مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية المهندسة نور البارت الثاني عشر 12بقلم وفاء الغرباوي في موسوعة القصص والروايات جميع الفصول كامله وحصريه 

المهندسة نور 

_١٢_

والعشق ابتلاء..حتى إذا ابتليت لاتنام ..تصاحب القمر ..تقاسم النجم الهوي..فتهوي لقاع بئر لا حيلة لك فى الخروج ..تنتظر ذاك النور وتلك الابتسامة التى هوت بك..وعنها سيخرج عاشقان يسطران،قصة حب وعشق لا تنتهي.

******

صحيت نور من النوم ،لقت نفسها فى غرفتها، سريرها..مفيش جنينة، وبدات تكلم نفسها

_ هو ايه ده كان حلم

برقت بعنيها 

_حلم ..حلم

حطت إيدها على دماغها ، وغطت وشها، بدأت تلوم نفسها، ازاى انها تحلم حلم ذى دا..وليه كريم

هى عمرها ما حد لفت نظرها ولاشافت حد، عمرها اصلا ما فكرت فى نفسها انها بنت زى كل البنات، نور ..دايما الناس شايفاها المهندس نور

رفعت ايديها من على وشها ، نزلت من على السرير

راحت وقفت قدام المرايا، مقدرتش تشوف نفسها،

رجعت لوراء

افتكرت انها لما كانت فى الكليه، شخصيتها مختلفة عن الكل ، اصحابها كمان 

عمرها ما لبست فستان ولا حطت مكياج 

كان بالنسبة لها البنات اللى بتعمل كده ..بنات هايفة

بس عمرها ما فكرت

هيجى عليها اليوم وتعمل هى كده وتلبس فستان

وتحط مكياج و.....

صرخت 

_لالالا

بس رجعت وقفت تانى قدامها، وبدات تشوف نفسها بشكل تانى

نورسين حلوة

افتكرت كلام مامتها ليها وبدات تغنى الأغنية اللى مامتها كانت بتغنيها ليها وهى صغيرة

"يا اخواتى بحبها..دى حبية أمامها

يااخواتى

ايام عمرى اللى فاتت عشتهم

وسنين عمرى اللى جاية عشانك حوشتهم"

عند الكلمة دى وقفت وعنيها دمعت

مامتها راحت وسبيتها..زادت دموعها 

بس رجعت تانى تغنى 

"ست البنات حبيبتي بكرة تكبر وتروح المدرسة 

ويقولوا بنتى شاطرة نمرها كويسة

تكبر في عنيا صورتك من الصبح للمساء

وانا اقول خلاص دى كبرت هتبقى مهندسة"

خلاص يا ماما كبرت وبقت مهندسة زيك 

نور كبرت يا ماما..بس انت فين

المهندسة اهى يا ماما

لو تعرفى يا ماما انا اكتر وقت محتاجة لك فيه 

هى الايام دى

ماما ..تعالى يا نور 

حضنت نور نفسها بدموع ،شوية ومسحت دموعها

لازم ترجع المهندس نور

لازم تروح لباباها المستشفى عشان يرجع بيتهم

بس فى نفس الوقت بتدعى ربنا مش تشوف كريم 

لان هى بقت خطر على نفسها. 

******

خرج محمود من غرفته، فى نفس الوقت اللى بيخرج فيه كريم،

بس كريم كان مركز وبيفكر فى حاجةشغلت عقله تماما وربما قلبه 

وكمان الحكاية اللى اول مرة يعرفها،مش شايف باباه

عدى عليه من غير مايتكلم

حتى ان محمود نادى عليه بس مسمعش

لكن محمود وقف مكانه وكل اللى فكر فيه انه خسر ابنه لدرجة ان ميقولش صباح الخير

او حتى يبص فى وشه

وليه اتغير عن امبارح..وكلامه راح فين

اكتر انسان فى الدنيا بيتمنى يكون احسن منه

بس مين السبب

هو ولا صلاح والحكاية القديمة

طيب يعمل اى 

هو مش عايز يخسر خسارة تانية، او علاقته بابنه تنتهى

لقى نفسه بيقول

:استغفر الله العظيم

بعدها قال

:يااااارب

ساعدنى ابنى يرجعلى ، انا عملت كل غلط بس هوا لا

وقتها لازم يرجع يصلح فى الماضى عشان الحاضر يعيش والمستقبل يبقى احسن

وكلمة السر هى 

صلاح..صلاح

*******

صحيت ياسمين من النوم على صوت تليفونها،لقت باباها اللى بيتصل

خافت ترد يزعق لها زى كل مرة ، عملت تليفونها صامت 

بس فضلت خايفة وقلبها بيدق جامد وللاسف خوفها فى محله.

