 |
قاسم .انتي لسه صاحيه لحد دلوقتي
نور. يا اخي انا متوقعتكش تكون بالقسوه دي بجد
قاسم بزعيق وتكبر . انتي اتجننتي ولا اي
نور . لا متجننتش
قاسم بمقاطعه .ومين بقي الطفل اللي جمبك ده ؛ اه طبعا قوليلي بقي انو هو ابنك بقي هتكون كملت
نور. انت في اي بجد ابني اي ده ابنك
قاسم .انتي شكلك كده هتخرفي بجد
نور. شوف الورقه اللي جمبه واللي مكتوب فيها وانت هتفهم.
لقيت في الرساله مكتوب ( كان جوازي منك بالعافيه يا قاسم بس للاسف حبيتك كان مجرد تلات شهور بيني وبينك بس اللي كنا مع بعض ؛ والدك ساعتها هددني انو ممكن يعمل حاجه لبابا علشان خالص مصلحته انتهت وبمجرد ما مصلحته انتهت خلاص يبقي انا كمان انتهيت بالنسبه لي ؛ ساعتها قالي انو اطلب منك الطلاق علشان ميعملش حاجه لبابا وياذيه ؛ وكنت عارفه قبلها بيوم انو حامل وكنت عاوزه اقولك بس كنت خايفه والدك يعرف وياذيني انا اللي في بطني علشان كده انا طلبت الطلاق منك ؛ لو مش مصدق اعمل ليه تحليل DNE علشان تتأكد؛ هو مولود بقاله شهرين اسمه يزن ؛ سلام يا قاسم .
.........
نور . يعني انت كنت متجوز قبلي كمان ومش قايل ؛ لا وكمان مع انتهاء المصلحه والدك بيأذي البنت اللي انت اتجوزتها ؛ انتوا اي يا اخي انتوا مش بشر
قاسم بزعيق .اسكتي بقي مش عاوز اسمع منك صوت
وسط زعيقي انا وقاسم لقيت الطفل عمال يعيط
نور. اهو عجبك كده بزعيقك ده خليته يعيط
قاسم .اوعي كده ده ابني انا ملكيش دعوه بيه انتي
نور. يا اخي انت حقيقي معرفش عامل لي كده اوعي كده عن وشي
سبته ومشيت ونزلت تحت قعدت في الجنينه علشان أهرب من كل أفكاري الوحشه وحياتي اللي متغيرتش ثانيه واحده من ساعة ما اتولدت ؛ كنت بفكر في كل حاجه يعتبر
قطع صوت أفكاري قاسم وهو شايل يزن وبيقولي مش عارف اعمل اي وبيعيط
نور. تعرف لو علشانك مش هعمل حاجه بس علشان الطفل الصغير ده ملوش ذنب ؛ عن إذنك .
اخدته عملت ليه ببرونه وشرب اللبن وغسلت ليه وشه وبعدها نام ؛ حسيت فيه بكمية راحه رهيبه .
نزلت عند قاسم تحت
نور. هو خلاص نام
قاسم .شكرا ليكي بجد
نور. لا العفو
قاسم .انا اسف
نور. علي اي ولا اي بالظبط ؛ كنت فاكره علي الاقل انو لما اتجوز حياتي هتتحسن شويه عن اهلي ؛ كل اللي في دماغهم فلوش وشركات مش اكتر طول عمري وانا بعيده عن اهلي الحاجه الوحيده اللي كانت محبباني في الحياه دي صحابي وللاسف من سنتين سافروا برا ؛ ويوم ما اتجوزتك حياتي بقيت أسوء كمان
قاسم .صدقيني انا مكانش قصدي اعاملك كده بس شوية ضغوطات كتيره عليا ؛ مكنتش حابب أكرر نفس الفكره مره تانيه انو اتجوز واحده علشان مصلحتنا بس بابا بقي ولازم انفذ أمره
نور. انت من حقك تقول لا
قاسم .من حقي بس هو اصلا مش والدي الحقيقي هو يبقي جوز امي بعد وفاة بابا ولو منفزتش أمره هياذي ماما وانا مش عاوز تحصل حاجه ليها كفايه اللي هيا شافته من بابا الله يرحمه
نور. لو عاوز تحكي اي حاجه انا سمعاك
قاسم .من سنه بالظبط اتجوزت مرام ؛ مكنتش عاوز اتجوز اصلا وعلشان ماما كان نفسها في حفيد فاتجوزت مِنُه ماما أمنيتها تتحقق وجوز امي ده يعمل مصلحته من والد مرام
وبعد شهر من جوازنا قالتلي انا بكرهك ومش عاوزه اعيش معاك
نور. عندها حق الصراحه
قاسم .ايه بتكرهيني
نور. بص هو في الأول اه بس دلوقتي وكم المشاكل اللي عندك دي صعبت عليا
قاسم .ايه يا بنتي هو انا بشحت
نور بضحكه . كمل كمل حكايتك حلوه والله
قاسم .انا قايم اوعي كده
نور. استني بس
قاسم .يا ست اوعي كده انا رايح انام تصبح علي خير
نور وهيا ماشيه وراه .بالله عليك بكره تكمل ليا قبل ما انام
قاسم .بت بس بقي
نور. خلاص والله
قاسم .تصبحي علي خير
نور. وانت من أهله .
دخلت نمت وانا حاسه انو قاسم مش شخصيته الحقيقية المتكبره دي في وراها كمية حاجات حصلت خليته كده ؛ حسيت انو هو زيي في مشاكله ؛ نمت وانا بدعي حياتي تتحسن كمان وكمان
....
صحيت علي عياط يزن
نور وقاسم في نفس الوقت وهما داخلين الاوضه اللي فيها يزن
قاسم ونور . بقي انت يا حِتِة عيل صغير تصحيني من النوم
نور. ايه ده انت صحيت
قاسم .عاوزاني مصحاش بعد العياط ده
نور. طيب روح انت شغلك وانا ههتم بيه متخافش ؛ وقبل ما تنزل هات معاك تلات علب لبن وهات معاك علبة بامبرز وهات فلوس انزل اشتري حاجات للبيبي
قاسم .ايه ده كله ده
نور. ده احنا كده لسه في البدايات بس
قاسم .طيب ماشي اتفضلي الفلوس اهي .
قاسم لبس وخرج راح الشغل
وانا نزلت أشتري الحاجات اللي هيعوزها يزن واخدته معايا ؛ كنت خايفه اسيبه لوحده في البيت ؛ كنت شايلاه وهو كان هادي اوي واحنا برا ؛ خلصت الحاجات ورجعت البيت ولقيت
واحده بتقولي فوقي لنفسك كلها ايام ومش هتلحقي تتهني بأي حاجه في حياتك
#رواية امتلكني قلبه
البارت التاني
شهد هاشم
تكملة الروايه من هنااااااا
تعليقات
إرسال تعليق