 |
️🦋البارت الثامن عشر ️🦋18_19
الجزء الأول
تميم وفرح وعمار وريا رجعوا البيت وهما بيضحكوا بس كلهم وقفوا مصدومين اول ما شافوا عاصم واقع على الارض
تميم وعمار جريوا عليه بخوف :
- بااابا رد عليااا عمار اطلب الدكتور بسرعة
عمار طلع فونه وطلب الدكتور ورجع سند عاصم هو وتميم وطلعوه اوضتهُ
بعد وقت الدكتور وصل وفحصه
تميم بخوف ظاهر: طمنى يا دكتور هو كويس؟
الدكتور ابتسم : متقلقش يابنى هو بس ضغطهُ نزل وده اكيد بسبب الضغط إللى كان عليه انا كتبتلهُ على شوية ادوية ياخدهم فى معادهم وكمان اهتموا بألاكل بتاعه شويه
عمار هز رأسه بتفهم واخد الدكتور وطلع
تميم قرب وقعد جنب عاصم وباس جبينه وسابهم وطلع وهو مضايق
ريا بحزن: فرح روحى وراه شكلهُ مضايق اووى
فرح هزت رأسها وطلعت وراء تميم
عمار دخل وقعد جنب عاصم وباين على ملامحه الحزن، ريا قربت وحطت ايدها على كتفه:
- متقلقش هيبقى كويس
عمار بصلها وابتسم: انشالله، روحى أنتِ ارتاحى دلوقتى وانا هنام هنااا
ابتسمت وسأبته وطلعت
_____________________
فرح دخلت الاوضة لقت تميم قاعد على السرير وحاطط وشه بين ايديه
قربت وحطت ايدها على كتفه: متقلقش هيبقااا كويس هو اكيد تعب من ترتيبات الفرح النهارده
ابتسم وشدها قعدها على رجله :
كل ما اقول انها بدأت تتظبط تدمر اكتر واكتر
هو أنتِ فاكرة انهُ بابا مش فارق معاه موضوع ماما ؟
ابتسم بسخريه وتابع: بابا اكتر واحد تعبان يا فرح هو بيلوم نفسه كل يوم بسبب اختياره الغلط
هو اه بيضحك قدام الكل بس ديه مش الحقيقه، الحقيقه انه هو قلبه اتكسر من إللى عملته صفيه هانم صدقينى هو مقصرش فى أى حاجه وأى حاجه كانِت بتطلبها كان بيجبهالها بكل حب هو عطاها الحب والاحترام وهى فى المقابل وجعته وكسرت قلبه حتى احنا كمان اتكسرنا
ابتسمت وضمتهُ لحضنها: صدقنى كل حاجه هتعدى وعموا مع الوقت هيرجع احسن وهيقدر ينساها بس أنتَ متزعلشِ نفسك علشان مبحبش اشوفك زعلان.
بعد عن حضنها وضحك: فرح أنتِ بقيتى رومانسيه، وديه حاجه مطمنش بس خلى فى علمكِ انى هصبُر عليكِ السنه ديه وبس مينفعش العيال يتجوزوا ويعيشوا حياتهم وانا اقف اتفرج عليهم
ضحكت: بمناسبه العيال ما تكلمهم كده تطمن عليهم
ضحك بشدة: أنتِ مجنونه اكلِمُهم ازاى دلوقتى اكيد لا
قامت وفضلت تضحك: منا هقولك اصلهُ رهف وتولين عملوا اتفاق امبارح
- اتفااااق!!
اخدت نفس وقعدت جنبه وحكتله إللى حصل واتفاقهم مع بعض
تميم فصل متنح لثوانى ورجع يضحك: أنتِ بتتكلمِ بجد؟ يعنى هما دلوقتى كل واحد بعيد عن مراته
فرح هزت رأسها وهى بتضحك
اتنهد: لا مظنش لعلمكِ غسان ومالك مش اغبياء للدرجة ديه اكيد كشفوهم بسهولة المهم قومى غيرى هدومك وتعال علشان ننام لانه من بكره لازم تبدأى مذاكره
- حاضر
فرح اخدت هدوم ودخلت تغير هدومها وتميم غير هدومه وقعد على السرير ومسك الموبيل بتاعه
فرح طلعت وقربت نامت فى حضنه بهدوء.
تميم ابتسم وساب الموبيل وضمها لحضنه وهو بيفكر فى حياتهم الجاية هتكون عاملة ازاى ودقايق وراحوا الاتنين فى النوم وبالرغم من كل حاجه الا انه تميم كان كل تفكيره فى حياتهم الجاية وبيتمنى انها تكون حياتهم سعيدة ومليانه بالحب وخالية من المشاكل.
_________________
"ومن هنااا عزيزى القارئ هنعمل قفزة بالزمن لمدة سنه....
