت في حالها مش كفايه طالع عينها في الكليه والشغل وكمان مش عاجبك
ابوها : هو انا كنت قولتلها ادخلي كليات وهما اللي اتعلمو خدو اي يعني
زهره : خدو كتير علي الاقل اطلع من الانا عايشه فيه ده
ابوها : مش عاجبك اللي عايشه فيه ده دا كفايه انك بنت زياد الجزار
هدي امها : ي اخي صدعتنا بالاسم ده مالو يعني زياد الجزار قاعد مكانك مابتتحركش وبتصرف من تعب بنتك ومراتك علي الار*ف اللي بتشربو ده
زياد قام عشان يضربها : انتي بتعلي صوتك عليا
زهره حاولت تنقذ الموقف : معلش ي بابا حقك عليا الفلوس اهي مش ناقصه جنيه وانتي ي امي تعالي نجهز الاكل
#بقلمي_اميره_رمضان
هدي بحنيه : ادخلي انتي غيري لبسك وانا هجهز الاكل
__________
ايان : الو
ليل : اهلا يايان عامل اي
ايان : بخير ي حاج والله
ليل: وصلت البيت
ايان : لاء انا عديت علي الشركه اشوفها كده وبعدين هروح
ليل : ماشي خلي بالك من اخواتك واولاد عمك
ايان : متقلقش ي حاج دول في عيني امال ماما فين
ليل : عايزها ليه ياض
ايان : انت بتغير ولا اي ي حاااج
ليل : طبعا
_ بتغير من ابني هات التلفون جاي ده واحشني اوووي
ايان: حبيبة قلبي والله العظيم مافيش حد واحشني زيك
ليل : امممممم ومالو
ايان : واضح ان بابا هيولع فيا صح
قولت بضحك : متخفش منه انا معاك #بقلمي_اميره_رمضان
ليل : حنييييين
_ هههههههه خلاص
طمني عليك ي واد بتاكل كويس
ايان : لاء والله هو انا هلاقي زي اكلك فين مستنيكي عشان اكلك وحشني اوووي
_ طب متريح قلبي وتتجوز بقا عشان مراتك تغذيك
ايان : انتي مزهقتيش من الاسطوانه دي حرررررام
__________
رعد : ديدااااا
خديجه: القهوه اهي ي قلبي
رعد : حبيبت قلبي انا مشفتش في نظامك
خديجه : امال اي ياض هو انا اي حد وبعدين سندس كلمتني وقالتلي انها رنت عليك مردتش عليها ليه
رعد : مشفتش التلفون والله وبعدين انا زعلان منها اصلا
خديجه : ليه
رعد : انتي مش شايفه انهم طولو في السفر المرادي اووي
خديجه : معلش ي حبيبي اكيد حصلت ظروف منعتهم انهم ياجو انت عارف امك مش بتحب تبعد عنكم ابداااا
رعد : عارف امال فين التتار ماتو ولا اي
خديجه : اكيد بيعملو مصيبه
رعد : لااااء انا قايم انام عشان مش ناقص مصايب
#بقلمي_اميره_رمضان
خديجه بضحك : لاء استني هما قالولي اعطلك شويه
رعد : تعطليني ليه
(البنات ويوسف نزلو )
خديجه : هههههههههه همووووووت يالهووووي اي اللي انتو عاملينو ده
رعد : اي الع*بط ده
(البنات كانو لابسين اسود ويوسف ماسك كفن وعليه سكينه وبيمثلو الحزن)
يوسف : احنا جايين نطلب منك السماح ونصالحك
رعد : اه عشان مقولش لايان صح
البنات : بظبط كده
يوسف مد ايدو بالكفن لرعد وقال بتمثيل : ودلوقتي ي تسامحنا ي تقتلنا
رعد مسك السكينه وقال : واخيرا هخلص منكككككك
ميرا : اقتلو لوحدووو انا مش معاااااااهم (البنات جرو بسرعه)
رعد ؛ اي ده جايبلي سكينه بلاستك
يوسف : امال عايزني اجيب لواحد مجنون زيك سكينه حقيقيه هو انا مستغني عن عمرررري
ايان بصدمه : اي اللي بتعملو ده
يوسف : الحقني يا باشااااا عايز يقتليني انقذووووووني ياناااااااااس
#يتبع_البارت2
#حنين_الليل #الجزء_الثاني
#بقلمي_اميره_رمضان
تكملة الروايه من هنااااااا
تعليقات
إرسال تعليق