مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#حورية_الصعيد

#البارت_السابع_عشر

نسرين بغل:بسيطه هقتلها

الام:اي ....اي الكلام دا على اخر الزمن هتكوني مجرمه علشان ترضى نفسك المريضه...

نسرين:أنا لازم اخد حقى واعرفها ازاي تاخد حاجه مش بتاعتها...

الام:هى ملهاش ذنب ادم اللي حبها واتحوزها انتى لى متشوفيش حياتك واكيد هتلاقى اللي يحبك ...

نسرين:انتى متعرفيش عملت فيا اي دي ضربتنى كذا مره قدام الناس وانا لازم اخد حقى ...

الام:أنا نصحتك يا بنتى واعملى اللي انتى عوزاه بس مترجعيش تندمى وساعتها مش هتلاقى حد معاكى ...

وقامت وسابتها....

نسرين ابتسمت بخبث...

_لما نشوف يا حور هتروحى منى فين...

بعد يومين..

في قصر ادم ...

ادم اتصل بعمار وبلغه بالموافقه وان حور هى اللي عرفت تقنع أمه ...وبلغه أنه يجي يتقدم رسمى علشان يحددوا كل حاجه من شبكه وكتب كتاب وغيره ....

حور قربت منه بابتسامه:كل حاجه حصلت بسرعه اووي احنا اتجوزنا بسرعه وعمار اهو يعنى لو احنا كنا مدبرين الصدف دي مش هيحصل كدا ...

ادم مسك ايديها وقربها منه:دا علشان احنا محظوظين بس 

حور:انت عرفت تخليني احبك بالسرعه دي ازاي أنا لحد دلوقتي مش مستوعبه اللي حصل...

ادم قرب منها بخبث:تحبى اثبتلك...

حور بعدت عنه بسرعه:لا أنا هنزل. احضر الاكل علشان عمار هيوصل بليل ...يلا قوم روح شغلك...وسابته ونزلت وهوا قعد يضحك عليها...

حور نزلت و كانت مبسوطه جدا ووقفت في المطبخ تعمل مكرونه بيشاميل واكل كتير علشان عمار جاي ...

كانت موقفه معاها مى علشان تعلمها الاكل وتقولها عمار بيحب اي ومش بيحب اي...

حور:فهمتي بنحط اي الاول ..

مى:ايوا فهمت يا حور...

حور:أنا مبسوطه اووي أن الواد عمار خلاص هيتجوز امك دعيالك يا بت يا مى الواد عمار دا طيبه وحنيه مقولكيش بس لما بيزهق ،حسست على قفاها بتوتر بيبقى مفيش احن منه مقولكيش..

مى ضحكت وحسست على قفاها برضو..

_ادم وزين برضو فيهم حنيه مقولكيش...

وبعدين ضحكوا وهم بيفتكروا الاقلام اللي بياخدوها من إخواتهم....

عايده دخلت بشموخ وهى بتقول:انتو بتعملوا اي...

حور وهى بتشاور على الاكل :بنعمل محشي ومكرونه بيشاميل وفراخ وبط و...

عايده قاطعتها:اي دا كلو الكلام دا مش هيحصل دا مش اكل صحى.. لا يمكن اسمحلك تعملى الاكل دا...

حور:وانا بقول البت مسحوله لي اتاريه من الاكل الصحى...

عايده بصت لمى:انتى هتاكلى من الاكل دا

مى:وفيها اي يا مامى وكمان عمار بيحب الاكل دا

حور بتسقيف:اللهم صلى على النبي..البت حبت اخويا خلاص وقربت من مى وحضنتها:الف مبروك يا حبيبتي...

مى كانت بتضحك وعايده بصالهم بغيظ..

حور طلعت المكرونه من الفرن وقربت من عايده:اي رايك يا حماتى مرات ابنك شاطره برضو...

عايده بصتلها بغيظ وخرجت...

مى:متزعليش يا حور هى ماما كدا بتحب النظام الصحى والكلام دا انا عارفه انها هتحبك زي ما كلنا حبيناكى...

حور: عادي عادي متقلقيش أنا هعرف اخليها تحبنى وكمان هخليها تاكل من الاكل دا ...

مى :ازاي

حور بغمزه:ملكيش دعوة انتى دي لعبتى...

عند ادم ...

دخل الشركه بعد غياب وكمان الكل كان بيبصله بعد ما عرفوا أنه اتجوز بنت من الصعيد ...

ادم دخل وقعد على مكتبه...

ومفيش خمس دقايق وكان داخل عليه صاحبه وابن خاله في نفس الوقت احمد...

احمد :الكلام اللى أنا سمعته دا صح ولا اشاعه..

ادم باستغراب:هوا اي

_انت اتجوزت وكمان من الصعيد..

ادم رجع لورا ببرود:امممم اتجوزت وكمان من الصعيد عندك مانع ...

احمد:لا ابدا الف مبروك يا صاحبي ...

أنا بس اتفاجئت علشان انت قبل ما تروح الصعيد كنت رافض الجواز وفجأه تتجوز حاجه تحير وكمان نسرين كانت قايله لكل الناس انك خاطبها...

ادم ابتسم:عادي بتحصل في احسن العائلات...

المهم انت معزوم عندنا النهارده وهات معاك تقى علشان قراية فاتحة مى النهارده...

احمد:كمان دانا اخر من يعلم بقى ومين سعيد الحظ..

ادم:عمار اخو مراتى

احمد بضحك:من الصعيد برضو...

ادم:اه...

_اي دا هم كانوا واخدينكوا مقاوله ولا اي مفيش عندها اخت لزين ويبقى زيتكوا في دقيقكوا...

ادم:لا وبطل رغى وروح شوف شغلك..

احمد:أنا مش عارف وافقت بيك على اي دانت حتى بارد ...