وبعد مرور سنه على ابطالنا مع بعض وزواج مالك وتولين وغسان ورهف
وخلال السنه ديه......
كانت العلاقة متوترة شويه بين مالك وتولين بسبب الخلفة
وغسان ورهف منتظرين البيبى إللى هينور حياتهم بعد 6 شهور
اما بطلتنا الجميلة فرح فا خلصت السنه بتاعتها بمساعدة تميم ووقوفه جنبها وقدرت تجيب مجموع عالى وتلتحق بكلية الطب وبقت بتعشق تميم مش بس بتحبه وكذلك تميم.
اما بطلنا الجميل والمرح إللى فى الرواية عمار فا قدر يخطف قلب المجنونه تقى ويخليها تحبه
ومن هنااا انتظروا الجزء التانى من البارت هينزلكم بعد شويه علشان نعرف حياة ابطالنا بقت ازاى بعد السنة إللى مّرِت عليهم
نهاية الجزء الأول من البارت الثامن عشر
️🦋تكملة البارت الثامن عشر️🦋
- تمييييييم
تميم قام مفزوع وبصلها بغيظ:
- فى ايييه هو حضرتكِ لو مّقومتنيش على صوت صُراخكِ هتحصلكِ حاجه يعنى
ضحكِت ومِسكتهَ من خدوده: زوجى حبيبى أنتً المفروض خلاص اتعودت وبعدين أنتَ نسيت انه النهاردة اول يوم جامعة ولازم حضرتك تقوم توصلنى
ابتسم وشدها لحضنه: هقوم بس بشرط
-اوك موافقه على اى شرط بس قوم بقااا هتاخر
بصلها بخبث وحط ايده على خده : هدية كل يوم ولا نسيتى
ضحكت وقامت طبعت قلبة على خدهُ: اهوو قوم بقااا
ضحك: ماشى يا ستى انزلى استنينى تحت وانا هغير هدومى وهنزل وراكِ
سقفت بحماس: اوووك متتاخرش
اخدت شنطتها ونزلت وهو بصلها وابتسم، مرت سنه وهما مع بعض وقف معاها فى اصعب اوقات حياتها عدوا مواقف كتيرر صعبه وقضوا أيام جميله مع بعض ولسه مكملين.
________________
- يا بنتى حرام عليكِ خلصتى كُل الأكل اللى كان فى التلاجة وبرضوا جعانه يعنى قوليلى اعمل معاكِ ايييه
ضحكِت وبصتله: صدقنى مش ذنبى ابنك بياااكل كتيررر يا غسان انا ماالى طيب
غسان بضحك: طيب انا هدخل انام شوية ايااكِ تفكرى تقربى من الاوضة يا رهف
رهف بضحك: روح وخليكَ واثق فياا مش هقرب من أوضتك
غسان بغيظ: اهو بعد الكلمتين دول اتاكدت انكِ مش هتسبينى انام
رهف بتمثيل الحزن : ولله أنتَ ظلمنى انا اصلا قمر وهاديه اووى
غسان قرب ونام على رجلها : أنتِ هتقوليلى
- بصى خليك بتسمعى الفيلم بِتاعكِ وسبينى انام شويه ابوس ايدكِ بقالى شهر ما بنامش كويس بسببكِ
ضحكِت وحطت ايدها على شعره: خلاص يا حبيبى نام وانا مش هعمل صوت بس بشرط اول ما تقوم تجبلى علبت بيتزا كبيرة
غسان بضحك: أنتِ عاوزه تخلينى على الحديده انا عارف
رهف بغيظ : طيب نام يا غسان مش عاوزه منك حاجه
غسان غمض عيونه واردف ببرود: ياريت ولله نفسكِ تتسد عن الأكل بدل ما أنتِ بقيتى زى الدبدوبة التخينة كده ومفيش لبس داخل فيكِ
قال كده وقام جرى على الاوضة وهو بيضحك
رهف بغضب: بقااا انا زى الدبدوبة يا غسااان طيييب اما وريتك مبقاش رهف غساااان
___________________
فرح بمرح : صباح الخير يا بااابا
عاصم بحب: صباح النور يا حبيبتى، رايحه الجامعه النهاردة ؟
فرح بابتسامة: اه تميم هيوصلنى
عمار نزل وشد فرح من شعرها:
- عاااااااا
عمار بمرح: هلا دكتورتنا اخباركِ ايه
فرح بصتله بغضب وضربته على كتفه: مش هتبطل بقااا
عمار بضحك: لا ما خلاص بقااا مشيت رهف بقيتى أنتِ
عاصم بهدوء: طيب بطلوا خناق واقعدوا افطروا لحد ما ييجى تميم
عمار قعد وفرح قعدت جنبه، ومبطلوش خناق وده لانه عمار وفرح خلال السنة إللى مرِت علاقتهم بقت قوية وبقوا اجمل أخوات، وده خلى عمار ميحسش ببعد رهف عن البيت لانه فرح كانت بتعمل نفس حركاتها واكتر كمان
بقوا يتفقوا مع بعض فى بعض الأوقات ويعملوا مقالب فى تميم وبقوا عاملين زى القط والفار فى البيت طول الوقت مقالب فى بعض وخناق على اتفه الأسباب
___________________
مالك دخل اوضته ووقف متنح اول ما شاف ....
