مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الجزء العاشر✨شكرا علي تفاعلكم السكر✨بقلم سولييه نصار ✨

-انت بتقول ايه ؟!اروح فين انا وبنتي دلوقتي!!!

قولتها وانا عيوني مدمعة وشايلة بنتي وضماها...مسكني حسن بقس*وة وقال :

-مليش دعوة يا روح امك ...روحي للشا*رع مكانك الاصلي ...هو انا كمان هتبلي بيكي....

وبعدين سحبني ناحية الباب وفتح الباب ور*ماني برا وقال :

-مشوفش وشك هنا ...

بعدين قفل الباب في وشي ...ضميت بنتي لحضني وانا بعي*ط ...حسيت أن أبواب الدنيا كلها اتقفلت في وشي ...قومت بصعوبة وانا بب*كي وفضلت ماشية ..مكنتش عارفة هروح فين ...

اضطريت أنام في الشارع لأيام وانا قلبي بيتح*رق ...كنت بمسح السلالم عشان اجيب اللبن اللي كان غالي عليا لبنتي ...أنا حتي معرفتش اسجلها عشان معيش ورقي ولا جوزي ...بس سميتها امل بيني وبين نفسي ...كل ما اكلمها كانت هي بتديني الامل اني اكمل ...

الناس الساكنة في الشارع اللي بنام فيه كانوا كويسين اووي ...كانوا بيساعدوني علي قد ما يقدروا ...من اكل وشرب ولوازم امل.. مر شهور علي كده وكانت بتعدي بستر ربنا ....مكنتش مصدقة اني قدرت انجي الشهور دي ومم*وتش أو حد عمل فيا حاجة ...أنا كنت بنام حرفيا في الشارع ....تحت سلم عمارة ..صاحبتها سمحت ادخلها وكانت بتشغلني وبتديني فلوس ...

....

في يوم ..

كنت خلصت شغلي وشربت بنتي اللبن..كنت ببصلها وانا مبتسمة بحز*ن لما واحدة قربت مني وقالت:

-ازيك يا ناريمان ...

رفعت عيني لقيتها ام.شهد ..الست صاحبة العمارة اللي بتساعدني ...

قعدت جمبي وقالت:

-اسمعيني كويس يا ناريمان أنا جايبالك عرض كويس ...

بصتلها بحذر ...رغم أنها ست كويسة بس اللي حصل معايا الايام اللي فاتت خلاني مثقش في حد...

ابتسمت وكملت كلامها :

- واحد مرتاح ماديا الي حد ما ...هو عنده  حاجة وخمسين سنة ..سمع قصتك وقرر يساعدك ..

-يساعدني ازاي ؟!

قولتها بتوتر فقالت:

-قصدي يتجوزك...

بلعت ريقي ...هو انا كان عندي اختيار تاني وقولت:

-بس أنا عندي مشكلة كبيرة في ورقي ...ورقي اللي معايا حاليا لو شافته الحكومة هيرحلوني ..

طلبت عليا ام شهد وقالت :

-هو قال هيتجوزك.ع*رفي ..

هزيت راسي وانا بب*كي فمسكت أيدي جامد وقالت:

-ده احسن من القعدة في الشار*ع ...هو قال إنه مش هيكون جواز بالمعني الحرفي ..اهي ورقة تدي معني لوجودكم سوا ويمكن هو يضبط ورقك ويساعدك ترفعي قض*ية علي ابو بنتك ...

دموعي نزلت فقالت:

-عارف اللي بقوله صعب بس اهو احسن من قعدتك في الشارع يا بنتي ...ولا ايه ..واهي تلاقي لقمة لبنتك وليكي ...الراجل كويس بس المشكلة كبيرة أولاده كبار وممكن يقر*فوكي ...

اتنهدت وانا ببصلها وهزيت راسي واديت موافقتي ...بصيت علي بنتي اللي بتكبر وانا حاسة اني منك*سرة ...بنتي اللي مش مكتوبة علي اسم اب ...كفاية عليها تتبهدل معايا في الشوارع بالطريقة دي ...

.....

بعد يومين ...

كتبنا الورق العرفي...

دخلني الراجل بيته مكانش كبير اووي بس ماشي حاله ...

ابتسم ليا وقال:

-اللي هناك اوضتك انتي وبنتك ...ارتاحي ومتخا*فيش انتي في امان هنا ...أنا هنام في الاوضة التانية ...لو عوزتي حاجة خبطي عليا ...المطبخ من ناحية اليمين فيه كل اللي انتي عايزاه لو جوعتي انتي والصغننة كلي والبيت بيتك  ...

هزيت راسي وبعدين  دخلت  اوضتي انا وبنتي وانا  بتمني اللي جاي يكون احسن ...

.....

تاني يوم ...

جرس الباب رن ...

فتح مختار الباب فدخلت بنته الصغيرة واللي كانت محامية وفضلت تصرخ وتقول:

-هي فين اللي ضحكت عليك وخليتك تجيبها مكان امي وانا احب*سها !!!

