مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

رواية خادمة الصقر البارت الخامس عشر 15بقلم يوستينا سامي في موسوعة القصص والروايات جميع الفصول كامله وحصريه 

#خادمة_الصقر 

#يوستينا_سامي

15

نغم / ايه يا ابني الخ*ضة دي ..و كانك قفشت حرامية 

كريم / لا اصل انا كنت بدعي اني الاقيكي و دعوتي اتحققت 

خالد مسك كريم من كتفه / نعم يا حمادة و بتدعي ليه بقي خير يا لذيذ 

كريم / ما توعي ايديك يا عم الشب*ح ، انا كنت عايزها في حوار غير اللي في دماغك خالص .. بصي يا نغم انا عايزك تكلمي ياسمين و تقوليلها ان مافيش اي حاجة بيني و بينك علشان عملتلي بلوك من الرقم القديم 

نغم ضحكت جامد / ايه العبط 

.و بعدين بطل هزار انت اتكسف اكلمها طبعا 

كريم / يا ستي دي دقيقة واحدة . البت هتضيع من ايدي بقي يا نغم الله يسترك ..قولها حاجة يا خالد. و حياتي  

خالد فضل يضحك/  كلميها يا نغم.. و بعدين انتي من امتي عندك د*م و بتتكسفي يعني 

نغم / اقنعتني ..كلمها يا كريم.. و هات التليفون 

و فعلا كريم كلم ياسمين وادى على تليفون نغم فتحت الميكروفون 

نغم/  الو معايا الانسه ياسمين معايا 

ياسمين بستغراب/ ايوة انا ، انتي مين ..و عايزة ايه 

نغم / انا نغم تبع كريم 

ياسمين بعصبية/ و ليكي عين تكلميني .. عايزة ايه 

نغم بتمثيل  / ما تظلم*نيش يا ياسمين.. كريم هو اللي ضحك عليا و اس*تغل طيبة قلبي , و عمل عملته

كريم بصد*مة و صوت واطي / يا نهار اسوود ، ايه اللي انتي بتهببيه ده 

خالد بضحك / سيبها و النبي تكمل ..دي تمثيلها زبالة 

و مش مقنع إطلاقا بس مضحكني 

كريم / يا شيخ اتلهي كدة ياسمين هتصدق 

نغم/ انا مكلماكي علشان ارجوكي انك ترجعيله علشان هو مهد*دني انه هيضر*ني انا و ابني

خالد مقدرش يمسك نفسه و فضل يضحك جامد / عظمة علي عظمة يا ست ، ايه الكلام ده بس 

نغم بضحك/ اقنعتك والنبي .  يعني انفع امثل 

كريم اخد منهم الموبيل و هو متعصب /  انتوا عيال اندااال .. الووو. يا ياسمين ، يا نهار اسوود لتكون صدقت كلامك ، الله يخر*ب بيتك يا نغم 

ومشي كريم ونغم فضلت تضحك هي وخالد 

خالد/  تمثيلك زي الز"فت الحقيقي ما عرفتيش تقنعيني اطلاقا وياسمين دي لو اقتنعت تبقى غبيه

نغم / احسن علشان قطع كلامنا مع بعض صحيح انت 

صوتك حلو اوي يا خالد ، بس اشمعنا الاغنية دي اللي غنتها اكيد بتحبها اوي صح 

خالد / لا خالص ، بس يمكن حاسسها الفتره دي 

انا اصلا عمري ما اقتنعت ان في واحدة تقدر انها تغير بني ادم .. مافيش حد بيتغير 

نغم/ احم بصراحة يا خالد كدة ومنغير تكليف انا بخا*ف منك ..لا بخا*ف ايه ده انا بتر*عب 

و مش هقدر اقول رأي

خالد ضحك / لا قولي و اسالي اللي نفسك فيه كله 

و انا هجاوبك و مش هتعص*ب اطلاقا 

نغم/ اممم طيب .. هو انت بتكر*ه جاسر ليه كدة 

بصراحة انا اخذت بالي .. لو مش عايز تجاوب 

والله ما مشكلة انا اصلا مش عايزة اعرف

خالد ضحك و مسك ايديها/ انا قولتلك ما تخفي*ش 

بصي يا ستي .. جاسر ده اكثر بني ادم اذا*ني نفسيا 

هو و عساف علشان كدة عمري ما هسامحهم ابدا

نغم/ لا انت اكيد بتهزر هو عساف عملك ايه اصلا

خالد بدمو*ع /  عساف سمع كلام صقر واتحب*ست بسببه اسبوع كامل في زنز*انه لوحدي بامر من صقر اخوكي 

نغم مسكت ايده بحب / بلاش يا خالد تحكي طلاما مش قادر.. لو سمحت

خالد بص في عينيها / لا هقولك ، انت عارفه اني 

محكيتش الكلام ده لاي حد خالص ، انتي اول واحده  اطلع ضع*في قدامها وخوفي دي ثقه جامدة اوعي تخو*ني ثقه دي في يوم من الايام

.....وبدا خالد يحكي لها نفس الكلام اللي قمر حاكته من اول  يحاول يدخل الاوضه علشان يقت*ل صقر ونغم كانت بتسمعه وكانها اول مره تسمع الكلام ده ..