نهاية البارت الثامن عشر
🦋البارت التاسع عشر🦋
البارت كامل
مالك دخل الاوضة بتعتهُ و وقف متنح أول ما شاف تولين قاعده في زاوية لوحدها وبتعيط
اتنهد وقرب قعد جنبها: هتفضلى كده كتيرر؟
تولين مسحت دموعها وبصَتلهُ: بس انا نفسى أكون مامى يا مالك
ابتسم وشدها لحضنه: عارف وصدقينى هتكوني أجمل ام بس لازم يبقى عندنا ثقة فى ربنا شوية ولازم يكون إيمانك قوى وثقتك فى ربنا كبيره
طيب بصى هسألك سؤال وتردى بصراحة،
- ماشى
طلعها من حضنه وبصِلها وعلى وشه إبتسامة جميلة: أنتِ لما بتدعى انه ربنا يرزقنا بيبقه عندك ثقه انه ربنا هيستجيب ولا لا
- اه عندى ثقة انه هيستجيب وعندى إيمان قوى انه هيرزقنا
ابتسم ومسح دموعها : بس خلاص يبقى متعيطيش تانى وسيبي الموضوع ده فى ايد ربنا وباذن الله هيتحل بس لازم نصبر شوية ورب الخير مبيجبش غير الخير
ابتسمت : باذن الله
ضحك: طيب يلاه كده ورينى ضحكِتكِ وقومى علشان نفطر وبعدين هاخدكِ ونتفسح أى رأيك؟
ضحكِت: موافقة أنزل وانا هغير هدومى وهاجي وراك
- اوك متتاخريش
ابتسمِت وهزت رأسها بالموافقة
__________________
تميم فطر وأخد فرح علشان يوصلها الجامعة
- وصلنا، عاوزكِ تخلى بالكِ من نفسكِ كويس ولو حصل أى حاجه كلمينى وهكون عندك فوراً
وتابع بتحذير: وإياكِ تكلمى شباب يا فرح انا بحذركِ
ضحكِت: حاضر ولله هعمل كل إللى قولته، انا حفظت كل التعليمات وهنفذها كلها فى أى حاجه تانيه ؟
ابتسم : لا انزلى و كلمينى لما تخلصي
هزت رأسها و فتحت الباب و نزلت وهو اطمن عليها لحد ما دخلت، وكلم حد من جوه يخلى باله منها وطلع على الشركة يكمل شغل
___________________
عمار أخد عربيتة وراح يطمِن على رهف وغسان
نزل وفضل يخبط
غسان فتحله وهو بيضحك: أنتَ بتيجى فى وقتك.
عمار ضحك ودفعه ودخل: ليه عاملين اكل حلو يعنى.
غسان بسخرية: لا يا خويا علشان تشوف جنان اختك أدخل أدخل
عمار اردف بضحك: وإيه الجديد يعنى منا عارف
عمار دخل و وقف متنح لثوانى وهو شايف رهف قاعده وماده رجليها على التربيزه والأكل حوليها وعلب البيتزا مرميه على الارض بشكل فوضوى
- يخرب بيتكِ إيه إللى أنتِ عملاها فى نفسكِ ده
غسان دخل وهو بيضحك: ديه حاجه بسيطة من إللى رهف بتعمله كل يوم
رهف بتنهيده: اهلا بروو نورت، بس متستناش أنى اقوملك، بص لو جعان ادخل اعمل اكل لنفسك انا مش هقوم
عمار بص لغسان بغيظ : أنتَ عملت فى البنت ايه يا غسان
ضحك: قصدكَ هى عملت فيا ايه ياعم اتنيل
عمار بضحك: لا بصراحة ربنا يكون فى عونك
غسان قعد جنب رهف وأخد منها طبق الفشار واردف ببرود:
- متقلقش هما كام شهر وهتبقاا فى نفس المكان اصبر على رزقك
عمار قعد قصاده وهو بيضحك: لا متقلقش تقى لو فكرت بس تعمل كده هتلاقيها منوره عندك
غسان مسك المخده ورماها فى وشه: ياعم بقااا انا ناقص
عمار ضحك وفتح فونه وشاف رسائل كتير لتقى أنها عاوزه تشوفه وبسرعة حس بقلق وأستاذن ومشى علشان يعرف في ايه
_________________
وصل الكافية ودخل لقاها قاعدة سرحانه ابتسم وقرب قعد قصادها
- إيه يا جميل فى ايه قلقتينى
أخدت نفس واردفت بهدوء: عمار انا مسافره
عمار بصلها بصدمة وعدم فهم:
