 |
#المتمرده_وجحيم_القاسي
#البارت 13
بليل إلياس رجع م الشركه...نزل م عربيته وكان لسه هيدخل الفيلا سمع صوت جاي م.. وراه اتصدم م اللي شافه.
إلياس بصدمه: داليد انتي ازاي
داليد جريت عليه... و دخلت ف حضنه إلياس كان واقف زي الصنم هي نفسها داليدا مراته اللي اتقتلت قدام عنيه.
إلياس: داليدا انتي عايشه طب ازاي و اي اللي عامل فيكي كده
داليدا ببكاء: ارجوك ي إلياس انا خايفه مش عايزه افتكر حاجه دلوقتي
إلياس مكنش عارف... يتصرف ازاي ويقول اي
ريناد وقتها كانت واقفه ف بلكونة اوضتها وشافت كل حاجه وكانت فاكره انها فتاة ليل زي اللي بيجبهم. قررت انها تنزل وتطردها.
إلياس: احم تعالي ي داليدا ادخلي
داليدا دخلت معاه...و ريناد نزلت اخدتها م ايديها علشان تطردها بس إلياس مسك ايديها.
إلياس: ريناد دي مش زي مانتي فاهمه
ريناد بغضب: اومال دي تبقا اي انا تعبت منك وكرهتك اكتر مانا كرهاك
داليدا: مين دي ي حبيبي وبتكلمني كده ليه
إلياس:داليدا تعالي هطلعك ترتاحي فوق وعايزك الصبح تحكيلي كل حاجه
ريناد بصتله بغضب: تطلع فين مين دي
إلياس: مراتي ي ريناد
ريناد بصتله بصدمه... ومكنتش فاهمه حاجه إلياس طلع داليدا الاوضه ونزل ل ريناد.
إلياس: ريناد الموضوع مش زي مانتي فاهمه انا ع نفسي متلخبط
ريناد بغضب: انت كمان اتجوزت عليا ي إلياس ده انت حتي مكنتش عايز تقولها اني مراتك
إلياس: ريناد انا متجوزتش عليكي دي مراتي الاولانيه اللي كنت فاكر انها ميته مش عارف ازاي تطلع عايشه انا تايهه مش فاهم صدقيني.
ريناد بزعيق: ي تري انت فاهم اني هصدقك انا مش هقعد ع زمتك دقيقه كمان طلقني
إلياس بغضب: ريناد انا مش ناقصك اطلعي ع اوضتك حالا
ريناد: انا مش طلعه انا عايزه افهم كل حاجه و دلوقتي
إلياس بصلها... وتجاهل كلامها وسابها وطلع اوضتهم وهي طلعت وراه.. قعد عالسرير وحط راسه بين ايديه.
ريناد بغضب: انت بتسبني وتطلع انا عايزه افهم
إلياس قام بغضب: انا عن نفسي مش فاهم حاجه هفهمك انتي ازاي يعني دي مراتي وماتت قدام عيني مش عارف ازاي بعد سنين تبقا عايشه.
ريناد بجمود: تمام مراتك و رجعتلك طلقني انا بقا ومشيني م هنا
إلياس كان هيرد... الباب خبط فتح وكانت داليدا.
داليدا بخوف: انا خايفه ي إلياس ممكن تيجي تقعد معايا لحد. ما انام
إلياس بص ل ريناد... وبصلها.. داليدا مدتلوش فرصه يفكر وسحبته معاها.
ريناد بصت ف اثارهم.... بغيظ وغضب و دموعها نزلت بحرقه. ماسحتها.
ريناد: خليه يبعد احسن برضو كده هيطلقني وانا اصلا محبتوش.
عند زيدان كان لسه... خارج م الشركه ولاقي شوق قاعده ع السلم قدام الشركه.
زيدان: شوق انتي قاعده كده ليه تعالي معايا
شوق بغضب: نعم اجي معاك فين
زيدان: متفهميش غلط ي شوق تعالي هروحك
شوق: لا مش هروح ي زيدان بيه شكرا اتفضل انت امشي
زيدان بنفاذ صبر: خلاص هتيجي معايا ومتفهميش غلط هتقعدي لوحدك
شوق بصتله بكسره... ومكنتش عارفه تعمل اي.
زيدان: شوق انا لو عايز اذيكي هاذيكي وانتي مكانك كده اوثقي فيا ويلاا تعالي متقلقيش ف شقه قدام شقتي هقعدك فيها
شوق باستغراب: ده ازاي بقا هي الشقه دي بتاعتك انا مستحيل اوافق.
زيدان: لا مش بتاعتي بس صاحبها مسافر وسابلي المفتاح بتاعها هتقعدي فيها لحد ما نشوف حل مع اهلك
شوق: بس هدفع اجرها لحد ما امشي
زيدان: هنتكلم بعدين يلاا ي شوق
شوق مكنش قدامها حل... غير انها توافق راحت معاه ونزله قدام عماره فخمه جدا نزله م العربيه وطلعه زيدان طلعلها مفتاح فتحلها الباب.
زيدان: يلاا ادخلي ي شوق واقفلي ع نفسك ولو احتاجتي حاجه خبطي عليا
شوق: شكرا ي زيدان بيه
زيدان بابتسامة: هشش مفيش داعي انا عايزك توثقي فيا وبس... زيدان كان هيمشي وشوق ندهت عليه.
شوق: زيدان بيه انت ليه بتعمل معايا كده
زيدان بحيره: معرفش ي شوق تصبحي ع خير
شوق دخلت وقفلت... الباب و زيدان راح ع شقته.
