 |
Part 21❤❤
#أسد_والمجهوله
قلب بتنهيده . طيب تعالي ننزل واحكيلك
اسد خادها ونزلو في الجنينه الخلفيه
قلب . ها عاوز تسمع اي
اسد قعد علي الارض ونايمها علي رجله . احكيلي عنك
قلب . انا ياسيدي بنوته صغيره مدلعه عشان آخر العنقود زي مبيقولو اختي شيماء الكبيره متجوز صلاح انت عارفه ويامن ده أخويا الوسطاني كانت حياتي جميله جدا كنا عيله صغيره بس مبسوطه مكنش في حاجه تزعلنا مكناش بنشيل هم حاجه
لحد م في يوم الباب خبط جامد بليل واحنا نايمين
Flash back
خديجه "ام قلب" شوف ياياسر مين اللي بيخبط جامد ده ياساتر يارب في اي
ياسر "ابو قلب" . مين اللي هيجلنا الفجر كده
جري بسرعه فتح الباب واتصدم لما لقي احمد اخوه الكبير
احمد . اي مش هدخلنا ولا اي
ياسر . اتفضل ياأحمد تشربو اي
احمد. احنا مش جاين نضايف احنا جاين ناخد بنتك قلب لابني
ياسر . قلب لسه صغيره وبعدين انا مش هجوزها حد من العيله
احمد . بتستعر مننا ولا اي وبعدين انت عاوز بنتك تتجوز واحد مش من العيله زي منت عملت واتجوزت واحده منعرفهاش
ياسر بعصبيه . ميخصكش وجواز مش هجوزها واعلي م في خيلك اركبه
احمد بغضب . خاليك فاكر اني جيتلك وانت اللي صدتني
ذهب احمد وجلس ياسر علي الكرسي بصدمه وحزن
إقتربت منه خديجه . اهدي ياياسراهدي احنا مش مستغنين عنك
ياسر . معقول يبقي الزمن بيعيد نفسه
خديجه . احنا عمرنا مهنرضي بحاجه زي كده وبنتك هتتجوز اللي علي مزجها
ياسر . قدام م احمد عرف مكاني يبقا اكيد قال ل ابويا
خديجه بخضه . متتوقعش الشر ياياسر إتفأل خير تعالي ننام لحسن حد من العيال ياخد باله
End flash back
قلب بتأثر . ساعتها انا كنت عندي 12سنه عيلتنا كانو من الصعيد بس ميعرفوش حاجه عن الرجوله انا اللي اعرفه ان الصعايده جدعان ورجاله بس دول لا
جدي زمان رفض ان
بابا يتجوز ماما عشان ماما كانت من إسكندرية وبابا كان بيشوفها في الكليه حبها وفاتح جدي انه يتجوزها لكن هو رفض جدا بابا كان واعد ماما بالجواز وبالفعل اتجوزو من ورا جدي
عمي احمد كان بيحب ماما اول مشافها مع بابا بقا بيحاول بكل الطرق انه يكرها في بابا
بعد قرف كتير نقلو إسكندرية وعملت فرح هنا واستقرينا هنا لحد الموقف اللي حكيتهولك
تاني يوم الصبح جدي طلب بابا في التليفون بنفسه قال انه بيم،وت وتعب،ان ورسمولو ان هو خلااص بي،موت بابا زي اي ابن اتخض بسرعه وراح لجدي وخد معاه ماما ويامن اخويا
وبالفعل راحو بس جدي مكنش تعبان لا جدي كان بيضغط علي بابا بالميراث يا إما يجوزني ل ابن عمو احمد وبابا طبعا رفض وهما راكبين العربيه ومروحين في حد كان لاعب في فرامل العربيه وو
زادت شهقات قلب أخذها اسد في أحضانه
اسد . حقك عليا ياقلبي حقك عليا
هدأت قلب قليلا
ماما ماتت علطول مستحملتش هي ويامن وبابا بعدها بكام ساعه
اسد وهو ينظر لعينيها بتوجوس اسمو اي ابن عمك ياقلبي
قلب . اسمو جاسر
اسد بصدمه. جاسر
قلب بإستغراب .اه
اسد . انا اسف ياقلبي اني فكرتك
قلب . انا عمري منستهم
اسد بمرح . تعالي امرجحك في مرجيحه كبيره هنا
اخد اسد قلب وراحو يتمرجحو كان الوقت ممتع جدا وقعدو يجرو ورا بعض والاتنين فعلا كانو مبسوطين قعدو يلعبو ويتنطتو لحد الفجر
كان فهد وسحر بيبصو عليهم
سحر . اتغير صح
فهد . اتغير كتير عمري مكنت اتوقع ان هو ممكن يتجوز اصلا او حتي لو اتجوز هيجيب واح،ده مش تمام من اللي كان بيعرفهم
سحر . مش بيفكر بينا زمان
فهد بضحك . ده انتي طلعتي عيني
سحر بدلع. فدايا وبعدين حقي انت مكنتش سهل خالص البنات كلها كانت بتجري وراك كان لازم اطنشك
فهد . خلااص بقا احنا كبرنا
سحر . اتكلم عن نفسك ياحبيبي وبعدين مين ده اللي كبر ده انت شكلك أصغر من طارق مفيش الا الشعر الأبيض بس ده زادك جمال ولسه رياضي زي منت
فهد وهو بيش، يل سحر . لا تعالي بقا
____________________
اسد كان نايم علي الارض في الجنينه وقلب نايمه علي صد،ره
قلب بهمس . اسد انت مبصوت معايا
اسد . انتي عندك شك في حاجه زي كده
قلب . يعني انت بتشوف بنات كتير واحلي مني كمان اشمعني انا
اسد بحب . ممكن نقول لان مفيش واحده قدرت تخطف قلبي زيك وبعدين اللي بيحب مبيقولش اشمعني حبيت ده اللي بيحب
بيحب وهو مش عارف هو حب التاني ليه مش بتدوري علي مبررات لحبك ده للشخص اللي بتحبيه يوم متسألي نفسك السؤال ده اعرفي انك عشقتيه مش بس حبتيه
قلب وهي بترفع رأسها وبتبص لعنيه . بس انا حبيتك لسبب
اسد بضحك . احب اعرف اي هو
قلب . قلبي دق اول مشوفتك علي البحر اول مره يدق لحد كنت بفكر فيك كتير جدا من بعد مشوفتك لحد مجيت الشركه عندكو اتفجأت ان انت الاستاذ اسد
اسد . مش اكتر منك انا كنت هموت واقابلك تاني اسألي طارق انا كنت متدهول خالص
ضحكت قلب . فدايا
وأكملت بجديه . انت نفسك في اي
تنهد اسد . انا نفسي في حجات كتير اوي
قلب . قول
اسد. اول حاجه عاوز نفضل سوا
قلب . لادي متقلقش منها وتاني حاجه
اسد . تاني حاجه عاوز عيال كتير
قلب . ولاد ولا بنات
اسد . عاوز بنات كلهم شبهك كده
قلب بغيره . ياسلام عشان تدلعها وتاخدك مني لا يابابا انا عاوزه ولاد
اسد . محدش يقدر ياخدني منك انا بتا،عك لوحدك
صدع اذان الفجر
قامت قلب من أحضان اسد
قلب. قوم يالاه روح صلي
اسد . ماشي ياقلبي يالاه بينا نروح نتوضي
ذهبو الشباب الي المسجد
انتهت قلب من صلاتها وكانت تنتظر اسد لكن غلبها النوم
#أسد_والمجهوله
تعليقات
إرسال تعليق