- تسافرى فيين حضرتكِ ؟
اتنهدت : اتعرض عليا منحة علشان أكمل دراسة بره وبصراحه ديه فرصة كويسه اووى ليا وهتفيدنى بعد كده
رجع بضهره لوراء وبصلها ببرود: اممم والفرح بتاعنا إللى بعد شهرين ده ايه وضعهُ معاكِ
بصتله بحزن: مُمكن نأجلهُ سنه كمان وبعدين انا حجزت تذكرة السفر وكُل حاجه جاهزه لو سمحت وافق
ضحك بسخرية: اوافق؟ أنتِ مجهزه كل حاجه وجاية دلوقتى تقوليلى ؟!! ومستنيانى أوافق، أنتِ اكيد بتستهبلى يا تقى
اخدِت نفس عميق واردفت بهدوء: عمار أنتَ متعرفش الموضوع ده يفرق معايا قد ايه وتعبت علشانه اووى مش هينفع بعد ما جتلي الفُرصة لحد عندى أسيبها
- بس عادى بالنسبالك تسبينى
- تقى أنتِ عارفه انا تعبت قد ايه بس علشان نكون مع بعض؟ وكام مره اتقدمتلكِ ورفضتى؟ انا عافرت كتيرر علشان تكونى من نصيبى ودلوقتى جاية تقوليلى انكِ مسافرة بالسهوله ديه! حضرتكِ الفرصة ديه انا عندى استعداد اجبلكِ غيرها وأحسن منها لكن دلوقتى لا، أنتِ علشان تسافرى مش هينفع ترجعى غير بعد سنتين من المنحة ديه لانى كنت في نفس مكانك من كام سنه وعارف انا بقول ايه وعموما يا ستى نتجوز الأول و اوعدكِ هقدملِكِ على منحة احسن منها وهاخدكِ ونسافر تكملى دراستكِ
زفرت بضيق: بس انا مش مستعده اخسر الفرصة ديه يا عمار وبخصوص فرحنا ف احنا ممكن نأجله سنتين مش هيحصل حاجه
ابتسم بسخرية: وانا مش مستعد أكمل مع وحده مستعده تسيبنى فى أى وقت علشان خاطر نفسها يا تقى، ومن كلامكِ واضح اووى انكِ مش حابه تكملى فى العلاقة ديه وافتكرى يا بنت الناس انى مقصرتش معاكِ فى اى حاجه بعد اذنك
خلع دبلته وحطها قدامها وسابها ومشى من غير ما يستنه ردها
ركب عربيته وبدأ يسوق وهو مضايق
___________________
فرح دخلت الجامعة وخلصت اول محاضرة ليها وكانت رأيحه تسأل على مكان الكافيه بس وقفها صوت
- يا قمر، الكٍتاب وقع منكِ
فرح التفت لقت بنت جميلة بتجرى عليها:
- اتفضلى الكتاب ده وقع منك
ابتسمِت واخدته منها: متشكره اووى
البنت ضحكت بمرح: مفيش داعى للشكر احم أنتِ جديده هناا مش كده؟
_ اه لسه أولى
البنت ابتسمت ومدتلها ايدها: اتشرفت بمعرفتكِ يا جميلة، اعرفكِ بنفسى انا شهد كامل فى تانية طب قسم جراحه
فرح ابتسمت وسلمِت عليها : الشرف ليا ومبسوطه انى عرفتكِ
- طيب اى رأيكِ يا جميل نكون اصحاب شكلكِ لسه متعرفيش حد هناا
اردفت بحرج: بصراحة لا وكمان معرفش الإمكان إللى هناا
شهد ابتسمت ومسكت ايدها : طيب تعالى يا ستى نروح نشرب حاجه الاول ونتعرف على بعض أكتر وبعدين هاخدكِ اعرفكِ على كل اماكن الكليه وكمان على صحاب جديدة أى رأيك؟
فرح ضحكت : موافقه طبعنا يلاه بينااا
شهد ابتسمت واخدتها وراحوا الكافية وفضلوا وقت طويل يحكوا مع بعض
__________________
تميم كان قاعد بيشتغل ومركز فى الورق إللى قُدامه بس قاطع تركيزه صوت الموبيل اتنهد وفتح المكالمة وملامح الصدمة ظهرت على وشه والفون وقع من ايده ووو....
نهاية البارت التاسع عشر
وانتظروا البارت القادم
ده البارت كامل يا حلوين❤🎶
#رواية
#طفلة_التميم
#الجزء_الثانى
#بقلمى
#مارينا_عبود
قولولى رأيكم❤💞
تعليقات
إرسال تعليق