نغم / وايه اللي حصل بعد ما جاسر ضر*بك على دما*غك واغ*م عليك

خالد حز*ن/ صحيت لقيت نفسي مر*مي في مخزن بتاع الفيلا وما حدش من الحرس يقدر يخرجني 

لحد ما صقر كلم عساف ..

فلاش باك  من وفا*ه والد صقر و خالد  💫

اللي حصل بعد ما خالد اتحط في المخزن

عساف و صقر و جاسر قاعدين في الجنينة .. 🌺

عساف بصد*مه/  معقول خالد يعمل كده وصلت بيه الجرائة انه يحاول يقت*لك ،  ايه ده امال لو ما كانش اخوك وتوامك ده انا لما باشوفك مع بعض بتلخبط بينكم 

صقر / عيل ابن ** و فاشل ، بقولك ايه خالد لازم يتربي علي اللي عمله ، انا بقي هدوقه اللي عمله معايا .. انت هتاخده عندك القس*م و يتحب*س زي المجر*مين و يعرف انا ممكن اعمل في ايه بعد كدة

عساف بعص*بيه / لا طبعا مش هاعمل كده في ايه انت عبيط يا صقر ؟ ده اخوك عايز تح*بسه

جاسر/  لا يا صقر انت كده هتزود الموضوع قوي احنا كلنا عارفين ان خالد نفسيته وح*شه بلاش تعمل كد، ه بلاش توصل لمرحلة الكر*ه  دي بينك وبين اخوك

صقر بعصب*يه /  لا هاوصلها...  اخويا اللي انت بتتكلموا عنه ده وقف قدامي النهارده وعينيه كلها كر*ه  وقالي انا بكرهك وهق*تلك 

انا مستحيل امنه على حياتي ولا على ابني و يكون في علمكم خالد لما دخلتش النهارده الس*جن هاعمل مح*ضر رسمي واحب*سه به .

...وبالفعل عساف وجاسر ما قدروش يقنعوا صقر بغير كده و عساف بشكل غير *رسمي حب*س خالد .

بعد مرور خمس ايام  ...علي السفره 🌸

سماح بتعيط و رافضة تاكل  

قمر / يا مدام سماح ، و حياتي عندك انا كلي اي لقمة 

كدة انتي ممكن تت*عبي علشان خاطري

سماح/ اكل ايه بس يا قمر وانا عارفه ان حفيدي مر*مي ما بين اربع حيطان..و تلاقي ج*عان و تع*بان واخوه اللي عامل فيه كده بدل ما يحضنه ويطبطب عليه ... سايبه في الس*جن حرام عليك يا ابني

قمر بدمو*ع  / عندك حق اللي حصل ده زياده قوي طب بصي انا هاقولك على حاجه انتي لازم تكلمي جده ..العمدة هو اللي هيتصرف مع صقر

و انا برضو هطلع اتكلم معاه 

.....وفعلا سماح ما كانتش قادره تسكت وتسيب خالد في المحنه دي وكلمت الحديدي وحكيتله على كل اللي حصل

يومها وصل حديدي القسم و خرج خالد ..

في القسم.  

حديدي بعصبية / هان عليك اخووك يا صقر ، بتستق*وي عليه اكمنه اضعف منك .. انت ايه خلاص عيارك فلت و مبقاش ليك كبير 

صقر بعيون قا*سية / انا اللي و*حش دلوقتي .. نسيت اللي عمله فيا في المكتب و في الفيلا ، خالد خلاص اتج*نن و كر*ه عمي قلبه و حاول يمو*تني 

كنت عايزني اعمل ايه اطبطب عليه 

حديدي / ياريتك طبطبت عليه .. ياريت يا صقر 

اخوك هيخرج النهاردة ..