اقل من عشر دقايق والجرس الباب رن ،اكتر من مرة

عدى وقت ونور لسه مفتحتش

قامت من مكانها ،بس الرعب جواها كبير خلاها وقعت مرتين قبل ما تفتح الباب

وكانت المفاجأة لما فتحت قلم على وشها، علم على خدها لدرجة انها وقعت فى الأرض 

ياسمين وقعت ومقدرتش تصرخ

صوت بابها كان اقوى منها

_انت فاكره انك بتتحامى فيهم ، هتجوزيه يعنى هتجوزيه ولو اخر يوم فى عمرك يا بنت سماح 

وراح عليها سحبها وهى على الأرض ،حاولت تخلص نفسها معرفتش، بتصرخ باسم نور

كانت نور خلصت لبس من اول ما سمعت صوتهم..وهى بتخلص على آخرها عشان تلحق ياسمين

وخرجت 

وراحت جرى عليها حاولت تشدها، كان اقوى منهم 

بس نور دايما عندها حل لكل حاجة

وقف وعلت صوتها

:لو مش هتسيبها وصل الامانه هيكون فى النيابة قبل ما توصل بيتكم

وشوف ساعتها اى اللى هيحصلك 

فورا ساب ياسمين 

بس قبل ما يخرج 

:يا ياسمين هتجوزية..الفرح كمان اسبوع..اعمل حسابك

عشان ادفع وصل الامانه اللى بنت الساعى بتزلنى بيه

ولو متجوزتهيش اعملى حسابك امك واختك هيحصل فيهم زى ما انت عارفة

وقفل الباب بصوت عالى جدا

كانت ياسمين اغمى عليها 

حاولت نور تفوقها ..بس لما فاقت 

ضحكت بصوت عالى اوى

استغربتها نور 

وسمعتها بتقول 

_هتجوز يا يانور يمكن اخلص واخلص امى واختى منه

صرخت فيها نور

:انت هبلة، انت عارفة هتجوزى مين ؟

ولا بيشتغل اى

ولا سمعته اى..فكر شوية

ابتسمت ياسمين بدموع 

:قبل كده قلت ليا تعالى عيش مكانى وخدى اللى عندى

وانا النهاردة بقولك تعالى 

عيشى مكان وانت تعرفى يعنى اى صحيح عايشة مع امك وابوك بس امك متقدرش تقول كلمة ولا ليها رأى ولا حتى تقدر تخفف عنك بكلمة.

بكت نور وياسمين 

عشان الدنيا مش بتدى حد كل حاجة

سبحان الله ربنا مقسم الأرزاق ورزقك هتاخده فى ميعاده لا قبل ولا بعد

*******

دخل كريم المستشفى، عد وقت وراح يطمن على صلاح

كشف عليه وهو ساكت وكمان صلاح ساكت بس سكوت صلاح حاسس ان كريم متغير او وشه فيه حاجة 

لانه حتى مش بيحاول عنيه تجى فى عين صلاح

وبيتكلم بصورة اكتر من رسمية

خلص كريم الكشف

_بشمهندس صلاح، لازم تاخد بالك من صحتك اكتر من كده، هكتب لك على خروج النهاردة بس لازم تمشى على العلاج ومتنسهوش.