وسابه وخرج.....

عند فاطمه..

كانت قاعده في الشقه اللي جابها فيها زين بملل..

وفجاه سمعت جرس الباب لبست حجابها وخرجت تشوف مين...

_مين بيخبط..

سمعت صوت زين بيقول

_انا يا فاطمه..

فاطمه فتحت وكان زين معاه اكياس كتير...

فاطمه بعدت بسرعه ودخل حط الحاجه على الترابيزه...

فاطمه:اي الحاجات دي كلها...

زين: حاجات كانت ناقصه في الشقه ...

وبعدين طلع شنطه من وسط الشنط..

_خدي دي ليكي...

فاطمه فتحتها لقته دريس جميل جدا ومعاه حجاب والجزمه...

_احم هوا دا ليا

زين بضحك:امال ليا ..

فاطمه وهى بتدهاله:بس انا مش هقبلها..

زين:لي بس اعتبريه من اول قبض ليكي وجهزي نفسك من بكرا هنبدا بروفات بس ادخلى البسيه دلوقتي علشان هتيجي معايا القصر ..

فاطمه:لي..

_علشان قراية فاتحة عمار ومى النهارده والكل جاي وبما انك بقيتي صاحبة مى وكمان صاحبه حور يبقى لازم تكونى موجوده انا هنزل استناكى تحت ياريت متتأخريش يلا بسرعه...

وسابها ونزل وهى ابتسمت جدا ومسكت الدريس بفرحه ودخلت تجهز نفسها...

خلصت ونزلت وكان زين واقف مستنيها...

ابتسم :هى الصعيد فيها جمال كدا...

فاطمه اتكسفت:امال اي بس احنا اللي مش مسهوكين بس على طبيعتنا والطبيعه احلى..

زين:اكيد وانا شايف اجمل طبيعه قدامى 

فاطمه اتكسفت

زين هرش في راسه وبعدين اتكلم باحراج:يلا تعالى اركبى...

في المساء كان الكل متجمع وعمار وصل وكان شاكر وأحمد وتقى وفاطمه جت مع زين ....

عمار اتكلم:أنا يزيدنى شرف يا آدم انى اطلب ايد الانسه مى 

ادم:طبعا موافق يا عمار مش هلاقى لاختى حد زيك...

عايده بتكبر:وانت بقى معاك شهادات اي ...

عمار بصلها بابتسامه:الراجل فينا مش بشهادته يا ست هانم أنا الحمد لله خاتم القران ومش بسيب فرض وكنت جايب مجموع حلو في الثانويه وكنت هدخل دراسات وعلوم اسلاميه بس اهلى توفوا وكان لازم اشتغل علشان اربي اختى والحمد لله ربتها احسن تربيه وكانت حورية الصعيد كلها لحد ما اتجوزت ادم بيه ...

عايده اتكسفت وسكتت وحور ابتسمت بحب لاخوها ومى اعجبت بشخصيته اكتر والكل فرح جدا أن مى هتتجوز راجل على دين وخلق زي عمار...

ادم ابتسم وقال نقرأ الفاتحه يا عمار...

حور حست بصداع وغثيان ودوار بس تجاهلت الموضوع...

وزغرطت هى وفاطمه اللي كانت واقفه بكامل جمالها وعيون زين اللي منزلتش من عليها...

حور بسعاده:يلا يا جماعه الاكل جاهز ...

الكل قام وقعدوا حوالين السفره ...

تقى مرات احمد بصت للاكل وبعدين بصت لحور:انتى اللي عامله الاكل دا..

حور بفخر:ايوا أنا وبصت لمى..ومي ساعدتنى ..وبعدين غمزت لعمار اللي ابتسم لمى..

تقى:اممممم جميل جدا نفسك حلو في الاكل أنا نفسي اتعلم اعمل المكرونه صح كدا

حور:ابقى تعالى وانا أعلمك وبصت لعايده:مش كدا يا حماتى...

عايده كانت حاطه السلطه قدامها وبتاكل منها وعينيها على المحشي والبيشاميل اللي بقالها سنين مكالتهمش وريحتهم خلتها تبصلهم بشهيه لكن كبريائها منعها انها تمد ايديها.وتاكل...

حور لاحظت دا وقامت من مكانها...

وقربت من عايده وحطت قدامها طبق فيه حته مكرونه..

وابتسمت:مش دي اللي هتبوظ الدايت وهمستلها:متقلقيش هتفضلي مزه وحلوة ...

عايده ابتسمت غصب عنها وخدت منها الطبق وادم بص لحور بفخر والكل بص لعايده باستغراب أنها بتاكل من الاكل دا لكن ابتسموا على حور اللى باين انها خدت محبة عايده اللي محدش بيقدر ياخدها...

حور حست انها عوزا تجيب اللي في بطنها قامت بسرعه وجريت على الحمام وادم قام وراها...

_مالك يا حبيبتي..

حور غسلت وشها:مفيش شكلها نسمة برد بس ادخل انت يا حبيبي كمل أكلك..

ادم:لا مش هسيبك انتى مش شايفه وشك عامل اى 

حور:صدقنى أنا كويسه..هعمل حاجه دافيه وهاجى وراك..

ادم:ماشي بس بسرعه..

حور بابتسامه:حاضر..

دخلت المطبخ وبدأت تعمل حاجه دافيه...

كانت واقفه ومديه ضهرها للباب...

وفجأه لفت لما حست أن في حد وراها...

صوتت بأعلى صوتها لما شافته شخص لابس قناع اسود ولبسه اسود...

الراجل ضربها بالسكينة في بطنها وجري قبل ما حد ييجى...

و..

ادم دخل بسرعه:حوررررررررر..

تكملة الروايه من هنااااااا 

#يارا_عبد_السلام