و بص لعساف بعصبية / و انت لولا ابوك و معزته عندي كان زماني وديتك في دا*هية 

.....وخرج خالد فعلا من الزنز*انة و دخل المكتب بتاع عساف و كان شكله يو*جع القلب .. الحديدي قرب منه و حضنه / يا حبيبي يا ابني .. قوم يا خالد انا مش عايز اشوفك ضعي*ف كدة يا ولدي 

خالد ببتسامة / انا كويس والله متخفش عليا 

ده حتي عساف كان مهتم بيا اوي .. مش كدة يا صاحبي يا عشره عمري 

خالد بص لصقر بكره/ لو فاكر انك كسبت .. تبقي خسران لان انا عمري ما هنسي اللي حصل ده ولو فات مليون سنة 

الحديدي / يلا يا خالد نمشي من هنااا ..يلا 

و مشي الحديدي و معاه صقر من القسم ..

باااااااااك 💫

خالد ابتسم/ شوفتي اني بينا ثا*ر قديم اوي 

انتي بتع*يطي كدة ليه يا نغم ، انا مش بحب اشوف دمو*عك دي 

نغم بدمو*ع / انت اتظل*مت اوي يا خالد ، بجد صعبا*ن عليااا.   و قلب*ي واجع*ني عليك اوي ، انا بجد اسفة حقك عليااا 

خالد مسك ايديها/ ليه طيب بتعتذري يا بنتي 

نغم بدم*وع وز*عل / علشان ظلم*تك  و بابا كان دايما يقولي ان اصعب حاجة انك تظ*لمي شخص ، و انا شت*متك كتير في ضهرك والله 

خالد ضحك جامد/ بس انا مش زعلا*ن منك خلاص بقي ... 

نغم / علشان معندكش د*م ، لكن انا عندي 

خالد بضحك / يخربيت طول لسانك لا عندي بس كفاية بقي حزن و عياط ..انا عايز اغير جو 

مش كفاية دراعي اللي يواجعني  ده اوي

نغم/ طب هنعمل ايه

خالد / هنحمي الحصنة ايه رايك 

نغم مسحت دموعها / و ماله تجربة جديدة برضو 

طب اصبر ادخل اصحي معاذ و اجيبه يبلبط معانا 

و مشيت نغم و خالد مصدوم / هي قالت يبلبط. لا واضح ان المستويات بعيدة اوي بينا 

:::::::::::::::::::::::::::::::::::::::::::::::::::::::::::::::

في القسم .

أسامة/ خلاص بقي يا عساف متسوقش فيها و سيبها تروح و هي مش عايزة تعمل اي حوار تاني طول عمرها...

عساف / وربنا ما يحصل .. ايه رايك بقي البت دي هتعيش معانا هنا في القسم كدا علطوول 

أسامة ضحك/ خلاص باقولك يا عساف ما تسوقش فيها .. البت شكلها غلبان 

عساف / بقي دي غلبانة دي متشر*دة ..دي نغم بجبر*وتها عمرها ما استفزتني 

اسامة / معلش اي بنت برضوو .. يا شويش روح هات همس من الزنزانة 

و بعد حوالي شعر دقايق دخلت همس المكتب بتاع عساف و هي متعص*بة اوي 

همس/ بقي انا يتعمل فيا كدة .. فاكرني هسكت هااا 

انا خلاص عرفت اسمك و هكتب عنك و هوريك 

عساف/ يا بنتي امشي من قدامي ده انا بصباع رجلي اخر*ملك عينيك . بلاش البجا*حة دي و امشي بقي

همس / حلووو تهد*يد صريح و علني .. اغلط كمان يا باشا انا عارفة القا*نون بكل خباياه 

عساف / هي وصلت لخباياه طيب .. 

و طلع عساف المسد*س / برا يا بت ...براااا 

جريت همس برا المكتب و أسامة قعد و فضل يضحك جامد 

عساف / بتضحك هي بت مجنونة حقيقي ..لا زنانة زن يا ساتر يارب .ربنا يكون في عون اهلها بجد 

اسامة / شكلها بت مستر*جلة اصلا . بقولك ايه انت هتعمل ايه دلوقتي 

عساف  / ولا حاجه هاروح عشان ابويا عمال يرن علي وعايزني في البيت و اغير هدومي .. انت ناسي القض*ية اللي شغالين عليها دي 

..وفعلا عساف مشي وراح البيت علشان يشوف والده و يغير هدومه

______________________________________

قمر قاعدة في أوضتها بتع*يط و اختها مني جمبها 

مني / طب انا عايزة افهم ، ايه سبب العيا*ط علشان اللي اسمه صقر ده مهتم بنغم .. هو انتي يا بت

متخيلة انه ممكن يحبك اصلا

قمر  / لا يا مني . انا واثقة انه عمره ما هيبصلي بس 

غصب عني لسه بفكر فيه .. مني انا كل حاجة في حياتي حلوة كانت بسبب صقر .