عند إلياس و داليدا... داليدا كانت نايمه ف حضن إلياس اما هو كل تفكيره مع ريناد قطع تفكيره صوت داليدا.
داليدا: إلياس هي مين البنت اللي كانت ف اوضتك دي
إلياس: مراتي ي داليدا
داليدا بصدمه: انت اتجوزت بعدي ي إلياس
إلياس بغضب: داليدا انتي اللي اعرفه انك ميته بتحسبيني ع اي وبعدين انتي مش كنتي حامل لما حصل اللي حصل.
داليدا ببكاء: انا اتاذيت بسببك ي إلياس كنت هموت واتخطفت واتبهدلت حتي ابننا مات.
إلياس: مين اللي كان خاطفك ي داليدا
داليدا: معرفهمش نفس اللي وهموك بموتي هما اللي خطفوني.
إلياس بعدها ع حضنه... وقام.
داليدا: انت رايح فين
إلياس: ملكيش دعوه ي داليدا ارتاحي دلوقتي
داليدا: بس انا خايفه انام لوحدي ي إلياس انا كنت محبوسه ف اوضه ضلمه طول الوقت ده بخاف.
إلياس كان عايز... يروح ل ريناد وكان محتار يعمل اي.
إلياس: تمام هعمل مكالمه وهجيلك ي داليدا النور مفتوح اهو.
إلياس طلع راح اوضة... رينا لاقها نايمه ع الارض و دموع بتنزل منها وهي نايمه.
إلياس: انا عارف انك صاحيه ي ريناد قومي
ريناد: لا انا نايمه اطلع برا
إلياس: نايمه وبتردي عليا ازاي
ريناد اتعدلت... وكلمته بغضب
ريناد: وانت مالك روح نام مع مراتك اللي رجعتلك انا مش عايزاك ف حياتي
إلياس بدون وعي.... اتكلم وقال اللي عايز يقوله وبيخبيه
إلياس: بس انا عايزك ف حياتي ي ريناد ومش ناوي اطلقك
ريناد بصدمه: نعم يعني انت كنت بتضحك عليا لما قولتلي هطلقك.
إلياس: لا مضحكتش عليكي بس انتي مهمه ف حياتي
ريناد قلبها دق بسرعه... و ارتبكت م كلامه إلياس مدلها ايديه وقومها م ع الارض وشدها لحضنه.ومسك وشها بين ايديه مسح دموعها وبص. ع شفاي*فها وممتلكش نفسه وقبلها بنهم وعمق.
كل ده تحت نظرات... داليدا اللي كانت واقفه قدام الباب بتبصلهم بغيره وحقد.
داليدا بغيره: لدرجادي ي إلياس مش قادر ع بعدها سبتني وانا بقولك محتجالك و روحتلها ماشي والله لحسرك عليها.
إلياس بعد ع ريناد... وهو بيلهث و ريناد خبت وشها ف حضنه هي متعرفش اي اللي حصلها انفاسها مضطربه دقات قلبها مسموعه اول مرا إلياس يعملها برقه كده... بس وعية لنفسها وبعدته عنها.
إلياس بحنيه: ممكن مشوفش دموعك تاني بصي ي ريناد انا تايهه دلوقتي ارجوكي خليكي معايا
ريناد: انت ازاي كده ساعات قليله ببتكون حنين واكتر الوقت قاسي يعني دلوقتي انت انهي واحد فيهم
إلياس بابتسامه: لازم تتحملي الاتنين ي ريناد لانك مش هتمشي م هنا
ريناد: طب ليه انا عايزه امشي م هنا
إلياس: عايزه تبعدي عني علشان قسوتي ولا حاجه تاني
ريناد: انت مش مناسب ليا ي إلياس انت كل يوم مع واحده شكل غير تجارتك للاسلحه غير مراتك اللي ظهرت دي وبعدين احنا اصلا مبنحبش بعض
إلياس: ريناد ف حاجات كتيره انتي مش فاهماها لما احس اني عايز اتكلم هاجي وهقولك لوقتها متساليش ع حاجه
ريناد: طب و مراتك ي إلياس هتعمل معاها اي
إلياس بحيره: مش عارف ي ريناد
ريناد بصتله... هي م جواها غيرانه طلعت ع السرير وقفلت النور و ادته ضهرها.
ريناد: اتفضل روحلها وخد الباب وراك.
إلياس بصلها... وطلع م الاوضه والفيلا كلها تلفونه رن برقم زيدان.
إلياس: ايوا ي زيدان انا نسيت ان معاد التسليم النهارده روح انت انا مش هقدر اجي... مفيش لما اشوفك هقولك سلام.
خلص اليوم ع كده.... وتاني يوم صحي إلياس لاقي داليدا نايمه جنبه وحاضناه هو لما رجع نام ف اوضه لوحده. بعدها عنه وهي صحيت.
داليدا: إلياس انت صحيت ي حبيبي
إإلياس: اي اللي نايمك هنا ي داليدا
داليدا: انا كنت خايفه انام لوحدي جيت نمت هنا
إلياس قام.... م جنبها.
داليدا: إلياس انت واحشني اوي هو انت مكنتش عايزني انام جنبك.
إلياس: داليدا قومي اغسلي وشك انا عايز ودلوقتي تحكيلي كل حاجه
داليدا بارتباك: اانا مش قادره دلوقتي... إلياس قاطعها بحده
إلياس: انا بقول كلمتي مره واحده انا هستناكي تحت ع السفره
إلياس طلع وبص... ع اوضة ريناد مقدرش يمنع نفسه و رحلها... فتح الباب بس اتصدم لما لاقي.....يتابع.
بقلمي Esraa G Eletrby
تكملةالرواية
ردحذف