يتبع

#الهاوية

#سولييه_نصار

الجزء ال١١ ✨شكرا علي تفاعلكم السكر♥️بقلم سولييه نصار ♥️

-اهدي يا ملك ..

قالها مختار وهو بيقرب منها ...

بس ملك كانت عصب*ية وصر*خت:

-قولي ضحكت عليك ازاي ...كتبتلها فلوس قد ايه عشان تتجوزك؟! انطق يا بابا ...

كانت متع*صبة ومتض*ايقة لدرجة اني خو*فت منها ورجعت لورا وانا ببك*ي ...كنت مستعدة اني اتطر*د مرة التانية من البيت ...بس مختار اخدها علي الاوضة وهو بيهديها ...

...

دخلت اوضتي وانا بترعش وبع*يط ...اكيد دلوقتي هتط*رد  للشارع مرة تاني ...هتشح*طط وأمد أيدي الناس ويا عالم بنتي هيحصلها ايه ...حضنت بنتي وانا بسلم امري لله ...حتي لو اتطر*دت وفضلت في الشارع أنا متأكدة أن ربنا هيبقي معايا ...

فضلت نص ساعة في الاوضة مستنية ملك ومختار يجوا يطر*دوني ..

.فوقت علي  خبطة خفيفة علي الباب ...جسمي اترعش  وانا مستعدة اسمع أسو*أ خبر ...اسمع أمر طر*دهم ليا ...

بلعت ريقي وانا بفتح الباب لقيت ملك بتبصلي بنظرة غريبة ...اتكلمت لأول مرة وانا بقول بصوت خايف:

- انا هصحي امل ونمشي من هنا ...أنا ...

-لا متمشيش..

قالتها ملك فجأة وبعدين كملت :

-بابا حكالي قصتك وقصة ابنك اللي اتخطف ..وكل حاجة ...

قلبي اترج وبدأت دموعي تنزل فبصتلي بشفقة وقالت:

-انتي مش هتمشي من هنا لحد ما ارجعلك ابنك لحضنك ...

مقدرتش اتحمل اكتر من كده وحضنتها جامد وانا بب*كي بعن*ف ..كنت حاسة كأني كنت بغر*ق وحد رمالي طوق النجاة ...كنت بب*كي بصوت عالي وانا متخيلة ابني لما يبقي في حضني ...يا تري شكله دلوقتي ايه ...أخباره ايه ...كويس ولا لا ...يا تري خالد اهتم بيه كويس ...كل دي اسئلة كانت في بالي ...

بعدت شوية وانا بمسح دموعي وقولت :

-انا الاول عايزة اكتب بنتي علي اسم ابوها ...ابوس ايديكي ساعديني ...البنت بدأت تكبر وانا خايفة من كلام الناس ...

-هي عندها كام شهر 

-سبعة 

قولتها بأمل فهزت هي رأسها وقالت :

-ابويا قالي علي مشكلة ورقك ..أنا عندي معارف كتيرة وهخلصلك الموضوع ده ...

حضنتها تاني وانا بقول:

-شكرا ...شكرا ...مش عارفة اقولك ايه ...ربنا يكرم اصلك ...والله جميلك ده هشيلهولك طول العمر..

.....

بالليل ...

كنت قاعدة في اوضتي وانا حاضنة بنتي ... بعيط بس المرة دي من الفرح والامل ...يااه ابني هيرجعلي ..ابني اللي غا*ب عني كتير راجعلي تاني ..قلبي كان بيدق بسعادة وحماس ...بتخيل لما يرجع واحضنه ...هحضنه جامد ...هحضنه لحد ما أشبع منه ...حطيت ايدي علي قلبي اللي بيترج جامد وقولت بصوت مبحوح :

-اهدي ...ابني هيرجع بإذن الله ...معرفش ليه كنت متمسكه بأمل أن ابني يرجع ...كنت واثقة أنه هيرجع ..

....

مرت الايام وملك بتحاول تعملي ورق جديد ...كلمت معارفها ...كانت بجد بتعمل المستحيل عشاني ...عمري ما هنسالها الجميل ده في حياتي ابدا ...

....

في يوم ...

الباب خبط ...

طلع مختار من اوضته اللي بيفضل فيها دايما وفتح الباب لقي راجل غريب ..

-عايز اشوف ناريمان ..

قالها الراجل بصوت مألوف وفورا عرفته ...خالد!!!

لفيت حجابي كويس وجريت علي الباب ولقيت خالد ماسك طفل صغير بيمشي ...اتصد*مت وقلبي كان بيترج جامد وحسيته وقف لثانية لما خالد قالي:

-انا جاي ارجعلك ابنك !

يتبع

#الهاوية 

#سولييه_نصار 

تنويه كده فاضل اخر بارت ♥️هنشره بكرة بإذن الله ...الحقيقة قصة أن المحامية تساعدها ده من خيالي الحقيقة أن بالعكس تماما البنت  المحامية دي عاملة معاها مش*اكل عشان اتجوزت ابوها ..

الأخير هنااااااااا