هو اللي اخدني من الصعيد من و انا في اعدادي علشان ادخل ثانوي في مصر  و كان بيهتم بياا 

و دخلني جامعة .. هو اللي عمل كل ده 

مني. / ايوة و هو اللي خلاكي مش شايفة راجل غيره 

و متعلقة بيه هو و بس و ناسية ان فرحك علي عزمي خلاص قرب اوي 

قمر / مني حرام عليكي بقي كفاية .. بقولك اخرجي و سيبيني لوحدي  

...و فعلا خرجت مني و قمر فصلت قاعدة بتفتكر 

لما كانت بتشتغل عند صقر الحديدي في الفيلا ..

فلاش بااااااك 💫🤍

...في اوضة صقر الحديدي.. كان قاعد بيشرب سجا*ره و التع*ب باين عليه .. قمر قربت منه و حطت القهوة علي المكتب .

قمر/ صقر بيه ، القهوة اهي 

....صقر كان ملامح الت*عب مالية وشه ، و قمر كانت خا*يفة عليه جدا و قربت و حطت ايدها علي كتفه 

قمر/ انت كويس .. شكلك تعبا*ن اوي 

...صقر مسك ايديها و رفع راسه و دمو*عه كانت باينة و قمر اتفاجات / لا مش كويس.. و حياتي كلها ز*فت في ز*فت .. قمر هو انا و*حش ردي عليا بصراحة

قمر / لا والله .. انت عمرك ما كنت و*حش ابدا 

صدقني ده شيطا*ن دخل ما بينك انت خالد  يا صقر 

صقر قام من علي السرير و قربها منه و حضنها جامد و بدا يع*يط بو*جع/ طب امتي الشيطا*ن ده هيحل عننا .. انا تعب*ت و رحمة امي و ابويا انا تعب*ت 

انا حاسس اني فا*شل و ضغ*يف اوي ، كنت باقوي بيه الغبي.. هو اللي عمل فيا انا و هو كدة

قمر و هي بتحضن صقر / اهدي و حياتي عندك اهدي 

انا مش بحب اشوفك مكسو*ر كدة ..  انت زي باباك كان بيقولك الصخرة اللي قايم عليها كل حاجة 

لو وق*عت كله هينها*ر بعدك

 ...صقر بص لقمر في عيونها و قربها منه و في لحظة عدم وعي منه قرب و باس*ها و قمر اتصد*مت في البداية لكنها سرحت معاه و غلبتهم  مشاعرهم 

قمر حاولت تبعد عنه / صقر .. ابعد عني .. صقر 

صقر بعد عنها و اتصدم من اللي هو عمله و حط ايده علي وشه وقال/ اطلعي برا يا قمر دلوقتي ..

 ....و نزلت قمر من الاوضة و هي مشاعرها متضاربة 

كانت حاسة انه فعلا بيحبها لكن حصلت حاجة جر*حتها اوي و مشيت بعدها من الفيلا 

باااااااك 

قمر / يا ريتني ما حبيتك ولا اتعلقت بيك يا صقر 

_____________________________________________

في الاصطبل ..

معاذ كان فرحان اوي و عمال برش ماية علي الحصنة 

خالد ضحك جامد/ معاذ مبسووط 

معاذ و هو بيلعب بالمية / اه اوي اوي .. خالد هو ايديك مالها متعو*رة ليه 

خالد/ واحد شر*ير اتخا*نق معايا امبارح و اتعو*رت فيها بس خلود حبيبك اسد و مافيش حاجه تقصر فيه

نغم بضحك / انت هتقولي ..معاذ بقولك ايه حمي الحصان بامانة زي كدة بالضبط 

خالد بضحك / انتي يا غش*يمة .. انتي بتعلمي الواد غلط ، و بعدين كدة الحصان هير*فصك . اتعاملي معاه بحنية و براحة ..

نغم / لا والله و انا بقول ليه الحصان تحسه بيهر*ب مني كدة

معاذ / يا نغوم حرام عليكي .. الماية علي عين الحصان  ابعدي عنه الماية 

نغم / طيب ماختش بالي علفكره بقي انا احسن واحدة بتحمي حصنة في الدنيااا 

....خالد و معاذ بصوا لبعض و بدوا يضحكوا جامد ..

و فاجأه دخل عليهم صقر و هو متع*صب جدا ..

صقر بعصبية  / خالددد .. ده انت يومك اسو*د 

استووووب تفتكروا ايه حصل 🤣💪

لن يصلكم البارت الجديد الا بعد عمل متابعه من هنااااااا علشان توصلكم الرواية كامله 

تكملة الروايه من هنااااااا