 |
رواية غرام الاكابر الجزء الثالث البارت السابع عشر 17بقلم منال عباس في موسوعة القصص والروايات جميع الفصول كامله وحصريه
غرام_الاكابر بقلم منال_عباس
الجزء الثالث _ سكريبت 17
بعد أن شرحت غرام حاله شروق بالكامل ..تحضر رغد وعائلتها ..تسلم عليهم غرام وتستأذنهم لاستئناف عملها ...
يدخل الجميع لزيارة شروق
رغد بحب : الف سلامه عليكى يا مدام شروق اجر وعافيه ...
تتعامل الأسرة كامله بود مع شروق ويحيي وسامر
شروق : بجد انا سعيده بعائله محترمه زيكم ..انتم بجد ونعم النسب ..
تحاول رغد طمئنت شروق ....
يخرج سامر ونورى ونورين ليجدوا ادهم هو الآخر موجود
ادهم : سامر طمنى اخبار طنط ايه
يقص سامر له كل ما يعلمه عن حاله والدته
ينزلوا الاربعه ليجلسوا بالكافيتريا..
يحيي : تحبوا تشربوا ايه دكتور يوسف ودكتور رغد
يوسف : احنا مش اغراب ..المهم نطمن على مدام شروق ..
يجلسون الاربعه يوسف ويحيي ورغد وشروق يتبادلون الأحاديث
وبعد وقت قصير يستأذن يوسف للمغادرة حتى يتركوا شروق تستريح ..
تتصل رغد على بناتها
ويعلموا أن ادهم معهم فيتركونهم لأستئذان ادهم بأنه سيقوم بايصالهم ...
عند عاصم
يبدأ عاصم بالبحث في النت عن محاولات الخطف فى الشهور السابقه فهو يريد .معرفه أى دليل يوصله إلى تلك الخليه المجهوله ...
يدخل لؤى عليه بمكتبه
لؤى : عاصم فى صفقه عمل جديده بينا وبين دوله الكويت ...حابب تشوفها ..
عاصم : لؤى انا دماغى مش فيا ..راجع انت كل البنود واكتبلى تقرير ...
لؤى : تمام اللى تشوفه ...
عند رامز
هند : رامز انا زهقت من قاعده البيت وعايزة اشتغل
رامز : تشتغلى !!! وفى ظروفك دى
هند : ايوا ..انا طول الوقت قاعده لوحدى ..وزهقت من قاعده البيت
رامز : طب والنونو دا مش واجب عليكى تهتمى بيه
هند : مش لما يبقي يجى ابقي اهتم
رامز : حبيبتى .. اهتمامك بيه من دلوقتى ..بانك ترتاحى وتتغذى كويس ...وانا اوعدك هرجع من الشغل بدرى عن كدا علشان ما تبقيش لوحدك
هند : طيب ..خودنى معاك النهارده الشغل بليييز
رامز بابتسامه : طب البسي بسرعه
هند بفرحه : دقائق واكون جاهزة ..
نسيبهم بقي ربنا يسعدهم الجواز عن حب بجد ما أروعه .....
عند هنا
تترك هنا بيسان مع حسناء وتذهب إلى الحضانه
فهى تمتلك حضانه هى وأحمد باسمهم
تصل هى وأحمد إلى الحضانه ..
احمد : بسم الله ما شاء الله ..مش ملاحظه ان الاعداد بتزيد فى الحضانه الفترة دى
هنا : فعلا ..تصور سمعت أولياء الأمور بيتكلموا مع بعض وبيقولوا أنهم بقوا يخافوا يتركوا أولادهم فى البيت لوحدهم بسبب كثرة عمليه الخطف ..
احمد : يا ساتر .خطف ايه ..انتى كدا هتقلقينى على بيسان
هنا : ربنا يحفظها ...انا مطمنه أن ماما حسناء معاها
ربنا يبارك فى صحتها ...
احمد : يااارب ...بس كدا موضوع الخطف دا لفت انتباهى لحاجه
هنا : خير
احمد : احنا لازم نزود الأمن هنا ..علشان الاولاد ..
هنا : يكون احسن فعلا ...
احمد : هكلم عاصم هو اكيد يعرف شركات خاصه للأمن يشرح لينا حد
هنا : تمام وانا همر على الفصول على ما تكلمه
يتصل احمد ب عاصم
احمد : الو
عاصم : اهلا ...ازيك يا احمد والمدام وبيسان وطنط حسناء
احمد : كلنا بخير الحمد لله ..بس زعلنا انك ما جيتش مع غرام
عاصم :معلش كان عندى شغل ..مرة تانيه أن شاء الله
احمد : تنوروا فى اى وقت ..كنت عايز اسألك عن مكتب او شركه توظيف للأمن
وبدأ يقص عليه ..ما عرفه عن خطف الاطفال ..
عاصم باهتمام : اه طبعا اكتب الرقم دا ..... وانا هوصيهم عليك ..