حمد الله على السلامة مرة تانية

وجه يمشى كريم

نادى صلاح عليه 

_دكتور كريم

وقف كريم مكانه

_افندم

تعالى هنا يا بنى

ابتسم كريم

_فعلا ابنك

__معترض انك تكون زى ابنى

_انا مش معترض بس ، يعنى بابا واللى عمله مع حضرتك

__هو حصل معاك ولا مع باباك

_مع بابا

__وانت موقفك اى من محمود بعد ما عرفت اللى حصل

سكت كريم شويه

_انا اكيد مضايق من اللى عمله، بس مينفعش اكون ضده ولا اعادية..دا والدى اللى ربانى 

لو الدنيا كلها اتخلت عنه ، اما مينفعش اتخل عنه 

عارف يعنى اى ابويا ..انا شفت منه الحلو كله

كنت دايما بسمع منه

انت الوحيد اللى بتمنى يكون احسن منى

اوعى تكرهني يا كريم

كلام كتير كان بيقوله بس مكنتش بفهمه

امبارح جمعت منه كتير..طول الليل بفكر فى كل كلمة

بس النتيجة واحدة..بابا 

صلاح كان بيسمع لكريم ، باستماع وإعجاب

رغم ان مضايق من محمود بس كريم حاجة تانية 

رد عليه وقاله

:خليك دايما فى صف بابا، وجودك جنبه الفترة دى هيفرق معاه لو بعدت عنه هيفتكر انك بقيت ضده

ودا ممكن يخليه يقلب الكون او يعمل اى حاجة عشان ترجع ليه..

سكت كريم شويه وعلى لسانه سوال متردد يسأله 

بس فضل انه ميسالش وميسبقش الاحداث.

*****

خرجت ياسمين مع نور من البيت بس كل واحدة جواها الف كلمة والف سيناريو..

متزعليش منى يا نور

كلمة قالتها ياسمين وسابت نور ومشيت..

بس نور ردت عليها بسرعة

:انا مش زعلانه يا زغلول

وقفت وضحكت 

:اى رايك اقول لعريس الغفلة أسمى زغلول 

ردت عليها نور 

:ولا هو اللى يكون اسمه زغلول وتبقى لبست يا معلم

صرخت يا سمين 

:يا نهار اسود...لا يارب ، كله الا كده 

وودعوا بعض بضحكة وابتسامة 

ومحدش عارف اى اللى هيحصل كمان شويه

*****

دخل محمود المستشفى، لقى كريم خارج من غرفة صلاح

ابتسم كريم وراح سلم عليه 

:فكرتك انك مش هتصحى دلوقت زى عادتك

استغرب محمود الكلام وسأله

:يعنى انت مشوفتنيش الصبح وانت ماشى

:هو حضرتك كنت صاحى

وقتها عرف محمود ان كريم ماخدتش باله وكان فى عالم تانى

هما لسه واقفين مع بعض ..نور دخلت المستشفى 

مجرد ما شافت كريم ، قعدت تقنع فى نفسها انه عادى 

وتتعامل عادى باسلوبها الفذ وحتى مش هتقول سلام عليكم..ولو اتكلموا مش هترد عليهم، ومشت بثبات خارجى 

بس لما قربت عليهم ..انهارت كل قراراتها فى لحظة

لما سمعت كريم 

:بشمهندسة نور 

وقفت نور بس حتى مش قادرة ترفع عنيها حاسة انه هيعرف الحلم اللى حلتمه، هنشوف فى عنيها حاجات كتير..هبله اوى

يمكن عشان اول مرة تحصل لها حاجة زى كده 

انبت نفسها وجريت على غرفة والدها

استغرب محمود وكريم اللى حصل ،كانها مش نور أصلا 

نور معروفه بالمواجهه..

*******

دخلت نور على باباها ،سلمت عليها ، وقعدت شويه 

مش بتتكلم، بس دى بنته اللى مربيها 

:مالك يا نور 

:مفيش يا بابا 

:على بابا يا نور

جريت على باباها تعيط فى حضنه 

خلعت قلب ابوها اوى ، اتفزع عشانها

الباب خبط ودخل كريم ومحمود ، واول ما سمعت نور صوتهم، شددت على حضن والدها اوى

خصوصا لما اتكلم كريم 

:مالها نور يا بشمهندس ..فى اى

رد صلاح عبيه

:مش عارف يا كريم ،فجاة لقيتها كده

مش بس صلاح اتخض عليها ،كريم كمان كان قلقان 

وافتكر الوردة اللى أداها لها فى الحلم 

الحلم اللى شافوه الاتنين وقلب كيانهم ويومهم 

بس 

هو ممكن الحلم يعمل كده؟؟

...

بعتذر ليكم عن التأخير فى النشر بس كنت تعبانه شوى

نور حكاية بنحكيها سوا 

ممكن تجابوا على السوال الاخير

عايزة اعرف رأيكم

تكملة الروايه من هنااااااا