شكره احمد واغلق الهاتف
عاصم بتفكير : كدا الموضوع كبير وبدأ فعلا ينتشر
ولازم نوصل لأى خيط فى أقرب وقت ...
عند يحيي
بعد مغادرة يوسف وشروق
شروق : يحيي
يحيى : حبيبتى معاكى
شروق : الناس دوول طيبين يا يحيي ..بلاش تأذيهم ..علشان ترضي البيج بوص ...
احنا عمرنا ما أذينا حد ...وكل ما هتنفذ كلامه طلباته مش هتخلص ...
يحيي : والله انتى عندك حق ...الغلطه اللى عملتها من سنين ..مش عارف أكفر ذنبها لحد دلوقتي ..وهما حاطين الحبل على رقبتى ..وكل شويه يهددونى...
شروق : انا عارفه انك مظلوم ..بلاش تتحول ل ظالم انت كمان ..علشان خاطر ربنا وخاطرى
انا عارفه انى تعبانه ويا عالم هخف ولا لأ
علشان حتى ربنا يقف جنبنا ..
فكر يا يحيي وما تستسلمش للغلط
يحيي : ربنا يقدم اللى فيه الخير ...وكلامك دا بيفوقنى ..احنا مش كدا ..وعمرنا ما هنكون كدا
سامر بيحب خطيبته ..وهى بتحبه ولازم نضحى علشانهم ...
شروق : ربنا يصلح الحال
يحيي : يارب
عند شمس
تتصل شمس على زوجها باسم
باسم : ايوا حبيبتى ...وصلتى عند دكتور رغد فى المستشفى
شمس : ايوا حبيبي ورغد كشفت عليا وسمعت نبض قلب النونو كمان
باسم : الله يا بختك ...
شمس : وفى خبر حلو كمان
باسم : قولى بسرعه فرحينى
شمس : عرفت نوع الجنين ياسين هيبقي ليه اخت
باسم : بسم الله ما شاء الله ..تنور الدنيا .وتكون زى القمر زى مامتها
شمس : تسلملى حبيبي
باسم : تحبي اجى اخدك علشان ما تسوقيش السيارة ..
شمس : لا اطمن حبيبي معايا بابا ومعايا السواق
باسم : تمام حبيبتى ..سلمى على اونكل مراد على ما ارجع من الشغل
شمس : يوصل حبيبي وأغلقت الهاتف
عند ادهم وسامر
سامر : انا قلقان اوووى على ماما والعمليه دى
نورى : هى هتعمل العمليه امتى
سامر : مش عارف ..دكتور غرام هى اللى هتبلغنا
ادهم : احنا فيها تعالوا نطلع لماما ونسألها على كل حاجه
صعد الاربعه إلى حجرة المكتب ل غرام
طرق ادهم الباب
ودخلوا الاربعه
غرام اتفضلوا حبايبي ..تشربوا ايه
ادهم : احنا كنا فى الكافيتريا ولسه شاربين
غرام : بالف هنا
سامر : دكتور غرام ..كنت عايز اعرف وضع ماما ايه والعمليه امتى ونسبه النجاح .ومين اللي هيعمل ليها العمليه ..
غرام بحنان الام : طب ممكن تقعدوا وانا هشرح ليك كل حاجه
قامت غرام بتوضيح حاله شروق
وبالنسبه للعمليه فالعمليه هتكون بكرة الصبح
وانا اللى هعملها
سامر : بكرة !! دا محدش كان يعرف
غرام : احنا محتاجين مدام شروق تكون هاديه ...
وكانت هتعرف قبلها بوقت قصير علشان ما تتوترش
سامر : اشكرك يا دكتور غرام..احنا تاعبينك
غرام : الشكر لله .ثم احنا اهل ..وان شاء الله مدام شروق تقوم بالسلامه
ونظرت إليهم علشان نفرح بيكم انتم الاربعه كدا فى يوم واحد ..
ادهم : يااارب
غرام بضحك : مستعجل اوووى انت
ادهم : مستعجل اااوى اوووى
ليضحك الجميع وغادروا جميعا ...
يمر الوقت ليأتى وقت النوم
عاصم : مالك يا غرام فى حاجه قلقتك
غرام : بكرة فى عمليه جراحيه كبيره لشروق
عاصم : انتى ادها يا حبيبتي ..خليى ثقتك ديما فى الله
غرام : ونعم بالله
عاصم : تعالى فى حضنى علشان تعرفي تنامى
تبتسم له غرام وتذهب لحضن الامان الذى تعودت عليه لتروح فى نوم عميق
فى صباح يوم جديد
حيث يجتمع الجميع فى المستشفي
تدخل شروق حجرة العمليات
يقف كل من أسرة رغد واسره غرام مع أسرة شروق بالخارج يدعون لها
وفجأة تخرج الممرضه .......يتبع
غرام_الاكابر
بقلم منال_عباس
التفاعل ضعيف جدا جدا ضع 10 تعليقات دعم
تم
ردحذفجميل جدا تسلم ايدك
ردحذف